ABŞ Dövlət katibinin müavini Obrayenin Azərbaycana səfərdən öncə Konqresin Nümayəndələr Palatasının Xarici Əlaqələr Komitəsində keçirilən dinləmələrdə etdiyi çıxışda çox maraqlı və diqqətçəkən məqamlar var.

Bu sözləri Axar.az-a açıqlamasında Şimali Kipr Türk Respublikasının Girnə Amerikan Universitetinin Beynəlxalq münasibətlər kafedrasının müəllimi Sadiq Akyar deyib.

Alim ABŞ-ın öz planlarını reallaşdırmaq üçün Bakıya ehtiyacının olduğunu bildirib:

“Obrayen çıxışında ABŞ və dolayısı ilə Qərbin artıq Mərkəzi Asiyanın ixracatının Rusiya və Çin üzərindən həyata keçirilməsini istəmədiyini bildirib. O, eyni zamanda alternativ yol kimi Qara dəniz marşrutunu və Azərbaycan, Ermənistan və Türkiyəni, yəni Zəngəzur dəhlizini təklif edib. Digər bir yol isə İran üzərindən keçir. Lakin Obrayenin sözlərindən Qərbin İranı da bu yollardan məhrum etmək məqsədi bəlli olur. Bütün bunların reallaşması üçün isə Azərbaycan və Ermənistan arasında sülh müqaviləsi imzalanmalı, münasibətlər normallaşmalıdır”.

Akyar səfərin üç əsas məqsədinin olduğunu qeyd edib:

“İlk məqsəd mümkün olduğu qədər Çinin “Bir kəmər, bir yol” layihəsinin reallaşmasını əngəlləmək, yaxud Pekinin ixracat yollarını ABŞ və müttəfiqlərinin nəzarətində saxlamaqdır. Ukrayna ilə müharibə getdiyi üçün Çinin Rusiyadan keçən Şimal dəhlizindən istifadə etməsi qeyri-mümkündür. Digər ticarət yolları isə Mərkəzi Asiya, Azərbaycan, Ermənistan, Türkiyə və İranı birləşdirən Orta dəhliz və dəniz üzərindən Süveyş kanalına, oradan Avropaya uzanan Cənub dəhlizidir. ABŞ-ın Azərbaycan mərkəzli hədəfləri isə bunlardır: Birincisi, hazırda Rusiyadan Avropaya mal daşınmır, ancaq Orta dəhliz fəaliyyətdədir. Hətta 2018-ci ildə Çindən çıxan qatar Türkiyənin Mərmərə xəttindən keçməklə Hamburqa çatdı. İndi isə Zəngəzur dəhlizinin açılmasına nail olmaqla oraya da nəzarəti ələ keçirmək istəyirlər. Ancaq bunun üçün sülh imzalanmalıdır. Digər tərəfdən Vaşintqonun İMEC (Hindistan-Yaxın Şərq-Avropa İqtisadi Dəhlizi) layihəsini gücləndirmək planı var. Bundan başqa ABŞ münasibətlərin pis olmasına baxmayaraq, İranın Çabahar limanı layihəsini də dəstəkləyib. Layihə Mərkəzi Asiyadan gələn malların sözügedən liman üzərindən Avropaya göndərilməsi üçün irəli sürülüb. İMEC-ə Hindistanı salmaq, Çabahar layihəsində İranı dəstəkləmək yolu ilə Vaşinqton Çinin hər tərəfdən əl-qolunu bağlamağa çalışır.

İkinci məqsəd də İMEC və “İnkişaf Yolu” dəhlizi ilə bağlıdır. ABŞ İMEC layihəsini gücləndirməyi və Çindəki transmilli şirkətlərin mərkəzlərini Hindistana köçürməyi planlaşdırır. Hazırda Fələstində gedən və Livana sıçrama ehtimalı yüksək olan müharibə də sözügedən marşrut üzərində təhlükəsizliyi təmini üçün aparılır. Hələlik oradan istifadə etmək mümkün deyil. Vaşinqtonun müharibənin uzanması halında Zəngəzur dəhlizinin açılmasına nail olmaqla, sonra Türkiyə üzərindən “İnkişaf Yolu” dəhlizinə bağlanmaq və buraya Çinin girməsini əngəlləmək planı da mövcuddur.

Sonuncu məqsəd isə Ukrayna müharibəsinin bitməsindən sonra köhnə xəttin açılmasına, Çinin daha da güclənməsinə, Rusiyanın yenidən özünə gəlməsinə mane olmaqdır. Nəticə olaraq ABŞ-ın Obrayenin səfəri ilə Azərbaycanı gücləndirmək və Orta dəhlizi yuxarıda sadaladığımız dəhlizlərə bağlamaqla Çini əngəlləmək, marşrut yollarına nəzarəti öz əlində saxlamaq məqsədi güddüyünü deyə bilərik”.

İranın Yeni Zelandiyadakı səfirliyində səsvermə prosesinin başlaması ilə İranda prezident seçkisi rəsmən başlayıb.

Bu barədə "Azad İran" "Telegram" kanalı məlumat yayıb.

İran prezidenti seçkisi Vellinqtonla yanaşı, Yeni Zelandiyanın Oklend və Kraystçorç şəhərlərində də keçirilir.

İranda seçki məntəqələri yerli vaxtla saat 08:00-da (Bakı vaxtı ilə 09:30) açılır.

Namizədlikləri ilkin olaraq İran Konstitusiyasının Keşikçilər Şurası tərəfindən təsdiqlənən altı siyasətçidən dörd iştirakçı prezidentlik yarışında qalıb.

Xatırladaq ki, iyunun 26-da mühafizəkarların xeyrinə namizədliyini geri götürdüyünü elan edən vitse-prezident Əmir Hüseyn Qazizadə Haşimidən sonra iyunun 27-də Tehran meri Əlirza Zəkani də oxşar qərar qəbul edib. O, mühafizəkarlar qanadından iki əsas namizədin - parlamentin spikeri Məhəmməd Baqir Qalibafın və respublikanın Təhlükəsizlik Şurasındakı ruhani liderin nümayəndəsi Səid Cəlilinin müdafiəsi ilə bağlı çıxış edib. Onlardan başqa, yarışda mühafizəkar keçmiş nazir Mustafa Purməhəmmədi və islahatçı düşərgədən yeganə namizəd - keçmiş səhiyyə naziri Məsud Pezeşkian da var.

Rusiya və Konqo Respublikasının prezidentləri Vladimir Putin və Denis Sassu Nqesso səhər yeməyində danışıqları davam etdiriblər. Menyu ənənəvi rus yeməklərindən, o cümlədən delikateslərdən ibarətdir.

Bu barədə TASS yazıb.

Rusiya-Konqo danışıqlarının bütün iştirakçıları da yeməyə qoşulublar. Kreml aşpazları onlara bildirçin və xanterelles ilə küftə, turşəng və xiyar ilə hisə verilmiş alabalıq salatı, ərinmiş pendir ilə gənc balqabaqdan qaymaqlı şorba, truffle püresi və ispanaq ilə muksun filesi, cəfəri qaymağı və tərəvəz ilə kvasda bişmiş dana yanaqları təklif ediblər.

Şirin tərəfdən, menyuya qarğıdalı şərbəti, həmçinin keçi pendiri və qaragilədən hazırlanmış Qzhel deserti daxil idi. İçkilər 2020 və 2022-ci il məhsullarından olan “Divnomorskoye Estate” rus şərablarından ibarət olub.

ABŞ-ın aylardır hazırladığı müharibədən sonrakı planın təfərrüatları aydınlaşır və iki region ölkəsi bəzi şərtlər müqabilində Qəzza zolağına qoşun yeritməyə hazırdır.

Tribunainfo.az Milliyet-ə istinadən xəbər verir ki, Səudiyyə Ərəbistanının münasibəti maraqla qarşılanarkən İsrail mətbuatı ABŞ-ın Türkiyə, Bəhreyn, Mərakeş, İndoneziya və digər ölkələri geniş beynəlxalq dəstək üçün məlumatlandırdığını yazıb.

Oktyabrın 7-də şənbə günü başlayan və yenidən Yaxın Şərqi bürüyən müharibə bölgədəki tarazlığı alt-üst etdi. Son doqquz ayda işğalçı İsrail ordusu Qəzza zolağını qan gölünə çevirərək, əsas müttəfiqi ABŞ-ın verdiyi silah və kəşfiyyat məlumatları ilə 37 mindən çox fələstinlini qətlə yetirib . Aralıq dənizinin 41 kilometrlik sahil zolağında tikililərin yarısından çoxu dağıdıldığı halda, İsrail müharibənin əvvəlində elan etdiyi məqsədlərin heç birinə nail ola bilmədi.

Tezliklə məlum oldu ki, HƏMAS-ın məhv edilməsi ilə bağlı vəhşi vədlərin heç bir mükafatı yoxdur, Qəzzaya götürülən girovlardan yalnız dördü xilas edilə bilər və Fələstin müqavimət qrupları hələ də müharibənin 265-ci günündə də İsrail işğalçı əsgərləri ilə toqquşur.

Hazırkı vəziyyətdə dünyadan getdikcə təcrid olunan və yalnız ABŞ və bir neçə Qərb dövlətinin dəstəyini alan İsraildə müharibədən sonrakı dövrlə bağlı çaşqınlıq hökm sürür. Baş nazir Benyamin Netanyahunun faşist hakim tərəfdaşları müharibənin heç vaxt bitməməsini, Qəzza zolağındakı fələstinlilərin qovulmasını və israillilərin 365 kvadrat kilometr ərazidə məskunlaşmasını istəyir. Siyasi gələcəyi iplə asılı olan Netanyahu hakimiyyətini saxlamaq üçün müharibədən yapışır.

Qarşıdan gələn seçkilər öncəsi öz seçicilərinin sıx reaksiyaları ilə üzləşən ABŞ-da Co Bayden administrasiyası Yaxın Şərqi müharibədən sonrakı dövrə hazırlayacaq bir plan üzərində işləyir. Dövlət katibi Antoni Blinkenin səkkiz ay ərzində səkkiz dəfə səfər etdiyi Yaxın Şərqdə gözlənilən atəşkəs reallaşmadı, lakin Vaşinqton müharibə bitdikdən sonra Qəzza zolağının idarə olunması üçün ərəb müttəfiqlərindən dəstək axtarır.

İsraildə nəşr olunan “Times of Israel” qəzeti cümə axşamı öz səhifəsində yazıb ki, Misir və Birləşmiş Ərəb Əmirlikləri müharibədən sonra Qəzza zolağında yerləşdiriləcək hərbi qüvvələrə qoşulmağa hazırdır.

ABŞ dövlət katibi Blinken Qətər, İordaniya, Misir və İsrailin daxil olduğu son regional səfəri zamanı həmkarlarına Qahirə və Əbu-Dabidən müharibədən sonrakı plana dəstək aldıqlarını söylədi.

Rusiya Prezidenti Vladimir Putinin xüsusən də Ukraynanın dörd regionunun təhvil verilməsini nəzərdə tutan “sülh planı” həyata keçirilsə, Ukrayna sağ qala bilməyəcək.

Axar.az xəbər verir ki, bunu Almaniya kansleri Olaf Şolts Bundestaqda çıxışı zamanı deyib.

Şoltsun sözlərinə görə, Putin müharibə və yenidən silahlanmaya arxalanmaqda davam edir:

“Bu, ən aydın şəkildə onun guya atəşkəs təklifində əks olunub. Təkcə atəşi dayandırmaq deyil, həm də işğal olunmamış ərazilərdən də imtina etmək. Ukraynadan həmçinin demilitarizasiya və gələcək hərbi yardımdan imtina etmək tələb olunur. Ukraynanın bundan sağ çıxacağına və Avropada davamlı sülhün bərqərar olacağına inanan hər kəs həddən artıq “Raşn Tudey”ə baxır”.

Çərşənbə axşamı ABŞ Rusiyanın keçmiş müdafiə naziri Sergey Şoyqu və Rusiya Federasiyası Silahlı Qüvvələrinin Baş Qərargah rəisi Valeri Gerasimovun həbsilə bağlı Beynəlxalq Cinayət Məhkəməsinin orderini dəstəkləyib. Onlar Ukraynada hərbi cinayətlərdə ittiham olunurlar, Turan-ın Vaşinqton müxbiri bildirib.

Şoyqu və Gerasimova qarşı "hücumu mülki obyektlərə yönləndirmək" və "mülki əhaliyə və ya mülki obyektlərə həddindən artıq təsadüfi ziyan vurmaq" ittihamları irəli sürülüb.

Onlar həmçinin "qeyri-insani hərəkətlər şəklində insanlığa qarşı cinayətlərdə", Ukraynanın enerji infrastrukturuna raket zərbələri endirməklə ittiham olunurlar, Haaqada yerləşən Beynəlxalq Cinayət Məhkəməsinin bəyanatında deyilir.

Vaşinqton bu qərarı alqışlayıb. "Biz açıq şəkildə işarə etdik ki, Rusiya qoşunları Ukraynaya qanunsuz hücum zamanı vəhşiliklər törədiblər və bu vəhşiliklərə görə məsuliyyət olmalıdır", - gündəlik brifinq zamanı Dövlət Departamentinin rəsmi nümayəndəsi Metyu Miller Turan-ın müxbirinin sualına cavab verərkən bildirib.

"Biz Rusiyanın Ukraynadakı vəhşiliklərilə bağlı bir sıra beynəlxalq araşdırmanı, o cümlədən Beynəlxalq Cinayət Məhkəməsi tərəfindən aparılan istintaqı dəstəkləyirik", - Miller əlavə edib.

Cenevrə konvensiyalarına görə, mülki əhaliyə və mülki infrastruktura hücum müharibə cinayətidir. Keçən il Beynəlxalq Cinayət Məhkəməsi həmçinin Vladimir Putinin və ukraynalı uşaqların Rusiyaya deportasiyasına görə onun uşaq hüquqları üzrə müvəkkili Mariya Lvova-Belovanın həbsinə order verib.

Azərbaycan ardıcıl olaraq üçüncü ildir Dövlət Departamentinin insan alveri haqqında hesabatında (TIP) “səviyyə 2″dədir. Bu, o deməkdir ki, hökumət “bu təzahürün aradan qaldırılması üçün minimum standartlara cavab vermir və bunun üçün əhəmiyyətli səylər göstərmir”, bu barədə TURAN-ın Vaşinqtondakı müxbiri bildirib.

Dövlət Departamenti illik hesabatında qeyd edib ki, ötən hesabat ili ilə müqayisədə Azərbaycan hökuməti “səylərdə ümumi artış nümayiş etdirib”.

Cümə axşamı hesabatı təqdim edən dövlət katibi Entoni Blinken qeyd edib ki, bu sənəd dünyanın 188 ölkəsində trafikinq sahəsində vəziyyəti əks etdirir.

Bütün dünyada 27 milyon insan əmək və ticari seks sahəsində istismar olunur. Onlar güclə, yalanla və məcburiyyətlə tarlalarda və fabriklərdə, restoranlarda və çoxmənzilli evlərdə işləməyə vadar edirlər. Qurbanlar dünyada ən həssas insanlardır.

ABŞ-ın insan alverinin monitorinqi və ona qarşı mübarizə üzrə xüsusi tapşırıqlar üzrə səfiri Sindi Dayer belə deyib: “Təəssüf ki, bəzi hökumətlər bu problemin bir hissəsidir”.

Bu il 13 ölkə insan alveri siyasətini və ya modellərini nümayiş etdirir. Bu, Belarus, Sudan, Kuba, ÇXR, Rusiya və bir sıra digər ölkələrdir.

Dayer Turan-ın sualına cavabda bildirib ki, Rusiya ukraynalı qaçqınları, xüsusilə də qadınları və uşaqları istismar edir. “Uşaqları hərbi xidmət çəkməyə və canlı sipər olmağa məcbur edirlər, qanunsuz olaraq övladlıq götürürlər”, deyə o, əlavə edib.

