 |
|
|
Bakı Ağır Cinayətlər Məhkəməsinin hakimi Elnur Rzayev "Sahil - S İnşaat" şirkətinin rəhbərinin şəriki, dələduzluq ittihamı ilə həbs edilmiş Pənah Kərimovu ev dustaqlığına buraxıb. Anaxeber.info-ya məlumat verən zərər çəkənlərin sözlərinə görə, 2 ildir davam edən məhkəmə prosesinə sədrlik hakim Əli Məmmədovda idi. Onun prosesə sədrlik etdiyi dövrdə təqsirləndirilən şəxs barəsində heç zaman belə qərar çıxarılmayıb. İş hakim
Elnur Rzayevə verildikdən sonra məhkəmənin ilk günü məlum qərarı çıxarıb. Zərər çəkənlər Prezident İlham Əliyevə və Ali Məhkəmənin sədri İnam Kərimova, həmçinin, Baş Prokurorluq yanında Korrupsiya ilə Baş Mübarizə İdarəsinə müraciət edərək hakim Elnur Rzayevin sədrliyi ilə keçirilən prosesdə qərardan narazılıq bildiriblər. Onlar dələduzluq əməlləri sübuta yetirilmiş Pənah Kərimovun ev dustaqlığına buraxılmasını hakim Elnur Rzayevin qanunsuz qərarı hesab ediblər. Müraciətdə vurğulanıb ki, şirkətin sahibi Taley Alaverdiyevdir, 2018-ci ildə Yeni Günəşli ərazisində binanın tikintisinə başlanıb. Pənah Kərimov isə şərik kimi 2021-ci ildə, yəni üç il sonra bu işlərə qoşulub. Sakinlərin bildirdiyinə görə, elə Pənah Kərimovun binanın işlərinə girişməsindən sonra bir mənzilin bir neçə şəxsə satılması halları olub. Buna qədər heç bir dələduzluq, fırıldaq əməli yox idi. İndisə belə bir şəxsin ev dustaqlığına buraxılması yolverilməz haldır. Zərər çəkənlər arasında məhkəmə prosesində iştirak edənlər olub. Onlar Pənah Kərimovun ev dustaqlığına buraxılmasına etiraz ediblər. Bununla belə, hakim Elnur Rzayev öz bildiyini edib və onu ev dustaqlığına buraxıb.
Prezidentə və Ali Məhkəmə sədrinə üz tutan zərər çəkənlər deyiblər ki, Pənah Kərimovun dələduzluq əməlləri prokurorluğun apardığı istintaqla sübut edilib, 165 ailənin zərər çəkdiyi isbat olunub, məhkəmənin qərarı ilə həm Taley Alaverdiyev, həm Pənah Kərimov barəsində həbs qətiimkan tədbiri seçilib. Bu müddətdə istintaq aparılıb, sonra hakim Əli Məmmədovun sədrliyi ilə məhkəmə istintaqı aparılıb, lakin hökm oxunmayıb. Amma elə ki iş hakim Elnur Rzayevə verilib, ilk gündən Pənah Kərimov azad edilib. Müraciətdə deyilir: "Cənab Prezident və möhtərəm Ali Məhkəmə sədri, Bakı Ağır Cinayətlər Məhkəməsinin hakimi Elnur Rzayev özbaşınalıq edib. Hakim dələduzluqda ittiham olunan şəxsi özünün ilk məhkəməsində necə azad edə bilər? Hansı məhkəmə-hüquq sistemində görünüb ki, təqsirləndirilən şəxs barəsində belə tezliklə ev dustaqlığı qərarı verilsin? Ən azı bir neçə proses olmalıdır, zərər çəkənlər dindirilməlidir. Bu fakt Azərbaycan məhkəmələrinin və hakimlərinin nə vəziyyətdə olduğunu, hansı sifarişlər yerinə yetirdiyini, rüşvətə bulaşdığını, ölkənin məhkəmə sistemini gözdən saldığını, Elnur Rzayev kimi hakimlərin dələduzları, fırıldaqçıları, bir mənzili bir neçə adama satanları müdafiə etdiyini göstərməkdədir. Bu qərar böyük təəssüf doğurur ki, hakim dələduzu qoruyur. Bizim üçün maraqlıdır, hakim Elnur Rzayev hansı maraq qarşılığında bu qərarı verib? Hər halda, biz sadəlövh deyilik ki, hakimin işə obyektiv yanaşdığına inanaq. Pənah Kərimov hakim Elnur Rzayevin qohumu-dostu da deyil ki, ona ürəyi yansın. Deməli, burada maddi maraq güdülüb. Biz şübhələnirik ki, Bakı Ağır Cinayətlər Məhkəməsinin və bütövlükdə Azərbaycan məhkəmə sisteminin adına ləkə gətirən hakim Elnur Rzayevin dələduz Pənah Kərimovla sövdələşməsi olub, pul marağından irəli gələrək onu ev dustaqlığına buraxıb".
Müraciətdə Baş Prokurorluğun hakimin qərarından protest verilməsi istənilib və işə Ali Məhkəmə sədri İnam Kərimovun da qarışması xahiş edilib: "Biz dövlətimizə inanırıq. Əminik ki, Elnur Rzayev adlı hakimin dələduzu, 165 ailənin başına oyun açan bir cinayətkarı müdafiə etməsinə aidiyyatı orqanlar tərəfindən reaksiya veriləcək. Biz dövlət başçımızın da məsələ ilə bağlı tapşırıq verəcəyinə güvənirik. Bilirik ki, ölkəmizin başına gələn bu faciəvi hadisə, təyyarəmizin vurulması ilə bağlı cənab prezidentin başı qarışıqdır, amma biz zərər çəkən insanlara qarşı hakimin etdiyi bu hərəkətlə bağlı müraciətimizə baxılacağını, Prezident Administrasiyasından mövqe bildiriləcəyini gözləyirik. Ona görə prokurorluğun protesti əsasında Pənah Kərimovun yenidən həbsə göndəriləcəyini, məhkəmə istintaqında zərər çəkənlərin də iştirakı ilə ona hökm oxunacağını gözləyirik. Biz 165 ailəni aldatmış, cinayətə yol vermiş hər iki şəxs - Taley Alaverdiyev və Pənah Kərimov cəzalarını almalıdırlar. Bunun üçün dövlət orqanlarından kömək gözləyirik". Sonda zərər çəkənlər anons ediblər ki, bayram tətilindən sonra hakimin bu qərarına görə PA və Məhkəmə-Hüquq Şurası önünə toplaşaraq etirazlarını bildirəcəklər.
Anaxeber.info
Azərbaycanda xaricə qeyri-neft məhsulu ixrac edənlərin yeni siyahısı açıqlanıb.
İqtisadi İslahatların Təhlili və Kommunikasiyası Mərkəzindən verilən məlumata görə, bu ilin yavnar-noyabr aylarında Azərbaycanın xaricə qeyri-neft ixracı 3,1 milyard manat olub kİ, bu da ötən ilin eyni dövrü ilə müqayisədə 1,9% artıqdır.
Bu dövrdə ölkədən ən çox qeyri-neft məhsulu ixrac edən 10 özəl şirkət və sahibkarların siyahısına yeni sahibkar qoşulub.
Bu Süleymanova Göhər Süleyman qızıdır, o ilk 11 ayda xaricə 50,6 milyon dollarlıq məhsul ixrac edib. Maraqlıdır ki, xanım sahibkar iri ixracla bu ildən məşğul olmağa başlayıb, ötən il onun adı ilk 10-luqda deyildi.
Siyahıya isə 90,7 milyon dollarlıq ixracla «MKT İstehsalat və Kommersiya» şirkəti başçılıq edir. Ötən illə müqayisədə şirkətin ixrac 4 milyon manata yaxın artıb.
2-ci yeri yükdaşımaları ilə məşğul olan «Silk Vey Vest» aviaşirkəti yüksəlib. Sözügedən şirkət 11 ayda 75 milyon dollarlıq mal və xidmət ixrac edib. Ötən illə müqayisədə şirkətin xarici sifarişçilərə göstərdiyi xidmətlər 110 dəfə artıb. Ötən il cəmi 700 min manat olmuşdu.
«Baku Steel Company»nin ixracı 57 milyon dollar, «Tabaterra»nın ixracı 30 milyon dollar, «Atena» şirkətinin ixracı 26 milyon dollar təşkil edib.
Xatirə Quliyeva
1(009)-190/2024 saylı İş üzrə Xüsusi ittihamçı
Fəlsəfə elmləri doktoru
Əziz oxucum,
Mən Sizə “kos-koca” 2 İL boyunca SƏBAİL RAYON MƏHKƏMƏSİNDƏ baş verən bezobraziyalar haqqında çox danışmışam.
İlin son günləridir, Hesabat kimi yada salıram. Belə ki, mən, bəndeyi həqiriniz Bakı şəhəri, Səbail rayon Məhkəməsinin hakimi Azər Tağıyevin 01.12.2023-cü il tarixdə Azərbaycan Dövlətinə və Xalqına qarşı həm də nəinki ölkədə, - ermənilər qarışıq minlərlə üzvü olan Facebook sosial şəbəkəsində, hətta mənfur erməni media resurslarında alçaldıcı çıxışlar edən, Albaniyanın, Midiyanın Azərbaycana aid olmadığını, ermənilərin yox, Azərbaycanlıların bu torpaqlara gəldiyini, Azərbaycanlıların Monqol köçəriləri olduğunu, Türklər hara gedirlər, hər şeyi zəbt edirlər, Türlər qırılmalıdır”, İslamın Türklərin dini olmadığını, Türklərin filosofu olmadığını, Türklərin igidlərinin də “oğ - ş” olduğunu, “oğ -ş” sözü ancaq Azərbaycanda olduğunu,ona görə Azərbaycanlıların “oğ - şlıqda” çempion olduqlarını, Quba xanlarının Azərbaycanlı olmadığını, Üzeyir Hacıbəyovun Azərbaycanlı olmadığını, Azərbaycanlıların kürdləri və s. etnikləri assimlyasiya etdiyini, Lütfi-Zadənin yəhudi olduğunu və s. və i. a 100-lərlə Əleyhimizə zidd fikri YAZAN, EFİRDƏ DEYƏN, “Azərbaycanlılar ancaq əzilməlidir”, Azərbaycan partlayacaq”, “Azərbaycanda heç vaxt islahat olmayacaq”, erməni mətbuatında “Azərbaycan qadınları doğmayın, Nə vaxt dövlət əmr edər “cütləşərsiz”, “balalayarsız”,“müharibə deyəndə heç təsəvvür edirsiz qarşınızda hansı dövlətdir?!”, “kimsiz Azərbaycanlılar. qorxun ermənilər yenə yıxarlar Sizi asvalta” və çox-çox sayda dövlətimiz və xalqımızın əleyhinə (cahanplus.com saytında 10-dan çox tutarlı fatlarla məqalə var) çıxışları olan (erməni olduğunu deyə bilmərəm), erməni şüurlu olduğunu sübut etdiyim Aydın Əli-Zadənin onun vətən xaini, cəsus simasını ifşa etdiyimə görə barəmdə verdiyi Xüsusi İttiham Qaydasında Şikayət ərizəsini cavabdeh olaraq qeydiyyat Ünvanım Nizami rayonuna, müvəqqəti faktiki ünvanım Sabunçu rayonuna olduğu halda qəbul edib, hələ bir 7 dekabrda şikayəti mənə göndərmədən, elektron portala yükləmədən, 2-ci hazırlıq iclasına ittihamçıya verdiyi Bildişdən mənə göndərməyən, bunu 3 media yazımla tənqid etdikdən sonra “məni tanımırsan” və s. təhdidlərdən də açıq anlaşılan məcbur olub Nizami rayon məhkəməsinə göndərən, sonra mən Aydın Əli-Zadənin ağır təhqir və böhtanlarına dözməyib ondan eynilə Xüsusi ittiham Qaydasında Şikayət verdikdə icraatına aldığı, eyni zamanda özünə Etiraz vermədiyi qalsın, işə birtərəfli, “nəyə görəsə” tərəfində olduğu bu şəxsi müdafiə xarakterində baxdığı hazırlıq iclasından mən həm halım pisləşdiyi, həm ona Etiraz verdiyim, əsassız yerə qəbul etmədiyi, həm də Ərizə verən – İttihamçı olaraq Ərizəmə baxılmasından imtina edib getmək istədikdə məni iri gövdəsi ilə ( qapı ilə polis punktu arasında 1 metrə belə məsafə yox idi və mən bir addım geri – zala çəkilməsəydim bədənlərimiz 1-1-nə yapışacaqdı!..) zala qaytaran, təsadüf ya zərurət(!) telefonumdan oxunanda SULAR dayanan, Peyğəmbərimizin, dayanmağı buyurduğu günorta – zöhr Azanı səslənəndə saya salmadan Əli-Zadənin xeyrnə, qanunları taptalayan Qərarını oxuyan, bunlara əlavə A.Əli-Zadə keçən ilin may ayında mən Apellyasiya məhkəməsi mənim xeyrimə Qərar qəbul edəndən dərhal sonra 2 dəfə tam formal olaraq məndən Xüsusi İttiham Qaydasında 2-ci və 3-cü Şiyasətini verdikdə və bu məqsədli Şikyətlərin hər ikisinə baxan hakim Ülviyyə Şükürovanın birinci iş üzrə hazırlıq iclasında içəri girib hakimin qaşısında dayanıb ona pıçıltı ilə nə isə deyən, mən irad bildirdikdə keçib İTTİHAMÇI stolu arxasında oturan, sonra dodaqaltı məni “söyüb” gedən hakim Azər Tağıyev “şoularından”, mən Aydın Əli-Zadənin əvəz çıxmaq niyyətli və qərəzli məni dayanmadan təhqirlərindən, böhtanlarından ikinci dəfə Xüsusi İttiham Qaydasında ikinci Şikayətimi verdikdə hakim Şəhla Süleymanovanın “ikiüzlü” qərar çıxarmasından – işə baxmamasından, zalda ayrı Qərar elan edib, e.mehkeme portalına başqa Yekun nəticə yerləşdirməsindən və s. və i.a Səbail rayon Məhkəməsinin qanunsuzluqlar dənizindən, okeanından çox-çox yazmışam. BU GENİŞ SADALADIQLARIM MƏNİM HƏQİQƏT TRİBUNAM CAHANPLUS.COM SAYTINDA (https://cahanplus.com/tehsil/5459-azerbaycan-ve-tacikistan-arasinda-tehsil-kvotasinin-sayi-artirilacaq.html) ONLARLA MƏQALƏDƏ ƏKSİNİ TAPIB.
Əziz oxucum!
Mən Dövlətimin heç bir məhkəməsi, hakim kütləsi haqqında əsassız bir cümlə yazmamışam, bu yazım da dəqiq fakta söykənir.
Bayram qabağı heç çox da dərinə getməyib diqqətə AR Ədliyyə nazirliyinin E.Mehkeme portalından Səbail rayon Məhkəməsinin hakimi Ülviyyə Şükürovanın YEKUN NƏTİCƏSİNİ ƏKS ETDİRƏN FOTONU təqdim etməklə bu məhkəmədə vətənimizin milli təhlükəsizliyinə düşmən olan Aydın Əli-Zadəyə tərəf və əsas məsələ qanunlarımızı taptalayan, şikayətçini savadsız qələbə verən, məhkəmə nüfuzunu əzən bir növbəti SAXTAKARLIQ NÜMUNƏSİ - MƏHKƏMƏ QƏRARINDAN QISACA BƏHS EDƏCƏYƏM.
Belə ki, hər bir Şikayətçi və ya Məhkəməyə Müraciət edən Ərizəsini İMZALAMALI, ŞİKAYƏT ETDİYİ ŞƏXSİN İNHİSALLARINI DÜZGÜN GÖSTƏRMƏLİDİR.
Bu qanun - maddəsiz hər kəsə aydın məsələdir. AR CPM-nin 293.3.1. və 293.3.7 maddələri də bu məsələni ehtiva edir. Deməli, əgər Ərizə verən və ya göndərən, müasir dövrdə elektron yükləyən şəxs AR CPM-nin 293.3.1. və 293.3.7 maddələrinə əməl etməlidir. Əks halda onun Ərizəsi hakim tərəfindən Qərar çıxarılmaqla geri qaytarılır.
Bu hal mənim başıma elə ilk öncə Səbail rayon məhkəməsinə indi Ülviyyə Şükürovanın icratında olan Ərizəmi verdikdə hakim Şəhla Süleymanova geri qaytardı ki, İmza qoyulmayıb. Mən də Ərizəmi imzalayıb Nərimanov rayonunda Heydər Əliyev prospektindəki Poçtla məhkəməyə göndərdim. Doğrudur mən e.mehkeme portalı ilə göndərmişdim. Amma hakim Qərar çıxartdı və həm portala yerləşdirdi, həm evimə göndərdi. Mən də İmzalayıb poçtla göndərdim.
Elə qəribəi də budur ki, mən Ərizəmi imzalayıb məhkəməyə göndərdim. Hakim 4 aprel 2024-cü il tarixinə birinci hazırlıq iclası təyin etdi. Deməli İMZA problemi həll olundu. Eyni zamanda əgər mənim ərizəmdə şikayət etdiyim adamın inhisalları düzgün yazılmasaydı hakim Süleymanova bunu da yazardı, düzəldərdim...
Beləcə 4 apreldə hazırlıq iclası oldu. Vəkil İŞLƏ TANIŞ OLMAQ ÜÇÜN vaxt istədi. Hakim qəbul etdi və müxtəsəri növbəti hazırlıq iclası 22 aprelə təyin olundu. Həmin gün də “ikiüzlü Qərar” meydana çıxdı.
Mən bu “ikiüzlü Qərar”-dan Apellyasiya şikayəti verdim və 29 mayda Apellyasiya məhkəməsi mənim Şikayətimi təmin, Şəhla Süleymanovanın qərarını ləğv etdi. Bu öz yerində!
AHA! Əgər vəziyyət hakim Ülviyyə Şükürovanın 25 dekabr 2024-cü il tarixdə keçirmiş olduğu səviyyəsiz, səriştəsiz hazırlıq iclasının YEKUN NƏTİCƏSİNDƏKİ KİMİ AR CPM-nin 293.3.1. və 293.3.7 maddələri XARİCİNDƏ OLSAYDI, yəni mənim Ərizəm imzalanmamış olsaydı, o zaman mənim ərizəmi Apellyasiya məhkəməsi qəbul edib baxmazdı! Deməli, YALANDIR, SAXTAKARLIQDIR hakim Ülviyyə Şükürovanın 25 dekabr 2024-cü il tarixdə keçirdiyi hazırlıq iclasının YEKUN NƏTİCƏSİ!!!
Yeri gəlmişkən mən Apellyasiya məhkəməsinin xeyrimə olan 29.05.2024 tarixli Qərarında yalnız bir məsələdən - hakimləri işdə olan DİN Xüsusi İdarəsinin məktubuna bganə olub işə Səbail rayon məhkəməsində baxılmasının məqbul sayılmasından narazı qalıb Ali məhkəməyə kassasiya şikayəti verdim.
29 oktyabrda Ali məhkəmədə iclasa sədrlik edən hakim Şahin Yusifovun birinci sözü bu oldu ki, Apellyasiya Sizin xeyrinizə qərar qəbul edib, Ərizənizi geri götürün, mən əsaslandıracağam. Bu vaxt hakimin sağ tərəfdə oturmuş adını bilmədiyim hakim duzsuz bir replika da atdı ki, xeyrinizə olub, Şahin müəllimi görməyə gəlmisiz. Mən bu “dəyərli” Ali məhkəmə hakimimizə məhkəməyə ciddi arqumentlə şikayətimə baxılması üçün gəldiyimi bildirdim. Bu ayrı məsələ. Əsas odur ki, əgər mən Ərizəmi imzalamasaydım, Ali məhkəmə qəbul edib işə baxmazdı və Apellyasiya məhkəməsinin Qərarını qüvvədə saxlayıb İşə yenidən baxmaq üçün I İnstansiya məhkəməsi - Səbail rayon məhkəməsinə göndərməzdi!
Deməli, bu fakt da təsdiqləyir ki, hakim Ülviyyə Şükürovanın YEKUN MƏHKƏMƏ AKTINDA NƏTİCƏ HİSSƏ YALANDIR!!!
Bundan da başqa əgər Ərizəmdə İmzam yox idi, Şikayət olunanın inhisalları yoxdu Ülviyyə Şükürova hansı əsasla İclası açıb, dinləmələr aparıb, vəkil çağırıb... İclasda Vəkili təqdim edib. Doğrudur savadı ilə əlaqədar o vəkilə hətta 1 dəqiqəlik Söz vermədi. Versəydi vəkil İşlə tanışlıq üçün vaxt istəyərdi.
Göründüyü kimi Ülviyyə Şükürova qeyri-peşəkarlıqla, savadsızlıqla olsa da İclas keçirib. Ortada isə budur SAXTA bir Yekun Məhkəmə Aktı vardır. CPM-nin 293.1. və 293.3.7 maddələri nə görə İş icraata alınmayıb. Buyurun baxın!
Ülviyyə Şükürovanın PEŞƏKAR SAXTAKARLIĞI haqqında iki ciddi arqument ondan ibarətdit ki, 1. e.mehkeme portalında İŞİN TARİXCƏSİ HİSSƏSİNDƏ Şəhla Süleymanovanın işə baxması, İKİÜZLÜ YEKUN MƏHKƏMƏ AKTI QARIŞIQ HƏR ŞEY YOXA ÇIXIB!
İKİNCİSİ: Ülviyyə Şükürova özünü İclas prosesində İŞDƏN tamamilə xəbərsiz göstərirdi. Mən ona 2 yüksək məhkəmənin 6 hakiminin mənim Xüssusi İttiham Şikayətimdə müddəalarla haqlı olduğu əsaslandıran Qərar qəbul etdiyini bildirdikd, məni saymırdı. Qarşı tərəfə müsbət münasibətini mənim üstümə qışqırmaqla da təsdiqlədi. O, bütün imkanları ilə mənim guya yeni şikayət verdiyimi ispatlamağa çalışırdı. Hətta bu İşin mahiyyəti üzrə Aydın Əli-Zadənin 2 şikayətinə baxdığını da və deməli məsələdən istər-istəməz hali olduğunu süni dekorativ bəzəkli ibarələrlə gizlədirdi. Başqa çox-çox ciddi məsələlər var.
Məsələn, o Aydın Əli-Zadənin 2 şikayətinə ümumiyyətlə baxmamalı idi. Çünki mənim – cavabdehin ünvanı Nizami rayonu idi. Necəki, hakim Azər Tağıyev Nizami rayonunna (məcbur olub) göndərmişdi, o da göndərməli idi!. Niyə göndərmədi?! Asarlar məni rüşvət aldığı üçün desəm! Tapşırığa görə!.. Bunu da demək olmaz! Hakimlər ətəklərində namaz qılınası adamlardırlar axı! Əlbəttə ki, buna nəinki ölkəmizdə heç Avropa qədər uzaqlarda inanmırlar və buna görə də Stop!
Bundan başqa Ülviyyə Şükürovanın mənimlə 10 il bundan qabaqdan bu günə, bu saata,v bu dəqiqəyə kimi əsl düşmənçiliyi var! Mən yaşlıyam, 2-ci qrup əliləm. Ciddi elmi tədqiqatlarla məşəğulam! Bu əsaslarla mən onu tanımaya bilərəm. O isə məni mütləq tanıyır. Məhz bu baxımdan onun mənim Şikayətimə baxmağa hüququ yoxdur!
Digər tərəfdən, Şəhla Süleymanova bu Şikayətimə baxdıqdan sonra mən Apellyasiya şikayəti verdim. Elman Rəhimovun sədrliyi ilə olan hakimlər heyəti Şəhla Süleymanovanın ikiüzlü qərarını ləğv edən, mənim xeyrimə Qərar çıxardıb, yenidən baxılması üçün Səbail rayon məhkəməsinə göndərdilər. Indi bu Qərar da e.mehkeme portalında yoxa çıxıb!!! Əsas məsələ Apellyasiya məhkəməsi Qərarı Səbail rayon məhkəməsinə göndərdikdə İŞ Şəhla Süleymanovanın İcraatına verildi. Mən Kassasiya Şikayəti verdiyim üçün və Şəhla Süleymanovanın bu işə təkrar baxmasının qaqnuna zidd olduğuna görə Etiraz yazdım. İŞ (bu qədər maralı idilər!) Kassasiya Şikayəti verməyim saya salılmadan Ülviyyə Şükürovaya verildi. Mən Kassasiya Şikayəti verdiyimi yenə dönə-dönə yazdım. Təəssüf ki, e.mehkeme portalında bu yazılar daha yoxdur!
Sonra Aydın Əli-Zadə məndən ikinci və üçüncü Şikayəti verdi. Bu şikayət Şəhla Süleymanovaya verildikdə həm mən ona, həm o öz-özünə Şikayət verdi. Bu əsasla İŞƏ Ülviyyə Şükürova baxdı.
Deməli, Ülviyyə Şükürovanın həm mənımlə əsl düşmən münasibəti baxımından, həm də 3-cü dəfə eyni motivli və eyni adaamlarla olan İŞDƏ özünə ETİRAZ verməsi labüd idi. Lakin onun bu İŞƏ baxması və AR CPM-nin 293.3.1. və 293.3.7 maddələri ilə YEKUN MƏHKƏMƏ AKTI çıxarıb e.mehkeme portalına yükləməklə öz Qərarını bu şəkildə əsaslandırması onun üçün qanunların aliliyi prinsipinin, hakim andının heç olduğu anlamına gəlir.
Mən bu Yekun Məhkəmə Aktının qanun maddələri ilə tanış olduqdan sonra onun məhkəmə katibinə mənə zəng vurub İŞİN məhkəməyə Ali məhkəmədən gəldiyini və İmzamın da, Şikayətçi olduğum Aydın Əli-Zadənin inhisallarının düzgün olduğunu da bildirdim. Məhkəmə katibi (deyəsən) hakimlə danışıb dedi ki, bu maddələrdən başqalarını hakim Qərarda yazacaq! Nə?! Necə yəni?! Dərəbəylik!
Bu müddəa DƏHŞƏT SAVADSIZLIQ, ÖZBAŞNALIQ, SƏBAİL RAYON MƏHKƏMƏSİNDƏ QANUNLARIN KÖLƏ OLMASI DEMƏKDİR.
Çünki AR CPM-nin 293.3.1. və 293.3.7 maddələri olduqda heç bir hakim İşə baxmağa başlaya bilməz!
Əziz oxucum!
Səbail rayon məhkəməsinin hakimi Ülviyyə Şükürova ilə sözün hərfi mənasında olduqca ciddi düşmənçiliyimizə gəlincə, bunu YENİ İLƏ saxlayıram.
Yeni İLdə hamınıza möhkəm cansağlığı, sarqılmaz iradə, bolluca uğurlar diləyirəm.
Hörmətli redaksiya!
Əvvəlcədən bildirirəm ki, sizə ünvanladıgım bu məktubda qeyd etdiyim bütün faktlar rəsmi sənədlər əsasındadır və istənilən vaxt həmin sənədləri təqdim edə bilərəm!
***
Mən Suriyada baş verənləri hər kəs kimi həm sevinc, həm də ürək agrısı ilə izləyirəm və dəhşətə gəlirəm. Öz xalqına əzab vermək üçün heç bir memarın aglına gəlməyən bir proyekt- yerin üstündəki türmənin altında türmə proyekti- düşünmək üçün, insana mühəndislik biliyi deyil, insanlıga hədsiz nifrət hissi olmalıdır. Bəşər Əsəd bu cinayətkar əməlini dünyadan gizlin bir formada həyata keçirmişdir. Onun suqutundan sonra adı Bəşərin götürüldüyü bəşəriyyət, onun bu əməllərinə təkcə təəcübünü ifadə etmək üçün deyil, həm də onun bu bəşəri cinayətlərinə nifrətini ifadə etmək üçün hələ də söz axtarışındadır.
Dünyanın on bir iqlim qurşagının doqquzunun oldugu Azərbaycanda Bəşər olmasa da, Bəşərə bənzərlərin olmaması yəqin ki mümkün deyilmiş. Yəqin ona görədir ki, bütün bəşəriyyətdən fərqli olaraq, mən bu halı düz üç ildir dogma vətənimiz Azərbaycanda yaşayıram. Amma gizlində deyil!
Azərbaycan Respublikası Ədliyyə Nazirliyi və Məhkəmə Hakimiyyətinin düz gözü önündə. Belə ki mənim torpagımın Şəhadətnaməsi başqa yerdə özbaşına tikilmiş fərdi evə Çıxarış verilməsi üçün Əmlak Komitəsi Dövlət Reyestr xidmətinin 1 saylı Bakı Ərazi İdarəsi tərəfindən saxta yolla istifadə edilmiş, mənə məxsus torpaq sahəsi belə desək, Şəhadətnaməsiz qalmışdır!
Məhkəməyə müraciət etdikdən sonra məhkəmə müəyyən etmişdir ki, mənim imzam saxtalaşdırılaraq mənim Şəhadətnaməm əsasında mənə məxsus torpaq sahəsindən kənarda guya mən iki mərtəbəli villa tikmişəm və onu başqasına satmışam. Məhkəmə bütün halları araşdırıb, həmin evə dair çıxarış və sair sənədləri etibarsız oldugu üçün ləgv etmiş, Ekspertizanın rəyi əsasında göstərilən sxem üzrə mənim öz torpagım üzərində , yəni fərdi evdən kənarda mülkiyyət hüququmu bərpa etmək haqqında qətnamə qəbul etmişdir. Həmin iş üzrə Ali Məhkəmə də qərar vermiş və iş icra olunması üçün icra məmuruna göndərilmişdir.
Əlbəttə, qətnamədə və qərarda məhkəmənin şərhi,əsaslandırdıgı halları izah etmək fikrim yoxdur. Çünki yeddi hakim tərəfindən verilmiş, birinci instansiya Məhkəməsinin Qətnaməsi, Apelyasiya Məhkəməsinin Qətnaməsi və Ali Məhkəmənin Qərarının yazıldıgı vərəqlərin sayı ümumilikdə 68 vərəqdir.
Bu arada Şeyx Şamilin ruslarla döyüşəndən sonra həbs olunub qatarla Sibirə göndərilərkən işlətdiyi bir ifadə yadıma düşür.
Şeyx Şamil bir aydan çox yol getdikdən sonra konvoydan soruşur ki, bu getdiyimiz ərazi hamısı Rusiyanın ərazisidir? Biləndə ki, Rusiyanın ərazisidir, Şeyx Şamil deyir: mən bilsəydim Rusiya bu qədər böyükdür, heç vaxt onunla vuruşmazdım.
Eynilə mən də Ali Məhkəmə Qərarının icra edilməsinə başlandıgı gündən bəri getdiyim yol, məndə də eyni ilə Şeyx Şamilin fikrinə bənzər fikir yaradır. Mən bilsəydim ki, bu ölkədə yekun qərarı Ali Məhkəmə deyil, Əmlak Komitəsi (Əmlak Məsələləri Dövlət Xidməti - red.) verir, mən bu yola çıxıb məhkəməyə üz tutmazdım.
Fikrimin necə yayınıq oldugu yazdıgım məktubdan da hiss olunacaq dərəcədə oldugunun fərqindəyəm. Amma bu halı məndə yaradan təkcə Bəşər Əsəd məktəbinin mühəndislik nəzəriyyəsi deyil, eyni nəzəriyyənin daşıyıcısı Əmlak Komitəsinin Dövlət Reyestr Xidməti 1 saylı Bakı Ərazi İdarəsinin baş mühəndisi Ramiz İlman oglu Babayevdir. Həm də təkcə o da deyil...
Mühəndis olaraq Ramiz Babayevin Bakının yeni yaşayış məntəqələrində sehirli çubugu ilə yol üçün nəzərdə tutulmuş, dəyəri on milyonlarla ölçülən hektarlarla torpaq sahələrini “paketləyib” həzm edərək, əvəzində Sakarya çayı kimi qıvrılan, Hamasın yeraltı tunelləri enində cıgır qoymaq, küçələri dalana çevirmək, yaşayış məntəqələrini çıxılmaz labirintə çevirmək bacarıgı haqqında danışmaq fikrim yoxdur. Çünki bu iş tək bir mühəndisin bacarıgı çərçivəsində deyil. Ramiz Babayev Ali Məhkəmə Qərarı ilə mənə məxsus boş torpaq sahəsi üzərində mülkiyyət hüququmu qeydiyyata almaq əvəzinə, başqa şəxsin yaşadıgı evin altında mənə torpaq sahəsinə dair Çıxarış və plan-ölçü (kadastr) sənədi vermiş və icra məmuruna bəh-bəhlə Məhkəmə qərarını icra etdiyi barədə məktub göndərmişdir. Əlbəttə, əvvəlcə mənməmnunlugumu gizlədə bilmədim və ona məhkəmə qərarını belə operativ şəkildə icra etdiyinə görə təşəkkür də etdim.
Amma sən Ali Məhkəmə qərarını say, görək Əmlak Komitəsi nə sayır. Sonradan bəlli oldu ki hektarlarla torpaqlardan gözü doymayan Babayev, sən demə mənim Şəhadətnaməsiz qoyduqları boş torpagımın özünü də başqa şəxsə satıbmış. (Eynilə “vay küpəmin başı yarımçıq qalan əhvalıma vay” misalında oldugu kimi).
Diqqət çəkən bir məqamsa ondan ibarətdir ki, mənim torpagımı sövdələşdiyi şəxs, Ramiz Babayevin indi getdiyi yolu neçə illər əvvəl getmiş, yəni vəzifəsindən sui istifadə etməklə Dövlət Əmlakını külli miqdarda mənimsəmə, vəzifə səlahiyyətlərini aşma və dələduzluq maddəsi ilə 12 il həbsə məhkum olunmuş şəxsdir... Belə yerdə deyirlər “Taylı Tayını tapar”.
Ona görə də mənə verdiyi çıxarışı mənə məxsus boş torpagıma deyil, başqa şəxsin yaşadıgı evin altına veribmiş. O evin ki, vaxtilə mənim şəhadətnaməmi, yəni mülkiyyət hüququmu həmin evə çıxarış vermək məqsədi ilə saxta yolla istifadə edilmiş və mənim torpagım şəhadətnaməsiz qalmışdır. Yəni belə çıxır ki, mənim indi heç torpagım da yoxdur və mənim torpagım, başqa şəxsin faktiki yaşadıgı evin altındadır.Babayev belə hesab edir ki sən demə, məhkəmə mənim torpaq sahəsi üzərində mülkiyyətim dedikdə faktiki yaşayış olan həmin evin( villanın) altını nəzərdə tutubmuş...
Yəni Məhkəmə qərarına qədər şəhadətnaməsi satılsa da heç olmasa boş torpagım var idi. Məhkəmə qərarından sonra, indiki halda isə Ramiz Babayev onu da əlimdən alıb! Səbəbsə Ali Məhkəmə Qərarına olan qəzəbidir...
Ona görə ki, Ali Məhkəmə onun hesab etdiyi kimi, onun icazəsi olmadan, onun özünün sahibi hesab etdiyi torpagı haqqında qərar vermişdir...
Ümumiyyətlə, heç bir mübaligəsiz deyə bilərəm ki, Ramiz Babayev hesab edir ki Bakı şəhəri onun şəxsi mülküdür! Onun Ədliyyə və Məhkəməyə olan münasibəti və onlara olan davranışı bunu deməyə tam əsas verir. Mühəndisin bu fəlsəfi düşüncəsinin nədən qaynaqlandıgı yəqin ki hər kəs üçün anlaşılandır. Lakin ən dəhşətlisi budur ki, hakim məhkəmə qərarını inkar etdiyinə görə məhkəməyə dəvət almış Ramiz Babayevdən Ali Məhkəmə qərarı əsasında mənə verdiyi torpaq sahəsinə dair çıxarışın hansı torpaga aid oldugunu soruşduqda, o çox rahat və inamlı ifadə ilə “başqa şəxsin yaşadıgı fərdi evin altına”, yəni “mövcud olmayan” torpaq sahəsinə deyə cavab verir. Bir sözlə belə çıxır ki Ramiz Babayev mənim olmayan mülkiyyətimi dövlət qeydiyyatına almışdır.
Bu cavabı sətiraltı mənada “ Ali Məhkəmə Qərarını başqasının yaşadıgı fərdi yaşayış evinin altında dəfn etmişəm” kimi də başa düşmək olar.
Ramiz Babayevin mənə təqdim etdiyi , olmayan mülkiyyətin Dövlət qeydiyyatı haqqında Çıxarışın dəyəri, mənimçün adi bir kagız parçası oldugu kimi, sən demə Ramiz Babayev üçün də Ali Məhkəmə Qərarının dəyəriı adi kagız parçasından başqa bir şey deyilmiş. Əslində bu cavab da o qədər təəcüb dogurmur. Çünki bu hal cəzasıslıqdan cəsarət sindromudur.
Ən təəcüblüsü odur ki bu cavabın qarşısında hakimlər təccüblənmir ya da “təəcüblənə bilmir”. Ona, bu “fəaliyyətinə” görə bir il əvvəl 1500 manat , bu il isə 1200 manat cərimə təyin olunur.Yəni pulunu ödə “fəaliyyətə” davam et! Pul da ki nə pul? Dəryada bir damla. Dəyişən cərimənin məbləgidir, dəyişməyənsə Ramiz Babayevin” idarəçilik əleyhinə fəaliyyəti”...
Qərarın icrasını uzatdıqca olunan cərimənin məbləgi də azalır. Belə çıxır ki Ramiz Babayev daha dörd il də Məhkəmə Qərarını icra etməsə, Məhkəmə onu heç cərimə də etməyəcək. Bir sözlə Bəşərin bəşəriyyəti təəcüb qoyan türmənin altında türmə nəzəriyyəsi bu gün də dünyanın gözü bir yana, bizim yekun Qərar vermiş Məhkəmənin gözü qarşısında qüvvədədir. Görünənsə odur ki, bu nəzəriyyə Əmlak Komitəsində hələ uzun müddət qüvvədə olacaq.
Sizcə, Bəşər Əsədin öz vətəndaşına yerin altında verdiyi “yaşam hüququ” ilə Əmlak Komitəsinin vətəndaşa yerin altında verdiyi “mülkiyyət hüququ” arasında fərq varmı? Məşhur Atalar sözümüz olan “Birənin qanın aldın-canın aldın” ifadəsini yada salsaq, heç bir fərqi yoxdur!
...Tək bir məsələdə cavab tapmaga çətinlik çəkirəm. Bu ölkədə, mənim kimi yer altında “mülkiyyət hüququ” olanların və ya hüquqları dəfn olunanların sayı, Bəşərin yer altındakı türmədə saxladıqlarının sayından çoxdur ya az?
Amma tək bildiyim odur ki, Bəşər getdi, amma Ramiz Babayevin timsalında bizim “Bəşərlər”in həm müəllimləri həm də şagirdləri hələ də iş başındadırlar... Düşünəndə ki, “yaxşı” müəllimin şagirdləri ondan daha çox “bilikli” olur,gələcəyimizi düşünərkən insan dəhşətə gəlir...
Belə çıxır ki, Əmlak Komitəsinin gələcək nəsillərə yerin yeddinci qatında mülkiyyət hüququ qeydiyyata almaq haqqında gizlin planları da ola bilər.
Bu illər ərzində əmin oldum ki, qanuni qüvvədə olan,lakin şəxsi maraqlar ucbatından icra olunmayan, dövlət adından tanınan neçə-neçə insanın haqqları yatan, Hüquqi Dövlətdə Ədalət mühakiməsinin yekun Qərarı olan Məhkəmə Aktları, Əmlak Komitəsinin zirzəmilərində dəfn edilib və əbədiyyətə qovuşmuşdur! İş Qiyamətə qaldı...
TANRI DÖVLƏTİMİZİ QORUSUN !!!
A.V.Vəliyev
Redaksiyadan: Yazıda adları qeyd olunan şəxslərin və qurumların mövqeyini dərc etməyə hazırıq.
hurriyyet.az
Qəbələ rayonu, Yeni Dızaxlı kənd sakini Cəlilov Ağakərim Abdulkərim oğlu tərəfindən Hurriyyet.az saytının redaksiyasına şikayət məktubu daxil olub. Şikayətçiməktubunu olduğu kimi dərc edirik:
“Yay aylarında kəndimizdə elektrik xətlərini kabelləşmə ilə əvəz etməyə başladılar. İşıq idarəsinin işçisi, mühəndis Əmirfətov Elxan kənd camaatından xahiş etdi ki, işıq idarəsinin maliyyə imkanları məhdud olduğu üçün, hər bir abonent öz küçəsinə çəkilən dəmir elektrik dirəyini özü basdırsın. Kənd sakinləri 80-90 faiz dirəkləri özləri basdırıb.
Qeyd edim ki, mən də bizim küçəyə gələn işıq xəttini üçün özüm sement, qum alıb basdırdım. Həmin işə 45 manat vəsait xərclədim.
Xətti çəkməyə başlayanda, bizim tranformatorun yanına təzə, müasir tipli transformator da qoydular. Bizim köhnə tranformatordan kəndin təxminın 60 abonenti istifadə edir. Amma bizim transformator xəttimiz kənddə ən qəzalı xətdir.
Təxminən 5-6 aydır yeni işıq xəttimizin hazır olmasına baxmayaraq, onu yeni transformatora qoşmayıblar. Soruşanda da hər dəfə bir bəhanə edirlər.
Kənddə abonentlərin çoxuna yeni, müasir işıq sayğacları qoyublar. Həmin işıq sayğaclarında borc olanda işıq yanmır.
Vurğulayım ki, yeni sayğaclarda işığa görə heç kəsin borcu yoxdur. Hər ay kənd camaatı 3-4 min manat işıq pulu ödəyir. Buna baxmayaraq, işıqlı dünyada işığa həsrət qalmışıq. Demək olar ki, kənddə hər gün işığı bir neçə dəfə söndürüb-yandırırlar. 11.12.2024-cü il tarixdə saat 13:30 da işığı söndürüb, 16:50-də yandırdılar. Dekabrın 12, 13, 14-də hər gün işığı yandırıb söndürürlər.
Bir sözlə, Yeni Dizaxlı kəndində işıq çox aşağı səviyyədədir”.
Məsələ ilə bağlı “Azərişıq” ASC-nin mətbuat xidmətinin əməkdaşı Pərvanə Kazımzadəyə məlumat verilib. Pərvanə xanım araşdırıb, məlumat verəcəyini bildirdi.
Aynurə MUSTAFAYEVA
İcra başçısı İlqar Abbasov bacanığı Etibar Yolçuyevi vəzifəsindən çıxardı.
Şirvan şəhər İcra Hakimiyyəti başçısının yeni köməkçisi təyin edilib.
xəbər verir ki, icra başçısı İlqar Abbasov bu vəzifəni Barxudar Barxudarova həvalə edib. Bildirək ki, Barxudar Barxudarov Suraxanı rayon İcra Hakimiyyətində şöbə müdiri vəzifəsində çalışıb. İlqar Abasov Şirvan icra başçısı təyin edildikdən sonra işindən ayrılıb və qısa müddət sonra Şirvan Dövlət İqtisadiyyat və Humanitar Kollecinin direktoru vəzifəsinə təyinat alıb.
Məlumata görə Barxudar Barxudarov Şirvan Dövlət İqtisadiyyat və Humanitar Kollecinin direktoru vəzifəsindən rüşvətə qalmaqalına görə çıxarılıb. Rüşvətə görə işdən çıxarılan Barxudarov qısa vaxtdan sonra müddət sonra Şirvan şəhər İcra Hakimiyyəti başçısının yeni köməkçisi təyin edilib.
Qeyd edək ki, Şirvan şəhər icra başçısının köməkçisi vəzifəsində İlqar Abasovun bacanağı Etibar Yolçuyevi işləyirdi. Son günlər Etibar Yolçuyevin adının mətbuatda tez-tez hallanmasına görə icra başçısı İlqar Abbasov bacanağını köməkçi vəzifəsindən uzaqlaşdırmağa məcbur olub.
AzFakt.com
Qarşı tərəfin mövqeyini dərc etməyə hazırıq.
Sabunçu rayon icra hakimiyyətinin başçısı olan və oliqarx məmur kimi məşhurlaşan Adil Vəliyev barəsində qalmaqallı məlumatlar yayımlanmaqda davam edir.
Rəsmi tədbirlərdə etdiyi pafoslu çıxışlarında ağız dolusu qanundan danışan Vəliyevin rəhbərliyi altında çalışan səlahiyyətli şəxslər qazi, veteran, şəhid ailəsi, xəstə, sağlam fərq qoymadan - qanuni-qanunsuz tikinti aparmaq istəyən hər kəsin "cibinə girmək"də olduğu deyilir.
"DogruXeber.az" olaraq, xüsusi vurğulamaq istəyirik ki, bu nə Sabunçu rayonu üçün xüsusi, nə də sözügedən rayonun barəsində yeganə məlumat deyil.
Xatırladaq ki, hələ 2019-cu ilin ikinci yarısında Sabunçu rayon icra hakimiyyətində Azərbaycan Respublikasının Baş Prokurorluğu yanında Korrupsiyaya qarşı Mübarizə Baş İdarəsi tərəfindən yoxlama aparılmış və icra hakimiyyətinin Həbib adlı işçisi iş otağındakı seyfində tapılan 280.000 (iki yüz səksən min) manatla birlikdə həbs edilmişdi. Qısa müddət sonra yayılan məlumatlarda isə korrupsiya cinayətilə həbs edildiyi deyilən Həbib məhkəmə qərarı ilə azadlığa buraxıldı.
Sosial medianın məlumatına görə Həbib daha çox Sabunçu Rayon İcra Hakimiyyətinin başçısı Adil Vəliyevin sağ əli və rayon ərazisində tikintiyə nəzarət edən şəxs kimi tanınırdı, onun azadlığa buraxılmasında isə məhz Vəliyevin məhkəmə qərarına müdaxilə etdiyi deyilirdi.
Bundan əlavə, 2023-cü ilin sonlarında Adil Vəliyevin qısa zamanda vəzifədən gedəcəyi barədə məlumatlar dərc edildi. Lakin, Vəliyevin "qoruyucu mələyi", ya da "şəxsi büdcəsi" bu xəbəri də yalan çıxarmağa nail ola bildi.
Bütün bu olanlara nəzər saldıqda, adam Adil Vəliyevin jurnalist Əvəz Zeynallının məhkəməsində işlətdiyi ifadəyə haqq qazandırır - "Elə bil Azərbaycanda yaşamırsınız".
Demək ki, konstitusiyasına zidd olaraq, məmur olduğu halda həm də biznesmen olan Adil Vəliyevlərin olduğu Azərbaycanda qanunsuz işlərin maneəsiz mövcudluğu təəccüblü doğurmur.
Qeyd edək ki, bu ifadəni jurnalist Əvəz Zeynallının məhkəməsində Sabunçu rayon icra hakimiyyətinin başçısı Adil Vəliyev işlədib.
Belə ki, o, qanunsuz tikintinin aparılması ilə bağlı suala, - "Hətta tikinti qanunsuz olsa belə, icra hakimiyyətinin onu sökməyə ixtiyarı yoxdur: “İnşa prosesi dayandırılmalı, məhkəməyə müraciət olunmalıdır. Lakin praktikada bir sıra hallarda qanunsuz tikinti aparılanda müdaxilə edib sökürlər”, deyə cavab verib.
Vəkilin “Sizin səlahiyyətiniz olmadığı halda, necə müdaxilə edirsiniz” sualını isə Vəliyev rişxəndlə, - “Elə danışırsınız ki, sanki Azərbaycanda yaşamırsınız...” deyə cavablandırıb.
Bir dövlət məmurunun, bir qurum rəhbərinin dilindən eşidilən bu cümlə həm gülüncdür, həm iyrəncdir, həm də ki, qorxunc. Bu eyni zamanda, öz konstitusiyası olan müstəqil dövlət üçün dəhşətli xəbərdarlıqdır.
Söhbət qanunsuz tikintilərdən düşmüşkən, özünün ifadəsində tikinti qanunsuz olduqda, İnşa prosesi dayandırılmalı, məhkəməyə müraciət olunmalı olduqlarını deyən, hətta praktikada bir sıra hallarda müdaxilə edib sökdüklərini etiraf edən icra başçısına bizim də xatırlatmaq istədiyimiz bir olay var.
Bir ildən çoxdur ki, Sabunçu rayonu Zabrat 1 qəsəbəsində, Balaxanı qəsəbəsində, Sabunçu qəsəbəsi Elşən Mehdiyev küçəsində, Bakıxanov qəsəbəsində aparılan qanunsuz tikintilər, eləcə də Sabunçu qəsəbəsi, Qambay Vəzirov küçəsində neft şirkətinə məxsus ərazidə qanunsuz inşa olunan 3 mərtəbəli iaşə obyekti barəsində dəfələrlə təkrar-təkrar Sabunçu rayon icra hakimiyyəti də daxil olmaqla, bütün aidiyyatı qurumlara rəsmi sorğular göndərib, qanuni tədbirlər görmələrini xahiş edirik. Lakin, nədənsə sözügedən icra hakimiyyəti həmin iaşə obyektinin tikintisi aparılarkən, ifadəsində qeyd etdiyi kimi nə işi dayandırdı, nə məhkəməyə müraciət etdi, nə də etiraf etdiyi istisnalar kimi müdaxilə edib sökdürdü. Sözügedən obyektin tikintisi çoxdan başa çatdırılıb. Tikintinin maneəsiz davam etdirilməsi və başa çatdırılmasına isə yerli icra hakimiyyəti başda olmaqla, bütün aidiyyatı qurumlar - FHN yanında Tikintidə Təhlükəsizliyə Nəzarət Agentliyi, Şəhərsalma və Arxitektura Komitəsi (ARXKOM), Əmlak Məsələləri üzrə Dövlət Xidməti məsələni bir-birinin üzərinə atıb vaxt qazandırmaqla özləri şərait yaratdılar.
"Ov ovlayıb, quş quşlayan" nazirin vəzifə səlahiyyətlərindən sui-istifadə edən Cəbrayıl Xanlarova sözü keçmir?
Bu qanunsuz işdə dövlət qurumları "yaxasını kənara çəkir" - Bəs günahkar kimdir ? // FOTO
Bəzi məmurların yazılmamış qanunlarla idarəçiliyi - VİDEO
Sabunçu "kralı" rayonu " öz qanunları" ilə idarə edir - VİDEO
Ölkə başçısının tapşırıqlarına qarşı çıxan məmurlar - FOTO
Onların göz yumduqları qanunsuzluqları kim aradan qaldırmalıdır ?
"Ov ovlayıb, quş quşlayan" nazirin vəzifə səlahiyyətlərindən sui-istifadə edən Cəbrayıl Xanlarova sözü keçmir?
"Ov ovlayıb, quş quşlayan" nazirin vəzifə səlahiyyətlərindən sui-istifadə edən Cəbrayıl Xanlarova sözü keçmir?
Demək ki, Adil Vəliyevlərin mövcud olduğu və "meydanı boş görüb, at oynatdıqları" Azərbaycanda belə halların var olması təəccüblü olmamalıdır.
Qeyd edək ki, Qambay Vəzirov küçəsində neft şirkətinə məxsus ərazidə qanunsuz inşa edilmiş və bu gün də fəaliyyət göstərən 3 mərtəbəli iaşə obyekti barəsində heç bir dövlət qurumu tədbir görmür. Redaksiyamıza daxil olan məlumata görə obyektin sahibi olan iş adamı, bəzi şəxslərin yanında, - "Mən işimi yuxarılarla görürəm" deyə, mətbuatda yazılan məlumatların onu zərrə qədər narahat etmədiyini vurğulayıb.
Görünür, sahibkarlara qanunsuz işlər görmələri üçün şəxsi maraqları xatirinə icazə verən həmin o, "yuxarı"lar barəsində, daha yuxarıların qanuni tədbir görülməsi zəruridir.
Ümüd edirik ki, ölkə başçısı ən qısa zamanda rəhbərlik etdiyi rayonun ərazisində sahibkarlara və torpaq sahəsi alıb, ev tikdirən siravi vətəndaşlara "racon kəsdiyi" deyilən biznesmen icra başçısı barəsində lazımi qərar qəbul edəcək.
Qeyd: Qarşıdakı günlərdə "Qonşudan qalma dala" prinsipilə fəaliyyət göstərən və icra başçısı təyin edildiyi qısa müddət ərzində rəhbərlik etdiyi rayonun əsasən də imtiyazlı sakinləri arasında narazılıq yaradan, onların gözündə "qəddar padşah" obrazına çevrilən adaş - Suraxanı rayonunun "qət-təzə" icra başçısı barəsində oxşar məlumatları dərc edəcəyik.
Diqqətiniz bizdə olsun.
Redaksiamız hər kəsin söz haqqını tanıyır.
DogruXeber.az
“SƏHƏRMEDİA” xəbər portalının redaksiyasına daxil olan məlumatda bildirilir ki, Bakı şəhəri Suraxanı rayonu 101 nömrəli tam orta məktəb də bu gün 27.12.2024-cü il tarixində “YARMARKA”keçirilməsi baş tutacaq idi. Məktəbdə fəaliyyət göstərən şagird parlamentinin təşkilatçılığı ilə “xeyriyyə yarmarkası” adı altında keçirilməsi nəzərdə tutulan yarmarkada siniflərdə yaradılan vatsap qruplarında xəbər verilib ki, şagird və valideynlər əl işləri, ev yeməkləri, kitab, oyuncaq və digər məhsullar hazırlayıb məktəbə gətirsinlər və bunlar təhsil ocağında satılacaq, əldə olunan vəsait isə hara isə xeyriyyə adı altında gedəcək.
Nəzərinizə çatdıraq ki, Suraxanı rayonu 101 nömrəli tam orta məktəbin direktoru Xəyalə xanım Əzizova xəbərlə bağlı heç bir açıqlama verə bilmədi. Xəyalə xanıma verdiyimiz "BU YARMARKA NƏYƏ HESABLANIB? ƏGƏR GƏTİRİLƏN EV YEMƏKLƏRİNDƏN HƏR HANSISA ZƏHƏRLƏNMƏ HALI BAŞ VERƏRDİSƏ KİM MƏSULİYYƏT DAŞIYACAQDI?" sualına sadəcə olaraq "KEÇİRİLMƏSİ PLANLAŞDIRILAN YARMARKANI DAYANDIRMIŞAM" - deyərək, cavab verdi.
Bu cür ciddi məsələyə cavab verməyə çətinlik çəkən məktəb direktoru Xəyalə xanım Əzizova görəsən “XEYRİYYƏ YARMARKASI” adı ilə keçirilək olan naməlum tədbirdən hansı vəsaiti toplamağı düşünürdü? Axı məktəb bazar deyil, ay Xəyalə xanım.
"Son bir neçə aydır ki, Dövlət Sərhəd Xidməti (DSX) və bu Xidmətdəki problemlərlə bağlı ölkə mətbuatında müntəzəm məlumatlar yer almaqdadır. Bu qurumla bağlı ən maraqlı faktlardan biri DSX-nın Sahil Mühafizəsinin rəisi general-leytenant Müzəffər Pirizadə ilə bağlıdır". Bu barədə "DİA-AZ"a göndərilən məqalədə deyilir.
Məqalədə daha sonra bildirilir: "Bir neçə ildir ki, DSX Sahil Mühafizəsinin rəisi kimi Xəzər dənizində at oynadan Müzəffər Pirizadə, qanunsuz balıq ovundan milyonlarla manat məbləğində vəsait qazanıb. Amma generalın yeganə gəliri balıqla məhdudlaşmır. Müzəffər Pirizadə həm də Xəzər dənizində batan gəmilərdən böyük pullar əldə etməkdədir. Dəmir işbazları ilə sövdələşən general onların dənizdə batan gəmiləri çıxarmasına, bu gəmilərin “metallom” kimi satılmasına şərait yaradır. Əvəzində bu iş birliyindən külli miqdarda gəlir qazanır.
Maraqlı nüanslardan biri isə ondan ibarətdir ki, Müzəffər Pirizadə batan gəmilərlə bağlı şıdırğı alverini öz rəhbərliyindən – Xidmət rəisi Elçin Quliyevdən gizli şəkildə həyata keçirir. Müzəffər Pirizadə batan gəmilərdən milyonlar qazansa da, dövlət büdcəsinə bu fəaliyyətdən bir qəpik də olsun vəsait daxil olmur. Bütün pullar general tərəfindən təkbaşına mənimsənilir. Müzəffər Pirizadə qanunsuz pullar hesabına ailə üzvlərinə, yaxın çevrəsinə gün ağlayır.
Generalın Müşfiq və Araz adındakı qardaşları heç harda işləmədiləri halda “Range Rover” və digər bahalı marka avtomobillər sürür, bahalı otellərdə kef edirlər. Gələn yazımızda Müzəffər Pirizadənin Pirallahı və Nargin adalarındakı “əmək fəaliyyəti” haqqında maraqlı məlumatlar verəcəyik".
BİZİ İZLƏMƏYƏ DAVAM EDİN...
Bakının Suraxanı rayonu, Hövsan qəsəbəsində yerləşən E.N Qaranzadə adına 270 nömrəli tam orta məktəbində, matəm ərəfəsində utancverici tədbir təşkil edilib. Tribunainfo.az xəbər verir ki, bu gün məktəbdə aylığın Tədbirlər Planına uyğun olaraq, ibtidai sinif müəllimi Səbinə Mürşüdova “3e” sinfində “Başqa mədəniyyətlərə münasibət” mövzusunda dərs keçib.
Rusiyanın vurduğu, təyyarəmizdə həlak olanların heç üçü çıxmamış, şagirdləri rəngarəng geyindiriblər və Kreml lideri Vladimir Putinin olduğu fotonun əks edildiyi divar qəzeti hazırlayıblar.
Qeyd edək ki, Azərbaycanda 26 dekabr matəm günü elan olunub. Ertəsi isə Putinin fotosu ilə al-əlvan tədbir təşkil olunur. Bu da ciddi ictimai narazılıq doğurub.
Xalq Rusiyadan üzrxahlıq gözlədiyi vaxtda, “5-ci kolon”un arzularını məktəblərdə ifadə edənlər var.
Xatırladaq ki, təyyarə Rusiyaya məxsus “Pantsir S1” özüyeriyən raket sistemi ilə vurulub.
