1-ci dərəcəli Qarabağ qazisi məhkəməyə müraciətinə görə cərimə edilib
Azərbaycan Konstitusiyası dəyişdirilib?

Ölkədə ən yüksək və birbaşa hüquqi qüvvəyə malik olan Konstitusiyanın 60-cı maddəsində doğrulanıb: “Hər kəsin hüquqlarının və azadlıqlarının inzibati qaydada və məhkəmədə müdafiəsinə təminat verilir. Hər kəsin hüququ var ki, onun işinə qərəzsiz yanaşılsın və həmin işə inzibati icraatda və məhkəmə prosesində ağlabatan müddətdə baxılsın.” Azərbaycan Respublikası Mülki Prosessual Məcəlləsinin (MPM) 4.2 maddəsinə görə, məhkəməyə müraciət etmək hüququndan imtina edilməsi etibarsız sayılır. Konstitusiyanın, mülki prosessual qanunvericiliyin tələblərini diqqətə çatdırmaqda amacımız Bakı Apellyasiya Məhkəməsinin Mülki Kollegiyasının məhkəməyə müraciət hüququna kobud qadağa qoymasından, hətta konstitusion hüquqdan yararlanan qazi-vətəndaşa 400 manat cərimə tətbiq etməsindən media yolu ilə 2025-ci ili “Konstitusiya və suverenlik ili” elan edən Prezidenti, ali dövlət hakimiyyəti orqanlarını bilgiləndirməkdir.
Bakı Apellyasiya Məhkəməsinin Xumar Mərdanova, Sabit Bəhrəmzadə, Vahid Sadıqovdan ibarət üçlüyünün 18.03.2025 tarixli 1-ci dərəcəli Qarabağ qazisinə MPM-in 174.5 maddəsi əsasında 100 manat “güzəştlə” 400 manat cərimə tətbiq etməsindən, cərimə aktı üzrə 19.03.2025-ci ildə “icra vərəqi” tərtib etməsindən, “Novruz axşamı hədiyyə-cəriməsi”ndən təsadüfən on gün sonra xəbər tutmuşuq. Gec duyuq düşməyimiz məhkəmənin günahıdır, nə sms-bildirişlə, nə də emaillə bilgi verməyiblər, gizlin cərimə “hədiyyəsi” yolu seçiblər. Bu gizlilik “sağ əlin verdiyini sol əlin bilməməsi” prinsipindən qaynaqlanır.
Bəs MPM-in 174.5 maddəsində nə yazılıb ki, xəstə yatağındakı 1-ci dərəcəli Qarabağ qazisinə ən çoxu 500 manatlıq cərimənin 400 manatı tətbiq olunub? (Buna da şükür, 100 manat güzəşt edilib; çox “nazik”, “humanist” aktdır) MPM-in 174.5 maddəsi: “Məhkəmə işə düzgün və tezliklə baxılmasına və onun həll edilməsinə aşkar surətdə maneçilik törədən, o cümlədən dəfələrlə açıq-aşkar əsassız vəsatət və ya şikayətlər verən İŞDƏ İŞTİRAK EDƏN ŞƏXSLƏRİ, onların nümayəndələrini və vəkillərini 500 manatadək cərimə edə bilər”. Qərardaddan şikayətə yazılı icraat qaydasında, yəni tərəfləri çağırmadan və iclas keçirmədən baxan Bakı Apellyasiya Məhkəməsi İŞDƏ İŞTİRAK ETMƏYƏN 1-ci dərəcəli Qarabağ əlilinin işə düzgün və tezliklə baxılmasına, onun həll edilməsinə aşkar maneçiliyini, dəfələrlə əsassız vəsatət , şikayətlər verməsini necə aşkarlaya bilib? Bəlkə 1-ci dərəcəli Qarabağ əlili xəstə yatağından məhkəmənin cərimə yazan əlini tutub, yazılı icraata maneçilik törədib? Absurd deyilmi? Məhkəmənin absurd cərimə qərarını əsaslandırmasının özü Konstitusiyaya ziddir: “Ərizəçi TƏKRARƏN EYNİ MƏZMUNLU İDDİA ƏRİZƏ İLƏ , o cümlədən DƏFƏLƏRLƏ ŞİKAYƏTLƏRLƏ MƏHKƏMƏYƏ MÜRACİƏT ETDİYİNDƏN 400 manat MĞBLƏĞİNDƏ CƏRİMƏ EDİLSİN”. Harada, hansı kitabda, hansı məcəllədə, hansı konstitusiyada yazılıb ki, məhkəməyə təkrar müraciət etmək, razı olmadığın aktdan şikayət vermək qanun-qayda pozuntusu olsun və inzibati cərimə tətbiq olunsun?

Biz Konstitusiyanı da tam oxuduq, MPM-i də, Ali Məhkəmənin, Konstitusiya Məhkəməsinin Plenum qərararlarına da baxdıq, belə cərimə “hədiyyəsi” tapa bilmədik. Bəlkə Məhkəmə Hüquq Şurası tapdı? Qeyri-prosessual, sifarişli cərimə qərarından Prezidentə də, 1-ci vitse-prezidentə də, Ali Məhkəmənin, Məhkəmə Hüquq Şurasının sədrinə də şikayət edilib. Hələ üstəlik Heydər Əliyev Fondundan cəriməni ödəməyə yardım etməsi xahiş edilib. Axı məhkəmə qərarları dövlətin adından çıxarılır və dövlət başçılarına şikayətə görə də cərimə tətbiq etmək məhkəmənin qələmində su içmək qədər asandır…
Məğrur Bədəlsoy
P.S. 1-ci dərəcəli Qarabağ əlili, ümumiyyətlə, iddia ərizəsi yox, döyüşlərdə yaralanma, müalicədə olma barədə sənədlərin ona məxsus olması hüquqi faktının müəyyən olunmasına ərizə verib. Bu hüququ ona Konstitusiya, MPM, “Ali Məhkəmə Plenumunun “Xüsusi əhəmiyyəti olan faktların müəyyən olunmasına dair işlər üzrə məhkəmə təcrübəsinin bəzi məsələləri haqqında” 12.04.2019-cu il tarixli Qərarı verir. Məhkəməyə “təkrarən eyni məzmunlu ərizə ilə müraciət etmək” də elə MPM-də, Ali Məhkəmə Plenumunun “Məhkəmə qətnaməsi haqqında” Qərarının 15.4-cü bəndində yazılıb: “…ŞƏXSİ EYNİ TƏLƏBLƏ ÜMUMİ QAYDADA MƏHKƏMƏYƏ MÜRACİƏT ETMƏK HÜQUQUNDAN MƏHRUM ETMİR”. Eyni ərizəyə, eyni işə 9 dəfə eyni hakimin təyin edilməsi (və anında geri qaytarılması aktı) isə nə MPM-də yazılıb, nə qanunda, nə də Konstitusiyada.

Razılaşmayan sakinlərə isə, bu tapşırığın "yuxarıdan gəldiyini" söyləyərək, yəni Sumqayıt şəhərinin yüksək vəzifəli şəxslərinin adını çəkərək, onları qorxutmağa çalışırlar
Sumqayıt şəhər sakinləri Sədiyev Şahin Zeynal oğlu, Baxşəliyev Əkbər Əbdüləli oğlu, Gülməmmədov Sərxan Rizvan oğlu və Əhmədov Ceyhun adından Yenixeber.org-un elektron poçtuna müraciət daxil olub. Müraciətdə Sumqayıt Bələdiyyəsinin rəhbər şəxslərinin özbaşınalıqlarından bəhs edilir.

Aktuallığını nəzərə alıb, müraciəti dərc edirik:

"Sumqayıt Bələdiyyəsinin qanunsuz əməllərindən şəhər sakinləri boğaza yığılsa da, çıxış yolu tapa bilmir. Bir müddət əvvəl Yaşma sakinləri bu əməllərdən bezib, etiraz etmək üçün magistral yolunu da bağlamışdılar. Məsələni sakitləşdirib, bir müddət gözlədikdən sonra "Yaşıl dərə" deyilən əraziyə hücum etmişdilər. Hazırda isə 76-cı məhəllə ərazisində qanunsuzluqlar davam etməkdədir.

Sumqayıt Şəhər Bələdiyyəsinin sədri və bəzi əməkdaşları ilə əlbir olan torpaq alveri ilə məşğul olan bir qrup şəxs çıxarış və ya sənəd ala bilməyən ərazilərə çöküb, torpaqları sahiblərinin əlindən alıb, satırlar. Razılaşmayan sakinlərə isə, bu tapşırığın "yuxarıdan gəldiyini" söyləyərək, yəni Sumqayıt şəhərinin yüksək vəzifəli şəxslərinin adını çəkərək, onları qorxutmağa çalışırlar.

Öz torpaqlarını qanunsuzluğa qurban vermək istəməyən sakinlərə rast gələndə isə əraziyə özlərini qazi və veteran kimi təqdim edən bir qrup şəxsi göndərib, onları münaqişəyə çəkir, hədə-qorxu gəlirlər. Bu üsulla zərər görənlərin içində biz 5 qonşu da varıq.

Belə ki, Sumqayıt şəhər 76-cı məhəllə ərazisində mənim və 4 qonşumun sahibliyində və istifadəsində olan torpaq sahələri Sumqayıt Şəhər Bələdiyyəsinin sədri və bir neçə əməkdaşının havadarlığı ilə bu ilin yanvar ayının əvvəllərindən bir qrup şəxs tərəfindən zəbt edilib. Bizə heç bir xəbərdarlıq edilmədən, axşam saatlarında əraziyə texnika gətirilərək hasarlarımız dağılmış və bizə aid tikinti materialları məhv edilərək, yaxınlıqdakı gölə tökülmüşdür. Ərazi "sənaye, nəqliyyat və rabitə" tipli olduğundan, ora çıxarış almaq mümkün deyil və biz 2013-cü ildən bu ilin axırına qədər də torpaq vergisini ödəmişik.

Bütün aidiyyəti qurumlara müraciət etdik və bizə qarşı tərəfin əlində 3500 kv.m-ə Sumqayıt Bələdiyyəsi tərəfindən verilmiş icarə müqaviləsi olduğu bildirildı. Amma nə qədər çalışsaq da, o icarə müqaviləsini bizə təqdim edən olmadı. Vəkilimiz vasitəsi ilə Sumqayıt Şəhər İnzibati Məhkəməsinə müraciət etsək də, qarşı tərəf Bələdiyyənin havadarlığı ilə, heç bir icazəsi olmadan tikinti aparmağa davam etdi və aidiyyəti qurumlar da buna göz yumur.

Biz vəkilimizlə əlavə bir müqavilə də bağladıqdan və xeyli çalışdıqdan sonra qarşı tərəfə verilən icarə müqaviləsinin bir surətini əldə edə bildik. Həmin müqaviləni araşdırdıqdan sonra məlum oldu ki, qarşı tərəfə təqdim edilən bu icarə müqaviləsi qanunsuzdur. Belə ki, icarə müqaviləsi bağlanarkən torpaq sahələrimiz hərraca çıxarılmayıb və heç bir müsabiqə olmayıb.

Daha sonra bizə məlum oldu ki, bizim torpaq sahələrimizin yerləşdiyi ərazi heç Bələdiyyənin mülkiyyətində deyil. Bir sözlə, bir neçə qurum da bu qanunsuz müqaviləni görsə də, susaraq, bizim torpaq sahələrinin zəbt edilərək tikinti aparılmasına kömək etdilər. Bu qanunsuzluq hələ də davam etməsinə və hələ də tikinti aparılmasına baxmayaraq, hələ də bizə yardım edə bilən qurum axtarışındayıq.

Onu da bildirim ki, bir dəfə gəlib reyd keçirdilər. Şikayət olunan ərazi qalıb, kasıbın olan bir az torpaq sahəsini əllərindən alıb, hasarı dağıdıblar. Guya, yoxlanış keçirib, səhvləri tapıblar. Bu da bunların işi. Obyektlər olan ərazilərə isə heç toxunmayıblar".


TEREF olaraq qarşı tərəfin cavab haqqını tanıyırıq.

Azərbaycanda müxtəlif maraqların toqquşduğu, nazirindən başqa hamının atının işlədiyi bir dövlət qurumu var- Elm və Təhsil nazirliyi.Avropa təhsilli Şərq təfəkkürlü Emin Əmrullayevin birinci kabinetində əyləşdiyi bu nazirlikdə kimin rəhbərlik etdiyini heç kim bilmir. Çünki müxtəlif ranqlı məmurların tapşırıqlarını, sifarişlərini həyata keçirməkdən macal tapmayan nazirlik əməkdaşları bu gün birinin, sabahsa başqasının buyruqlarını icra edirlər. Elə nazirliyin içində bir şöbədən digərinə trasfer edilən FETO-çudan tutmuş Adnan Oktarın “kedicikləri”nə qədər kimi istəsən burada tapmaq olar. Adi bir məktəb direktorunu vəzifədən çıxarda bilməyən , şəxsi olaraq hörmətin saxladığım Təhsil naziri Emin Əmrullayev müxtəlif qrupların əlində oyuncağa çevrilib.
Guya islahat şousu adı altında məktəb direktorlarının imtahan vasitəsilə işə qəbulu görüntüsü yaradan nazirlik əslində ən böyük fiaskosunu yaşadı. Hamı direktorların hansı yollarla, kimlərin tapşırığı ilə vəzifəyə təyin olunduğunu çox gözəl bilir. Onu da bilir ki, özlərini biznesmen kimi aparan bu direktorlar heç ETN-nə də tabe olmurlar, öz havadarlarının göstərişlərini həyata keçirirlər. Adamın yadına Nəbinin kəndxuda təyin etdiyi şəxsin dediyi sözlər düşür-“ Düzdü qulluğa sən qoymusan məni, amma çörəyi onlar verir axı”... Bax AZƏRBAYCAN TƏHSİLİ BU GÜN MƏHZ BU PRİNSİPLƏRLƏ İDARƏ OLUNUR !
Nazirin etimad etdiyi Agentliyin rəhbəri Eşqi Bağırov isə bütün ƏDALƏTSİZLİYƏ susmağ məcburiyyətində qalır. Bəlkə də Eşqi Bağırov olanlara helə ki ,ƏDALƏTİN gözüylə baxa bilmir və yaxud da ƏDALƏTİN zəfərinə inanmır.

Dediyimiz kimi adi bir məktəb direktoruna sözü keçməyən nazirin Regional Təhsil idarələrinə necə nəzarət etdiyindən heç danışmağa dəyməz. Özlərini rəhbərlik etdikləri regionların sahibi kimi aparan bu “balaca padşahlar” nəinki nazirliyə,heç bir dövlət qurumuna məhəl qoymurlar. Bu gün təhsil sistemi “protektorantlıq” yolu ilə idarə olunur.
Ələxsus Abşeron- Xızı RTİ nin sahibəsi İlhamə Abdullayeva üçün Azərbaycan qanunları keçərsizdir. Daha güclü dairələrdən himayə olunduğu üçün ETN onun rəhbərlik etdiyi regiona nəzarəti tamamilə itirib.

Böyük bir regionun təhsil sistemi İlhamə Abdullayevanın və onun himayədarlarının şəxsi maraqlarına qurban verilib. Rüşvət və korrupsiyanın ayaq açıb yeridiyi Abşeron-Xızı RTİ-də təhsil adına tam bir rəzalət yaşanır. “Körpü-Bina Tikinti” şirkətinin rəhbəri Xəlil Göyüşovun belə söz keçirdiyi, vəzifəyə adam təyin etdirdiyi bir tayfa qanunları ilə idarə olunan təhsil sistemindən bundan başqa nə gözləmək olar ki...
Nədənsə bu qədər haqqlı şikayyətlər sosial şəbəkələrdə tüğyan etsə də Sumqayıt icra başçısı Zakir Fərəcov və yaxud Abşeron icra başçsı çox hörmətli Abdin müəllim olanları görməzdən gəlirlər. Nə deyək vallah, çox yəqin bu sahəni " ukraçiya" edən müavinlərin də boğazları,məşhur kinoda deyildiyi kimi 'yaxşıca yağlanmışdır". Təyinatı üzrə olan şikayyətləri aidiatı rəhbərliklərinə çatdlrmırlar. Hər halda belə vacib olan məsələlər,adları keçən çox hörmətli başçıların diqqətindən kənarda qalmamalıdır. Əlbəttə bu , xüsusilə çox hörmətli Mehriban xanımın və dövlətimizin təhsil siyasətinə qarşı pis nümunədir.
Bir müddət Şəki-Zaqatala RTİ-nə rəhbərlik edən, sonradan Lənkəran-Astara RTİ-nə transfer edilən Bəhruz Mehdiyev isə daha da irəli gedərək bir əldə iki qarpız tutmaq prinsipi ilə fəaliyyət göstərir.

Verilən məlumatlara görə Bəhruz Mehdiyev bu gün Lənkəran-Astara təhsilini “inkişaf etdirməklə” bərabər Şəki-Zaqatala regionunu da gözündən iraq qoymur. Yenə də öz kadrlarını təyin edir, köhnə əlaqələrini qoruyur. Necə deyərlər Bəhruz Mehdiyev bu gün Şəki-Zaqatala-Lənkəran-Astara RTİ-nin rəhbəri kimi “çox ağır və məşəqqətli” bir vəzifənin daşıyıcısıdır. Rəhbərlik etdiyi dövrdə direktorların işə qəbulunda yol verdiyi nöqsanlarla, idarə etdiyi regionda rüşvət və korrupsiyanın at oynatması ilə daima medyanın diqqət mərkəzində olan Bəhruz Mehdiyevə birdən birə iki regionun taleyini necə etibar edirlər? Bəlkə cənab Əmrullayev quberniya sistemi formalaşdırmaqla belə kadrlarına daha geniş ərazilər bəxş eləsin. Baxma da nə qədər olsa da büdcədən maaş Alanların sayı bir az azalar, gəlir bir əldə toplanar.
Belə-belə işlər, cənablar. Ulu öndər təhsilə millətin gələcəyi deyirdi. Budurmu bizim gələcəyimizə verdiyiniz dəyər? Millətin balalarının taleyi üzərində biznes şəbəkəsi qurulur, müxtəlif maraqlar təmin edilir. Elm və Təhsil nazirliyində bu gün hər şey var-bir tək elm və təhsildən başqa.

Yəqin onu da bir kövrək xatirə olaraq yaddaşıarda yaşatmaq üçün saxlayıblar. Çox romantik addımdır...
Davamı var...

RUBRİKA.AZ

Abşeron rayon, Xırdalanın mərkəzində yerləşən "Amid Apartman" sakinlərinə təhlükə yaradır.

Bu barədə "Azərbaycan Reallığı"na göndərilən video şikayətdə deyilir: vətəndaş bildirir ki, 2 il bundan öncə Apartmanda ev alsalar da bu günə kimi evlərinin kupçaları verilməyib. Etiraz etdikdə isə deyirlər ki, vəsaitimiz yoxdur, olan kimi problemi həll edəcəyik amma binanın qarşısını ağır texnika ilə qazdırır. Apartmanın Amid adlı rəhbərindən səbəbin soruşanda deyir ki, "bura mənimdir, özüm bilərəm."

Bundan başqa Amid adlı şəxs binanın qarşısında öz şəxsi gəlir məqsədi üçün sauna tikir. Bundan öncə də eyni əməli ilə "Lion fitnes zalı" tikib, hər an bina uça bilər, faciə yaşana bilər, hara şikayət etmək lazımdır artıq bilmirik. Bu onların ilk dəfə olan qanunsuz əməlləri deyil, ağzımızı açıb etiraz edə bilmirik, Amid müəllim deyir bura mənimdir, mən bilərəm. Bina çökəcək, xaiş edirik bizə kömək edin- deyə şikayətçi video müraciətində bildirir.

5 nömrəli Uşaq Vərəm Sanatoriyasının keçirdiyi satınalmalarda nə kimi təzadlar var
Səhiyyə Nazirliyinə tabeli qurumların dövlət satınalmalarındakı yol verdikləri qanunsuzluqlar barədə elektron mediada yetərincə məlumat tapmaq olar. Malumatlarda tibb müəssisələrinin hərəsinin bir formada qazanc əldə etdiyi yazılır. Biri təmir adı ilə, biri, avadanlaq adı ilə, biri, təsərrüfat malları adı ilə, bir çoxu dərman pereparatları adı ilə, bəziləri də içməli su adı ilə dövlət vəsaitlərini istədikləri istiqamətə yönəldirlər. Bunu da qeyd etdiyimiz kimi ancaq satınalmalar yolu ilə. Səhiyyə Nazirliyinə tabeli 5 Saylı Uşaq Vərəm Sanatoriyasının hər il etdiyi kimi.

Səhiyyə Nazirliyi 5 nömrəli Uşaq Vərəm Sanatoriyası içməli suyun alınması (daşınması) üzrə 07.02.2025-ci ildə başladığı kotirovka sorğusuna yekun vurub. Müsabiqənin (N:104932) qalibi “KVANTAS” Məhdud Məsuliyyətli Cəmiyyəti seçilib və tərəflər arasında 29.976,1 manat dəyərində satınalma müqaviləsi bağlanılıb. Məlumat dövlət satınalmalarının portalında 19.03.2025-ci ildə dərc edilib. Müsabiqənin şərtlərinə görə MMC mart ayından başlayaraq ilin sonuna qədər Uşaq Sanatoriyasını 8015 ton içməli su ilə təmin etməlidir.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “KVANTAS” (VÖEN:2008461141) Məhdud Məsuliyyətli Cəmiyyətinin 16.02.2024-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olanMMC-nin hüquqi ünvanının, BAKI ŞƏHƏRİ XƏTAİ RAYONU, SABİT ORUCOV, ev 17D, qanuni təmsilçisi kimi isə Əliyev Ağa Etibar oğlu qeyd olunub.

Qeyd edək ki, 5 nömrəli Uşaq Vərəm Sanatoriyası “içməli suyun alınması (daşınması) üzrə “ALİCENS” Məhdud Məsuliyyətli Cəmiyyəti ilə 29.225,7 manat dəyərində satınalma müqaviləsi bağlayıb. Satınalmaların portalında dərc edilmiş məlumatda müsabiqənin başlanma tarixi 09.08.2024-cü il, bitmə tarixi 30.12.2024-cü ilə müəyyən edilib. Bu müsabiqənin şərtlərinə görə MMC avqust ayından başlayaraq 2024-cü ilin sonuna qədər Uşaq Sanatoriyasını 9.278 ton içməli su ilə təmin etməli olub.

Burada təzad yaranır. Necə olur ki, Uşaq Vərəm Sanatoriyası 2024-cü ilin 5 ayı ərzində də içməli suyun alınmasına 29 min manat, 2025-ci ilin martından ilin sonuna qədər də 29 min manat vəsait xərcləyir?

Dövlət Vergi Xidmətinin məlumatlarında “ALİCENS” (VÖEN:1506622321) Məhdud Məsuliyyətli Cəmiyyətinin 07.12.2023-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 40 manat olan MMC-nin hüquqi ünvanının, BAKI ŞƏHƏRİ YƏHYA BAKUVİ, ev 106, qanuni təmsilçisi kimi isə Akporjon Turopov Akmadoviç qeyd olunub. MMC-nin təsisçisi və ilk qanuni təmsilçisi Həsənova Aytən Şahzadə qızı olub O, həm də Səhiyyə Nazirliyinə tabeli qurumların abadlaşdırma xidmətləri üzrə keçirdiyi satınalmaların qalibi olan “BRİC SERVİS-22” (VÖEN: 2007183841) MMC-nin qanuni təsilçisi olub. Hazırda MMC-nin 3277.28 manat vergi borcu var.

5 nömrəli Uşaq Vərəm Sanatoriyasının içməli suyun alınmasına 2023-cü ildə ayırdığı vəsaitə nəzər salaq.

Sanatoriya tərəfindən 3.000 ton içməli suyun daşınma xidməti üzrə “VİNEKS-22” MMC ilə 9.000 manat dəyərində satınalma müqaviləsi bağlanması portalda 15.07.2023-cü ildə dərc edilib. Müsabiqənin başlanma tarixi 12.07.2023-cü il, bitmə tarixi 30.12.2023-cü ilə müəyyən edilib.

Dövlət Vergi Xidmətinin məlumatlarında “VİNEKS-22” (VÖEN:1703234921) Məhdud Məsuliyyətli Cəmiyyətinin 16.02.2022-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ SƏBAİL RAYONU, Q.ABBASOV, ev 29, qanuni təmsilçisi kimi isə Hifzullo Sulaimonov qeyd olunub. Hazırda MMC-nin 4258.96 manat vergi borcu var.

Sanatoriya tərəfindən 8.250 ton içməli suyun alınması üzrə “OPPONENT-2019” MMC ilə 28.957,5 manat dəyərində satınalma müqaviləsinin bağlanması portalda 14.03.2023-cü ildə dərc edilib. Müsabiqənin başlanma tarixi 10.03.2023-cü il, bitmə tarixi 30.12.2023-cü ilə müəyyən edilib. Bundan əlavə Sanatoriya ilə sözügedən MMC arasında bir müqavilə də çirkab mayelərin daşınması üzrə bağlanılıb. 14.03.2023-c ildə dərc edilmiş məlumatda müqavilənin dəyərinin 13.590 manat olduğu göstərilir.

Göründüyü kimi Uşaq Vərəm Sanatoriyası 2023-cü ildə içməli suyun alınmasına iki dəfə satınalma keçirib və ayrı ayrı MMC-lərlə ümumi dəyəri 37 957 manat olan iki müqavilə bağlayıb.

Dövlət Vergi Xidmətinin məlumatlarında “OPPONENT-2019” (VÖEN:1102154081) Məhdud Məsuliyyətli Cəmiyyətinin 18.11.2019-cu il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 5 manat olan MMC-nin hüquqi ünvanının, BAKI ŞƏHƏRİ QARADAĞ RAYONU, MÜŞFİQABAD ŞTQ, , ev 9, m. 56, qanuni təmsilçisi kimi isə Allahverdiyev Ruhin Səxavət oğlu qeyd olunub. Hazırda MMC-nin 1041.31 manat vergi borcu var. Mediada yayılan məlumatlarda əslən Cəbrayıl rayonundan olan Allahverdiyev Ruhinin Biləsuvar rayonunda məcburi köçkünlər üçün salınmış qəsəbədə qeydiyyatda olması və adına xeyli sayda MMC-lərin rəsmiləşdirildiyi və bu MMC-lərin dövlət satınalmalarında “otkad” məqsədlərlə istifadə edildiyi deyilir.

Göründüyü kimi 5 nömrəli Uşaq Vərəm Sanatoriyası son iki ildə içməli suyun alınmasına ümumi olaraq 97 158 manat xərcləyib. O da açıq görsənir ki, Vərəm Sanatoriyasının müqavilə bağladığı MMC-lərin heç biri Azərbaycan Respublikası Nazirlər Kabinetinin 30 dekabr 2023-cü il tarixli 494 nömrəli Qərarı ilə müəyyən edilmiş təchizatçıların satınalma müqaviləsinin icrası üçün müvafiq sahədə peşəkarlığının, təcrübəsinin, maliyyə imkanlarının və ödəmə qabiliyyətinin olması tələblərinə uyğunluğunun qiymətləndirilməsi meyarlarına cavab vermir. Belə MMC-lər çox vaxt kağız üzərində yaradılır və bir-iki müqavilə bağlayıb maliyyə əməliyyatları apardıqdan sonra ya ləğv edilir, ya da bir kənara atılır.

Qeyd edək ki, 5 nömrəli Uşaq Vərəm Sanatoriyasının direktoru Cavadova Ruhəngiz Kamil qızıdır. Onun adı dövlət qurumlarının keçirdiyi tenderlərdə dəfələrlə qalib gələn 35 şirkətin rəhbəri Fəqani Rəhimovun işi ilə bağlı 2024-cü ilin noyabrında elektron mediada yayılan məlumatlarda keçir. Belə ki, onun şirkətləri ətrafında aparılan istintaqla bir neçə vəzifəli şəxsin də qanunsuzluqlarının üstü açılıb. Şirkətlər vasitəsilə dövlət əmlakını mənimsəyən vəzifəli şəxslər müəyyən edilib. Həmin vəzifəli şəxslərdən biri də 5 nömrəli Uşaq Vərəm Sanatoriyasının baş həkimi Ruhəngiz Cavadova olub və məlumata görə Baş Prokuror yanında Korrupsiyaya qarşı Mübarizə Baş İdarəsi tərəfindən adları çəkilən vəzifəlilərin hamısına vurduqları ziyan qəpiyinə kimi ödətdirilib.

