Teref.az yazır ki, redaksiyamızın elektron pöoçtuna vətəndaş Vüsal Zeynalovun K.Fərəcov adına Elmi-tədqiqat pediatriya institutu (OMD)-dən şikayəti daxil olub. Şikayət məktubunun nöqtə vergülünə əl dəymədən oxucumalara təqdim edirik: "Mən Vüsal 26.06.2023 cü ildə vaxtından tez olaraq dünyaya qız övladım göz açıb və mən K.Fərəcov adına Elmi-tədqiqat pediatriya institutunun-OMD müraciət etdim ki, övladım ora yerləşdirilsin. Xəstəxanada yer ola ola mənim övladımı qəbul edilmirdi. Mən Səhiyyə Nazirliyi və Daxili İşlər Nazirliyinə zəng etdikdən sonra övladım qəbul olundu. 1 həftədir övladım qəbul olunmurdu indi hal-hazırda övladımı ora yerləşdirilməsinə baxmayaraq baş həkim Aynur Poluxanova və həyat yoldaşı 90-HG-911 markalı maşınlarından düşərək mənə hədə qorxu gəlir ki, niyə bu xəstəxanaya gətirmisiz. Bizdə dəfələrlə bildirdik ki, bu xəstəxana dövlət xəstəxanasıdı və bura yerləşdirməliyik. Aynur Poluxanovaya da dəfələrlə yazmışam zəng etmişəm xahiş edib bildirmişəm ki,. övladımı qəbul edin heçnə olmasın buna baxmayaraq məni telefon xətlərinin hər birindən bloka salıb. Nə qədər düzgündür belə bir şey edilməsi bilinmir. Bir neçə yerə şikayət etdikdən sonra övladımızı yerləşdirdik bu iş barəsində öz şikayətimizi mətbuat orqanlarında paylaşacağıq. Aynur Poluxanova kimdir arxasında kim dayanır hamısını araşdırılmasının arxasındayıq!" Teref.az olaraq şikayətdə toxunulan iddialarla bağlı qarşı tərəfində mövqeyini dərc etməyə hazırıq! Teref.az
Şamaxı Rayonu Suvarma Sistemləri İdarəsi əsaslı təmir işləri ilə bağlı tenderə yekun vurub.
DİA.AZ xəbər verir ki, qalib "Aztikintiservis" MMC olub.
Qalib şirkətə 129 676 manat ödəniləcək.
Qeyd edək ki, elanda torpaq məcralı Dibarx kanalının L=1.9 km (işin davamı) beton üzlüyə alınması və üzərindəki qurğularla birlikdə əsaslı təmiri işlərinin satın alınması nəzərdə tutulur.
DİA.AZ bildirir ki, 13 mart 2019-cu ildə yaradılan və 100 manatlıq nizamnamə kapitalına malik olan “AzTikintiServis” MMC-nin direktoru Paşa Papaqçıyevdir.
Şirkət 18 may 2020-ci ildə "Azərbaycan Meliorasiya və Su Təsərrüfatı" ASC-nin Tikilməkdə olan meliorasiya və irriqasiya obyektlərinin birləşmiş müdiriyyəti tərəfindən ümumi maliyyə dəyəri 1,4 milyon manat olan tenderin iki qalibindən biri olub və aralarında 733 min manatlıq tender müqaviləsi imzalanıb.
"Azərbaycan Meliorasiya və Su Təsərrüfatı" ASC tərəfindən 20 may 2020-ci ildə elan edilən Qusar rayonu Zuxul kəndinin həyətyanı və əkin sahələrinin su təminatının yaxşılaşdırılması işlərinin satınalınması tenderinin qaliblərindən biri olub və aralarında imzalanan satınalma müqaviləsinin məbləği barədə mətbuatda heç bir məlumat yoxdur.
27 ilyul 2022-ci ildə şirkət “Azərbaycan Meliorasiya və Su Təsərrüfatı” ASC-nin Şəmkirçay Su Anbarı və Magistral Kanalların İstismarı İdarəsinin Şəmkir sol sahil maşın kanalının beton üzlüyünün təmiri işlərinin satınalınması ilə bağlı tenderinin qalibi olub.
Tərəflər arasında maliyyə dəyəri 208 min 498 manat olan satınlma müqaviləsi bağlanılıb. Şirkət ötən ilin 7 ayı ərzində ümuni dəyəri 1 milyon 944 min manatdan artıq olan 10 tenderin də qalibi olub. Bu tenderlərin 9-u Azərbaycan Meliorasiya və Su Təsərrüfatı ASC-in tabeliyindəki qurumlara aid olub.
Yerdə qalan bir tender müqaviləsi isə Abşeron Milli Parkı ilə imzalanıb. Həmin dövrdə “Aztikintiservis” MMC-nin dövlətə 6900.10 manat vergi borcu olub.
Cari ilin fevral ayının 2-də “Azərbaycan Meliorasiya və Su Təsərrüfatı” ASC-nin Tikilməkdə olan meliorasiya və irriqasiya obyektlərinin birləşmiş müdiriyyətinin “Tovuz rayonu Ağdam kəndi ərazisində yerləşən Axıncaçay su anbarında təmir-bərpa işləri” satın alınması ilə bağlı elan etdiyi açıq tenderin qalibi də bu şirkət olub.
Tərəflər arasında 1 milyon 477 min manat məbləğində satınalma müqaviləsi imzalanıb.
Şirkət ikinci dəfə mayın 1-də Tovuz Rayon Suvarma Sistemləri İdarəsinin elan etdiyi tenderdə qalib olub v aralarında 118 713 manatlıq satınalma müqaviləsi imzalanıb. Müqavilənin şərtlərinə görə, şirkət qurum üçün Bastam arxının beton üzlüyə alınması və üzərindəki qurğuların əsaslı təmiri işlərini həyata keçirib.
Onu da qeyd edək ki, yuxarıda sadaladıqlarımız “AzTikintiServis” MMC ilə Zaur Mikayılovun akntorunun ortaqlıqlarının tamamı deyil. Hər halda bu məqam hüquq mühafizə orqanları üçün taxşı aradşırma səbəbidir...
Məsələ ilə bağlı dia.az olaraq bütün maraqlı tərəfləri dinləməyə hazırıq...
Belə bir məsələ var ki, ölkədə dəyişikliklər olacaq. Onlardan ən böyüyü yəni sadə insanlara xeyir olacaq dəyişiklik odur ki, ölkədə İcra hakimiyyətləri ləğv ediləcək əyalətlərdə Prezidentin xüssisi nümayəndəsi olacaq. Məndə olan məlumat da oda ayın olur ki, bu qədər şikayətlərdən sonra İlham İsmayılovun vəzifədən azad edilməməsinin də səbəblərindən biri budur. Yəni yeni sturktur icra olunan kimi sovet düşüncəli və rus təhsili almış İlham İsmayılov kimi “köhnə” kadrlar yeni tərkibdə olmayacaqdır. Onun əvəzinə isə yeni kadrlar Dövlət idarəçilik alademiyasını bitirmiş gənc kadrlar olaca heç bu dəfəki deputat seçkilərində Ayadın Mirzəzadə də olmayacaq. (YAP Mingəçevir şəhər təşkilatının sədri Bəxtiyar Mustafayev) kimi gənclər irəli çəkiləcək. Videoda qadının da dediyi kimi “sanki Mingəçevirin sahibi yoxdu”. Elə bil şəhər avtopilotda idarə olunur.
Elə İlham İsmayılovu tərifləyənlərin də dediyi kimi İcra başçısı ölkə başçısının Mingəçevirdə olan nümayəndəsidir. Amma İlham İsmayılov özünü jek müdiri kimi aparır. Elə olmasaydı şəhərdə fəaliyyət göstərən hansısa idarəyə sözü keçərdi deyədi ki, şəhərdə elə işləyin ki, mənim başçısı olduğum şəhərin əhalisi əziyyət çšəkməsin. Burada iki məsələ var. Nə İcra başçısı öz səlahiyyətlərini bilmir, nədə kimlərinsə yanında “gözü kölgəli”-dir.
İndi isə əziz Mingəçevirlilər yazın görək şəhərin İcra başçısının fəaliyyətindən razısınız?
Sahibsiz qalan şəhər sakinləri fəryad aparır.Ətraflı VIDEODA…
Xacmaz rayonu, N saylı hərbi hissənin işçiləri tərəfindən Hurriyyet.az saytının redaksiyasına şikayət məktubu daxil olub. Şikayətçilər hərbi hissədə xidmət göstərən hərbçilər arasında ayrı-seçkilik olduğunu bildirirlər:
“Xaçmaz rayonu, N saylı hərbi hissədə özbaşınalıq son həddədir.
Belə ki, 2022-ci ildə bizə məlumat vermədən, imtahan götürdülər. Bu il isə "2-ci məharət dərəcəsi" imtahanı vermədən, bizi kəsdilər. Səbəbini soruşduqda bildirdilər ki, 2022-ci ildəki imtahana əsasən hesablama aparılıb.
100 nəfərdən 23 nəfərə düşdük. İmtahan vaxtı məzuniyyətdə olan, turnik vura bilməyən şəxslər imtahandan keçdilər. Bu olanlar haqqında “yuxarılara” məlumat versək də, aldığımız cavab ürəkaçan olmadı. Bizə bildirdilər ki, "sizin qatarınız çoxdan gedib".
Hərbi hissədə olan iki xanım üçün isə xüsusi diqqət var. Kirayədə yaşamasalar da, onlara kirayə pulu ayrılır. Kirayədə yaşayan kişi hərbçilərə ayrılan pul isə kəsilir.
Bir həftə içərisində hər iki xanımın "2-ci məharət dərəcəsi" aldıqları bəlli oldu. Əgər bizim “qatar gedibsə”, xanımların qatarı niyə getmir bəs?! Xanımlar barəsində gələn əmrin açıq şəkildə heyətə çatdırılması qadağan edildi.
Bizim davamız bu xanımlara göstərilən xüsusi diqqət deyil, hər kəsin öz işidir. Biz istəyirik kirayə pulu alaq, imtahan doğru-düzgün keçirilsin. Əmr sənədlərini bir-birinə yaxın vəziyyətdə tutduqda, polkovnik Asif Məmmədli tərəfindən müdaxilə olunaraq, xanımların adlarının əmrə əlavə edildiyi açıq-aşkar görünür. Yəni cənab nazirin əmrinə müdaxilə olunub.
Polkovnik Asif Məmmədli hərbiçilərə zülm verir”.
Jalə FAMİLQIZI
Redaksiyadan:Yazıda adları qeyd olunan şəxslərin mövqeyini dərc etməyə hazırıq.
P.S. Qeyd edək ki, Azərbaycan reallığında şikayətçilərin adlarının çəkilməsindən ehtiyat etmələri anlaşılandır. Çünki, çox təəssüf ki, bəzi dövlət adamlarının ayağına dolanan "haqqını tələb edən" insanları işləri ilə cəzalandırırlar. Bir neçə ay qabaq, Naxçıvanda yerləşən N saylı hərbi hissədə işləyən xanım da elə haqqını tələb edərkən işindən olmuşdu. Belə ki, saytımızda yazı gedəndən 2 gün sonra onun işinə son verilmişdi. Bu səbəbdən də adların gizlin qalması vətəndaşların işini qorumaq üçündür.
Goranboyda yerləşən məktəbdə hamı bir birindən şikayətçidir.
Goranboy rayonun Yuxarı Ağcakənd qəsəbəsində yerləşən Kəlbəcər rayon 91 saylı orta məktəbdə müəllimlər direktordan, direktor isə müəllimlərdən narazıdır.
Belə ki, həmin məktəbdə çalışan müəllim iddia edir ki, dərs ilinin başlanmasından sonuna qədər direktorun göstərişinə əsasən şagirdlərin, bəzi fənn müəllimlərinin ayaqları təhsil ocağına dəyməyib.
Həmin şagirdlər nə məktəbi, onlara dərs deməli olan müəllimlər isə şagirdləri tanımırlar.
Məktəbində ibtidai sinif müəllimi olan Mehdi Mirzəyev direktorun “qanun”larına tabe olmayaraq üzünü görmədiyi, dərs demədiyi şagirdlərə qayıblar yazıb. Amma onun digər müəllim yoldaşları direktorun göstərişi ilə “qiyabi” oxuyan şagirdlərə qiymətlər yazıblar.
Haqsızlıqlara dözə biməyən müəllim aidiyyatı qurumlarla yanaşı “Xəzər Xəbər”ə müraciət edib.
Sabirabad rayonunun Əsgərbəyli kəndində yaşayan Pənah Teymur oğlu Hüseynov icra məmurunun hərəkətindən, Baş Prokurorluğun isə bu barədə şikayəti araşdırmamasından narazıdır. Söhbət Sabirabad rayon İcra Şöbəsinin icraçısına qarşı rüşvət iddialarıyla bağlı şikayətdən gedir.
“Sübutlarımı – səs yazılarını da təqdim eləmişəm”
Pənah Hüseynov Meydan TV-yə bildirib ki, şikayət məktubunu da, orada göstərdiklərini təsdiqləyən səs yazılarını xeyli vaxtdır ki, Baş Prokuror Kamran Əliyev və onun birinci müavininə göndərib. Amma bu qurumdan heç bir reaksiya yoxdur.
Onun sözlərinə görə, şikayət məktubunun surətini paralel olaraq, prezident, birinci vitse-prezident, ədliyyə naziri, daxili işlər naziri və başqa qurumlara da ünvanlayıb. Bu qurumlardan da hələlik səs-soraq gəlməyib:
“Təkcə məktublarla kifayətlənməmişəm. Orada yazdıqlarımın sübutu var – səs yazıları. Onları da hamısına göndərmişəm. Görsünlər ki, deyilənlər sadəcə, söz deyil…”.
Sabirabad rayon İcra Şöbəsində Pənah Hüseynov haqqında icra olunmalı məhkəmə qətnaməsi var. Şikayətçinin sözlərinə görə, həmin qətnamədən sui-istifadə edib, onu hədələyərək, ondan dəfələrlə rüşvət tələb olunub. Əsgərbəyli kənd sakini iddia edir ki, bir neçə dəfə də icra məmurunun hədələrinə baş əymək məcburiyyətində qalıb.
“Qorxudan məcbur qalıb razılaşdım”
“Çünki məni qərarı icra etməmək barədə protokol yazıb, həbs elətdirməklə məni hədələyirdi. Bir dəfə dediyini elədi – ona pul vermədim, o da protokol yazdı, həbs olundum. Mən də qorxudan məcbur olub, deyilənlərlə razılaşırdım”, – Pənah Hüseynov belə deyir.
Bir müddət öncə məhkəmə qərarının icrasından yayınmaya görə rayon məhkəməsinin qərarıyla onun haqqında 8 günlük inzibati həbs qərarı çıxarılıb.
Onun sözlərinə görə, maddi durumu ağır olduğundan qərarı icra edə bilmir:
“Qərarı birdəfəlik icra eləməyə maddi imkan yoxdur. Əlimdə olanda da icraçı tutub məndən alır. Borcdan da çıxılmır. Qalmışam çıxılmaz vəziyyətdə…”.
Pənah Hüseynov Meydan TV-yə Sabirabad rayon İcra Şöbəsində çalışan həmin əməkdaşın kimliyini də açıqlayıb. Həmçinin aralarında olan danışıqların səs yazılarını da təqdim edib. Lakin sözügedən icra məmuru ilə danışıb, səslənən ittihamlarla bağlı onun cavabını öyrənə bilmədiyimizə görə kimiyini açıqlamadıq.
Prokurorluqdan isə Meydan TV-yə bildirilib ki, daxil olan bütün şikayətlərə qanuna uyğun şəkildə baxılır, araşdırılır və cavablandırılır. //Meydan TV//
Uzun müddətdir ki, mediada "Veysəloğlu" şirkətlər qrupundan və onun fəaliyyətində daim nöqsanlar olan rəhbəri, Vasif Talıbovla Ramiz Mehdiyevin ən yaxın adamı və şəriki olan Aydın Talıbov haqqında tənqidi materiallar dərc olunur. Aydın Talıbov, Ramiz Mehdiyev, Vasif Talıbov üçlüyünə aid olan "Veysəloğlu" şirkətlər qrupuna daxil olan mağazalarda qurdlu şokoladlar, iylənmiş sosislər, vaxtı keçmiş smetanlar, qatıqlar, bir sözlə qida məhsullarının satışı bu şəxslərə zərrə qədər də olsun mənfi təsir etmir. AQTA-nın dəfələrlə "Veysəloğlu" şirkətinin tərkibində olan firmaları, mağazaları cərimə etməsinə baxmayaraq, "Veysəloğlu", "OBA", "ARAZ" öz bildiklərini edirlər. Hətta dəfələrlə "Veysəloğlu" şirkətinin tərkibində fəaliyyət göstərən mağazaların qarşısında camaatın narazılıqlarının şahidi olmuşuq. Alıcılar mənfi fikirlər səsləndirməkdən belə çəkinmirlər. "Bizə vaxtı keçmiş məhsullar satanın ölüsünə, dirisinə lənət, bizi aldadıb artıq qiymətlərə mal satanların qızları, gəlinləri, həyat yoldaşları çöldə qalsın". Bu fikirləri eşitmək heç kimə xoş deyildir. Amma buna baxmayaraq, "Veysəloğlu" şirkətlər qrupu özünü mediada reklam etməkdən belə çəkinmir. Muzdlu mirzələrinin etdiyi REKLAM, əslində ANTİ-REKLAMdır... Şəhid və qazi ailələrinə sənin Qurban payın lazım deyil, dövlətin vergisini ödə, istehlakçıların hüququnu pozma... “Veysəloğlu” Şirkətlər Qrupunun prezidenti cənab Aydın Talıbova dəfələrlə müraciətimizdə onun personası ilə heç bir problemimiz olmadığını bəyan etmişik. Və üstəlik qeyd etmişik ki, şirkət özünü muzdlu mirzələrin vasitəsilə ucuz reklam etməkdənsə, işində müsbət dönüş yaratsa, vergidən yayınmasa, işçilərin, eyni zamanda istehlakçıların, müştərilərin hüquqlarını pozmasa, biz bir media olaraq bu müsbət halları da qeyd etməyə hazırıq. Yəni bizim şirkətə qarşı heç bir şəxsi qərəzimiz yoxdur. Çox təəssüf ki, “Veysəloğlu” şirkətlər qrupu işində müsbət dəyişiklik etmək əvəzinə özünü ucuz reklam etməklə məşğuldur. Biz, bir media olaraq REKLAM-ın əleyinə deyilik və hər hansı bir qurumun, şirkətin özünü reklam etməsini təbii qəbul edirik. Amma... Əmması odur ki, sənin reklamın əməlinə, fəaliyyətinə uyğun gəlməyəndə, bu reklam ANTİ-REKLAMA çevrilir. Bunu anladınmı, cənab Aydın Talıbov. Cənab Talıbov, müdriklər deyir: “Sözdə və əməldə birlik”. Sizin fəaliyyətiniz isə ƏMƏLDƏ deyil, ancaq sözdə, yəni ucuz reklamdadır, bu da effekt vermir. Siz hər dəfə müqəddəs Qurban bayramında 5-10 şəhid, qazi ailəsinə etdiyiniz yardımı muzdlu mirzələrin vasitəsilə az qala cəmiyyətin gözünə soxursunuz. Bir dəfəlik başa düşmək lazımdır ki, şirkətin vaxtlı-vaxtında dövlətin vergi borcunu ödəməsi hər əməldən üstündür. Çünki həmin vergilərin hesabına dövlət öz şəhidinə, qazisinə SAHİB çıxır. Sizin kimi şirkətlər vergidən yayınır və sonra bəyan edir ki, işğaldan azad edilmiş rayonlara İANƏ edirik. Belə İANƏ kimə lazımdır..? Axı, sizin şirkətin satdığı kiflənmiş pendiri, yaxud vaxtı keçmiş, köhnə ərzaq məhsulu adi vətəndaşla bərabər, şəhid, qazi ailəsi də alır... Yaxud başqa bir misal. Əmək Müfəttişliyi dəfələrlə “Veysəloğlu” şirkətinin, onun marketlərinin işçilərlə əmək müqaviləsi bağlamadan işlətdiyini, onların hüquqlarını pozduğunu və s. açıqlayıb. Bu yaxınlarda ölkənin tanınmış ziyalılarından biri öz oğlunun “Araz” marketlər şəbəkəsində qarşılaşdığı qanunsuzluqlara bağlı mediada geniş açıqlama vermişdi. Onun açıqlamasından bəlli olurdu ki, “Veysəloğlu” şirkəti, ümumiyyətlə, işçi ilə əmək müqaviləsi bağlamır, “ora qol çək, bura qol çək” deyib əməkdaşı aldadır. İşçiləri dözülməz dərəcədə artıq işlədir, əmək haqqlarının yarısı nağd verilir, yəni vergidən yayınır və s. “Veysəloğlu” şirkətlər qrupunun ölkədə süni qiymət artımı yaratması ilə bağlı İqtisadiyyat Nazirliyinin rəsmi açıqlamasına nə deyirsiniz, cənab Aydın Talıbov..? Bir müddət öncə Vergilər Nazirliyi yanında Bakı şəhəri Lokal Gəlirlər Departamentinin əməkdaşları tərəfindən Veysəloğlu Şirkətlər Qrupuna aid olan 10-a yaxın vergi ödəyicisi şirkətlərində audit yoxlamaları həyata keçirilmişdi. Məlumata görə, səyyar vergi yoxlamaları zamanı sözügedən şirkətlərin külli miqdarda vergidən yayınması faktları ortaya çıxmışdı. Sözügedən Departamentin əməkdaşları tərəfindən aparılan səyyar vergi yoxlaması ilə külli miqdarda vergidən yayınma halları aşkar edilərək, Veysəloğlu Şirkətlər Qrupuna 2 milyon manatlıq maliyyə sanksiyası tədbiq edilib. Bunu biz demirik ee... Belə olan halda özünü necə reklam edə bilərsən, cənab Talıbov..? Cənab Talıbov, bu 2 milyon, bircə anbarda yoxlamanın nəticəsidir ee... İndi fikirləş ki, 100-lərlə “Araz” və “Oba” supermarketləri yoxlanılsa, ortaya hansı rəqəm, hansı sanksiyalar çıxıacaq..? Onda səni başqa yerə aparacaqlar. Və bu gün səni müdafiə edən muzdlu mirzələrin köməyinə çata bilməyəcək. Cənab Talıbov, sən millətimizin arasına sanki ayrıseçkilik toxumu səpirsən, millətimizi ağ və qaraya bölürsən, 1-ci və 2-ci sort insanalara ayırırsan və... Belə ki, Şirkətlər Qrupunun tabeçiliyində olan “Araz” marketləri imkanlı, varlı şəxslər üçün, “Oba” marketləri isə 2-ci sort adamlar üçün nəzərdə tutulub. Və ən dəhşətlisi odur ki, “Araz” marketlərində vaxtı keçmiş, köhnəlmiş, keyfiyyətini itirmiş məhsulları “Oba” marketlərində kasıb, imkansız təbəqəyə satır. Biz hələ Əmək Müfəttişliyini demirik ee... Veysəl müəllimin oğlu, özün öz dilinlə deyirsən ki, 17 min nəfər işçin var. Əgər Əmək Müfəttişliyi xırda bir yoxlama aparsa, bəlli olacaq ki, sənin “qara mühasibat”lığın dövlətə milyonlarla ziyan vurub. Kağızda yazdığın əmək haqqı ilə real əmək haqqı arasında fərq ən azı 3 rəqəmlidir. İndi onu da vur 17 min nəfərə. Gör hansı rəqəm alınacaq ? Biz hələ 30-35 min avroluq maaşlardan danışımırıq. Bəli, xaricdən dəvət etdiyin əcnəbi “revizora” ayda 35 min avro maaş verirsən. Bir ay öncə vitrindəki və kassadakı qiymət fərqinə görə şirkətiniz cərimələndi. Satıcılar deyir ki, qiymətlər tez-tez dəyişir imkan edib qiymətləri yeniləyə bilmirik… Və daha nələr... Biz hələ içindən bolt, qayka çıxan “Ulduz” şokoladlarından, saxta “Sirab” mineral sularından danışmırıq. Aydın Talıbov, Peyğəmbər əfəndimiz buyururdu ki, BİZ YEDİKLƏRİMİZİN CƏMİYİK. Cənab Talıbov, bir gün bu xalqa yedirdiklərini sənin özünə yedirdəcəklər. Bunu qulağında sırğa elə, unutma. //gundelik-baku.com//
DİA.AZ: - Sumqayıt Kimya Sənaye Parkında açılışı həyata keçirilən “Azmonbat” MMC-nin bu törəninə Prezident İlham Əliyev də qatılmışdı. Təbii ki, dövlət başçısı sözügedən müəssisənin ölkkə vətəndaşı üçün normal iş yeri olacağına ümid etmişdi. DİA.AZ bildirir ki, amma görünəni odur, "Azmonbat" MMC-ni çalışdıranların niyyəti tamam fərqlidir. Bu barədə redaksiyamıza daxil olan şikayətdən anlaşılır.
100 nəfərin daimi işlə təmin olunduğu müəssisədə vəziyyət hem də ürəkaçab deyil və artıq rəhbərliklə işçilər arasında ÇAT YARANIB və iş hətta məhkəməyə qədər gedib çıxıb.
“Dünyanı, yeri, göyü, o biri ölkələri su aparır, burada su yoxdur. Çətindir, bax bir belə yer üçün insan bir qaşıq su tapmır”. Xaçmazın kəndlərində suvarma üçün qazılan arxlar tez-tez quruyur. Çörəyi bağ-bostandan çıxan camaat yağışın ümidinə qalıb. Qadaşoba kəndinin sakinləri deyir, bağlarını sulamaq üçün su növbəsinə dayanmalı olurlar. İçməli su tapmaq da ayrı dərddir. Sakinlər suyu yerdən motorla çıxarırlar. “Su gəlir, növbə ilə sulayırıq bağları. Bundan qabaq bir az çətin idi, yağış yağandan sonra sular yaxşıdı. Məsələn, bir cərgə ilə camaat sulayır, 1-2 gündən bir, baxır da, camaatın sahəsinə. Tez qutarsa, qonşu sulayır, sonra o biri qonşu sulayır. Əsas sudur da, su həyatdır, su olan yerdə hər şey olur. Su olmayanda həyat da olmur. Bax, adi motorla su çıxartmışam, bu olmasa həyat yoxdur”. “Su gec-gec gəlir, camaat bağlarını sulaya bilmir. Bir ara gəlir, bir ara gəlmir. Biri sulaya bilir bağını, biri sulaya bilmir. Yarısına çatır, yarısına çatmır. Suda problemlər yaşayırıq. Camaat da ümidini dikib bağlara, gilas bağlarıdı hamısı, camaatın ruzisidir. Su olmadı, yanıb gedir hamısı. Ona görə, biz də istəyirik ki, vaxtlı-vaxtında sular gəlsin”. Xaçmazın Əhmədoba kəndinin camaatı isə deyir, çaylardan gələn su yuxarı kəndlərdən onlara çatana qədər quruyur. Sakinlər bağlarını sulaya bilməməsindən giley-güzar edir. Ağacların quruması kənd əhlini ziyana salır. Əhmədoba kəndində bircə içməli su kranı var, o da kəndin girişindədir. “Çayın qabağını kəsirlər yuxarıdan. O sulayır, bu sulayır, mən sulaya bilmirəm. Kənddən gətizdirirəm də. Sənə, ona, buna, hansına desəm, etiraz eləmirlər, gətirirlər. Mən gedə bilmirəm axı. Budur, quruyur ağaclar. Orada iki dənə Bəhrə ağacı var idi. Onlar ikisi də qurudular. Su yoxdur”. “Su növbəsinə yazılırıq. Amma onda da su tapmırıq. Bağlar hələ sulanmayıb. Su yoxdur, baxırıq, qayıdıb gəlirik. Deyəndə deyirlər ki, heç yerdə su yoxdur. İldə bir dəfə də olsa, bağları sulamışıq. Amma artıq may ayı çıxır, bu il hələ bağa bir qaşıq su dəyməyib. Allahdan yağan yağışın, təbiətin öz qüvvəsi ilə nə əmələ gəlir odur”. Əhmədoba kənd sakini Nəbi Qəribov deyir, aidiyyatı qurumlara müraciət etsələr də, nəticəsi yoxdur. Olmayan suyun pulunu yığmaqları da ayrı dərddir. “Qış çıxandan bu günə qədər bir qram su görmürük biz. Su yerindən gəlmir, vermirlər. Nə qədər şikayət etsək, xeyri yoxdur. Bax, görürsən, bunlar susuzluqdandır. Ağaclara nasosla su çıxarıb veririk. O da effektiv deyil də. Təbii su effektiv olur. Gəlir ki, supulu ver. Mən bu suyu işlətmirəmsə, sənə pulu haradan verim? Həyətlərimiz qupquru, su yoxdur”. Meliorasiya və Su Təsərrüfatı Açıq Səhmdar Cəmiyyəti müraciətimizdən sonra suyun limitini qaldırdıqlarını dedilər. Bugünə qədər suyun limiti niyə az idi sualına isə hələ də cavab yoxdur.
Ucar rayon, "DOST" İş mərkəzinin işçiləri Cəfərova Kəmalə Qədir qızı, Hacıyeva Zərinə Eyvaz qızı, Əhmədova Sevinc İsmayıl qızı, Əlizadə Elnarə Məhərrəm qızı, Qurbanova Mətanət Şahin qızı və Cəfərov Həsən Cəmşid oğlu tərəfindən Hurriyyet.az saytının redaksiyasına şikayət məktubu daxil olub. Şikayətçilər iddia edirlər ki, "DOST" iş mərkəzi onların haqqını vermir:
“Məlumat üçün bildirək ki, biz 2019-cu ildən “DOST” İş Mərkəzinin əmək müqaviləsi ilə Ucar rayon Kommunal Müəssisələri Kombinatında (“Komxoz”da) işə qəbul olunmuşuq. Hər gün bizə verilən tapşırıq əsasında küçələri süpürüb, təmizləmişik. Hətta aylıq pul verib işə gəlməyənlərin yerinə də küçələri bizə süpürtdürüblər. Bu dediklərimizi süpürdüyümüz küçələrdəki obyektlərin müşahidə kameralarını açıb baxmaqla görmək olar.
2022 və 2023-cü ildə 3 dəfə “DOST” İş Mərkəzi tərəfindən Ucarda video çəklişlə yoxlama keçirilib. Həmin gün biz artıq verilən tapşırığı yerinə yetirib evimizə getmişdik. Təmizlik işləri səhər saat 6-00 radələrindən təxminən saat 11-00 radələrinə kimi davam edir və həmin müddətdə bizə verilən tapşırıları yerinə yetirib, evimizə gedirik.
DOST İş Mərkəzindən yoxlama saat 12-00 da gəlib, monitorinq aparılıb. Həmin vaxt "Komxoz"un rəhbərliyi aylıq pul verib işə gəlməyənlərə tez zəng etdirib çağırıblar işə. Bizə isə xəbər verilməyib. Yoxlama zaman aylıq haqq verənlərin 80 % işə gəlmədiyi halda, həmin vaxt onlar işdə olublar. Ancaq yoxlamaya pul və siyahı verilib deyə onlara gözün üstə qaşın var deyən olmadı. Biz isə gündəlik işə çıxıb, aylıq haqq vermədiyimiz üçün hədəfə tuş gəldik. Bizim əmək müqaviləmizə qanunsuz xitam verildi.
Tələbimiz odur ki, 3 dəfə aparılan yoxlama zamanı çəkilən videoya bizim iştirakımızla baxış keçirilsin. Həmin videoda aylıq haqq verib işə gəlməyənlərin çoxu yoxdur. Belə olan təqdirdə gələn yoxlamanın korrupsiyaya qurşanması subut olunacaq.
Bizim hər birimizin evində azyaşlı uşaqlarımız və xəstələrimiz var, heç bir yerdən gəlirimiz yoxdur.
“DOST” İş Mərkəzi Ucarda "Komxozun" rəhbərliyi ilə əlbir olub, korrupsiya şəbəkəsi yaradıb. Həmin yoxlamalar zaman aparılmış video çəklişə baxılarsa, bu, tam subut olunacaq.
Prezident cənab İlham Əliyev “DOST” İş Mərkəzini yaratdı ki, kasıb ailələr işlə təmin olunub, ailələrini dolandırsın. Ancaq Ucarda “DOST” İş Mərkəzinin əmək müqaviləsi ilə "Komxoza" əksəriyyəti imkanı olan adamlar götürüldü. Buna isə icra başçısı Mənsur Məmmədov şəxsən şəraiti yaratdı. İcra başçısı 50 000 manat pulun müqabilində Asəm Kərimov kimi korrupsioneri "Komxoza" müdir vəzifəsinə təyin etdi və sonda da guya etdiyi səhvi düzəldirmiş kimi onu öz ərizəsi ilə işdən çıxardı.
İndi biz bir qrup korrupsionerin qanunsuz əməllərinə görə işimizdən olmuşuq.
Xahiş və tələbimiz “DOST” İş Mərkəzinin apardığı yoxlama zamanı çəkilmiş videoya bizim iştirakımızla baxılsın, korrupsiyaya qurşanmış şəxslərin barəsində ciddi tədbirlər görülsün, qanunsuz çıxarıldığımız üçün bizi yenidən işimizə bərpa etsinlər”.
Redaksiyadan: Yazıda adları qeyd olunan şəxslərin mövqeyini dərc etməyə hazırıq.
