Əbülfəs Qarayevin 2020-ci il may ayının 21-də Mədəniyyət naziri vəzifəsindən azad olmasından sonra bu qurum ətrafında yaranmış ajiotaj səngimək bilmir.

Teref.az xatırladır ki, ölkənin ən stajlı nazirlərindən biri olan Ə.Qarayev istefaya göndəriləndən sonra onu bir müddət keçmiş diplomat Anar Kərimov əvəz etdi. Amma A.Kərimovun sələfini əvəzləməsi çox da uzun çəkmədi. Ötən il dekabr ayının 22-də A.Kərimov da dövlət başçısının imzaladığı sərəncamla vəzifəsindən azad edildi.

Sabiq Mədəniyyət nazirinin hansı səbəbdən “vurulduğu” bu günə kimi ictimaiyyətə qaranlıq qalır. Ə.Qarayevin xələfinin cəzalandırılmasıyla bağlı müxtəlif mülahizələr irəli sürülsə də, bu barədə heç bir rəsmi açıqlama verilməyib.

Qeyd edək ki, A.Kərimov gözlənilmədən işdən çıxarılandan sonra bu qurumun fəaliyyəti ən müxtəlif aspektlərdən təftiş olundu. Məlum oldu ki, A.Kərimovun çox da uzun çəkməyən fəaliyyəti dövründə ciddi qanun pozuntularına yol verilib. Külli miqdarda dövlət əmlakının mənimsənilməsi ilə bağlı faktlar hüquq-mühafizə orqanlarının apardığı araşdırmalar nəticəsində öz təsdiqini tapdı. Başda Mədəniyyət nazirinin sabiq birinci müavini Elnur Əliyev olmaqla, qurumun bir neçə vəzifəli şəxsi də DTX tərəfindən saxlanıldı. Onların vəzifə səlahiyyətlərindən sui-istifadə edərək milyonlarla manat dövlət əmlakını mənimsədiyi məlum olub. “Sağ əli” E.Əliyevin və Mədəniyyət Nazirliyinin bir neçə yüksək rütbəli şəxsinin həbs olunmasına baxmayaraq, A.Kərimov yenə bəlli olmayan səbəblərdən bütün təhlükələrdən sığortalana bildi.

Mədəniyyət nazirinin birinci müavini Adil Kərimlinin bu gün verdiyi açıqlamalar isə göstərir ki, sələfinin başı hələ də dərddədir. Belə ki, A.Kərimli bu gün sələfinin dövrünə aid xeyli qanun pozuntusunun üstünü açıb. Hazırda nazir vəzifəsini icra edən birinci müavin sələfinin dövründə qeyri-ixtisas sahiblərinin Mədəniyyət Nazirliyində işə götürüldüyünü etiraf edib. A.Kərimli deyib ki, hazırda Mədəniyyət Nazirliyinin tabeliyində 41 min nəfər çalışır. Onların cəmi 7%-i mədəniyyət sahəsi üzrə təhsil alıb.

Nazir vəzifəsini icra edən Adil Kərimlinin sonrakı açıqlaması isə növbəti biabırçılığa işıq salıb. Məlum olub ki, Anar Kərimovun təxminən 2 il davam karyerası dövründə təkcə qeyri-ixtisas sahibləri deyil, hətta heç bir ixtisas sahibi olmayan adamlar da Mədəniyyət Nazirliyində müxtəlif postlara sahiblənə biliblər. Onların hansı yolla qurumun sıralarına yol tapması isə bəllidir. A.Kərimovun nazir işlədiyi dövrdə rüşvətlə, o cümlədən dostluq, şəxsi tanışlıq hesabına təyinatlar həyata keçirdiyi heç kimə sirr deyil.

Məlumata görə, A.Kərimovun nazir işlədiyi dövrdə ən böyük qanunsuzluqlar regionlarda baş verib. A.Kərimovun “zəif damarı”nı tutan bəzi işbazlar Mədəniyyət Nazirliyinin regional strukturlarındakı yüksək vəzifələrə təyinatlar ala biliblər. Onlar arasında baytar, aqronom, mühasib, feldşer, hətta ginekoloq ixtisasına sahib olan şəxslərin də olduğu bildirilir.

Mədəniyyət nazirinin birinci müavini Adil Kərimli bu sektorda çalışanların 93%-nin qeyri-ixtisas sahibi olduğunu deməklə, əslində, bunu nəzərdə tutub.

yenisabah.az

"Azərbaycan Reallığı"-na video müraciət göndərən Bakının Suraxanı rayon Qaraçuxur qəsəbə sakini bildirir ki, Kərəm İsmayılov küçəsində yerləşən 30 nəfərdən ibarət sakinlərin yaşadığı 2 saylı yataqxana dözülməz və qəzalı durumdadır. Yataxana hər an uça bilər. İnsanların həyatına ciddi təhlükə yarada bilər.

"Biz dəfələrlə Suraxanı rayon icra hakimiyyətinə və Məcburi Köçkünlərin İşləri üzrə Dövlət Komitəsinə müraciət etsək də səsimizə səs verən olmayıb" deyə vətəndaş video müraciətində bildirərək aidiyyəti qurumlardan kömək istəyiblər.

Daha ətraflı videoda

Xəbər verdiyimiz kimi, ötən gün Şuşanın icra başçısı Bayram Səfərovla jurnalist arasında mübahisə yaranıb. Jurnalistlərdən biri icra başçısından sonuncu dəfə Şuşaya nə vaxt getdiyini soruşub. Bu suala qəzəblənən Səfərov jurnalistə "sənə dəxli yoxdur", - deyə cavab verib. Jurnalist isə icra başçısından hesab sormaq haqqının olduğunu söyləyib.

Məsələ ilə bağlı media eksperti, Mətbuat Şurasının İdarə heyətinin üzvü Azər Həsrət Demokrat.az-a açıqlamasında bildirib ki, hər iki tərəf düzgün münasibət və davranış sərgiləməyib:

"Birincisi, Bayram Səfərovun birbaşa vəzifəsidir ki, jurnalistlərin məhz bu məsələlərlə bağlı suallarını cavablandırsın. O, Şuşanın icra başçısıdır. Ümumiyyətlə, ictimaiyyətin onun Şuşada tez-tez olması və ya olmaması ilə bağlı maraqlanmağa haqqı-hüququ var. Əlbəttə ki, Bayram Səfərov bu cür suallara təmkinlə, ədəb çərçivəsində, kobudluq etmədən qabalıq etmədən, mədəni, mərifətli adam kimi cavab verməlidir bir məmur, vəzifəli şəxs kimi. Təəssüflər olsun ki, o bu yanaşmanı sərgiləmədi. Kobudluq, qabalıq edərək, Prezidentin etimad göstərdiyi bir məmura yaraşmayacaq davranış sərgilədi. İkinci tərəfdən jurnalistin sualı qoymaq tərzinə gəlincə, əlbəttə ki, heç bir jurnalistin heç kimdən hesabat sorma kimi vəzifəsi, yaxud da ixtiyarı yoxdur. Jurnalist soruşa bilər, araşdıra bilər və bu zaman da nəzakət çərçivəsində, özəlliklə də media etikası çərçivəsində davranmalıdır. Bu halda isə jurnalist faktiki olaraq özünü bir növ müstəntiq də deməzdim, ümumiyyətlə bu situasiyaya hər hansı formada yapışmayacaq şəkildə aparır, yəni jurnalist kimi davranmır. Jurnalist soruşa bilər, amma heç kimdən hesab sormaq deyə bir tələbi ola bilməz. Bu baxımdan, hər iki tərəf qeyd etdiyim kimi, Bayram Səfərov öz kobudluğu, qeyri-adekvat reaksiyası ilə (əsəb, təmkindən kənar davranışı ilə) digər tərəfdən də jurnalist o cür sual qoymasıyla yumşaq desək sinifdə qaldılar. Şuşa kimi strateji bir rayona niyə hələ də Bayram Səfərov kimi dünyadan xəbərsiz bir adam başçılıq etməlidir?! Bu cür bir adamın Şuşanın icra başçısı vəzifəsində qalması mənə elə gəlir ki, bizim zərərimizə işləyir. Zatən onun başçı kimi olması zərərimizə işləyirdi, çünki 44 günlük savaşdan öncə erməni icması olduqca aktiv idi. Dünyanın hər tərəfindən onlar təbliğat aparırdı, amma Bayram Səfərovdan səs də yox idi, hər hansı təbliğat qurmurdu. Hansı iş gördüyümüzdən xəbərimiz olmurdu. O baxımdan düşünürəm ki, artıq bu məsələ də öz həllini tapmalıdır".

Dövlət Gömrük Komitəsinə (DGK) sədr təyinatından sonra bu qurumun gələcək taleyi ilə bağlı suallara nöqtə qoyuldu.

Qaynarinfo xatırladır ki, hələ islahatlar kampaniyası dövründə bu dalğanın DGK-dan da yan keçməyəcəyi deyilirdi. Qurumun səlahiyyətlərinin məhdudlaşdırılacağı, hətta ləğv edilərək Vergilər Nazirliyinə birləşdiriləcəyi barədə mühalihəzələr səsləndirilirdi. DGK-nın Vergilər Nazirliyinə birləşdriləcəyi ilə bağlı ehtimallar adıçəkilən qurumların bir-birini təkrarlaması ilə əsasladırılırdı. Lakin gözləntilərin əksi baş verdi. Vergilər Nazirliyi ləğv edilərək, İqtisadiyyat Nazirliyinin tabeliyinə verildi. DGK isə müstəqil qurum kimi mövcudiyyətini saxladı.

Dövlət Təhülkəsizlik Xidmətinin (DTX) DGK-nın yüksək vəzifəli şəxsləri barəsində cinayət işi başlaması növbəti dəfə sözügedən qurumun ləğvi məsələsini gündəmə gətirdi. Səfər Mehdiyevin qurumun sədri vəzifəsindən azad edilməsindən sonra DGK-ya uzun müddət sədr təyin olunmaması da onun ləğv ediləcəyi barədə ehtimalları artırırdı. Bu ehtimal da özünü doğrultmadı. Fevralın 14-də Prezidentin sərəncamı ilə Şahin Bağırov DGK-ya sədr təyin edildi. Beləliklə, aydın oldu ki, hökumətin bu qurumu lığv etmək kimi bir niyyəti yoxdur.

Amma əldə etdiyimiz məlumatlara görə, DGK ilə bağlı proses dayanmayıb. Yəni, sədr təyinatı qurumla bağlı başlanan prosesin növbəti mərhələsidir. Bu mərhələdə DGK-da ciddi kadr və struktur islahatlarının aparılacağı deyilir. İlk növbədə bir neçə idarənin ləğvi və ona rəhbərlik edən şəxslərin karyerasına son qoyulması planlaşdırılır. Daha sonra isə DGK-nın bundan əvvəlki fəaliyyəti ilə bağlı geniş yoxlamalara start veriləcəyi deyilir. Hətta bu yoxlamaların qurumun keçmiş yüksək vəzifəli şəxslərindən də yan keçməyəcəyi söylənilir.

Bu sırada xüsusilə, BakI Baş Gömrük İdarəsinin keçmiş rəisi, gömrük generalı Vüsal Novruzovun adı çəkilir. Vüsal Novruzov uzun illər Bakı Baş Gömrük İdarəsinə rəhbərlik edib. Mediada onun fəaliyyəti ilə bağlı neqativ materialların sayı-hesabı yoxdur.

Bu yazılarda Vüsal Novruzov biznes imperiyasından tutmuş korrupsiya əməliyyatlarına qədər çoxsaylı faktlar yer alıb. O, hələ işdən çıxarılanda həbs ediləcəyi barədə məlumatlar yayılmışdı. Lakin hansısa səbəbdən Vüsal Novruzov dəmir barmaqlıqlar arasına salınmadı.

Bu dəfə isə onun fəaliyyətinin ciddi araşdırılacağı və bunun nəticəsi olaraq gömrük generalının taleyi ilə bağlı qərar veriləcəyi bildirilir. //Qaynarinfo//