Yaxınlaşıb masadan qalxmağımızı tələb etdilər. Bildirdilər ki, hər nəfərə minumum 30 AZN verməlisiniz. 6 nəfərə 180 AZN hesab verməsək əyləşə bilmərik dedilər. Bu ədəbsizlik deməkdir, məkanın admistratoruna narazılığımızı etsək də, o hara istəsəz gedin şikayət edin bildirdi. Bu ədəbsizliyin və hörmətsizliyin göstəricisidir.

"Azərbaycan Reallığı" xəbər verir ki, bu sözləri facebook sosial şəbəkəsində "Müştərinin Səsi" adlı qurupda sosial şəbəkə isifadəçisi Günel Kazımli Mərdəkanda yerləşən "Tandirloin" restoranında üzləşdiyi haqqsızlıqla bağlı paylaşımı zamanı bildirib. Sözügedən paylaşmı təqdim edirik:

Şikayətimiz Mərdəkanda yerləşən "Tandirloin" restoranındandır. Telefonla zəng edib 6 nəfərlik masa sifariş etdik ve 10 dəqiqə sonra yaxınlaşdıq. Xidmət edən ofisiantlardan biri yaxinlaşdi, 3 salat ve icki sifarişlərimizi verdik. 2-3 dəqiqə sonra digər bir ofisiant yaxınlaşıb masadan qalxmağımızı tələb etdilər. Səbəbini soruşanda verilən cavab: hər nəfərə minimum 30 azn sifariş verməli olduğumuzu bildirdilər.

"Müştəri olaraq bu qədər yolu gəlib 6 nəfər əyləşdikdən sonra 180 manat hesab verməsək əyləşə bilmərik" məlumatının bildirilməsi bir xidmət sektoru olaraq ədəbsiz və müştəri məmnuniyyətini diqqətə almamaq deməkdir. Məkanın adminstratoruna şikayətimizi bildirdikdə hara isteyirsiz şikayət edin dedilər. Şikayətlərinizi gözləyirik bildirməsi isə ədəbsizliyin və hörmətsizliyin göstəricisidir.

"'Sədəf' (Bulvarda yerləşir) restoranında çay dəsti/dəsgahı sifariş verdik, qiyməti 30 manat". DİA.AZ bildirir ki, bu barədə "Müştərinin Səsi" sosial qrupundakı paylaşımında Asif Əliyev adlı istifadəçi giley edir.

Narazı vətəndaş daha sonra yazır: "Mürəbbə və ləpədən əlavə 2 sadə çaynik çay verilir. Sual verdik ki, əgər 1 sadə çayın əvəzinə meyvəli çay olsa əlavə nə qədər ödəyəcəyik, ofisiant bildirdi ki, 1-2 manat. Dedik əgər elədirsə, tamam. Sonda hesabı istəyəndə 46 manat etdi (+10%servis). Etirazımızı bildirdik, ofisiant düşdü aşağı və qayıdıb dedi ki, kassirə bununla bağlı demişdi amma o nəzərə almamışdı və guya sistemdən artıq geriyə düzəliş etmək mümkün deyil.
Əlqərəz, vaxtımız olmadığından çox mübahisə edə bilmədik və üzümüzə gülə-gülə bizi "yola saldılar" ".

İddia olunanlarla bağlı dia.az olaraq qarşı tərəfi də dinləməyə hazırıq...

Naxçıvanda yerləşən Sirab su anbarında hektarlarla taxıl əkilib.

Belə ki, 1979-cu ildə yaradılan Sirab su anbarının ümumi tutumu 12,7 milyon kub metr olub.

Hazırda isə bura taxıl üçün əkin sahəsinə çevrilib.
Yaxınlıqda yerləşən 10 kəndin sakinləri isə quyularında su olmadığından şikayətlənirlər.

Baku TV-nin mövzu ilə bağlı hazırladığı süjeti təqdim edirik:

Hakimiyyət daxilində "təmizləmə əməliyyatı" davam edir. Yaxın günlərdə daha bir icra başçısı işdən çıxarılacaq. Yola salınacaq şəxsin adı da məlumdur.
TEREF.AZ xəbər verir ki, Yenisabah.az-ın əldə etdiyi məlumata görə, iş yerini itirəcək "kiçik padşah" Lənkəran rayon icra hakimiyyətinin başçısı Taleh Qaraşovdur. 64 yaşlı Qaraşovun "vurulması" iki əsas səbəblə əlaqəlidir.
Məlumatlara görə, 2022-ci ildə Lənkəran Şəhər İcra Hakimiyyəti başçısının müavini Rasilə Arifqızının 4 nömrəli humanitar təmayüllü məktəb-liseyin azyaşlı şagirdinə qarşı zor tətbiq etməsi, məktəblini döyməsi sabiq müavini ilə yanaşı, Taleh Qaraşova da problem yaradıb. İcra başçısı o vaxt şəxsi əlaqələrini işə salaraq, vəzifəsini qoruya bilsə də, bu hadisə unudulmayıb. Hakimiyyətin yuxarı eşelonunda hesab edirlər ki, xanım müavin məhz başçıya güvənərək, bu cür qanunsuzluğa əl atıb. Buna görə də təkcə o özü deyil, onun qanunsuz əməllərinə göz yuman icra başçısı da cavab verməlidir.
Digər səbəb isə Taleh Qaraşovun çoxillik fəaliyyətilə bağlıdır. Belə ki, Qaraşov hazırda ölkənin ən stajlı icra başçısı sayılır. Hakimiyyət mənsubları düşünürlər ki, onun 27 illik karyerasına son qoymağın vaxtı çatıb.
Qeyd edək ki, Taleh Qaraşpov 1996-2002-ci illərdə Kürdəmir rayon İcra Hakimiyyətinin başçısı, 2002-2006-cı illərdə Cəlilabad rayon İcra hakimiyyətinin başçısı, 2006-2011-ci illərdə Neftçala rayon İcra hakimiyyətinin başçısı, 2011-2012-ci illərdə Astara rayon İcra hakimiyyətinin başçısı vəzifəsində çalışmışdır. Azərbaycan Respublikasının Prezidenti cənab İlham Əliyevin 14 aprel 2012-ci il tarixli sərəncamı ilə Lənkəran şəhər İcra hakimiyyətinin başçısı vəzifəsinə təyin olunmuşdur.

"Şikayətim "Azercell"dəndir". DİA.AZ bildirir ki, bu barədə "Müştərinin Səsi" Cəlal Cəfərov adlı istifadəçi giley edir.

Narazı vətəndaş daha sonra yazır: "Hər ay, nömrəni aldığım gündən 27 manat ödəyirəm. 12 manat danışıq, 15 manat internet üçün.. İyun ayının 30-u xəttim bağlandı. 27 manat ödədim. 1 manat da əlavə sms radar üçün ödədim.

Hər ay olduğu kimi indi xəttimi yenə bağlayıblar ki, 12 manatlıq danışıq paketinin borcudur. Yaxşı, bəs mənim yerdə qalan 12 manatım nə oldu? Operator robot cavabları verir... Axırda da deyir, biz sizə məlumat verdik, gedin, ödəyin açılsın...

Amma heç bir məlumat verilmir. Qeyd edim ki, hər iki paketin yenilənmə tarixi eynidir, nömrəni alan gündən də eyni qaydada ödəyib istifadə edirdim..."

İddia olunanlarla bağlı dia.az olaraq qarşı tərəfi də dinləməyə hazırıq...

Dövlət Şəhərsalma və Arxitektura Komitəsi tabeliyində publik hüquqi şəxs statuslu Ərazi Tikinti-Planlaşdırma Mərkəzinin “Ermənistan Respublikası silahlı qüvvələrinin Azərbaycan Respublikası ərazisinə təcavüzü nəticəsində Tərtər rayonunda dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri”nin satın alınması ilə bağlı elan etdiyi tender başa çatıb.

32gun.az-ın məlumatına görə, tenderin qalibi "Real-İnşaat” MMC olub.

Tenderin qalibinə Ərazi Tikinti-Planlaşdırma Mərkəzi tərəfindən 2.052.700,77 AZN ödəniləcək.

Əldə etdiyimiz məlumata görə, "Real-İnşaat” MMC-nin dövlətə külli miqdarda vergi borcu var. Şirkətin vergi borcu hazırda 320 min manatdan çxodur (320898.37 AZN)

Bildirək ki, adıçəkilən şirkətin nizamnamə kapitalı 20 AZN, qanuni təmsilçisi NİZAMİ ALLAHVERDİYEV NÜSRƏT OĞLUdur. 13.06.2005-ci il tarixində dövlət qeydiyyatına alınan MMC Ağdam Rayon Vergilər Şöbəsi tərəfində Vergi uçotuna alınıb.

Xatırladaq ki, “Dövlət satınalmaları haqqında” Qanun vergi borcu olan şirkətlərin, şəxsin tenderdə iştirakını qadağan edir.

Azərbaycan Respublikası Ədliyyə Nazirliyinin Məhkəmə Ekspertizası Mərkəzi tərəfindən Məhkəmə Ekspertizası Mərkəzinin Bakı şəhərində yerləşən inzibati binasında cari təmir işlərinin satınalınması üzrə 24.01.2023-cü il tarixdə başlanılmış tender müsabiqəsinə yekun vurulub və “SİRR-M” Məhdud Məsuliyyətli Cəmiyyəti ilə 275.885,27 manat məbləğində satınalma müqaviləsinin bağlanılması barədə 06.07.2023-cü il tarixdə dövlət satınalmalarının vahid internet portalında məlumat verilib.

Məlumatdan da görsəndiyi kimi, açıq tender müsabiqəsinə 24.01.2023-cü il tarixində başlanılıb. Tendrdə zərflərin açılış tarixi isə 23.02.2023-cü il tarixə müəyyən edilib. Tenderin şərtlər toplusuna görə MMC Məhkəmə Ekspertizası Mərkəzinin Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18 ünvanda yerləşən inzibatı binasında təmir işləri aparmalıdır.

Burada maraqlı məqamlar var. Tender zərfləri 23.02.2023-cü il tarixdə açılıbsa, məlumat nə üçün qanunvericiliyin tələblərinə uyğun olaraq 10 bank günü ərzində ictimaiyyətə açıqlanmayıb, üstündən üş ay keçdikdən sonra, 06.07.2023-cü il tarixdə açıqlanıb?

Qeyd edək ki, Ədliyyə Nazirliyinin Məhkəmə Ekspertizası Mərkəzi “SİRR-M” ilə Mərkəzin Bakı şəhərində və regionlarda yerləşən inzibati binalarında cari təmir işlərinin satınalınması üzrə 276.295,14 manat məbləğində bir satınalma müqaviləsi də 17.11.2022-ci ildə bağlayıb. Tenderin şərtlər toplusunda aparılacaq bu təmir işlərinin də Bakı şəhəri, Sabunçu rayonu, Bakıxanov qəsəbəsi, Nazim İsmayılov küçəsi 18-də aparılacağı göstərilir. Buradan belə çıxır ki, Ekspertiza Mərkəzi göstərilən ünvanda təmir işlərinin aparılması üçün “SİRR-M” ilə ümumi olaraq 552 280 manat məbləğində satınalma müqaviləsi bağlayıb.

Bəs “SİRR-M” haqqında nə kimi məlumatlar var? Kommersiya qurumunun hüquqi şəxslərin dövlət reyestrinə daxil edilmiş məlumatlarında “SİRR-M” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin 6 saylı Ərazi Vergilər Baş İdarəsində 03.06.1996-cı il tarixdə dövlət qeydiyyatına alındığı bildirilir. Nizamnamə kapitalı 20 manat olan MMC-nin hüquqi ünvanı MASALLI RAYONU, YEDDİOYMAQ Ə/V, qanuni təmsilçisinin isə Qulamov Vüsal Nəsrəddin oğlu olduğu göstərilir.

Apardığımız ətraflı araşdırmalarda məlum oldu ki, “SİRR-M” MMC-nin adı 2016-cı ilə qədər “BAYRAM-M” MMC olub. Dövrü mətbuatın 2014-cü ildə yaydığı məlumatda “BAYRAM-M” MMC-nin 25 kilometrlik Şorsulu-Xırmandalı yolunun çəkilişini 200 milyon manata həyata keçirməsi və külli miqdarda dövlət vəsaitinin mənimsənilməsində iştirakçı olduğu bildirilir. Məlumatda həmçinin qeyd edilir ki, Şirkətin təsisçisi Ramazan Zeynalovdur. Arayış üçün bildirək ki, R.Zeynalov Qafqaz Müsəlmanları İdarəsinin sədri Allahşükür Paşazadənin yaxın qohumu, ölkənin tanınmış iş adamlarından sayılan Hacı Mazandır. İş adamı ictimai rəydə rəsmi ad və soyadı ilə yox, məhz Hacı Mazan kimi tanınır. Rəsmi olaraq şirkətin ticarət avadanlıqlarının idxalı, satışı və təmiri ilə məşğul olub. Yəni şirkət yol tikintisi üzrə ixtisaslaşmayıb. Bu halda şirkətin hansı yolla 200 milyon manatlıq tenderi udmasının özü qaranlıq məqamlardan biri və birincisidir.

Aktualinfo.org-un Dövlət Vergi Xidmətinin reyesr məlumatları üzərindən apardığı araşdırmada məlum oldu ki, Zeynalov Ramazan Hüseyn oğlu 2018-ci ildə “SİRR-M” MMC-nin qanuni təmsilçisi kimi göstərilib. Bundan başqa, MMC -nin qanuni təmsilçilərindən biri də Əliyev Sahibəli İmran oğlu olub. Sözügedən şəxs Teleradio İstehsalat Birliyinin Mərkəzi Radio-Televiziya Yayım Filialının rəisi vəzifəsində işləyərkən özgə əmlakını talamaq məqsədilə filialın baş mühasibi İbadova Məhəbbət Seyfəddin qızı və mühasibi İbrahimova Şəlalə İsgəndər qızından ibarət mütəşəkkil dəstə təşkil etməklə, öz qulluq mövqeyindən istifadə edərək filialın külli miqdarda əmlakını, yəni 612.746 manat məbləğində vəsaiti mənimsəmə və israf etməklə talamış, vəzifəli şəxs kimi tamah və sair şəxsi niyyətlə rəsmi sənədlərə bilə-bilə yalan məlumatlar daxil etməklə vəzifə saxtakarlığı edib.

Göründüyü kimi Ədliyyə Nazirliyinin Məhkəmə Ekspertizası Mərkəzinin qalib elan etdiyi “SİRR-M” MMC haqqında çoxsaylı qaranlıq məlumatlar var. “BAYRAM-M” MMC kimi yol tikintisinə heç bir aidiyyatı olmayan şirkətinin 200 milyon manatlıq layihəni “udması”, sonra da, “SİRR-M” MMC kimi Məhkəmə Ekspertizası Mərkəzinin eyni ünvanda yerləşən bir inzibatı binanın təmiri üzrə iki dəfə tenderin qalibi olması müəyyən şübhələrə yol açır. Bizi izləyin.

Bərdədə xəstəxansında baş verənlər hər kəsi təəccübləndirib. Belə ki, xəstəxananın mətbəxində toplaşan həkimlər göyərti doğrayıblar.
TEREF.AZ bakupost.az-a istinadla xəbər verir ki, bu barədə sosial şəbəkələrdə video yayılıb.
Görüntülərdən həkimlərin göyərtiləri doğrayıb qurutduqları və nanələri ayırdıqları görünür.
Sosial şəbəkələrdə geniş müzakirə və tənqidlərə səbəb olan həmin görüntüləri təqdim edirik.

Sosial şəbəkələrdə və mətbuatda özünəməşğulluq proqramı çərçivəsində həyata keçirilən tədbirlərdən narazı olan vətəndaşların şikayətlərinə rast gəlinir.

32gun.az xəbər verir ki, əhaliyə verilən xəstə mal-qaranın görüntüsü gündəm olub.

Paylaşılan görütüdə daha bir vətəndaş Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin özünəməşğulluq proqramı çərçivəsində xəstə mal-qara verildiyini iddia edərək həmin heyvanın videosunu çəkib paylaşıb.

Belə ki, görüntülərdən də göründüyü kimi, Zəiflikdən ayaq üstə durmaqda çətinlik çəkir.

Vətəndaşların kinayəli gülüşünə səbəb olan hmin görüntünü təqdim edirik: