www.dunyapress.info - Diqqət mərkəzi

İnam Kərimovun fermerlərin bu dərdindən XƏBƏRİ VARMI? - Var, amma deyir, BİZ NƏ DƏXLİ VAR...

Yaradılıb 04.03.2023 10:11 | Baxış sayı: 133

DİA.AZ: - Dövlət vəsaiti dəstəyi ilə tikilən soyuducu anbarlar fermerlər üçün əlçatımlı deyil.

Onlar yeşik-yeşik məhsullarının xarab olmasını anbara yerləşdirməkdən üstün tutur.

DİA.AZ bildirir ki, bu işdə isə Kənd Təsərrüfatı Nazirliyi yaxasını kənara çəkir. Özü də necə...

Daha ətraflı aşağıdakı videoda:

Ağalar Vəliyevin AĞLAR GÜNƏ QOYDUĞU SİSTEM... - GƏLİN, BİRLİKDƏ AĞLAYAQ... 2 nömrəli Baza Tibb Kollecində ÖZBAŞINALIQ - İTTİHAM VAR! "Qaş düzəltdikləri yerdə vurub göz çıxartdılar" - Azərsu ASC-dən ŞİKAYƏT Aslanovun Naftalandan caynağına keçirdiyi SƏRVƏT.

Yaradılıb 04.03.2023 09:31 | Baxış sayı: 130

Azərbaycanda 9 mərtəbədən hündür yaşayış binalarının tikintisinin dayandırılması nəzərdən keçirilir. Bunu Modern.az-a açıqlamasında Milli Məclisin deputatı Vahid Əhmədov bildirib. Onun sözlərinə görə, hündürmərtəbəli yaşayış binalarının tikintisinin dayandırılması üçün plan hazırlanıb.
"Məndə olan məlumata görə, dövlətin bununla bağlı planları var. Plana əsasən, ölkə ərazisində 9 mərtəbədən artıq binalar tikilməyəcək. Azərbaycan və Türkiyə seysmik zonada yerləşdiyi üçün bu cür qərarların verilməsi normal haldır. Həmçinin, binaların tikintisi zamanı elə mexanizm qurulmalıdır ki, Yaponiyada olduğu kimi dağıdıcı zəlzələlərə dözümlü olsun. Bütün bu kimi məsələlərə ciddi nəzarət olunmalıdır", - deyə Vahid Əhmədov bildirib.
Deputat onu da vurğulayıb ki, artıq Bakının Baş planı təsdiq olunmalıdır:
"Bu, ona görə lazımdır ki, kim harada gəldi bina tikməsin. Bir neçə il bundan əvvəl Prezident İlham Əliyev bununla bağlı göstəriş vermişdi. Hətta o zaman mövzu ilə bağlı təqdimat da oldu. Dövlət Şəhərsalma və Arxitektura Komitəsi təcili şəkildə Baş planı təsdiq etməlidir. Burada yalnız ev tikintisindən deyil, park və küçə layihələrinin hazırlanmasından söhbət gedir. Azərbaycanda binaların zəlzələyə dözümlü olması ilə bağlı nəzarət mexanizminə Fövqaladə Hallar Nazirliyinin (FHN) xüsusi idarələri baxır. Bu işlə məşğul olanlar kifayət qədər təcrübəli insanlardır. Binaların tikintisində mexanizmi elə qurmaq lazımdır ki, heç kim lahiyədən kənara çıxmasın. Aldığım məlumata görə, Azərbaycanda bu istiqamətdə işlər aparıılır".
DİA.AZ bildirir ki, "Sputnik Azərbaycan" Bakıda 9 mərtəbədən hündür binaların inşasının dayandırılması ilə bağlı məlumatların nə qədər həqiqətə uyğun olduğunu araşdırıb.

Bakıda binaların neçə mərtəbəli olması necə tənzimlənir?
Dövlət Şəhərsalma və Arxitektura Komitəsinin mətbuat katibi Ramiz İdrisoğlu Sputnik Azərbaycan-a açıqlamasında bildirib ki, hazırda paytaxtda yaşayış binalarında mərtəəbəllik ərazi planlaşdırılma sənədlərinə və ərazi sıxlıq əmsallarına uyğun müəyyən edilir. Onun sözlərinə görə, əgər ərazinin planlaşdırma sənədləri, eləcə də sıxlıq əmsalları daha hündür mərtəbəli binanın inşa edilməsinə imkan verirsə mərtəbə sayına məhdudiyyət tətbiq edilmir. Komitədən bildirdilər ki, Bakının baş Planı təsdiqlənənədək mərtəbəliliyin müəyyən edilməsi bu cür tənzimlənir.
Komitədən həmçinin qeyd etdilər ki, binanın inşa olunması üçün yerin ayrılmasına icazənin verilməsi, tikinti aparılan ərazidə torpağın geoloji quruluşunun öyrənilməsi, Bakı Şəhər İcra Hakimiyyəti və Fövqəladə Hallar Nazirliyi aparılır. Bu qurumların rəyləri əsasında layihəsi təsdiqlənərək icazə verilir.
Odur ki, qurumdan hələki paytaxtda 9 mərtəbədən hündür binaların inşasına birmənalı olaraq icazənin verilməməsi barədə fikirlərin həqiqətə uyğun olmadığı bildirildi.

"Qadağa qoymaq düzgün deyil"
DİA.AZ-ın məlumatına görə, memar Cahid Həsənov Sputnik Azərbaycan-a açıqlamasında bildirib ki, paytaxtda hündür mərtəbəli binaların inşasını kütləvi şəkildə məhdudlaşdırmaq olmaz. Onun sözlərinə görə, bu qayda Bakıda sürüşmə təhlükəsi olan, sıxlıq olan ərazilərdə tətbiq edilə bilər. Həmsöhbətimiz bildirdi ki, paytaxtda ancaq mərtəbə sayının 9-a dək olması tələbi qoymaq keçmiş dövrə qayıtmaqdır: "Sovet dövründə Bakıda 9 mərtəbəyədək binaların inşasına icazə verilirdi. Bakı müasir şəhərdir. Bu şəhərdə binaların 9 mərtəbəyədək olması tələbi düzgün deyil. Bakıda elə ərazilər var ki, orada hündür mərtəbəli binalar inşa etmək olar".
C. Həsənov bildirib ki, Bakıda yaşayış binasının mərtəbə sayına məhdudiyyət o vaxt qoyula bilər ki, ərazidə həddindən artıq sıxlıq olsun. Yaxud da ərazi sürüşmə sahəsi olsun.
Memarın sözlərinə görə, binaların inşasına icazə verilməzdən öncə torpağın geoloji quruluşu öyrənilir: "Əgər problem yoxdursa, binanın konstruksiyası möhkəmdirsə 20 mərtəbədən hündür bina da inaş oluna bilər".
C. Həsənov deyir ki, bakının seysmik ərazi olduğunu əsas gətirib binalarda mərtəbə sayını məhdudlaşdırmaq olmaz.
"Yaponiyada seysmik fon Bakıdan dəfələrlə yüksəkdir. Orada 50 mərtəbədən hündür binalar inşa olunur. Zəlzələ zamanı o binalar uçub dağılmır. demək ki. binanın tikilişi layihəyə uyğun aparılmalıdır. Çoxmərtəbəli binaların zəlzələ zamanı təhlükəli olduğu barədə şaiyələr əsassızdır".

İcazə necə verilir?
Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyindən isə bildirildi ki, Bakıda yüksəkmərtəbəli binaların tikintisinə harda icazə verilib-verilməməsinə şəhərsalma nöqteyi-nəzərindən baxılır. Texniki baxımdan əgər layihələndirmə düzgün aparılıbsa və tikinti də layihəyə uyğun həyata keçirilibsə, bunun heç bir qorxusu yoxdur.
Məlumat üçün bildirək ki, Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyinin rəis müavini Elxan Əsədov APA-a müsahibəsində bildirmişdi ki, Azərbaycanda metal konstruksiyalar tətbiq etməklə 75 metr və daha hündür binaları da tikmək olar.
"2010-cu ilə qədər ölkə ərazisində 39 metrə qədər rabitəli dəmir-beton karkas binaların tikilməsinə icazə verilirdi. Tikinti normaları təkmilləşdirildikdən sonra artıq 58 metr hündürlüyündə rabitəli dəmir-beton monolit karkas binaların tikintisinə icazə verilir. Texniki baxımdan burada heç bir maneə yoxdur. Təki, hər şey norma və qaydalar çərçivəsində həyata keçirilsin. Geoloqlar ərazidə işlədikdən sonra müəyyənləşdirir ki, ərazidə hansı bala uyğun bina tikilməlidir. Artıq onun neçə mərtəbəli olmasının fərqi yoxdur. Əgər baş plan imkan verirsə, layihəçi 20-30, hətta 40-50 mərtəbəli bina da layihələndirsə, bunu tələb olunan bala hesablamalıdır.
Bakıda yüksəkmərtəbəli binaların tikintisinə harda icazə verilib-verilməməsinə şəhərsalma nöqteyi-nəzərindən baxılır. Texniki baxımdan isə əgər layihələndirmə düzgün aparılıbsa və tikinti də layihəyə uyğun həyata keçirilibsə, bunun heç bir qorxusu yoxdur. Ötən illərdə Yaponiyada baş vermiş zəlzələ yəqin ki, yadınızdadır. 9 bala yaxın bir zəlzələ baş verdi və gördüyünüz kimi, ərazidə 70-90 mərtəbəli binaların heç biri uçmadı. Sadəcə alçaqmərtəbəli köhnə binalar dağıldı. İnsan tələfatı isə əsasən zəlzələnin yaratdığı sunamidən oldu. Deməli, layihələndirmə düzgün aparılıb və tikinti işləri də layihəyə uyğun icra edilib" deyə rəis müavini bildirib.
Qeyd edək ki, Türkiyədə 45 mindən çox insanın ölümünə səbəb olan zəlzələdən sonra Azərbaycanda hündürmərtəbəli binaların tikintisinin dayandırılması barədə bir çox təkliflər irəli sürülüb.

"Dəfələrlə Binəqədi icra hakimiyyətinə desəm də..." - Prezidentə müraciət olundu

Yaradılıb 04.03.2023 09:18 | Baxış sayı: 71

Şamaxı Rəsədxanasının üç əməkdaşı Ombudsmana müraciət edib

Yaradılıb 04.03.2023 08:59 | Baxış sayı: 63

Nəsirəddin Tusi adına Şamaxı Astrofizika Rəsədxanasının üç əməkdaşı qurumun baş direktoru tərəfindən təzyiqlərə məruz qalması ilə bağlı Azərbaycanın İnsan Hüquqları üzrə Müvəkkilinə (Ombudsman) müraciət edib.

"Report” xəbər verir ki, bu, Ombudsmanın 2022-ci il üzrə illik məruzəsində əksində əksini tapıb.

Məruzədə bildirilib ki, rəsədxanasının üç əməkdaşı Ə., Ş. və H. (15646-22) Ombudsmana müraciət edərək, həmin rəsədxananın baş direktoru tərəfindən təzyiqlərə məruz qaldıqlarını, Ə. və H.-nın əmək qabiliyyətlərinin müvəqqəti itirilməsinə görə iş yerində olmadıqları müddətdə heç bir əsas olmadan onlara sonuncu xəbərdarlıqla şiddətli töhmət verildiyini qeyd edib, məsələnin araşdırılmasını və hüquqlarının müdafiəsində köməklik göstərilməsini xahiş ediblər.

Şikayətlə bağlı Elm və Təhsil Nazirliyinə ünvanlanan sorğuya verilmiş cavabda nazirliyin yeni əsasnaməsinin və Azərbaycan Milli Elmlər Akademiyasının yeni nizamnaməsinin hazırlandığı nəzərə alınaraq, qaldırılan məsələyə adıçəkilən sənədlər təsdiq edildikdən sonra baxılmasının məqsədəmüvafiq hesab edildiyi bildirilib.
Ətraflı

Göründüyü kimi, cavabda ərizəçilərin əmək hüquqlarının pozulması hallarına münasibət bildirilməyib, həmçinin onların əmək hüquqlarının pozulması ilə bağlı şikayətlərinin araşdırılması istiqamətində tədbirlər görülməyib.

Digər tərəfdən, məlum olduğu kimi, "Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında” Azərbaycan Respublikası Prezidentinin 2022-ci il 28 iyul tarixli, 1769 nömrəli Fərmanının 4-cü bəndinə əsasən, Azərbaycan Milli Elmlər Akademiyasının bir sıra elmi müəssisə və təşkilatları, habelə digər qurumları ilə yanaşı, N.Tusi adına Şamaxı Astrofizika Rəsədxanası da Elm və Təhsil Nazirliyinin tabeliyinə verilib.

Qeyd edilənlər baxımından, Elm və Təhsil Nazirliyinin tabeliyinə verilmiş N.Tusi adına Şamaxı Astrofizika Rəsədxanasının əsasnaməsinin, hətta Azərbaycan Milli Elmlər Akademiyasının yeni nizamnaməsinin qəbul edilməməsi ərizəçilərin pozulmuş hüquqlarının bərpası üzrə tədbirlərin görülməməsinə əsas vermir.

Əmək Məcəlləsinin 140-cı maddəsinin 5-ci bəndinə əsasən, işçiyə məzuniyyət vaxtı üçün orta əmək haqqı məzuniyyətin başlanmasına ən geci 3 gün qalmış ödənilir", - məruzədə bildirilib.

Facebook-da paylaş

Gənc YAP-çı “Paşa Bank” və Gənclər Fonduna “atıb” -QALMAQAL

Yaradılıb 03.03.2023 10:10 | Baxış sayı: 74

Yeni Azərbaycan Partiyasının (YAP) Gənclər Birliyinin üzvü, uzun müddət “Xocalıya ədalət!” beynəlxalq kampaniyasının nümayəndəsi kimi fəaliyyət göstərmiş Cəbrayıl Fərzəliyev hazırda yarım milyondan çox vəsaitin yeyintisində ittiham olunur. İddia edilir ki, o, “Paşa Bank”dan, Gənclər Fondundan müxtəlif işlər görmək adı ilə ümumilikdə 527 min manat vəsait götürüb və mənimsəyib.

Gununsesi.info xəbər verir ki, 33-yaşlı Fərzəliyev hazırda həbsdədir. O, Bakı Ağır Cinayətlər Məhkəməsində mühakimə olunur. Ona külli miqdarda mənimsəmə, dələduzluq, vəzifə səlahiyyətlərindən sui-istifadə etmə və vəzifə saxtakarlığına görə cinayət məsuliyyəti nəzərdə tutan maddələrlə ittiham irəli sürülüb.

Vəkili deyir ki, Fərzəliyev saxlandığı Bakı İstintaq Təcridxanasına bir neçə dəfə intihara cəhd göstərib. Bu üzdən onun psixiatrik ekspertizadan keçirilməsini istəyir. Məhkəmədə də bu barədə vəsatət qaldırıb. Hakimlər isə vəkilin nəzərinə çatdırıb ki, istintaq dövründə Fərzəliyev ekspertizadan keçirilib, o rəy araşdırılanda əlavə suallar yaransa, bir də bu məsələyə yenidən baxa bilərlər.

“Qayıdışın izi ilə” adlı film çəkəcəkmiş

Cinayət işinin materiallarından məlum olur ki, ittihamda göstərilən 527 min manatın 342 minlik hissəsinin “Paşa Bank”dan götürüldüyü iddia edilir. Fərzəliyevin adına həm də bir neçə şirkət olub. İttihama əsasən, o, həmin şirkətlərdən biri olan “Universal” MMC-yə avadanlıqların alınması, dövriyyəsinin artırılması və s. adlarla müxtəlif vaxtlarda bankdan kreditlər götürüb və qaytarmayıb.

Beynəlxalq Münasibətlərin Araşdırılması Mərkəzində (BMAM) sədrin beynəlxalq əlaqələr üzrə müşaviri kimi fəaliyyət göstərən Fərzəliyev həmçinin bir sıra başqa təşkilatlarda da təmsil olunurdu. O, Gənclər Fondu ilə müəyyən layihələr həyata keçirmək üçün qrant müqavilələri bağlayıb. Onların arasında “Qayıdışın izi ilə” adlı filmin hazırlanması da daxil olmaqla müxtəlif işlərin görülməsi olub.

Cinayət işinin materiallarında iddia olunur ki, Fərzəliyev “Böyük Qayıdış” Gənclər Təşkilatı İctimai Birliyinin üzvü Nail Şükürovun adından sənədləri imzalayıb, ayrılan vəsaitlər təyinatı üzrə xərclənməyib və s.