Aktualinfo.org

Bir zamanlar keçmiş Bakı meri Hacıbala Abutalıbovun "sevə-sevə tikdiyi" Azərbaycan paytaxtının qara günləri bitmək bilmir ki bilmir. Ayrı-ayrı inşaat şirkətləri Bakını eksperement zonasına çevirərərk istədiklərini edirlər ki, bu da zaman-zaman həmin qurumlarla vətəndaşların kəskin toqquşmaları ilə müşaiyət olunur. Elə keçən günlərdə baş verən olay - "Melissa Group" adlı MTK-nın özbaşınalığı və nəticədə bu şirkətin üzdə görünən isminin həbsə atılması dediklərimizin əyani sübutu kimi qəbul oluna bilər.

"DİA-AZ" vurğulayır ki, əslində burada əsas məsuliyyət, əsas cavabdeh Dövlət Şəhərsalma və Arxitektura Komitəsi olsa da, hər dəfə bu qurumun başında dayanan GERÇƏK DƏLLALAR məsuliyyətdən yayına bilirlər. Elə sonuncu dəfə də belə oldu. Amma realda hər kəs yaxşı bilir ki, Bakıda kimsə bu qurumun icazəsi olmadan nəinki kiminsə evini uçura bilməz, heç kiminsə evinə yaxın belə düşə bilməz...

Və faktdır ki, bu reallıq fonunda əsas günahkarlar - Dövlət Şəhərsalma və Arxitektura Komitəsinin rəhbərliyi həbsdən qurtuldu. Bakı isə yenə də xaraba günə qoyulmaqdadır. Elə bayram günlərində də...

"DİA-AZ" bildirir ki, uzun bayram günlərində dövlət orqanlarının tətilə çıxdığını fürsət bilən işbazların “gizli” tikinti və söküntü işləri apardıqlarını son illər çox müşahidə etmişik.

Yola saldığımız bayram tətilində də (20-31 mart) gözlənilən hadisələr baş verdi. Onları bir daha diqqətə çatdırırıq:

1. Qara Qarayev prospekti 82A - yaşayış binasının həyətində avtoyuma və bu tip obyektlərin quraşdırılmasına başlanıldı (Nizami rayonu);
2. Məhəmməd Hadi küçəsi, “Həzi Aslanov” m.st-nın çıxışı - ağacların arasında obyekt quraşdırıldı (Xətai rayonu);
3. Birinci Alatava massivi, Abdulvahab Salamzadə küçəsi 118B - zorla köçürülməyə məruz qalan sakinlər evdə ola-ola söküntü işləri aparıldı (Yasamal rayonu);
4. Şərifzadə küçəsi - köhnə “Azon Zavod”un ərazisində ağaclar kəsildi (Yasamal rayonu).

Bir daha qeyd edirik ki, bütün bu tikinti xaosu birbaşa olaraq Dövlət Şəhərsalma və Arxitektura Komitəsindən qaynaqlanır. Bunu elə başda oturanlar da yaxşı bilir. Amma bu bilginin hansısa məsuliyyət paylaşımına təsiri olacaqmı? Bunu isə zamanla görəcəyik...

Məsələ diqqətimizdədir...

“PROQRESS İNŞAAT EN”ə 5 milyonluq jest

Ötən il ərazində Abşeron rayon İcra Hakimiyyəti toplam 7 tender keçirib. Tribunainfo.az xəbər verir ki, bu tenderlər üzrə 5 milyon 314 min 41 manat pul xərclənib.

Bildirək ki, bu müsabiqələrə yolların təmiri, bina fondunun yenilənməsi, park tikintisi, Xırdalan şəhərinin işıqlandırılması və digər işlər daxildir.

Məsələnin maraqlı tərəfi odur ki, Abşeron rayon İcra Hakimiyyətinin başçısı Abidin Fərəzliyev bütün bu tenderləri bir şirkətə verib. Söhbət “PROQRESS İNŞAAT EN” MMC-dən gedir. Abşeronda hər işi görən bu şirkətlə İcra Hakimiyyəti arasında o qədər dərin bağlar var ki, Fərəzliyev Azərbaycan xalqının “Milli Qurtuluş günü” ilə əlaqədar tədbirin təşkili işlərini də bu şirkətə etibar eib. Bunun üçün də 190 min 331 manat pul da alıb.

“PROQRESS İNŞAAT EN” MMC ümumilikdə 2024-cü il ərazində cəmi 15 tenderə qatılıb. Onun 7-si Abşeron rayon İcra Hakimiyyətinin, 2-si Sumqayıt İcra Hakimiyyətinin (toplam 2 milyon manata yaxın), ikisi isə Beləqan İcra Hakimiyyətinin (toplam 637 min manat) keçirdiyi tenderlər olub. Bundan başqa, MMC “AZƏRİSTİLİKTƏCHİZAT” ASC 250 minlik, AMEA-nın 120 minlik, Biləsuvar İC-in 33.5 minlik, SDU-nun 83.2 minlik müsabiqələrini də ala bilib.

Nəzərinizə çatdıraq ki, Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “PROQRESS İNŞAAT EN” MMC Bakı şəhəri Lokal Gəlirlər Baş İdarəsində 29.11.2021-ci il tarixdə dövlət qeydiyyatına alındığı bildirilir. Nizamnamə kapitalı cəmi 1000 manat olan MMC-nin hüquqi ünvanının BAKI ŞƏHƏRİ XƏTAİ RAYONU, PİVƏ ZAVODU, ev 24/6, qanuni təmsilçisinin isə İslamov Nazim Əli oğlu olduğu göstərilir. Reyestrinə daxil edilmiş məlumatlarda 07-07-2022-ci il tarixədək MMC-nin qanuni təmsilçisi Şirinov Eldar Bəhlul oğlu olub.

Qeyd edək ki, MMC-nin qanuni təmsilçisi Şirinov Eldar Bəhlul oğlunun barəsində kifayət qədər geniş məlumatlar var.Təkzib olunmamaış məlumatlarda Şirinov Eldar Bəhlul oğlunun Bakı şəhər İcra Hakimiyyətinin Mənzil-Kommunal Təsərrüfatı Departamentinin sədri Rəfail Mehralıyevin yeznəsi olduğu göstərilir.

Bu məlumatın mövcudluğu onu deməyə əsas verir ki, Abidin Fərzəliyevlə şirkət arasındakı simsarlıq elə bu yeznə-kürəkən məsələsinə bağlıdır. Yəni, Abşeronun icra başçısı kənar adama deyil, elə Mehbalıyevin kürəkəninə tenderləri verməklə, lazım olanda bu odioz məmurun əli ilə işlər görməyə çalışır.

Yazıda adı keçən qurumların və şəxslərin də mövqeyini dərc etməyə hazırıq.

Nərimanov metrosu yaxınlığında yerləşən Aristokrat Klinikasında daha bir saxta stomatoloq ifşa edilib.

Sosial şəbəkələrdə "Dentist.Anar" adı ilə tanınan Anar adlı şəxsin stomatologiya fəaliyyəti üçün heç bir icazə sənədi, diplom və sertifikasiyası yoxdur.

Bu, yalnız bir fırıldaqçılıq deyil, eyni zamanda insanların sağlamlığına və həyatına ciddi təhlükədir. Rəsmi icazəsi olmayan şəxsin tibbi müdaxilə etməsi qanunla qadağandır və bu cür hallar inzibati və hətta cinayət məsuliyyəti yaradır.

Son zamanlar saxta həkimlərə qarşı mübarizəsi ilə tanınan Qənirə Ataşova dəfələrlə belə fırıldaqçılara qarşı sərt addımların atılmasını tələb edib. Ümid edirik ki, bu ifşaedici məlumatdan sonra Səhiyyə Nazirliyi və hüquq-mühafizə orqanları dərhal araşdırmalara başlayacaq və bu təhlükəli fəaliyyətə son qoyulacaq.

Cəmiyyət olaraq sağlamlığımızı təhlükəyə atan saxta həkimlərə qarşı biganə qala bilmərik!(xususi.Tv)

Qarşı tərəfin mövqeyini dərc etməyə hazırıq

İllərdir Bakıda demək olar bütün tenderlərin qalibi kimi məşhurlaşan iş adamı haqqında mediada tənqidi yazılar yazılır, fikirlər səslənir.

Redaksiyamıza daxil olan məlumatda qeyd olunur ki, Bakı şəhər İcra hakimiyyətinin və nazirliklərin dəstəyi ilə iri layihələrə ayrılan vəsait məhz həmin iş adamına həvalə edilir. Görülən işlərlə bağlı dəqiq olan məlumat odur ki, dövlət büdcəsindən ayrılan milyonların böyük faizi mənimsənilir.

Bəs hamının tanıdığı dövlət büdcəsini saxta adlarla talayan bu milyonçu iş adamı kimdir?
Azərbaycanda tender sahəsi üzrə məşhurlaşan, bu sahədən illər ərzində milyonlar qazanan və bu sahənin ən əsas oyunçularından biri “tender kralı” kimi tanınan iş adamı Hacı Ramazan Mirzəyev hesab olunur. Ölkə mətbuatında Ramazan Mirzəyevin müxtəlif sahələrdə tenderləri udan onlarla, bəlkə də yüzlərlə şirkətinin adı açıqlanıb və bu şirkətlərin tenderləri udması bir qayda olaraq qanun pozuntusu ilə müşahidə olunub. Buna baxmayaraq Ramazan Mirzəyev hələ də ölkənin ən çox tender udan sahibkarı olmaqda davam edir.

Bir qayda olaraq dövlət satınalmalarında iştirak edib. Qalib gələn MMC-ləri heç kimin tanımadığı adamların adına açır. Bəzən isə həmin adamlar özləri də bizneslə məşğul olduqlarını və bahalı tenderlərin qalibi olduqlarını bilmirlər. Bəzən isə Ramazan Mirzəyevə məxsus olan onlarla şirkət eyni ünvanda fəaliyyət göstərir.
Nə hikmətdirsə, illərdir dövlət qurumlarının keçirdiyi tenderlərin əksəriyyətinin qalibi məhz Ramazan Mirzəyevə bağlı şirkətlər olur. İl ərzində milyonlarla manat tenderlərin qalibi olan bu şirkətlər haqqında axtarış aparılan zaman da hansısa ciddi bir məlumata rast gəlmək mümkün deyil. Bu şirkətlərin nə rəsmi ünvanları, ofisləri, nə də sosial şəbəkələrdə hesabları var. On minlərlə manat dəyərində tenderlərin qalibi olan şirkətlərlə isə əlaqə saxlamaq mümkün deyil. Çünki heç yerdə bu şirkətlərin əlaqə məlumatıarı yoxdur.

İş adamı böyük tenderləri “VEST-LTD” QSC ilə “İnpeks.N.” MMC şirkətləri ilə udsa da, digər kiçik satınalmalarda isə, əsasən, 10 manatlıq MMC-lərini işə qoşur.
Ramazan Mirzəyevlə bağlı yayılan informasiyalardan biri də onun heç kəsin tanımadığı minlərlə 10 manatlıq şirkətlərə sahib olması ilə bağlıdır.

