Yanvarın 29-da ölkə üzrə bələdiyyə seçkiləri keçiriləcək. Bu seçkilər yerli özünüidarəetmə baxımından vacib seçki heab edilir.
Lakin bəzi rayonlarda çete halında büdcə təşkilatlarında kök salmış şəxslər seçkiləri sanki evlərindəki toy-nişan kimi təşkil edib indidən sonucunu da müəyyən ediblər.
Gundeminfo.az-a daxil olan məlumata görə Sabirabad rayonunda ən böyük kəndlərdən biri ol. an Cavad Bələdiyyəsi üzrə seçkilər də bir qrup məmurun maraqları üçün artıq formalaşdırılıb.

Cavad Bələdiyyəsi üzrə qeydə alınan namizədlərin sayı 21 nəfərdir. Bələdiyyə üzrə seçiləcək üzvlər isə 11 nəfər olacaq. Förd kəndi, Cavad, Həsənli, Əlicanlı və Zəngənə kəndlərini əhatə edən bu bələdiyyə ərazisində xeyli sayda məmurun böyük fermaları, torpaq sahələri və obyektləri var.
Bu baxımdan da Cavad Bələdiyyəsi ilə bağlı “şəxsi dükan” prinsipləri işləyir.
Gundeminfo.az-a daxil olan məlumata görə Cavad Bələdiyyəsi Kür və Araz Çaylarında Bəndlərin Mühafizəsi İdarəsinin rəisi Elman Nuriyevin Kurasiyasındadır. Elman Nuriyev uzun illər Meliorasiya və Su Təsərrüfatı Cəmiyyətinin sədrinin müavini olmuş Zakir Quliyevin bibisioğludur.

Zakir Quliyev hazırda Regional Su Meliorasiya Xidmətinin rəisidir. Yəni bu o deməkdir ki, Zakir Quliyev Mərkəzi Arandakı qoyun sürülərini saxlamağa davam edəcək. Torpaqlarını əkəcək və əlbəttə ki, Sabirabadda hakimi-mütləq olaraq nifuzunu qoruyacaq.
Z.Quliyevin yaxın qohumları Sabirabadda yüksək vəzifə tutmaqla yanaşı həm də daha böyük hədəflərə çatmaq istəyirlər.

Məsələn Cavad Bələdiyyəsi üzrə uzun illər bələdiyyə sədri olan Ağahəsən Rüstəmliyə də sürpriz hazırlayıblar. Elman Nuriyevin qardaşı oğlu Nihad Nuriyev bələdiyyə üzvlüyünə namizəddir. Nihad Nuriyev əslində kənddə Qoçu kimi tanınır. Bəli babasının adın daşıyır. Qoçu Kür və Araz Çaylarında Bəndlərin Mühafizə İdarəsinin rəisi Elman Nuriyevin sevimli kadrıdır. Çünki uzun illər elə bu idarədə yüksək vəzifələrdə “çalışıb”. Yəni əmək haqqı kartları cibində olub.
Niyə “əmək haqqı kartları”? Bəli Qoçu (Nihad) Nuriyev krallar kimi həyat yaşayıb. Kəndin qaziləri, şəhid ailələri işsizlikdən məmurların qapısında yalvaranda Qoçu öz bahalı avtomobilləri ilə kənddə qoçuluq edirdi.
Qoçu (Nihad) Nuriyevin atası Nuriyev Saleh Qoçu oğlu da yetərincə biznes “uğurları” qazanıb.
Məsələn elə Cavad kındində Kür çayının mühafizə zolağında yerləşən böyük bir ərazini zəbt edib özünə restoran, kafelər, avtotəmir sexləri yaradıb. Amma onun “uğurlu” biznesi bununla da bitməyib. Bu barədə detallı olaraq məlumatları təqdim edəcəyik.


İndi isə qayıdaq yanvarın 29-da Cavad Bələdiyyəsi üzrə keçiriləcək seçkilərə. Bu seçkilər böyük ehtimalla Elman Nuriyevin Sabirabad Rayon Yeni Azərbaycan Partiyasının sədrinin müavini olaraq nəzarətində keçəcək.

