Qoz və əncir qurusu həm ləzzətli, həm də qidalandırıcı tərkibi ilə sağlamlıq üçün çox faydalı qidalardır. Foodinfo.az xəbər verir ki, hər iki qida vitaminlər, minerallar və liflə zəngindir və balanslı şəkildə istehlak edildikdə bədənə çoxsaylı müsbət təsirlər göstərir. Omeqa-3 yağ turşuları və E vitamini ilə zəngin olan qoz yaddaşı gücləndirir və beyin funksiyalarını dəstəkləyir. Qoz xolesterini tənzimləyir, ürək-damar xəstəlikləri riskini azaldır. Tərkibindəki antioksidantlar orqanizmi sərbəst radikallardan qoruyur. Əncir isə yüksək lif tərkibi ilə bağırsaq fəaliyyətini yaxşılaşdırır və qəbizliyin qarşısını alır. Əncir qurusu şəkər və təbii enerji qaynağıdır, yorğunluğu azaldır. Həmçinin kalsium, maqnezium və kalium ilə zəngindir, sümükləri gücləndirir. Bu iki qidanı birlikdə istehlak etmək daha çox fayda təmin edir. Onların tərkibindəki vitamin və minerallar bərabər şəkildə bədəni dəstəkləyir. Xüsusilə qoz və əncir qarışığı ilə hazırlanan təbii məcun immuniteti gücləndirmək üçün təsirli vasitədir. Lakin şəkər tərkibi yüksək olduğundan qəbulu məhdudlaşdırılmalıdır, xüsusilə diabet xəstələri ehtiyatlı olmalıdır. Gündə 2-3 qoz və 2-3 əncir qurusu kifayət edir. Balanslı və nəzarətli istehlak sağlamlıq üçün ən doğru yanaşmadır.

Hollivud aktyoru Ben Afflek üzündə təbəssümlə keçmiş arvadı Cennifer Lopezlə görüntülənib.

Foto "Daily Mail"də dərc olunub.

Məlumata görə, bugünlərdə Afflek keçmiş həyat yoldaşları, aktrisalar Cennifer Lopez və Cennifer Qarnerlə görüşüb. Los-Ancelesdə övladlarının təhsil aldığı məktəbdə məşhurları paparassilər yaxalayıblar.

Jurnalistlərin sözlərinə görə, sənətçilər ora varislərinin iştirak etdiyi məktəb tamaşasına baxmaq üçün gəliblər. Cennifer Lopez qızı Emma üçün aldığı gül buketi ilə fotokamera qarşısına keçib. Kadrların birində Ben Afflek müğənninin yanında dayanaraq gülümsəyib. Cennifer Qarnerə gəlincə, o, kənarda dayanıb.

Türkiyəli tanınmış müğənni Ferdi Tayfur yaşadığı Muğlanın Marmaris rayonunda yüksək təzyiqlə xəstəxanaya yerləşdirilib.

Bu barədə informasiyanı "Haber Global" yayıb.

Məlumata görə, Adaköy Məhəlləsi Cənnət Adasındakı evində səhhəti pisləşən Tayfur üçün mənzilə həkimlər briqadası çağırılıb.

Qan təzyiqi yüksək olduğuna görə təcili yardımla rayondakı özəl xəstəxanalardan birinə aparılan sənətçinin hazırda müalicə olunduğu bildirilib.

Qərbi Azərbaycan Xronikası layihəsi çərçivəsində sənətşünaslıq üzrə fəlsəfə doktoru Elçin Əlibəylinin təqdimatında "İrsimiz" rubrikasının növbəti buraxılışı hazırlanıb.

"Çillə günü süfrəyə nar qoyulmasının sirli mənası" adlı buraxılışda filologiya üzrə fəlsəfə doktoru Aytən Cəfərova Qərbi Azərbaycanda, eləcə də Dərələyəz elində qışa hazırlıq, qovurma tədarükü, çillə vaxtı bişirilən yeməklərdən söz açıb.

Bildirilib ki, Dərələyəz mahalının uzun soyuq qışa hazırlıq adətləri, qaydaları fərqli idi. Müxtəlif növ bitkilər qışı sağlam başa vurmaq üçün toplanırdı. Dərələyəz elinin qovurma tədarük ənənələri var idi. Şıppığaşı bu mahalın ən çox hazırlanan yeməyi olub.

