 |
|
|
Saatlı rayonunda Qarabağ qazisi olan, iki ayağı amputasiya olunmuş şəxs idarə etdiyi “Mitsubishi” markalı avtomobillə qəza törədərək, yol boyu bir neçə şəxsin maşınına ciddi zərər verib. Hadisə barədə Bizimyol.info-ya bir neçə mənbədən məlumat daxil olub. Verilən məlumata görə, zərərçəkənlərdən biri taksi sürücüsü, biri rayonun polis rəisinin müavini, digəri isə rayon sakini olub.
Zərərçəkənlərdən biri, Saatlı rayon sakini Mehrab Hüseynov da redaksiyamıza müraciət edərək bildirib ki, "Mehdiyev Həsən Rəcəb oğlunun ona verilmiş “qazi” statusundan sui-istifadə edir". Onun sözlərinə görə, Mehdiyev Həsən avtomobillərini əzdiyi şəxsləri təhqir edib, ailə fərdlərinin ünvanına ağır, nalayiq ifadələr işlədərək, oradan ayrılıb: “Ondan sığortanın gəlib vəziyyətə baxış keçirməsini tələb etdim. Ancaq o, həm icra başçısının, həm rayonun polis rəisinin, həm də zərərçəkənlərin ünvanına, ailə fərdlərinə qarşı ağır söyüşlər söydü. Deyir, “mən qaziyəm, sizin üçün cəbhədə döyüşmüşəm, can qoymuşam, heç kim mənə heç nə edə bilməz”. Özünün də iki ayağı yoxdur, ancaq protez ayaqlarla yolda yüksək sürətlə avtomobil idarə edir. İdarə etdiyi “Mitsubishi” markalı maşınla mənim, polis rəisi müavininin və başqa bir taksi sürücüsünün avtomobilinə çırpılaraq ciddi zərər vurub. Daha sonra da başladı hamımızı təhqir etməyə. Rayonun yol polisinə bu barədə məlumat versəm də, mənə bildirildi ki, zərər görən digər iki maşının da xərcləri məndən tutulacaq, yəni taksinin və rəis müavininin. Soruşdum ki, niyə? Axı, qəzanı törədən bəllidir. Dedilər ki, o qazidir, heç nə edə bilmərik. Ya üç maşının da xərcini sən ödəyəcəksən, ya da qazidən şikayəti geri götürəcəksən. Mən də kasıb adamam, üç maşının xərcini necə ödəyim? Durduq yerə maşınımı vurub əzirlər, hələ bir məndən də pul alırlar”,– deyə, rayon sakini Mehrab Hüseynov bildirib.
Qeyd edək ki, yol-nəqliyyat hadisələrində “qazi” statusu daşıyan şəxslərin adlarının hallanması ilk hadisə deyil. Bu statusu daşıyan bəzi “qazi”lər həmin ünvandan sui-istifadə edərək, yollarda ciddi qayda pozuntularına yol verirlər, nömrəsiz avtomobil idarə edirlər və ümumiyyətlə, onlara göstərilən irada da çox kobud və nalayiq ifadələrlə qarşılıq verib “mən qaziyəm, sizin üçün döyüşmüşəm” cümlələrinin arxasında gizlənirlər. Yaxşıdır ki, belələrinin sayı azdır, qazilərin böyük əksəriyyəti daşıdığı ada hörmətlə yanaşır, bu statusdan sui-istifadə etmir. Bu adı gözdən salanlar isə ləyaqətli, öz mənliyini, mənəviyyatını təmiz saxlayan, “Qazi” adını uca tutan başqa müharibə iştirakçılarının da adının ləkələnməsinə səbəb olur, cəmiyyətimizdə bu statusa olan dərin hörmət və ehtiramın azalmasına yol açırlar. Buna baxmayaraq, qanunu pozub, insanları, onların ailə fərdlərini təhqir etsələr belə, şikayətçiyə “qazidir, heç nə edə bilmərik” deyib, ya yola verirlər, ya da yuxarıda bəhs etdiyimiz şəkildə başqalarının zərərini də elə şikayətçinin özünə ödədirlər.