Çünki qardaşıoğlu Nihad (Qoçu) Nuriyev hər yerdə “nə seçki, sədr özüm olacam” deyir.
Redaksiyamıza Cavad kəndindən olan Birinci və İkinci Vətən Müharibəsinin iştirakçıları tərəfindən Ali Baş Komandan Cənab İlham Əliyevə ünvanlanmış müraciət daxil olub. Bələdiyyə ərazisində yaşayan elm adamları, Qarabağ qaziləri, veteranları seçkilərin şəffaf keçirilməsiinin təmin edilməsi üçün Ali Baş Komandana müraciət ediblər. Onlar böyük bir bələdiyyənin (700 hektara yaxın torpaq sahəsi, 500 iaşə obyektinin olduğu ) ərazisində seçkilərin demokratik keçirilməsi üçün müraciət ediblər.
Ardı var....
Məqalədə səsləndirilən iddialarla bağlı qarşı tərəfin də mövqeyini dinləməyə hazırıq.

Cəlilabadda saxta sənədlərlə torpaqlar zəbt olunur

Bu barədə rayondan faktlarla məlumatlar daxil olub. Belə ki, rayon sakini Ramal Abbasov Muğan bələdiyyəsinin saxta sənədi ilə Göytəpə şəhər bələdiyyəsinə məxsus torpaqda fərdi evlər tikib. Maraqlı məqam ondan ibarətdir ki, rayonda nəzarət edən qurumlar nə üçün bu cür qanunsuzluqlara göz yumur?

Qeyd etdiyimiz məlumat iki versiyadan ibarət ola bilər.

Birinci versiya ondan ibarətdir ki, R. Abbasov küllü miqdarda rüşvət verib və bunun muqabilində saxta sənədlərlə istəyinə nail olub. İkinci versiya ondan ibarətdir ki, heç bir qurumun məlumatı olmadan “gecəqondu” iş prinsipi ilə zəbt olunan torpaqlarda fərdi evlər tikib. Sual yaranır.Doğrudanmı, Cəlilabad rayonunda tikintiyə nəzarət edən qurumlar bu anlaşmaya gedib?

Bir sözlə, Abbasovlar qardaşları dövlət torpaqlarını və bələdiyyələrin balansında olan torpaqları “özəlləşdiriblər”. Necə ola bilər ki, Muğan bələdiyyəsinə məxsus sənədlərlə digər əraziləri zəbt edəsən?

Digər bir məlumatda isə bildirilir ki. məsələ ilə bağlı Daşınmaz Əmlakın Dövlət Reyestr Xidmətinin 8 saylı Ərazi İdarəsinə və digər qurumlara rəsmi müraciət olunsa da heç bir tədbir görülməyib.

Qeyd edək ki, Cəlilabadın icra başçısı Rafiq Cəlilovdur.

Mövzüya yenidən qayıdacayıq…

/XALQ.az

Abşeron rayonu, Xırdalan şəhəri, "AAAF Park" yaşayış kompleksinin girişində dövlət atributları sökülərək yerində restoran tikilir.

Bu barədə sakinlər "Arqument.az" xəbər veriblər.

Sakinlər bu barədə sosial şəbəkələrdə də məlumat yayıblar.

Onlar kompleksdəki mövcud vəziyyətdən şikayətçidirlər.

Sakinlər bildirirlər ki, tikinti sahəsi yaşayış binasına çox yaxındır.

Tikinti gizli aparıldığından inşaat işçiləri gecə də işləyirlər. Səs-küydən qulaq tutulduğunu bildirən sakinlər əraziyə indiyə qədər heç bir dövlət qurumundan nümayəndə gəlmədiyini bildirirlər.

Dövlət Şəhərsalma və Arxitektura Komitəsinin və Fövqaladə Hallar Nazirliyinin Tikintidə Təhlükəsizliyə Nəzarət Dövlət Agentliyinə dəfələrlə müraciət edən sakinlər "Arqument.az"a bildiriblər ki, bu qurumlar da "müdrikcəsinə" susur.

Yenilikçi məmur kimi təqdim edilən, Bakının Baş Planı tapşırılan Dövlət Şəhərsalma və Arxitektura Komitəsinin sədri Anar Quliyev də "AAAF PArk"da baş verənlər barədə nədənsə ona ünvanlanan şikayətlərə əhəmiyyət vermir.

