Teref.az olaraq Saatlı rayon Mollavaizli kəndi sakini Əliyev Asim Əvəz oğlu tərəfindən yazılmış və bir nüsxəsidə poçtumuza daxil olmuş şikayət məktubunu təqdim edirik. Şikayətçi yazır:
İnternet media və xəbər portallarına
Surəti (məlumat üçün): Saatlı rayon Prokurorluğuna
Əliyev Asim Əvəz oğlu tərəfindən
Ünvan : Saatlı rayon Mollavaizli kəndi
E-mail : asimaliyev1@mail.ru
ŞİKAYƏT
Sahibkar öz şadlıq sarayını şəhid anasının adına keçirərək qanunsuz işlərinin
üzərini ört basdır etmək və mənə təziq göstərmək istəyir!
Ölkəmizdə fəaliyyət göstərən şadlıq sarayları ictimai iaşə obyekti hesab edilir və
hər bir vətəndaş şadlıq sarayının fəaliyyətində qanun pozuntularının olub olmaması
barədə qanuni formada araşdırma apara bilər ki, bu da istehlakçı olaraq bizim
hüququmuzdur. Çünkü bu şadlıq saraylarında biz və bizim yaxınlarımız toylarda
iştirak edirik. Belə ki, mən “İnformasiya əldə etmək haqqında” Azərbaycan
Respublikasının Qanununa əsasən bir çox dövlət qurumlarına Saatlı rayonu
H.Əliyev prospekti 56 ünvanında yerləşən “Xəyal” şadlıq sarayının fəaliyyəti ilə
bağlı informasiya sorğusu ünvanlamışam. Mənim sorğuma verilən cavabları sizin
diqqətinizə çatdırıram.
Dövlət Şəhərsalma və Arxitektura Komitəsindən sorğuma verilən cavabda qeyd
edilib ki, Saatlı rayonu H.Əliyev prospekti 58 ünvanında yerləşən “Xəyal” şadlıq
sarayına dair Tikintilərin Dövlət reyestrində hər hansı məlumat yoxdur.
Ekologiya və Təbii Sərvətlər Nazirliyindən sorğuma verilən cavabda qeyd edilib
ki, “Xəyal” şadlıq sarayında 22.10.2022-ci il tarixində Xəzər Kompleks Ekoloji
Monitorinq İdarəsinin əməkdaşları tərəfindən ətraf mühitə atılan zərərli maddələrin
miqdarının müəyyən edilməsi üçün ölçmə işləri aparılmış və nəticənin ətraf mühit
üçün yol verilən normadan artıq olduğu müəyyən olunmuşdur. Bununla bağlı
“Xəyal” şadlıq sarayının rəhbəri Hüseynov Bəxtiyar Hüseyn oğlu barəsində AR
İXM-nin 233.1-ci maddəsi ilə 2500 manat miqdarında cərimə tətbiq edilmiş və
nöqsanların aradan qaldırılması üçün məcburi göstəriş verilmişdir. Cərimə qərarı
könüllü ödənilmədiyi üçün məcburi icra olunması məqsədi ilə Saatlı rayon İcra və
- 2-
Probasiya şöbəsinə göndərilmişdir.
Qida Təhlükəsizliyi Agentliyindən sorğuma verilən cavabda qeyd edilir ki,
Agentlik tərəfindən Saatlı rayonu, H. Əliyev prospekti 56 ünvanında fəaliyyət
göstərən "Xəyal" şadlıq evində 10.11-14-11.2022-ci il tarixində yoxlama
keçirilmişdir. Yoxlama zamanı qida ilə təmasda olan obliqat qrupuna daxil olan
şəxslərin işə qəbul olunmazdan əvvəl və işlədikləri müddət ərzində məcburi tibbi
müayinədən keçmədiyi və tibbi arayışla təmin olunmadığı, mətbəx sahəsinin
sanitar-gigiyenik ye sanitar texniki vəziyyətinin qeyri-qənaətbəxş olduğu və şadlıq
evində təqdim edilən qidaların müşayiətedici sənədlərinin mövcud olmadığı
