Qəbələ rayonunda piyadanın ölümü ilə nəticələnən yol-nəqliyyat hadisəsi baş verib.

Teref.az report-a istinadən xəbər verir ki, hadisə Qaraməryəm-İsmayıllı-Şəki avtomobil yolunun rayonun Zarağan kəndi ərazisindən keçən hissəsində qeydə alınıb.

Şəxsiyyəti hələ ki məlum olmayan orta yaşlı şəxs toydan çıxıb yolu keçmək istəyərkən avtomobil onu vurub. Piyada aldığı ağır bədən xəsarətlərindən hadisə yerində keçinib.

Faktla bağlı araşdırma aparılır.

Ermənistanın keçmiş xarici işlər naziri Zöhrab Mnatsakanyan istirahət mərkəzində işə düzəlib.

Bunu ölkənin “Hraparak” qəzeti yazıb.

Nəşrin məlumatına görə, o, “Apaga Resort” istirahət kompleksində menecer vəzifəsində çalışır. Kompleks Ermənistanın Baş naziri Nikol Paşinyanın doğulduğu Enokavane rayonunda yerləşir.

Qəzetin əməkdaşları keçmiş nazirlə əlaqə saxlamaq istəyib, amma o, zənglərə cavab verməyib. Lakin Z.Mnatsakyanın yaxın ətrafı məlumatı təsdiqləyib.

Qeyd edək ki, Z.Mnatsakyan 2018-2020-ci illərdə Ermənistanın xarici işlər naziri vəzifəsində çalışıb. O, İkinci Qarabağ müharibəsindən sonra postundan azad edilib.

Bosfor boğazından keçən quru yük gəmisində mühərrik nasazlığı yaranıb. Bu səbəbdən də boğazda gəmilərin hərəkəti dayandırılıb.

Məlumata görə, 190 metrlik quru yük gəmisi Panama bayrağı altında üzür və Rusiyaya doğru hərəkət edirdi.

İstanbulun Asiya sahillərində yük gəmisinin mühərriki sıradan çıxıb və o boğazda qalıb. Hadisə yerinə yedək gəmiləri göndərilib.

Gəminin boş olduğu bildirilir.

Azərbaycan Ordusunun Təlim və Tədris Mərkəzinin Maliyyə xidmətinin rəisi Rəşad Məlikzadə həbs edilib.

APA xəbər verir ki, Dövlət Təhlükəsizliyi Xidmətində istintaqı davam edən cinayət işi üzrə Rəşad Məlikzadə 9 milyon manata yaxın mənimsəmədə təqsirləndirilir.

Onun barəsində Cinayət Məcəlləsinin 179.4-cü (xüsusilə külli miqdara mənimsəmə) maddəsi ilə ittiham verilib.

Bakı Hərbi Məhkəməsində Rəşad Məlikzadə barəsində həbs qətimkan tədbirinin seçilməsi ilə bağlı istintaq orqanının vəsaitinə baxılıb.

Məhkəmə vəsaiti təmin edib və onun barəsində 4 aylıq həbs qətimkan tədbiri seçilib.

Lənkəranda məişət tullantılarının atıldığı zibil poliqonunda yaranan anti-sanitar vəziyyət əhalini narahat edir.
Sözügedən ərazi Lənkəranın Göyşaban kəndində yerləşir və beş hektar sahəni əhatə edir.
Sakinlərin sözlərinə görə zibil poliqonu hər gün yandırılır: "24 saat bu zibillik yanır, yaşamaq mümkün deyil".
Əhalini narahat edən problemlə bağlı Şəhər İcra Hakimiyyətindən bildirilib ki, rayon ərazisində yeni utilizasiyası zavodu tikiləcək və burada istehsal gücü 10 min kub metr olan məişət və qeyri məişət tuallantılarının utilizasiyası mümkün olacaq.
Daha ətraflı sujetdə:
bələdiyyə.net

Daşınmaz əmlak saytlarında “kirayə ev” adı altında elanlar yerləşdirməklə vətəndaşları kütləvi şəkildə aldadan 1993-cü il təvəllüdlü Bayram Məmmədov polis əməkdaşları tərəfindən saxlanılaraq məsuliyyətə cəlb edilib.

Daxili İşlər Nazirliyindən Yenicag.az-a verilən xəbərdə bildirilir ki, o, ilkin ifadəsində hər gün 3 şəxsə, əsasən tələbələrə qarşı dələduzluq etdiyini etiraf edib.

Araşdırmalar davam etdirilir.

Nazirlik vətəndaşlara müraciət edib.

“Tövsiyə edirik ki, kirayə, yaxud digər daşınmaz əmlakla bağlı elan saytlarında tanımadıqları şəxslərə onlayn ödənişlər etməsinlər”, – deyə məlumatda qeyd edilib.

Rusiyalılar səfərbərlikdən yayınmaq üçün müxtəlif üsullara əl atırlar.

Ukraynada döyüşmək istəyi olmayanlar bu məqsədlə özlərinə xəsarət yetirməkdən belə çəkinmirlər.

Müvafiq görüntülər sosial şəbəkələrdə yayılıb.

Kadrlarda Rusiya vətəndaşının kənar bir şəxsin köməyilə əlavə hərbi xidmətdən yayınmaq üçün qəsdən ayağını sındırması əks olunub.

Həmin görüntüləri sizə təqdim edirik:

Ötən həftə Səhiyyə naziri Teymur Musayev ölkədə koronavirus infeksiyası ilə bağlı vəziyyəti açıqlayarkən yoluxma və ölüm hallarının az olduğunu bildirib. Hətta nazir bəyan edib ki, pandemiyanın sonuna doğru gedirik.

BAKU.WS xəbər verir ki, belə olan təqdirdə Azərbaycanın quru sərhədlərinin hələ də bağlı qalması böyük maraq doğurur.

Nəzərə almaq lazımdır ki, ölkədə koronavirusla bağlı karantin rejimi noyabrın 1-nə kimi uzadılıb. Eyni zamanda sərt karantin rejimində bir çox məhdudiyyətlər aradan qaldırılıb.

Son iki ildə vətəndaşlar ölkəni hava yolu ilə və yüksək qiymətə tərk etmək məcburiyyətində qalırlar. Ekspertlərin fikrincə, quru sərhədlərin bağlı qalması ölkəni sağlamlıq, turizm və iqtisadiyyat baxımından tez-tez tərk edən vətəndaşların daha çox təsir edir.

Ətraflı videomaterialda izləyə bilərsiniz:

“Anım günündə şəhidlərimizi qürur və ehtiramla yad edirik”. “Report” xəbər verir ki, bunu Türkiyənin Azərbaycandakı səfiri Cahid Bağçı tviter hesabında yazıb.

“Qarabağ Azərbaycandır, şəhidlər ölməz, Vətən bölünməz”, - səfir sosial şəbəkə hesabında qeyd edib.

Sentyabrın 26-da Prezident İlham Əliyev 21 dekabr 2021-ci ildə qəbul edilmiş "Media haqqında qanunun tətbiqi haqqında" fərman imzalayıb. Bu sənəddə Media Reyestrinin aparılması qaydaları təsdiq edilib.

Media Reyestrinin aparılması qaydalarına görə, reyestr -Medianın İnkişafı Agentliyi tərəfindən idarə olunan, media subyektlərinə, o cümlədən onların redaksiyalarına, habelə jurnalistlərə dair məlumatları əks etdirən elektron sənədlər və ya sənədlər toplusundan (sənədləşdirilmiş informasiyadan) ibarət informasiya ehtiyatıdır.

Media Reyestri Elektron hökumət sistemi vasitəsilə fəaliyyət göstərəcək. Reyestrin təhlükəsizliyini Dövlət Rabitə və İnformasiyanın təhlükəsizliyi xidməti həyata keçirəcək.

Reyestrdə media subyektləri, redaksiyalar və jurnalistlərin özləri haqqında məlumatlar əksini tapacaq.

Xüsusən, fiziki şəxs olan media subyektinin soyadı, adı, atasının adı, şəxsiyyətini təsdiq edən sənədin nömrəsi və verilmə tarixi, vətəndaşlığı və daimi yaşadığı ölkə, məhkumluğunun olub-olmaması haqqında məlumat, VÖEN-i, loqotipi (emblemi), hüquqi və faktiki ünvanı, əlaqə məlumatları, hüquqi şəxs olan media subyektinin və (və ya) onun redaksiyasının (redaksiyalarının) adı, loqotipi (emblemi), VÖEN-i, hüquqi və faktiki ünvanı, əlaqə məlumatları qeyd ediləcək.

Fiziki şəxs fərdi sahibkar kimi vergi uçotuna alınmış olmadıqda, ali təhsili olmadıqda, ağır və ya xüsusilə ağır cinayətlərə, habelə ictimai mənəviyyat əleyhinə olan cinayətlərə görə əvvəllər məhkum edildikdə, media subyekti ilə əmək müqaviləsi olmadıqda, reyestrə daxil edilməmiş media subyektində işlədikdə, jurnalistika sahəsi üzrə iş stajı 3 ildən az olduqda, jurnalist kimi fəaliyyət göstərdiyi müddətdə peşə etikası qaydalarına riayət etmədikdə reyestrə daxil edilməsindən imtina olunacaq.

Reyestrə daxil edilmiş hüquqi və fiziki şəxslərə şəhadətnamə və jurnalist vəsiqəsi verilir (üç illik).

Turan İnformasiya Agentliyinin direktoru Mehman Əliyev Amerikanın Səsinə deyib ki, reyestrin tətbiqinin məqsədi medanı və jurnalistləri tam nəzarətə götürmək, hakimiyyətin maraqlarına uyğun olmayan insanları jurnalistikadan uzaqlaşdırmaqdır.

"Maraqlıdır ki, hansı səbəbdən reyestr ancaq mediaya tətbiq olunur. Niyə tikinti, tibb, ticarət və ümumiyyətlə digər xidmət sahələrinə reyestr tərbiq edilmir? Həmin sahələrdə insanlar müqavilələrlə işləyirmi? Elə isə bütün peşə sahələrinə reyestr tətbiq etsinlər, biz də başa düşək ki, onların bir hissəsiyik. Burada xüsusi bir məqsəd var, məhdudlaşdırmaq. Azərbaycan hakimiyyəti indiyədək media cəmiyyətinin inkişaf konsepsiyasını təqdim etməyib. Yəni, hakimiyyət Kütləvi İnformasiya Vasitləsinin inkişafını necə görməsi barədə sənəd təqdim etməyib. İndiyədək Kütləvi İnformasiya Vasitələrinə qarşı siyasətdə ancaq məhdudlaşdırmaq, sıradan çıxarmaq, təzyiq etmək, mənzillərlə, qrantlarla, pullarala ələ almaq siyasətini görürük" , o qeyd edib.

Yeni Nəsil Jurnalistlər Birliynin rəhbəri Arif Əliyev hesab edir ki, "Media haqqında" qanunun tətbiqi çətinliklərlə müşahidə edilir.

"Reyestrə alınma ilə bağlı işlər başlayanda biz qanunun əsas çətinliklərini hiss edəcəyik. Qanunun digər çətinliyi ondan ibarətdfir ki, yozum üçün çoxlu imkanlar verir və ölkədəki siyasi vəziyyətə uyğun olaraq sərt və liberal formada tətbiqi siyasi iradən asılı olacaq" , ekspert Amerikanın Səsinə bildirib.