Saknərin dediyinə görə, narazılığa səbəbə sözügedən tikintinin Heydər Əliyevin posterinin sökülərək yerində inşa edilməsidir.

Sakinlər onu da qeyd edirlər ki, bu tikintini aparan hər kimdirsə, həm FHN, həm də Dövlət Şəhərsalma və Arxitektura Komitəsi bu şəxsdən bərk çəkinir.

Abşeron Rayon İcra Hakimiyyətindən isə ümumiyyətlə danışmağa dəyməz.

Sakinlər deyirlər ki, tikintini Namiq Məmmədov adlı şəxs aparır, o da şikayətçilərə yuxatılarla anlaşdıqlarını, şikayətlərin mənasız olduğunu deyir.

"AAAF Park" Yaşayış Kompleksinin sahibi idman ustası Tofiq Heydərovdur.

Tofiq Heydərov həm də "AAAF Holding" Məhdud Məsuliyyətli Cəmiyyətinin qanuni təmsilçisidir. "AAAF Holding" MMC 2016-cı ildə təsis edilib.

Sözügedən qanunsuz tikintinin aparıldığı "AAAF Park" Yaşayış Kompleksində fəaliyyət göstərən daha bir şirkət - "AAAF Park Xırdalan" MMC də Heydərovlara məxsusdur.

"AAAF Park Xırdalan" MMC-nin qanuni təmsilçisi Tofiq Heydərovun qardaşı Səlim Heydərovdur.

Bu şirkət 2013-cü ildə təsis edilib.

Son zamanlar Azərbaycanda tenderləri udan iri şirkətlərin əksəriyyətinin arxasından ya bir məmur, ya da deputat çıxır. Bu sırada öncül yerlərdən birini tutan şirkət isə "AzəriMed”dir.

TEREF xəbər verir ki, Tribunainfo.az həmin şirkət, onun gerçək sahibi və digər məsələlərlə bağlı araşdırma aparıb.

67 milyonluq tenderləri udan "əjdaha”

"Azəri Med” QSC-ni "tender əjdahsı” saymaq olar. Çünki ölkədə ən çox tender udan, üstəlik, bahalı müsabiqələrin qalibi olub. O ayrı məsələdir ki, şirkət buna necə nail olub.

Fakt odur ki, sözegedən şirkət təkcə 2024-cü ildə toplam 67 milyon manatlıq tender udub. Əsasən Səhiyyə Nazirliyinin balansında olan müəssisə və mərkəzlərin keçidiyi tenderlərin qalibi olan şirkətin elə ən böyük qazancı da buradan olub. Belə ki, "Azəri Med”in ən böyük tenderinin məbləği 30 milyon manat təşkil edib. Həmin tender Milli Onkologiya Mərkəzinin keçirdiyi müsabiqə olub. Müsabiqəyə əsasən "Azəri Med” kimyəvi reaktorlar, avadanlıqlar və digər vasitələr alıb.

Bundan başqa, şirkətin milyonluq tenderlərin qalibi olması faktı isə açıq mənbələrdə də qeyd olunub. Sonuncu belə "əməliyyatlardan” biri isə Naxçıvanda baş tutub. Şirkət Naxçıvan MR Səhiyyə Nazirliyinin 1 milyonluq tenderinin qalibi olub.

"Azəri Med”in əsl sahibi kimdir?

İqtisadiyyat Nazirliyi yanında Dövlət Vergi Xidmətinin reyestr məlumatlarında, "Azəri Med” QSC-nin 2 iyul 2004-cü ildə qeydiyyata alındəğə qeyd edilib. Nizamnamə kapitalı 10 000 manat olan şirkətin hüquqi ünvanı Nərimanov rayonu, Asif Məmmədov küçəsi, ev 30F-də yerləşir. QSC-nin qanuni təmsilçisi Rəhimli Famil Vəli oğludur.

Lakin araşdırma zamanı bəlli olub ki, Famil Rəhimlidən əvvəl şirkəti Qafarov Elman Cabbar oğlu, ondan əvvəl isə Qafarov Hüsaməddin Şəmsəddin oğlu təmsil edib. Hər iki şəxsin deputat Kamaləddin Qafarovla yaxın qohumluq əlaqələrinin olduğu bildirilir. Daha doğrusu, onun əmisi uşaqları olduğu vurğulanır.

Bundan başqa, 2020-ci ilədək "Azəri Med” QSC-nin hüquqi ünvanı Binəqədi rayonu, Mustafa Kamal Atatürk prospekti ev 65 A, məhəllə 3078A, mənzil 155-də yerləşib. Mediada gedən məlumatlara görə, bu ünvanda deputat Kamaləddin Qafarov da qeydiyyatdadır.

Təbii ki, "əl dəyişdirmə”, yəni əmioğlanlarının adını çıxarıb, başqa birini qanunu təmsilçi təyin etmək izi itirmək məqsədi daşıyıb.

MOM-un tenderlərinin "qənimi”

Nəzərinizə çatdıraq ki, deputat Kəmaləddin Qafarov təkcə deputat deyil, həm də Milli Onkologiya Mərkəzinin direktor müavini vəzifəsində çalışıb. Elə Milli Onkologiya Mərkəzinin keçirdiyi tenderlərin əsas qalibinin "Azəri Med”in olması da bu işlərdə Qafarovun əlinin olması şübhələrini artırır.

Nəzərinizə çatdıraq ki, Kamaləddin Qafarov V və VI çağırış Milli Məclisin deputatıdır. O, 2015 və 2020-ci illərdə keçirilən parlamen seçkilərində hakim Yeni Azərbaycan Partiyasının (YAP) namizədi kimi 9 saylı Binəqədi İkinci Seçki dairəsindən deputat seçilib.

Yuxarıda qeyd edtdiyimiz kimi, Qafarovun olduğu bildirilən şirkət MOM-un 30 milyonluq tenderini birdəfəyə qazanıb. Bunun da səsbsiz yerə olması inandırıcı deyil.

Deputatın daha hansı şirkətləri var?

Bundan başqa, mediada gedən məlumatlardan aydın olur ki, Kamaləddin Qafarovun biznesi "Azəri Med” QSC ilə məhdudlaşmır. "AzeriMed Tibbi Market”, "Zəfəran” apteklər şəbəkəsi və "Zəfəran Hospaital” və "Shafran” şirkətinin də deputata məxsus olduğu iddia edilir. Yeri gəlmişkən, "Shafran”ın da qanuni təmsilçisi deputatın əmisi oğlu Hüsaməddin Qafarovdur.

Xaricə uzanan biznes

Açıq mənbələrdə Kəmaləddin Qafarovun biznesinin təkcə Azərbaycanda deyil, onun hüdudularından kənara çıxdığına dair də çoxlu məlumatlar var. Xüsusən də onun şirkətlərinin Gürcüstanda yayğın şəkildə fəaliyyət göstərdiyi bildirilir.

Bu barədə tanınmış araşdırmaçı journalist Cavanşir Həsənli daha detallı məlumat paylaşıb.

Qanunu pozan millət vəkili

Qeyd edək ki, qanunla deputatın bizneslə məşğul olması qadağandır. Lakin görünən odur ki, bəzi deputatlar üçün qanun vacib deyil. Əks təqdirdə, nə Qafarov, nə də onun kimi daha bir neçə deputat açıq şəkildə bizneslə məşğul olmazdı.

Digər tərəfdən, Kəmaləddin Qafarov qanunverici orqanın təmsilçisidir. Onun qanunlara hörmət etməsi digərlərindən daha çox lazımdır. Bu, həm məsuliyyət, həm də millət vəkili kimi onun borcudur.

Amma məlum olan odur ki, Qafarov qanunu pozanların sırasında ən öndə gedənlərdən biridir.

Qafarov "Lal derutat” ləqəbini niyə qazanıb?

Maraqlı məqamlardan biri də odur ki, Kəmaləddin Qafarov elə dərin istedada və ya güclü siyasi fəaliyyətə malik deyil. Bunu onun iki dəfə seçildiyi deputatlığı zamanı fəaliyyətsizliyi də təsdiq edir. Elə bu səbəbdəndir ki, əksəriyyət Qafarovu "lal deputat” kimi səciyyələndirir.

