 |
|
|
Artıq bir neçə ildir ki, Gəncə şəhərində xəstəxanalara verilən dərmanlar aidiyyəti üzrə bölünmür. Belə ki, Gəncənin xəstəxanalarında insult, şəkərli diabet, qaraciyər xəstəlikləri olan şəxslərin dərmanlarının verilməsində ciddi problemlər yaranıb.
Əsas problemlərdən biri də Səhiyyə Nazirliyi tərəfindən hər adam üçün ayrılan dərmanlar xəstələrə vaxtında çatmır və ya düzgün bölünmür. Şikayətçi vətəndaşlar bildirir ki, bizim müraciət etdiyimiz aidiyyəti üzrə xəstəxanalar, dərmanları mənimsəyirlər. Hətta deyilənlərə görə, möhürlü dərmanların möhürü çırılıb atılır, apteklərə müəyyən miqdarda satışa qoyulur. Bundan başqa, insult xəstələrinə verilməli olan dərmanlardan sadəcə biri təqdim edilir. Bununla da xəstələrin yaxınlarına qol çəkdirərək digərlərini mənimsiyirlər. Bu cinayət deyilsə, bəs nədir?
Mövzuya qayıdacayıq...
Qarşı tərəfin mövqeyini dinləməyə hazırıq...
hurriyet.az
DogruXeber.az: - "Tovuz rayon Mərkəzi Xəstəxanasında qız övladı dünyaya gətirən Aygün Qasımova 26 yaşında analıqdan məhrum olub.
Ailə üzvləri deyir ki, Aygün doğuşadək daim həkim nəzarətində olub və səhhəti ilə bağlı heç bir narahatlıq müşahidə edilməyib.
Nəsibə Qasımova - zərərçəkənin anası: "Mən 11 aydır ki, qızımı Xatirə həkimin yanına gətirmişəm. Yəni boş qarına Xatirə həkim 3 ay müalicə edib. Ondan sonra 9 ay mütəmadi olaraq bu həkimin xəstəsi olub. Deyib ki, doğuşa hazırdır, mən onu doğuzduracağam. Birdən birə dedi ki, doğuzdurammıram, keyserə çıxacaq".
Qeysəriyyə əməliyyatına alınan Aygünün vəziyyəti qəfildən pisləşir. Təcili anaya qan köçürmək lazım gəlir.
Nəsibə Qasımova - zərərçəkənin anası: "Orada qan yox idi. Qanın qramını 70 manata aldıq. Vaxtında çatsa, mənim uşağım bu vəziyyətə düşəsi deyildi"."
Hələ, 2017-ci ildə "Sonxeber"de yayımlanan xəbəri təkrar xatırlatmaq istədik. Çünki, söhbət Tovuz sakinlərinin adını çəkərkən, "o rüşvətin atasıdır" dedikləri Paşa Muradovun rəhbərlik etdiyi Tovuz rayon Mərkəzi Xəstəxanasından gedir. O vaxtlar həmin xəstəxananın doğum şöbəsinin müdiri deyilənə görə Rəna xanım imiş. Artıq, Rəna xanım təqaüdə çıxıb, amma müqavilə əsasında hələ də mama-ginekoloq olaraq, orada çalışır. Sözügedən Xatirə xanım isə - yuxarıda doğuşa az qalmış, qeysəriyyə əməliyyatı məsləhət görən, onunla da 26 yaşlı gənc qadını sözün əsl mənasında bədbəxt edən Xatirə xanımdır.
Həmin Xatirə xanım ki, rayon sakinlərinin redaksiyamıza verdiyi məlumata görə hazırda xəstəxanada Doğum şöbəsinin müdiri vəzifəsində çalışır.
Xəritə xanımın pasientə qeysəriyyə üsulu ilə doğuş təklif etməsinin - daha doğrusu məlumatı bizə verən şəxsin sözlərinə görə buna məcbur etməsinin səbəbi qeysəriyyə yolu ilə doğuşun bahalı (1000 (min) AZN) olmasıdır.
Mənbə "DogruXeber.az"a bildirir ki, "Doğuş üçün gələn hər kəsə israrla qeysəriyyə əməliyyatı təklif olunur.