Özünü təqsirli bilmir

Məhkəmədə hakimin “özünüzü təqsirli bilirsinizmi, yoxsa yox” sualına Fərzəliyev öncə cavab vermək istəməyib. Daha sonra isə “xeyr” cavabını verib.

Ona ifadə vermək təklif olunsa da, zərərçəkmişlərdən sonra danışacağını deyib. Zərərçəkmiş qismində isə həm “Paşa Bank”, həm də Gənclər Fondu tanınıb.

AzadlıqRadiosunun əldə etdiyi məlumata görə, Fərzəliyev istintaq dövründə dəymiş ziyanın – 527 min manatın bir hissəsini ödəyib.

Fərzəliyev politoloq kimi YAP-ın rəsmi saytına, AZƏRTAC dövlət informasiya agentliyinə tez-tez müsahibələr verir, ölkədəki prosesləri şərh edirdi.

Az da deyil... MİLYON YARIM: Görün hansı şirkətə verilir... - Tenderlərə NƏZARƏT EDƏN VARMI?

Yaradılıb 03.03.2023 08:48 | Baxış sayı: 74

“İqtisadi Zonaların İnkişafı Agentliyi” Publik Hüquqi Şəxsi tərəfindən keçirilən tender müsabiqəsinin qalibi məlum olub.
TEREF.AZ-ın məlumatına görə, Yeniavaz.com açıqlanan rəsmi məlumatlara istinadən bildirir ki, dəyəri 1 milyon 448 min 93 manat 38 qəpik olan tender müsabiqəsinin qalibi “Azeriss” MMC (VÖEN- 3104324541) olub.
“Azeriss” MMC İqtisadi Zonaların İnkişafı Agentliyinin sifarişilə bu quruma mal-material və avadanlıqlar satacaq.
Nizamnamə kapitalı 50 manat olan “Azeriss” MMC-nin hüquqi ünvanı Xırdalan şəhəri, Ş. Qurbanov, ev 247A-da yerləşir. MMC-nin qanuni təmsilçisi Hüseynova İlahə Tofiq qızıdır.
Tender müsabiqəsinin diqqət çəkən tərəfi odur ki, qalib şirkət – “Azeriss” MMC tender müsabiqəsinin başlamasından cəmi 6 ay əvvəl dövlət qeydiyyatına alınıb.
Qeyd edək ki, İqtisadi Zonaların İnkişafı Agentliyi tender müsabiqəsini 20.12.2022-ci il tarixində elan edib. Qalib şirkət isə 20.06.2022-ci il tarixində dövlət qeydiyyatına alınıb.
1,45 milyon manatlıq tenderin qalibi olan şirkət barəsində açıq internet resurslarda heç bir məlumat yoxdur. Yeganə məlumat şirkətin qanuni təmsilçisi Hüseynova İlahə Tofiq qızı barəsindədir. İlahə Hüseynova sosial şəbəkə hesabında özünü həm də “Azeriss” MMC-nin təsisçisi kimi təqdim edir. İlahə Hüseynova daha əvvəl “Vepa Engineering” şirkətində çalışdığını yazıb. Bu şirkətin isə hazırda dövlət büdcəsinə 334 min manat borcu var.
Xatırladaq ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır. 1,45 milyon manatlıq tenderin qalibi olan şirkət isə nəinki rəsmi veb-səhifəyə, hətta sosial şəbəkə hesabına belə sahib deyil.

Naxçıvanda qan analizi fırıldağı...

Yaradılıb 03.03.2023 08:16 | Baxış sayı: 79

Naxçıvandakı dövlət xəstəxanalarında qan analizi verərmək problemə çevrilib. Xəstəxana işçiləri bunun səbəbini, analiz üçün lazım olan vasitələrin bir neçə aydır onlara verilmədiyi ilə izah edirlər. Şikayətçi sakinlər isə düşünür ki, xəstəxanalar süni problem yaratmaqla, onları özəl klinikalarda pullu analiz verməyə məcbur edrlər. Yəni, özəl xəstəxanalara nəzarət edən yerli oliqarxların “cibini doldurmaq” üçün bu problemlər məqsədli şəkildə yaradılır. Teref.az yazır ki, bu haqda „Gündəlik Naxçıvan“a yerli sakinlər məlumar verib.
Naxçıvan şəhər sakini Fərman Nəsirov deyir ki, Naxçıvan MR Mərkəzi Xəstəxanasında təcili əməliyyat olunacaq yaxın qohumu üçün həkim qan analizi istəyib. Lakin, laboratoriyada ona növbəyə yazılmağı və bir neçə gün gözləməyi məsləhət görüblər:
„Həkim dedi ki, gözləyə bilmərik, get təcili özəllərin birinə elətdir. Məcbur qalıb, „Şəfa“ özəl klinikasına pul ödəyib, analiz etdirdim. Bunlar bizə fırıldaq işlədir, etdikləri vicdansızlıqdır. Bu, ağır xəstələrin həyatını riskə atmaqdır. Hər şey yeni hakimiyyətdən sonra belə bərbad günə düşüb. Əvvəllər qan analizlərinin nəticələri iki saat müddətində xəstələrə və ya onların yaxınlarına təqdim olunurdu. Hazırda isə qan analizi vermək istəyənlərə gah qan götürmək üçün steril qab, gah da dərman olmadığı bildirilir, gözləmək təklif olunur. Məcbur edirlər ki, özəl xəstəxanalara pul ödəyək, ciblərini doldursunlar”.
Əməliyyata ehtiyacı olan yaxın qohumunu Naxçıvan Diaqnostika Mərkəzinə aparan digər şikayətçi Cəmil Qasımov da eyni problemlə üzləşdiyini deyir:
“Yaxın qohumum şiddətli sancılar başladı. Təcili taksi ilə Diqnostika Mərkəzinə apardım. Həkim baxdıqdan sonra əməliyyat olunacağını dedi və təcili bizi qan analizi verməyə göndərdi. Qan analizi götürən xanım dedi ki, steril qab olmadığı üçün analiz götürə bilməyəcək. Analiz üçün azım olan ləvazimatları aptekdən öz pulumla ala biəcəyimi təklif etsəm də, razılaşmadılar. Məcbur aparıb, pulumu verib, özəl klinikada etdirdim. Çünki, başqa yolum yox idi, əməliyyat təcili olunmalı idi”.
Məsələyə münasibət öyrənmək üçün Naxçıvan MR Səhiyyə Naziriliyi ilə əlaqə saxladıq. Nazirlikdən sakinlərin iddialarına cavab vermək istəmədilər.

KARQO BAZARI: Nəzarətsizlik özbaşınalığa səbəb olur... - GİLEY

Yaradılıb 03.03.2023 08:14 | Baxış sayı: 91

""Limak.az" kargo şirkəti haqqında şikayətim var". DİA.AZ bildirir ki, bu barədə "Şikayətim Var" sosial qrupunda Cavid Hacızadə adlı istifadəçi giley edir.

Narazı vətəndaş daha sonra yazır: "12.02.2023-cü il tarixində, sifariş et funksiyası ilə ebaydan qiyməti 134.99$ olan məhsul sifariş vermişəm (qeyd edimki, sifariş et funksiyasından istifadə edəndə Amerika bağlamaları üçün əlavə 7% məbləğ sifarişin üzərinə əlavə olunur).
20.02.2023-cü il tarixinə qədər, məhsul haqqında heç bir məlumat əldə etmək olmayıb. Həmin tarixdə, Limak şirkəti ilə əlaqə saxlayaraq, məhsul haqında heç bir hərəkət olmadığını qeyd etmişəm. Bundan sonra, sorğu açılıb və 01.03.2023-cü ilə qədər sorğu davam edib. Bugün isə sorğuya cavab olaraq, məbləği karta geri qaytaracaqlarını qeyd ediblər.
Sorğu müddətində, ebaydan məhsulu satan satıcı ilə şəxsən danışmışam və nə üçün məhsulu göndərmədiyini maraqlanmışam. Cavabında isə, daşıyıcı şirkət (Limak) sifariş verərkən (order) ünvanı dəqiq qeyd etməyib olub. Yenidən göndərilməsi üçün əlavə 5$ ödəniş olunmalıdır.
Sorğu gedən müddətdə Limakla mütəmadi əlaqə saxlayırdım. Onlara, satıcı ilə danışdığımı və problemin nə olduğunu bildiyimi qeyd etdim. Onlar hələ də sorğu davam edir deyirdilər. Mən irad bildirdim ki, satıcı nə üçün məhsulu geri çəkib və əlavə ödəniş istəyir. Mən əlavə ödəniş (5$) etməyəcəm, çünki sifarişi verən mən deyiləm, Limakın əməkdaşıdır.
Bu minvalla, günü bugünə qədər bu proses davam etdi. Dünən Limaka zəng edib bir daha dedim ki, mən məbləğin geri qaytarılmasını istəmirəm, məhsulu istəyirəm. Ona görə də, əlavə ödənişi 5$ edəcəm.
Birbank kartı ilə sifariş verdiyimi və məbləği ninja funksiyası ilə 3 aya böldüyümü də qeyd etdim.
Nəticə olaraq, bugün sorğuya cavab olaraq məbləğ 5-15 gün ərzində karta oturacaq dedilər.
Onu da əlavə edim ki, Lİmakdan daha öncə də sifarişlər vermişəm və heç bir problem olmayıb. Bu dəfə məni peşman etdilər.
Hüquqi müstəvidə də bu məsələni qaldıracam".

Məsələ ilə bağlı dia.az olaraq qarşı tərəfi də dinləməyə hazııq...

Facebook-da paylaş

AMEA-nın laboratoriya müdiri öz şirkətinə yüz minlərlə manatlıq tender qazandırıb

Yaradılıb 01.03.2023 10:12 | Baxış sayı: 79

"Görünən odur ki, Antiinhisar və İstehlak Bazarına Nəzarət Dövlət Xidməti öz funksiyalarını tam olaraq yerinə yetirmir ki, satınalmalarda bu qədər böyük problemlər üzə çıxır"

Ötən il Azərbaycan Milli Elmlər Akademiyasının İdarəetmə Sistemləri İnstitutu “Sinam” MMC ilə dəyəri 129 min 847 manat olan satınalma müqaviləsi imzalayıb. Müqavilənin şərtinə görə, şirkət bir il boyunca instituta proqram təminatı ilə bağlı texniki avadanlıqlar verməlidir. Bu, iki tərəf arasında olan ilk müqavilə deyil. Dövlət Satınalmalarının reyestrində qeyd olunub ki, İdarəetmə Sistemləri İnstitutu 2021-ci ildə də “Sinam” MMC ilə 21 min 240 manat dəyərində satınalma müqaviləsi imzalayıb. Bu müqavilə ilə şirkət AMEA-nın institutuna proqram təminatının alınması və quraşdırılması xidmətlərini göstərib.

Bəs niyə “Sinam” MMC?

Şirkət 6 iyun 2001-ci ildə dövlət qeydiyyatına alınıb. Şirkətin təsisçisi və rəhbəri Elçin Əliyevdir. Elçin Əliyev AMEA-nın İdarəetmə Sistemləri İnstitutunun laboratoriya müdiridir. Yəni, Əliyev rəhbərliyində təmsil olunduğu qurumun tenderində özünə məxsus şirkəti qalib edib və ümumilikdə 151 min manatlıq tender müqaviləsi imzalayıb.

Dövlət Satınalmalarının reyestrində qeyd olunub ki, 2019-cu ildən 2023-cü ilə qədər olan dövrdə AMEA bu şirkətlə dəyəri yüz minlərlə manat olan 41 satınalma müqaviləsi imzalayıb.

“Dövlət Satınalmaları haqqında” qanunun 13-cü maddəsinə görə, satınalan təşkilatdan hüquqi, maliyyə və ya təşkilati asılılığı olan malgöndərənlərin (podratçıların) həmin təşkilat tərəfindən keçirilən satınalma prosedurlarında iştirakına yol verilmir.

Bu maddənin 1-ci hissəsində isə qeyd olunur ki, dövlət satınalmalarına cəlb olunan vəzifəli şəxslər satınalmalarda maraqlarının olub-olmamasını bəyan etməlidirlər.

SİNAM şirkətinin rəhbəri Elçin Əliyevin prezident İlham Əliyevlə görüşü də olub. Şirkət Zəngilan rayonunun Ağalı kəndində “Ağıllı kənd” layihəsi üzrə də işləyib. Bununla bağlı tender məlumatları olmasa da, prezidentin rəsmi internet səhifəsində qeyd olunub ki, Ağalı kəndində ağıllı idarəetmə mərkəzi ilə tanışlıq zamanı SİNAM şirkətinin rəhbəri Elçin Əliyev İlham Əliyevə “ağıllı həllər” proqram təminatı ilə bağlı məruzə edib. O bildirib ki, Ağalı kəndindəki internetin sürəti ölkə üzrə orta sürətdən dəfələrlə artıqdır.

İqtisadçı Rəşad Həsənov deyir ki, “Dövlət satınalmaları haqqında” qanunda qeyd olunur ki, maraqlar koniflikti yaradan hallar heç bir halda satınalmalarda icazə verilən hallar olmamalıdır.

Onun sözlərinə görə, şirkət rəhbərinin həm də AMEA-da çalışması maraq toqquşmasının yaranmasına səbəb olur:

“Bu da ilk növbədə dövlət vəsaitlərinin qeyri-səmərəli formada xərclənməsinə əlverişli şərait yaradır. Çünki satınalmalarda ədalətlilik və rəqabətlilik prinsipinin qorunmamasına səbəb olur. Burada qeyri-şəffaf maliyyələşmə imkanlarının mümkünlüyündən də söhbət gedə bilər. Adətən bənzər hallarda əvvəlcədən əməkdaşlıq edilən şirkətlərlə, bir-birini tanıyan insanlar arasında belə bir sövdələşmənin qurulması vəsaitlərin bir qisminin mənimsənilməsi üçün daha əlverişli imkan yaradır. Təəssüf ki, görünən odur ki, Antiinhisar və İstehlak Bazarına Nəzarət Dövlət Xidməti öz funksiyalarını tam olaraq yerinə yetirmir ki, satınalmalarda bu qədər böyük problemlər üzə çıxır” – deyə iqtisadçı Rəşad Həsənov bildirib.

Azərbaycan Milli Elmlər Akademiyasının maliyyə şöbəsindən Abzas Media-ya bildirilib ki, “Sinam” MMC ölkədə milli mühasibat uçotu sistemlərinin tətbiqi ilə məşğul olur və ona görə satınalmaların qalibi kimi o şirkət seçilir. "Müqaviləni AMEA-nın ayrı-ayrı idarələri imzalayır deyə, biz daha ətraflı cavab verə bilmirik"- AMEA-dan bildirilib.

AMEA-nın İdarəetmə Sistemləri İnstitutundan isə suallarımıza cavab verməkdən imtina ediblər.

Abza.org

XalqXeber.Az

Neft Daşlarına gedəsi neftçilər PİYADA QALIB... - MÜRACİƏT

Yaradılıb 01.03.2023 08:51 | Baxış sayı: 90

DİA.AZ: - "Azneft İstehsalat Bitliyinin illərlə həlli tapılmayan problemi hələ də davam edir". DİA.AZ bildirir ki, bu açıqlama ilə tanınmış hüquq müdafiəçisi, Neftçilərin Hüquqlarını Müdafiə Təşkilatının sədri Mirvari Qəhrəmanlı çıxış edib.

Hazırki durumu "Azneft" rəhbərliyinin məsuliyyətsizliyi kimi təqdim edən hüqü-müdafiəçisi onların təşkilatına giley edən neftçilərin dilindən yazır:

"Mən 28 May NQCI platformasında işləyirəm. 3 gündür ki hava şəraiti ilə əlaqədar (dumana görə) platformaya gedə bilmirik. 3 gündür ki gəlib Pirallahıdan rayona qayıdırıq.

Artıq pulmuz da qalmayıb... Platforma rəhbərliyinə müraciət edirik ki heç olmasa bizi Çilov adasına aparın, hava açılandan sonra platformaya gedərik....

3 gündür ki idarə 1 gəmi alıb bizi Çilov adasına apara bilmir... İdarə deyir ki cəmi 1 gəmi var... O da 80 nəfər götürür. Xahiş edirik, köməklik etsinlər... heç olmasa Çilova gedək".

Məsələ ilə bağlı dia.az olaraq bütün maraqlı tərəflərin mövqelərini işıqlandırmağa hazırıq....

223 -dən səhifə 298