Ölkə mətbuatında yayılan məlumatlarda 2018-2024 cü illərdə Bakı Şəhər İcra Hakimiyyətininin və digər qurumların satınalmalarında qalib olan “Yukon-K”, “Astok-5”, “Foodr 21”, “Vinsfud”, “Vertus 2018”, “Local LLC”, “Green SS”, “Ardo-2017”, “Təchizat Servis-18”, “Hermes-R Group”, “Staples Holding”,”Aztex-NN Servis”, “Gibernes MM”, “Katlos 2020”, “Local LLC”, “Forvard-SS”, “Olimpic HH”, “Kross Good”, “Faraon 200”, “Rudel Marketing” MMC- şirkətlərinin Ramazan Mirzəyevə məxsus olduğu qeyd olunub.
Sual olunur - Ramazan Mirzəyevə niyə bu qədər şərait yaradılır və dövlət vəsaitlərini mənimsəyən bu şəxs barədə niyə tədbirlər görülmür? Cavab sadədir - Ramazan Mirzəyev yuxarılar tərəfindən himayə olunmaqla yanaşı ona tender qazandıran qurumlarla şərikli mənimsəmələrdə iştirak edir. Əks təqdirdə bu şəxsin qara gözü, qara qaşı digərlərindən fərqlənmir. Reallıq. Tv - araşdırmalarından məlum olur ki, Ramazan Mirzəyevə məxsus şirkətlər son 10 il ərzində milyardlarla vəsaiti tenderlərdə qazanıb. Bu vəsaitlərin çox hissəsi isə iş adamı tərəfindən mənimsənilib. Onu da qeyd edək ki, Ramazan Mirzəyev Neftçala, Masallı və digər rayonlarda böyük biznes şəbəkəsinə sahibdir.
Ramazan Mirzəyevin digər qanunsuz əməlləri ilə bağlı araşdırmalarımız davam edir.
Yuxarıda qeyd olunan iddialarla bağlı Ramazan Mirzəyevlə və ona bağlı olan şirkətlərlə əlaqə saxlamağa çalışsaq da heç bir əlaqə məlumatı tapa bilmədik. İddialarla bağlı Ramazan Mirzəyevin və ona bağlı olduğu iddia edilən şirkətlərin mövqeyini dərc etməyə hazırıq.(Reallıq. Tv)

Astara rayon Icra Hakimiyyəti ötən il 9 tender keçirib. Tribunainfo.az xəbər verir ki, bu barədə açıq mənbələrdə məlumat yayılıb.

Qeyd edilir ki, bu tenderlərdən beşinin nəticələri müxtəlif səbəblərdən ləğv olunub. Tribunainfo.az-ın araşdırmasına görə, ləğv olunan tenderlərdən birinin maliyyələşdirilməsi Anti İnhisar və İstehlak Bazarına Nəzarət Dövlət Xidmətinin dayandırlıb. Səbəb isə tenderin qalibi olmuş şirkətlə gizli sövdələşmənin müəyyən edilməsi olub. Digər tenderlərlə bağlı isə qanun verciliyin tələblərinin pozulması səbəbindən protokol tərtib edilib.

Araşdırma zamanı o da bəlli olub ki, Astara Icra Hakimiyyəti nəticələri tanınan 4 tenderi üç şirkət arasında bölüşdürüb. Toplam 1 milyon 79 min 488 manat təşkil edən bu müsabiqələrin əsas qalibi “Elnur-2” Universal İstehsalat Kommersiya Şirkəti olub. İki tenderin qalibi olmuş şirkət İcra Hakimiyyəti ilə 703 min 588 manatlıq satınalma müqaviləsi bağlayıb.

Digər iki tender isə “ASA-TİKİNTİ” MMC (102 min 848 manat) və “TOPXANA LAYİHƏ İNŞAAT” MMC (273 min 52 manat) arasında paylaşdırılıb.

Astara İcra Hakimiyyətinin “Elnur-2” şirkətinə bu qədər etimad göstərməsi maraqlıdır. Bakı şəhəri, Binəqədi rayonu, Süleyman Sani Axundov küçəsi, ev 11/35, mənzil 57 ünvanında hüquqi qeydiyyatda olan “Elnur-2” Universal İstehsalat Kommersiya Şirkəti 11 fevral 1994-cü ildə qeydiyyata alınıb. Nizamnamə kapitalı 1.60 manat olan şirkətə Abıyev Zaur Niyaz oğlu rəhbərlik edir.

Məsələnin ikinci maraqlı tərəfi odur ki, “Elnur-2” şirkəti ilə Astara İcra Hakimiyyəti arasında tender anlaşması 2024-cü ildən əvvəllər də olub. Məsələn, 2019-cu ildə şirkət Astara Rayon İcra Hakimiyyətindən 2 milyon 233 min manatlıq tender qazanıb. Eləcə, 2020-ci və 2023-cü illərdə də bu əməkdaşlıq davam edib.

Yuxarıda qeyd etdiyimiz tenderlərdən birinin ləğv edilməsi səbəbinin gizli sövdələşmə olması da elə “Elnur-2” şirkəti ilə bağlı olub. Belə ki, AİİBNDX şirkətlər Icra Hakimiyyəti arasında gizli sövdələşmənin olmasını müəyyən edərək, onu prosesdən uzaqlaşdırıb. Hərçənd belə halı hüquq-mühafizə orqanları araşdırmalı və hüquqi rəy verməli idi. Eyni zamanda, “Elnur-2” şirkətinin də tenderlərə qatılmasına məhdudiyyət qoyulmalıydı. Lakin görünən odur ki, bu tələblərə məhəl qoyulmayıb. Niyəsini isə dəqiqləşdirmək imkanımız olmayıb.

Bundan başqa, “Elnur-2” şirkətinin adı bir sıra qalmaqallara da qarışıb. Belə ki, şirkət öhdəliklərini yerinə yetirmədiyi üçün məhkəməyə verilib. Həmçinin Zaur Abıyevin adı “MTN işi”ndə zərərçəkən kimi qeyd edilib.

Xatırladaq ki, Astaranın icra başçısı Qəzənfər Ağayevdir.