 |
|
|
İnfluenserlər Mehin Oktaylı (iconmekh) və Mesi Rəhman (Mesi_rekhman) avtomobil qəzası keçirib.
TEREF xəbər verir ki, bu barədə Olay.az-a M.Rəhman özü açıqlama verib.
O bildirib ki, hadisə ötən gün səhər saat 8 radələrində İsmayıllı-Şamaxı yolunda olub:
“Orada yaşayan insanların dediyinə görə, həmin yolda tez-tez qəzalar baş verir. Çünki xam sürücülər həmin yolu yaxşı bilmir, oradakı sərt döngəni görmədən düz gedirlər. Bizdə də “Vita” markalı avtomobil idi. Çox güman ki, sürücümüz həmin döngəni görə bilməyib. Ona görə maşın birinci işıq, sonra reklam dirəyinə çırpıldı. Uzun bir məsafəni sağa-sola çırpıla-çırpıla aşdıq. Mən alnımdan xəsarət aldım, döş qəfəsimdə, ayaq və qol nahiyələrimdə əzilmələr yarandı. Mehinin beli tutmurdu, qabırğasında sınıq var. Bizdən əlavə maşında iki xanım var idi. Onlar da xəsarət aldılar, birinin başı partladı, digərinin də qabırğası zədələnib. Bizi Şamaxı xəstəxanasına çatdırdılar, oradan da Mehini təcili tibbi yardım maşını ilə Bakıya, neyrocərrahiyəyə gətirdilər. Eynilə məni də... Şükür ki, keçdi, həqiqətən Allahın sevimli bəndəsiymişik ki, o maşından sağ çıxdıq. Çünki maşının ön hissəsi bərbad gündəydi, çox pis zərbə ilə çırpılmışdı”.
Xəbər verdiyimiz kimi, “TikTok”da müxtəlif adlar altında əyləncə yarışları təşkil etməklə əxlaqsızlığı təbliğ edən şəxslər polis əməkdaşları tərəfindən saxlanılıb.
Burada ən çox müzakirə olunan məsələlərdən biri də belə bayağı yarışlara sponsorluq edən şirkətlərdir.
Düzdür, bunların çoxu xırda şirkətlərdir, amma aralarında kifayət qədər tanınan markalar da var. Buna misal olaraq Bakıda fəaliyyət göstərən “İstanbul NS” klinikasını və “Halva” restoranlar şəbəkəsinin adını çəkmək olar. Tərbiyəsizliyə görə saxlanılan yarış iştirakçılarına isə avtomobil hədiyyə edən “Legend Motors”dur.
Görünür, bu adlar üçün təkcə sadəcə, özlərinin reklamları və bu reklamdan əldə edəcək müştərilər maraqlıdır. Yoxsa, bilə-bilə niyə tərbiyəsizliyə sponsorluq etsinlər ki?
Onu da qeyd edək ki, istər televiziya məkanında, istərsə də, sosial şəbəkələrdə bayalığa sponsorluq edən şirkətlər kifayət qədərdir. Hansı ki, bu şirkətlər məqamı gələndə ciddi, ictimai yükü olan layihələrə sponsorluq etməkdən boyun qaçırırlar.
Qeyd edək ki, bu gün DİN tərəfindən keçirilən əməliyyat nəticəsində “TikTok”da tərbiyəsizliyi təbliğ edən bu tip yarışların iştirakçıları və bu “layihə”lərdən birinin rəhbəri Azər Zahid saxlanılıb. Hazırda bu istiqamətdə araşdırmalar davam etdirilir.//Qafqazinfo
İllər öncə "Elit star" ləqəbi ilə məşhurluq qazanan müğənni Cəmilə plastik əməliyyatdan sonra ilk dəfə efirə çıxıb.
Əməliyyatdan sonra 66 yaşlı müğənninin yeni görkəmini təqdim edirik:
(Titul.az)
ABŞ-nin yeni seçilmiş prezidenti Donald Tramp "TikTok"un ölkədə fəaliyyətini davam etdirməsinə icazə vermək niyyətini ifadə edib.
İqtisadiyyat.az xəbər verir ki, bu barədə "Axios" nəşri məlumat yayıb.
Məlumata görə, Donald Trampa sosial şəbəkədə özü və seçki kampaniyası ilə bağlı yayılan videoların böyük baxış toplaması çox xoş gəlib.
"TikTok"un yanvarın 19-da bloklanması gözlənilsə də, bu tarixə qədər ABŞ Ali Məhkəməsi proqramın ana şirkətinin satılmasını tələb edən iki partiyalı qanunun konstitusiyaya uyğunluğu ilə bağlı arqumentləri nəzərdən keçirəcək.
Tramp "Turning Point USA" və "Turning Point Action" tərəfindən təşkil edilmiş "AmericaFest" festivalında belə deyib: "Biz həqiqətən də TikTok-a daxil olduq və milyardlarla baxış sayı ilə əla bir reaksiya aldıq. Bəlkə də "TikTok"u bir az daha özümüzdə saxlamağa dəyər".
O əlavə edib ki, ürəyində "TikTok" üçün isti bir yer var.