Azərbaycana gəlincə, məruzədə belə deyilir: “Hökumətin əhalinin həssas qrupları arasında traffikinq qurbanlarının yoxlanılması və müəyyən edilməsi üzrə səyləri əvvəlki kimi əksik olub. QHT-lərin idarəçiliyində olan sığınacaqlar dövlət tərəfindən kifayət qədər maliyyələşdirilmir və planlı və elan edilməmiş əmək təftişləri keçirilmir”.

Məruzədə həmçinin insan alveri cinayətlərinin kifayət qədər fəal araşdırılmadığı və vəzifəli şəxslər də daxil olmaqla, təqsirkarların adekvat cəzalandırılmadığı deyilir.

Dağıstanın (Rusiya Federasiyası) Dərbənd və Mahaçqala şəhərlərində baş verən terror aktları nəticəsində ölənlərin sayı 6-ya, xəsarət alanların sayı isə 23 nəfərə çatıb. Ölənlərin polis əməkdaşları olduqları bildirilir.

Bu barədə Rusiya Federasiyasının İstintaq Komitəsi məlumat yayıb.

Bundan başqa Dağıstanın Dərbənd şəhərində bütün kütləvi tədbirlər ləğv edilib.

Dağıstanın Daxili İşlər Nazirliyi məlumat yayıb ki, atəş açan iki silahlı məhv edilib. Hadisə ilə bağlı cinayət işi açılıb.

Mənbə: "112" "Telegram" kanalı

***

Dağıstan Respublikasının paytaxtı Mahaçqala şəhərində naməlum şəxslərin hücumu nəticəsində 1 polis əməkdaşı həlak olub, 6-sı yaralanıb.

Bu barədə Dağıstanın Daxili İşlər Nazirliyi məlumat yayıb.

“Mahaçqalada ilkin olaraq bir polis əməkdaşı həlak olub, altısı yaralanıb”, - məlumatda deyilir.

Mülki əhali arasında yaralı və ölənlərin olmadığı qeyd edilir. “BAZA” teleqram kanalı məlumat yayıb ki, polis əməkdaşlarına hücum edən iki terrorçu məhv edilib.

Bundan əvvəl Dağıstanın Dərbənd şəhərində naməlum şəxslər sinaqoq və kilsəni avtomat silahlardan atəşə tutub.//Report

***

Rusiyanın Dərbənd şəhərində naməlum şəxslər sinaqoq və kilsəni avtomat silahlardan atəşə tutub, bir polis əməkdaşı həlak olub, biri isə yaralanıb.

Bu barədə Dağıstanın Daxili İşlər Nazirliyi məlumat yayıb.

“Təxminən saat 18:00-da (Bakı vaxtı ilə 19:00- Qeyd) Dərbənddə naməlum şəxslər sinaqoq və kilsəni avtomat silahlardan atəşə tutub. İlkin məlumata görə, bir polis əməkdaşı həlak olub, biri isə yaralanıb. Şübhəlilərin qaçdığı avtomobil müəyyən edilib. Ölən və yaralanan polis əməkdaşları ilə bağlı məlumatlar dəqiqləşdirilir”, – məlumatda vurğulanıb.

Cənubi Qafqazda nəhənglərin geopolitik savaşının təzahürləri Ermənistanın cəmiyyətində ortaya çıxmaqda davam edir. Dünya nəhənglərinin regional qarşıdurması hazırda Ermənistanın gələcək taleyini müəyyən edəcək mərhələyə keçməyə başlayıb. Hər halda, ABŞ və Qərb Paşinyan hakimiyyətinin mövqelərinin möhkəmlənməsində maraqlıdır. Və Ermənistanda dövlət çevrilişi hələlik yalnız Rusiyanın geopolitik maraqlarına cavab verir.

Ancaq Rusiya kəşfiyyatının nəzarəti altında olan erməni radikallar Paşinyan hakimiyyətini dəyişdirmək hədəfinə yaxınlaşmaqda çətinlik çəkirlər. Xüsusilə də, "kilsə qoyamı"nın son vaxtlar tədricən zəifləməkdə olduğu da müşahidə edilir. Və bu baxımdan, Paşinyan hakimiyyəti tədricən özünü daha rahat hiss etmək şansı qazanıb.