müəyyən edilmişdir. Aşkar edilmiş nöqsanlarla bağlı “Xəyal” şadlıq evinin vəzifəli
şəxsi barəsində İnzibati Xətalar Məcəlləsinin müvafiq maddələrinə əsasən inzibati
xəta haqqında protokol tərtib olunmuş, həmin protokol əsasında inzibati tənbeh
vermə haqqında qərar qəbul edilmişdir.
Fövqəladə Hallar Nazirliyinin Dövlət Yanğın Nəzarəti Xidməti Muğan regional
Dövlət Yanğın Nəzarəti İdarəsindən sorğuma verilən cavabda qeyd edilir ki,
“Xəyal” şadlıq sarayının istismarı Dövlət Yanğın Nəzarəti Xidməti ilə müvafiq
qaydada razılaşdırılmayıb, yanğınxəbərverici siqnalizasiya sistemi quraşdırılmayıb,
ilkin yanğınsöndürmə vasitələri ilə tam təchiz edilməyib, elektrin təsərrüfatı
“Elektrik Qurğularının Quraşdırılması Qaydaları”nın tələblərinə uyğun olaraq
istismar olunmur, yanğın zamanı insanların köçürülməsi üçün təxliyə planı
tərtib edilməyib, çardaq hissənin taxta konstruksiyaları odadavamlı məhlulla
hopdurulmayıb, elektrik naqillərinin izolyasiyasının gərginliyə qarşı
müqavimətinin yoxlanılması barədə akt mövcud deyil, yanğın təhlükəsizliyinin
təmin edilməsi dair yanğına qarşı rejim müəyyən edilməyib, yanğınxəbərverici
siqnalizasiya sistemi quraşdırılmayıb, obyektin ərazisində hidrant və yanğın su
hovuzu mövcud deyil və tüstüyə qarşı müdafiə sistemi ilə təmin edilməyib.
Belə ki, Saatlı rayonu H.Əliyev prospekti 56 ünvanında yerləşən “Xəyal” şadlıq
sarayı ilə bağlı mənə bir verilmiş bütün cavablardan məlum olur ki, bu şadlıq
sarayında heç bir şey qaydasında deyil. “Xəyal” şadlıq sarayı Dövlət Şəhərsalma
və Arxitektura Komitəsində qeydiyyatda deyil, Ekoloji olaraq ətraf mühitə zərər
verir, Qida təhlükəsizliyi sahəsində çox ciddi nöqsanlar var və ən əsası isə Yanğın
təhlükəsizliyi sahəsində çox ciddi nöqsanlar var. Bəs bu şadlıq sarayı necə
fəaliyyət göstərir? “Xəyal” şadlıq sarayında yanğın təhlükəsizliyi sahəsində
çoxsaylı nöqsanların mövcud olduğu, həmin nöqsanların insan həyatı və ya
sağlamlığına, ətraf mühitə və dövlətin əmlak maraqlarına birbaşa təhlükə yaratdığı
müəyyən edilir. Beləliklə, mövcud vəziyyət onu göstərir ki, obyektin istismarının
davam etdirilməsi nəticəsində orada hər an baş verə biləcək yanğın qısa müddətdə
genişlənərək faciəni qaçılmaz edə bilər. Məhz bu səbəbdən də mən Fövqəladə
Hallar Nazirliyinə müraciət edərək bu şadlıq sarayının fəaliyyətinin
dayandırılmasını xahiş etdim. Hələki müraciətimə düzgün baxılmadığı üçün
aidiyyatı üzrə şikayət etmişəm. Çünkü bu şadlıq sarayında toy zamanı baş verə
biləcək yanğın hadisəsində çox sayda insan tələfatı ola bilər. Buna göz yumaq?
Lakin mənim bu müraciətimdən sonra “Xəyal” şadlıq sarayının sahibi, sahibkar
- 3-
Hüseynov Bəxtiyar Hüseyn oğlu təcili olaraq “Xəyal” şadlıq sarayını keçirdi şəhid
anasının adına (həmin şəhid anası onun yaxın qohumudur, adını qeyd etmək