Əməliyyatdan sonra 3 gün xəstəxanada yatmalı olan pasientlərin özlərinə yataq dəsti gətizdirilir.
Yemək, çay verilmir. Çay istəyənlərə xadimələr bir termos dolusu çay hazırlayıb verməyə 5 (beş) manat pul alırlar. Təmizlikçilər təmizlik üçün əlavə pul alırlar. Bir sözlə, 3 gün "Şirinlik" adı ilə xəstəxanada yatan xəstələrin dərisini soyurlar."
Hə... bir də xəstəxana binasının tarixçəsinə qısa nəzər salaq:
Demək, 2 hektardan artıq ərazisi olan yeni tibb ocağı üçmərtəbəli əsas korpusdan, sanitar-epidemioloji və patoloji anatomiya binalarından ibarətdir. Cərrahiyyə, reanimasiya və terapiya şöbələri olan binanın avadanlıqları İtaliya, Almaniya və Çexiyadan gətirilib.
İnşasına 2008-ci ildən başlanan Tovuz rayon Mərkəzi xəstəxanasının tikintisi üçün 6 milyon 400 min manat vəsait ayırılıb."
Bunu xatırlatmaqda isə məqsədimiz binanın istilik və su sistemləri ilə bağlıdır.
Mənbə bildirir ki, "xəstəxanada su, istilik sistemi ümumiyyətlə yoxdur.
Çöldən baxanda, xəstəxana ən müasir tipli bina kimi çox gözəl görünür. Amma, qışda orada yatan xəstələrin özlərinə elektriklə çalışan qızdırıcı sobalar aldırılır, sonra da "peçi hara aparırsan, qoy qalsın" deyib, xəstəni utandırır, sobanı əlindən alırlar. Lakin, o sobaların aqibəti bilinmir. Çünki, hər gələn xəstəyə yenə də qızdırıcı sobalar aldırılır, yenə də orada saxlanılır. Bundan əlavə, keçmiş şöbə müdiri Rəna xanım puldan əlavə hər dəfə xəstələrdən illik azuqəsini də yığır.
Kiminin boynuna toyuq, qaz, kiminin quzu, kiminin yağ, pendir, süd, qatıq, kiminin yumurta, kiminin də bal qoyur. Sonra da həyat yoldaşı Musa kişini göndərir ki, gedib yığıb gətirsin. Kəndlilər öz aralarında "Musa kəndə gələndə, sanki, kolxoz bazarına gəlir " deyirlər."
Mənbənin sözlərindən belə aydın olur ki, Tovuz sakinlərinə nəsil artımı çoooox baha başa gəlir. Özü də ödə -ödə bitmir. Pulu pul, ərzağı ərzaq.
Yeri gəlmişkən, müayinə üçün hər xəstədən 30 (otuz) manat tələb olunur, yəni bir mama-ginekoloq baxışı üçün olan qiymətdir. USM - rentgen müayinəsi üçün də hər xəstədən 20-30 manat alınır. Ümumiyyətlə, Tovuz rayon Mərkəzi Xəstəxanasında hər şeyin öz qiyməti var, müayinə, təmizlik, doğuş və sair..."
Deyir, 'hər xəstədən 30 (otuz) manat və şəxsiyyət vəsiqəsi alınır. Vəsiqə ilə də xəstələr özlərinə demədən, Sosial Sığorta ilə qeydiyyata salınır.
Özü də deyirlər bütün bunlardan xəstəxananın baş həkimi Paşa Muradov da xəbərdardır.
P.S: Qeyd edək ki, barəsində deyilən məlumatlarla bağlı adıçəkilən Xatirə xanımla telefon əlaqəsi saxladıq. Xatirə xanım xəstəxanada olmadığını, sonra zəng edəcəyini bildirdi. Lakin, iki gün gözlədik, Xatirə xanımdan səs gəlmədi. İki gün sonra yenidən Xatirə xanıma təkrar zəng etdik. Bu dəfə də Xatirə xanım xəstəxanada olmadığını, bir saat sonra əlaqə saxlayacağını bildirdi.
Həmin 1 saat da, iki gün əvvəl olduğu kimi düşdü gedər-gəlməzə...
