Nərimanov Tibb Mərkəzi ilə bağlı Mikayıl Cabbarovdan KÖMƏK İSTƏNİLDİ - Əgər təftiş olunarsa...

Yaradılıb 07.07.2023 10:00 | Baxış sayı: 102
Ardını oxu...
İqtisadiyyat naziri Mikayıl Cabbarova və Azərbaycan Respublikası İqtisadiyyat Nazirliyi yanında Vergi Cinayətlərinin İbtidai Araşdırılması Baş İdarəsinin rəisi Cavanşir Nuriyevə göndərilən informasiya sorğusunda 3 saylı Nərimanov Tibb Mərkəzinin baş həkimi Fazil Alməmmədovun tenderlərlə bağlı müəmmalarına aydınlıq gətirilməsi xahiş olunub…

ƏVVƏLİ BURADA: Fazil Alməmmədovla bağlı ŞOK İDDİALAR... - BU NƏDİ BELƏ?

Beləliklə, ötən buraxılışda qeyd olunduğu kimi, sual üaranır: atası mebel oğurluğu üstündə 3 il azadlıqdan məhrum edilən, bir qardaşı Rusiyada külli miqdarda dövlət vəsaitini mənimsəməyə görə 5 müddətinə azadlıqdan məhrum edilən, digər qardaşı Tural Alməmmədov isə dövləti cinayətdə iştirak etdiyinə görə Azərbaycan Dövlət Təhlükəsizlik Xidməti tərəfindən «İŞİD»çilərə qarşı keçirilən əməliyyat zamanı atışmada öldürülən Nərimanov Tibb Mərkəzinin direktoru və paralel olaraq 5 saylı Kliniki Xəstəxananın baş həkimi Fazil Alməmmədov bu vəzifələrə kimlərin dəstəyi ilə təyinat alıb? Yaxud, belə məsul vəzifələrə təyinatlar zamanı şəxsin bütün sənədləri Prezident Administrasiyasının, DTX-nın, TƏBİB-in, Səhiyyə Nazirliyinin… süzgəsindən keçirilir. Bəs bu qurumlarda nədən bunlar aşkar olunmayıb, yaxud nəzərə alınmayıb???

Bu barədə az sonra. Hələlik onu deyək ki, F.Alməmmədovla bağlı daxil olan şikayətlərə aydınlıq gətirilməsi üçün təbii ki, onun özünə deyil, tabe olduğu qurumlara-Səhiyyə Nazirliynə və TƏBİB-ə aydınlıq gətirilməsi üçün sorğular göndərilmişdir. Amma…

TƏBİB-dən reaksiya yoxdursa, deməli…

Məntiq odur ki, adətən, belə ciddi araşdırma yazıları olanda maraqlı dövlət qurumları dərhal reaksiya verir və ya cavab haqqını təmin etdirir. Amma bu dəfə nə Səhiyyə Nazirliyindən, nə də TƏBİB-dən Fazil Alməmmədovla bağlı sorğu və yazılara susma görünür. Bu isə o deməkdir ki, bu cür əməllər sahibi ilə vidalaşmağı düşünürlər, nəinki onun əməllərinə ən azı aydınlıq gətirilməsini.

«Təzadlar» bununla bağlı araşdırmalarını davam etdirir. «Media haqqında» Qanunun tələblərini nəzərə alaraq bu gün İqtisadiyyat naziri Mikayıl Cabbarova və Azərbaycan Respublikası İqtisadiyyat Nazirliyi yanında Vergi Cinayətlərinin İbtidai Araşdırılması Baş İdarəsinin rəisi Cavanşir Nuriyevə informasiya sorğusu göndərdi. №-2023-06/07, 06.07.2023 və №-2023-06/04, 06.07.2023 saylı informasiya sorğusunda bir sıra qaranlıq suallara aydınlıq gətirilməsi xahiş olunub. İnanırıq ki, sorğumuz qanunun yol verdiyi müddətdə cavablandırılacaq və tədbirlər görüləcək. «Media haqqında» Qanunun 17-ci maddəsində isə deyilir: «Maddə 17. Məlumat almaq hüququ

17.1. Media subyektləri və jurnalistlər cəmiyyətdəki ictimai, siyasi, sosial və iqtisadi vəziyyət haqqında, dövlət orqanlarının (qurumlarının), bələdiyyələrin, müəssisə və təşkilatların, qeyri-hökumət təşkilatlarının, siyasi partiyaların, vəzifəli şəxslərin fəaliyyəti barədə düzgün informasiya almaq hüququna malikdirlər. Bu hüquq qanunla müəyyənləşdirilmiş hallardan başqa məhdudlaşdırıla bilməz.

17.2. Dövlət orqanları (qurumları), bələdiyyələr, müəssisə və təşkilatlar, qeyri-hökumət təşkilatları, siyasi partiyalar, vəzifəli şəxslər öz fəaliyyətləri haqqında informasiyanı media subyektlərinin və jurnalistlərin yazılı və şifahi sorğusu əsasında, habelə mətbuat konfransları və ya brifinqlər keçirmək yolu ilə yaxud başqa formalarda verirlər.

17.3. İnformasiya əldə edilməsi barədə yazılı sorğuya “İnformasiya əldə etmək haqqında” Azərbaycan Respublikasının Qanununda müəyyənləşdirilmiş qaydada və müddətdə baxılır. Həmin Qanunda göstərilən müddətdə həmin informasiya öz operativliyini itirərsə, sorğuya dərhal, bu mümkün olmadıqda isə 24 (iyirmi dörd) saatdan gec olmayaraq cavab verilməlidir.

17.4. Media subyektləri və jurnalistlər məlumatı verməkdən imtina edən dövlət orqanlarından (qurumlarından), bələdiyyələrdən, müəssisə və təşkilatlardan, qeyri-hökumət təşkilatlarından, siyasi partiyalardan və ya vəzifəli şəxslərdən qanunla müəyyənləşdirilmiş qaydada şikayət etmək hüququna malikdir».

***

Redaksiyaya isə şikayətlər daxil olmaqdadır. Bu gün aldığımız məktubda deyilir: «…Hörmətli «Təzadlar», sizə onu da bildirək ki, Fazil Alməmmədov TƏBİB-in rəhbəri Vüqar Qurbanovla o dərəcədə yaxındır ki, hətta Akademik C.Abdullayev adına Elmi-Tədqiqat Kardiologiya İnstitutunun drektoru Gülnaz Dadaşovanı da o direktor təyin etdirib. Gülnaz Dadaşova isə tender məsələlərində və başqa işlərdə F.Alməmmədova yaxından dəstək verir, mənəvi dayaq olur. İnstitutun tibb personalı dəfələrlə direktordan şikayət etsələr də, tədbir görülmür, çünki müdafiəçisi Fazil Alməmmədovdur. İnstitutun foyelərini, palatalarını… gəzin, görəcəksiniz ki, bura nə gündədir. Bəs direktor niyə həm də institutun cəfakeş personalına diqqət ayırmır? Buna vaxtı çatmırmsı, yoxsa nə…

Bunun isə özəl səbəbləri var, institutda hamı bilir. Təsəvvür edin ki, ötən ilin payızında 8 saylı poliklinikada 135 min manatlıq təmir işləri başa çatdırılmalı idi, sənəddə isə təmir işlərinin vaxtı bu ilin martında bitib. Amma sizin əməkdaşlar dünən poliklinikada olublar, yəqin görüblər ki, orda heç bir təmir işi yoxdur.

Atası, qardaşları… ağır cinayətlərdə həbs edilərək azadlıqdan məhrum edilmiş, bir qardaşı terrorçu kimi DTX tərəfindən öldürülən adam necə səhiyyəmizdə at oynada bilir axı?! Biz TƏBİB-ə F.Alməmmədovun qanunsuz əməlləri barədə şikayətlər və konkret faktlar göndəririk, amma Vüqar Qurbanov tədbir görmür. Deməli, əlbirdirlər, deyilmi? Siz bir jurnalist kimi yoxlaya bilərsiniz. 3 tenderin heç biri faktiki icra olunmayıb, amma pulları silinib. Məsələn, Nərimanov Tibb Mərkəzinə ayrılan vəsaitə faktiki olaraq demək olar heç bir iş görülməyib. Mərkəzin binasının 3-cü mərtəbəsində 3 il əvvəl qapılar dəyişdirilib, mərtəbənin həkimləri də bunu təsdiqləyə bilər. Onu da həkimlərin hesabına ediblər. Ən ucuz linoliumu «Antibakterial» adı altında yerə döşədilər. Bunu da yoxlamaq heç də problem deyil. Sənədlərdə baxın görün 1 kvm.-i neçəyədir… Hamıya məlumdur ki, tibb ocaqlarında antibakterial boya və linoliumdan istifadə edilir. Yəqinki Antiinhisar və İstehlak Bazarına Nəzarət Dövlət Agentliyinin rəisi Məmməd Abasbəyli (keçmiş Tender Agentliyi) də bu məsələdə nəzarətini etməli, araşdırmalıdır. Ayrılan pulların icrası niyə nəzarətsiz buraxılır?

Onu da deyək ki, Fazil Alməmmədov 5 saylı Xəstəxananın idarəçiliyini yeni həyat yoldaşı olan Aygün xanıma həvalə edib. Hal-hazırda Aygün xanımın icazəsi olmadan burada heç bir iş görülə bilməz. Aygün xanım həkim heyətini yığır, iclas keçirir, illərlə iş təcrübəsi və stajı olan professor heyətini tənbeh edir, həkimlərə töhmət verir…».

***

Bu gün redaksiyaya həm də Fazil Alməmmədovun Respublika Kliniki Xəstəxanaya rəhbər vəzifələrə təyin etdirdiyi işçilərin qanunsuz hərəkətləri barədə məktub daxil olub… İnanılmazdır ki, bir nəfər TƏBİB-də istədiyini edir, Səhiyyə Nazirliyini saymır, dostu Vüqar Qurbanova (TƏBİB-in icraçı direktoru) təqdimat yazdırıb səhiyyə naziri Teymur Musayevi aldadırlar və yeznəsi -«şofer» Laçın Alməmmədovu «Səhiyyə əlaçısı» medalı ilə təltif etdirir??? Gülməlidir, həm də ağlamalı… Tanınmış səhiyyə işçiləri yox, «şofer» «Səhiyyə əlaçısı» olur???

(Davamı var)

«Təzadlar»ın Araşdırma Qrupu

Zaur müəllimin bu TENDER QULDURLARINDAN xəbəri varmı? - “VNM SERVİS” MMC-ni KİM İDARƏ EDİR?

Yaradılıb 07.07.2023 09:57 | Baxış sayı: 132

Ardını oxu...
Meliorasiya və Su Təsərrüfatı Açıq Səhmdar Cəmiyyətinə tabelı, rayonlarda yerləşən istismar idarələri tərəfindən elan olunmuş bir çox tenderlərin keçirilməsi prosedurunda ciddi qanun pozuntularına yol verilməsi barədə demək olar hər gün yeni məlumatlar yayılır. Sözügedən cəmiyyətə tabeli qurumların keçirdiyi tenderlərdə hər il yeni bir MMC qalib çıxarılır, müəyyən məqsədləri həyata keçirildikdən sonra o şirkətlərdən heç xəbər-ətər qalmır. Bu ilin başlanğıcından isə Meliorasiya və Su Təsərrüfatı Açıq Səhmdar Cəmiyyətinə tabelı idarələr “VNM SERVİS” MMC ilə işbirliyinə başlayıblar. Səhmdar cəmiyyətin yerli idarələri cari ilin iyuniyul aylarında adıçəkilən MMC ilə 23 satınalma müqaviləsi bağlamışlar.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “VNM SERVİS” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 11.09.2019-cu il tarixdə dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ BİNƏQƏDİ RAYONU, BİLƏCƏRİ ŞTQ, SUMQAYIT ŞOSSESİ (BİLƏCƏRİ QƏS.), ev 5, MOSKVA PR. qanuni təmsilçisi kimi isə Nağıyev Vüqar Məhəmməd oğlu qeyd olunub.

Açıq mənbələrdə MMC-nin barəsində olan məlumatlar bu qədərdir. Amma gəlin bu MMC-nin son bir ayda qalib olduğu tenderlərə nəzər salaq. Qeyd edək ki, MMC Meliorasiya və Su Təsərrüfatı Açıq Səhmdar Cəmiyyətinə tabelı idarələrdən başqa heç bir tenderin qalibi olmayıb.

Astara Suvarma Sistemləri İdarəsi tərəfindən keçirilmiş mexanizm və nəqliyyat vasitələri üçün ehtiyyat hissələrinin və sürtkü yağlarının satın alınması üzrə 24.982,72 manat məbləğində satınalma müqaviləsi 03.07.2023-cü il tarixdə;

Biləsuvar Suvarma Sistemləri İdarəsi tərəfindən keçirilmiş yağların və sürtkü materiallarının satın alınması üzrə 148.117,14 manat məbləğində satınalma müqaviləsi 03.07.2023-cü il tarixdə;

Aşağı Muğan Meliorativ Sistemlərinin İstismarı İdarəsi tərəfindən keçirilmiş yağ-sürtkü mallarının satınalınması üzrə 22.466,32 manat məbləğində satınalma müqaviləsi 03.07.2023-cü il tarixdə;

Ağcabədi Suvarma Sistemləri İdarəsi tərəfindən keçirilmiş maşın mexanizmlərin ehtiyyat hissələrinin satın alınması üzrə 163.152,7 manat məbləğində satınalma müqaviləsi 25.06.2023-cü il tarixdə;

Ağdaş Suvarma Sistemləri İdarəsi tərəfindən keçirilmiş avtomobillər üçün ehtiyat hissələrinin satın alınması üzrə 72.939,86 manat məbləğində satınalma müqaviləsi 25.06.2023-cü il tarixdə;

Neftçala Suvarma Sistemləri İdarəsi tərəfindən keçirilmiş maşın və mexanizmlər üçün yağ-sürtkü materiallarının satın alınması üzrə 12.504,46 manat məbləğində satınalma müqaviləsi 25.06.2023-cü il tarixdə;

İsmayıllı Suvarma Sistemləri İdarəsi tərəfindən keçirilmiş avtomaşın və mexanizmlər üçün ehtiyyat hissələrinin satın alınması üzrə 43.573,86 manat məbləğində satınalma müqaviləsi 24.06.2023-cü il tarixdə;

İsmayıllı Suvarma Sistemləri İdarəsi tərəfindən keçirilmiş mexanizmlər və avtomaşınlar üçün sürtkü materiallarının satın alınması üzrə 8.643,5 manat məbləğində satınalma müqaviləsi 24.06.2023-cü il tarixdə;

Cənubi Muğan Kanalı İstismarı İdarəsi tərəfindən cari təmir işləri üçün tikinti materiallarının və azqiymətli əşyaların satın alınması üzrə 84.716,18 manat məbləğində satınalma müqaviləsi 23.06.2023-cü il tarixdə;

Aşağı Muğan Meliorativ Sistemlərinin İstismarı İdarəsi tərəfindən torpaq qazan mexanizmlərin ( ekskovator, buldozer ) üçün ehiyat hissələrinin satın alınması üzrə 57.586,01 manat məbləğində satınalma müqaviləsi 23.06.2023-cü il tarixdə;

Yuxarı Xanbulançay Hidroqovşağı İstismar İdarəsi tərəfindən keçirilmiş sürtgü materiallarının satın alınması üzrə 5.723 manat məbləğində satınalma müqaviləsi 22.06.2023-cü il tarixdə;

Yuxarı Qarabağ Kanalı İstismarı İdarəsi tərəfindən keçirilmiş torpaq qazan mexanizimlərə və avtomobillərə ehtiyat hissələrinin satın alınması üzrə 64.334,28 manat məbləğində satınalma müqaviləsi 20.06.2023-cü il tarixdə;

Zaqatala Suvarma Sistemləri İdarəsi tərəfindən keçirilmiş maşın-mexanizm və avtonəqliyyat vasitələri üçün sürtkü yağlarının satın alınması üzrə 16.334,15 manat məbləğində satınalma müqaviləsi 19.06.2023-cü il tarixdə;

Cəlilabad Suvarma Sistemləri İdarəsi tərəfindən keçirilmiş sürtgü yağlarının satın alınması üzrə 20.515,72 manat məbləğində satınalma müqaviləsi 16.06.2023-cü il tarixdə;

Bəhramtəpə Hidroqovşağı İstismar İdarəsi tərəfindən keçirilmiş 42.415,35 manat məbləğində satınalma müqaviləsi 14.06.2023-cü il tarixdə;

Yevlax Suvarma Sistemləri İdarəsi tərəfindən keçirilmiş sürtgü materiallarının satın alınması üzrə 29.072,84 manat məbləğində satınalma müqaviləsi 12.06.2023-cü il tarixdə;

Bərdə Suvarma Sistemləri İdarəsi tərəfindən keçirilmiş 2023-cü ildə nəzərdə tutulan “Maşın mexanizmlərə və nəqliyyat vasitələrinə tələb olunan sürtkü yağlarının” satın alınması üzrə 25.417,2 manat məbləğində satınalma müqaviləsi 12.06.2023-cü il tarixdə;

Bərdə Suvarma Sistemləri İdarəsi tərəfindən keçirilmiş 2023-cü ildə nəzərdə tutulan “Nəqliyyat vasitələri üçün tələb olunan ehtiyat hissələrinin” satın alınması üzrə 8.942,04 manat məbləğində satınalma müqaviləsi 12.06.2023-cü il tarixdə;

Samux Suvarma Sistemləri İdarəsi tərəfindən keçirilmiş sürtgü və yağ materiallarının satın alınması üzrə 12.807,72 manat məbləğində satınalma müqaviləsi 09.06.2023-cü il tarixdə;

Laçın Suvarma Sistemləri İdarəsi tərəfindən keçirilmiş nəqliyyat vasitələri üçün ehtiyyat hissələrinin satın alınması üzrə 8.320,42 manat məbləğində satınalma müqaviləsi 09.06.2023-cü il tarixdə;

Mərkəzi-Muğan Kollektorlarının İstismarı İdarəsi tərəfindən keçirilmiş avtomaşın və mexanizmlər üçün sürtgü yağlarının satınalınması üzrə 44.511,96 manat məbləğində satınalma müqaviləsi 09.06.2023-cü il tarixdə;

Cənubi Muğan Kanalı İstismarı İdarəsi tərəfindən keçirilmiş mexanizmlər və nəqliyyat vasitələri üçün sürtkü yağlarının satınalınması üzrə 7.561,91 manat məbləğində satınalma müqaviləsi 08.06.2023-cü il tarixdə;

İmişli Suvarma Sistemləri İdarəsi tərəfindən keçirilmiş maşın və mexanizmlər üçün ehtiyyat hissələrinin satınalınması üzrə 120.743,5 manat məbləğində satınalma müqaviləsi 08.06.2023-cü il tarixdə;

Göründüyü kimi, dövlət sifarişlərinin hərəsi bir rayondan verilib. Nizamnamə kapitalı cəmi 10 manat olan, maddi-texniki bazası barədə heç bir məlumat olmayan “VNM SERVİS” MMC-nin bu işləri reallaşdırması bir az şübhələr doğurur. Görəsən MMC eyni anda, ayrı-ayrı rayonlarda maşın mexanizmləri üçün ehtiyyat hissələri ilə, sürtgü yaşları ilə necə təmin edir? Bu sifarişləri həyata keçirmək üçün MMC-nin, maddi-texniki bazası, ixtisaslaşdırılmış işçi qrupu varmı?

Qeyd edək ki, burada şəffalıqdan söhbət belə gedə bilməz. Bu inhisarçılığın bariz nümunəsidi. Bu azad rəqabətin açıq şəkildə pozulmasıdı. Bir MMC-nin ay yarım ərzində 23 açıq tender və kotirovka sorğusunda qalib olması satınalma prosedurlarında saxtakarlıqdan başqa bir şey deyil. Buna da, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Meliorasiya və Su Təsərrüfatı Açıq Səhmdar Cəmiyyəti zəmin yaradır. Çox gümün ki, bu işlərin başında Səhmdar Cəmiyyətin sədr müavinlərindən biri, ya Rafiq Aslanov, ya da Zakir Quliyev dayanır. Bu, 2021-ci ildən Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifəsinə təyin edilmiş, hazırda isə Azərbaycan Dövlət Su Ehtiyatları Agentliyinin sədri vəzifəsinin başında duran Zaur Mikayılov da ola bilər.

Aktualinfo.org

Xidmət Arzu Rəhimovdan qalmış problemlərdən təmizlənir? - Daha iki rayonun komissarı ...

Yaradılıb 07.07.2023 09:55 | Baxış sayı: 152
Ardını oxu...
Bir neçə gündür Baş prokurorluq yanında Korrupsiyaya qarşı Mübarizə Baş İdarəsi tərəfindən Səfərbərlik və Hərbi Xidmətə Çağırış üzrə Dövlət Xidmətinin bir neçə rayon şöbələrinin rəislərinin korupsiyya və rüşvətxorluq əməlləri ilə bağlı sözügedən hüquq-mühafizə orqanlarının həyata keçirdiyi əməliyyat tədbirləri zamanı ifşa olunaraq həbsləri davam edir.

Hərbi komisarların həbsi demək olar ki, sosial şəbəkə istfadəçiləri tərəfindən bir mənalı qarşlanıb və hər kəs bu silsiləli həbslərə görə adı çekilən qurumun ünvanına "xoş sözlər" yağdırıblar.

Sosial şəbəkələrdə və media resuslarında ən çox şikayət olunan hərbi komissarlar Səlyan, Neftçala rayonlarıdır, sözügedən bölgədə yaşayan sakinlər sosial çəbəkə hesablarında hüquq-mühafizə orqanların da rayona dəvət edirlər, komissarlarının rüşvət, korupsiya, özbaşnalıq, bir sözlə komisarlığı bazara çevirdiklərindən şikayətləniblər.

Qeyd edək ki, sözügedən bölgələrdən Səlyan Şəhər hərbi komisarı Nurlan Abbasovdur, o, bundan öncə Hacıqabul rayon hərbis komisarlığının rəisi olub, elə Hacıqabul rayonunda işlədiyi dövürdə də barəsində media və sosial şəbəkələrdə kifayət qədər giley və şikayətlərə rast gəlmək olar.

Neftçala rayon Səfərbərlik və Hərbi Xidmətə Çağırış üzrə Dövlət Xidmətinin rəisi Tofiq Mehdiyevdir, demək olar ki, o da digər həmkarından heç də geri qalmır, internet resusları üzərindən axtarış versək onun da barəsində kifayət qədər vətəndaş şikayətinə rast gəlmək olar, hətta rayonda "bazarkom" adının aldığı da deyilir, komisarlığı açıq bazara çevirib, burada “Otpravka”nın qiyməti 500 manat, “neqodnu” kağızı isə 5000 manata satıldığı haqqda iddialara da rast gəlmək olar.

"Azərbaycan Reallığı" sözü gedən məsələ ilə bağlı kiçik araşdırma edib, etibarlı mənbələrdən daxil olan məlumata görə adı çəkilən hər iki hərbi komissar Arzu Rəhimovun yaxın kadırlarından sayıldığı bildirilir. Yaxın vaxtlarda hüquq-mühafizə orqanlarında sözügedən rayona baş çekəcəkləri heçdə sirr deyil, deyə sonda etibarlı mənbə bildirib.
"Azərbaycan Reallığı"
Teref.az olaraq yazda adı çəkilən şəxslərin də mövqeyin dərc etməyə hazırıq.
 

Bu boyda özbaşınalığı görmürlər? - BU NƏDİ BELƏ?

Yaradılıb 07.07.2023 09:23 | Baxış sayı: 118
Ardını oxu...
Məlumdur ki, illər öncə məktəbəqədər tədris müəssisələri, uşaq bağçaları, körpələr evi təyinatına uyğun olaraq Təhsil Nazirliyinin tabeçiliyində idi. Əslində belə də olmalıdır. Çünki adından göründüyü kimi bu müəssisələr MƏKTƏBƏQƏDƏR TƏDRİS müəssisəsidirlər. Amma zəlzələdən, ya vəlvələdən uşaq bağçaları, körpələr evi Təhsil Nazirliyindən alınaraq yerli icra hakimiyyəti orqanlarına verildi. Və bir neçə il uşaq bağçaları icra başçıları üçün əsl biznesə, bağçalar isə bazara çevrildi.
Təsəvvür edirsiniz, körpələrin üzərində eksperiment aparırlar. Bundan dəhşətli nə ola bilərdi... Məktəbəqədər tədris müəssissələri adından da göründüyü kimi körpə uşaqları tədrisə, təlimə hazırlayır, yəni bu uşaqların gələcəyinin bünövrəsi bağçalarda qoyulur. Bəs görək, uşaqlar bağçalarda nə görürlər..?
Uşaqların qidası, ərzağı oğurlanır, körpələr normal qidalana bilmirlər... Bu mühitdə böyüyən uşaq əlbəttə, gələcəkdə pis halda oğru, ən yaxşı halda rüşvətxor olacaq. Çünki həmin bağçada oğurluqları görə-görə, həmin mühitdə tərbiyə alıb. Bunlar hələ problemin 10 faizi deyil. Bağça müdirələri dövlətin müxtəlif məqsədlə ayırdığı vəsaiti mənimsəyir. Uşaqların təlim-tərbiyəsinə məsul olan müəllimlərin adı işdə getsə də uşaqlar onların üzünü görmür. 3-4 dayənin yerinə 1 dayə uşaqlara guya qulluq edir, o biri dayələrin maaşını bağçanın müdirəsi oğurlayır. Və daha nələr. Uşaqlar 1-ci sinifə gedəndə demək olar ki, tədrisə hazır olmurlar. Bəs onda buranın adı niyə məktəbəqədər TƏDRİS-dir..?
Sözün qısası, Bakının mərkəzində, daha dəqiq desək Nəsimi rayonu əraisində də xeyli sayda, haradasa 50-dən çox uşaq bağçası, körpələr evi fəaliyyət göstərir. ( Nəsimi Rayon İcra Hakimiyyətinin saytında belə göstərilib ). Bu uşaq bağçalarından biri də rayonun Mirəsədulla Mirqasımov küçəsi, 2 ünvanda yerləşən 123 saylı uşaq bağçasıdır.
Bağçanın müdiri Ramazanova Mərziyyə Bahəddin qızıdır. Bağçanın fb səhifəsində yazılır: Bağçada məktəbəqədər hazırlıq proqramı müasir və beynəlxalq təhsil metodlarından istifadə edilərək hazırlanıb və Azərbaycan Respublikasının Təhsil Nazirliyinin məktəbəqədər təhsil proqramına (kurikulumuna) tam uyğundur. Məktəbəhazırlıq proqramına əlavə olaraq bir sıra dərnəklər keçirilir. Bu dərnəklər vasitəsilə uşaqların yaradıcılığı, təxəyyülü, məntiqi, ilkin mühəndislik bacarıqları formalaşır, gizli istedadları üzə çıxır. Mərziyyə Ramazanovanın əməllərindən xəbəri olmayanlar düşünər ki, nə gözəl, nə əla...istedad üzə çıxır...müasir və beynəlxalq metodlar-zad, filan... Bağçada olanlar bilir ki, Mərziyyə Ramazanova Azərbaycan qanunlarına məhəl qoymadan öz qohum-əqrəbasını, dost-tanışını doldurub 123 saylı uşaq bağçasına. Birini müəllim, o birini dayə, bir başqasını texniki işçi kimi v.s.
Bu xanımdan soruşan yoxdur ki, bura sənin şəxsi-özəl bağçan deyil e, dövlətin bağçasıdır. Hələ bu harasıdır..? Qohum-əqrəba da uşaqlara aid olan nə varsa, həzm-rabedən keçirib mənimsəyirlər. Bu hələ harasıdır...
Mərziyyə Ramazanova həm də yaşlı xanımdır, başqa bağça müdirələrini başına yığıb yeyib-içirlər, uşaqların təlim-tərbiyyəsi isə başlı başına buraxılıb. Görəsən, Bakı Şəhər Təhsil İdarəsi bu boyda özbaşınalığı görmür..? //gundelik-baku.com//
 

AQUA LUXE» ŞIRKƏTI ISTEHLAKÇILARI ALDATMAQLA MƏŞĞUL OLUR- İDDİA

Yaradılıb 07.07.2023 09:16 | Baxış sayı: 165
Ardını oxu...
Son bir neçə ildir ki, dünyada ciddi iqlim dəyişikliyi prosesləri baş verməkdədir. Yəni, ilin müxtəlif fəsillərində qeyri-adi hava şəraitinin olması və bunun qarşlığında yaşadığımız həyatda müxtəlif xoşagəlməz fəsadların baş verməsi qaçılmaz olur. Adicə bir faktı qeyd edək ki, ötən illərdən fərqli olaraq son bir neçə ildir ki, qış fəslində qar yağmır, yaxud da isti yay günlərində anormal istilər bir çox dünya ölkələrini, o cümlədən bizim ölkəmizi də ağuşuna alır. Son günlər isə respublikamızın bögələrində yağan aramsız yağışlar, baş verən çay daşqınları və s. bir daha iqlim dəyişikliyinin varlığını sübuta yetirir. Söz yox ki, bütün bunları qarşılığında ən çox əziyyət çəkən, zülmə düçar olan imkansız təbəqənin insanları olurlar. Diqqəti cəlb edən hal odur ki, bir tərəfdən iqlim dəyişikliyi prosesləri nəticəsində insanlar zərbə alırlar, digər tərəfdən isə, bəzi işbazlar yaranmış fürsətdən sui-istifadə istifadə edərək öz maraqlarını təmin etməyə çalışırlar. Məsələn, hal-hazırda isti yay günləridir və günlər keçdikcə anormal istilər özünü göstərməyə başlayır. Belə bir səbəbdən də, istər paytaxt sakinlərinin, istərsə də bölgələrdə yaşayanların həm içməli suya, həm də suvarma suyuna ciddi ehtiyacları duyulur. Bəli, belə bir vaxtlarda daha çox paytaxt sakinlərini aldatmaqla məğşğul olan bir çox işbazlar içməli su biznesinə girişməklə milyonlar qazanırlar. Adicə bir faktı qeyd edək ki, bu gün içməli su biznesi bazarında yer tutan və «AQUA LUXE» adı altında satılan sular istehlakçıların aldadılması ilə nəticələnməkdədir. Məsələn, bəzi media qurumlarında yayılan məlumatlardan aydın olur ki, Gülnar Kərimova adlı bir xanım «AQUA LUXE» şirkətindən su sifariş verir və buna görə qarşı tərəfdən sertifikat da tələb edib. Sifarişçinin belə bir tələbi əsasında «AQUA LUXE»nın istehsalçılarından olan F/Ş Quliyev Məhəmməd Nazım oğlu 06 yanvar 2021 -ci il tarixli 01-Q-00383 Qeydiyyat nömrəli, hansı ki, Qida Təhlükəsizliyi Agentliyi qida məhsulları sayəsində fəaliyyət göstərən subyektlərin reyestrindən verilmiş ÇIXARIŞı həmin şəxsə göndərirlər. Məsələnin maraqlı tərəfi odur ki, həmin Çıxarış Kərimov Sultan Elxan oğlunun adına olur və xidmət növü olaraq «qablaşdırılmış içməli su» deyə təsdiq olunur. Hətta, məhsulun kodu 11071 nömrəsi göstərilir və suların bidonlarda deyil, yalnız butulkalarda qablaşdırması göstərilir. Bəs bu gün nələr baş verir? Baş verən o olur ki, «AQUA LUXE» şirkəti istehlakçılara satdığı suların şollar suyu olduğunu iddia edirlər və suları daha çox bidonlarda qablaşdırırlar.

Bütün bunlar ciddi qanun pozuntusunun varlığından xəbər verir. Ona görə də ümidvarıq ki, aidiyyatı dövlət qurumları istehlakçıları aldadan «AQUA LUXE» şirkəti ilə bağlı lazımi araşdırmalar aparıb, baş verən, yaxud da qol qoyulan hər cür qanunsuzluqların qarşısının alınması yöndə əməli addımlarını atacaqlar. Yəqin ki, o halda fırıldaqçı su tacirlərinin fırıldaq yolu ilə həyata keçirdikləri “çirkli biznes”ə son qoyulacaq. Qarşı tərəfin də mövqeyini dinləyə bilərik.

Mövzuya qayıdacağıq.

Deryaz.az
 
 
 

“Azəriqaz”ın mühəndisi rəhbərliklə bağlı şok faktlar açıqladı – VİDEO

Yaradılıb 07.07.2023 09:14 | Baxış sayı: 152
Ardını oxu...
“Siz hər 5-ci gün, cümə günləri hər zaman cəmiyyətin suallarına cavab verdiyiniz üçün, mən də Azəriqaz İstehsalat Birliyində 13 il qüsursuz xidmət edən əməkdaş kimi sizə bir məsələ haqqında müraciət edirəm. Düzdür, əvvələr də dəfələrlə yazdıqlarımı oxusanız da buna cavab verməmisiniz. Ruslan müəllim, təyin etiyiniz indiki kadrların çoxu Əkbər Hacıyevin zamanında rüşvət aldıqlarına və ya işdə yol verdikləri ciddi nöqsanlara görə vəzifədən uzaqlaşdırılmışdılar. İndi onların çoxu Bakı Regional Qazın satışı Departamentində və Bakı Regional İstismar Departamentində yüksək vəzifələrdə çalışırlar. Yenə rüşvət alırlar, yenə bizim kimi niyyəti xidmət etmək olan işcilərin əsəbləri ilə oynayırlar, öz yarımçıq qalan işlərinə davam edirlər. Hamısının arxasında kimlərsə durur, himayədarlıq edir. Bu nə vaxta qədər davam edəcək?”. "MediaPost"a daxil olan məlumata görə, bu fikirlər Azəriqaz İstehsalat Birliyinin Bakı Regional Qazın satışı Departamentinin İstehlakçılara satılan qaza nəzarət şöbəsinin mühəndisi, Nərimanov rayonu üzrə qrup rəhbəri Ramil Əliyevin Azəriqaz İstehsalat Birliyinin sədri Ruslan Əliyevə ünvanladığı məktubda yer alıb.

Məktubda həmçinin bildirilib: “Müzəffər Ali Baş Komandan, Cənab Prezident İlham Əliyevin dediyi kimi, hər bir məmur vətəndaşın xidmətçisidir. O zaman bu kirli işləri görənlər və onların arxasında dayananlar kimə xidmət edir? Mən onsuzda istər ictimai fəal, istərsə də QHT sədri olaraq hər sahədə millətimə və vətənimə xidmət edirəm. Ona görə də vəzifədə təmsil olunmaq haqqım olduğu halda, heç vaxt bu barədə düşünməmişəm. Ancaq son illərdə Bakı Regional Qazın Satışı Departamentində (BRQSD) vəzifəyə gətirilənlərin etdiyi haqsızlıqlar, məni də məcbur edir ki, bu haqsızlığa dur demək üçün haqqım olduğu yerdə olmağı tələb edim. Mən, Cənab Prezidentin dəstəkçisi kimi onun gördüyü işlərə kölgə salanlara qarşı çıxmağı özümə borc bilirəm. İctimai fəaliyyət göstərən şəxs kimi bütün sahələrdə buna qarşı çıxdığım halda, fəaliyyət göstərdiyim sahədə belə halların mövcudluğu məni narahat edir.

Ötən il biz, sizinlə görüşmüşdük. Siz, mənim ictimai fəaliyyətim və “Azəriqaz”da bu günə qədər olan xidmətlərimi nəzərə alaraq, müavininiz Rəşad Cavadova tapşırıq verdiniz ki, məni şəffaflığın təmin olunması üçün BRQSD-nin nəzarət şöbəsinə müavin təyin etsin. Ancaq üzərindən 1 il keçməsinə baxmayaraq, aramsız gələn yoxlamalar xaricində, heç bir dəyişiklik yoxdur. İndi mən həm sizin əməkdaşınız, həm ictimai fəal kimi bilmək istəyirəm ki, sizin yanınızdakılar sizi aldadır, yoxsa aldadılan tərəf mənəm? Ümid edirəm ki, bu yazım da, daha əvvəl sizə yazdığım yazılar kimi, oxunaraq arxivə atılmayacaq və sizin tərəfdən cavablandırılacaq. İnanmaq istəyirəm ki, “Azəriqaz”da olan rüşvətxorluq və özbaşınalıq mənim kimi sizi də narahat edir. Əmin olun ki, belə neqativ hallarla mübarizədə sizinlə əməkdaşlıq etməyə hazıram”.

Ramil Əliyev məsələ ilə bağlı "MediaPost"a açıqlamasında 13 ildir nöqsansız xidmət etdiyini bildirib:

"Bu müddət ərzində heç bir zaman neqativ hallarda adım hallanmayıb. Əvəllər Binəqədi rayonunda xidmət sahəsində qrup rəhbəri vəzifəsində çalışmışam. O zaman sənaye obyektlərinə cavabdeh olan Emin Bədəlov adlı mühəndis bir neçə sənaye obyektinə qeyri-qanuni qoşulmalara, sayğacdan kənar qazdan istifadə etmələrinə şərait yaratmışdı. Mən də qrup rəhbəri olaraq bunu aşkarlayıb, əvvəlki baş direktor Əkbər Hacıyevə məlumat verərək həmin əməkdaşı işdən kənarlaşdırdım. O zamankı və indiki himayədarları onu himayə edərək, Xətai xidmət sahəsinə təyinat almasına nail oldular. Bu məsələ Əkbər Hacıyevin baş direktor vəzifəsində qaldığı müddətə qədər davam etdi. Ruslan Əliyev baş direktor təyin olunandan sonra Emin Bədəlova himayədarlıq edən rəhbər şəxslər onun bu dəfə daha yüksək vəzifəyə təyin olunmasına nail oldular. O, Bakı şəhəri BRQSD-nin sənaye obyektləri üzrə satış rəisinin müavini təyin edildi. Yenə də yarımçıq qalan işlərini davam etdirdi. Onu da bildirmək istəyirəm ki, həmin komandanın himayədarlığı ilə - Fövqəladə Hallar Nazirliyi və Energetika Nazirliyi tərəfindən bina zirzəmisində sənaye obyektlərinin qazdan istifadəsi qadağan edildiyi halda, ciddi təhlükə mənbəyi olan binaaltı və zirzəmilərdə sənaye obyektlərinə qazdan istifadəyə şərait yaradıldı. Bu kimi halların qarşısının alınması və təkrarlanmaması üçün təxirəsalınmaz tədbirlərin görülməsi zəruridir. Dediklərimi sübut edən faktların bir neçəsinin şəkli və videosunu təqdim edirəm”.

Qarşı tərəfin də mövqeyini dərc etməyə hazırıq.

 

Ağalar Vəliyevin şirkəti Heydər Əliyev adına parkda ağacları kəsib – VİDEO

Yaradılıb 07.07.2023 09:11 | Baxış sayı: 163
Ardını oxu...
Nəsimi rayonu Hüseynbala Əliyev küçəsində yerləşən Heydər Əliyev adına parkda ağaclar kəsilib.

Teref.az xəbər verir ki , reportyor.info-nun əməkdaşı baş verənlərin şəxsən şahidi olub və bütün bunları videolentə alıb. Daha sonra apardığımız araşadırmalar zamanı ağacların inşaat işləri ilə əlaqədar kəsildiyi üzə çıxıb. Məlum olub ki, “Kristal Abşeron” şirkəti ərazidə hündürmərtəbəli bina tikir.

“Kristal Abşeron” MTK Azərbaycanın inşaat sektorunda aparıcı şirkətlərdən biridir. Şirkət əsasən Bakı və Sumqayıtda hündürmərtəbəli yaşayış binaları tikir.
Şirkət əvvəl Qapalı Səhmdar Cəmiyyəti kimi fəaliyyət göstərib. Ötən il isə təşkilati hüquqi formasını dəyişərək MTK-ya çevrilib.

Şirkətin qanuni təmsilçisi İbrahim Dostumalıyevdir. Lakin mediada gedən məlumatlardan aydın olur ki, o, MTK-nın sahibi deyil. “Kristal Abşeron” deputat Ağalar Vəliyevin şirkəti kimi tanınır. Ağalar Vəliyev 97 saylı Goranboy-Ağdam-Tərtər seçki dairəsindən deputat seçilib. Onun deputatlıq karyerası 2010-cu ildən başlayır.

Yəni, Ağalar Vəliyev 13 ildir deputat mandatı daşıyır. O, həm də “Azəraqrartikinti” ASC-nin Müşahidə Şurasının sədridir.
“Kristal Abşeron”un adı bir sıra qalmaqallarda hallanıb. Xüsusilə, şirkətin inşa etdiyi binalardakı idarəedilməsində sakinlərin üzləşdiyi problemlərlə bağlı mediada kifayət qədər material yer alıb.

 
 
 

Fazil Alməmmədovla bağlı ŞOK İDDİALAR... - BU NƏDİ BELƏ?

Yaradılıb 06.07.2023 11:20 | Baxış sayı: 203

Ardını oxu...
     

Nərimanov Tibb Mərkəzinin baş direktoru - 5 saylı Kliniki Xəstəxananın baş həkimi Fazil Alməmmədovun məsul vəzifələrə gətirilərkən onun sənədləri Prezident Administrasiyasından, DTX-dən, TƏBİB-dən və Səhiyyə Nazirliyindən necə keçirilib?

(Əvvəli burada: Nərimanov Tibb Mərkəzi ilə bağlı hüquqi araşdırma başladılmalıdır... - İLGİNC İDDİALAR...)

Beləliklə, 8 saylı poliklinkada (adını indilərdə 1 saylı ediblər) heç bir iş görməyiblər, pullar 8 ay bundan qabaq yeyilib-dağıdılıb.

Bunu adı çəkilən səhiyyə müəssisələrinə baş çəkərkən bir daha şahidi olduq… İndi yalandan iş göstərmək istəyirlər. Heç bilirsiniz necə???

"Təzadlar" yazdı, Fazil Alməmmədov "obyekt"ə gəldi, əməkdaşımıza təzyiq etdirdi…

Ardını oxu...

Məlumat üçün bildirək ki, 8 saylı poliklinikaya təmir üçün 70 min 670 manat vəsait ayrılıb… ""Nərimanov Tibb Mərkəzinin" tabeliyindəki Bakı şəhəri, Nərimanov rayonu, Hidayətzadə küçəsi, 11 ünvanında yerləşən 8 nömrəli Şəhər poliklinikasının inzibati binasının əsaslı təmiri ilə əlaqədar layihə-smeta sənədlərinin hazırlanması və tikinti müddətində müəllif nəzarətinin həyata keçirilməsi xidmətlərinin" satın alınması üçün tender elan edilib... "TFM-SMART PROJECT" MMC qalib olub. Olsun! Əsaslı təmirə görə isə pul vəsaitləri dərhal da tenderi udan şirkətə köçürülüb. Köçürmələr 25 oktyabr 2020-ci ildə icra edilməyə başlanılıb. Hansı ki, tender udulan gündən maksimum 1 ay ərzində işə başlanılmalı idi. Lakin bu günədək bu iş görülməyib və yalnız "Təzadlar" dünən bu barədə yazan kimi Fazil Alməmmədov bu gün adamlarını poliklinikanın ətrafına tökərək təmir görüntüsü yaratmağa çalışıb. Bu artıq korrupsiya cinayətidir. Baş Prokuror yanında Korrupsiyaya qarşı Mübarizə Baş İdarəsinin rəhbərliyinə rəsmi müraciət ediləcək, sənədlər araşdırılmalıdır ki, ötən müddət ərzində büdcədən "Kapitalbank"ın Nərimanov filialına köçürülən pullar necə silinib, işlər niyə görülməyib. Hansı ki, bu əməl dövləti aldatmadır, vəzifə saxtakarlığıdır.

Ardını oxu...
Ardını oxu...

Bu gün isə texniki əməkdaşımıza poliklinikaya baxış keçirərək vəziyyəti dəyərləndirməsini tapşırdıq… O, poliklinikada olarkən fotoşəkil çəkib, lakin dərhal mühafizəçilər onu əhatəyə alaraq fotoaparatın yaddaşındakı şəkilləri pozmağı tələb ediblər… Bu isə "Media haqqında" Qanunun tələblərinə görə, jurnalistin peşə fəaliyyətinə mane olmaqdır!

Ardınca isə orada olan Nərimanov Tibb Mərkəzinin baş direktoru Fazil Alməmmədov bayıra çıxıb, mühafizəçilərə verdiyi tapşırığa əsasən, əməkdaşımızı poliklinikanın 300 metr məsafəsinədək müşayiət edərək onun oradan fotoşəkil çəkməsinə imkan verməyiblər.

Nəhayət, məcbur olub "Təzadlar"ın Araşdırma Qrupunun üzvləri 8 nömrəli poliklinikadakı vəziyyəti qiymətləndirmək üçün əraziyə getməli oldular. Gördüklərimiz isə bizi məyyus etdi…

Əməkdaşlarımız Fazil Alməmmədovun 3 mühafizəçi ilə nəzarətə götürülmüş poliklinikasından şok görüntüləri necə çəkdi???

Beləliklə, biz ərazidə olduq… Həyətində pişiklərin baş-başa verərək məzələndiyi poliklinikanın təmir pulları silinmiş ərazisindəki mənzərə sübut edirdi ki, Fazil Alməmmədov da zəhmətkeş tibb işçiləri ilə məzələnir… Poliklinikada olarkən adının çəkilməsini istəmədiyimiz məsul şəxs aldadıcı sualımızı cavablandıraraq bildirdi ki, günlərin birində təmiri görməli olan MMC rəhbərliyi gəlib baxıb, tenderdən qabaq layihə hazırlanıb, sonra işlər dayanıb və o gedən gediblər…

Aşağıda fotoşəkilləri paylaşırıq ki, Fazil Alməmmədov əməkdaşlarımızın bir poliklinikaya cəlb etdiyi 3 mühafizəçini necə aldadıb görüntüləri qeydə aldıqları ilə ətraflı tanış olsun…

Ardını oxu...

Fazil Alməmmədovun ailə tərcümeyi-halı: "Atası Çoban Alməmmədov Tovuzda oğurluq üstündə həbs edilib, digər qardaşı Fevral Alməmmədov Astraxanda dövlət əmlakını mənimsəmə cinayətinə görə 5 il müddətinə azadlıqdan məhrum edilib, digər qardaşı Tural Alməmmədov isə 2017-ci ildə terror əməlinə görə DTX-nın keçirdiyi əməliyyat zamanı öldürülüb…".

Biz Nərimanov Tibb Mərkəzinin baş direktoru Fazil Alməmmədovun tenderlərlə dövləti siyasətə necə badalaq vurduğunu daxil olmuş digər məlumatlarla ətraflı yazmaq istəyirdik ki, redaksiyamıza adının çəkilməsini istəməyən ətrafının verdiyi şok fakt və məlumatlar daxil oldu… Sadəcə, inanılmaz faktlardır. Diqqət edin: məlum olur ki, Fazil Alməmmədovun atası Çoban Alməmmədov Tovuzda oğurluq üstündə həbs edilib… Digər qardaşı Fevral Alməmmədov isə Astraxanda dövlət əmlakını mənimsəmə cinayəti törətdiyinə görə bu yaxınlarda 5 il müddətinə azadlıqdan məhrum edilib. Onun həbsdən buraxılması üçün Fazil Alməmmədovun Rusiyadan olan dost-tanışlarının belə cəhdləri uğursuz alınıb (Hökmün surəti redaksiyamıza göndərilib). Hazırda hökmdən apellyasiya şikayəti verilməsinə çalışılır və s.

Nəhayət, ən dəhşətli fakt: Baş direktor və baş həkim Fazil Alməmmədovun digər qardaşı Tural Alməmmədov isə… Diqqətlə oxuyun: Tural Alməmmədov 6 il əvvəl - 2017-ci ildə terror əməlinə görə DTX-nın keçirdiyi əməliyyat zamanı öldürülüb… Bu barədə Dövlət Təhlükəsizlik Xidmətinin və Baş Prokurorluğun rəsmi saytlarına istinadla həmin cinayət əməlinin təfərrüatlarını əldə etdik. Məlum olur ki, Bakının Qaraçuxur qəsəbəsi ərazisində 2017-ci il yanvarın 31-də DTX xüsusi təyinatlıları tərəfindən zərərsizləşdirilən, 4-ü əməliyyat zamanı öldürülən, 1-i sağ yaxalanan terror qrup Milli Məclisə hücum edib deputatları kütləvi qətlə yetirməyə hazırlaşırmış. Bu sensasion məlumat terrorçu qrupun sağ ələ keçirilən üzvünün barəsində qaldırılmış cinayət işinin materiallarında yer alır. Bu, İŞİD-ə qoşulmuş və həmin qəddar terror birləşməsinin Azərbaycandakı özəyini yaradaraq cihad hazırlıqları görənlərdən biri, 28 yaşlı Fərid Sadıqovdur. Bakı Ağır Cinayətlər Məhkəməsində onun barəsində məhkəmə istintaqı artıq yekunlaşıb, o, terrorçuluq, qanunsuz silahlı birləşmə yaratmaq və digər təhlükəli ağır cinayətlərdə təqsirli bilinib.

Dövlət Təhlükəsizliyi Xidmətinin 2017-ci il fevralın 1-də həmin qrupun zərərsizləşdirilməsi haqda yaydığı məlumatda isə deyilir: «…dini ekstremizm zəminində xüsusilə ağır cinayətlərin törədilməsinə hazırlaşan Azərbaycan vətəndaşları – "Abu Hafsa” ləqəbli M.Ulubəyovun, "Abdulqərib” ləqəbli Q.Dəmirovun, "Əbdülxalid" ləqəbli F.Sadıqovun, Tural Alməmmədovun və "Abdullah” ləqəbli S.Məmmədovun tutulması üçün 2017-cı il yanvarın 31-də xüsusi əməliyyat keçirilib. Əməliyyat zamanı qrup üzvlərindən M.Ulubəyov, T.Alməmmədov, Q.Dəmirov və S.Məmmədov avtomat və tapançadan atəş açmaqla birgə silahlı müqavimət göstərərkən xüsusi əməliyyat qrupu tərəfindən məhv edilib, F.Sadıqov isə şübhəli şəxs qismində tutulub…".

Beləliklə, istintaq materiallarına əsasən, dini ləqəbi "Əbdülxaliq"olan Fərid Sadıqov İŞİD terror təşkilatının ideyalarının Azərbaycanda yayılması naminə Qərib Dəmirov, Məhəmməd Ulubəyov, Tural Alməmmədov, Samir Məmmədov və digərləri ilə cinayət əlaqəsinə girib. Dini ekstremizm zəminində ağır və xüsusilı ağır cinayətlər törətmək üçün yaradılan cinayətkar qruplaşmanın fəaliyyətində işitirak edib, terror hücumları üçün planlar qurub. Habelə təqsirləndirilən şəxs İŞİD-in tərkibində Suriyada döyüşən azərbaycanlılarla əlaqə saxlayaraq bu terror qruplaşmasının ideyalarını qəbul edib. Onlarla ünsiyyət zamanı İŞİD-in Azərbaycandakı "qolu" kimi qəbul olunmaq, təşkilatın məqsədləri üçün cihada başlamaq barədə sövdələşib. İstintaq sənədlərində göstərilir ki, Qaraçuxurda zərərsizləşdirilən həmin qrup Azərbaycan ərazisində seriya terror hücumları həyata keçirmək üçün planlar qurublar. Hücumların hədəfi isə hüquq-mühafizə orqanlarının, nazirliklərin inzibati binaları, strateji əhəmiyyətli digər obyektlər, habelə Bakı Dövlət Universiteti, Bakı İlahiyyət Universiteti, Azərbaycan Neft və Sənaye Universiteti olub. Bundan əlavə, qruplaşma pul və qənimət ələ keçirmək üçün Bakıdakı şərab evlərinə, mağazalara, lombardlara, Şimal bölgəsində fəaliyyət göstərən iş adamlarına, yerli icra hakimiyyəti başçılarına silahlı hücumlar planlaşdırıb.

Sağ ələ keçirilən Fərid Sadıqov isə ifadəsində göstərib ki, "…Məhəmməd ərəb dilini öyrənmək üçün Bakıya gəlib Qaraçuxurda kirayədə yaşayırdı. Bir neçə dəfə onun yaşadığı evə getmişdim. Həmin evdə olarkən Məhəmmədin vasitəçiliyi ilə Samir, Tural və Qəribi tanımışam. Dini söhbətlər aparır, zikr edir, camaat namazı qılırdıq…".

- Bəs qardaşı belə bir dövləti cinayətdə iştirak edən, atışmada öldürülən Fazil Alməmmədov Nərimanov Tibb Mərkəzinə necə baş direktor, 5 Saylı Kliniki Xəstəxanaya isə baş həkim təyin edilib?

- Onun şəxsi işi Prezident Administrasiyasında, DTX-da, TƏBİB-də, Səhiyyə Nazirliyində yoxlanılmayıbmı?

- Bu təyinatda kimlərin əli olub, kimlər sənədləri saxtalaşdırıb???

(Davamı var)

"Təzadlar"ın Araşdırma Qrupu

P.S. Redaksiya Fazil Alməmmədovun maddi əks arqumentlərinə-sübutlarına hörmətlə yanaşır və təqdim etməyə hazırdır…

“Orxan Mahmudov bizi qanunsuz olaraq işdən çıxarıb” – ŞİKAYƏT

Yaradılıb 06.07.2023 11:17 | Baxış sayı: 162
Ardını oxu...

Göyçay rayon Suvarma Sistemləri İdarəsinin müdiri vəzifəsini icra edən Orxan Mahmudovun 3 işçisini işdən çıxarıb. Orxan Mahmudovun bu qərarının qanunsuz olduğu deyən işdən çıxarılan şəxslər mətbuat vasitəsi ilə rəhbərliyə müraciət edərək haqlarını tələb edirlər.

Bir nüsxəsi də Qlobal.az-ın elektron poçtuna göndərilən məktubu təqdim edirik:

“Göyçay rayon Suvarma Sistemləri İdarəsinin müdiri vəzifəsini icra edən Orxan Mahmudov vəzifəsindən sui-istifadə edərək birimizi Fəqan Şirinovu Əmək Məcəlləsinin 70-ci maddəsinin “Ç” bəndi ilə qanunsuz olaraq işdən çxartdı, iki nəfərimizi öz ərizəmizlə işdən çıxmağa məcbur etdi.

Biz uzun müddətdir ki, Göyçay rayon Suvarma Sistemləri İdarəsində ekskavator sürücüsü vəzifəsində işləyirdik.Bu müddət ərzində işimizdə heç vaxt nöqsana yol verməmişik. Əksinə yaxşı işçi olduğumuz üçün təltif edilmişik.Şakir Əhmədov adlı müdir yaş senzinə görə işdən çıxdığı üçün ixtisası bu sahə üzrə olmayan bir gündə olsun bu sahədə işləməyən təcrübəsiz Orxan Mahmudova müdir vəzifəsinin icrası həvalə edildi.Adam vəzifəsinin icrasına başlayan kimi işçilərə qənim kəsilməyə başladı.

Orxan Mahmudova bildirdik ki, sürmək olmaz ekskavatorların yağı və filtirləri təcili dəyişdirilməlidr.Əks halda 300 min manat qiyməti olan texnikalar xarab olacaq.
Orxan Mahmudov bizə məcbur edir ki, öz vəsaitiniz hesabna ekskavatorları təmir etdirib yağını və filtirini dəyişməlisiniz.Biz imkansız olduğumuz üçün buna etiraz edib 6 nəfər işçi Meliorasiya və Su Təsərrüfatı ASC-yə üz tutduq.Orada bizi Qurban müəllim qəbul etdi bizi dinlədikdən sonra Orxan Mahmudova zəng edib problemin həll edilməsini tapşırdı. Orxan Mahmudov Qurban müəllimə bildirdi ki, problemi həll edəcəyəm.

Səhəri günü Orxan Mahmudov idarədə iclas keçirib birimizi Fəqan Şirinovu Əmək Məcəlləsinin 70-ci maddəsinin “Ç” bəndi ilə qanunsuz olaraq işdən çxartdı, iki nəfərimizi öz ərizəmizlə işdən çıxmağa məcbur etdi.

Hər birimizin himayəmizdə azyaşlı uşaqlarımız var ailədə yeganə işləyib evə çörək pulu gətirən biz idik.İndi isə işinin öhdəsindən gələ bilməyən bu sahənin kadırı olmayan Orxan Mahmudovun intiriqasının qurbanı olub işsiz qalıb aclığa məhkum olmuşuq.

Orxan Mahmudov bundan əvvəl bankada işləyib yol verdiyi nöqsana görə işdən qovulub.

Orxan Mahmudov Göyçay rayon Suvarma Sistemləri İdarəsində müdir vəzifəsini 3 aydır icra etsə də bütün qohum-tanışlarını vəzifəyə gətirib. Hansı ki, onların hamısı bu sahənin kadrları deyil heç bir iş təcrübələridə yoxdur. Bu isə Göyçayda suvarma sistemlərində fəlakət yaradacaq. Bibisi oğlunu mühasib təyin edib, Ucarda yaşayan dostunu sürücü vəzifəsinə təyin edib, bazarda yer pulu yığan tanışını nəzarətçi təyin edib 11 nəfər qohum tanışlarını idarəyə işə qəbul edib.Hansı ki, onların heç biri bu sahənin adamları deyil. Təcrübəli qabaqcıl işçiləri isə sıxışdırıb.

İşinin öhdəsindən gələ bilməyən Orxan Mahmudov dövlət idarəsini şəxsi ofisinə döndərib.

Qeyd edək ki, Orxan Mahmudov Göyçayın Qarabaqqal kəndi ərazisindəki keçmiş kərpic zavodunda beton istehsalı ilə məşğul olub vergidən gəlir gizlətmək üçün əmək müqaviləsi bağlamadan çoxlu sayda insanı işə cəlb edib əməyini istismar edir.Hansı ki, orada 50 dən çox insan işə cəlb edilib.

Hələki müvəqqəti icra etdiyi bu vəzifəyə Orxan Mahmudov təyin edilərsə idarəni yararsız vəziyyətə salacaq.Adamın niyyəti dövlət idarəsini şəxsi əmlakı kimi idarə edib kapital toplamaqdır.Bunun qarşısı dərhal alınmalı qanunu tədbirlər görülməlidr.

Biz mətbuat vasitəsi ilə Meliorasiya və Su Təsərrüfatı ASC-nin sədri cənab Zaur Mikayılovdan xahiş edirik bizi qəbul edib dinləyib qanunu və ciddi tədbirlər görəsiniz.

İmza; Şirinov Fəqan Maarif oğlu
Əsgərov Orxan Vidadi oğlu
Əsgərzadə Elməddin Əli oğlu”

Məsələ ilə bağlı Göyçay rayon Suvarma Sistemləri İdarəsindən mövqe öyrənə bilmədik. Qarşı tərəf mövqe bildirə bilər.

6 saylı həbsxananın rəisi haqqında növbəti rüşvət ittihamı – ŞOK FAKTLAR

Yaradılıb 06.07.2023 11:15 | Baxış sayı: 127
Ardını oxu...
DogruXeber.az: - Goranboy rayonu, Safkürd kəndində anadan olan, Gəncə şəhəri, Kəpəz rayonu, hərbi şəhərcik 83, ev 394, mənzil 35-də qeydiyyatda olan Məmmədov Ədalət Həsən oğlu tərəfindən “Hürriyyət”in redaksiyasına şikayət məktubu daxil olub. Qəzetimiz vasitəsilə ölkə rəhbərliyinə müraciət edən şikayətçinin məktubunu olduğu kimi dərc edirik:

“Hörmətli redaksiya!

Son zamanlar Ədliyyə Nazirliyi Penitensiar Xidmətin 6 saylı Cəzaçəkmə Müəssisəsinin rəisi, baş nazirin sabiq müavini Abid Şərifovun qızının əri, məhkumlar arasında “cərrah-cəllad Məmməd” ayaması ilə tanınan Məmməd Mahmudovun korrupsiya yolu ilə məhkumlardan külli miqdarda rüşvət toplaması barədə “Hürriyyət” qəzetində, Hurriyyet.az saytında, eləcə də digər xəbər portallarında dərc edilən yazılarla bağlı mən də öz faktlarımı sizə təqdim edirəm.

Sizlərdən xahiş edirəm ki, mənim dövlət başçısına olan bu müraciətimi olduğu kimi dərc edəsiniz.

Hörmətli Prezident!

Biz, demək olar ki, ailəlikcə hərbçi olmuşuq. Şəxsən mən 28 il dovlətə xidmət göstərmişəm. Və dövlətə xidmət göstərmək həvəsimiz ailəlikcə olmuşdur.

Hərbi hissənin adını çəkmək istəməzdim, çünki Ali Baş Komandanın rəhbərliyi altında zəfər çalan qüdrətli ordumuzun adına ləkə gəlməsini heç vaxt istəmərəm. Lakin məlumunuz olsun ki, mən 100 manat rüşvət ittihamı ilə korrupsioner, rüşvətxor, qansız-imansız, ədalətsiz məmurlar tərəfindən 2013-cü ildə 6 il müddətinə azadlıqdan məhrumetmə cəzasına məhkum edilmişəm.

6 saylı Cəzaçəkmə Müəssisəsində cəzamın üçdə iki hissəsindən çoxunu çəkdikdən sonra, Cəzaçəkmə Müəssisəsinin rəis müavini tərəfindən xidməti iş otağına çağrılmışam. O, rejimimi dəyişmək, komendatura tipli Cəzaçəkmə Müəssisəsinə çıxmaq üçün məndən 5 500 manat tələb etmişdir. Nə qədər yalvar-yaxar etsəm də 5 500 manatdan 500 manat belə, aşağı düşməmişdir. Çıxılmaz vəziyyətdə qalaraq qaynatama zəng vurmuşam ki, rejimimi dəyişmək və komendaturaya çıxmaq üçün rəis 5 500 manat istəyir.

Beləcə, qaynatam 5 500 manat gətirib verdikdən sonra, mənim sənədlərimi Ədliyyə Nazirliyi tərəfindən yaradılmış Komissiyaya təqdim etmişlər. Komissiyadan keçdikdən təxminən 20 gün sonra Nizami rayon Məhkəməsinin hakimi gəlib məni qəbul etmiş və məhkəmədən keçdiyimi bildirmişdir. Məhkəmədən keçdikdən 21 gün sonra, yəni 9 avqust 2017-ci il tarixdə 6 saylı Cəzaçəkmə Müəssisəsinin rəisi Məmməd Mahmudovdan öz canımı və ailəmin canını birdəfəlik qurtarmışam.

Cənab Prezident!

Heç özüm də gözləmədən, 28 may 2018-ci il tarixli əfv fərmanınızla azadlığa çıxmışam. Fürsətdən istifadə edib, Sizə bir daha minnətdarlığımı bildirirəm.

Onu da diqqətinizə çatdırım ki, guya, 100 manat rüşvət aldığımı iddia edərək məni cinayətkar kürsüsündə əyləşdirib, “cinayətkar” ediblər. Maraqlıdır, o halda, şəxsən mənim özümdən rejimimi dəyişmək adı ilə 5500 manat rüşvət alan 6 saylı Cəzaçəkmə Müəssisəsinin rəisi Məmməd Mahmudov cinayətkar deyilmi?

Necə olur ki, 100 manata görə prokuror ittiham verir və məni cinayətkar hesab edir, amma məndən 5500 manat pul alaraq komendaturaya çıxaran 6 saylı Cəzaçəkmə Müəssisəsinin rəisini - Məmməd Mahmudovu ittiham edən yoxdur?! Necə olur ki, mən “cinayətkar”, Məmməd Mahmudovu isə “qanunpərvər” şəxs hesab edilir?! Axı, Məmməd Mahmudov mənim aldığımı iddia etdikləri rüşvətdən (100 manatdan) 55 dəfə artıq (5 500 manat) rüşvət almışdır!

Cənab Prezident!

100 manat rüşvətə görə “cinayətkar” hesab edilən məndən -Məmmədov Ədalətdən - fərqli olaraq 5 500 manat rüşvət alan 6 saylı Cəzaçəkmə Müəssisəsinin rəisi Məmməd Mahmudov həmin rüşvəti əli-qolu bağlı, azadlığı əlindən alınmış məhkumdan almışdır.

Artıq 5 ilə yaxın müddətdir ki, azadlıqdayam. Heç yerdə işləmirəm. 6 saylı Cəzaçəkmə Müəssisəsinin rəisi Məmməd Mahmudovdan canımı qurtarsam da, qaynatamın qohum-əqrəbadan toplayaraq Məmməd Mahmudova verdiyi 5 500 manat pulu sahiblərinə qaytara bilmirəm. Bu gün də qohumlarıma 5 500 manat borcluyam.

Sizdən xahiş edirəm ki, qaynatamın qohum-əqrəbamdan börca aldığı və mənim rejimimi dəyişmək üçün 6 saylı Cəzaçəkmə Müəssisəsinin rəisi Məmməd Mahmudova verdiyi 5 500 manat pulun mənə qaytarılmasına göstəriş verəsiniz”.

Redaksiyadan: Qarşı tərəfin mövqeyini dərc etməyə hazırıq. Növbəti sayımızda şikayətçi Ədalət Məmmədovun qəzetimizə geniş müsahibəsini dərc edəcəyik. Bizi izləyin.

Dünyapress TV

Xəbər lenti