istəmirəm). Səbəb isə bu qədər qanun pozuntusunun üzərini ört-basdır etmək və
cərimələri ödəməmək idi. Bu şəxs fikirləşir ki, əgər şadlıq sarayını şəhid anasının
adına keçirsə qanunsuz işlərini davam etdirə bilər və ona kimsə gözün üstə qaşın
var deməyəcək. Mən şəxsən eşitdikdə Bəxtiyar, öz şadlıq sarayını şəhid anasının
adına keçirib çox sevindim ki, şəhid ailəsi də buradan xeyir görər, sonra öyrəndim
ki öz yaxın qohumudur. Adama deyərlər əgər belə şəhid ailəsi düşünən adamsansa
nəyə görə onların evləri qəzalı vəziyyətdə olanda ev tikmirdin və həmin şəhid
anası efirə çıxıb cənab Prezident İlham Əliyevə müraciət edirdi?
https://www.youtube.com/watch?v=-nVR2uQQKHo (həmin müraciət)
Əlbətdə ki, mən bu məsələni bu qədər ictimailəşdirmək fikrində deyildim. Lakin
mənə zəng gəldi ki, səndən şikayət var Saatlı rayon Prokuroru səni çağırır. Bir neçə
gündən sonra isə məni Saatlı rayon Polis Şöbəsinin təhqiqatçısı şöbəyə dəvət etdi.
Səbəb isə “Xəyal” şadlıq sarayının sahibkarı olan şəhid anasının məndən şikayət
etməsi idi. Təbii ki, şikayət tamamilə əsassızdır. Ekologiya və Təbii Sərvətlər
Nazirliyindən gələn məktubda “Xəyal” şadlıq sarayının rəhbəri Hüseynov Bəxtiyar
Hüseyn oğlu olaraq qeyd edilib. Təkrar qeyd edirəm ki, bütün bu qanunsuz
əməllərini ört-basdır etmək üçün təcili olaraq şadlıq sarayını keçirdi qohumu olan
şəhid anasının adına və sonra da həmin şəhid anasının adından məndən şikayət
olundu. Əminliklə deyə bilərəm ki, həmin şəhid anasının edilən şikayətdən xəbəri
belə yoxdur, sadəcə olaraq sahibkar Hüseynov Bəxtiyar Hüseyn oğlu şəhid
anasının əli və hüquq-mühafizə orqanlarının vasitəsi ilə mənə qarşı təziqlər
göstərmək istəyir ki, mən şikayətlərimi dayandırım.
Dövlət qurumlarının verdiyi cavablardan açıq-aşkar görünür ki, “Xəyal” şadlıq
sarayında hər sahədə qanunsuz hallar var və ən əsası da qida və yanğın
təhlükəsizliyi sahəsində olan ciddi nöqsanlar sabah faciə ilə nəticələnə bilər. Əgər
bu faciə zamanı insan tələfatı olarsa buna görə cavabı kim verəcək? Əgər mən
bugün istehlakçı olaraq tam qanuni formada şikayət edərək şadlıq sarayının
bağlanmasını istəyirəmsə bu mənim hüququmdur. Burada heç bir qanunsuz hal
yoxdur. O zaman bütün sahibkarlar öz bizneslərini şəhid ailəsinin adına keçirib
istədiyi qanun pozuntusunu edə və cərimələri ödəməyə bilər fikri yaranır. Əgər bir
sahibkar şəhid anasının adından istifadə edərək etdiyi qanun pozuntularını örtbasdır etmək və sadə bir vətəndaşa təziq göstərmək istəyirsə buna deyiləcək sözüm
yoxdur. Ümüd edirəm ki, aidiyyatı qurumlar bu şəxs barədə qanuni ölçü götürəcək.
Bu müraciətimə görə məsuliyyət mənə aiddir və buna görə də medai
nümayəndələrindən xahiş edirəm bu müraciətimi saytlarda işıqlandırsınlar.
Müraciətimdə bəhs etdiyim bütün dövlət qurumlarının məktublarını əlavə edirəm.

İmza: Asim "liyev
Tarix: 4 iyul 2023-cü il

Azərbaycanda dövlət büdcəsindən maliyyələşən qurumlarda korrupsiyaya qarşı başladılan mübarizə davam etməkdədir. Üç il əvvəl hüquq mühafizə orqanlarının rayon İcra Hakimiyyətlərində, müxtəlif nazirlik və digər təşkilatlarda keçirdikləri xüsusi əməliyyatlar cəmiyyət tərəfindən də məmnunluqla qarşılandı.

Hüquq mühafizə orqanlarının tv-lərdə və mətbuatda verdikləri məlumatlarda əməliyyat keçirilən icra hakimiyyətlərində və digər rəsmi qurumlarda dövlət vəsaitlərinin müxtəlif yollarla hansı formada mənimsənilməsi açıq-aydın göstərilirdi.

Həmin məlumatlarda rayon icra hakimiyyəti başçılarının bilavasitə rəhbərliyi ilə rayonlarda inşa edilən obyektlərdən rüşvət yığılması, rayonun abadlaşdırılması üçün ayrılan dövlət vəsaitlərinin mənimsənilməsi xüsusi yer tuturdu.

AzFakt.com xəbər verir ki, bəzi icra hakimiyyətilər hələ də “köhnə qayda” ilə işləyirlər.

Məlumata görə rüşvət və korrupsiyanın at oynatdığı iddia edilən rayonlardan biri də Yevlax rayonudur.

Belə ki, Yevlax rayonunun mərkəzi küçələrinin yenilənməsi, şəhərin abadlaşdırılması və köhnə binaların restavrasiya məqsədilə büdcədən ayrılan vəsaitlərin rayon icra hakimiyyətinin vəzifəli şəxsləri tərəfindən mənimsənildiyi iddia edilir.

Məlumata görə Yevlax rayon İcra Hakimiyyətinin və Yevlax rayon İcra Hakimiyyətinin başçısının Yevlax şəhər nümayəndəliyin, eləcə də Yevlax şəhər Kommunal Təsərrüfatı İstehsalat Birliyinin keçirdikləri tenderlərdə vəsaitlər mənimsənilir. Tenderlərdə aparılan bu əməliyyatlara isə Başçının müavini Şəhər təsərrüfatı şöbəsinin müdiri İlqar Hüseynovun nəzarət etdiyi iddia edilir.

İlqar Hüseynovun Yevlax rayon İcra Hakimiyyəti başçsının hazırda vakant olan digər müavinlərinin də səlahiyyətlərini mənimsədiyi iddialar arasında yer alır.

Onu da qeyd edək ki, İlqar Hüseynovun Bakı Şəhər Mənzil-Kommunal Təsərrüfatı departamentinin rəisi Rafail Mehralıyevin yaxın qohumu olduğu, bu vəzifəyə də onun vasitəsilə gətirildiyi deyilir.

Xatırladaq ki, Prezident İlham Əliyev cənabları Şəmkir və Cəlilabad rayon İcra Hakimiyyətlərinin başçılarını qəbul edərkən vəzifəli şəxslərin yaxın ətraflarının, qohum-əqrabalarının adlarına şirkətlər açaraq büdcə pullarıın mənimsəmələrini vurğulamışdı.

Qeyd edək ki, Yevlax rayon İcra Hakimiyyətinin başçısı Anar Tağıyevdir.

O, bu vəzifəyə 2019-cu ilin oktyabr ayının 31-də təyin edilib.

Radiasiya Problemləri İnstitutu 2022-ci ilin aprel ayının 5-dən 2023-cü ilin may ayının 25-dək 5 dəfə “cari təmir” lotu üzrə satınalma həyata keçirib.

Qlobal.az xəbər verir ki, bu satınalmaların ümumi məbləği 97.360 manat edib:

Radiasiya Problemləri İnstitutunun 2022-ci ilin aprel ayının 25-də “cari təmir” lotu üzrə sifarişçi olduğu satınalmanın məbləği 23.506 manat, bu satınalmanın qalibi isə Museyibli Nicat Taleh oğludur.

İnstitutun “cari təmir” lotu üzrə növbəti satınalması 2022-ci ilin iyun ayının 3-də keçirilib. Bu satınalmanın məbləği 24.925 manat, qalibi isə “Best Lider” Məhdud Məsuliyyətli Cəmiyyəti olub.

“Best Lider” MMC 2022-ci ilin fevral ayında dövlət qeydiyyatına alınıb. Bu şirkətin nizamnamə kapitalı 10 manat, qanuni təmsilçisi isə Tağıyev Şükran Nicat oğludur.

“Best Lider” MMC-nin fəaliyyət profili, maddi texniki bazası, işçilərinin sayı, müvafiq lisenziyaları barədə heç bir məlumat yoxdur.

Radiasiya İnstitutu 2022-ci ilin avqust ayının 31-də “cari təmir” lotu üzrə daha bir satınalmaya yekun vurub. Bu satınalmanın məbləği 24.560, qalibi isə “EM PROYEKT” Məhdud Məsuliyyətli Cəmiyyəti olub. “EM PROYEKT” MMC (VÖEN: 1307407171) də İnstitutun digər satınalmasının qalibi elan edilən “Best Lider” MMC kimi şübhəlidir. Belə ki, bu şirkətin də fəaliyyət profili, işçiləri, iş təcrübəsi, müvafiq lisenziyaları barədə məlumat yoxdur. Şirkətin hüquqi ünvanı Yasamal rayonu, Dadaş Bünyadzadə ev 128, mənzil 0, qanuni təmsilçisi isə Zahidov Nicat Şökət oğludur.

Nicat Zahidov kimdir?

Radiasiya Problemləri İnstitutunun qalib elan etdiyi “EM PROYEKT” Məhdud Məsuliyyətli Cəmiyyətinin qanuni təmsilçisi Zahidov Nicat Şökət oğlu barədə Qlobal.az məlumat əldə edib.

Məlumata görə Nicat Zahidovun ümumiyyətlə “EM PROYEKT” Məhdud Məsuliyyətli Cəmiyyətindən xəbəri yoxdur.

Qubadlı rayonundan məcburi köçkün olan Nicat Zahidov ailəsi ilə birlikdə acınacaqlı durumda Sumqayıt şəhərində məskunlaşıb.

Qlobal.az “EM PROYEKT” MMC ilə Radiasiya Problemləri İnstitutu arasında imzalanmış satınalma müqaviləsinin icrası barədə araşdırma aparıb. Əldə etdiyimiz məlumata görə Radiasiya Problemləri İnstitutu “Dövlət Satınalmaları Haqqında” Azərbaycan Respublikasının Qanununun bir sıra maddələrini pozaraq iştirakçıdan ixtisas uyğunluğuna dair sənədi tələb etməyib. Bu barədə əldə etdiyimiz məlumatı İqtisadiyyat Nazirliyi Yanında Antiinhisar və İstehlak Bazarına Nəzarət Dövlət Xidməti də təsdiq edir.

“İddiaçı təşkilatdan ixtisas uyğunluğu tələb edilməyib”

Məsələ ilə bağlı İqtisadiyyat Nazirliyi Yanında Antiinhisar və İstehlak Bazarına Nəzarət Dövlət Xidmətindən mövqe öyrəndik. Antiinhisar və İstehlak Bazarına Nəzarət Dövlət Xidmətinin Dövlət satınalmalarına nəzarət şöbəsinin müdiri Əhməd Həsənovun müracitəimizə göndərdiyi cavabında deyilir:

“”Dövlət Satınalmaları Haqqında” Azərbaycan Respublikasının Qanununun 6.2-ci maddəsinə əsasən satınalma prosedurlarında iştirak etmək üçün podratçıların ixtisas göstəriciləri müəyyən meyarlara uyğun gəlməlidir. Lakin, Radiasiya Problemləri İnstitutu tərəfindən dövlət satınalmalarının vahid internet portalında yerləşdirilmiş kotirovka sorğusu şərtlərində ixtisas uyğunluğuna dair sənədlər tələb edilmədiyi müəyyən edilmişdir.

Dövlət Xidməti tərəfindən qeyd olunanlar nəzərə alınaraq keçirilmiş müsabiqənin nəticəsinin ləğv olunması və satınalmanın Qanunun tələbinə uyğun yenidən keçirilməsi məqsədəmüvafiq hesab edilmişdir”.