Amma, biz bütün hallarda qarşı tərəfin də mövqeyini dinləməyə hazırıq.
Mövzuya təkrar qayıdacağıq.
DogruXeber.az
Azərbaycan Milli Elmlər Akademiyasının (AMEA) Geologiya və Geofizika İnstitutu tərəfindən keçirilən tender müsabiqəsinin qalibi məlum olub.
TEREF.AZ yeniavaz.com-a istinadla xəbər verir ki, tenderin qalibi olan “Apostrof-A” MMC (VÖEN - 3102733781) Geologiya və Geofizika İnstitutunun sifarişi əsasında İnstitutun Baş direktoru, AMEA-nın sabiq prezidenti, akademik Akif Əlizadənin “Azərbaycan Elmi: Gələcəyə Baxış” adlı kitabının 1-ci cildinin nəşrini həyata keçirəcək.
Açıqlanan rəsmi məlumatda bildirilir ki, ümumi sayı 150 ədəd olan kitabı “Apostrof-A” MMC 14-31 dekabr 2022-ci il tarixlərində çap edəcək və bu iş üçün 4 min 500 manat alacaq. Bir ədəd kitabın çapı 30 manata başa gələcək.
Qeyd edək ki, “Apostrof-A” MMC 18.07.2018-ci il tarixində dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı Abşeron rayonu, Ceyranbatan ŞTQ, ev 4-də yerləşir. MMC-nin qanuni təmsilçisi Akif Dənziyev Möhtəmən oğludur.
Tender müsabiqəsi ilə bağlı diqqət çəkən məqam isə odur ki, bu ilin iyul ayının 8-də AMEA-nın rəsmi saytında və “Azərtac”da yayılan məlumatda akademik Akif Əlizadənin “Azərbaycan elmi: gələcəyə baxış” ikicildlik kitabının 1-ci cildinin çapdan çıxdığı barədə məlumat yayılıb.
Məsələ ilə bağlı Geologiya və Geofizika İnstitutundan münasibət almağa çalışsaq da, telefon zənglərimizə cavab verən olmadı.
Bir neçə gün əvvəl Çindən dekor güllər gətirən tacirlərin Bakı Baş Gömrük İdarəsində haqsızlıqla üzləşdikləri səbəbindən Dövlət Gömrük Komitəsinə (DGK) etiraz etmələri barədə məlumat yaymışdıq.
Xatırladaq ki, redaksiyamıza müraciət edən bir qrup şəxs Çindən idxal etdikləri sintetik güllərə görə gömrük haqqı bir kiloqrama görə 3,5 ABŞ dollarından 5,0 dollara qədər qaldırılmasından şikayətlənmişdilər. Bakı Baş Gömrük İdarəsində rastlaşdıqları axırıncı tələbdən çox məyus olan ticarətçilər etirazlarını daha uca səslə bildirmək üçün Dövlət Gömrük Komitəsinə də gedibmişlər. Onlarla təmasa çıxan Bakı Baş Gömrük İdarəsinin Elmir adlı əməkdaşı isə sözün hərfi mənasında bazarlıq etmişdi: “Qiymət qalxıb, yox əgər 5 dollara razı deyilsinizsə, sizin üçün güzəşt edib 4,5 dollara rəsmiləşdirə bilərik”.Şikayətçilər Mediatv.az-a bildirirlər ki,axı son zamanlarda gömrük haqqında,eləcə də gömrük rüsumları haqqında qanunda dəyişiklik edilməyib.Bizdən alınan bu pullar hara köçrülür,kimlərin cibinə axır?
KİV olaraq mülahizə yürütmüşdük ki, bu məsələ bu ilin avqust ayında Bakı Baş Gömrük İdarəsinin rəisi vəzifəsindən azad edilərək təqaüdə göndərilən, yerinə hələlik təyinat olmayan gömrük xidməti polkovniki Pərviz Kəngərlinin vəzifəsinin müvəqqəti icrasının tapşılırldığı DGK sədrinin birinci müavini,sədr vəzifəsini müvəqqəti icra edən Şahhin Bağırova qarşı təxribat da ola bilər. Eyni zamanda DGK sədrinin birinci müavininin BBGİ-nin rəisi vəzifəsini müvəqqəti öz üzərinə götürən kimi dərhal elə qanunsuz göstərişlər verə bilməsini inandırıcı hesab etməmişdik.
Amma “ən doğrusunu DGK rəhbərliyi bilər” deyib Komitənin mətbuat və ictimaiyyətlə əlaqələr idarəsinin rəisi, gömrük xidməti polkovniki Natiq Axundovla telefon əlaqəsi saxladıq və baş verənlərə aydınlıq gətirməsini xahiş etdik. Natiq müəllim Bakı Baş Gömrük İdarəsi ilə əlaqə saxlayacağını, uzağı 20 dəqiqə ərzində məsələ ilə bağlı açıqlama verəcəyini vəd etdi. O 20 dəqiqə artıq bir həftədir ki, mətbuat katibi hər vəchlə bizimlə ünsiyyətdən yayınır. Onun əvəzinə telefonu götürən əməkdaşlar zəng etdiyimizi ona çatdıracaqlarını deyirlər, amma cavab gəlmir ki, gəlmir.
Belə başa düşürük ki, cənab Natiq Axundov təkzibolunmaz və həm də izaholunmaz fakt qarşısında qalıb və nə cavab verəcəyini, qanunsuz qiymət artımını hansı “arqumentlə” əlaqələndirəcəyini bilmir. Adətən belə situasiyalarda etirazların səngiməyini, necə deyərlər, “aranın sakitləşməyini” gözləyirlər ki, vaxt qazansınlar. Ümid edirlər ki, ticarətçilər boş yerə vaxt itirdiklərini görüb vəziyyətlə barışarlar. İstisna deyil ki, onların arasında daha fəallarını dilə tutmaq və təzyiq göstərmək yolu ilə fikirlərindən yayındırmaq, bir sözlə, sıralarını pozmaq cəhdləri də olsun.
Ən sonda xatırladaq ki, Azərbaycan Respublikasının xarici iqtisadi fəaliyyətin mal nomenklaturası, idxal və ixrac gömrük rüsumlarınının dərəcələri Nazirlər Kabinetinin qərarı ilə dəyişdirilir və qərar NK-nın “www.cabmin.gov.az” saytında yerləşdirilir.
Mövzuya qayıdacağıq.
Mediatv.az
Nizami polisinin 24-cü Polis Şöbəsinin 66 yaşlı 1-ci dərəcəli Qarabağ qazisinə qoluqandallı işgəncə verib, 9 qabırğasını sındırmasına, ağ ciyərində hematoma əmələ gətirməsinə , açıq -qapalı kəllə beyin travması kimi ağır xəsarətlər yetirməsinə, tibbi yardıma, astma dərmanından belə istifadə etməsinə qadağa qoymasına şikayətini və ekspertiza rəyini alan Nizami prokurorluğu , hərəkətsizliyindən şikayət verilən yuxarı prokurorluq orqanları nəinki hüquqi qiymət verir, əksinə, cinayəti ört-basdır edirlər. Elə Ombudsman kimi. Elə bil nə mən olmuşam, nə məhkəmə qərarı olmadan izlənmişəm, nə qatı cinayətkar kimi barəmdə sahə müvəkkili Elçin İslamov “donos” yayıb, nə 2 sutka yaralı durumda işgəncə kamerasında saxlanmışam, nə evimdən kompüter oğurlanıb . Heç müstəntiq Qalib Kərimli də olmayıb, işgəncə kamerasına Xətai məhkəməsinin keçmiş hakimi Raziyə Ataşovanı da gətirməyib, bu başabəla hakim də müstəntiqlə birlikdə yazdıqları üzləşmə protokolunda üzümə durmayıb ki , mənə icra vərəqi verməyib, axı icra vərəqi tələbkara yox, ( Xətai və Nizami ) icra şöbələrinə verilir . Raziyə Ataşovanın ikiqat məsuliyyət daşıması - həm yalan ifadə verməsi, həm də məhkəmə qərarı olmadan həbsdə saxlanmağım cinayətini bilib xəbər verməməsi “xüsusatları” da təsdiqini tapmayıb. Heç indiki hakim Nigar Qədirli də, ona əmlakımı oğurlamağa təqdimat yazan prokuror Pərviz İbayev də olmayıb. İşgəncəgörən 1-ci dərəcəli Qarabağ qazisinin qoluqandallı rentgen müayinəsini həyata keçirən Sabunçu rayonu , 3 saylı xəstəxanada olması da uydurmadır, DİN-in qospitalında rentgen müayinəsindən keçməsi də. Heç Səhiyyə Nazirliyinin Nizami rayon məhkəmə -tibbi eksperti də prokurorluğa ağır xəsarətlər barədə rəy verməyib. Hamısı yalanmış, “xüsusatlar”ın təsdiqini tapmadığını” Bakı şəhər Baş Polis İdarəsinin təşkilat inspektor idarəsi (Bəkir Sarıyev), Ombudsman Aparatının rəhbəri Aydın Səfixanlı “təsdiq edib”.
Bəs ölkənin 1-ci şəxsləri, bəs baş prokuror, Prezident köməkçisi, hüquq mühafizə orqanları ilə iş şöbəsinin müdiri Fuad Ələsgərov nə deyirlər ? İşgəncə kamerasından çıxan kimi PA-nın 1111 çağrı mərkəzinə cavab olaraq Prezident köməkçisinin qəbul limitinin ildə iki dəfə, yəni altı aydan bir olduğunu dedilər. Aprel ayında qəbulda olduğumdan, lap işgəncə olmasın, ölüm olsun, Fuad Ələsgərovun qəbul limiti bitib! (?) 1111-dən məktubla müraciət etməyimi məsləhət gördülər.
1-ci vitse-prezidentin katibliyindən sayğı ilə davranıb, yaralı durumda qəbula gəlmək əvəzinə, məktubla Prezident Administrasiyasına müraciət etməyi dedilər. 12 sentyabr 2022-ci ildə həm 1-ci vitse-prezidentə, həm də Prezidentə (köməkçisi Fuad Ələsgərova) xəbərnaməli məktub göndərib, sentyabrın 14-də məktubun çatdırılması barədə bildiriş teleqramı aldım. Sən demə, bu “xüsusatlar” da təsdiqini tapmayıbmış”. 14.12.2022-ci ildə 1111-ə zəng edəndə həm Prezidentin (köməkçisi Fuad Ələsgərovun ), həm də 1-ci vitse-prezidentin katibliyindən sentyabr ayında onlara məktub daxil olmadığı bildirildi. Bu necə ola bilər , axı məktubun PA-ya çatdırıldığını poçt şöbəsi təsdiq edib! ? Belə çıxır, məktub PA-ya çatandan sonra itirilib, aidiyyatı üzrə verilməyib. Görəsən, polis işgəncəsini gizlədib “ayı xidməti” göstərən sənədlərlə və müraciətlərlə iş şöbəsinin müdiri Süleyman İsmayılovun özüdür, yoxsa köməkçiləri? Nə bilim?
13.09.2022-ci ildə online rejimdə PA-nın saytı ilə Fuad Ələsgərovun 15 sentyabrda olacaq qəbuluna yazırdım. 1111-ə zəng edəndə isə əks - əlaqə ilə qəbula yazılmaq təsdiqlənməsə, PA-nın Vətəndaşların qəbulu mərkəzinə getməyi məsləhət gördülər . Mərkəzin 39-cu zalında adını deməkdən imtina edən xanım ( qeydiyyat otağında Səmayə Əliyeva olduğunu açıqladılar) qəbula bir gün qalmış yazılmaya qadağa qoyulduğunu deyib, 1111-i suçladı. Nə qədər əlillərin növbədənkənar qəbul olunduğunu desəm də, limitin dolduğu əsası ilə qəbula qadağa qoyuldu. Hətta yazılı müraciətimi də qəbul etmədi ki, poçtla göndərməliyəm. Poçtla göndərilənlərin it-bata salındığını deyəndə, başqa “xüsusatlar”ın mümkün olmadığı cavabını aldım. PA Qanunvericilik və hüquq siyasəti şöbəsinin müdiri Gündüz Kərimovun 23 dekabrda olacaq qəbuluna da anonimliyini inadla saxlayan xanım Səmayə Əliyeva qadağa qoydu ki, qanunvericiliyə və hüquqa tüpürməklə bağlı şikayətlərin Gündüz Kərimova aidliyi yoxdur. Belə başa düşdüm ki, polis özbaşınalığından şikayətləri qəbul şöbəsi kiminsə göstərişi ilə ört-basdır edir. Kimin? Nə bilim?