İkinci maraqlı məsələ odur ki, Kəmaləddin Qafarov ölkəmiz üçün həyati əhəmiyyət kəsb edən və strateji məqsəd daşıyan mövzular barədə də danışmır. Məsələn, AZAL təyyarəsinin terror məruz qalması, dövlət başçısının bununla bağlı əhatəli açıqlama verməsi və fikirlər səsələndirməsi də deputatı silkələməyib. Həmçinin İranda Azərbaycana qarşı təxribat tədbiri barədə də Qafarovun səsi belə çıxmayıb.

Bəzilərində belə bir təsəvvür yaranıb ki, Kəmaləddin Qafarov kimi deputatlar məhz bizneslərini qorumaq üçün mandat almağa çalışıblar. Bu fikirdə olanlar hesab edirlər ki, Qafarov və onun kimilərin missiyası dövlət və onun maraqları deyil, öz biznesləridir. Arqumentləri isə budur ki, ölkə üçün mühüm əhəmiyyət daşıyan hadisələrdə belə susan mandat sahibinə başqa cür yanaşmaq mümkün deyil.

Hərçənd onun başlıca vəzifəsi biznes deyil, dövlətin maraqlarını qorumaqdır ki, Qafarov baş verən mühüm əhəmiyyət daşıyan mövzularda mütləq danışmalıydı. Ağzına su alaraq oturmaq, heç bir hadisəyə münasibət bildirməmək isə deputatlıq deyil, daha çox hadisələrə biganəlik, əhəmiyyət verməmə və ya vecinə almamaqdır.

Meyvə-tərəvəzçilikdən maliyyəçiliyə qədər

Bildirək ki, Kamaləddin Qafarov 7 sentyabr 1976-cı ildə Naxçıvan şəhərində anadan olub. 1993-cü ildə Azərbaycan Tibb Universitetinin kimya-biologiya təmayüllü Respublika Baza Litseyində orta təhsilini başa vurduqdan sonra, həmin ildə Yusif Məmmədəliyev adına Naxçıvan Dövlət Universitetinə daxil olub. 1997-ci ildə isə universitetin meyvə-tərəvəzçilik və üzümçülük fakültəsini bitirib.

Rəsmi qaynaqlarda onun ikinci təhsil aldığı da qeyd edilib. Vurğulanır ki, deputat ikinci ali təhsil almaq üçün Azərbaycan Dövlət İqtisad Universitetinə qəbul olub və 2009-cu ildə həmin universitetin maliyyə və kredit ixtisasını bitirib.

Iki ali təhsili olan adamın parlamentdə danışmaması qəribə görünə bilər. Deyək ki, Qafarov maliyyə və kredit sahəsində ikinci təhsil alsa da, biliklərini yetərli qədər əxz etməyib. Bəs, meyvə-tərəvəzçilik və üzümçülük? Heç olmasa, bu adam parlamentdə meyvə və tərəvəzdən, üzümdən, bu sahələrin inkişafından danışsın. Deputat olaraq bir yol göstərsin, təşəbbüslə çıxış etsin, hadisələrə qarışsın. Lakin bunların heç biri nə baş verir, nə də müşahidə olunur. Kəmaləddin Qafarov "lal”lıqdan əl çəkməyəcək kimi görünür.

Tamam, deyək ki, bu mövzularda da fikir bildirmək istəmir. Heç olmasa seçildiyi dairənin seçicilərinin problemlərindən danışsın, onların məsələlərini qaldırsın ki, görsünlən, belə bir deputat var. Axı, adam bunu da etmir?

Bir sözlə, seçicisinin dərdini danışmayan, onun problemlərini qabartmayan, müzakirəyə çıxarmayan, dövlət üçün mühüm hadisələr baş verdiyi halda ağzına su alıb susan, strateji məsələlərə reaksiya verməyən birinin parlamentdə nə işi var? Məgər Milli Məclis "lallar yığıncağı”dır? Parlament danışmaq, müzakirə etmək, təşəbbüslərlə çıxış etmək, ölkənin gələcəyi üçün qanunlar qəbul etmək üçündür. Daha Kəmaləddin Qafarov kimi, "lal deputat” olmaq üçün yox.

Bu imkan niyə yaradılır?

Bütün bunların fonunda üçüncü bir maraqlı məqam daha var. Məsələ odur ki, "lal”, heç bir işə yaramayan, parlamentdə boş yerə yer tutan, bir sözlə "xeyrə-şərə” yaramayan Kəmaləddin Qafarova niyə belə geniş imkanlar yaradılıb? Bəlkə o fenomenal biznes istedadına malikdir? Əgər elədirsə, o zaman mandatını təhvil verib, bizneslə məşğul olsun.

Amma əminliklə qeyd edirik ki, sabah Qafarovun mandatı əlindən alınsa və özünü də MOM-dan çıxarsalar, yaratdığı şirkətlərdən heç biri uğur qazana bilməz. Ən yaxşı halda bir ildən sonra hamısı müflis olar. Elə Kəmaləddin Qafarov özü də bunu yaxşı bildiyindən mandatdan ikiəlli yapışıb.

Yazıda adları keçən şəxslərin, şirkətlərin və qurumların da mövqeyini dərc etməyə hazırıq.

Dünən Şərur Rayon Doğum Evində zorakılıq hadisəsi baş verib. Hadisəni törədən isə polis zabiti Tarix Hüseynov olub. Şahidlər “Gündəlik Naxçıvan”a verdikləri məlumatda hadisənin bir hissəsini əks etdirən videogörüntüləri də təqdim ediblər. Onların sözlərinə görə, həyat yoldaşını yoxlanışa gətirən Hüseynov qaydalara məhəl qoymayaraq zorla içəri girməyə çalışıb. İçəri buraxılmadıqda isə qapını təpikləyib, işçiləri yumruqlayaraq, onları təhqir edib.
Təhqir edilən və döyülən işçilər arasında şəhid anası da olub. Şahidlər bildirirlər ki, Hüseynov “Mən şəhid-filan tanımıram” deyərək onu da itələyib və yumruqlayıb. Çarəsiz qalan işçilər polis çağırıb, lakin Hüseynov gələn polislərə də müqavimət göstərib və onları təhqir edib. O, zorla polis maşınına mindirilərək Naxçıvan Daxili İşlər Nazirliyinə aparılıb.
„Naxçıvan Şəhid Ailələri“ İctimai Birliyi hadisə ilə bağlı DİN-ə rəsmi müraciət göndərərk, hadisəni törədən polis zabitinin cəzalandırılmasını tələb ediblər.
Yerli DİN-dən “Gündəlik Naxçıvan”a hadisəni təsdiqləsələr də, əlavə məlumat vermək istəmədilər.
Videogörüntülər hadisə yerinə polislər çağrıldıqdan sonra çəkilib.
TEREF

Abşeron rayon Gigiyena və Epidemiologiya mərkəzində mənimsəmə faktının olduğu iddia edilir

Qlobal.az xəbər verir ki, Abşeron rayon Gigiyena və Epidemiologiya mərkəzinin işçisi "Xəzər Xəbər”ə müraciət edərək mərkəzdə qanunsuzluqların baş verdiyini iddia edib.

Dezinfeksiya bölməsinin müdiri Yaqut Abdullayeva iddia edir ki, mərkəzin direktoru onun adından 7 ayın saxta hesabatını baş idarəyə göndərib.

İddiaya görə, sənəddə onun xəbəri olmadan istifadə olunmayan dezinfeksiya məhsulları, gigiyenik vasitələr və mərkəzə aid olan digər ləvazimatlar guya istifadə olunmuş kimi göstərilib.

20 ildir həmin mərkəzdə çalışan Yaqut Abdullayeva deyir ki, bu məhsullar ya satılır, ya da təyinatındankənar istifadə olunur.

Yaqut Abdullayeva bildirib ki, məsələ ilə bağlı Respublika Gigiyena və Epidemiologiya Mərkəzinə və Səhiyyə Nazirliyinə məlumat versə də, onun öz işində nöqsanlar aşkarlandığı deyilib və töhmət alıb.

"Xəzər Xəbər” olaraq deyilən iddialara cavab almaq üçün sözügedən Abşeron rayon Gigiyena və Epidemiologiya Mərkəzinin direktorundan açıqlama almaq istədik, lakin o mikrofonumuza icazəsiz danışa bilməyəcəyini bildirdi. Respublika Gigiyena və Epidemiologiya Mərkəzi isə məlumat verdi ki, Səhiyyə Nazirliyindən daxil olan şikayətlərlə əlaqədar Abşeron rayon GEM-də 2024-cü ilin dekabr ayında araşdırma aparılıb. Araşdırma zamanı aşkar olunan nöqsanlarla bağlı Mərkəzin direktor vəzifəsini icra edən Xalidə Hüseynovaya xəbərdarlıq edilib, şöbə və bölmələrdə olan nöqsanların aradan qaldırılması və tədbirlərin görülməsi üçün müddət verilib.

Qeyd edək ki, Səhiyyə Nazirliyi Respublika Gigiyena və Epidemiologiya Mərkəzinin baç direktoru Sara Həsənovadır.

"Azərbaycan Dövlət Aqrar Universitetində Zəfər Qurbanovun rektor təyin olunmasından sonra universitet özünün ən çətin dövrünü yaşayır. Təhsil müəssisəsində özbaşınalıq geniş vüsət almaqdadır. Bu vəziyyətin ən bariz nümunəsi Baytarlıq Təbabəti fakültəsinə qanunsuz təyin edilmiş dekan Şəlalə Zeynalovanın fəaliyyəti ilə bağlıdır". "DİA-AZ" xəbər verir ki, bu ifadələr sözügedən ali təhsil ocağının tələbələri adından edilən müraciətdə yer alıb.

Müraciətin əvvəli BURADA: ADAU-da KİMLƏR BAZAR AÇIB? - YENİ İTTİHAMLAR...

Müraciətdə daha sonra bildirilir: "Bundan başqa, Baytarlıq Təbabəti fakültəsində əyani təhsil alan tələbələrdən biri olan Müseyibova Günay, Bakıda şəxsi klinikada çalışdığı üçün ümumiyyətlə dərsə gəlmir, lakin Şəlalə Zeynalova tərəfindən imtahana buraxılmış və qiymətləndirilməsi təmin edilmişdir. Amma biz 3-4 gün dərsə gəlməsək, Şəlalə müəllimə bizi univeristetdən qovmaqla hədələyir.

Şəlalə Zeynalovanın fakültə dekanı vəzifəsinə təyin olunmasında da ciddi qanun pozuntularına yol verilmişdir. Təhsil Nazirliyinin təlimatlarına əsasən, dekan vəzifəsinə namizədin həmin fakültənin ixtisas kafedralarından birində ən azı 5 il işləməsi və daimi iş yeri Aqrar Universitetdə olması tələb olunur. Bu qaydalar pozularaq, Şəlalə Zeynalova qeyri-qanuni şəkildə dekan vəzifəsinə təyin edilmişdir.

Fakültədə baş verən digər qanunsuzluqlara misal olaraq, Şəlalə Zeynalovanın müəllim və tələbələrdən müxtəlif adlar altında "şirinlik" tələb etməsi, şəxsi ad günü məclisi təşkil etmək üçün məcburi vəsait toplaması, sinif otaqlarının təmiri bəhanəsi ilə gənc müəllimlərdən külli miqdarda vəsaiti yığması göstərilə bilər.

Şəlalə Zeynalovanın rektor Zəfər Qurbanovla yaxınlığı da xüsusi diqqət çəkir. Belə ki, digər fakültə dekanları ayda 1500-1600 manat əməkhaqqı aldığı halda, Şəlalə Zeynalovaya rektor tərəfindən 2400 manat məvacib təyin olunub. Görəsən, aidiyyəti qurumlar niyə bu məsələyə göz yumur? 30-40 illik təcrübəsi olan dekanlar bu qədər aşağı əməkhaqqı aldığı halda, Şəlalə Zeynalova nə üçün və hansı əsasla belə yüksək məvacib almalıdır? Ümid edirik ki, yaxın zamanda Hesablama Palatası bu məsələləri araşdıracaq və lazımi tədbirlər görüləcəkdir.Əgər anidən Baytarlıq Təbabəti fakültəsinin hər iki ixtsasında bütün davamiyyət jurnallarını yoxlasalar Şəlalə Zeynalovanın yuxarıda qeyd olunan qanunsuz əməllərindən 20-30 dəfə artıq üzə çıxacaqdır...."

DAVAMI OLACAQ... Bizi izləməyə davam edin...