Digər hadisə şahidlərinin dediyinə görə, beten bunlar baş verdiyi müddətdə polis əməkdaşları kənarda dayanıb müşahidə etməklə məşğul olublar. Onların sözlərinə görə, hər kəsə aydın idi ki, Mehdiyev Həsən Rəcəb oğlu alkoqol testindən keçirilməlidir. Amma sonradan polis əməkdaşları ona yaxınlaşıb sakitləşdiriblər və nə qədər qəribə səslənsə də, elə polislərin gözü qarşısında özünün əzilmiş maşınına minib çıxıb gedib. Amma iş bununla da bitməyib. Şahidlərin sözlərinə görə, Mehdiyev Həsən Rəcəb oğlu sonradan rayonun mərkəzi küçələri ilə avtomobili aramsız olaraq səs siqnalı verə-verə təhlükəli şəkildə sürərək ətrafdakı insanlarda vahimə yaradıb.
Mehdiyev Həsən Rəcəb oğluna gəlincə, araşdırmamız göstərir ki, o, ən çox qayğı görən qazilərdən biridir. Onun bütün müalicə xərcləri "Yaşat" Fondu tərəfindən ödənilib. Əmək və Əhalinin Sosial Müdafiəsi Nazirliyi onun valideynlərini də özünüməşğulluq proqramı ilə təmin edib. Həmçinin mövsümi işləyən qardaşının da işlə təmin olunması üçün tədbirlər görülüb. Müxtəlif ictimai təşkilatlar da ona hər zaman dəstək olublar. Qazi Mehdiyev Həsən Rəcəb oğlu dövlət büdcəsi vəsaitləri hesabına pensiya və müavinət alır. Ona göstərilən və göstərilməkdə olan bütün qayğıların xərclərini isə təbii ki, vergi ödəyiciləri olaraq Azərbaycan xalqı ödəyir. Qazilərə qayğı ən yüksək səviyyədə olmasa da, hazırda xalq və dövlət olaraq bacardığımızı edirik. Bu status heç kimə əsas vermir ki, başqalarının əmlakına zərər vurub heç bir günahı olmayan ailə üzvlərini təhqir etsin.
Məlumat üçün bildirək ki, redaksiyamıza ünvanlanan bu müraciət əsasında Daxili İşlər Nazirliyinin Mətbuat Xidmətinə sorğu vermişik. İlkin cavabda bildirilib ki, məlumat bölgə üzrə nümayəndəyə göndərilib, araşdırma aparılacaq və hansı tədbirlərin görüləcəyi ilə bağlı məlumat veriləcək.
P.S. Yazı yayıma hazırlanarkən son anda DİN-dən sorğumuza daha bir cavab gəldi. Həmin cavabı olduğu kimi təqdim edirik:
"Sentyabr ayının 29-da Bakı şəhərində qeydiyyatda olmaqla Saatlı rayonunun Məmmədabad kəndində yaşayan Vətən Müharibəsi iştirakçısı, qazi Həsən Mehdiyev sürücülük vəsiqəsi, eləcə də avtomobil idarə etmək üçün müvafiq etibarnaməsi olmadan idarə etdiyi nəqliyyat vasitəsilə Saatlı rayonu ərazisində hərəkətdə olan zaman yolun əks tərəfində dayanmış Saatlı Rayon Polis Şöbəsinə təhkim olunmuş xidməti avtomobillə toqquşub. Toqquşma nəticəsində isə sonuncu avtomobil yol kənarında dayanan digər avtomobillərə çırpılıb.
Qəzadan sonra H.Mehdiyev müayinə olunmaq üçün Saatlı Rayon Mərkəzi Xəstəxanasına müraciət edib və ona qarın boşluğunun küt travması, boynun və saidin iç tərəfinin sıyrığı diaqnozu qoyulub.
Faktla bağlı Saatlı RPŞ-nin Təhqiqat Bölməsində araşdırmalar aparılır, araşdırmaların nəticəsindən asılı olaraq məsələyə hüquqi qiymət veriləcək.
Nizam Həmidov, DİN-in Mətbuat Xidmətinin Şirvan regional qrupunun baş inspektoru, polis baş leytenantı".
Bizimyol.info
Öldükdən təxminən 80 il sonra kimliyi müəyyənləşən əsgər kimdir? İkinci dünya müharibəsi illərində baş vermiş faciəli hadisənin sirri möhürlənmiş üzüklə açılıb...
İkinci Dünya Müharibəsində iştirak etmiş hərbi hava qüvvələri çavuşu Uilyam Harrell ötən gün hərbi mərasimlə dəfn edilib.
Musavat.com "The Telegraph"a istinadən xəbər verir ki, çavuş Harrell 1944-cü ildə itkin düşüb. O, qalıqları tapıldıqdan 78 il sonra o, Hollandiyadakı "Jonkerbos" döyüş qəbiristanlığında torpağa tapşırılıb.
SİRR ÜZÜKDƏ GİZLƏNİB…
Bu qəribə hadisənin arxasında bir möhürlü üzük var. Kral Hərbi Hava Qüvvələrində xidmət edən pilot İkinci dünya müharibəsi zamanı qəza nəticəsində dünyasını dəyişib. Lakin ölüm faktı təsdiqlənmədiyi üçün "itkin" kimi qeydiyyata alınıb.
Əslində, müstəntiqlər qəza yerində araşdırma apararkən üzərində əsgərin adının baş hərfləri olan bir möhürlü üzük tapdılar. Lakin bu üzük və qəzanın digər izləri 2019-cu ilə qədər üzə çıxarılmayıb.
2019-cu ildə holland tədqiqatçılar tapılan qalıqları yenidən araşdırarkən üzüklə qarşılaşıblar.
Eyni ildə hollandiyalı hərbi ekspertlər təyyarənin gövdəsində qalan insan qalıqlarının Harrellə məxsus olması qənaətinə gəliblər. Çünki möhürlü üzük sahibinin kimliyini təsdiqləyən ən tutarlı dəlil olub.
Hollandiya Kral Ordusunun xilasetmə bölməsinin komandiri, kapitan Girt Jonker DNT testinə ehtiyac olmadığını bildirib.
Qeyd edək ki, Hollandiya ordusu Qərbi Avropada İkinci dünya müharibəsində təyyarə qəzalarının təhqiqatına cavabdeh mütəxəssis qrupu olan yeganə ordudur.
UİLYAMIN ÖLÜMÜ
Uilyam Harrell altı təyyarəli, silahlı kəşfiyyat missiyasından qayıda bilməyəndə cəmi 21 yaşında olub. Onun ölümü müttəfiqlərin alman xətlərini yarmaq və Reyn çayında möhkəmlənmək üçün keçirdikləri əsas əməliyyatı olan "Market Garden"dan 1 gün əvvələ təsadüf edir.
Şahidlərin sözlərinə görə, təyyarə Arnhemdən 14 mil şimalda əkinçilik sahəsində qəzaya uğrayıb və qalıqları ertəsi səhər aparılan axtarış nəticəsində dərin kraterdə, yeraltı sularda tapıblar.
AİLƏSİ AÇIQLAMA VERDİ
Dəfn mərasimindən sonra ölən əsgər Uilyam Harrelin ailəsi açıqlama verib. Onun böyük qardaşı qızı Braydi Harrell bildirib ki, qalıqların tapılması və əmisinin dəfni ailə üçün rahatlıq olub.
"Onun valideynləri, qardaşı və babası onun harada olduğunu bilmədən öldülər, lakin indi onlar və ailəmiz üçün məsələ həll olunub və hər kəs böyük bir rahatlıq hiss edir”.
Mərasimi Uilyamın qardaşı qızı Brydie Hurrell və Kral Hərbi Hava Qüvvələri eskadronunun heyəti və Avstraliyadan gələn digər ailə üzvləri izləyiblər.
Nigar Cəfərli,
Musavat.com
Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə “Baku Steel Company” MMC-nin (Poladəritmə zavodu) sənədlər üzrə Müşahidə Şurasının sədri olmuş Rasim Məmmədovun cinayət işi üzrə məhkəmə prosesi davam edir. Rasim Məmmədova qarşı 185 milyon manatlıq yeyinti ittihamının bir hissəsi “Azeri Steel-2009" şirkəti ilə bağlıdır.
İddia olunur ki, bu şirkət qeyri-rəsmi şəkildə Rasim Məmmədovun özünə məxsus olub və o, “Baku Steel Company”nin istehsal etdiyi armaturların bu şirkətə bazar dəyərindən daha ucuz satışına şərait yaradıb. “Azeri Steel” ucuz aldığı armaturları sonradan özü daha baha - bazar dəyərinə uyğun satıb. Sentyabrın 30-da Rasim Məmmədovun məhkəməsində məlum olub ki, “Azeri Steel” şirkətinin təsisçisinin heç bu quruma aidiyyəti olmayıb.