Onun sözlərinə görə, Xıdır Nəbi Novruzdan 40 gün qabaq evlərə gəlirdi: "Çillə qarpızı kəsilərdi və onun simvolik mənası var idi. Çillə günü süfrəyə nar qoyulardı. Ərli qızın atası oğlan evinə müxtəlif hədiyyələr göndərərdi".

A.Cəfərova "Ev tökmə" mərasiminin gizli mənası, həmçinin çillə gecəsi qarpız kəsilməsi, qabığı ilə fala baxmaq adəti ilə bağlı maraqlı məqamlara aydınlıq gətirir.

Xatırladaq ki, Qərbi Azərbaycan Xronikası layihəsinin məqsədi tarixi torpaqlarımızın adının yaşadılması, tanıdılması, həmçinin azərbaycanlıların ermənilər tərəfindən deportasiyaya məruz qoyulmasından, həmin ərazilərdə mövcud olmuş, lakin adı silinən toponimlərin, saysız-hesabsız yeraltı və yerüstü maddi mədəniyyət nümunələri - qədim yaşayış məskənləri, nekropollar, kurqanlar, qala, saray və istehkam qalıqları, karvansaralar, körpülər, qəbirüstü sənduqələr, xaçdaşlar, at-qoç heykəlləri, məbəd, kilsə, məscid, pir və ocaqların üzə çıxarılması, həmin ərazinin təmiz oğuz-türk məskənləri olduğunu təsdiq edən faktların dünya ictimaiyyətinə çatdırılmasıdır.

Həmçinin Prezident İlham Əliyevin Qərbi Azərbaycanla bağlı dediyi "XX əsrin əvvəllərinə təsadüf edən xəritə bir daha onu göstərir ki, Qərbi Azərbaycan tarixi Azərbaycan diyarıdır, şəhərlərin, kəndlərin adları Azərbaycan mənşəlidir və biz yaxşı bilirik ki, indiki Ermənistan ərazisində tarix boyu Azərbaycan xalqı yaşayıb. İndi əsas vəzifə ondan ibarətdir ki, dünya ictimaiyyəti də bunu bilsin", - fikrini əsas tutaraq, Qərbi Azərbaycan İcmasının hazırladığı Qayıdış Konsepsiyasından irəli gələn vəzifələrin təbliğidir.

Bundan əlavə, Qərbi Azərbaycanla bağlı tarixçilərin, araşdırmaçıların düşüncələrini, deportasiyaya məruz qalmış şəxslərin həyat hekayəsini işıqlandırmaqdır.

Ətraflı Baku TV-nin süjetində:

Rejissor Qreta Qerviq "Barbie" blokbasteri ilə dünyanı fəth etdikdən sonra məşhur kuklanın rəngarəng dünyasına yenidən qayıtmağa hazırdır.

"The Hollywood Reporter"in verdiyi məlumata görə, Qerviq ilk filmin həmmüəllifi Noa Baumbaxla birlikdə ikinci film üçün ideya hazırlayıb və onu "Warner Bros" studiyasına təqdim edib.

Davamın üzərində işlər hələ erkən mərhələdə olsa da, proses artıq başlayıb. Uğurlu danışıqlar olacağı təqdirdə, yaradıcılar ssenarinin yazılmasına və istehsal qrafikinin razılaşdırılmasına başlayacaqlar. İlk filmin fenomenal uğurunu nəzərə alsaq (2023-cü ilin ən çox gəlir gətirən film olması və Qreta Qerviqi bu qədər gəlirli film çəkən ilk qadın rejissor etməsi), davamdan gözləntilər olduqca yüksəkdir.

Xatırladaq ki, orijinal "Barbie" filmi məşhur kukla, onun sevgilisi Ken və dostlarının macəralarından bəhs edir. Süjet xəttinə görə, "Barbie" ideal "Barbieland" dünyasından qovulur və öz təyinatını və yeni hekayələr tapmaq üçün real insan dünyasına gedir. Film öz yumoru, rəngarəngliyi və özünü təyinetmə haqqında dərin mesajı ilə bütün dünya tamaşaçılarının qəlbini fəth edib.