 |
|
|
Suraxanı və Xəzər rayonu ərazisində su olmayan ərazilərə su satışı həyata keçirənlərin fəaliyyətində problemlər yaranıb.
Sitat.info-ya daxil olan məlumata görə, Binə qəsəbəsinə su daşıyan su maşınlarından aylıq 300 manat haqq tələb edilir.
Vermədikləri halda onların gündüz fəaliyyətinə qadağa qoyulacağı, yalnız gecə saat 23:00-dan, səhər saat 6:00-a qədər çalışa biləcəkləri bildirilib.
Saytımıza daxil olan məlumata görə, gündüz işləmək istəyən su maşınlarından aylıq 300 manat tələb ediblər. Bu səbəbdən qurumla su satıcıları arasında narazılıq olub. Daha sonra bu məbləği 200 manata endirməyə məcbur olublar.
Hazırda Binə qəsəbəsində qeyri-müəyyən vəziyyət davam edir və su satışı dayandırılıb. Hansı qurumun su maşınlarına bu tələbi qoyması ilə bağlı konkret məlumat yoxdur, bu istiqamətdə dəqiqləşdirmə aparırıq.
Bildirilib ki, bir neçə su maşını eyni səbəbdən Suraxanı Rayon Polis İdarəsi tərəfindən cərimələnib.
Qeyd edək ki, illərdir kütləvi məskunlaşmaya baxmayaraq Binə qəsəbəsinin bir çox ərazilərinə su xəttinin çəkilməməsinin əsas səbəbi ADSEA-nın və onun sələfi “Azərsu”nun maşınlarla əraziyə su satışı həyata keçirməsidir. 1 ton suyun 7 manata satıldığını nəzərə alsaq, bu minlərlə ailənin aylıq 100 manat su üçün pul ödəməsi deməkdir. Qurum artıq bunu bir biznesə çevirib. Və yaxın ərazilərə qədər gələn su xəttinin davamını çəkmir. Qəsəbənin az qala 50 faizi su üzünə həsrətdir. Qarşıdan qızmar yay gəlir, aztəminatlı insanları su ilə sınanması heç bir qanuna, qaydaya sığmır.
Ölkənin məhkəmə-hüquq sistemini xüsusi və dövlət notariuslarının fəaliyyəti olmadan təsəvvür etmək mümkün deyil. Çünki məhkəmələr öz qərarlarında notarius tərəfindən iddiaçı tərəflərə verilmiş sənədlər əsasında qərar çıxarırlar. Bu boyda səlahiyyət verilmiş notariuslar artıq böyük cinayət əməllərinin ortağına çevriliblər. Ölkə mediasında yer alan iddialara əsasən cumhuriyyet.az bilidirir ki, belə notariuslardan biri də Nərimanovdakı 21 saylı notariat kantoru və onun rəhbəri- xüsusi notarius: Kərimov Daxil Fazil oğludur. Daxil Kərimov əvvələr Şirvan şəhərində notarius vəzifəsində çalışıb. Media üzərində araşdırma apardıqda Daxil müəllim haqqında xeyli nöqsanlara rast gəldik. Vətəndaşlardan biri iddia edir ki, onun xəbəri olmadan qızının evini banka girov qoyublar. Ev sahibinin qaynı saxta sənəd düzəldərək Daxil Kərimova təsdiq etdirib. Evi banka girov qoyaraq böyük məbləğdə kredit götürüb amma ev sahibinin bu cinayət əməlindən xəbəri olmayıb.
Daxil Kərimov isə deyir mənim heç bir günahım yoxdur, adamdan soruşan lazımdır bu saxta sənədi təsdiq edəndə bilmirdin cinayət əməldir?
Ev sahibinin qaynı ilə əlbir olub bankdan 50 min manat götürüb bölüşdürəndə cinayət etdiyini başa düşmürdün? İndi də bank bu əmələ görə məhkəməyə müraciət edərək 2 uşağı və bir ananı evindən məcbur çıxararaq çölə atıb. Ev sahibinin qaynı ilə əlbir olub bankdan 50 min manat götürüb bölüşdürəndə cinayət etdiyini başa düşmürdün? İndi də bank bu əmələ görə məhkəməyə müraciət edərək 2 uşağı və bir ananı evindən məcbur çıxararaq çölə atıb, təbii ki özünü yuxarı hesab edən şəxs iki uşağın bir ananın faciəsinə və gözüyaşlı qalmasına səbəb olmazdı.
Daxil Kərimov Nərimanov 21 saylı notariusa müdir gələrkən bacısı oğlu Şirvanov Əlixan Fətulla oğlunu Şirvan notariusa müdir təyin etdirib. Sanki notariuslar bunlar üçün ailə şirkətidir. Deməli, Daxil Kərimov cinayət yolu ilə qazandığı pulların hesabına Bakıda, Hacıqabulda mülklərə, Cəlilabadda torpaq sahələrinə sahib olub. İndi isə Daxil Kərimov uzun illər saxta notarius fəaliyyəti ilə vətəndaşlardan yığdığı pulların hesabına məhkəmə hakimi olmaq istəyir. Və deyir ki, hakimlərin nəyi məndən artıqdır?
Yerli mediada çap olunan məlumatlara istinadən cumhuriyyet.az bildirir ki, bütün bunlar azmış kimi Daxil Kərimov həm də maklerlik edir, kimlərisə işə düzəldir, kimlərəsə vəzifə, söz verir, hakim işləyən dostu Qurbanın əli ilə kimlərisə həbs etdirir, kimlərisə həbsdən azad etdirir. Sözün qısası, Daxil Kərimov yanına gələnlərə cır səslə “Nəyin var? Nə verə bilərsən” deməkdən başqa söz bilmir… Bir sözlə, Daxil Kərimov üçün saxta etibarnamələr vermək, saxta alqı-satqı müqavilələri tərtib etmək, saxta imzaları təsdiq etmək adi işə, normaya çevrilib. Yəni vətəndaşların hüquqlarını qorumalı olan Daxil Kərimov kimi notaruslar cinayətkar şəbəkə yaradıblar. Təsəvvür edirsiniz, Daxil Kərimov 2 uşaq anasının adına saxta etibarnamə ilə 50 min kredit götürüb bölüşdürərək gənc ailəni evsiz qoyur. Məhkəmədə işə baxan hakim 4-cü dəfə notarius Daxil Kərimovu məhkəməyə dəvət edir ki, izahat versin. Amma Daxil Kərimov hətta məhkəməni sayıb prosesə gəlmir.
Prezidentin köməkçisi Kərəm Həsənovdan istifadə edərək, saxta eytibarnamə ilə vətəndaşın evini banka girov qoyan notarius Daxil Kərimovun qanunsuz əməllərinə dur deyən olacaqmı?
Cumhuriyyet.az
www.AzadMedia.az
SSRİ bayrağı ilə bağlı qalmaqal bu il İmişli rayonunda baş verən və ictimai rezonans doğuran ilk hadisə deyil.
Yanvarın 18-də Dövlət Yol Polisinin avtomobili İmişli şəhəri, Abbasqulu Şadlinski küçəsində yol kənarında dayanan məktəbliləri vurub. Nəticədə 2 uşaq ölüb. Qəzada ağır yaralanan 1 məktəbli Bakıda Yeni Klinikaya yerləşdirilib və yanvarın 22-də vəfat edib.
Hadisədən sonra bir qrup şəxs əraziyə toplanaraq Yol Patrul Xidmətinin avtomobilini aşıraraq əziblər. Həmin şəxslər hüquq pozuntusu törətməyə cəhd göstəriblər. Yol qəzası ilə bağlı xuliqanlıq hərəkətlərinə görə 14 nəfər həbs olunub. Bunlar Bayramlı Bəylər, Babayev Rasif, Cabbarlı Anar, Usublu Vüqar, Səfərov Şamil, İbrahimov Elman, Bağırov Abbas, Məmmədov Taleh, Tağıyev Raqib, Məmmədov Qoşqar, Əliyev Sənan, Əzimov Elxan, Quliyev Ruslan, Rzayev Rahibdir. Onların barəsində 3 ay müddətinə həbs qətimkan tədbiri seçilib.
Saxlanılan şəxslərə Cinayət Məcəlləsinin 221.2.1. (Xuliqanlıq - bir qrup şəxs tərəfindən törədildikdə) maddəsi üzrə ittiham verilib. Hazırda məsələ ilə bağlı araşdırmalar davam etdirilir.
İkinci hadisə isə İmişli Rayon Ağsaqqallar Şurasının sədri Saleh Səmədovun mayın 9-da İmişlinin Sarıxanlı kəndində faşizm üzərində Qələbə Günü münasibətilə təşkil olunan tədbirdə SSRİ bayrağı altında, sinəsində rus imperiyasının rəmzi olan “Georgi lenti” ilə çıxış etməsidir. Onun hərəkəti sosial şəbəkələrdə böyük müzakirə və narazılığa səbəb olub. Məsələyə münasibət bildirənlər S.Səmədovu SSRİ xiffəti çəkməkdə, Rusiyanın imperializm siyasətinin təbliğatını aparmaqda ittiham ediblər. "Georgi lenti" Moskvanın bu siyasətinin əsas simvollarından biri sayılır.
Artıq Azərbaycan Ağsaqqallar Şurasının İdarə Heyəti toplanıb və məsələyə qiymət verib. İdarə Heyəti şuranın adına ləkə gətirən hərəkətlərə yol verdiyinə, Azərbaycan Ağsaqqallar Şurasının Nizamnamə tələblərini kobud şəkildə pozduğuna görə Saleh Səmədovun İmişli Rayon Ağsaqqallar Şurasının sədri vəzifəsindən azad edilməsi, o cümlədən Azərbaycan Ağsaqqallar Şurasının üzvlüyündən çıxarılması barədə qərar qəbul edib.
Qeyd edək ki, hazırda İmişli Rayon İcra Hakimiyyətinin başçısı Elçin Rzayevdir. O, 5 ildir həmin vəzifədə işləyir.
Elçin Rzayev 1967-ci ildə anadan olub. Yasamal Rayon İcra Hakimiyyətinin Ərazi idarəetmə və yerli özünüidaretmə orqanları ilə iş şöbəsinin müdiri vəzifəsində işləyib. 2018-ci ilin fevral ayında Yasamal Rayon İcra Hakimiyyəti başçısının birinci müavini təyin olunub. E.Rzayev əvvəllər Əmlak Məsələləri Dövlət Komitəsində də çalışıb.
2020-ci il may ayının 21-də İmişli Rayon İcra Hakimiyyətinin başçısı vəzifəsinə təyin edilib.//Teleqraf
Həkim Firdovsi İbrahimov hikkəsi və inadkarlığı ilə, müxtəlif əsassız bəhanələr gətirməklə, 2‐ci qrup müharibə əlilinin müayinəsindən imtina edib...
Bu iddia Siyəzən rayonu, M.V. Vidadi küçəsi, ev 45 ünvanında yaşayan Zeynalov Mabəddin Qabil oğlunun Azərbaycan Respublikasının Prezidenti cənab İlham Əliyevə ünvanladığı və surəti Yenixeber.org-a daxil olan müraciətdə yer alır...Həkim Firdovsi İbrahimovun rezidenti bizimlə telefon danışığında səslənən iddiaları cavablandıracaqlarını bildirsə də, olmadı(?)
Aktuallığını nəzərə alıb, müraciəti müəyyən düzəlişlərlə dərc edirik:
"Məlumat üçün yazıb Sizə bildirmək istəyirəm ki, 2‐ci qrup müharibə əlili atam Zeynalov Qabil Mabəddin oğlu yüksək şəkərli diabet xəstəliyi, hipertoniya və ürəyin işemik xəstəliyindən əziyyət çəkdiyi üçün 18 aprel 2025‐ci il tarixdə vəziyyətinin kəskin pisləşməsi ilə əlaqədar olaraq, Siyəzən Rayon Mərkəzi Xəstəxanasına müraciət etmişdir. Həkimlərin baxışından sonra, xəstəyə infarkt diaqnozu qoyulmuş, təcili yardımın köməyi ilə xəstə Bakı şəhəri, Mərkəzi Klinikaya təxliyə edilmişdir. Mərkəzi Klinikada kardiologiya şöbəsinin müdiri, həkim‐kardioloq kimi fəaliyyət göstərən Firdovsi İbrahimov, atam Qabil Zeynalovu müayinə etdikdən sonra, onda ürəy damarının tutulması aşkar edilərək, onun ürəyinin damarına angioplastika yolu ilə STENT qoyulduqdan sonra, təkrarən 26 aprel 2025‐ci il tarixdə növbəti müayinədən geçməsini bildirmişdir. 26 aprel 2025‐ci il tarixdə atam Qabil Zeynalov yaxın ailə üzvlərimizin köməyi ilə birgə Mərkəzi Klinikaya Firdovsi həkimin baxışından keçməsi, təkrarən müayinə edilməsi üçün gətirilsə də, Mərkəzi Klinikada qeydiyyat şöbəsinə yaxınlaşan zaman, oradakı əməkdaşlar qanunsuz olaraq, pul köçürmələrini tələb edərək, əks halda xəstəyə baxmayacaqlarını bildirmişlər. Firdovsi həkimin köməkçiləri də eyni sözləri bildirərək xəstə yaxınlarından pul köçürmələrini tələb etmişdir.
Firdovsi İbrahimov
Nəzərinizə çatdırmaq istəyirəm ki, İcbari Tibbi Sığorta üzrə Dövlət Agentliyi haqqında qanunda göstərilir ki, vətəndaş qeydiyyatda olduğu ərazi üzrə tibbi xidmətlərin göstərilməsi, bu mümkün olmadığı təqdirdə, vətəndaşa tibbi xidmətlərin göstərilməsi üçün aidiyyəti üzrə tibb müəssisəsinə göndəriş verilərək, həkim müayinəsindən keçə bilər. Həkim müalicəsindən sonra vətəndaş təkrarən tam ödənişsiz qaydada 45 (qırx beş) gün ərzində müalicə aldığı həkim tərəfindən müayinə oluna bilər. Burdanda açıq‐aydın görünür ki, Mərkəzi Klinikanın qeydiyyat şöbəsinin əməkdaşları və Firdovsi həkimin köməkçiləri, İcbari Tibbi Sığorta üzrə Dövlət Agentliyi haqqında qanunun bu tələbini kobud şəkildə pozmuşlar. Bununla bağlı xəstənin yaxınları Firdovsi həkimin otağına yaxınlaşaraq xəstənin 2‐ci qrup müharibə əlili olduğunu qeyd etsələr də, əfsuslar olsun ki, Firdovsi həkim və köməkçiləri isə ölkə başçısı Müzəffər Ali Baş Komandan İlham Əliyev tərəfindən müharibə əlillərinin daim diqqət mərkəzində saxlanılması və onların incidilməməsi haqqında tapşırıq və tövsiyyələrinə əməl etməyərək, atam Qabil Zeynalovu sovet dönəmində vuruşduğunu, onu müharibə əlili kimi tanımadıqlarını açıq şəkildə ifadə edərək, müharibə əlilləri arasında ayrı‐seçkiliy salmaqla bu kimi təxribatla da məşquldurlar. Buna dair biz də onların videogörüntüləri və səsyazıları mövcuddur. Lazım gələrsə həmin faktları aidiyyəti üzrə təqdim etməyə hazıram. Onu da bildirmək istəyirəm ki, əlacsız qalmaları səbəbindən Firdovsi həkim və köməkçilərinin dedikləri ilə razılaşmaq məcburiyyətində qalan xəstə yaxınları, xəstənin ixtisaslı müayinə və müalicə olunması üçün Mərkəzi Klinikaya ödənişlər etmişdir. Həmin ödənişlərə dair bizdə qəbzlər də var. Ödənişləri etdikdən sonra, xəstəni kardioloq Firdovsi İbrahimovun qəbuluna keçirən zaman, xəstəxananın mühafizə xidməti yaxınlaşaraq, həkimin xəstəni qəbul etmək istəmədiyini bildirmişdir. Səbəb də o, olmuşdur ki, Firdovsi həkimin dediyinə görə guya ki, biz ondan yuxarı instansiyalara şikayətlər etmişik. Halbu ki, belə şey baş verməmişdir. Azərbaycan Respublikasının mövcud qanunvericiliyinin tələblərinə uyğun olaraq, hər bir vətəndaşın təklif, ərizə və şikayət etmək hüququ vardır. Nə mən, nə də ki, digər ailə üzvlərimizin Firdovsi İbrahimovun barəsində şikayətlər etmədiyini xəstənin yaxınları Firdovsi həkimin diqqətinə çatdırsalarda, bütün bunlara baxmayaraq, həkim Firdovsi İbrahimov hikkəsi və inadkarlığı ilə rəftar edərək, müxtəlif əsassız bəhanələr gətirməklə, 2‐ci qrup müharibə əlili atam Zeynalov Qabil Mabəddin oğlunu ixtisaslı müayinə və müalicə etməkdən, bir sözlə xəstəsindən əsassız və qanunsuz, həmçinin qərəzli olaraq imtina etmişdir. Mən və demək olar ki, əksər ailə üzvlərimiz dərhal bu barədə Azərbaycan Respublikasının Səhiyyə Nazirliyi'nin ‐ 9103, İcbari Tibbi Sığorta üzrə Dövlət Agentliyi ‐ 1542 və Tibbi Ərazi Bölmələrini İdarəetmə Birliyi'nin ‐ 815 qaynar xətlərinə zəng edib məlumat bildirdikdən sonra, İcbari Tibbi Sığorta üzrə Dövlət Agentliyi məsələ ilə bağlı Mərkəzi Klinika'nın müvafiq şəxsləri ilə əlaqə yarıtmağa çalışsada həkimlər danışmaqdan boyun qaçırmışlar. Əlavə olaraq bildirmək istəyirəm ki, mən bundan öncə də qeyd etdiyim məsələ ilə bağlı 26 aprel 2025‐ci il tarixdə, AR‐nın Səhiyyə Nazirliyi'nin ‐ 9103, İcbari Tibbi Sığorta üzrə Dövlət Agentiliyi ‐ 1542 və TƏBİB‐nin ‐ 815 qaynar xətlərinə zəng edib şifahi məlumat bildirməyimlə yanaşı, eyni zamanda müxtəlif dövlət qurumlarına şikayət ərizələri yazaraq, 2‐ci qrup müharibə əlili, atam Zeynalov Qabil Mabəddin oğlunun başına hər hansı bir xoşagəlməz hadisə gələrsə, ilk növbədə tələbimizin Firdovsi İbrahimovdan olacağını bildirmişdim. Lakin, onunla bağlı heç bir tədbir görülmədiyindən, atam Qabil Zeynalov həmin hadisənin səhəri günü yəni 27 aprel 2025‐ci il tarixdə dünyasını dəyişmək məcburiyyətində qaldı. Həmin 26 aprel 2025‐ci il tarixli müraciətimi də indi ki, ərizəmə əlavə edərək Sizə göndərirəm.
Odur ki, yuxarıda qeyd edib göstərdiyim xüsusat və faktların öz nəzarətiniz altında kökündən, tam, hərtərəfli və obyektiv araşdırılaraq, Mərkəzi Klinikada kardiologiya şöbəsinin müdiri kimi fəaliyyət göstərən həkim‐kardioloq Firdovsi İbrahimovun xəstəmizə qarşı etmiş olduğu qanunsuz və cinayət xarakterli hərəkətlərinə obyektiv hüquqi qiymət verilərək, onun barəsində qanunamüvafiq ciddi tədbirlər görməyinizi Sizdən artıq dərəcə də xahiş edirəm.
Hörmətli sayt rəhbəri bu müraciətimin işıqlandırılmasında mənə köməklik göstərəsiniz".
/Yenixeber.org
2 il paytaxtın Nərimanov, 16 il Suraxanı kimi böyük rayonlarının icra başçısı işləmiş və 6 ildir ki, Şirvan şəhər icra hakimiyyətinin başçısı olan İlqar Abbasovun taleyinə gələn həftə tam aydınlıq gətiriləcək. Bu barədə "DİA-AZ"a danışan mötəbər mənbə iddia edir ki, İlqar Abbasova qarşı hazırda konkret ittiham var.
Mənbənin söylədikləri: "Burada məsələ təkcə Abbasovun qohumbazlıq və yaxud da hansısa şəxsi maraq siyasətindən getmir. Əsas ittihamlarda Maliyyə Nazirliyinin və Hesablama Palatasının rəyləri yer alıb ki, bu da vəziyyətin Abbasov üçün kifayət qədər gərgin olmasından xəbər verir".
Mənbə əlavə olaraq bildirib ki, gələn həftə Şirvan rayon icra hakimiyyətinin binasında 'qara maskalılar'ın görünməsi ehtimalı olduqca yüksəkdir.
Azəriqaz İstehsalat birliyinin Region rəisi hazırda Lənkəran RQİİ də rəis işləyən Namiq Məmmədovun Ağsu keçmişi heç də işıqlı olmayıb. 2016-cı ildə Ağsuda işləyərkən yerlərdəki məşğulluq idarələrindən xeyli sayda sosial işçi kimi göndərilən vətəndaşları pul qarşılığında işə qəbulunu həyata keçirdiyi haqqında məlumatlar almışıq.
Redaksiyamıza şikayət edən vətəndaşlar bildirirlər ki, həmin vaxtlar pul ödəməyənə "yer dolub” deyərək imtina göndərirmiş. Əslində isə boş yerlər olduğu halda pulu ödəyəcək şəxs üçün saxlayırmış.
Namiq Məmmədovun Ağsu RQİİ də işlədiyi dövrdə qanunsuz hərəkətləri bununla bitmir. Deyilənə görə Kürdəmirdə qanunsuz küçə xətləri çəkərək rəhbərlikdən gizlin işlər görüb. O bu əməlləri özbaşına törətməyib. İddialara görə bu məsələdə onu müdafiə edən Azəriqaz İB də keçmiş baş direktorun müavini Cahid Hüseynov olub.
Namiq Məmmədov daha sonra Ağsu RQİİ-dən Səlyan RQİİ-ə transfer edilib. Səlyanda çalışarkən Cavid Hüseynovun parniklərinə nəzarət etməyə başlayıb. Görünür, Cavid Hüseynov onu Səlyan RQİİ-ə işləmək üçün deyil, parniklərinə nəzarət etmək üçün "perevod” edib.
Namiq Məmmədov həm də "hacı”-dır. Həm də içki içən hacılardan. Yaxınlarının dediyinə görə Hacı Namiq yaxşı şərab içən adamdı.
Redaksiyamıza gələn məlumata görə İsmayıllı rayonunda Namiq Məmmədovun səhlənkarlığı ucbatından evlərin birində partlayış olub, iddialara görə 40.000 manat verərək ev sahibinin "ağzını yumub”.
Namiq Məmmədov Lənkəran regionda öz kadr sayılan nəzarətin rəisi Nərimanın vasitəsi ilə Lənkəran RQİİ də qanunsuz istismardan çıxarılmış borular satıb, yeni vaxtda 200 nəfər abonentdən sayğac üçün pul yığsalarda işi icra edə bilmirlər, ona görədə oradan qaçmaq istəyirlər, indi isə ümidləri Azəriqaz İB də Cahid Hüseynov və Nail Abdullayevədir.
Oğlu Kamil Məmmədov isə hazırda "Azəriqaz İB”-də metrologiya şöbəsində işləyir. Rayonlara ezam göndərilərək iri həmcli sayğaclara müdaxilə edib külli miqdarda vəsaitlər qazanır əvəzində bunun nəticəsi olaraq qaz istisi yaranır, dövlət əmlakı göyə sovrulur. Bundan əlavə onun Sənan adında yaxın dostu Binəqədi Qaz İdarəsində vətəndaşları aldadaraq sayğac quraşdırma adı altında xeyli vəsaitlər mənimsəyib. Hazırda Namiq Məmmədovun dostunun işi çox qarışıqdı. Onun işindən qovulması müzakirə edilir.
Namiq Bakı departament rəisi Zamin adlı şəxslə münasibəti olmadığından alternativ yollarla Sənan dostunu işdə saxlamaq üçün müxtəlif yollar tapır, vaxtı ilə Namiq köhnə rəhbərliyin vaxtında Zaminin "torbasını tikib” yerinə gəlmək istəyirdi, indi isə o məsələyə görə Zaminlə münasibətləri yoxdur.
Deyilənə görə N. Məmmədovun gəncliyi də ürəkaçan olmayıb. Özü 29 yaşında hərbi xidmətə məcburi aparılıb. Hər iki oğlu isə sağlam olduğu halda hərbi xidmətdən hansısa yolla yayına bilib. Hətta onunla çalışanlar bildirirlər ki, N. Məmmədovun Amerikada yaşayan erməni bacısı var. Özü dəfələrlə yaxın ətrafına bildirib ki, atasının erməni qadından qızı var. Hətta bir neçə dəfə Amerikada yaşayan erməni bacısına dəfələrlə pul göndərdiyini bildirib. Görünür, işlədiyi müddətdə aldığı rüşvətlərin hara getdiyi bəllidir.
Sonda qeyd edək ki, əvvəl bu adamın arxasında "Azəriqaz”ın keçmiş baş direktor müavini Cahid Hüseynov dayanırdı, indi isə yeni baş direktor müavini Nail Abdullayev dayanır.(Busaat.az)
Əlbətdə, bu yazılanlar hər biri şikayətçilərin iddialarıdır.
“Elm və Təhsil Nazirliyi rəhbər heyəti tam şəkildə istefa verməlidir”.
Bu sözləri açıqlamasında təhsil eksperti, sosioloq Elçin Bayramlı bildirib.