"Pul qazanmaq istəmirəm. Hər zaman gündəmdəyəm. Gözütoxam. Heç vaxt pul hərisi olmamışam".
Bu sözləri Əməkdar artist Ruhəngiz Musəvi "Elgizlə izlə" verilişində deyib. Müğənni Elit Star Cəmilə ilə yaşadığı qalmaqalla bağlı suallara əsəbiləşib.
"Ruhəngiz Musəvi olan yerdə başqa müğənni adı çəkməyin. Kimisə gündəmə gətirmək üçün məndən söz almayın. Hamı deyir illərin sənətkarısınız, bu, nə söhbətdir" deyə, Musəvi söyləyib.
Qeyd edək ki, R.Musəvi "Cəmiləni reklam etdim. Hər yerdə var. Mənim hesabıma pul qazanır. Amma artıq onu reklam etməyəcəyəm" açıqlamasını vermişdi. /Axşam.az
Əməkdar artist Elnarə Abdullayeva bir neçə gün əvvəl Heydər Əliyev Sarayında canlı solo konsert proqramı ilə çıxış edib.
TEREF olay-a istinadən xəbər verir ki, diqqət çəkən məqamlardan biri sənətçinin musiqili gecəyə geyindiyi çəhrayı rəngli qat-qat biçilən, ətrafları atlas parçadan ibarət uzun libası olub.
Abdullayevanın həmin libası türk sənət musiqisinin divası Bület Ersoyun “Altın Kelebek” mükafatlanma mərasiminə geyindiyi yaşıl donu ilə bənzəməsi nəzərdən qaçmayıb.
Qeyd edək ki, E.Abdullayeva sözügedən səhnə geyimini özəl olaraq konserti üçün yerli atelyelərin birində tikdirib.
Amerikaya köçən müğənni Elariz Salmanov ad gününü qeyd edib.
60 yaşına qədəm qoyan sənətçi həyat yoldaşını və dostları ilə bir araya gələrək restoranların birində məclis keçirib.
Özəl günü üçün hazırlanan və şamlarla bəzədilmiş tortun önündə dayanan Elariz xanımını yanına dəvət edərək mikrofonla nitq söyləyib.
"Mənim dostlarım, birinci, sevimli və axırıncı həyat yoldaşım yanımdadır. Bu gözəl və özəl günümü sizinlər keçirirəm. Bundan isə çox xoşbəxt və məmnunam. Ürəyimdə arzu tutub bu şamları üfürürəm", - deyə E.Məmmədoğlu vurğulayıb.
Həmin anları Elariz instaqram səhifəsində izləyiciləri ilə bölüşüb. /olay.az
Son zamanlar açıqlamaları sosial şəbəkələri alt-üst edən "Miss Azerbaijan 2019"un qalibi, model Səmra Hüseynova paylaşımı ilə gündəmə gəlib.
TEREF yenisabah.az-a istinadla xəbər verir ki, Səmra bu dəfə çılpaq halda fotosessiya etdirib. O, qırmızı rəngli libasını yarıya qədər soyunaraq şəkil çəkdirib.
Şəkildə Hüseynova bədəninin çılpaq hissələrini əlləri ilə örtməyə çalışıb.
Model qalmaqallı fotosunu sosial şəbəkə hesabında izləyiciləri ilə bölüşüb.
Sosial şəbəkə istifadəçiləri 32 yaşlı modelin bu addımını birmənalı qarşılamayıb, onların əksəriyyəti Səmranı tənqid atəşinə tutub.
Bir müddət əvvəl anasını itirən müğənni Şəbnəm Tovuzlu atası Ələddinin ikinci dəfə evləndiyini açıqlayıb.
Sənətçi bu haqda "Qonaqcanlı" verilişində danışıb.
O bildirib ki, atasını özü evləndirib:
"Ölüncəyə qədər onun qulluğundayam. Yaxşı ki varsan. Anam 5 ildir, rəhmətə gedib. Atama nə qədər gözəl baxılsa da, təkliyini hiss etdim. Onu Günəş xanımla evləndirdim. Atama gözəl baxır".
Qeyd edək ki, Ələddin Şəbnəmin doğma atası deyil. İfaçı 1 yaşında olarkən anasını itirib və onu xalası ilə həyat yoldaşı saxlayıb. Şəbnəm uzun illər onları doğma valideyn bildiyini deyib. (axşam.az)
Xalq artisti Röya Ayxan villasını Yeni il ab-havasına uyğun olaraq bəzədib.
Pop ulduz bu il bayram sevincini yalnız özü üçün deyil, ailəsi və yaxın dostları üçün də xüsusi etməyə çalışır. Onun bu addımı pərəstişkarları tərəfindən maraqla izlənilir. Sosial şəbəkələrdə paylaşılan görüntülər isə izləyicilərdən böyük maraq görüb.
Estrada ulduzunun malikanəsinə çox sayda biri-birindən fərqli və rəngarəng oyuncaqlar və ən əsası böyük küknar ağacı gətirilib. Parlaq işıqlar, şam ağacları, dekorativ elementlər və gözoxşayan detallarla bəzədilmiş məkan sanki qış nağılına çevrilib. /Olay.az