Digər tərəfdən, Paşinyan hakimiyyəti son vaxtlar ABŞ və Qərbin də siyasi dəstəyini öz arxasına almağa nail olub. Halbuki, Qərb siyasi dairələri Ermənistanda "erməni üçlüyü"nün dövlət çevrilişi cəhdlərinə mümkün qədər təmkinli yanaşmağa üstünlük verirdilər. Son vaxtlar CİA və ABŞ Dövlət Departamentinin yüksək rütbəli təmsilçilərinin İrəvana ardıcıl səfərləri Qərbin Paşinyan hakimiyyətinə siyasi dəstəyi kimi qəbul olunur.

Təbii ki, rəsmi İrəvan situasiyanın öz xeyrinə dəyişməsindən maksimum səviyyədə yararlanmaq niyyətindədir. Paşinyan hakimiyyətinin son vaxtlar öz siyasi rəqiblərinin üzərinə yeriməsi də bunu təsdiqləyir. Hər halda, baş nazir Nikol Paşinyan "erməni üçlüyü"nü sıradan çıxartmaq istiqamətində qətiyyətli addımlar atmağa başlayıb. Və Paşinyan hakimiyyətinin bu məsələdə xüsusi plan əsasında hərəkət etdiyi də nəzərə çarpır.

Məsələ ondadır ki, rəsmi İrəvan ilk növbədə erməni kilsəsinin Ermənistan cəmiyyətinə təsir mexanizmlərinı sıradan çıxartmaq niyyətindədir. Hakim partiya erməni kilsəsinin vergiyə cəlb olunması məqsədilə xüsusi qanunların qəbul edilməsinə hazırlaşır. Yəni, Paşinyan hakimiyyəti erməni kilsəsinin maliyyə qaynaqlarını nəzarətə almağa hazırlaşır. Və bunu edəcəyi təqdirdə, erməni kilsəsi tamamilə küncə sıxışdırılmış dini quruma çevrilmiş olacaq.

Belə anlaşılır ki, Paşinyan hakimiyyəti terror mərkəzi olan erməni kilsəsini öz maraqları üçün ən ciddi təhlükə hesab edir. Çünki "kilsə qiyamı"na paralel olaraq, baş nazir Nikol Paşinyanın terror təhdidlərinin hədəfinə çevrilməsi rəsmi İrəvanı qətiyyətli davranmaq məcburiyyətində buraxıb. Və hətta erməni kilsəsinin "qələm"inin qırılmaq üzrə olduğu da qətiyyən şübhə doğurmur.

Paşinyan hakimiyyətinin hədəfində ikinci sırada erməni diasporu yer alır. Baş nazir Nikol Paşinyan son vaxtlar erməni diasporunun əleyhinə kəskin ittihamlar səsləndirməyə başlayıb. O, hesab edir ki, erməni diasporu Ermənistana beynəlxalq məkanda dəstək olan mexanizm rolunu oynamalıdır. Və erməni diasporunun Ermənistanın siyasi idarəçilik prosesinə kobud müdaxilə etməsi yolverilməzdir, çünki bu, dövlətçiliyə sarsıdıcı zərbə vurur.

Göründüyü kimi, Paşinyan hakimiyyəti erməni diasporunu da Ermənistandan müəyyən məsafədə saxlanmasına cəhd göstərir. Əgər, buna nail olarsa, daxili siyasi rəqiblərin tamamilə sıradan çıxarılması elə bir ciddi problem yaratmaz. Çünki təxribat mərkəzi olan kilsə və diasporun bloklanmasından sonra daxili radikal siyasi rəqiblər demək olar ki, təklənmiş vəziyyətə düşmüş olacaq. Və onların öhdəsindən gəlmək isə o qədər də ciddi problem yaratmayacaq.

Maraqlıdır ki, Paşinyan hakimiyyəti "erməni üçlüyü"nün tərkibində yer alan Qarabağ klanının sıradan çıxarılması prosesinə artıq start verib. Hazırda Qarabağ klanının liderləri olan keçmiş prezidentlər Robert Köçəryan və Serj Sarkisyanın yaxın ətrafı küncə sıxışdırılır. Onların biznes fəaliyyəti məhdudlaşdırılır, maliyyə qaynaqları nəzarət altına alınır. Və bu siyasi-iqtisadi klanın Rusiya ilə birbaşa bağlantıları olan təmsilçiləri müxtəlif bəhanələrlə həbs olunur.

Belə anlaşılır ki, Paşinyan hakimiyyəti Ermənistanda Rusiyanın "beşinci kalon"unu tamamilə sıradan çıxartmaq niyyətindədir. Buna nail olmaq üçün isə rəsmi İrəvan Qarabağ klanının əsas sosial bazasını darmadağın etməyə çalışır. Xüsusilə də, Azərbaycanı könüllü tərk edərək, Ermənistana mühacirət edənlərin nəzarət altına alınmasına başlanılıb. Və bu addımın atılmasında bir neçə önəmli faktor önəmli rol oynayır.

Birincisi, Azərbaycandan Ermənistana keçən erməni separatçı-terrorçular Paşinyan hakimiyyətinə qarşı potensial təhlükə mənbəyi hesab olunur. Çünki bu təbəqənin əhəmiyyətli bir hissəsi vaxtilə hərbi təlim keçiblər, terror-diversiya üzrə "ixtisaslaşıblar". Üstəlik, Ermənistanın müxtəlif bölgələrində yerləşmiş erməni separatçı-terrorçuların əlində çoxlu sayda silah-sursat cəmləşdiyi də bildirilir. Və bu, kifayət qədər ciddi daxili təhlükə deməkdir.

Məsələ ondadır ki, Rusiya kəşfiyyatının nəzarətində olan erməni separatçı-terrorçular Ermənistanı hər an daxili savaşa sövq edə biləcək imkanlara malikdirlər. Ona görə də, rəsmi İrəvan bu terrorçu qruplaşmanı sıradan çıxartmaqla, Rusiyanın və Qarabağ klanının Ermənistanda siyasi-ictimai manevr imkanlarını məhdudlaşdırmağa can atır.

Onu da qeyd etmək lazımdır ki, rəsmi İrəvan Azərbaycandan Ermənistana könüllü mühacirət edən ermənilərin əhəmiyyətli bir hissəsinin ölkəni tərk etməsinə nail olub. Bu məqsədlə onlara dolayısı ilə inzibati təzyiqlər göstərilib. İndi isə erməni separatçı-terrorçuların rəhbərləri və daha radikal təmsilçiləri birbaşa hədəfə alınıb. Və rəsmi İrəvan Ermənistan daxilində "dövlət"in yolverilməz olduğunu bəyan etməklə, hərəkət edir.

Belə anlaşılır ki, rəsmi İrəvan Azərbaycan daxilində 30 il hərbi cinayətlər törətmiş erməni separatçı-terrorçulara vaxtilə "status" tələb etsə də, indi onların Ermənistanda təşkilatlanmasına imkan vermək niyyətində deyil. Ona görə də, bu təbəqənin təmsilçiləri Paşinyan hakimiyyəti tərəfindən hər hansı rəsmi statusda qəbul olunmur. Onların rəhbərliyi açıq-aşkar təzyiqlərə məruz qoyulur.

Ermənistan xüsusi təyinatlılarının İrəvandakı "dağlıq Qarabağ nümayəndəliyi"nə basqın etməsi bu baxımdan, rəsmi İrəvanın əsas siyasi hədəfini təxmin etməyə əsas verir. Eyni zamanda, erməni separatçı-terrorçuların sonuncu rəhbəri Samvel Şahramanyanın avtomobilinin zorla aparılması da rəsmi İrəvanın bu cinayətkar qruplaşmaya tolerant yanaşmayacağını göstərir. Və belə anlaşılır ki, Azərbaycan ərazisində 30 il terrorçuluqla məşğul olmuş ermənilərə Ermənistan cəmisi heç bir il belə, səbr göstərmədi.(Yeni Müsavat)