Ekspert Elm və Təhsil Nazirliyinin “TikTok” sosial şəbəkəsində müəllimlər üçün müsabiqə keçirməsini qınayıb:
“Bu bir biabırçılıqdır. Çünki Elm və Təhsil Nazirliyi Azərbaycanda təhsili məhv etmək üçün əlindən gələn hər şey edir və artıq buna nail olub. İndi də son addımlarını atır. Müəllimlərin dərsdən başqa hər işlə məşğul olmasını təşkil etmək üçün “TikTok” kimi şəbəkəyə onları dadandırmaq, daha çox maraq yaratmaq və iş-güclərini buraxıb nələrsə çəkib hazırlamaq məsələsini ortaya qoyur. Halbuki, normal elmi müsabiqələr, yazı müsabiqələri keçirmək olardı. Hər hansı başqa bir formada intellektual yarışlar keçirə bilərdilər”.
Ekspert müsabiqənin şərtlərinə də irad bildirib:
“Şərtlərə baxın, 30 saniyə olmalıdır video. 30 saniyəyə nə video ola bilər?! İnsanlara axmaq-axmaq şeyləri öyrətmək nəyə lazımdı?! İkincisi, kriteriyaya diqqət edin: daha yaxşı, savadlı video hazırlayan yox, daha çox baxış toplayan qalib gələcək. Yəni, hər cür “bambılılıq”, şou çıxarın, gecə-gündüz videonu ona-buna göndərin, paylaşın, işinizi-gücünüzü buraxıb “TikTok”la məşğul olun. Ən axmaq material belə çox baxış toplasa, o qalib olacaq. Belə bir rəzalət nəzəri cəhətdən də mümkün deyil. Düşünsəniz, heç şeytanın da ağlına gəlməz. Bu nazirliyin məqsədi, fikri nədir?! Məhv edib bütün təhsili, darmadağın eləyib müəllimlərin başına bir oyun açır, şagirdlərin başına min oyun açır, indi də belə işini-gücünü buraxıb keçib sosial şəbəkədə müəllimlərdən ibarət bir şou yaratmağa. Bu elə bir biabırçılıqdır ki, bizim əlifbada ifadə edəcək söz də yoxdur. Bu biabırçılıqlara son qoyulmalıdır. Bəsdirin, bu təhsil deyil, nə oyundur, nə şoudur çıxarırsınız?!”
“Hələ qoyduqları mükafata baxın. “iPhone 16 Pro”. Dünyanın ən son model, ən bahalı telefonunu qoyurlar uduşa, halbuki müəllim ən son model telefon işlətməməlidir. Sən müəllimə sanatoriyaya bilet, işlərini görmək üçün hər hansı kompüter, hər hansı bir avadanlıq verə bilərsən, amma bahalı telefon yox! Bundan əlavə, bütün müəllimlər – təbii ki, normal müəllimlərdən başqa digərləri başlayacaq şagirdləri məcbur etməyə ki, girin “TikTok”a, bəyənib paylaşın. Qısacası, müəllimlər və şagirdlər işlərini buraxıb orada məşğul olacaqlar. O sosial şəbəkə də murdar, rəzil, pozğun bir yerdir. Yerdə qalan əhalini, yaşlıları ora doldurmaq üçün Elm və Təhsil Nazirliyi var gücü ilə çalışır. Bu biabırçılığın bəraət veriləcək tərəfi yoxdur. Bundan daha biabırçı heç nə yoxdur. Nazirliyin rəhbərləri tam heyətlə istefa verməlidir. Belə nazirliyin olmağındansa, olmamağı daha yaxşı olar”/yenicag.az
“Kür Olimpiya Tədris İdman Mərkəzi” MMC tərəfindən kimyəvi (təmizlik) və təsərrüfat mallarının satınalınması üzrə 11.03.2025-ci ildə başlanılmış kotirovka sorğusuna yekun vurulub və “PROSHINE” Məhdud Məsuliyyətli Cəmiyyəti ilə 19.183,53 manat məbləğində satınalma müqaviləsi bağlanılıb. Məlumat satınalmalarının vahid internet portalında 28.04.2025-ci il tarixdə dərc edilib.
Qeyd edək ki, “Kür Olimpiya Tədris İdman Mərkəzi” tərəfindən nəzərdə tutulmuş mallların alınmasına dair keçirilmiş kotirovka sorğusunda ehtimal olunan qiyməti 36.000,00 manat müəyyən edilmişdir. Dövlət satınalmalarının vahid internet portalına yerləşdirilmiş bu məlumatlardan görsəndiyi kimi satınalan təşkilat olaraq “Kür Olimpiya Tədris İdman Mərkəzi”nin müəyyən etdiyi ehtimal qiyməti ilə təchizatçı şirkətin təklif edərək qalib olduğu qiymətlər arasında kəskin fərq var.
Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.
Amma göründüyü kimi “Kür Olimpiya Tədris İdman Mərkəzi” kotirovka sorğusu müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş “PROSHINE” MMC ilə satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.
Kommersiya qurumunun hüquqi şəxslərin dövlət reyestrinə daxil edilmiş məlumatlarında “PROSHINE” (VÖEN: 1405012131) Məhdud Məsuliyyətli Cəmiyyətinin 13.01.2020-ci il tarixdə Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, ƏLİMƏRDAN BƏY TOPÇUBAŞOV, ev DALAN 2, m. 3, qanuni təmsilçisi kimi isə Rzabəyov Nadir Ağababa oğlu qeyd olunub.
Qeyd edək ki, MMC yarandığı gündən qısa bir zamanda tender bazarında məşhurlaşıb. Belə ki, bir çox dövlət qurumları tərəfindən keçirilmiş onlarla satınalmanın qalibi olub. Dövlət qurumlarını əsasasən yuyucu vasitələr və təsərrüfat mallarla, dezinfeksiya maddələri və qoruyucu vasitələrlə təmin edib. Bununla belə MMC-nin adı bir çox şübhəli satınalmalarda da hallanır.
Elə “Kür Olimpiya Tədris İdman Mərkəzi” ilə “PROSHINE” MMC arasında bağlanmış satınalma müqaviləsi də həmin şübhəli satınalmalardan biridir. Belə ki, satın alınan malların qiymətinin Qanunun tələb etdiyi ehtimal olunan qiymətlə müqayisədə 20 faizdən dəfələrlə aşağı olması keçirilmiş kotirovka prosedurunda saxtakarlıq hallarına yol yerildiyinə əsaslı şübhələr yaradır. Bu da öz növbəsində satın alınacaq malların keyfiyyət göstəricilərinin aşağı olma ehtimalını artırır.
Qeyd edək ki, Gənclər və İdman Nazirliyinin balansında olan “Kür” Olimpiya Tədris-İdman Mərkəzi hələ keçmiş SSRİ dövründə avarçəkmə bazası kimi tanınıb. Müstəqilliyimizin ilk illərində baza baxımsız vəziyyətə düşüb. Prezident İlham Əliyev 2004-cü ildə Mingəçevirə səfəri zamanı bazada olaraq onun ən müasir şəkildə yenidən qurulması ilə bağlı tapşırıqlarını verib. Bazanın layihə-smeta sənədləri hazırlandıqdan sonra 2007-ci ildə tikinti işlərinə başlanılıb və 2010-cu ilin oktyabr ayında yekunlaşıb. Yenidənqurma işlərindən sonra açılış mərasimində Prezident İlham Əliyev də iştirak edib.
Əsaslı təmirdən sonra 2010-cu ildən fəaliyyət göstərir. Bu, hazırda Mərkəzi Avropada, o cümlədən MDB məkanında bənzəri olmayan avarçəkmə bazasıdır. Layihəyə əsasən, ümumi sahəsi 9,2 hektar olan kompleksdə inzibati bina, 7 zolaqlı üzgüçülük hovuzu, gəmini xatırladan altımərtəbəli, 250 yerlik dördulduzlu mehmanxana var. Bunlardan ikisi ölçüləri 104 kvadratmetr və 92 kvadratmetr olan lüks otaqlardır. Eyni zamanda mərkazdə bir ədəd 2 mərtəbəli kotec var ki, bunun da 1-ci mərtəbəsində 2, 2-ci mərtəbəsində isə 4 otaq var. Bunlardan əlavə kompleksdə 100 nəfərlik yeməkxana, tennis kortu da mövcuddur.
Satınalmaların portalı üzərindən apardığımız araşdırmada məlum oldu ki, “Kür” Olimpiya Tədris-İdman Mərkəzi son illər dövlət satınalmaları ilə bağlı heç bir məlumat yerləşdirməyib. Belə ki, Mərkəz ən son 2022-ci ildə “PROSHINE” MMC -dən 8.897,2 manat dəyərində təmizlik üçün kimyəvi və təsərrüfat malları alıb. 28.04.2025-ci ildə isə “GÜNTEKS” MMC ilə mehmanxana otaqları üçün hamam ləvazimatlarının alınması üçün 18.172 manat məbləğində müqavilə bağlayıb.
Burada bir çox məsələlər qaranlıq qalır. Belə ki, “Kür” Olimpiya Tədris-İdman Mərkəzi 2023-2024-cü illərdə zəruri olan malların və xidmətlərin satın alınması ilə dövlət portalında heç bir məlumat yoxdu. Bu isə İdman Mərkəzində satınalmaların qanun çərçivəsində təşkil olunmadığına, saxtakarlıq hallarının yol verildiyini deməyə ciddi əsaslar yaradır. Burada bu kimi qanunsuzluqlara kimlərin rəvac verdiyi bəlli deyil. Çünki İdman Mərkəzinin rəsmiləri məqalədə göstərilən faktlara aydınlıq gətirilməsi məqsədi ilə ünvanladığımız sorğu məktubuna belə cavab vermədilər.
Qeyd edə ki, “Kür” Olimpiya Tədris-İdman Mərkəzinin direktoru Ceyhun Mirzəyevdir. O, bu vəzifəyə 2022-ci ilin may ayında təyin olunub. Daha əvvəl isə Ceyhun Mirzəyev Respublika Velotrekinin direktoru olub.
Aktualinfo.org
Azərbaycanda təhsil sahəsinə milyonlarla vəsait ayrılsa da, bu pullar təəssüf ki, lazımı yerlərə və aidiyyatı üzrə xərclənmir. Təbii ki, vəziyyətin bu cür acınacaqlı olmasında birbaşa təhsil sisteminə rəhbərlik edən şəxslər məsuliyyət daşıyır. Təhsil sisteemində rüşvət və anarxiyanın tüğyan etməsi ilə bağlı dəfələrlə tutarlı faktlarla məlumatlar paylaşmışıq. Lakin təəssüflər olsun ki, heç bir nəticə hasil olmayıb.
Paytaxt.org bildirir ki, saytın elektron ünvanına daxil olan məlumatlar sözün əsl mənasında tükürpədici faktlarla doludur.
Belə ki, Sabirabad rayonu Əhmədabad kənd 9 illik ümumi orta məktəbdə baş verənlər nə təhsilimizə, nə də şərəfli peşə sahibləri olan müəllimlərin adına yaraşmır.
Belə ki, təhsil ocağında illərdir bitməyən problemlər hökm sürməkdədir. Məktəb 9 illik olmasına baxmayaraq, bu təhsil ocağında 8-9 cu sinifl şagirdləri demək olar ki, dərsə gəlmirlər.
Ancaq bu, aysberqin sadəcə görünən tərəfləridir. Məktəbdə dərs deyən bəzi müəllimlərin, eləcə də texniki işçilərin dosyesinə nəzər saldıqda, adamın tükləri biz-biz olur. Belə ki, məktəbdə ingilis dilini tədris edən müəllimin ali təhsili olmamasına rəğmən belə vacib bir fəndən dərs keçməsi şok yaradır. Axı ali təhsili olmayan, ingilis dilini bilməyən bir şəxs bu fənni şagirdlərə necə tədris edə bilər? Görünür, Əhmədabad kənd məktəbində hər şey mümkündür.
Bundan başqa, məktəbdə sertifikasiya imtahanından keçə bilməyən müəllimlərin sayı da az deyil. Elə ingilis dili müəllimi də onlardan biridir. Bu azmış kimi həmin müəllimə qonşu kənddəki məktəbdə də eyni fənni tədris edir.
Digər müəllimlərdən birinin isə ümumiyyətlə diplomu olmadığı halda Uşaq Birliyinin rəhbəri vəzifəsində çalışır. Ancaq bütün bu sadalanan faktlar indi yazacağımız reallıqların yanında zəif görünür. Belə ki, Əhmədabad kənd orta məktəbində bir neçə müəllim var ki, onlar haqqında cinayət işi açılıb və hətta mühakimə olunublar.
Məsələn, Muradov Nurəddin Musa oğlu əvvəllər qanunsuz olaraq narkotik maddələrin satışı ilə məşğul olduğu üçün Cinayət Məcəlləsinin 234-cü maddəsi ilə 8 il cəza alıb. Ancaq buna baxmayaraq hazırda adıçəkilən məktəbdə labarant vəzifəsində işləyir.
ŞOK FAKTLAR: Azərbaycanın bu təhsil ocağı məktəbdən daha çox kriminal obyektə bənzəyir - VİDEO/FOTO
Digəri texniki işçi Mayıl Ələzov isə Cinayət Məcəlləsinin 127 ci maddəsi ilə ittiham edilib. Hazırda üzərində bu maddə ilə cinayət işi var. Eyni zamanda daha 2 qadın müəllimənin ayağında elektron qandal olduğu haqda məlumatlar redaksiyamıza daxil olub.
ŞOK FAKTLAR: Azərbaycanın bu təhsil ocağı məktəbdən daha çox kriminal obyektə bənzəyir - VİDEO/FOTO
Beləliklə, məktəb təhsil ocağından daha çox kriminal obyektə bənzəyir. Bütün bu hadisələrdən məktəbin direktoru Şahzadə Şahzəddinov xəbərdar olsa da, məsələni ört-basdır etməyə çalışır. İşin üstü açılanda isə bütün günahları keçmiş direktorun üzərinə atmaqla vəziyyətdən çıxmağa çalışır. Hətta bu azmış kimi direktor günahları Mil-Muğan Regional təhsil idarəsinin üzərinə atmaqdan belə çəkinmir. Ümid edirik ki, sadalanan bu iddialar və faktlarla bağlı aidiyyatı qurumlar tədbir görəcəklər və bir təhsil ocağı kriminal obyekt olmaqdan xilas ediləcək.
/Paytaxt.org
Bakının Binəqədi rayonunda yerləşən 151 saylı uşaq bağçasında körpələrə vaxtı keçmiş məhsulların verilməsi ilə bağlı sosial şəbəkələrdə görüntülər yayılıb.
Bakupost.az xəbər verir ki, İddialara görə, uşaqlara təqdim olunan yumurtaların istifadə müddəti keçib, toyuq əti isə normadan qat-qat aşağı təqdim olunur.
Azərbaycan Qida Təhlükəsizliyi Agentliyi (AQTA) məsələni nəzarətə götürüb və qanunvericiliyə uyğun araşdırma aparılacaq.
Bakı Şəhəri üzrə Təhsil İdarəsindən (BŞTİ) isə bildirilib ki, məktəbəqədər təhsil müəssisələrində qidalanma normaları Nazirlər Kabinetinin müvafiq qərarına əsasən tənzimlənir və 151 saylı bağçada da müvafiq araşdırmalar aparılıb, çatışmazlıqlar aşkarlanmayıb.
Ətraflı ATV-nin süjetində: