Məşhur amerikalı müğənni Madonna yeni fotolarında möhtəşəm bir üzüyü nümayiş etdirərək gənc sevgilisi ilə nişanlandığına işarə vurub.

Qaynarinfo xəbər verir ki, 66 yaşlı ulduz "Instagram" səhifəsində bir sıra şəkillər paylaşıb. Şəkillərdə o, övladları və 28 yaşlı amerikalı futbolçu Akim Morris ilə görünüb.

Madonna bu görüntülərdə ailəsi və dostları ilə Yeni il şənliyində restoran mühitində əylənərkən çəkilib. Lakin izləyicilərin diqqətini daha çox başqa bir detal cəlb edib.

Fotolardan birində Madonnanın adsız barmağında böyük bir brilyant üzük görünür. Müğənni əlinin üzüyü daha aydın görsətməsi üçün onu kameraya yaxınlaşdırıb. O, Yeni il ziyafətinə qara rəngli geyimdə qatıldığı üçün qızıl çərçivədəki bu böyük parlaq brilyant üzük çox sayda fotoda diqqəti cəlb edib.


Madonna bu barədə ətraflı məlumat verməyib və evlilik planları ilə bağlı dəqiq açıqlama etməyib. Fotoşəkillərin şərh bölməsində isə o, izləyicilərini Yeni il münasibətilə təbrik edib və sevgi və cəsarətli insanlara tost qaldırmağı təklif edib:

"Mən cəhənnəmdə oldum və geri qayıtdım, icazə verin deyim ki, bu möhtəşəm idi! Bu sözləri Yeni il öncəsi Tokioda keçirilən Luyza Burjo sərgisində eşitdim. Bu ifadə sanki məndən alınmışdı. Ana və sənətkar olmaq həm sevinc, həm də əzabdır. Mən başqa cür bir həyat təsəvvür edə bilmirəm. Daha çox sevgi, xoşbəxt uşaqlar, möcüzəvi düşüncə, möhkəm sağlamlıq və əbədi xeyir-dualar üçün. Mən cəsarətli olan hər kəsə minnətdaram və onları alqışlayıram - bu həyatda və digər həyatlarda. 2025-ci ildə mən hər kəsin özü olmağa cəsarət etdiyi üçün qədəh qaldırıram".

Xatırladaq ki, Madonna iki dəfə ailə qurub. Onun ilk əri 1985-1989-cu illərdə evli olduğu aktyor Şon Penn olub. Daha sonra, 2000-ci ildə müğənni Qay Riçi ilə ailə həyatı qurub, onların münasibətləri səkkiz il davam edib.

Madonnanın özündən 38 yaş kiçik futbolçu ilə münasibətləri haqqında ilk dəfə ötən ilin iyul ayında məlumat yayılmışdı. Hətta onların ayrıldığına dair şayiələr yayılmışdı, lakin Madonna özü sevgilisi ilə yeni fotolar paylaşaraq bu məlumatları təkzib etmişdi.

Xalq artisti Niyammədin Musayev “İcitmai TV”də qonaq olduğu “Cümə axşamı” verilişindəki görüntüləri ilə gündəmə gəlib. Belə ki, verilişdə Xalq artisti ilə birgə qonaq olan tanınmış müğənnilər Dilarə Kazımova və Nigar Camalın geyimi, onların Niyaməddin Musayevin ətrafında bu geyimdə əyləşmələri müzakirələrə səbəb olub.

Hurriyyet.Az xəbər verir ki, tənqid edilən Xalq artisti Niyaməddin Musayev Pravda.az-a bu barədə açıqlama verib.

O bildirib ki, hər kəsin öz geyim tərzi var: “Əvvəla, məni verilişə “İctimai” televiziya dəvət edib.

“İctimai TV” normal kanaldır. Mən nə bilim ki, onlar nə geyinəcəklər? Verilişdir, dəvət edirlər, gedirəm. Bəzən görürsən ki, ətrafımda elə adamlar olur... Mən deyim ki, verilişə kim gələcək? Belə sual vermək düzgün deyil axı. Nə bilim, gələn adam nə geyinəcək? Bu, onun öz mədəniyyətinə, şəxsiyyətinə baxır. Hər kəsin özünə məxsus geyimi var. Dilarə Kazımova və Nigar Camal çox gözəl ifa etdilər. Qulaq asdım, ifa tərzləri normaldır. Müasir geyinirlər, bu haqda nə deyə bilərəm? Deyim ki, niyə belə geyinirsiniz? Belə şey düzgün deyil. Gərək, insanın özü öz geyimini seçsin”.

Amerikalı müğənni Billi Aylişin "Birds of a Feather" mahnısı 2024-cü ildə "Spotify" axın platformasında ən çox dinlənilən mahnı olub.

Bu barədə "Hypebeast Interscope" məlumat yayıb.

Mahnı 1,781 milyard dəfə dinlənilib. İkinci ən populyar mahnı olan Sabrina Karpenterin "Espresso" mahnısı 1,778 milyard dinlənməyə malikdir. O ilin axırlarınadək lider olsa da, lakin sonda Aylişin mahnısına uduzub.

"Birds of a Feather" Billinin 17 may 2024-cü ildə çıxan üçüncü studiya albomuna daxil edilib. Mahnı "Billboard Hot 100" çartında ikinci yerdə qərarlaşıb. 27 sentyabrda Ayliş mahnının rəsmi klipini yayımlayıb.

Meyxanaçı Namiq Qaraçuxurlu paylaşımı ilə diqqət çəkib.

Bu barədə o, instagram səhifəsində paylaşım edib.

Sənətçi bildirib ki, ötən il onun üçün itkilərlə yadda qalıb:

"Düşərsiz il keçirdiyim heç yadıma düşmür. 2024 mənim üçün itkilər ili oldu. Ayaqda qalmaq üçün mücadiləm davam edir. Yaxşı ki, peşəm insanlarla işləməkdir. Sizin üçün bayramı nəzərə almaq özü məni bayrama yönləndirir. İnşallah 2025 hamımıza düşərli olsun. Qanlı hadisələr, faciələr, problemlər həyatımızdan uzaq olsun. Bayram edənlərin bayramı mübarək olsun".

Keçmiş "W-trio" qrupunun üzvləri Xalq artisti Röya Ayxan, müğənnilər Natavan Həbibi və Elnarə Xəlilova 20 il sonra birgə səhnəyə çıxıb.

Onlar İctimai TV-nin Yeni il şənliyində çıxış ediblər.

Sənətçiləri qrupun qurucusu Əməkdar incəsənət xadimi Vaqif Gərayzadə müşayiət edib. (olay.az)

"Oralarda necədir?" rubrikasının yeni buraxılışı yayımlanıb.

Bu dəfə Bakıdan 4 452 kilometr uzaqda olan, alman və fransız mədəniyyətinin qovuşduğu Strasburqdan bəhs olunub.

Maraqlıdır ki, tarixən bu şəhər gah Almaniyanın, gah da Fransanın ərazisi hesab edilib. İndi də çoxları Strasburqun hansı ölkəyə aid olmasını qarışıq salırlar. Elzas əyalətinin paytaxtı Strasburq fua-qra delikatesinin və Santa-Klausların vətəni hesab olunur. Yeni il ərəfəsində Strasburqda demək olar ki, hər yerdə Santa-Klaus görmək mümkündür.

Onlar deyirlər ki, bu işdə çalışmaq üçün uşaqları sevmək əsasdır. Bizim Şaxta babalarla Strasburqdakı Santaların oxşar xüsusiyyəti onların hər ikisinin böyük qarınlarının olmasıdır. Belə ki, qarnı böyük olmayanı əsl Santa-Klaus hesab etmirlər. Yeni ildə Santanı evə çağırmaq 50 avroya, bizim pulla 89 manata başa gəlir.

Bəzən onlar pensiyaya çıxmış insanlar da olurlar. Strasburqda Santa kimi işləmək üçün kastinqdən keçmək lazımdır. Santalar Yeni il ərəfəsində aya 2 000 avro qazanırlar. Bu isə bizim pulla 3 572 manat edir. Strasburq əhalisi Yeni il üçün əsl şam ağacı bəzəməyi sevirlər. Qiyməti 50-300 avro, yəni bizim pulla 89-535 manat arasında dəyişən ağacları xüsusi plantasiyalardan almaq mümkündür. Bayram bitəndən sonra isə onu zibilə atmaq olmaz. Qapının önünə qoyurlar ki, xüsusi maşınlar gəlib aparsınlar.

Ətraflı Baku TV-nin süjetində:

Müğənni Tural Gəncəli yol hərəkəti qaydalarını pozaraq bir neçə avtomobilə ziyan vurub.

Görüntülərdə onun Prius markalı maşını bir neçə dəfə qəsdlə vuraraq, ərazidən uzaqlaşdığı, polis əməkdaşlarının tələbinə məhəl qoymadığı görünür.

Bakı Şəhər Dövlət Yol Polisi İdarəsinin təbliğat və ictimai işlər üzrə rəisi Toğrul Nəsirli bildirib ki, idarənin əməkdaşları tərəfindən narkotik vasitənin təsiri altında olan, hərəkət iştirakçılarının həyatına real təhlükə yaradan, "Mercedes" markalı 99-MM-276 dövlət qeydiyyat nişanlı nəqliyyat vasitəsinin sürücüsü Tural Abdullayev tabesizlik göstərsə də, görülən tədbirlər nəticəsində saxlanılıb və toplanılmış materiallar aidiyyəti üzrə məhkəməyə göndərilib.

Məhkəmənin qərarına əsasən, T.Abdullayevin sürücülük hüququ 2 il müddətində məhdudlaşdırılmaqla o, 30 sutka inzibati qaydada həbs edilib.

Lent.az

İstanbulda qeyri-qanuni mərc oyunlarının reklamı ilə məşğul olan sosial media fenomenlərinə qarşı əməliyyat keçirilib.

Axşam.az xəbər verir ki, əməliyyat nəticəsində barələrində həbs qətimkan tədbiri seçilən 7 şübhəlidən 4-ü - Elanur Bulut, Salim Çato, Zeynep Buse Korkmaz və Buse Şahin saxlanılıb.

Şübhəlilər həbs tələbi ilə Sülh Cəza Hakimliyinə sövq edilib. Onlardan Salim, Zeynep və Elanur həbs edilib. Buse isə nəzarətdə saxlanılma şərti ilə sərbəst buraxılıb.

Qaçan 3 nəfərin - Buse Plan, Okan Serbes ve Tuna Yurdakulun saxlanılması istiqamətində isə işlər davam edir.