 |
|
|
2019-cu ildə Baş Dövlət Yol Polisi İdarəsinin Qeydiyyat-İmtahan İdarəsinin rəis müavini vəzifəsinə təyin olunan polkovnik-leytenant Leysanov Afiyyədin Bahəddin oğlunun adı son təyinata qədər mətbuatda bir çox qalmaqallı məsələlərə görə hallanıb. Daha çox “nömrə biznesinin kralı” kimi tanınan Afiyəddin Leysanovun rəhbərliyi altında Bakı Dövlət Yol Polis İdarəsinin (BDYPİ) “Meyvəli” terminalına yaxın ərazidə fəaliyyət göstərən qeydiyyat-imtahan şöbəsində baş verənlər isə heç bir çərçivəyə sığmır.
Bu günlərdə redaksiyamıza müraciət edən vətəndaş bildirib ki, onun “Lexus lx 570” markalı avtomobilini addan ada keçirmək üçün A.Leysanovun idarəsində 1500 manat pul alıblar. Halbuki, belə qeydiyyata görə 200 manat dövlət rüsumu tələb olunur. Ziya Muradov adlı başqa bir vətəndaş isə cəmi 1200 manata aldığı ucuz maşına görə ondan çox pul istənildiyini bildirib. Etiraz etdikdə isə, ona deyiblər ki, gedib bankda maşına qiymət təyin etdirib sonra gəlsin. Maraqlıdır, görəsən gün ərzində İdarədə rəsmiləşdirilən bütün avtomobillərin qiynmətləndirilməsi tələb olunur? Əlbəttə ki, yox! Bu, heç fiziki cəhətdən də mümkün deyil. Kimlər ki, “quzu balası kimi” A.Leysanovun “qılıncının altından keçir”, onlardan puldan başqa heç nə tələb olunmur.
İdarənin bütün sektorlarında rüşvətxorluq baş alıb gedir. İşi düşən vətəndaşlardan hər addımda pul istəyirlər. Ərizə yazılması, notariat, texniki baxış, avtomobilin texniki pasportunun dəyişdirilməsi və başqa prosedur əməliyyatlarının keçirildiyi hər pəncərənin öz qiyməti var – 10 manat, 20 manat, 50 manat və s. Vətəndaş burada sanki rüşvət tələblərinin leysan yağışının altına düşür. Rəis A.Leysanov isə kabinetindəki böyük ölçülü plazma tipli monitorda bütün sektorlarda baş verənləri müşahidə edir, kimin kimdən nə aldığını görür, bircə detal belə nəzərindən qaçmır. Çünki monitorun özü də sektorlara bölünüb.
İncidilən, yüksək rüşvət tələb olunan avtomobil sahiblərindən birini müşayiət edərək A.Leysanovun qəbuluna düşməyə müvəffəq olduq. Ona xatırlatdıq ki, daşıdığı soyada hörmətimiz var, atası da ziyalı adamlara, qələm əhlinə hörmətlə yanaşıb. Ümid edirdik ki, bu xatırlatmanı eşitcək, ürəyi yumşalar. Ancaq çifayda, ondan eşitdiyimiz sözlər bizi şoka saldı: “Bilirsiz, mənim atam da iş görən, səxavətli kişi olub, qazandığından xərcləyən olub, pul verən olub. Siz də pulunuzu verin, işinizi gördürün”.
Deryaz.az
Teref.az saytının poçtuna Göyçay rayonu Çərəkə kənd sakini Kərimov Samir Adil oğlu tərəfindən daha bir şikayət məktubu daxil olmuşdur. Vətəndaş iddia edir ki, Azərbaycan Avtomobil Yolları Dövlət Agentliyinin sədri Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbəri dövlət əmlakını və vəsaitirini talan edir. Vətəndaş teref.az-a müraciətində yazır:
Göyçay rayonu Çərəkə kənd sakini Kərimov Samir Adil oğlu tərəfindən
Azərbaycan Respublikasının prezidenti cənab İlham Əliyevə, digər Ali Orqan rəhbərlərinə və Mətbuat orqanlarına
Göyçay rayonu Çərəkə kənd sakini, "Azəravtoyol"un işçisi olmuş Kərimov Samir Adil oğlu tərəfindən
Azərbaycan Avtomobil Yolları Dövlət Agentliyinin sədri Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbəri növbəti dəfə Oğuz-Şəki yolunun tikintisi zamanı dövlət əmlakını və vəsaitlərinin talan etməsindən və "Azəravtoyol XANI" tərəfindən yolun açılışı zamanı Prezidentə yalan məlumatlar verilməsindən
ŞİKAYƏT MƏKTUBU
Saleh Məmmədovun himayə etdiyi Göyçayda yerləşən "ATF" MMC və 17 saylı Yol İstismar İdarəsinin rəhbərləri dövlət əmlakını və vəsaitirini bu dəfə Oğuz -Şəki yolunun yenidənqurması zamanı talan etdilər. Belə ki, yol tikintisi üçün ayrılan milyonlarla manatı ( 60 mil.man.) rahat şəkildə talan etmək üçün Saleh Məmmədovun saxta tender oyunlarını demək olar ki, əvvəllər ancaq "ATF" MMC şirkəti udurdu. İndi isə onlar daha da qabağa gedərək ATF-ə bağlı vergilərdən yayınan 17 saylı Yol İstismar İdarəsinə tendersiz-filansız ayrılan 60 milyon manat vəsait Oğuz-Şəki yolununun tikintisini sənəd üzərində həvalə etmişlər. Amma bütün işləri ATF MMC tərəfindən görülmüş, daxil olan vəsaitlərin də 85%-i mənimsənilmişdir.
Açılış zamanı rəsmi xronologiyada bildirilir:
Dekabrın 2-də Azərbaycan Respublikasının Prezidenti İlham Əliyev Qaraməryəm-İsmayıllı-Şəki avtomobil yolunun Oğuz-Şəki hissəsinin yenidənqurmadan sonra açılışında iştirak edib.
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlətimizin başçısına yolun texniki göstəriciləri barədə məlumat vermişdir.
Bildirildi ki, uzunluğu 47,2 kilometr olan yolun 7,5 kilometri 1-ci texniki dərəcəyə, 26,1 kilometri 2-ci texniki dərəcəyə, 13,6 kilometri isə 3-cü texniki dərəcəyə uyğun yenidən qurulub. Buraya Oğuz və Şəki şəhərlərinə giriş yollarının, həmçinin “Şəki dairəvi yolu”nun əsaslı şəkildə təmiri də daxildir.
Qeyd edildi ki, layihə çərçivəsində yolboyu genişləndirmə işləri icra olunub, yolun köhnə asfalt örtüyü sökülüb, zəruri yerlərdə yararsız qrunt qazılaraq çıxarılıb, əks-dolğu işləri görülüb. Bundan başqa, zəruri yerlərdə müxtəlif diametrlərə malik 144 yeni dairəvi suötürücü boru quraşdırılıb, iki su keçidi və 11,6 kilometr uzunluğunda suaxıdıcı kanallar inşa edilib. Yola üç laydan ibarət yeni asfalt-beton örtüyü döşənib.
