“Azəriqaz” İstehsalat Birliyinin Ağsu Regional Qaz İstismarı İdarəsinin Ucar Xidmət Sahəsi rəhbərliyinin özbaşınalığından DİA.AZ olaraq dəfələrlə yazmışıq. Amma görünəni odur ki, "Azəriqaz" rəhbərliyinin bu barədə susqunluğunu açıq HİMAYƏ kimi qəbul edən yerdəki məmurlar özlərini göydəki Allah bilib özbaşınalıqlarını daha da irəli aparıblıar. Bu da nəticəsi. Vəziyyət o həddədir ki, bu dəfə sözügedən idarədən sıravi vətəndaşlar, "Azəriqaz" abonetləri yox, elə həmin idarənin öz çalışanları giley edir.

“Azəriqaz” İstehsalat Birliyinin Ağsu Regional Qaz İstismarı İdarəsinin Ucar Xidmət Sahəsi nin işçisi Məmmədov İlkin Vidadi oğlu bildirir ki, həmin idarənin Baş mühəndisi Zaur Məmmədov onu və ailə üzvlərini açıq şəkild təhqir edib və bununla yetinməyərək, təhqir etdiyi işçinin qovulmasına da nail olub.

DİA.AZ bildirir ki, bununla əlaqədar sözügedən idarənin əməkdaşları etiraza qalxaraq bu haqsızlığın durdurulması üçün "Azəriqaz" rəhbərliyi qarşısında tələblərini irəli sürüblər və işi dayandırdıqlarını bəyan ediblər.

Daha ətraflı aşağıdakı videoda:

https://www.facebook.com/ilkin.memmedov.1401/videos/616142769858827

Məsələ diqqətimizdədir. Bütün əlaqədar qurum vəşəxsləri dinləməyə hazırıq...

Göyçay rayon 106 Peşə Liseyinin yataqxanasında məskunlaşan bir qrup şəxs video müraciət edərək məhz ölkə başçısı cənab İlham Əliyevdən kömək istəyirlər.

Onların bildirdiyinə görə, dəfələrlə rayonda fəaliyyət göstərən aidiyyəti qurumlara öz etirazlarını bildirsələr də, problemləri həll olunmur ki, olunmur. "Azərsu" ASC Göyçay Su Kanal İdarəsi (Kazım adlı cavabdeh) vətəndaşlara büdcədə vəsait olmadığını, ona görə də köməklik göstərə bilməyəcəklərini deyirlər. Üstəlik bina Elm və Təhsil Nazirliyinin balansında olduğu üçün, nazirliyə müraciət etmək lazım olduğunu tövsiyə edirlər. Həmçinin, Göyçay "Şəhər Təsərrüfatı Birliyi"nin Mənzil Sahəsi də qəzalı durumda olan yataqxana qətiyyən təmir işləri aparmaq istəmir. Halbuki binanın kanalizasiya sistemi yararsız vəziyyətdədir. Bir sözlə, məsuliyyətdən yayınmaq məqsədilə hər bir idarə cavabdehliyi digər qurumun üzərinə atmaqdadır.

Eyni zamanda sakinlər deyir ki, onlar Göyçay Rayon İcra Hakimiyyəti başçısı Natiq Ağayevin də qəbulunda olublar. İcra başçısı problemin həlli istiqamətində öz tapşırığını versə də, Göyçay Su Kanal İdarəsi yataqxana sakinlərinə nə su verir, nə də ki, binanın divarlarını rütubətli və nəmişlik içərisində saxlayan dərilmiş kanalizasiya borularının təmir olunmasına köməklik göstərirlər...

Daha ətraflı videoda:

Teref.az

Qazax rayon şəhid Famil Əhmədov adını daşıyan küçənin sakinləri tərəfindən 32gun.az-a şikayət daxil olub.

Sakinlərin şikayətində qeyd edilib ki, 3 il bundan öncə küçəyə su təchizatı və kanalizasiya sistemləri qoşularakən qazıntı işləri aparılıb.

Küçəyə borular döşəndikdən sonra qazılmış yerlər doldurulub və sadədəcə çınqıl, qırmadaş ilə möhkəmləndirilib. Ancaq nədənsə Qazax Rayon İcra Hakimiyyəti asfaltlama işlərini 3 ildir yubadir. Hazırda küçənin asfalt örtüyü bərbəd haldadır.

Sakinlər icra Hakimiyyətinə hər müraciət etdikdə isə plan əsasında işlərin getdiyi yaxın zamanda həmin küçəyə də asfalt örütüyü çəkiləcəyi bildirilib. Lakin vədlərinə 3 ildir əməl edilmir.

Onu da bildirmək lazımdır ki, rayonda "40 pilləkənin üstü" deyə tanınan şəhid Famil Əhmədovun adını daşıyan küçə ümummilli lider Heydər Əliyevin adını parkla üz-üzədir. Yağış zamanı da yığılan sular, digər çirkab suları Heydər Əliyevin adını daşıyan parka doğru axır.


Məsələ ilə bağlı Qazax Rayon İcra Başçı Rəcəb Babaşovun birinci müavini Alıyev Məmməd Oruc oğlu ilə danışdıq, Başçının müavini saytımıza danışarkən rayon daxilində asfaltlama işinin Qazax Rayon İcra Hakimiyyəti tərəfindən həyata keçirildiyini deyib.

Həmçinin M.Alıyev "Yaxın zamanda Prezident İlahm Əliyev Qazaxa gələcək. Bu zaman ondan xahiş edəcəyik ki, küçələrə kanalizasiya işləri çəkilib, asfaltlama işləri üçün köməklik göstərsin" deyə bildirib.

Bakı məktəbində şagirdlər arasında insident yaşandığı iddia olunur. Hadisənin martın 10-da Yasamal rayonu 158 nömrəli orta məktəbdə Azərbaycan və rus bölümündə təhsil alan şagirdlər arasında yaşandığı bildirilir.

TEREF.AZ bildiir ki, Bizim.Media-ya bu barədə məlumat verən mənbənin sözlərinə görə olayın baş verdiyi gün Elm və Təhsil Nazirliyinin nümayəndlərindən ibarət komissiya məktəbdə olub.

Bu zaman 9 və 11-ci sinif şagirdləri arasında mübahisə yaşanıb. İnsident zamanı şagirdlərdən birinin əlində bıçaq olduğu da bildirilir.

Mübahisəni sakitləşdirmək üçün araya girən direktorun təlim-tərbiyə işləri üzrə müavini Nəzakət Cəfərova üz nahiyyəsindən ciddi xəsarətlər alıb.

Mənbə bildirir ki, mübahisənin hansı səbəbdən və məhz komissiyanın məktəbdə olduğu vaxtda baş verməsi bir qədər müəmmalı görünür. Amma ciddi olay olduğundan məktəbə ərazi üzrə polis əməkdaşları çağırılıb. Olay iştirkçılarından və zərərçəkəndən izahatlar alınıb.

Məsələ ilə bağlı Bakı Şəhər Təhsil İdarəsindən hər hansı cavab ala bilmədik. Daha sonra 158 nömrəli orta məktəbin direktoru Mehriban Ələkbərova ilə əlaqə saxladıq.

Mehriban xanım sualımızı eşidər-eşitməz “nə sözünüz varsa, buyurun məktəbə gəlin, danışaq” deyə bildirib. Zərərçəkən Nəzakət Cəfərova isə məsələni nə təsdiq, nə də inkar edib. O, şagirdlərdən ibarət tədbirdə iştirak etdiyi üçün məsələyə sonra münasibət bildirəcəyini qeyd edib.

Yazıda adı keçənlərin mövqeyini dərc etməyə hazırıq.

Mövzunu diqqətdə saxlayacağıq...

Bakı şəhəri, Sabunçu rayonu, Bakıxanov qəsəbəsi, Sülh küçəsi kv 40-90/94, ev 2/7, mənzil 58 ünvanında yaşayan Abdullayev Elman İbrahimxəlil oğlu tərəfindən

Şikayət ərizəsi

Bildirirəm ki, 12 mart 2014-cü il tarixində Xırdalan şəhəri H.Əliyev pr.34 ünvanında “ESKA” MMC-nin inşa etdiyi binadan XI mərtəbə ümumi sahəsi 90 kv.m olan 129 saylı mənzili MMC–nin direktoru Ələmdar Polad oğlu Hüseynova 49500 (qırx doqquz min beş yüz) manat nağd şəkildə əlbəəl ödəməklə almışam. Ödənilən məbləğ müqabilində mənə rəsmi kassa çeki və maliyyə sənədi verilməmişdir. Pulu ödəyəndən sonra mənimlə müqavilə bağlananda binanın nə vaxt təhvil verilməsi barədə maddə yoxdur, ancaq mənə şifahi formada bildirildi ki, binanı 1 il müddətində tikib təhvil verəcəyik. Bina həmin müddətdə təhvil verilməmişdir. 28 dekabr 2022–ci ildə mənzilə çıxarış almaq üçün MTK–nin sədri Roza Səfərovaya müraciət etdim (əlaqə nömrəsi: + 994 55 538 60 59)(MMC hazırda MTK–ilə əvəzlənmişdir). Roza Səfərovaya Dövlətdən mənzilə çıxarış almaq istəyəndə məndən 720 (yeddi yüz iyirmi) manat sayğacların pulunu (qaz, su, işıq) və 2018–ci ildə isə kommunal haqqı istədi və dedi ki, bu ödənişlər üçün də qəbzlər vermirik. Mən ona xatırlatdım ki, fiziki şəxslər üçün kommunal sayğacların pulsuz olması barədə ölkə Prezidenti Cənab İlham Əliyevin sərəncamı vardır. O bunun müqabilində mənə dedi ki, bu vəsaiti ödəməsən heç bir sənəd verməyəcəyik, get hara şikayət edirsən elə. Əlavə olaraq bildirirəm ki, Azərbaycan Respublikası Qaz Təchizatı haqqında NK–nin 12 may 2011–ci il 80 saylı qərarı (maddə 13, bənd 9), “Sudan istifadə qaydaları”nın təstiq edilməsi haqqında 17 iyul 2014–cü il 262 saylı qərarları vardır (maddə 1, bənd 8). Mənim “ESKA” MTK ilə sayğac quraşdırılması, kommunal haqqı ödəməyim barədə müqaviləm yoxdur və heç bir öhdəliyim yoxdur. Bütün sayğaclar MTK–nin hesabına quraşdırılmalıdır. “ESKA” MTK 216 mənzildən ibrarətdir, onların 110 mənzilin sahiblərindən 720 manatdan qanunsuz olaraq 720 manat vəsait yığılmışdır. Verməyənləri MTK–nin patronu Roza Səfərovanın birbaşa əmr verəni Elxan Dadaşovun (əlaqə nömrəsi: +994 50 326 21 31) göstərişi ilə incidirlər. Bir 2 aya yaxındır ki, yollarda zülüm çəkirik. 02 fevral 2023–cü ildə Roza Səfərova mənə zəng edərək hədə- qorxu gəlir ki, səndən şikayət edəcəm. Elxan Dadaşov Roza Səfərova vasitəsilə insanların konstitutsiya hüquqlarını pozur, Cənab Prezidentin vətəndaşların rifahı üçün imzaladığı sərəncamları ayaq altına atır. Aldığım məlumata görə "ESKE" MTK-nin sahibi Elxan Dadasov Azərbaycan Memarliq ve İnşaat Akademiyasinda baş müəllim işləyir və qanunsuz olaraq sahibkarlıqla məşğul olur, sakinlərə süni əngəllər yaradır.

Xahiş edirəm, E.Dadaşovun qanuna zidd əməlləri barədə Azərbaycan Memarlıq ve İnşaat Universitetinin rektoruna, Azərbaycan Elm və Təhsil Nazirinə məlumat verərək mətbuat vasitəsi ilə ictimaiyyətə çatdirasınız. Mən Roza Səfərovanın bu hərəkətini ölkə Prezidentinin vətəndaşların rifahının yüksəldilməsi üçün verdiyi sərəncamın sabotaj edilməsi kimi qiymətləndirirəm, ona görə də sizə müraciət edirəm, mənim şikayətimi yuxarı dövlət orqanlarına və cəmiyyətə çatdırasınız.

Xahiş edirəm, hüququmu qoruyasınız.

Qeyd olunan ünvanda yerləşən mənzilə aid protokol mənə verilsin, sayğacların təmənnasız qoyulması təmin olunsun, “ESKA” MTK-da baş verən qanunsuzluqlar barədə dövlət orqanlarına və mediaya məlumat verilsin ki, bu qanunsuzluqlara əhali məlumatlansın.

İmza: E. Abdullayev
(055 720 77 11) //moderator.az//

Abşeron Rayon Mərkəzi Xəstəxanasının rəhbərliyi dəyişilsə də, burada xidmət səbiyyəsi dəyişməyib, əksinə, yeni direktorun apardığı bəzi dəyişiklər insanların işini daha da çətinləşdirib.

Bu barədə Qlobal.az-a verilən məlumatda deyilir.

Məlumata görə Azər İsmayılov Abşeron Rayon Mərkəzi Xəstəxanasına direktor təyin edildikdən sonra ilk işi qeydiyyat şöbəsinin yerini dəyişmək olub:

"Abşeron Rayon Mərkəzi Xəstəxanasına yeni direktor gəldikdən bir müddət sonra qeydiyyat yerini dəyişdi. Əvvəllər qeydiyyat sırası 5-6 cərgə üzrə olardısa indi xəstəxanaya gələn insanlar bir cərgədə dayanır. Nizam-intizamsızlıq, sıxlıq olur. Bura gələn insanlar əyləncəyə gələn gənclər deyil ki, uzun müddət ayaq üstə dayana bilsinlər. Əksəriyyəti xəstə adamlardı, belə sıxlıqda cərgədə dayanan sağlam adam da hansısa xəstəlik tapa bilər."-deyə, yazırlar.

Abşeron RMX-da ödənişli xidmətlər üçün alınan pulların 1-2 saatdan bir hansısa mülki şəxs tərəfindən toplandığı deyilir:

"Abşeron Rayon Mərkəzi Xəstəxanasında bəzi xidmətlər ödənişlidir. Bu xəstəxana elə bil "sağlamlıq arayışı" satmaqla məşğuldur. Bir sağlamlıq arayışı 40 manata verilir. Ödənişləri 1-2 saatdan bir gəlib insanların gözü qarşısında yığıb aparırlar. Sanki, o pullar iş gününün sonunadək xidmət göstərənlərin seyfində qalsa kimlərsə oğurlayacaq".

Abşeronda xəstəxanasında diabet xəstələrinə dərman preparatlarının vaxtlı-vaxtında verilmədiyi vurğulanır:

"Diabet xəstələri üçün dövlət təminatı ilə verilən dərman preparatları və digər tibbi ləvazimatlar da düzgün qaydada verilmir. Dərman almağa gələndə bəzən rayon poliklinikasından bizə dərmanların qurtardığı deyilir. Məcbur qalıb həmin dərmanları apteklərdən pul ilə alırıq. Halbuki qeydiyyatda olan hər bir diabet xəstəsi üçün dövlət büdcəsi hesabına dərman və digər tibbi ləvazimatlar alınır. Amma bu dərman və ləvazimatlar hara yoxa çıxır bilmirik. Bütün bunlar azmış kimi, bu yaxınlarda poliklinikada fəaliyyət göstərən endokrinoloqların yerinin dəyişdirilməsi də xeyli diabet xəstəsini daha acınacaqlı duruma salıb. Rayonun ən ucqar kəndlərindən Xırdalana dərman dərman almağa gələn şəkər xəstələri geriyə dərmansız qayıdır".-deyə, şikayət məktubunda qeyd edirlər.

Şikayətçilər yazır: "Abşeron Rayon Mərkəzi Xəstəxanasının direktoru Azər İsmayılovdan xahiş edirik, əgər görüntü naminə yox, həqiqətən də yenilik etmək, TƏBİB rəhbərliyinin ona olan etimadını doğrultmaq istəyirsə Abşeron rayonunda olan diabet xəstələrinin siyahılanması işini aparsın. Əksəriyyəti yaşlı olan, yeriməyi belə bacara bilməyən insanların süründürməçiliyinə son qoysun. Abşeron rayonu çox böyük rayondur. Elə diabet xəstələri var ki, dərmanlarını almağa 3-4 avtobus dəyişərək gəlirlər. Rayonun hər bir kəndində tibb məntəqəsi, laboratoriya var. Olmazmı bu insanlar dərmanlarını yaşadıqları yerdə, yaxud ona daha yaxın olan dövlətin tibb müəssisələrindən alsınlar. Axı Azərbaycanın ən ucqar rayonlarında bu sistem var".

Qeyd edək ki, Azər İsmayılov ötən ilin dekabr ayında Abşeron Rayon Mərkəzi Xəstəxanasına direktor təyin edilib.

TƏBİB xəbərə mövqe bildirməyib.

Qlobal.az

Azərbaycanda təhsil sistemində korrupsiya hallarının aradan qaldırılması istiqamətində son zamanlar ciddi tədbirlər görülməkdədir.

Təhsil sistemində aparılan struktur və kadr dəyişiklikləri və eyni zamanda hüquqi mühafizə orqanlarının təhsil müəssisələrində apardıqları əməliyyatlar korrupsiya və rüşvət hallarının aradan qalxmasına müəyyən mənada müsbət təsir edir.

Bu ilin yanvar ayında Baş prokuror yanında Korrupsiyaya qarşı Mübarizə Baş İdarəsinin Ağdam Musiqi Kollecində keçirdiyi xüsusi əməliyyat bir daha təhsil müəssisələrində olan acınacaqlı vəziyyəti ortaya qoymuş oldu.

Qlobal.az xəbər saytının əldə etdiyi məlumatda iddia edilir ki, korrupsiya və rüşvət hallarının geniş yayıldığı təhsil müəssisələrindən biri də Ağdam Dövlət Sosial-İqtisadi Kollecidir.

Məlumatda son illər dövlətin kollecin təmirinə ayırdığı vəsaitlərin təyinatı üzrə xərclənmədiyi vurğulanır.

Bu gün Ağdam Dövlət Sosial-İqtisadi Kolleci həm texniki bazasına, həm də təhsil səviyyəsinə görə respublikada ən geridə qalan kolleclərdəndir.

Saytımıza verilən məlumatda dövlətin kollecin təmirinə ayırdığı vəsaitin satınalma yolu ilə mənimsənildiyi, görüntü olaraq isə bir-iki vedrə emulsiya alınıb divara yaxıldığı iddia edilir.

Ağdam Dövlət Sosial-İqtisadi Kollecindən iddialara mövqe öyrənə bilmədik.

Mövzunu diqqətimizdə saxlayacağıq. /Qlobal.az//