“Mübariz Səmədov mənə dedi ki, ayda sənə 500 manat pul veriləcək, adına şirkət açaq. Mənim də pula ehtiyacım vardı, ona görə razılaşdım. Mənə demişdilər ki, Rasim Məmmədovun şirkətidir...”, - Əliməmməd Hüseynov Bakı Ağır Cinayətlər Məhkəməsində dindirilərkən belə deyib.
O bildirib ki, ayda təxminən iki dəfə şirkətin ofisinə, yaxud vergi orqanına gedib, şirkət adından sənədləri imzalayırdı. Onun sözlərinə görə, Rasim Məmmədovu bir dəfə - metronun “Xətai” stansiyasının yaxınlığındakı ofisdə yığıncaqda görüb. Ümumiyyətlə isə Rasim Məmmədovu da, “Baku Steel Company”də maliyyə direktoru olmuş Mübariz Səmədovu da uşaqlıq dostu olan Yusif Əhmədzadə vasitəsilə tanıyıb. Yusif Əhmədzadə vaxtilə Rasim Məmmədovla da dost idi.
Təqsirləndirilən Rasim Məmmədov isə bu şirkətin ona məxsus olması barədə iddialarla razılaşmır. Deyir ki, o şirkətin əsl sahibi başqası olub. Amma həmin şəxsin kimliyini açıqlamayıb: “Əgər o şirkət mənim olsaydı, öz adamımı təyin edərdim. Bir dəfə tanıdığım Cəfəri təyin eləmişdim, heç iki ay keçmədi, zəng gəldi ki, ”çıxar onu". Mən də çıxardım..."
Məhkəmədə dindirilən başqa bir şahid Samir Məmmədov uzun illər “Baku Steel Company”, “Azeri Steel-2009" şirkətlərində satış meneceri işləyib. 2008-ci ildə Rasim Məmmədova məxsus ”Wortex" şirkətində satış meneceri kimi fəaliyyətə başladığını deyən Samir Məmmədovun sözlərinə görə, 2013-cü ildə “Azeri Steel”ə eyni vəzifəyə göndərilib. 2015-ci ildən “Baku Steel Company”nin satış meneceri olub, bir müddət sonra isə yenidən “Azeri Steel”ə qaytarılıb. Deyir ki, bu yerdəyişmələrin səbəbi ona məlum deyildi. Harda işləmək barədə göstəriş verilirdisə, orada da gedib işləyirdi.
Onun sözlərinə görə, “Azeri Steel”də kassa məsələsinə də baxırdı: “Biz ”Azeri Steel" şirkətində “Baku Steel Company”nin armaturlarını satırdıq. Mal satışından gələn vəsait toplanırdı. Mübariz müəllim pulu hara deyirdisə, ora da verirdim. Zavodun öz xərcləri olurdu, mala verilirdi. “Azeri Steel”dən Rasim Məmmədova da bir neçə dəfə pul aparıb vermişəm. Elə olurdu özünə, elə də olurdu, köməkçisinə verirdim. 100 min apardığım olub, 200 min olub..."
O, məhkəmədə Rasim Məmmədova çatan pulların hara xərcləndiyini bilmədiyini deyib. İstintaqa ifadəsində isə fərqli danışıb. Deyib ki, “Azeri Steel” şirkətinin kassasında 39 milyondan çox çatışmazlıq olmuşdu. Çünki o vəsaitlərin bir hissəsi Rasim Məmmədovun xərclərinə getmişdi. Məsələn, 1 milyon “Şüşəli bazar”ın yanında (“Elmlər Akademiyası”nın yaxınlığı) torpaq sahəsi alınmasına; 1.5 milyonu Qutqaşenli küçəsində tikintiyə icazə almağa; Sabunçu bazarının yanında ərazi almağa; Rasim Məmmədovun başqa şirkətlərinə, o cümlədən “Aktau Steel”ə...
Təqsirləndirilən Rasim Məmmədov onun yalan danışdığını, əleyhinə saxta şahidlərdən istifadə olunduğunu iddia edir.
“Mən bu ölkədə bir adamla işləmişəm, bundan sonra da işləyəcəm. Heç kim mənə tapşırıq verə bilməzdi”, - bunu da Rasim Məmmədov məhkəmədə çıxışında vurğulayıb.
Məhkəmədə son illərdə Azərbaycanda dövriyyəsi milyonlarla olan, müxtəlif nazirliklərin tenderlərində qalib elan edilən onlarla şirkətin əslində ona heç bir aidiyyəti olmayan şəxslərin adlarına təsis edilməsi hallarının üstü açılıb.
Zaur İmanov “Baku Steel Company”də metal qəbulu işlərinə baxıb. Əhalidən və Müdafiə Nazirlriyindən metal qəbul etdiyini deyib. Bəxtiyar Kələşov da metal qəbuluyla məşğul olub. Onun ifadəsi elan olunub. İstintaqa verdiyi ifadəsində göstərib ki, zavodun 3 milyon 400 min manat kəsiri olub. Ancaq məhkəmədə bildirib ki, istintaqa verdiyi ifadəsində belə söz deməyib: “Müstəntiq özü mənə dedi ki, sənədlərdə belə bir şey var. Ancaq mən özüm belə bir şey deməmişəm”.
Ətraflı
Şahid bildirib ki, ibtidai istintaqda ifadə verərkən otaqda müstəntiqdən başqa auditor və vəzifəsini bilmədiyi başqa iki nəfər də olub.
Rasim Məmmədov deyib ki, bu adam zavodda metal işinə baxıb, kimin zavoda nə göndərməsindən xəbəri olmayıb: “Bu hardan bilsin ki, Rövnəq Abdullayev, Ziya Məmmədov, Cavid Qurbanov zavoda nə qədər metal göndərib. Səlahiyyətsiz bir işçi olub”.
Rasim Məmmədovun vəkili Zibeydə Sadıqova bu yerdə müstəntiq Samir Həsənovun məhkəmədə dindirilməsinə dair vəsatətlə çıxış edib. Vəkil vəsatətini şahidin ifadəsinə aydınlıq gətirilməsi ilə əsaslandırıb. Hakim bildirdi ki, vəsatətə şahidlərin dindirilməsi başa çatdıqdan sonra baxılacaq.
Sonra Mübariz Səmədov ifadə verib. İfadəsində göstərib ki, Rasim Məmmədov həbs olunmamıçdan iki ay əvvəl onu DTX-ya çağırıblar: “Azeri Steel”ə getdim, Rasim, Çingiz, Yusif otaqdaydı. Dedim ki, məni DTX-ya çağırıblar, bu “Azeri Steel” kimindir, orda nə deyəcəm? Hamısı bir-birinin üzünə baxdı, heç kimdən səs çıxmadı".
İfadənin bu yerində Rasim Məmmədov dillənib: “Qorxduq da deməyə”.
Şahid ifadəsinə davam edərək bunları deyib: “DTX-dan çıxandan sonra gəldim ”Azeri Stell"ə, şirkətin 10 illik hesabatı ilə bağlı məlumatları iki flaşkarta yığdım, özümdə saxladım. Rasim Məmmədov tutulan ərəfədə məni yenə DTX-ya apardılar. Həmin gün Rasim Məmmədova yaxın olan adamları gecəyarı buraxsalar da, məni səhərədək saxladılar. Dedilər ki, öz ərizənlə razılıq ver ki, evində axtarış aparaq. Yoxsa məhkəmə qərarıyla özümüz gedəcəyik. Mənə orada təzyiqlər göstərdiklərinə görə razılıq verdim. Birlikdə evimizə getdik, qapıya çatanda dedilər evin altını-üstünə çevirib özümüz tapaq, yoxsa öz xoşunla verirsən? Mən də həmin flaşkartları onlara verdim. Həmin flaşkartda 10 ildə 92 milyon manat haralara gedib, hamısı qeyd olunmuşdu. O 92 milyon manatdan işçiləri maaşları və zavodun digər xərcləri çıxılıb, 85 milyon gəlir qalıb. O 85 milyon manatdansa kod adları altında kimə nə qədər verilib, hamısı vardı. Məsələn, şirkətin bəzi işçilərinin Dubayda istirahəti üçün xərclənən pullar, “yuxarı-1", ”yuxarı-2", o yuxarı, bu yuxarı. Bu yerdə Rasim Məmmədov dillənib ki, “o yuxarı mən olmuşam".
1976-cı il təvəllüdlü Rasim Məmmədov “Baku Steel Company” MMC-nin Müşahidə Şurasının sədri kimi, vəzifə səlahiyyətlərindən sui-istifadə edib, müəssisənin külli miqdarda pulunu mənimsəməkdə və israf etməkdə ittiham olunur. Cinayət işində söhbət 185 milyon manatlıq mənimsəmə və israfetmədən gedir.
Qeyd edək ki, R. Məmmədov ortağı, AMEA prezidenti Ramiz Mehdiyevin oğlu Teymur Mehdiyev və kürəkəni, sabiq deputat İlham Əliyevin şikayəti əsasında saxlanılıb.
Onlar ərizələrində bildiriblər ki, Rasim Məmmədov birinin 4 milyon, digərinin isə 3,5 milyon dollar vəsaitini mənimsəyib.
Xatırladaq ki, Rasim Məmmədov və Mehdiyevlər ailəsi biznes ortağı, əsasən “Baku Steel Company”də birgə pay sahibi olublar. R.Məmmədov daha çox Ramiz Mehdiyevin yaxın adamı kimi tanınıb.
Vaxtilə Ramiz Mehdiyevi himaayəsində fəaliyyət göstərən Rasim Məmmədova CM-in 179.4 (xüsusilə külli miqdarda ziyan vurmaqla mənimsəmə və ya israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə) və başqa maddələrilə ittiham verilib. O, özünü təqsirli bilmir.
Bu gün Azərbaycanda prokurorluq işçilərinin peşə bayramıdır.
"Report" xəbər verir ki, prokurorluq orqanlarının yaranmasının 104-cü ili tamam olur.
Ətraflı
Azərbaycan Xalq Cümhuriyyəti Nazirlər Şurası 1 oktyabr 1918-ci il tarixli qərarı ilə Bakı Dairə Məhkəməsinin tərkibində prokurorluq təsis edib.
Ümummilli lider Heydər Əliyevin 17 iyul 1998-ci il tarixli sərəncamı ilə milli prokurorluq orqanlarının yarandığı gün - oktyabr ayının 1-i prokurorluq işçilərinin peşə bayramı günü kimi təsis edilməklə qeyd olunmağa başlanıb.
Ulu öndər prokurorluq işçilərinin peşə bayramını təsis etdikdən sonra prokurorluq işçilərinin hər il bu günün təntənəli şəkildə qeyd olunması ənənəsi yaranıb. Bu gün prokurorluq işçiləri, prokurorluğun veteranları, hüquq ictimaiyyəti üçün əlamətdar hadisə kimi ruh yüksəkliyi ilə qeyd edilir.
Elə bir dövrə gəlib çıxmışıq ki, filmlərdə gördüyümüz səhnələrlə artıq real həyatda rastlaşırıq. Paytaxtda mənzilə oğurluğa girən şəxsi ev sahibləri, həm də elə iş başındaca yaxalayıblar.
Bu məqamda oğru çıxış yolunu onlardan birini bıçaqlamaqda görüb. Lakin həmin şəxs qısa müddətdə ev yiyələri tərəfindən zərərsizləşdirilib, hətta, polis gələnə kimi onlarla bir xeyli söhbət də edib.
Öncə 3-4 gün evi müşahidə ediblər, daha sonra dəmir barmaqlıqları qırıb evə daxil olublar. Ancaq ev sahibi oğrunu elə evdəcə tutub… Oğru isə ev sahibini bıçaqlayaraq hadisə yerindən qaçmaq istəyib…
Hadisə Xəzər rayonu Buzovna qəsəbəsindəki evlərdən birində baş verib. Ev sahiblərinin sözlərinə görə, oğruların daxil olduğu evdə yaşayış olmayıb. Hadisədən isə eyni həyətdə yaşayan ev sahibinin qohumu xəbər tutub.
Ev sahiblərinin sözlərinə görə, polis gələnə qədər evə daxil olan şəxslə söhbət ediblər.
Məsələ ilə bağlı TƏBİB-dən bildirilib ki, hadisə zamanı xəsarət almış Səməd Tağıyev 3 saylı şəhər klinik xəstəxanasına yerləşdirilib. Ona zəruri tibbi xidmətlər göstərilib, hazırda vəziyyəti kafidir.
DİN-in mətbuat xidmətindən verilən məlumata görə, qəsdən sağlamlığa ağır zərər vurmaqda şübhəli bilinən Qəbələ rayon sakini, əvvəllər oğurluğa görə məhkum olunmuş Zahid Zahidli saxlanıb, digərinin isə şəxsiyyəti müəyyən olunub. Hadisə ilə bağlı əməliyyat tədbirləri davam etdirilir.
Oktyabr ayında havanın orta aylıq temperaturu iqlim normasına yaxın olacağı gözlənilir.
Aylıq yağıntının miqdarının iqlim normasına yaxın, bəzi ərazilərdə isə bir qədər çox olacağı ehtimal olunur.
Birinci ongünlüyün birinci yarısında ölkə ərazisində hava şəraiti sabit, əsasən yağmursuz keçəcəyi gözlənilir.
Bakıda və Abşeron yarımadasında havanın orta aylıq temperaturunun 15-17 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 12-17 dərəcə isti, gündüzlər 17-22 dərəcə isti, ayın ilk günlərində 25-28 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 26-40 mm).
Naxçıvan Muxtar Respublikasında havanın orta aylıq temperaturunun 13-17 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 9-14 dərəcə isti, gündüzlər 16-21 dərəcə isti, ayın ilk günlərində 25-30 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 19-32 mm).
Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonlarında havanın orta aylıq temperaturunun 8-12 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 3-8 dərəcə isti, gündüzlər 11-16 dərəcə isti, ayın ilk günlərində 20-25 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 49-56 mm).
Qazax, Gəncə, Goranboy, Tərtər, Ağdam, Füzuli, Cəbrayıl rayonlarında havanın orta aylıq temperaturunun 13-15 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 9-14 dərəcə isti, gündüzlər 15-20 dərəcə isti, ayın ilk günlərində 23-28 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 31-61 mm).
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın orta aylıq temperaturunun 11-14 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 9-14 dərəcə isti, dağlarda 1-6 dərəcə isti, gündüzlər 15-20 dərəcə isti, ayın ilk günlərində 23-28 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə bir qədər çox olacağı gözlənilir (norma 33-126 mm).
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın orta aylıq temperaturunun 15-17 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu gecə 12-17 dərəcə isti, gündüzlər 18-23 dərəcə isti, ayın ilk günlərində 25-30 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 31-46 mm).
Masallı, Yardımlı, Lerik, Lənkəran, Astara rayonlarında havanın orta aylıq temperaturunun 11-16 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 11-16 dərəcə isti, gündüzlər 18-23 dərəcə isti, ayın ilk günlərində 25-28 dərəcə isti olacağı gözlənilir. Aylıq yağıntının miqdarı iqlim normasına yaxın, bəzi yerlərdə isə bir qədər çox olacağı gözlənilir (norma 96-274 mm).
"DogruXeber.az" bildirir ki, 30 sentyabr tarixində “AzerGold” Qapalı Səhmdar Cəmiyyətinin (QSC) Korporativ Sosial Məsuliyyət Komitəsi (KSM Komitəsi) tərəfindən Balakən rayonunda yerli sakinlərlə görüş keçirilib.
“AzerGold” QSC-nin “Köhnəmədən” sahəsinin yaxınlığındakı Gərəkli, Mahamalar, Mazımqaray, Salban kəndlərinin sakinləri ilə keçirilən görüşdə QSC-nin İdarə Heyəti
səddrinin müavini, Korporativ Sosial Məsuliyyət Komitəsinin sədri Xəyyam Fərzəliyev və Balakən Rayon İcra Hakimiyyəti başçısının birinci müavini Turan Dibirov iştirak ediblər.
Sosial ehtiyacların müəyyənləşdirilməsi və gələcəkdə icrası nəzərdə tutulan təşəbbüslərin müzakirəsi məqsədilə təşkil edilən görüşdə Xəyyam Fərzəliyev çıxış
edərək, “Köhnəmədən” sahəsində yerləşən “Filizçay” polimetal yatağında görülən işlər və yeniliklər barədə geniş məlumat verib. “AzerGold” QSC-nin ən irihəcmli
layihələrindən biri olan “Filizçay” yatağının istismara cəlb edilməsi prosesi çərçivəsində mineroloji tədqiqatların yekunlaşdırıldığını və yatağın beynəlxalq standartların
tələblərinə uyğun qaydada yenidən qiymətləndirilməsinin təmin edildiyini bildirən sədr müavini hazırda yatağın filizlərinin optimal zənginləşdirmə sxemlərinin hazırlanması məqsədilə metallurji tədqiqatların davam etdirildiyini görüş iştirakçılarının diqqətinə çatdırıb. X.Fərzəliyev yataqda hasilat işlərinə 2025-ci ildə sınaq rejimində start verilməsinin, növbəti illərdə isə sənaye miqyaslı emal müəssisənin işə salınmasının planlaşdırıldığını bildirib. Həmçinin "Filizçay" yatağının proqnozlaşdırılan istismar dövrü ərzində ölkə iqtisadiyyatına milyardlarla vəsaitin cəlb edilməsinin hədəf olaraq müəyyən edildiyi vurğulanıb. Bundan əlavə, yatağın istismara verilməsinin 1000-dən çox yeni iş yerinin açılması ilə məşğulluğun artırılmasına və ümumilikdə Şəki-Zaqatala iqtisadi rayonunun sosial-iqtisadi inkişafına öz əhəmiyyətli töhfəsini verəcəyi qeyd edilib.
Görüşdə, həmçinin Balakən Rayon İcra Hakimiyyəti başçısının birinci müavini Turan Dibirov çıxış edərək, “AzerGold” QSC-nin dağ-mədən sahəsində mütərəqqi
beynəlxalq təcrübəyə və standartlara əsaslanan fəaliyyətinin təkcə Balakən rayonunun deyil, bütövlükdə bölgənin sosial-iqtisadi inkişafına kifayət qədər müsbət təsirləri olacağına əminliyini ifadə edib.
Tədbirdə yerli əhali və icmalarla iş prioritetləri çərçivəsində “AzerGold” tərəfindən icra edilməkdə olan sosial layihələr barədə də məlumat verilib. Bildirilib ki,
QSC-nin Sosial Təsir və Məsuliyyət üzrə Siyasəti çərçivəsində həyata keçirilən tədbirlər dövlət proqramlarına dəstək xarakteri daşımaqla yanaşı, hasilat fəaliyyəti aparılan bölgədə yaşayan ailələrin qayğı ilə əhatələnməsinə xidmət edir.
Daha sonra kənd sakinlərinin müraciətləri dinlənilib. Komitə sədri müraciətlərin nəzərə alınması və müvafiq addımların atılması üçün tapşırıq və tövsiyyələrini verib.
Tədbirin sonunda isə kənd sakinlərinin sosial ehtiyaclarının müəyyənləşdirilməsi üçün sorğu keçirilib.
Qeyd edək ki, KSM Komitəsi tərəfindən Cəmiyyətin fəaliyyət göstərdiyi bölgələrdə yerli sakinlərlə ənənəvi görüş və sorğuların təşkili davam etdiriləcəkdir.
ABŞ Ədliyyə nazirliyi Birləşmiş Ştatlar ordusunun keçmiş mayoru Ceymi Li Henri və onun həyat yoldaşı həkim Anna Qabrielyana qarşı hərbi xəstələrin məxfi tibbi məlumatlarını Rusiyaya ötürməkdə ittiham olunduğunu açıqlayıb.
Musavat.com xarici agentliklərə istinadən xəbər verir ki, Li Henri və Anna Qabrielyanın Ukraynaya genişmiqyaslı işğalın başlamasından sonra Rusiyaya casusluq etməyə başladığı üzə çıxıb. Onlar Rusiya hökumətinə “hökumət və ABŞ ordusu ilə əlaqəli insanların sağlamlıq vəziyyəti haqqında təsəvvür əldə etməkdə” kömək göstəriblər
Anna Qabrielyan
Avqust ayında cütlük Rusiya məmuru olduğu düşünülən, lakin əslində gizli FTB agenti olan bir adamla görüşüb. Əslən erməni olan Anna Qabrielyan həmin agentlə söhbətində “vətənpərvərlik ruhunun onu Rusiyaya istənilən yardımı göstərməyə sövq etdiyini, bunun üçün işdən qovulmaq və ya həbsxanaya düşməkdən çəkinmədiyini” söyləyib.
Ceymi Li Henri
Həmin şəxs ABŞ-ın Ukrayna əsgərlərinə keçdiyi hərbi təlimlər barədə məlumatlara malik olduğunu, bu savaşda Rusiyaya üstünlük verdiyini və hətta Rusiya ordusunda könüllü vuruşmaq barədə düşündüyünü deyib.
Cütlüyün hansı cəzaya məruz qalacağı hələlik məlum deyil.
Musavat.com
Şəmkir rayonunda avtomobilin vurduğu piyada müalicə aldığı xəstəxanada dünyasını dəyişib.
“Report”un məlumatına görə, sentyabrın 28-də Könüllü kəndində avtomobilin vurduğu - 2009-cü il təvəllüdlü S.Əliyev müalicə aldığı xəstəxanada dünyasını dəyişib.
Qeyd edək ki, hadisə zamanı biri məktəbli olmaqla daha 2 piyada da xəsarət alıb. Onların müalicəsi davam etdirilir.
Faktla bağlı araşdırma aparılır.