Bəs VK -nın intizam komissiyasının üzvü, fərdi vəkil Əlirza Həbilovun DİN-dən əməkhaqqı almasına, məhkəmələrlə qeyri-prosessual münasibətə girərək, 1-ci dərəcəli Qarabağ qazisinin məhkəmə təminatı hüququna qadağa qoymasına kim baxmalıdır? DİN -də vəkil ştatı var? Əlirza Həbilov etibarnaməsi olmadan DİN-in vəkili və nümayəndəsi kimi məhkəməyə təzyiqinə hüquq qiymətini kim verməlidir? PA-nın qanunvericilik və hüquq siyasəti şöbəsinin müdirinin vəkil -məhkəmə dələduzluğuna baxmadığı cavabı ilə yola salındıq. Heç sosial təminat hüququna inzibati-məhkəmə qadağasına da Aparatda baxan olmadığı, ƏƏSM nazirinin qəbuluna getməyi məsləhət verməklə cavab verildi. Bir daha qanunsuzluğun başında hüququn “başına çatı salan , oyun açan” PA-nın dayandığına əmin oldum. Bir daha əmin oldum ki, polis istənilən yerdə, istədiyi anda qollarımı qandallayıb işgəncə verər, sorğu – sual edən də olmaz.
Yaxşı ki, 1-ci vitse-prezident , xanım Mehriban Əliyeva var! 1111-ə 1-ci vitse-prezidentin katibliyinə zəng edib, qısa bilgi verən kimi, anında qəbula yazdılar və dinləyib 10 günə tədbir görüləcəyini dedilər. Gözləyək. ..
MƏĞRUR BƏDƏLSOY
Naxçıvan Respublika xəstəxanasından şikayətlər getdikcə artır. İddialara görə, Baş həkim tibb bacılarına və təmizlikçilərə göz verib, işıq vermir.
Mən də Zəbur müəllimin üzü həmişə gülsün deyə, onun barəsində redaksiyamıza göndərilən bütün şikayət məktublarını dərc etməyə qərar verdim. Beləliklə ilk qısa məktub (olduğu kimi):
"Naxçıvan Respublika xəstəxanasının, aparıcı qüvvələri olub,lakin haranı bitirdiyi məlum olmayan (daha doğrusu hazır diplom almış) həkimləri:
1. Ramidə Bağırova-söbə müdiri
2.Günay Bağırsoylu-cərrah ginekoloq (faizlə həkim gətirmək işləri görür)
3.Vüsal Əliyev-şöbə müdiri
4.Aysel Dünyamalıyeva -şöbə müdiri.
Məncə araşdırma aparılmalı ən mühüm sahələrdən biri də səhyyədir.Həm yeyinti,həm saxtakarlıq baxımından. Təkcə
işdən çıxarılan işçilərin ərizələrinin yoxlanılması belə burdakı özbaşınalıqların hansı həddə olduğunu göstərər".
Heydər Oğuz
Teref.az
DİA.AZ: - "Azəriqaz"-ın bu zamana qədər abonentlərin (istehlakçıların) cibinə necə girdiyini sübutlayan faktlar açıqlanıb. Bu barədə DİA.AZ-a adının açıqlanan faktlardan belə aydın olur ki, sözügedən qurum rəhbərliyi əvvəlki "Azəriqaz" şeflərindən fərqli olaraq dövlətdən daha çox, vətəndaşdan oğurlamaq yolunu seçib ki, bunun da fakt olaraq ifşası o qədər də asan deyil. Beləliklə, "Azəriqaz" rəhbərliyinin vətəndaşların cibinə necə girdiyini sübutlayan dəlilləri təqdim edirik. Qeyd edirik ki, mənbənin açıqladığı faktları redaktə olunmamış versiyada təqdim edirik. Zatən fikirlər anlaşılandır.