Hesablama Palatası İnstitutun fəaliyyətini yoxlamayıb

Proxy şəxsin qanuni təmsilçisi olduğu MMC-dən ixtisas göstəriciləri tələb etmədən sifarişçi olduu satınalmada qalib elan edən Radiasiya Problemləri İnstitutunun fəaliyyətinin audit edilib-edilmədiyi barədə Hesablama Palatasında mövqe öyrəndik.

Hesablama Palatasının İnformasiya məsələləri üzrə məsul şəxsi Tamerlan Yusif-zadənin Qlobal.az-a göndərdiyi məktubda Hesablama Palatasının 2022-ci ildə Radiasiya Problemləri İnstitutunda audit həyata keçirmədiyi deyilir.

Qeyd edək ki, Radiasiya Problemləri İnstitutunun baş direktoru İslam Mustafayevdir.

Facebook Twitter LinkedIn Tumblr Pinterest Reddit VKontakte Odnoklassniki Pocket

Azərbaycanda tikinti sahəsində hökm sürən xaos günü-gündən dərinləşir.

AzFakt.com xəbər verir ki, Bakı və Abşeron rayonunda standartlara uyğun olmayan yaşayış binalarının sayı artmaqdadır. Gecəqondu tipində tikilən apartman formalı bu binaların böyük əksəriyyətinin sənədləri yoxdur.

Maraqlıdır ki, aidiyyatı dövlət qurumları isə baş verən proseslərə seyrçi qalmaqdadırlar.

Əldə etdiyimiz məlumata görə standartlara uyğun gəlməyən, heç bir rəsmi qurumdan icazə sənədi olmayan daha bir keyfiyyətsiz bina Abşeron rayonunun Masazır qəsəbəsinin Qaçaq Nəbi keçəsində inşa edilib.

Altı mərtəbədən ibarət olan yaşayış binasının tikintiyə icazə sənədi yoxdur. Bina yerli icra hakimiyyəti orqanlarının “göz yumması” səbəbindən qısa zaman ərzində tikilib.

Ərazidə olan əməkdaşımızın əldə etdiyi məlumata görə sözügedən binanın tikintisində keyfiyyətsiz materiallardan istifadə edilib. Belə ki, binanın tikintisi zamanı tələb olunan standartlara uyğun olmayaraq 300 marka armaturlardan istifadə olunub. Bu isə 5-6 bal gücündə baş verən zəlzələ zamanı böyük faciənin baş verməsinə səbəb ola bilər.

Məsələ ilə bağlı növbəti sayımızda geniş reportajımızı təqdim edəcəyik.

7 sentyabr 2021 ci il tarixdə Fərid Qayıbov Gənclər və İdman Naziri vəzifəsinə təyin olundu. Bundan əvvəl 15 il bu vəzifədə işləmiş Azad Rəhimov uzun sürən xəstəlikdən sonra vəfat etmişdi. Yeni gənc nazirin təyinatı gənclər və idman ictimaiyyəti üçün bir gözləntilər yaratdı. Gənc olması, idman sahəsindən transfer olunması, bu təyinata qədər hakim ailənin birbaşa nəzarətində olan Gimnastika Federasiyasından gətirilməsi bir çox ümidlər yaratdı. AMMMA NAFİLƏ......