Məlumat verildi ki, layihə çərçivəsində Zəyzidçay çayı üzərində yerləşən körpü istismar müddətini başa vurduğu üçün sökülüb, yerində 22 metr uzunluğunda yeni körpü inşa edilib. Daşağıl, Küngüt, Kiş, Qurcanaçay çayları üzərində yerləşən və ümumi uzunluğu 630 metr olan mövcud körpülər isə təmir olunub
Görülən işlərə paralel olaraq, zəruri yerlərdə 408 yol nişanı, 1731 siqnal dirəyi, 7 avtodayanacaq, 12,2 kilometr əyrixətli dəmir tir quraşdırılıb, yolcizgi və yolgöstərici xətlər, piyada zolaqları çəkilib."
BƏS PREZİDENTƏ MƏRUZA OLUNANLAR NƏ DƏRƏCƏDƏ DOĞRUDUR?
Əvvəlcə Azərbaycan Avtomobil Yolları Dövlət Agentliyinin İdarə Heyətinin sədrinin Prezident cənab İlham Əliyevə yolun texniki göstəriciləri barədə məlumatların nə dərəcədə həqiqətə uyğun olub olmamasını yerində apardığımız araşadırmalar və tanış mütəxəssis rəyləri əsasında göstərə bilərik.
Belə ki, FAKT 1. Rəsmi olaraq "zəruri yerlərdə müxtəlif diametrlərə malik 144 yeni dairəvi suötürücü boru quraşdırılıb" ifadəsi tam yanlışdır. Çünki, yol boyu müxtəlif diametrlərə malik 144 yeni deyil, söküntü materialı olan dairəvi suötürücü, yəni, azbest və beton materiallardan hazırlanmış süni qurğulardan istifadə edilmişdir. Sənəddə 144 suötürücü göstərilsə də, faktiki bu rəqəm heç 90-a çatmır.
2. Məlumat verildi ki, Daşağıl, Küngüt, Kiş, Qurcanaçay çayları üzərində yerləşən və ümumi uzunluğu 630 metr olan mövcud körpülər isə təmir olunub. Bu ifadəyə arayış olaraq bildirirk ki, körpülər təmir edilməyib, sadəcə üzərindəki asfalt-beton qatı yenisilə əvəzlənib.
3. "Zəruri yerlərdə 11,6 kilometr uzunluğunda suaxıdıcı kanallar inşa edilib"
Əslində, burada suaxıdıcı kanal adı altında əsas Zəyzidçay yatağında olan daş-çınqıl və torpaq qarışığı olan xam materiallar qanunsuz olaraq yol yatağına səpilmişdir. Əslində isə yol tikintisi layihələrində yol yatağı ən azı 1 m dərinliyində qazılmalı, ilkin qat kimi bərk cisimlər, ( çay daşı da ola bilər) sonrakı qatda yuyulmuş və doğranmış çınqıl təbəqəsi salınmalı, sonda isə yenə yuyulmuş narın qum qatından istifadə olunmalı idi. Lakin faktiki olaraq ucuz başa gələn yaxınlıqdakı çay yataqlarının qarışıq daş-qum-çınqıl və torpaq qarışığından gen bol istifadə edilmişdir.
4. Bundan başqa Şəki şəhərinin 5 km uzunluğunda Salman Mümtaz küçəsinin hər iki tərəfində yol kənarlarında quraşdırılmış işıq dirəkləri də istismardan çıxarılmış və uzun müddət anbarlarda paslanmış dirəklərdir. Onları yeni adı altında rəngləyərək yenidən bu küçədə quraşdırmışlar.
5. Yolun torpaq yatağı isə necə varsa elcə yerində qalmışdır. Yəni, onun qazılıb daşınması və standartlara uyğun doldurulması baş verməmişdir. Sadəcə sənədlərdə şişirtmələrə geniş yol verilmişdir.
6. Şəki-Oğuz yolunun yenidən qurulması layihəsi isə bu sahə üzrə layihə hazırlayan şirkətlər tərəfindən deyil, icraçı şirkətin bu sahədə mütəxəssis olamayan, əvvəllər yol kənarında nar satan naşı əməkdaşları tərəfindən necə gəldi hazırlanmışdır.
7. Dövlətimizin başçısına verilən son məlumatda isə görülən işlərə paralel olaraq, zəruri yerlərdə 408 yol nişanı, 1731 siqnal dirəyi, 7 avtodayanacaq, 12,2 kilometr əyrixətli dəmir tirinin quraşdırıldığı bildirilmişdir. Bəli, yaxından diqqət yetirdikdə görürürk ki, sözügedən 12.2 km əyrixətli tirin demək olar ki, yarısı köhnə və nə vaxtsa istifadə olunmuş və sökülərək istismardan çıxarılmış əyrixətli tirlər yenidən bu yol boyu istifadə edilmişdir. Təqdim etdiyimiz fotolardan da bunu aşkar görmək olur. Məslən, Oğuzun Muxas- Bucaq istiqamətində yolun sağında dəmir tirləri gümüşü, lakin yolun sol tərəfində isə sarı rəngdədir. Yəni köhnə olub və məcbur olub rəngləyiblər.
8. Yolun "çiyin" hissəsi normada 2.5 metr olmaq əvəzinə, cəmi 1.5 metrdir.
Onu da qeyd etmək yerinə düşərdi ki, 47 km uzunluğunda yenidən qurulmuş Şəki-Oğuz yolunun inşaası zamanı qanunsuz olaraq işin icrasını ATF MMC maşın və avadanlıqları ilə həyata keçirsə də külli-miqdarda dövlətə vergi borcu olan AAYDA-nın 17 saylı Yol İstismar İdarəsinin balansında olan az sayda texnika və avadanlıqlarından da istifadə edilmişdir. Lakin daxil olan bütün pullar mənimsənildiyindən 17 saylı Yol İİ-si vergi pulunu ödəməmişdir. ( Yəni, vergiyə pul saxlamamışlar)
Bütün maxenasiyaların nəticəsində "ATF" MMC-nin təsisçiləri olan Muradov qardaşları Azərbaycan Respublikasının dövlət büdcəsini talan etməklə milyonlara sahib olublar. Onlara məxsus Bakı şəhərində, Göyçay, İsmayıllı, Qəbələ və digər rayonlarda Yanacaq Doldurma Məntəqələri, ticarət obyektləri, şadlıq evləri və villalar var. Bu bəs etmədiyi kimi indi də Almaniyada çoxsaylı əmlaklar almağa girişiblər.
Araşdırmalarımızın nə dərəcədə reallığa uyğun olub olmamasını yoxlamaq istəyən varsa yenicə açılışı olmuş yolun sağına-soluna diqqətlə baxması kifayət edər. Məsləhət olarsa aidiyyatı hüquq-mühafizə orqanları inşaat texniki-ekspertizası da təşkil edə bilərlər. Yetər ki, dövlətimizin başçısını və ictimaiyyətimizi Naxçivan "XANı" Vasif Talıbov kimi "YOLLAR XAN"I Saleh Məmmədov da aldatmasın.
Mən mətbuat vasitəsi ilə Prezident cənab İlham Əliyevdən, Dövlət Təhlükəsizlik Xidmətinin rəisi cənab Əli Nağıyevdən, Baş Prokuror cənab Kamran Əliyevdən, Korrupsiyaya Qarşı Mübarizə Baş İdarəsinin rəisi cənab Nazim Rəcəbovdan xahiş edirəm dövlət vəsaitini talan edən, insanların əmək hüquqlarını pozan, istismar edən bu vəzifəli şəxslərin barəsində ciddi tədbirlər görəsiniz.
Kərimov Samir Adil oğlu
Teref.az olaraq şikayəıt məktubunda acıqlanan iddialarla bağlı qarşı tərəfin mövqeyini dəırc etməyə hazırıqq!
Teref.az
Təqribən iki ay əvvəl Şəmkir rayon, "Düz qışlaq" kənd sakini Şükür İsmayılov "DogruXeber.az" informasiya agentliyinin tərkibində fəaliyyət göstərən "Kanal14" YouTube kanalında canlı yayımda Su Melorasiya idarəsindən narazılıqlarını bildirmişdi.
Xatırlatmaq üçün qeyd edək ki, Şükür İsmayılov kənddəki artezyanların tutulmasından, suların çox zəif və çirkli olmasından narazılıq edirdi. Onun dediyinə görə artıq, bir neçə müddətdir ki, bütün nəinki yerli idarələrə, Su Melorasiya idarəsinin rəisi Zaur Mikayılova və müavinətlərinə də dəfələrlə müraciət etsə də, problem hələ də həllini tapmamışdır.
Şükür İsmayılov "Kanal14"ün efirində problemi səsləndirdikdən 2 gün sonra, yenidən redaksiyamızla əlaqə saxlayıb, təşəkkür etdi və bildirdi ki, "Bizə zəng etdilər, söz verdilər ki, 2 günə problemin həlli üçün işlər başlanılır ".
Şükür İsmayılovun bu zəngindən 2-3 gün sonra o, yenidən redaksiyamıza zəng edib, canlı efirə bağlanmaq istədiyini bildirdi.
"Kamalın zamanı" proqramının canlı efirində o bildirdi ki, "Artıq, işlərə başlanılıb. Amma, indi də kənd icra nümayəndəsi camaatdan pul yığır ki, "Bəs havayı iş var? Texnikaya hər gün 300 manat verilməlidir". Rayonda Su Melorasiya idarəsinə zəng etdim, Tahir müəllim dedi, "Ola bilməz, mənim xəbərim yoxdur".
Şükür İsmayılovun bu narazılığından sonra özünün redaksiyamıza bildirdiyinə görə daha kimsədən pul yığılmadı.
Beləcə bir neçə gün də keçdi...
İndi də Şükür İsmayılov bizə zəng edib deyir ki, "pul yığımını dayandırandan bəri, işi də dayandırıblar, iş qalıb yarımçıq. Hələ də bizə su verilmir".
Şəmkirdə "tökülmüşləri öyrənən" bu məmurların əlləri biixtiyar rüşvətə qaçır - VİDEO
Özü də Şükür İsmayılovun sözlərinə görə, "Melorasiya və Su Təsərrüfatı ASC-nə rayonun millət vəkili də məktub yazıb, ona da cavab vermirlər".
Millət vəkili də kənd sakinləri ilə birlikdə aylardır məktubun cavabını gözləyir.
Belə olan halda sual yaranır, bəs bu sakinlər dərdini kimə desin?
Redaksiyamız hər kəsin söz haqqını tanıyır.
DogruXeber.az
Qaradağ rayonu Lökbatan qəsəbəsi, Seymur Orucov küçəsi 1 ünvanında ağaclar qanunsuz olaraq kəsilib.
Belə ki, kəsilən ağacların yerində naməlum obyekt tikilir və artıq tikintinin bir qismi tamamlanıb.
Baku TV tikinti şirkəti ilə əlaqə saxlayıb və cavab olaraq sözügedən ərazidə çəkiliş aparmağın qadağan olduğu bildirilib və heç bir ağacın kəsilmədiyi qeyd olunub.
Tikinti şirkətinin rəhbəri hətta Baku TV-yə rüşvət adlandırmadığı “hörmət” də təklif edib.(Oxu.az)
Baku TV-nin mövzu ilə bağlı hazırladığı süjeti təqdim edirik:
Xırdalan 5 saylı məktəbin yoluna pilləkanları çıxan binanı Abşeronn rayon İcra Hakimiyyətinin başçısı Abdin Fərzəliyevin inşa etdirdiyi deyilir
Paytaxt Bakıda son illər aparılan plansız tikinti işləri şəhərin infrastruktur və ekoloji cəhətdən təhlükəsizliyini ciddi zərbə altına qoyub. Bir-birinə bitişik inşa edilən yöndəmsiz və zövqsüz binalar hər il abadlıq və müasirliyinə dövlət büdcəsindən yüz milyonlarla vəsait xərclənən Bakını daha da eybəcərləşdirir. Aidiyyatı dövlət qurumlarının illərdir ki, tikinti sahəsində olan xaosa göz yummaları vəziyyəti daha da acınacaqlı məqama gətirib.
Azərbaycan Respublikası Prezidentinin 2019-cu il 19 mart tarixli Fərmanı ilə Dövlət Şəhərsalma və Arxitektura Komitəsinin səlahiyyətlərini artırması da hazırda tikinti sahəsində olan durumu normallaşdıra bilməyib.
AzFakt.com xəbər verir ki, ərazi planlaşdırmasına uyğun olmayan, infrastruktur və ekoloji cəhətdən biabırçı durumda olan tikintilərin aparıldığı rayonlardan biri də paytatın bir addımlığında, daha doğrusu paytaxta bitişik olan Abşeron rayonundadır.
Abşeronda Fərzəliyevin tikinti xaosu
Abdin Fərzəliyev cari ilin yanvar ayından Abşeron rayonunun İcra başçısı təyin edildikdən sonra Abşeron rayonunda və Xırdalan şəhərində qanunsuz tikililər geniş vüsət aldı.
Xırdalan şəhərində hər addımbaşı rast gəlinən tikintilərin böyük əksəriyyəti layihə sənədlərini aidiyyəti nəzarət orqanları ilə razılaşdırılmadıb. Qeyri-qanuni, “gecəqondu proyekti”ndə tikilər bu apartmanlarda nəinki ara məsafəsi gözlənilmir, əksinə, onsuzda ensiz olan yollar da zəbt edilir.
AzFakt.com xəbər verir ki, Abdin Fərzəliyevin xüsusi himayəsi altında aparılan belə bir qanunsuz bina tikintisi Xırdalan şəhərinin V.Musibov küçəsində – 5 nömrəli tam orta məktəbə gedən küçənin kənarında inşa edilib.
İlginc məqam budur ki, ətraf tikililərə tam bitişik olan, Azərbaycan Respublikasının Şəhərsalma və Tikinti Məcəlləsinin 17 və 22-ci maddələrinin bir sıra bəndlərinə zidd olan bu tikintinin giriş pilləkanları böyük bir yaşayış massivinə və eyni zamanda 5 saylı tam orta məktəbin istifadə etdiyi yeganə yolun ərazisini tutub.
Baş verən bu qanunsuzluğa isə Abşeron rayon İcra Hakimiyyəti səssiz qalıb. Əlbəttə ki, bütün baş verənlərə Abşeron rayon İcra Hakimiyyətinin susqun mövqe nümayiş etdirməsinin hansısa məqsədlərdən doğduğu hər kəsə aydındır.
Abşeron rayonunda körpədən tutmuş ağsaqalladək hamı bilir ki, bu rayonda tikinti aparmaq istəyirsənsə “pulunu ver, şəklini çəkdir” prinsipinə riayət elə. Yəni İcraya dedikləri pulu ödə, istəyirsən get Xırdalanın mərkəzində – Heydər Əliyev prospektinin ortasında nə istəyirsən onu da tik.
Arxitektura Komitəsi və FHN Abşerona nəzarət edə bilmir?
Hələ bir neçə gün öncə Fövqaladə Hallar Nazirliyi Bakı şəhərinin bir neçə ünvanında aparıla tikintiləri dayandırdı. Nazirlik qeyd edilən tikintiləri dayandırmağa səbəb kimi tikinti işinin təyinatı üzrə aparılmadığını və ya sonradan təyinatı dəyişdirilməklə aparıldığını, ara məsafəsinin gözlənilmədiyinı, elektrik təsərrüfatının “Elektrik Qurğularının Quraşdırılması Qaydaları”nın tələblərinə cavab vermədiyini, tikinti işinin gedişi zamanı vacib yanğın təhlükəsizliyi qaydalarına əməl olunmadığını və digər ciddi qayda pozuntusunun olduğunu səbəb göstərirdi.
Maraqlıdır, respublikanın ən ucqar bir yerində inşa edilən hər hansı obyekt yaxud adi tikilinin standartlara uyğunluğunu tələb edən Fövqaladə Hallar Nazirliyi Abşeron rayonunda aparılan qyeri-qanuni tikintiləri, standartlara uyğun gəlmədiyi ilk baxışdan görünən yaşayış binalarını görmək istəmirlər.
Saytımıza verilən məlumata görə Abşeron rayonunda aparılan qanunsuz tikintilərə göz yuman dövlət qurumlarında biri də Dövlət şəhərsalma və Arxitektura Komitəsidir. Onsuzda cəmiyyətdə “dişsiz canavar” kimi ad çıxarmış bu dövlət qurumu səlahiyyətlərinin artırılmasına baxmayaraq hələ də özünü doğrultmayıb. Dövlət başçısının sərəncam imzalayaraq böyük səlahiyyətlər verdiyi, ölkədə, xüsusən də Bakıda və ona bitişik qəsəbələrdə aparılan tikinti işlərində xaosun aradan qaldırılmasını qarşısına məqsəd kimi qoyduğu Arxitektura Komitəsi demək olar ki, hazırda qeyri-işlək vəziyyətdədir.
İcra Hakimiyyətləri başçılarının əlində aciz qalan bu qurum indiyədək səlahiyyətlərindən istifadə edərək qanunsuz aparılan hər hansı tikintinin qarşısını ala bilməyib.
Dövlət şəhərsalma və Arxitektura Komitəsinin Xırdalan şəhərində aparılan standartlara və mövcud qanunverciliyə uyğun olamayan yaşayış binalarının, obyektlərin tikintisinə müdaxilə etməməsinə səbəb kimi bu qurumun rəhbərliyi iləAbşeron rayon İcra Hakimiyyətinin başçısı Abdin Fərəliyevin dostluq münasibətlərinin olması iddia edilir.
Digər iddialara görə isə FHN-nin müvafiq təşkilatlarında çalışan şəxslərin Abdin Fərzəliyevlə həmyerli və dost olmaları da baş verən qanunsuzluğu artıran səbəblərdəndir.
Təbii ki, səslənən iddiaları Xırdalan şəhərinin V.Musibov küçəsində aparılan standartlara uyğun olamayan, pilləkanları yolu zəbt etmiş yaşayış binasının fonunda nəzərdən keçirəndə həqiqət payının nə qədər böyük olduğu aydın sezilir.
Gələcəkdə isə burada baş verəcək biləcək hər hansı faciənin səbəbkarı isə tək Abşeron rayon İcra Hakimiyyəti – Abdin Fərzəliyev yox, həm də Fövqaladə Hallar Nazirliyi və Prezidentin böyük səlahiyyət verdiyi Dövlət Şəhərsalma və Arxitektura Komitəsidir.
Qeyd: Abşeron rayonunda qanunsuz inşa edilən bina yuxarıda qeyd etdiimiz V.Musibov küçəsindəki bina deyil. Bu rayonda standartlara uyğun olamayn saysız-hesabsız yaşayış binaları, obyektlər inşa edilməkdədir. Bu barədə növbəti saylarımızda yeni xəbərlər dərc edəcəyik.
Paytaxt Bakıda son illər aparılan plansız tikinti işləri şəhərin infrastruktur və ekoloji cəhətdən təhlükəsizliyini ciddi zərbə altına qoyub. Bir-birinə bitişik inşa edilən yöndəmsiz və zövqsüz binalar hər il abadlıq və müasirliyinə dövlət büdcəsindən yüz milyonlarla vəsait xərclənən Bakını daha da eybəcərləşdirir. Aidiyyatı dövlət qurumlarının illərdir ki, tikinti sahəsində olan xaosa göz yummaları vəziyyəti daha da acınacaqlı məqama gətirib.
Azərbaycan Respublikası Prezidentinin 2019-cu il 19 mart tarixli Fərmanı ilə Dövlət Şəhərsalma və Arxitektura Komitəsinin səlahiyyətlərini artırması da hazırda tikinti sahəsində olan durumu normallaşdıra bilməyib.
AzFakt.com xəbər verir ki, ərazi planlaşdırmasına uyğun olmayan, infrastruktur və ekoloji cəhətdən biabırçı durumda olan tikintilərin aparıldığı rayonlardan biri də paytatın bir addımlığında, daha doğrusu paytaxta bitişik olan Abşeron rayonundadır.
Abşeronda Fərzəliyevin tikinti xaosu
Abdin Fərzəliyev cari ilin yanvar ayından Abşeron rayonunun İcra başçısı təyin edildikdən sonra Abşeron rayonunda və Xırdalan şəhərində qanunsuz tikililər geniş vüsət aldı.
Xırdalan şəhərində hər addımbaşı rast gəlinən tikintilərin böyük əksəriyyəti layihə sənədlərini aidiyyəti nəzarət orqanları ilə razılaşdırılmadıb. Qeyri-qanuni, “gecəqondu proyekti”ndə tikilər bu apartmanlarda nəinki ara məsafəsi gözlənilmir, əksinə, onsuzda ensiz olan yollar da zəbt edilir.
AzFakt.com xəbər verir ki, Abdin Fərzəliyevin xüsusi himayəsi altında aparılan belə bir qanunsuz bina tikintisi Xırdalan şəhərinin V.Musibov küçəsində – 5 nömrəli tam orta məktəbə gedən küçənin kənarında inşa edilib.
İlginc məqam budur ki, ətraf tikililərə tam bitişik olan, Azərbaycan Respublikasının Şəhərsalma və Tikinti Məcəlləsinin 17 və 22-ci maddələrinin bir sıra bəndlərinə zidd olan bu tikintinin giriş pilləkanları böyük bir yaşayış massivinə və eyni zamanda 5 saylı tam orta məktəbin istifadə etdiyi yeganə yolun ərazisini tutub.
Baş verən bu qanunsuzluğa isə Abşeron rayon İcra Hakimiyyəti səssiz qalıb. Əlbəttə ki, bütün baş verənlərə Abşeron rayon İcra Hakimiyyətinin susqun mövqe nümayiş etdirməsinin hansısa məqsədlərdən doğduğu hər kəsə aydındır.
Abşeron rayonunda körpədən tutmuş ağsaqalladək hamı bilir ki, bu rayonda tikinti aparmaq istəyirsənsə “pulunu ver, şəklini çəkdir” prinsipinə riayət elə. Yəni İcraya dedikləri pulu ödə, istəyirsən get Xırdalanın mərkəzində – Heydər Əliyev prospektinin ortasında nə istəyirsən onu da tik.
Arxitektura Komitəsi və FHN Abşerona nəzarət edə bilmir?
Hələ bir neçə gün öncə Fövqaladə Hallar Nazirliyi Bakı şəhərinin bir neçə ünvanında aparıla tikintiləri dayandırdı. Nazirlik qeyd edilən tikintiləri dayandırmağa səbəb kimi tikinti işinin təyinatı üzrə aparılmadığını və ya sonradan təyinatı dəyişdirilməklə aparıldığını, ara məsafəsinin gözlənilmədiyinı, elektrik təsərrüfatının “Elektrik Qurğularının Quraşdırılması Qaydaları”nın tələblərinə cavab vermədiyini, tikinti işinin gedişi zamanı vacib yanğın təhlükəsizliyi qaydalarına əməl olunmadığını və digər ciddi qayda pozuntusunun olduğunu səbəb göstərirdi.
Maraqlıdır, respublikanın ən ucqar bir yerində inşa edilən hər hansı obyekt yaxud adi tikilinin standartlara uyğunluğunu tələb edən Fövqaladə Hallar Nazirliyi Abşeron rayonunda aparılan qyeri-qanuni tikintiləri, standartlara uyğun gəlmədiyi ilk baxışdan görünən yaşayış binalarını görmək istəmirlər.
Saytımıza verilən məlumata görə Abşeron rayonunda aparılan qanunsuz tikintilərə göz yuman dövlət qurumlarında biri də Dövlət şəhərsalma və Arxitektura Komitəsidir. Onsuzda cəmiyyətdə “dişsiz canavar” kimi ad çıxarmış bu dövlət qurumu səlahiyyətlərinin artırılmasına baxmayaraq hələ də özünü doğrultmayıb. Dövlət başçısının sərəncam imzalayaraq böyük səlahiyyətlər verdiyi, ölkədə, xüsusən də Bakıda və ona bitişik qəsəbələrdə aparılan tikinti işlərində xaosun aradan qaldırılmasını qarşısına məqsəd kimi qoyduğu Arxitektura Komitəsi demək olar ki, hazırda qeyri-işlək vəziyyətdədir.
İcra Hakimiyyətləri başçılarının əlində aciz qalan bu qurum indiyədək səlahiyyətlərindən istifadə edərək qanunsuz aparılan hər hansı tikintinin qarşısını ala bilməyib.
Dövlət şəhərsalma və Arxitektura Komitəsinin Xırdalan şəhərində aparılan standartlara və mövcud qanunverciliyə uyğun olamayan yaşayış binalarının, obyektlərin tikintisinə müdaxilə etməməsinə səbəb kimi bu qurumun rəhbərliyi iləAbşeron rayon İcra Hakimiyyətinin başçısı Abdin Fərəliyevin dostluq münasibətlərinin olması iddia edilir.
Digər iddialara görə isə FHN-nin müvafiq təşkilatlarında çalışan şəxslərin Abdin Fərzəliyevlə həmyerli və dost olmaları da baş verən qanunsuzluğu artıran səbəblərdəndir.
Təbii ki, səslənən iddiaları Xırdalan şəhərinin V.Musibov küçəsində aparılan standartlara uyğun olamayan, pilləkanları yolu zəbt etmiş yaşayış binasının fonunda nəzərdən keçirəndə həqiqət payının nə qədər böyük olduğu aydın sezilir.
Gələcəkdə isə burada baş verəcək biləcək hər hansı faciənin səbəbkarı isə tək Abşeron rayon İcra Hakimiyyəti – Abdin Fərzəliyev yox, həm də Fövqaladə Hallar Nazirliyi və Prezidentin böyük səlahiyyət verdiyi Dövlət Şəhərsalma və Arxitektura Komitəsidir.
Qeyd: Abşeron rayonunda qanunsuz inşa edilən bina yuxarıda qeyd etdiimiz V.Musibov küçəsindəki bina deyil. Bu rayonda standartlara uyğun olamayn saysız-hesabsız yaşayış binaları, obyektlər inşa edilməkdədir. Bu barədə növbəti saylarımızda yeni xəbərlər dərc edəcəyik.
Bilindiyi kimi, bir neçə gün əvvəl Gəncə Şəhər İcra Hakimiyyətinin vəzifəli şəxsi Sənan Məhərrəmov bir çox şəxslərə qarşı dələduzluq edərək yoxa çıxıb. Əldə etdiyimiz yeni faktlara görə, Sənan Məhərrəmov baş nazir Əli Əsədovun imzası ilə saxta sənəd hazırlayaraq şəxslərə göstərməklə, bu işdə şəhər rəhbərliyinin də əlinin olduğunu bildirməklə külli miqdarda pul yığıb.
Artıq 30-dan artıq şəxsin aidiyyəti qurumlara şikayəti daxil olub. Aralarında qazi və müharibə iştirakçılarının da olduğu bir çox şəxslərdən bir milyon manatdan artıq vəsait yığıldığı ehtimal olunur.
Maraqlısı budur ki, nu proses artıq iki ilə yaxındır ki, davam edirdi. Bəs görəsən, bu iki ildə Azərbaycanın ikinci böyük şəhərini idarə edən Niyazı Bayramov və müavinləri "fil qulağı"ndamı yatıblar, yoxsa həqiqətənmi baş verənlərdə olnalın da əli olub?..
Qarşı tərəfin də mövqeyini dinləməyə hazırıq.
"Hürriyyət"
Bugünlərdə Sumqayıt şəhərinin abadlaşması ilə bağlı iş icraçısı olan sahibkarlar yenə də gördükləri işin müqabilində onlara çatacaq vəsaiti bu sahədə tenderin qalibi olan şəxslərdən ala bilmədikləri ilə bağlı məlumat vermişdik. Bu barədə Azinforum.az-a həmin şəhərdə podratçı kimi iş icra edən sahibkarlar məlumat vermişdi. Onların sözlərinə görə, iş icraçısı olan podratçı şirkətlərlə bütün danışıqları Məmmədxanov Hümbət Əlicavan oğlu adlı şəxs aparır. Hümbət Məmmədxanov isə bizimlə söhbətində deyilənlərin həqiqətə uyğun olmadığını, onun tenderlə deyil, yalnız mebel istehsalı ilə məşğul olduğunu bildirib.
Təmir işləri ilə məşğul olan və gördükləri işin pulunu Hümbət müəllimdən ala bilməyən sahibkarlar yaranmış vəziyyətlə bağlı ölkə rəhbərliyi və əlaqədar dövlət qurumlarına şikayətlər ünvanlayıblar. Onlar saytımıza Hümbət Məmmədxanovun tenderdə iştirakını sübut edən möhtəbər dəlillər və sənədlər də təqdim ediblər. Həmin sənədlərə Hümbət Məmmədxanovun özü şəxsən imza atıbsa, onda niyə tenderdə iştirakını inkar edir? Deməli, burada qaranlıq nəsə məqam var.
Aldığımız məlumata görə, Hümbət Məmmədxanov borclu olduğu sahibkarlardan yayınmaq üçün indi də xəstə olduğunu bəhanə edir. Sumqayıtın icra başçısı Zakir Fərəcova yaxınlığı ilə seçilən bu adam görəsən kimə arxalanır ki, media vasitəsilə cəmiyyəti aldatmaqdan belə çəkinmir.
Sahibkarların haqlı iddiaları ilə bağlı H.Məmmədxanovla yenidən əlaqə saxladıq. O, zənglərimizə cavab vermədi. Amma verilməli olan əsas sual budur: Zakir Fərəcov, Hümbət Məmmədxanovla sizi nə bağlayır? Necə olur ki, bu adam bütün danışıqları aparır, sənədlərə imza atır, amma sahibkarlar haqqını tələb edəndə yoxa çıxır!?
AzToday.az Azinforum.az-a istinadən Hümbət Məmmədxanovun səs yazısını təqdim edir:
Qarşı tərəfin də mövqeyini dərc etməyə hazırıq.
Milli Onkolologiya Mərkəzində baş verənlərlə bağlı araşdırmanı cumhuriyyet.az olaraq diqqətinizə çatdırırıq:
Xəstəxananın həyətində dincəlmək üçün ayrılmış yerlərdə solğun bənizli, başı şalla çəkili, analiz üçün qan götürüldüyünə və ya yenicə aldıqları kimyaterapiya prosedurlarına görə qollarında iynə yerləri hələ də qanayan qadınlar, kişilər və onların yaxınları oturub ya analizlərin cavabını gözləyir, ya da dincəlirlər.
Yaşlı bir qadınla yanaşı əyləşmiş solğun bənizli, qısa qumral saçları hələ aldığı kimyaterapiyanın təsirinə tam məruz qalmağa imkan tapmamış, 30 yaşlı Bakı sakini Gülşən də buradadır. O, adını pıçıltı ilə çəkdiyi xəstəlikdən müalicəyə görə “18 ayda, təxminən 18 min manat” vəsait xərclədiyini deyir.
“Əvvəllər əməliyyatdan sonra kimyaterapiyaya 350 manat ödəyirdim. Bir ayda iki dəfə gəlirdim 700 verirdim, hər kimyaterapiya bitdikdən sonra isə MRT-yə gəlirdim. 300 manat da onun pulu, o da iki aydan bir olurdu. Qan analizinə bir dəfəyə 25 manat idi, amma o stolda oturan qızlar bizdən 38 manat alırdılar. Deyilənən görə, 25 manat idi. Bir aya ümumi xərclərim 1000 manata gəlib çıxırdı”, – Gülşən deyir.
xərçəng, xəstəlik, Azərbaycan
Gülşən özəl klinikadakı xərclərini də topladıqda indiyədək müalicələrinə “20-25 min manat pul tökdüyünü” söyləyir.
“Sağaldım. Yəni, həkimlər elə deyirdilər. Ancaq iki ay əvvəl yenə özümü narahat hiss etdim, gəldik ki, yenə başlayıb. İndi yenə pul xərcləməliyik”.
Xəstələr xidmət “pulludur”, baş onkoloq “təmənnasız”dır deyir
Bakı Onkologiya Mərkəzinin qarşısında bizə bu xəstəxanada aldıqları müalicəyə pul ödədiklərini deyən təkcə Gülşən deyil.
Mərkəzin həyətində söhbətləşdiyimiz başqa bir pasiyent deyir ki, USM üçün 50 manat ödəyib. Bir başqası “qan analizlərinə 25 manat”, digər bir şəxs isə “MRT-yə 150 manat ödədiyini” söyləyir.
Milli Onkologiya Mərkəzinin həyətində görüşdüyümüz xəstələr və xəstə yaxınlarının hamısı xidmətlərin pullu olduğunu bildirir. Söhbətləşdiyimiz şəxslərin hamısı bu xəstəxanada verilən qan analizi, kimyaterapiya, USM-rentgen, MRT xidmətləri üçün müxtəlif məbləğlər ödədiklərini iddia edirlər.
xərçəng, xəstəlik, Azərbaycan
Azərbaycanın baş onkoloqu, Milli Onkologiya Mərkəzinin baş həkimi Azad Kərimli isə onkoloji xəstələrə göstərilən tibbi xidmətin pullu olması iddialarını rədd edib.
O bildirib ki, Azərbaycanda ikisi aparıcı olmaqla – Milli Onkologiya Mərkəzi və Azərbaycan Tibb Universitetinin Onkologiya Klinikası – fərqli bölgələrdə yerləşən 9 mərkəzdə onkoloji diaqnozu təsdiqlənmiş şəxslərin müayinə və müalicələri təmənnasız aparılır.
Onkoloji yardım haqqında Qanun hökm edir ki, Azərbaycan vətəndaşı olan onkoloji xəstələrə tibbi yardım dövlət tibb müəssisələrində “dövlət büdcəsi vəsaiti hesabına” həyata keçirilməlidir.
Kimyaterapiya otağının qarşısı
MOM-un müalicə korpusunun girişində böyük bir qələbəlikdir. Bütün oturacaqlar tutulub. Kişi-qadın, gənc-qoca, körpə – hər yaşdan adam var burada…
Korpusun ikinci mərtəbəsində liftdən çıxıb sola dönəndə xəstələri və onların yaxınlarının min bir ümidlə üz tutduqları kimyaterapiya şöbəsinin qarşısına çıxırsan. Şöbənin qarşısında bir neçə nəfər oturub.
Burada oturanlar yeni gələnləri salamlayır, dərhal söhbətə keçirlər. Hər gələnə ilk sualsa “Sən niyə gəlmisən?” olur.
Azərbaycanın bölgələrindən birindən gəlmiş 62 yaşlı Münəvvər xanım da (ad müsahibin istəyi ilə dəyişdirilib–red.) məni görən kimi üzümə diqqətlə baxıb, “sən niyə gəlmisən” sualını verir.
Gəlişimin səbəbini ona deyəndə tələsik ətrafa nəzər salır,onu eşidən yoxdur ki?!
Münəvvər xanım danışır ki, yanvar ayında döşünün ucu şişdiyi üçün özü evdə türkəçarə edib, lakin şişin keçmədiyini görüncə övladlarına xəbər verib və onlar da onu Milli Onkologiya Mərkəzinə gətiriblər.xərçəng, xəstəlik, Azərbaycan, qanun
“Səkkiz aydır gəlib-gedirəm. Həkim deyir ki, kimyaterapiya ilə getməsə, əməliyyat edərik. Mənim qiymətlərdən xəbərim yoxdur. Heç bu zəhrimardan da başım çıxmır. Uşaqlardan da neçə dəfə soruşmuşam nə qədər pul xərcləyirlər bura, mənə demirlər. Uşaqlarım deyir ki, sən ye, iç, müalicəni al. Nəyinə lazımdır, nə qədər xərcimiz çıxıb?” – o qayğısından məmnuniyyətlə bəhs edir.
Elə bu vaxt kimyaterapiya almaq növbəsi çatan Münəvvər xanım söhbətini elə gülə-gülə də bitirib, içəri keçir.
“USM-ə diri 50-lik, kimyaterapiyaya 350…”
Milli Onkologiya Mərkəzinin həyətində adamlar əllərində kağızlar tələm-tələsik bir korpusdan digərinə girib-çıxırlar…
Kimyaterapiya şöbəsinə getmək üçün liftə daxil oluram. Liftin qapısı bağlanarkən, təxminən 40 yaşlarında bir qadın qaçaraq içəri daxil olur. “Ordan ikinci mərtəbənin düyməsini mənim üçün bas” deyir, sonra da şikayət qarışıq söhbətə başlayır:
“İki xəstəxana arasında qalmışam. Ora qaçıram, ordan da çıxıb bura qaçıram. Bilmirəm neyləyim. Özüm də gecikmişəm”, – üz-gözünə dağılan, aralarında gümüşü zolaqlar görünən qara birçəklərini toplamağa çalışır.
Adının çəkilməsini istəməyən müsahibim yanvardan bəri hər ay anasını kimyaterapiyaya gətirdiyini deyir.
Liftin qapısı açılır, qadın “indi qayıdıram” deyib anasını yoxlamağa gedir…Milli Onkologiya Mərkəzi Azərbaycanda xərçəng xəstələri onkoloji xəstələr
Onu gözləyə-gözləyə başqalarına yaxınlaşıram. Kimyaterapiya otağının qarşısında yaşlı bir qadınla ona bənzəyən gənc bir qadın əyləşib: ana-baladırlar. Gənc qadın ağlaya-ağlaya anasına ürək-dirək verir:
“Xalxın cavan yaşda uşaqları bu andırdan tapır. Ağlama. Məni də incidir. Neyləyək?!”
Bu ailənin başçısına dördüncü mərhələdə olan “ağciyər xərçəngi” diaqnozu qoyulub. Onlar xəstəlikdən təzə xəbər tutublar. Lənkəranda müalicələrin “nəticəsi olmadığı üçün” gəliblər Bakıya.
“Birinci dəfədir gətirmişik. İndicə 350 manat ödəyib gəldim. Qan analizlərinə nə qədər verdiyimi unutdum. USM-ə diri əllilik verdim”.
“İcbari Tibbi Sığorta paketinə daxil edilməlidir”
Professor, tibb elmləri doktoru Adil Qeybulla deyir ki, real vəziyyətin necə olduğunu dəqiq bilməsə də, onkoloji xəstələrdən pul alınması ilə bağlı “şikayətlərin gəldiyi ona da məlumdur”.
Onun fikrincə, hazırda Azərbaycanda icbari tibbi sığortanın tətbiqindən sonra bir çox xidmət icbari tibbi sığorta paketinə daxil edildiyi kimi “onkoloji xəstələr də birmənalı olaraq o paketə daxil edilməlidir”.
Adil Qeybulla hesab edir ki, “bu zaman bu sahədəki problem aradan qalxa bilər”.
Onkologiya tibbi müalicə müayinə Bakı Onkologiya Mərkəzi
“Azərbaycanda son illərdə onkologiya sahəsində irəliləyiş və inkişaf olsa da, xəstələrdən tibbi xidmətin ödənişli olması ilə bağlı şikayətlərin gəlməsi yaxşı hal deyil”, – o vurğulayır.
“Bu cür şikayətlər, narazılıqlar varsa, aidiyyatı qurumlar, şəxslər bunu araşdırmalıdır. Bu, əslində həll olunmalı məsələdir, çünki icbari tibbi sığortanın tətbiq olunduğu ölkələrdə onkoloji xəstələrin müalicəsi bütövlükdə o icbari tibbi sığorta paketinə daxil edilir”, – həkim əlavə edir.
Milli Onkologiya Mərkəzinin İcbari Tibbi Sığorta üzrə Dövlət Agentliyinə daxil olub-olmaması barədə aidiyyatı qurumlardan konkret cavab almaq mümkün olmayıb.
Lakin bir müddət əvvəl Azərbaycan Səhiyyə Nazirliyindən alınıb TƏBİB-ə verilən (İcbari Tibbi Sığortaya baxan xəstəxanalar TƏBİB-in tabeliyindədir) xəstəxanalar, dispanserlərin siyahısında MOM-un adı yoxdur.
Nazirlər Kabinetinin 1 dekabr 2020-ci il tarixli sənədində isə TƏBİB-in tabeliyinə verilmiş müəssisələr arasında bir sıra tibb müəssisələri ilə yanaşı, MOM-un da adı istisnalar siyahısındadır. Belə görünür ki, indi səhhətində şikayəti olan şəxslər yalnız onkoloji diaqnozu təsdiqlənənə qədər icbari tibbi sığortadan yararlana bilər.
ONKOLOGİYA XƏSTƏLƏRİ onkologiya xəstələri onkologiya Milli Onkologiya Mərkəzi
“Burada pulsuz heç nə yoxdur”
Anasını yoxlamağa getmiş müsahibimiz qayıdıb gəlir. Yerini rahatlayıb söhbətə başlayan kimi deyir ki, hazırda bir gəlişdə kimyaterapiyaya “150 manat” ödəyir:
“Əvvəllər, lap təzə gələndə 350 manat verirdik. Sonra şikayət etdik. Prezidentə yazdıq. Prezidentdən bizə cavab gəldi ki, bu xəstəliyin müalicəsi pulsuzdur. İndi kağızımız var, onu göstəririk, 150 manat veririk bir dəfə kimya vurulmasına. Nə edək? Onu verməsən də olmur. Çox qəddardırlar. Verməsək, birdən az vurarlar, birdən anama nəsə edərlər”, – qadın deyir.
O iddia edir ki, yanvar ayından indiyədək anasının xəstəliyi ilə bağlı təkcə bu xəstəxanaya 1600 manatadək vəsait xərcləyib:
“O pulu mənim uşağım tələbə stipendiyası ilə yığmışdı. Uşaq səhər evdən çıxır dərsə, axşam da dərsdən çıxıb işə gedir. Oradan qazandığından qənaət edib yığmışdı. Nənəsinin müalicəsinə pul lazım oldu, gətirib verdi ki, “təki, nənə sağalsın””.
Xəstəxanada pul ödədiyini deyən xəstələrin hamısı bildirir ki, onlara ödədikləri pulun qarşılığında hər hansı qəbz verilməyib.
Astara Suparibag kəndi
Şəklin alt yazısı,Vəsilə Salmanova, Astaranın Suparibağ kənd sakini
“Kimyaterapiya alsaydı, bəlkə yaşamaq şansı olardı”
Bir müddət əvvəl Astaranın Suparibağ kəndinin sakini Vəsilə Salmanova bölgədə rastlaşdığı BBC müxbirlərinə Milli Onkologiya Mərkəzində ondan kimyaterapiya üçün bir həkimin “500 manat pul istəməsilə” bağlı şikayət etmişdi.
Vəsilə Salmanovanın bildirmişdi ki, qardaşı “ağciyər xərçəngindən əziyyət çəkir və pul ödəmədiyi üçün onun qardaşını həkim kimyaterapiya etməyib”.
Bu yazı hazırlanarkən əlaqə saxladıqda Vəsilə Salmanova 64 yaşlı qardaşının artıq vəfat etdiyini deyir və vurğulayırdı ki, “kimyaterapiya alsaydı, bəlkə də yaşamaq şansı olardı”.
“Baş Prokurorluğa şikayət edəcəyəm, çünki hələ də yadımdan çıxmır. Həkim bizə dedi ki, ödəniş etməmisiniz, sizi axıra saxlayacam. Bizdən sonra gələnləri qəbul etdi, bizi etmədi. Bir gün axşama kimi xəstə adamı da, məni də o qapının ağzında saxladı, gözlətdi”, – Vəsilə Salmanova vurğulayır.
Onkologiya xəstələrinin statistikası
2021-ci ilin statistikasına görə, Azərbaycanda hər 100 min nəfərə ilk dəfə qoyulmuş diaqnozla 136,2 nəfər onkoloji xəstə düşür.
2020-2021-ci illərdə müvafiq olaraq, ölkədə ilk dəfə diaqnoz qoyulan onkoloji xəstələrin sayı 11 595 və 13 644 nəfər olub.
Ötən ilin məlumatlarına görə, ölkədə ümumi 59 minə yaxın onkoloji xəstə var. Bu, hər yüz min nəfərə 587,3 nəfər deməkdir.
Bu ilin büdcəsindən ayrılan 47 milyon manat
Azərbaycan Səhiyyə Nazirliyindən BBC-yə bildiriblər ki, Milli Onkologiya Mərkəzinə büdcədən vəsait ayrıca verildiyi üçün bir onkoloji xəstənin illik müalicəsi üçün nə qədər vəsaitin ayrılması ilə bağlı onlarda məlumat yoxdur. MOM-dan isə bir onkoloji xəstəyə ayrılan illik vəsaitin məbləği ilə bağlı şərh almaq mümkün olmayıb.
Azərbaycanda Milli Onkologiya Mərkəzinə birbaşa vəsait ayrılması 2007-cı ildən həyata keçirilir.
2022-ci ilin büdcəsi üçün müəssisəyə 47 milyon manata yaxın vəsait ayrılıb. Sənəddə bu məbləğin təkcə Milli Onkologiya Mərkəzinə ayrılması, yoxsa həmin vəsaitdən digər onkoloji dispanserlərin də yararlana bilib-bilməyəcəyi göstərilmir.
Xərclərin strukturu barədə məlumatlar ictimailəşdirilmədiyi üçün bu vəsaitin nə qədərinin dərmana, texniki təchizata ayrıldığı məlum deyil.
“Onkoloji yardım haqqında” Qanuna əsasən, Azərbaycan vətəndaşı olan onkoloji xəstələrə tibbi yardım dövlət tibb müəssisələrində dövlət büdcəsi vəsaiti hesabına həyata keçirilir.
MOM-un baş onkoloqu Azad Kərimov rəhbərlik etdiyi müəssisəyə ayrılmış xərclərin strukturu barədə BBC-nin sualına cavab verməyib. O, eyni zamanda bu mərkəzdə BBC-nin pasientlərin xərclərilə bağlı topladığı iddiaların “yalan olduğunu” iddia edib.
“Bu pul kiməsə az görünə bilər”
Gülşən deyir ki, müalicənin ilk mərhələlərində ona maddi yardım etmiş qohumlarının “daha kömək etməyə gücü qalmayıb”.
“Mənim qardaşlarım, qohumlarım, qaynım, qaynatam, başqa qohumlarım birinci dəfə müalicəm üçün əllərində olanı verdilər, kredit götürdülər, məni sağaltdılar. İndi ikinci dəfə baş qaldırıb. Hamı hələ də o əvvəlki kreditləri ödəyir. Bəs, mən indi hardan alım pulu? İkinci dəfə yenidən şiş tapılanda gəldik, birinci prosedura 350 manat verdik. Axı, tək o da deyil, bunun başqa dərmanları da var. Getdik danışdıq, mən buranın öz xəstəsi olduğum üçün endirim etdilər, indi bir kimyaterapiyaya 150 manat verirəm. Qeydiyyatda oturanlar da çox alır. 10 manat qan puludursa, 15 alıb 5-ni də özlərinə götürürlər. Həkimlə danışmışıq, o qan analizi götürən qızlara zəng vurur, yarı qiymət ödəyirəm. O dəfə analizlərə 12 manat verdim, bu gün də bir analizə 4 manat verdim. Bu pul kiməsə az görünə bilər. Ancaq bizim üçün az deyil axı”.
Gülşən bu dəfə neçə kimyaterapiya proseduru keçəcəyini bilmir, lakin artan müalicə xərcləri onun qayğılarını da artırmaqdadır.
“Pul-para tapılan şeydir, amma bir nəfər xəstələnirsə, bütün ailə əziyyət, zülüm çəkir. Ancaq yaşamaq da istəyirsən. Hərdən canım ağrıyanda, üstəlik maddi sıxıntılar da üstünə gələndə, bax, bir oğlum var, bununla belə hərdən yaşamaq arzum tamam yox olur. Elə istəyirəm gözümü yumum, oyanmayım”, – Gülşən deyir və analizlərinin cavabını almağa gedəcəyi üçün sağollaşır… //bc.com/