Hazırda da "Azəriqaz"da çalışan mənbə dia.az-a yazır: "Bəli, bizdədə qazı talayan oğurlayan abonentlərimiz var... qoy onlar qanuni cəzalarını alsınlar Azərbaycanın qanunları ilə, Lakin elə abonent istehlakci var onlara Azəriqaz tərəfindən qanunsuz olaraq cərimələr tətbiq edilir əsassız qaz itkilərinin bərpası məqsədiylə abonentdən xəbərsiz onun kodlarına müəyyən məbləğlər vurulur. Bir mütəxəsis kimi deyə bilərəm ki, akt tərtib olunmuş 95 % abonentlərə qanunsuz olaraq hesabat aparilmiş və qanunsuz olaraq abonent borclandırılmışdır. Təsəvvür edirsiz 2019-cu ildə sayğac əvəz olunub 2022-ci ilin noyabrinda həmin abonentə itirilmiş qazın bərpası haqqında akt tərtib olunub abonentin əvəzinə qol cəkilməklə, Bu rayonlar əsasən (Bakı rayonları, Xacmaz, Ağdaş, Gəncə, Quba, Göycay və Masallı rayonlarını kütləvi şəkildə əhatə edib) Abonentlər bunu görmür bildirişdə cixmir, Bir nüansı qeyd etmək istərdim abonentiin sayğacı əvəzlənib sayğac 1 gün qalib abonentin ünvaninda abonent qazdan istifadə edə bilməyib yəni sayğac keçən qazı buraxmayib dərhal 104 ə məlumat verib ki bəs mən fərdi evimdə qazdan istifadə edə bilmirəm xidmətin Sayğaclarin istismarı və metrologiya şöbəsi tərəfindən dərhal sayğaca baxış kecirib və məlum ediblər ki, sayğacın həqiqətən zavod qüsurludur sayğac əvəzlənməlidir bu fakt 1 günün icində baş verib
Sayğacı göndərillər labaratoriyaya sayğaca rəy verilir ki sayğacda qaz itkisi yaranmişdır sayğac ötən qazin sərfini qeyd etmir və abonentə 1 ay müddətində itirilmış qaz hesablanaraq 172.80 qəpik abonent borclandirilmişdir. (4x12x30=1440) (1440*0.12=172.80 AZN) (İZAH: 4= sayğacın nominal qaz buraxma əmsalı, 12 günün saatı, 30 isə gündür) Burda məqsəd ancaq itkilərin minimum aşağı endirilməsi və qoyulmuş rəqəmin SOCAR a verilməsindən ibarətdir.
Azəriqaz Hesabat versə əgər doğru dürüst satılan qazın umumi miqdarinin necə min kubu sayğac göstəricisndən gəlib və necə kubu yazilmiş gizlin cərimələrdən gəlib bu qeyri adi bir rəqəm ortaya cixacaq orda görəcəksizniz ki, həqiqətən satılan qazın 40 faizi məhz cərimələr dən gələn qazdır və bu bizi narahat edir cünki abonent bilmədikcə hər ay davam edən məsələlərdəndir.
Azərbaycan xalqı vallah gözəl xalqır bu xalq körpədir bu xalqın ordusuyla dünyanı fəth eləmək olar bu xalqı aldatmağ olmaz. 2018-ci ildə 2019-cu ildə sayğac əvəzləmisən 4 il kecib indi siz vəzifədə qalacaqsız deyə ona cərimə vurursuz günahdir eləməyin belə.
Siz birdənədə olsun itkilərin qarşısın alınması məqsədiylə hec bir təsərüfatda iş görmədiz . itkinin qarşısının alınmasını ancaq sayğacda gördüz ancaq itkinin yaranma səbəbləri fam fərqlidir.
Kütləvi surətdə 5-6 il istismarda olmuş Azəriqazz İB-nin eks baş direktoru Əkbər Haciyevin dövründə abonentlərin istifadəsinə verilən Alman markası olan ELSTER G-4 mexaniki tipli qaz sayğaclarını istismardan cixararaq hamisini labarator şəraitində yararsız edərək metalloma göndərdiz Səbəb nə idi?
Dünya təcrübəsində götürək elə Rusiya və Belarus təcrübəsini Sayğac abonentə qurulduqdan sonra 5 il tamaminda Sayğac mütəxəsisləri tərəfindən əvvəlcə sayğaca yerində baxış kecirilir daxili yoxlanilir kamera vasitəsiylə xüsusi maye vasitəsiylə yuyulur hər hansi bir nöqsan olmasa sayğac yenidən şəbəkəyə bağlanır 10 cu ilində sayğac acilib artıq labarator şəraitində yoxlanilir və abonentə yeni sayğac baglanilir labarator şəraitində yoxlanilan qazz sayğacı əyərsə yararlidirsa və yenidən digər abonentin istifadəsi ücün yaralı hesab edilərək qoşulur və beləliklə sayğacin istismar ili 20 il hesab olunur. Bizdə tamamiylə fərqlidir".
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Ucar rayonu H.Əliyev prospekti bina 31 mənzil 15 sakini Curullayev Kənan Akif oğlu tərəfindən
ŞİKAYƏT
16 noyabr 2022-ci il tarixdə atam Akif Curullayevin halı pisləşdi deyə Ucar rayon xəstəxanasına gətirdik.Həkim müayinə edib gah dedi ki, qan təzyizi qalxıb, gah dedi ki, ağciyərinə soyuq olub, gah dedilər ki, infakrt keçirib gahda da dedi ki, ürək çatışmamazlığıdır.Biz atamı Bakı şəhər xəstəxanasına aparılması üçün göndəriş istəsəkdə xəstəxananın direktoru Zeynal Bayramlı qanunsuz olaraq vermədi.
Bir neçə saatdan sonra atam həkim savadsızlığına və səhlənkarlığına görə vəfat etdi.
Biz indiyə qədər Ucar xəstəxanasına müraciət etməmişdik.Buna görə bilmirdik ki, Ucar xəstəxanasında savadlı həkimlər yoxdur, əks halda biz qonşu Göyçay rayon xəstəxanasına getsəydik indi atam həyatda idi ölməmişdir.Göyçay xəstəxanasında savadlı həkimlər çoxdur orada xəstələrlə mehriban davranırlar.
Ucar rayon xəstəxanasında isə təcrübəli və savadlı həkimləri direktor Zeynal Bayramlı didərgin salıb xəstəxanadan qova bilib.Xəstələr və onların yaxınları ilə Ucar xəstəxanasında kobud rəftar edirlər.Adi salamı belə pulla alırlar.
Zeynal Bayramlı Ucar xəstəxaansını çox bərbad vəziyyətə salıb.Hamı oranın fəaliyyətindən narazıdır.Zeynal Bayramlı rayonda insanlar arasında şaiyə yaydırıb ki, mənim yuxarılarda adamım var mənə gözün üstə qaşın var deyən olmayacaq.
Ucar xəstəxanası respublikada ən geri qalmış ən çox narazılıq yaratmışdır.
Prezident cənab İlham Əliyevdən, Mehriban xanım Əliyevadan xahiş edirəm atamı həkim səhlənkarlığına görə öldürən, insanların taleyi ilə oynayan dövlət xəstəxanasını viran günə qoyan direktor Zeynal Bayramlının barəsində tədbirlər görəsiniz.
Naxçıvan MR xəstəxanasının Baş həkimi Zəbur Bağırov rüşvət aldığını etiraf etdiyi səs yazısını xəstənin qohumunu (qardaşının həyat yoldaşını) işdən çıxartmaqla hədələyib sildirib.
Sonda isə "mən heç hara gedən deyiləm, kimsə mənə heç nə edə bilməz. Elə etməyin sizi Naxçıvandan didərgin salım", - deyib.
Teref.az xəbər verir ki, bunu jurnalist Heydər Oğuz öz səhifəsində yazıb. Daha sonra jurnalist yazır:
Xəstəxana işçilərindən birinin vatçap durumunda paylaşıb dərhal sildiyi status təqdim edirik:
