 |
|
|
Hakimiyyət düşərgəsindəki kadr dəyişiklikləri ən müxtəlif sferaları əhatə etməkdədir. Rəsmi mətbuat orqanları da bu dəyişikliklərdən kənarda qalmır.
Yenisabah.az xatırladır ki, "təmizləmə əməliyyatı" iqtidarın təbliğatı ilə məşğul olan rəsmi qəzetlərdən də yan keçməyib. Əvvəlcə hakim Yeni Azərbaycan Partiyasının orqanı olan “Yeni Azərbaycan” qəzetinin baş redaktoru dəyişdi. Uzun illərdən bəri qəzetin sükanı arxasında əyləşən YAP-çı deputat Hikmət Babaoğlu könüllü şəkildə vəzifəsindən istefa verdi. Onun ölkənin ən stajlı YAP-çılarından olan sabiq baş redaktor Alqış Həsənoğlu əvəzlədi.
Ötən ilin payızında isə Prezident Administrasiyasının təsis etdiyi "Xalq qəzeti" birinci şəxsi ilə vidalaşdı. Baş redaktor Həsən Həsənov yerini Azərbaycan Mətbuat Şurasının sabiq sədri Əflatun Amaşova verdi. Bu təyinat mətbu cameə üçün əsl sürpriz olsa da, növbəti dəyişikliklərin anonsu kimi qiymətləndirildi və maraqla qarşılandı.
"Yeni Sabah"ın əldə etdiyi məlumata görə, hakimiyyətin əsas təbliğat tribunalarından biri olan "Azərbaycan" qəzeti də dəyişikliklərə hamilədir. Yaxın günlərdə bu qəzetin baş redaktoru Bəxtiyar Sadıqovun da vəzifədən gedəcəyi bildirilir.
Məlumatlı şəxs deyib ki, Bəxtiyar Sadıqova hələ ötən ilin oktyabrında istefa vermək təklif olunub. Amma o, deputat olmağın qazandırdığı üstünlüklərdən yararlanaraq, bu təklifi qulaqardına vurub. Sonrakı dövrdə də ona könüllü şəkildə vəzifədən getmək təklif olunub. Sadıqov isə hər dəfə bir bəhanə ilə baş redaktor kürsüsündəki ömrünü uzatmağa nail olub.
Mənbə deyib ki, bu günlərdə deputat-jurnalistə sonuncu dəfə xəbərdarlıq olunub. Getmək lazım olduğunu bu dəfə ona Milli Məclis rəhbərliyi çatdırıb. Məhz bundan sonra Sadıqov çamadanını hazırlamağa qərar verib. Onun mart ayının əvvəllərində könüllü şəkildə baş redaktor vəzifəsindən istefa verəcəyi bildirilir.
B. Sadıqovu əvəzləyəcək şəxsin kimliyi isə hələlik məlum deyil. Yeni baş redaktorun kənardan gətiriləcəyi güman edilir. //Yenisabah.az//
Quba rayonunun bir sıra mərkəzi küçələri asfalt üzünə həsrət qalıb.
Sakinlər bildirirlər ki, dəfələrlə rayon icra hakimiyyətinə müraciət etsələr də, onlara cavab verən olmayıb.
Quba Rayon İcra Hakimiyyətindən sorğumuza cavab olaraq bildirlib ki, hazırda sözügedən küçlərdə asfalt işləri aparmaq mümkün deyil.
Daha ətraflı aşağıdakı videoda:
Məsələ ilə bağlı teref.az olaraq bütün maraqlı tərəfləri dinləməyə hazırıq...
Naxçıvan MR Prokurorluğu, Naxçıvan Doğum Mərkəzinin bir neçə həkiminə qarşı cinayət işi başladıb. Onların arasında mərkəzin baş həkimi Kəmalə Qurbanova da var. Həkimlər, bir neçə körpənin və ananın ölümündə günahlandırılırlar. Teref.az yazır ki, bu haqda “Gündəlik Naxçıvan”a mərkəzdəki mənbələr məlumat verib. Məlumatı prokurorluqdan da təsdiq ediblər. Rəsmi məlumata görə, cinayət işi, CM-nin 314.2-ci maddəsi ilə başlanılıb (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda).
Ötəh həftə “Gündəlik Naxçıvan”, Doğum Mərkəzində baş verən rüşvət, xəstələrə qarşı qeyri-insani münasibət və s. ilə bağlı məqalə paylaşmışdı. Şikayətçilər bildirirdi ki, xəstələrdən artıq pul alsın deyə, mərkəzin baş həkimi Kəmalə Qurbanova onları qeysəriyyə əməliyyatı olmağa məcbur edir. Bu əməliyyatın üçün onlardan 1000 manat rüşvət alındığı bildirilirdi. İstənilən məbləği verməyənlər isə, ölümlə üz-üzə buraxılırmış. Pul verməyən bəzi xəstələrə isə, doğuş ağır keçsin deyə, bilərəkdən xüsusi iynə vurulduğu iddia olunurdu. Bu cür iynə vurulan bəzi xəstə və onların bətnindəki körpələrin öldüyü bildirilirdi.
Mərkəzdəki mənbənin məlumatına görə, baş həkim Kəmalə Qurbanova və bir neçə həkim bu gün səhər (20.02.2023) dindirilmək üçün prokurorluğa aparıblar:
“ Əslində həkimlərin günahı azdır. Onları bu cinayətlərə Kəmalə həkim məcbur edirdi. Etməyənləri, işdən çıxarmaqla, tutdurmaqla hədələyirdi. Arxasında Ali Məclisin sədri Azər Zeynalov durur. Etiraz edəndə, hamımızı onunla hədələyir. İnanmırıq ki, iş obyektiv aparılsın. Həkimləri güdaza verib, Kəmalə Qurbanovanı sərbəst buraxacaqlar. Əsl cəzalanmalı isə, odur. Camaat onun adını nahaq yerı “ Qəssab Kəmalə” qoymayıb”
Prokurorluqdakı mənbənin “Gündəlik Naxçıvan”a verdiyi məlumata görə isə, mətbuata şikayət edən zərərçəkğnlərin tam ifadəsi alındlqdan sonra, ehtiyac yaranarsa, cinayət işinə qəsədən adam öldürmə maddəsi də əlavə oluna bilər.
Bank sektorunda baş verən qanunsuzluqlar, cinayət əməlləri, vətəndaşların etibarından sui istifadə edərək evlərinin, mülklərinin ələ keçirilməsi ölkəmizdə az qala adi hal alıb. Vətəndaş Cəfərzadə İfadə İsgəndər qızı başına gələn problemlərlə bağlı mediaya dəfələrlə müraciət edib.
O bildirib ki, onun şikayəti əsasında Nərimanov Rayon Polis İdarəsində 03 dekabr 2015-ci il tarixində Cinayət Məcəlləsinin 178.3.2 maddəsi ilə cinayət işi başlanıb. İ.Cəfərzadə müraciətində cinayət işinin icraatından da narazı olduğunu qeyd edib. İfadə Cəfərzadə bildirib ki, o Nazim Mahmud oğlu Əskərov ilə uzun müddət bir yerdə işləyiblər və onu da işlədiyi zamandan tanıyıb: “2006-cı ildən əvvəllər Təhsil Nazirliyinin nəzdində olan Uşaq bağçalarının Maddi-Texniki Bazasında anbar müdiri vəzifəsində çalışırdım. Əslən Gədədbəy rayonunun Şınıx kəndindən olan tibbi təhsilli Əskərov Nazim Mahmud oğlu isə həmin Bazanın müdiri vəzifəsində işləyirdi. 2010-cu ildə Nazim mənə bildirdi ki, Badamdar qəsəbəsindəki villasını təmir etdirmək istəyir. O təklif etdi ki, bunun üçün mən Binəqədi rayonu, Sulutəpə qəsəsbəsi, küçə 1, ev 8 ünvanında yaşadığım 2 mərtəbəli mənzilimi “Ekspress Bank”a girov qoyub 50000 manat kredit götürüb ona verim. Əvəzində Nazim evdə saxladığı kirayəçi ərəblərdən mənə yüz min manat verəcəyinə söz verdi. Mən Nəsimi rayonu, Əcəmi metrosunun yanındakı “Eksperress Bank”ın Nəsimi filialından nəzərdə tutulan məbləği girov müqabilində pulu götürüb Nazimə verdim”. İ.Cəfərzadə bu məsələdən əvvəl isə Nazim Əskərov onun Biləcəri qəsəbəsindəki sənədsiz ikimərtəbəli, 4 otaqlı mənzilini Rusiada biznes qurmaq üçün satmağı təklif edib: “Və özünə yaxın əmlak vasitçəsi ilə evi satdı. Nazim iş dalınca yaxın qohumu Gözəlov Famil Qasım oğlu ilə birlikdə Rusiyaya getdilər.
Qeyd etdilər ki, bütün pullarını Rusiyada hansısa biznes üçün qoyublarmış. Nazim həm də bildirdi ki, narahat olmayım, aldığı bu pulla Rusiyada qazanc əldə edib artıqlaması ilə qaytaracaq. Eyni zamanda tezliklə əldə edəcəyi pulla bankın borcunu da bağlayacağını və qalanını isə mənə verəcəyini vəd verdi. Lakin bir müddətdən sonra bankdan mənə borcun qaytarılması üçün xəbərdarlıq zəngi olundu. Dərhal Nazimə zəng edib banka olan borcun tam ödənilməsini tələb etdim. Nazim də borcu tam bağladı və evimi girovluqdan azad olunmasına şərait yaratdı”. İ.Cəfərzadə qardaşı 2013-cü ilin oktyabrın 17-də ağır xəstəlikdən vəfat etməsilə əlaqədar Ağdama hüzr yerinə getməyə məcbur olub: “Bu arada Nazim mənə bir günlük Bakıya gəlməyimi və evimin mülkiyyət sənədlərini “Ekspress Bank”dan geri almaq üçün ona notarial qaydada etibarnamə verməyimi təklif etdi. 20 oktyabrda, bazar günü mən Bakıya gəldim. Nazim qohumu və dostu olan Famil Gözəlovla 43 saylı Notariat Kontoruna getdilər. Mən onları avtomobildə gözlədim. Etibarnamə hazır olduqdan sonra məni imzalamağa dəvət etdilər. Və dərhal sonra məni yenidən rayona hüzr yerinə yola saldılar.
Sonradan mənə məlum oldu ki, Nazim və Famil “Ekspress bank”da girov qoyulmuş evimin sənədlərini baş etibarnamə əsasında götürüb və 08 noyabr 2013-cü ildə “Atabank” ASC-nin Xəzər filialınının müdiri ilə razılaşaraq, mənim adımdan şəxsi məsələlər üçün istifadə etmək üçün 95000 manat pul götürərək Binəqədidəki evimi yenidən banka girov qoyublar. Yəni Nazim qohumu Familə etibarnamə verməklə mənim xəbərim olmadan mənə məxsus Sulutəpə qəsəbəsində 5 sot torpağın üstündə tikilmiş 2 mərtəbəli mülkümü qanunsuz olaraq “Atabank” ASC-nin Xəzər filialına illik 20 faiz olmaqla 48 ay müddətinə girov qoyaraq əvəzində aldıqları 95000 manat pulu mənimsəməklə mənə külli-miqdarda ziyan vurublar. Sonradan mənə sənədlər əsasında məlum olub ki, 8 noyabr 2013-cü il tarixli “Atabank” ASC-nin tərtib etdiyi İpoteka müqaviləsində mənim adımdan ipoteka qoyan etibarnamə əsasında mənim əvəzimə imzalayan Gözəlov Famil Qasım oğlu olub, “Kredit alan” isə Nazim Əskərov olub”. İ.Cəfərzadə bunlardan 2014-cü ilin əvvəlində xəbər tutub: “Belə ki, “Atabankın” Xəzər filialının problemli kredit üzrə mütəxəssisi olan Elşən adlı əməkdaşı mənə zəng edərək kreditin vaxtı-vaxtında ödənilməsini tələb etdi. Dərhal “Atabank”ın baş ofisinə gedib Elşənlə görüşüb işin nə yerdə olduğunu soruşdum.
Qeyd etdi ki, 15 dekabr 2013-dən sonra aldığınız kredit üzrə ödəniş yoxdur. Mən dərhal Nazimə zəng edib niyə mənim icazəm olmadan belə hərəkət etməsinin səbəbini soruşdum. Və dərhal bankın borcunun tam ödənilərək evimin girovluqdan azad edilməsini tələb etdim. O da bankın pulunu tam ödəyəcəyinə söz verdi. Lakin Nazim mənim bank məsələsindən xəbər tutduğumu bilən kimi Rusiyaya qaçdı və geri qayıtmadı”.
Şikayətçi deyir ki, o Nazimin Rusiyadan qayıtmadığını görüb 2015-ci ilin oktyabrında “Atabank” ASC-nin yerləşdiyi Nərimanov rayonu üzrə Polis İdarəsinə şikayət ərizəsi təqdim edib: “Nərimanov rayon Polis İdarəsinin İstintaq Şöbəsinin müstəntiqi, polis kapitanı Elşən Zamanov fakt üzrə CM-nin 178.3.2-ci maddəsilə 150060444 saylı cinayət işinin başlanması barədə 03 dekabr 2015-ci il tarixində qərar qəbul edib. Lakin bu işin nəticəsi haqqında mənə bugünə kimi heç bir məlumat verilməyib”. İ.Cəfərzadə deyib ki, 2015-ci ilin fevralında pulun ödənmədiyini görən müqavilədə göstərilən müddət başa çatmadan “Atabank” ASC Binəqədi rayon Məhkəməsinə iddia ərizəsi verərək əsas və faiz borclarının ödənilməsi üçün tutmanın ipoteka predmetinə yönəldilməsini tələb edib: “İddia 15 sentyabr 2015-ci il tarixli qətnamə əsasında təmin edilib və 2016-cı ildən icraata yönəlib. Mənə məxsus mülkün açıq hərracda satılaraq borcun tam ödənilməsi üzrə icra işləri hazırda davam etdirilir. 48 ay müddətinə verilmiş 95000 manat pulun bank müdiri tərəfindən 13 aydan sonra geri tələb edilməsi üçün əvvəlcədən planlaşdırılan plan üzrə real bazar dəyəri 400000 manat olan əmlakımın ələ keçirilmə məqsədi daşıyıb. Yoxsa ki, borcun qaytarılma müddəti 2017-ci ilin noyabrın 15-dək təyin olunmasına baxmayaraq bank müdiri niyə tezbazar əl-ayağa düşməsini anlamaq çətindir”.
Xanm şikayətçi Nazim Əskərovu qoruyan qüvvənin kim olduğunu da açılayıb: ”Nazimi bu kimi əmələrdən qoruyan həyat yoldaşı Nərminə Məmmədovanın doğma dayısı oğlu Ədliyyə Nazirliyinin Məhkəmə Ekspertizası Mərkəzinin rəisi, Mərkəzi Seçki Komissiyasının (MSK) üzvü Fuad Cavadovdur. Əvvəllər hər dəfə məhkəməyə, polisə şikayət edəndə, Nazim məni yaxın qohumu Fuad Cavadovla hədələyir və deyirdi ki, sən mənə heç nə edə bilməyəcəksən. Mənim Ədliyyə Nazirliyində və “yuxarılarda” Fuad Cavadov kimi yaxın adamım, qohumum var.
Bundan başqa, Nazimin digər qohumu isə Bakı şəhər İcra Hakimiyyətinin keçmiş başçısı Rafael Allahverdiyevin müavini olmuş Faiq Məmmədovdur. Nazim qanunsuz əməllərinə görə Rusiyaya qaçmış Faiq Məmmədovun bacısı Nərminə Məmmədovanın həyat yoldaşıdır. Nərminə Məmmədova isə hazırda Azərbaycan Dövlət İqtisad Universitetinin mühasibidir. Hansı ki, bu Faiq Məmmədov da Bakı şəhər İcra Hakimiyyətində R.Allahverdiyev dövründə külli-miqdarda dövlət əmlakını mənimsədiyinə görə o da Nazim kimi bir müddət Rusiyaya qaçaraq gizlənib.
Şikayətçi bildirib ki, Nazim hər dəfə polis tərəfindən saxlanılır və sonra Fuad Cavadovun sözü ilə buraxılır. Onu da qeyd edək ki, Nazim Əskərovun oğlu Nicat Əskərov Gədəbəy RİH-də vəzifədə işləyir. Və, o, atasının müdafiə etmək üçün PA-dakı vəzifəli şəxslərin adından istifadə edir. Nazim hər dəfə zərərçəkəni nə ilə şantaj edir..?
İş hazırda Ağır Cinayətlər Məhkəməsində hakim Leyla Əsgərova-Məmmədovanın baxışındadır.
Ümid edirik ki, Leyla xanım haqq ədalətin bərpa olunması üçün mümkün olanları edəcəkdir. //gundelik-baku.com//
Xəbər verdiyimiz kimi, yanvarın 31-də “İrqi ayrı-seçkiliyin bütün formalarının ləğv edilməsi haqqında” Beynəlxalq Konvensiyanın (CERD) tətbiqi ilə bağlı iş üzrə Azərbaycan Respublikasının Beynəlxalq Ədalət Məhkəməsinə ünvanladığı müvəqqəti tədbirlərin təyin edilməsinə dair müraciət üzrə ictimai dinləmələr başa çatıb.
Bu gün müvəqqəti tədbirlərin görülməsi barədə vəsatətlə bağlı məhkəmə qərarının elan ediləcəyi tarix açıqlanıb.
Belə ki, qərar fevralın 22-də Haaqa Sülh Sarayında keçiriləcək iclasda elan olunacaq. Qərarı iclasa sədrlik edəcək hakim Joan E. Donoghue oxuyacaq.
Ağstafa rayon sakini Nəsibov Adil Müseyib oğlu ölkə başçısı Cənab İlham Əliyevə müraciət ünvanlayıb.
Bir nüsxəsi də "DogruXeber.az"a göndərilən müraciətdə deyilir:
"Mən 2008- ci ildən bu ilədək Toxumçuluq fəaliyyətiylə məşqul oluram. Ağstafa rayonunda uzun müddətli toxumçu olan yeganə Fermerəm.
Toxumçu olmaq üçün əvəllər əkin sahəsini icarəyə götrüb əkirdik. İndi isə gərək Toxumçunun E.agro Portalında 40-50 ha əkin sahəsi olsun. Mənim isə 2 ha pay torpağım var. Ağstafa Rayon İcra Hakimiyyəti İcra başçısı Seymur Orucovdan xahiş edib torpaq sahəsi almaq üçün 3 dəfə qəbulunda oldum. "Kömək edərik" dedi. Lakin, 3 aydır gözləyirəm. Sənədlərim gecikdiyi üçün toxumçu ola bilmiyəcəm. Neçə illik əziyyətin hədər oldu. Hər il 200-300 ton toxumluq buğda məhsulum olubdur. Bu ildə 320 ton Elit buğda toxumu istehsal edib, satış etmişəm. Rayonda heçbir qeydiyyata almayıblar. Sahibkarı bu qədər incitmək olmaz!"
Qeyd edək ki, vətəndaşın müraciəti ilə bağlı qarşı tərəfin də mövqeyini dinləməyə hazırıq.
DogruXeber.az
Bakının mərkəzində yerləşən restoranın başı üzərində çoxsaylı ölkələrin bayraqlarının sıra sonunda qoyulmuş bayrağımızın nimdaş və cırılmış halı təəssüf doğurur...
Bakının Üzeyir Hacıbəyov küçəsində (Hökumət Binasımın arxası) "Honours Akademy" restoranı rerləşir. Restoran-kafenin başı üzərində Dünyanın 12 ölkəsinin bayraqları sərgilənib. Ən sonra Azərbaycan bayrağıdır. Niyə öz ölkəmizin bayrağı sonda olmalıdır? Bu sualı saxlayaq sonraya. Həmin binada yaşayan sakinlərin "Təzadlar"a çəkib göndərdiyi fotoşəkillərə və giley dolu mesajlarına inanmadan həmin əraziyə özümüz də baş çəkdik. Fakt təsdiqini tapdı.
Bəli, Azırbaycan bayrağı ən sonda qoyulub. Özü də bozarmış, nimdaş və yarı cırılmış vəziyyətdə.
Restoranın müştəri sarıdan korluq çəkmədiyi orada olanda bir daha şahidi olduq. Lakin bayrağımıza belə hörmətsiz yanaşmanı anlamadıq. İllərdir burada asılı qalmış abayrağımızı bozarmış və cırılçış halda görəndə olduqca təəssüfləndik. Halbuki bu bayrağın altında pul qazanan həmin restoranın sahibi ən azı ildə bir dəfə Azərbaycan bayrağını təzələyə bilər. Hansı ki, bu bayraq - igid əsgərlərimizin Şuşaya, Ağdama, Laçına, Kəlbəcərə... apararaq qan bahasına ucaltdığı müqəddəs bayraqdır!
Deməyi bizdən, tədbir görməyi isə adı çəkilən restoranın məşhur bir məmur sahibindən...
Səbuhi
P.S.yadımdan çıxmamış, ümumiyyətlə "Honours" sözünün və ya adının mənasını bilirsiz? "Honours"- ingilis dilində "Fəxri adlar" deməkdir... Bayrağımızı birinci sırada, yəni fəxri yerdə asmayan sahibkarın dilimizə hörməti budursa, daha nə deyək... //tezadlar.az//
Bu dərəcədə fəaliyyətsizlik olmaz axı.
Ötən il yay aylarında bacım oğlu Hüseynov İsmayılı bu "başçımızın" qəbuluna apardım, uşaq ali təhsilli, müharibə içtirakçısı, 3 medal sahibidir.
İş üçün müraciət etmişdik, tək qəbul etdi,məni qoymadılar qəbula, çox gözəl qarşılayıb, İsmayılın mütləq şəkildə işlə təmin olnmasının vacibliyini vurğulayıb və yaşadığı ərazi üzrə məşğulluq idarəsində qeydiyyata alınması üçün Goranboy rayonuna göndərib, mütləq işlə təmin etdirəcəyinə söz verib.
Hüseynov İsmayılın Atası Hüseynov Nəsib birinci Qarabağ müharibəsi veteranı idi,ağır xəstə idi,uzun illərdir iynə-dərmanla yaşayırdı, 4 ay öncə rəhmətə getdi.
Bir müddət əvvəl Kəlbəcər rayon icra hakimiyyətinin facebook səhifəsinə yazdım, edilən müraciətlərin şəxsən başçının özü tərəfindən nəzarətə alınmasını qeyd etdilər,amma heç bir xəbər yoxdur, sanki qurbağa gölünə daş atılıb.
İcra Hakimiyyəti başçısı rayon sakinini, müharibə veteranını,ali təhsilli gənc oğlanı işlə təmin etməkdə acizdirsə istefa versin, dövlətimizin büdcəsindən məvacib alıb yeməsin, cənab prezidentin ona göstərdiyi etimada xəyanət etməsin, bacarmırsa o kresloda oturmasın, durub bacardığı işin arxasıyla getsin.
Elman Nəbiyev
Teref.az
"Normalda qış tətillərində hamımız Azərbaycana dönürdük. Amma quru sərhədlərin bağlı olması və AZAL-ın "dodaq uçurdan" qiymətləri, o uşaqları tətildə öz doğma ölkələrinə gəlməyə əngəl oldu. O uşaqlar hamısı bir ailənin ümidi idi. Amma o ümidlər artıq yoxdur".
Türkiyədə zəlzələ nəticəsində həyatlarını itirən 4 azərbaycanlı tələbənin dostu İbrahim İbrahimov sosial şəbəkədə bu paylaşımı etdikdən sonra yenidən AZAL-ın qiymətləri gündəmə gəlib.
Azərbaycan 2020-ci ilin martında Covid-19 pandemiyası zamanı virusun yayılmasının qarşısını almaq üçün ölkə sərhədlərini gəliş-gedişə bağlayıb. Virusa yoluxanların sayı azaldıqca maska qadağası götürülüb, kafe, restoranların qapısı açılsa da, ölkənin quru sərhədləri açılmadı.
Hazırda Azərbaycana gəliş-gediş yalnız hava nəqliyyatı yolu ilə mümkündür.
AZAL-ın rəsmi saytında olan məlumata görə, Bakı-İstanbul-Bakı reysi üzrə ən yaxın tarix olaraq 18 fevralda uçuş var. Bir nəfər üçün gediş bileti 273 manat 6 qəpik, gəliş bileti isə 245 manat 76 qəpikdir. Yəni, bir nəfər üçün gediş-gəliş bileti ümumilikdə 519 manat 36 qəpik təşkil edir.
Milli Məclisin bu gün keçirilən iclasında deputat Ceyhun Məmmədov da təyyarə biletlərinin qiymətlərindən danışıb. Məmmədov bildirib ki, biletlərin baha olması səbəbi ilə azərbaycanlı tələbələr tətillərini təhsil aldıqları xarici ölkələrdə keçirmək məcburiyyətində qalırlar:
Deputat Ceyhun Məmmədov"İkinci məsələ, Türkiyədə zəlzələ ilə bağlı olaraq universitetlər distant tədrisə keçir və burada təhsil alan tələbələrimizin bir qismi tətil müddəti olduğu üçün vətənə qayıtmışdı. Onların kitabları, istifadə etdikləri ədəbiyyatlar var ki, biletlərin baha olması ilə əlaqədar qayıdıb, lazımlı əşyalarını gətirə bilmirlər".
Millət vəkili Aqil Abbas Abzas Media-ya açıqlamasında deyib ki, AZAL-a heç kimin gücü çatmır:
“Mən dəfələrlə həm mətbuatda, həm də parlamentdə AZAL-dan danışmışam. AZAL ayrı bir dövlətdir, ona heç kəsin gücü çatmır” – deyə o bildirib.
Aqil Abbas əlavə edib ki, Türkiyədəki tələbələrin ölkəyə qayıtması üçün dövlət özü pulsuz reys də təşkil edə bilər.
Millət vəkili Sabir Rüstəmxanlı deyib ki, indiki halda hava nəqliyyatında qiymətlərin artmasına yol vermək olmaz:
“Dövlətin etdikləri bir yana, ən ucqar rayonlardan tutmuş kimin əlinə nə keçirdi, yardım etməyə çalışırdı. Həmin o zəlzələ bölgəsində Azərbaycan vətəndaşları da olub, onların yaxınları da gedirlər. İndi burda təyyarə qiymətinin bahalaşdırılması nə deməkdir? Elə bu faciəni gözləyirdilər?Əlbəttə, yolverilməzdir” – deyə Sabir Rüstəmxanlı bildirib.
Səyahət yazarı Azər İsmayıl deyir ki, AZAL-ın göstərdiyi xidmətin keyfiyyəti ilə bağlı ciddi problemlər yoxdur, ancaq qiymətlər çox bahadır.
Onun sözlərinə görə, qiymətlərin aşağı olması üçün bazarda daha yaxşı rəqabət olmalıdır:
“AZAL-ın qiymətləri Azərbaycandakı gəlirlərlə müqayisədə yüksəkdir. Qiymətlərin aşağı olması üçün bazarda daha yaxşı rəqabət olmalıdır. Digər aviaşirkətlər də Azərbaycan bazarına gəlməlidir. Dövlət Mülki Aviasiya Agentliyi, Rəqəmsal İnkişaf və Nəqliyyat Nazirliyi var. Bu qurumlar həmin aviaşirkətlərlə mütəmadi olaraq görüşlər keçirməlidirlər, onları Azərbaycana dəvət etməlidirlər. Hətta onları Azərbaycana gəlməyə təşviq etmək üçün aeroport xərclərindən azad etmək və ya bu xərcləri azaltmaq olar. AZAL görsə ki, başqa aviaşirkət onunla eyni istiqamətə 300 manata uçur, məcbur 500-ə uçmayacaq. Çünki 500 manata uçsa, bileti sata bilməyəcək”.
Səyahət yazarı deyir ki, “Buta Airways”in AZAL-ın alt şirkəti kimi yaradılmasında məqsəd həm də daha az xidmətə daha ucuz uçuşlar təşkil etmək olub. Ancaq bəzi hallarda “Buta Airways”in qiymətləri AZAL-dan daha baha olur:
“Mən düşünürəm ki, “Buta Airways” AZAL-ın tərkibindədirsə, alt şirkətdirsə, burada qiymətlər heç vaxt AZAL-dan baha olmalı deyil”.
Azərbaycan Hava Yollarına (AZAL) qiymət siyasətləri ilə bağlı sorğu göndərsək də, suallarımıza cavab verməyiblər.
AZAL rəsmi saytında Türkiyədən qayıdan tələbələr üçün endirim təklif edir. Tələbələr üçün 18 fevralda Azərbaycana gəliş bileti 260 manat, sıravi vətəndaş üçün 287 manatdır. Bu da cəmi 27 manat endirim edir. Ancaq endirimli qiymətə sərnişinin 10 kiloluq əl çantasından başqa yük götürmək icazəsi yoxdur.
6 fevralda Türkiyədə 7.4 ballıq zəlzələ baş verib. Bu saata olan rəsmi məlumata görə ölənlərin sayı 38 min nəfəri keçib.
Azərbaycan Xarici İşlər Nazirliyinin məlumatına görə Türkiyədə zəlzələ nəticəsində 10 nəfər azərbaycanlı həlak olub, 565 nəfər ölkəyə təxliyyə olunub, 2 nəfər haqqında məlumat yoxdur. //abzas.org//