“Mallarını vaxtını dəyişib marketlərə göndərirlər. Sonda da bizə sırıyırlar. Bu da insanların sağlamlığında fəsadlar yaradır. Bizim aptek şəbəkələrində növbədə durmağımız buradan qaynaqlanır”.

Bu sözləri Azad İstehlakçılar Birliyinin (AİB) rəhbəri Eyyub Hüseynov “Araz” marketlər şəbəkəsində istifadəyə yarasız ərzaq məhsullarının satılmasını şərh edərkən bildirib.
O, yararlılıq müddəti keçmiş məhsulların satış alqoritmi barədə də danışıb:
“İstehlakçıların hüquqlarını müdafiəsi haqqında” Qanunda, Nazirlər Kabinetinin 94 saylı qərarında və digər hüquqi sənədlərdə yararlılıq vaxtı keçmiş məhsulların satışı qadağandır. İstehlakçı 1003 qaynar xəttinə zəng vurub vəziyyəti deyərsə, həmin marketi 1500 manat cərimə gözləyir. Vaxtı keçmiş məhsulların satışı qadağan olunsa da, 26 ildir bu məhsulların son ünvanının bizlər olduğunu müşahidə edirik”.
Ekspert vaxtı keçmiş məhsulların hansı sxem üzrə satışa çıxarıldığını da açıqlayıb:
“Marketlər məhsulu satışdan çıxarıb anbara toplayır. Daha sonra distribüterə qaytarırlar. Distribüter isə istehsalçıya qaytarır. İstehsalçı isə ərinmir, mümkün olankların istehsal tarixini dəyişib yenidən marketə göndərir. “Azad İstehlakçılar Birliyi” malların bu hərəkət alqoritmindən ciddi narazıdır. Hökuməti bu hallara son qoyumağa çağırırıq”.
E.Hüseynov məsələ ilə əlaqədar xüsusi proqramın olduğunu, lakin bu proqramdan istifadə edilmədiyini vurğulayıb:
“Hər gün tonlarla yararsız malların Azərbaycan Qida Təhlükəsizliyi Agentliyi (AQTA) ilə birlikdə yığışdırılması üçün xüsusi bir MMC olmalıdır. Əgər AQTA və biznes qurumları istehlakçılara yararlılıq vaxtı keçmiş məhsulları satmaq istəmirsə, istəklərində səmimidirlərsə, bunun qarşısını almaq üçün proqram var. Həmin proqram satış şəbəkələrində komputerflərə yüklənir, daha sonra AQTA-nın serverinə inteqrasiya olunur. Onlar da baxanda bilir ki, hansı marketdə hansı mal var və istifadə müddəti nə vaxt bitir. Təəssüf ki, bu proqram heç yerdə tətbiq olunmur”.
E.Hüseynov bildirib ki, illərdir vaxtı keçmiş malların KİV vasitəsilə ləğv edilməsini həyata keçirmək istəsə də, az hallarda buna nail olur:
“Keçən ilin sonlarında yanlız bir firmanın istəyi və AQTA-nın iştirakı ilə 2 ayda 100 tona yaxın mal məhv olunub. Həmin firma qabağa düşdü. Buna başqa bir firma da qoşuldu. Amma onlarla belə firmalar var.
Bütün bunların qarşısının alınması üçün istehlakçılar da diqqətli olmalıdır. Belə hallarda istehlakçı mağaza sahibinə bildirməlidir. O, həmin məhsulun satışdan çıxarılmasında özü də iştirak etsə, daha yaxşı olar. “Azad İstehlakçılar Birliyi”nə həmin şəxsin ərizəsi daxil olsa, biz böyük media kampaniyası qurar və dövlət orqanları ilə iş apararıq. AQTA-nın ən böyük çatışmazlıqlarından biri mediada gedən informasiyaları izləməməsidir. Nə qədər ki, AQTA media ilə sıx əlaqədə işləmir, bu vəziyyət davam edəcək”.
Xatırladaq ki, bu gün “Araz” marketdə vaxtı keçmiş, yararsız məhsulun satılması ilə bağlı xəbər vermişdik.

Martın 6-da IDEA İctimai Birliyinin təmirə ehtiyacı olan həyətlərin abadlaşdırılmasına yönəlmiş "Bizim həyət" layihəsi çərçivəsində yenilənən növbəti həyət sakinlərin istifadəsinə verilib.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva həyətin açılışında, o cümlədən tədbir zamanı keçirilmiş kütləvi ağacəkmədə iştirak edib.
Yenilənmiş həyət Suraxanı rayonu, Qaraçuxur qəsəbəsi, Yeni Günəşli, “Q” yaşayış massivi, Süleyman Əhmədov küçəsi 21, 22, 23, 24, 25, 26, 27 ünvanında 1200 nəfər sakinin yaşadığı çoxmərtəbəli binaları əhatə edir.
“Bizim həyət” layihəsinin əsas məqsədi ölkə ərazisində həyətlərin ekoloji cəhətdən təmiz və abad edilməsi, şəhər ekologiyasının sütununu təşkil edən yaşıllıqların bərpası, sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır.
Abadlaşdırılan növbəti həyətdə əlil və sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarının səmərəli keçirmələri və onlarda sistematik idmanla məşğulolma refleksinin yaradılması məqsədilə ərazidə süni örtüklü mini futbol stadionu, şahmat meydançası, müxtəlif idman qurğuları, uşaq meydançaları salınıb. Eyni zamanda, ərazidə 7 söhbətgah, çoxsaylı oturacaqlar, tullantılar üçün qutular, quş yuvaları və pişik evləri quraşdırılıb quraşdırılıb.
Sakinlərin istək və maraqları nəzərə alınaraq, həyətdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü yenilənib, elektrik sistemi yenidən qurulub.
Həyətin ərazisindəki mövcud yaşıllıqların bərpası ilə yanaşı, 1300 ədəd müxtəlif cinsli ağaclar əkilib, 3000 kvadratmetr ərazidə yaşıllıq zolağı salınıb. Bununla yanaşı, həyətin ətraflarında sıx bitən və hava çirklənməsini effektiv şəkildə azalda bilən minlərlə adi daşsarmaşığı və digər sarmaşan bitkilər əkməklə “yaşıl səddlər” yaradılıb.
Sözügedən layihə çərçivəsində ümumi yaşayış sahələrinin həyətlərinin abadlaşdırılmasına dair məlumat və tövsiyələrin IDEA İctimai Birliyinə təqdim edilməsi xahiş olunur.

Dövlət Gömrük Komitəsinin (DGK) sədri kimi təsdiqlənmiş Şahin Bağırov artıq öz komandasını formalaşdırmağa girişib. Bu barədə həm yerli KİV-də müəyyən informasiyalar yayılır, həm də ayrı-ayrı kuluarlarda... DİA.AZ-ın əldə etdiyi məlumatlardan aydın olur ki, Şahin Bağırov növbəti kadr islahatını Hava Nəqliyyatında Baş Gömrük İdarəsində aparmaq istəyir və onun artıq sözügedən posta namizədi də var.

Bununla bağlı dia.az-a danışan mənbə iddia edir ki, Ş.Bağırovun aday kimi gördüyü Anar Cahangirovun qardaşı İranın dini rəhbərliyi ilə əlaqədar şəxsdir və bu barədə mətbuatda da informasiyalar yayılıb.

Xatırlayırsınızsa, hələ o zaman Beynəlxalq Bankda mənimsəməyə görə məhkum olunan Anar Cahangirovun qardaşı Məmməd Cahangirov hazırda "Gilan Holding"də prezidentin müşaviridir. AzadlıqRadiosu-nun hələ o zaman əldə etdiyi məlumata görə, o, həm də ad-soyadını dəyişib.

M.Cahangirov uzun illər Beynəlxalq Bankda işləyib. O, 2001-2011-ci illərdə bankın Nərimanov, 2011-2014-cü illərdə isə Sənaye filialının müdiri işləyib.

2015-ci ildə Beynəlxalq Bankın İdarə Heyətinin sabiq rəhbəri Cahangir Hacıyevlə birlikdə cinayət məsuliyyətinə cəlb olunan 7 nəfərdən biri də M.Cahangirov olub. Amma o, həbs olunmamışdı. 2016-cı ilin oktyabrında Bakı Ağır Cinayətlər Məhkəməsinin hökmüylə ona şərti cəza verilmişdi.

Məmməd Cahangirov ad-soyadını dəyişərək, hazırda Məhəmməd Cahangirzadə olub. O, iyulun 4-də məhkəmədə dindirilərkən həm bunu, həm də "Gilan Holding"də prezidentin müşaviri olduğunu təsdiqləyib.

Amma ad-soyadını dəyişməyinin səbəbini açıqlamaq istəməyib. Nə vaxt dəyişməsinə gəlincə, bunu da deməyib: "Xatırlamıram..."

Bakı Ağır Cinayətlər Məhkəməsinin Beynəlxalq Bankla bağlı 15 oktyabr 2016-cı il tarixli hökmündə bankın vəsaitlərinin mənimsənilməsi, o cümlədən Nərimanov filialından kredit şəklində götürülüb qaytarılmayan vəsaitlərə görə M.Cahangirovun üzərinə 1 milyon 200 min manat ödəmək öhdəliyi qoyulmuşdu.

M.Cahangirov hökmdən apellyasiya şikayəti verib, bəraət istəmişdi. Bakı Apellyasiya Məhkəməsi onun bəraət istəyini təmin etməsə də, 1 milyon 200 manatlıq ödəniş məsələsində hökmə dəyişiklik etdi. Bu məbləğin ödənişilə bağlı öhdəlik də M.Cahangirovun üzərindən götürülüb, C.Hacıyevin üzərinə qoyuldu.

Xatırladaq ki, həmin zaman amma məhkəmədə M.Cahangirov "əvvəllər məhkum olunmusunuzmu?" sualına "yox" cavabı verib.

Xatırladaq ki, C.Hacıyev 2015-ci il dekabrın 5-də həbs olunub. O, 2016-cı il oktyabrın 14-də Bakı Ağır Cinayətlər Məhkəməsinin hökmü ilə 15 il azadlıqdan məhrum edilib. C.Hacıyev mənimsəmə və başqa bir sıra cinayətlərdə təqsirli bilinib.

DİA.AZ-ın məlumatına görə, indi də belə bir reputasiyalı adamın qardaşı Hava Nəqliyyatında Baş Gömrük İdarəsinə rəis gətirilir. Hər halda, dövlətin gərəkən qurumları bu faktı araşdırmalıdır...

Teref.az yazır ki, sosial şəbəkə istifadəçisi Yusif Şamil Oğlu öz səhifəsində BNA-ya müraciət ünvanlayıb. Müraciəti olduğu kimi dərc edirik:
"194 nömrəli avtobusdan, ümumiyyətlə daşıyıcı şirkətin özündən şikayətçiyik!
Şəhərin mərkəzindən xəttə çıxarılan sıradan çıxmış avtobusları 194 Nömrə ilə Məcburi köçkünlərin yaşadığı Qobu-Park yaşayış kompleksinin sakinlərinin xidmətinə veriblər.
Avtobus xarab olur, dayandığ yerdə tüstüləyir. Sürücüləri ürəkləri istəyən vaxt sürür, ürəkləri istəyən vaxt isə dayanır. Qobu- Park yaşayış kompleksindən 20 Yanvar metrosuna 1 saata gedir. Vaxtın çoxu Sədərək Ticarət Mərkəzində keçir.
Xatırladım ki, Qobu-Park yaşayış kompleksi üç qəsəbədən ibarətdir. Qobu 1, Qobu 2, Qobu 3. Boyük qəsəbədə yeganə avtobus 194- N avtobusdur. İstifadəyə yaramayan avtobus qəsəbə sakinlərini bezdirib.

Mən şəxsən 194-N avtobusdan istifadə etmirəm. Nadir hallarda 194-N avtobusdan istifadə edirəm. Qəsəbə sakinləri məcburiyyət qarşısında qalıb manatlıq taksilərdən istifadə edir.
Hörmətli Bakı Nəqliyyat Agentliyi sizə müraciət edirəm qeyd etdiyim problemlə bağlı araşdırma aparıb qəsəbə sakinlərinin problemlərini həll edin. Normal intervalla işləyə ən istifadə yararlı avtobuslarla qəsəbəmizi təmin edin."
Teref.az

Hər gün Naxçıvandan gələn şikayətlərin sayı artır.
Bu gün mənə Naxçıvandan iki şikayət olub. Telefonuma zəng edən Naxçıvan sakinlərindən biri mağazasının qarşısına gül qoyub satdığı üçün təzyiqə məruz qaldığını bildirib. İddiaya görə, Naxçıvan Şəhər İcra Hakimiyyətinin arxasındakı yolda yerləşən dükanlara gələn polis əməkdaşları satıcılara gülləri dərhal yığışdırmağı tələb edib. Bununla da kifayətlənməyib gülləri tapdaq altına salıb əziblər.
Naxçıvan məmurları və hüquq mühafizə orqanlarının işçiləri yaddan çıxarmamalıdırlar ki, onlar dövlət büdcəsindən maaş alırlar. Dövlət büdcəsi isə min bir əzab-əziyyətlə pul qazanan özəl sektorun, o cümlədən dükançıların alın təri hesabına toplanır. Hər bir büdcə təşkilatının çalışanları bu əməkçilərin qədrini bilməli, onların daha artıq pul qazanmağına şərait yaratmalıdır. Onlar nə qədər çox qazansalar, büdcəmiz bir o qədər çox dolacaq və bu da məmurların həyat şəraitinin yaxşılaşmasına zəmin yaradacaq.
Digər bir şikayət Babək rayonun Şıxmahmud kəndindən daxil olub. Redaksiyamıza müraciət edən sakinlər kəndlərindəki uşaq bağçasının vəziyyətindən gileyləniblər. Ölkə başçısına ünvanlanan video-müraciətdə şəhid Qubuşov Ramil Əziz oğlu adını daşıyan uşaq bağçasının dözülməz şəriatindən danışan kənd sakinləri həmin məktəbəqədər müəssisənin yenidən bərpa olunmasını xahiş ediblər.
Sakinlərlə apardığım telefon danışığından belə anlaşıldı ki, sözügedən uşaq bağçası 1990-cı ildə inşa olunub. Geniş sahəsi, bir çox binası var imiş. Binalardan bəziləri Bakı “kupik”i ilə tikildiyindən onlara Naxçıvan “leşyeyən”ləri tamah salıb. Ardınca da uşaq bağçası bağlanıb və həmin binalar sökülüb, inşaat məlzəmələri kimlərinsə təsərrüfatına daşınıb. Yerində isə suyu sovrulmuş dəyirmana bənzəyən bir bina qalıb. Hansı ki, həmin bina Naxçıvan “kubiki” ilə inşa olunubmuş.
Heyder Oguz
Teref.az

12 yanvar 2023-cü il tarixində Dövlət Vergi Xidməti (DVX) "Gəmiqaya Avtonəqliyyat" MMC-ni (VÖEN: 201378861 )dövlət qeydiyyatına alıb.

DVX bu barədə məlumatı 02 mart 2023-cü il tarixində açıqlayıb.

Şirkətin nizamnamə kapitalı 8 249 982 manatdır, qanuni təmsilçisi Məmmədov Vüsar Məmməd oğludur. Hüquqi ünvanı Az7000, Naxçivan Şəhəri, Cəlil Məmmədquluzadə, Ev 34/2-də yerləşir.

DİA.AZ bildirir ki, bunadn əlavə, 16 yanvar 2023-cü il tarixində Dövlət Vergi Xidməti “Nusrat-H” MMC-ni də dövlət qeydiyyatına alıb.

“Nusrat-H” MMC-nin nizamnamə kapitalı 500 000 manatdır və qanuni təmsilçisi Məmmədov Zamin İsrayıl oğludur.

Şirkətin hüquqi ünvanı Az7000 Naxçıvan şəhəri, H.Əliyev ev37/3 ünvanıdır.

Daha bir şirkət barəsində də məlumatlar açıqlanır ki, o da Naxçıvan qeydiyyatındadır...

DİA.AZ bildirir ki, Dövlət Vergi Xidməti “Naxproperty-S” MMC-ni (VÖEN: 201381651) dövlət qeydiyyatına alıb.

“Naxproperty-S” MMC-nin nizamnamə kapitalı 4 232 400 manatdır və qanuni təmsilçisi Yusifov Arif Yusif oğludur.

Yeni şirkətin hüquqi ünvanı Naxçıvan şəhəri, Atatürk ev 9 ünvanıdır.

Şirkət 17 yanvar 2023 tarixində qeydiyyata alınıb.

Görünəni odur ki, Naxçıvan RƏSMƏN ƏL DƏYİŞDİRİR... Dünənə qədər əgər MR-də şirkətlər əsasən və həm də qeyd-şərtsiz keçmiş Ali Məclis sədri Vasif Talıbova və onun yaxınlarına aid idisə, bundan sonra yeni qüvvələrə aid olacaq və bu proses sürətlə həyata keçirilir. Aydın olanı odur ki, həm də iri sərmayələr hesabına...

Nə deyirik... BAZAR OLSUN...