Yeni nazirin fəaliyyəti dövrü nəinki ölkəmiz üçün, dünyamız üçün çətin bir ictimai-siyasi dövrə təsadüf edirdi. Vətən müharibəsi və pandemiya dövründən sonra durğunluq, tənəzzül dövrü yaşayan gənclər və idman siyasətini dirçəltmək əvəzinə başladı keçmiş, dünyasını dəyişmiş nazirin kadrları ilə ədavət aparmağa, Azad Rəhimovu hər vəclə, hər hərəkəti ilə korrupsioner elan etmək istiqamətində bütün gücünü səfərbər etməyə.
Teref.az yazır ki, redaksiyamızın poçtuna göndərilən məqalənin müəllifi Gənclər və İdman Naziri barədə bunları yazır. Müəllif daha sonra yazdıq2larını şərh edərək, başqa faktlara müraciət edərək yazır:
Qısa müddətdə nazir müavinləri İsmayıl İsmayılov, İntiqam Babayevi işdən azad etdirdi, əvəzlərində isə gənclərlə iş sahəsinə 63 yaşlı İndira Hacıyevanı ( Eldar Əzizovun baldızını) və bolqar əsilli, bəlkə də heç azərbaycan vətəndaşı olmayan Mariana Vasielyevanı təyin etdirdi. Bununla da nazirlik daxilində güclü siyasi qalmaqal yaşanmağa başladı. Cənab nazirin qarşısında duran ən ciddi siyasi rəqiblərdən biri idman şöbəsinin müdiri, olimpiya mükafatçısı Fərid Mansurovu işdən azad etmək idi. Fərid Mansurovu işdən azad etdikdən sonra qismən maneələr aradan götürülmüşdür. Lakin hələ qarşıda Aparat rəhbəri Rüfət Həsənovu, kadrlar və regionların şöbəsinin müdiri Asif Quliyevi işdən azad etmək var idi. Beləliklə nazir 1 ili tamam olmamış adları çəkilən, gənclər və idman sahəsini dərindən bilən, ölkədə kadr siyasətini bilən kadrları uzaqlaşdırdı. Bütün bu işləri ardıcıl görməkdə məqsəd öz ətrafına nazirin sözünü yerə salmayacaq adamları toplamaq və özünü CƏNAB NAZİR etmək idi. Aparat rəhbəri vəzifəsinə özünü təyin etdiyi, cəmi 3 ay işləmiş Fidan Rüstəmovanı nazir müavini Mariana Vasilyevanın dirənişi nəticəsində işdən azad etdi.

Fərid Qayıbovun 2 ilə yaxın ötən fəaliyyəti dövrü ancaq sosial şəbəkələrdə səliqəli şəkillər çəkdirmək, ancaq şəxsi reklamını həyata keçirməkdən ibarət olmuşdur. Təsəvvür edin nazirliyin 10 na yaxın əməkdaşı ancaq reklam-marketinq, sosial şəbəkələrlə işə təhkim olunmuşdur.

Fərid Qayıbov ölkə rəhbərinin şəxsən nəzarətində olan, adını qürur hissi qeyd etdiyi EKOLOJİ AKSİYA barədə bir dəfə də olsun paylaşım etmədi, bir dəfə olsun ziyarət edib diqqətini bildirmədi. Görəsən başa düşmür, yoxsa bu işin təşkilatçısı RİİB olduğu üçün xətrinə dəyib ?!

Nazirlik daxilindı “iri çaplı” məmurları bir-bir sıradan çıxardıqdan sonra, əsas problem qalırdı yerlərdə idarələri öz tabeliyinə keçirmək. Çünki yerli icra başçılarının tabeliyində qalan yeganə idarələr gənclər və idman idarələri idi. Yerlərdə icra başçılarına öz mütləqi-varlığı sübut etmək üçün məqam yetişirdi. Bunun əsas səbəbi isə, yerlərdə gənclər və idman siyasətinə ayrılıran vəsaitlər nazirliyin nəzarəti ilə deyil, yerli icra başçılarının xeyir-duaları ilə xərclənməsi idi. Lakin Fərid Qayıbovun siyasi savadı imkan vermirdi ki, təhlil etsin ki, həbs olunmuş 8 rayon icra başçısının heç biri ilə həmin rayonun gənclər və idman idarəsinin müdirinin adı hallanmamışdı.

Belə məqamda Fərid Qayıbovun əlinə çox böyük siyasi səhv etmiş Göyçayın icra başçısı, Fəxriyyə Xələfovanın qudası Mehdi Səlimzadə keçdi.

Göyçayın gənclər və idman idarəsinin rəisi Elşən Şirinovla ciddi konflikti olan icra başçısı olimpiya kompleksinə və gənclər mərkəzinə məxsus inventarları yığıb aparmışdı evinə. Öz növbəsində Elşən Şirinov bunu nazirə məruzə edəndən sonra nazir başqa da bəhanələr edərək bunu prezidentə məruzə etdi

Beləliklə prezident Fəxriyyə Xələfovanın qudasını işdən azad etdirməklə digər icra başçılarına göz dağı etdi. Artıq Fərid Qayıbov ölkə rəhbərinin qismən etimadı doğrultmuş sayıla bilirdi.

Növbəti addım daha dağıdıcı və sarsıdıcı olmalı idi. Nazir bütün respublika gənclər və idman idarələrinə, Olimpiya komplekslərinə və Gənclər Mərkəzlərinə yoxlamalar göndərdi.

Beləliklə, Gəncə, Qazax, Goranboy, Yevlax, Neftçala və digər idarə rəislərinin fəaliyyətini sənədləşdirin rəsmi məktubla birlikdə hüquq-mühafizə orqanlarına təqdim etməklə, hər birini məcburi qaydada işdən azad etdilər.

Artan temp üzrə islahat adı altında Fərid Qayıbov son zərbəsini endirdi. Prezident İlham Əliyevin 7 iyul 2021 ci il tarixli , iqtisadi zonaların yaradılması və tətbiq edilməsi ilə bağlı fərmanını əsas tutaraq, 14 iqtisadi rayon üzrə 10 dekabr 2022 ci il tarixdə regional gənclər və idman idarələrinin yaradılması ilə bağlı prezident fərman verdi.

Təbii ki, fərmanın verilməsindən sonra əsas problem qalırdı regional idarələrə kadr işlərini həll etmək. Fərid Qayıbovun 2 ilə yaxın müddətdə nazir olmasına baxmayaraq, Asif Quliyevi işdən azad etdikdən sonra kadrlar şöbəsinə 3 aydır təyin etdikləri Rauf Məcidli Mariana Vasilyeva ilə yola getmədiyi üçün böyük söz söhbətdən sonra işdən uzaqlaşdırıldı.

Onun yerinə 1994 cü ildən həmin şöbədə kadrlar sahəsi üzrə işləyən Gülgəz Tağıyevə təyin olundu.Gülgəz Tağıyevə gənclər və idman nazirliyində bir zamanlar aparat rəhbəri işləmiş sonradan prezident aparatına gedən Tağı Tağıyevin çox yaxın adamı idi. Əslən Qazax rayonundan olan Gülgəz Tağıyevə üçün 30 ildən sonra əsl fürsət düşmüşdü ələ. Fərmandan 7 ay keçməsinə baxmayaraq, gənclər və idman nazirliyi hələ də öz strukturunu, iş fəaliyyətini qura bilmir. Prezident İlham Əliyevin 25 iyun 2023 cü il tarixli strukturun təsdiq edilməsi ilə bağlı fərmanından sonra, qeyri-iş günlərində Gülgəz Tağıyevə nazir müavini Mariana Vasilyevanın mütləq dəstəyi ilə özünə yaxın olan, hətta yaxın qohumlarını rəhbər vəzifələrə yerləşdirməklə məşğul olur. Növbəti yazımızda Regional Gənclər və İdman İdarələrinə təyin olunmaq üçün Gülgəz Tağıyevə tərəfindən seçilmiş, əvvəllər dəfələrlə adları rüşvət, korrupsiya, işlədikləri rayonda heç bir ictimai nüfuzu olmayan, yaşları 50 ni keçmiş, 60 ı haqlamış şəxsləri necə rəis etdirmək istədiyi barədə geniş yazılar yazacağıq. Ümid edirik Fərid Qayıbov bu yazıları oxuyandan sonra bir daha siyahıya nəzər yetirəcək, Gülgəz Tağıyevə tərəfindən seçilmiş və ya kənardan tapşırılmış şəxslərin siyahısına yenidən baxış keçirəcək.....

QEYD EDƏK Kİ, 3 cü avropa oyunlarında Azərbaycan idmançıları 30 ölkə arasında ən yaxşı halda 28 29 cu yerdə qərarlaşıblar. Bu barədə növbəti yazılarımızda, bizi izləməyə davam edin...
Teref.az olaraq məqalədə toxunulan iddialarla bağlı qarşı tərəfində mövqeyini drc etməyə hazırıq!
Teref.azGənclər və İdman Naziri