Azərbaycanın əməkdar artisti tanınmış şoumen Qorxmaz Əlili “Azərlotereya” Aqçı Səhmdar Cəmiyyətini məhkəməyə verib.

32gun.az xəbər verir ki, onun iddiasına Səbail Rayon Məhkəməsində baxılacaq.
Mədinə Bağırova iş üzrə hakim təyin edilib.
İşin mahiyyəti əmək münasibətlərinə dair mübahisələrdən ibarətdir.

Qorxmaz Əlili uzun müddət “Azrlotereya”da çalışıb. Lakin sonradan işdən çıxarılıb. Şoumen özü bu barədə mediaya açıqlamasında deyib: “Mənə gələn təklifə əsasən "Azərlotereya"da çalışmağa başladım. Bəxtimdən buranın da müdirin dəyişdilər. Yeni müdir gələndən sonra məni gözümçıxdıya saldı. Mənim üzümə qarşı dedi ki, sənin bu qədər maaş almağın məni yandırır. O anlamadı ki, lotonun adı mənimlə bağlı idi. O zaman 250 ”“ 300 min loto bileti satılırdısa, indi bu məbləğ 50- 60 minə düşüb. Sonra ona deyiblər ki, Qorxmazı qaytar işinə. O da cavab verib ki, mən işdən çıxaram, amma onu bura qaytarmaram”.
Qorxmaz Əlili tanınmış aktyor və rejissor Məmməd Əlilinin oğludur.

“Ən çox pul və yaxşı məclislər kabinetlərdə olur”.

Bizim.Media xəbər verir ki, bu sözləri müğənni Təranə Musayevanın ifaçı qızı Qumral qonaq olduğu “Elgizlə izlə” ictimai-sosial verilişində deyib.

Qumral bildirib ki, iş adamlarının bahalı restoranlarının kabinetlərində təşkil etdiyi məclislərdə iştirak edir:

“Kabinetlərdə elə gözəl məclislər keçirilir ki, şou proqram da yalan olur, toy da. Orada olan pullar heç yerdə yoxdur. Artıq müğənnilər pulları kabinetlərdəki məclislərdən qazanırlar. Bəlli iş adamları var ki, onlar öz məclislərinin kabinetlərdə keçirirlər və məni də ora dəvət edirlər. Elə gəşəng qonorar verirlər ki... Kabinet dediyimiz yer bahalı restoranların kabinetləridir. Bəzi məclislər isə böyük bağlarda təşkil olunur. Bahalı restoranların kabinetlərinə getmək üçün külli miqdarda depozit ödəmək lazımdır. Buna görə də ora hər adam girə bilmir. Orada bəlli iş adamları oturur. O iş adamlarının “uzkiy kruqu” (kiçik çərçivəsi) var. Onlar da sevdiyi müğənniləri öz məclislərinə dəvət edirlər. Mən də o məclislərdə ifa edib gəşəng pul qazanıram”.

Qeyd edək ki, Qumral 17 yaşında ailə qurub. Onun bir övladı var.

Əməkdar artist Mətanət İsgəndərli illərdir ki, qalmaqal yaşadığı keçmiş gəlini Cananaya (Aynur Vaqifqızı) ev alıb.

TEREF bizim.media-ya istinadən bildirir ki, bu haqda Canana qonaq olduğu "Elgizlə izlə" ictimai-sosial verilişində danışıb.
"Mən hər zaman Mətanət xanımın hörmətini saxlayıram. O mənim anamdır. Artıq mən Mətanət xanımın evində qalıram. Uşaqlarımın yanındayam. Bizə Mətanət xanım ev də alıb. Sağ olsun! Kaş ki, onunla aramızda bu kimi söhbətlər olmazdı. Lənət şeytana!", - deyə Canana vurğulayıb.

Qeyd edək ki, M.İsgəndərlinin oğlu Kərim və keçmiş gəlini Canana 2021-ci ilin oktyabr ayında rəsmi olaraq boşanıblar. Onların üç övladı isə anadan alınaraq, ataya verilmişdi. Canana daha sonra Apellyasiya Məhkəməsinə müraciət edərək övladlarının qəyyumluğunu ataları Kərimdən alıb. Uşaqlar hazırda M.İsgəndərli ilə birlikdə yaşayır. Kərim isə ikinci dəfə ailə qurub və bir övladı var.

Müğənni Ayan Babakişiyevanın qızı Selena ilə bağlı paylaşımı gündəm olub.

Bizim.Media xəbər verir ki, sənətçi övladı ilə çəkdiyi selfisini sosial şəbəkə hesabında yayımlayaraq onunla bağlı arzularını yazıb.

"Qızımla fəxr etmək istəmirəm. İstəyirəm ki, o, öz həyatını yaşasın. Sənə qurban olum, Selena. Necə tez böyüdün. Səni verən Allaha şükür, mənim fəxrim. Mənim dünyam, sevgim", - deyə Ayan bildirib.

Toyda ofisiantın hərəkəti gündəm olub.
Əcnəbi toylardan birində ofisiant heyəti qonaqlara sürpriz hazırlayıb. Ofisiantlardan biri əvvəlcə sanki yıxılıb, daha sonra isə ayağa qalxaraq rəqs etməyə başlayıb.
Görüntülər sosial şəbəkələrdə yayılıb. Həmin görüntüləri təqdim edirik:

Tanınmış müğənni Rəqsanə İsmaoyılova paytaxtın əyləncə məkanlarının birində səhnə alıb.

Milli.Az xəbər verir ki, o, məşhur "Bivəfa" mahnısını sevənləri ilə birgə oxuyub. Dinləyiciləri bu anları mobil telefonları vasitəsilə qeydə alıblar.

Bundan əlavə, sənətçinin sinə dekoltesi diqqət çəkib.

Sözügedən görüntülər sosial şəbəkələrdə müzakirə mövzusu olub.

Əməkdar artist Bəhram Bağırzadə barəsində inzibati iş başlanıb.

TEREF qaynarinfo-ya istinadən xəbər verir ki, o, İnzibati Xətalar Məcəlləsinin 529.3-cü maddəsi ilə ittiham edilir.

Bu maddə yol hərəkəti qaydaları əleyhinə olan inzibati xətaların, yaxud İnzibati Xətalar Məcəlləsinin 353.2-ci (İriqabaritli və ya ağırçəkili nəqliyyat vasitələrinin icazə verilən çəki və yüklə birlikdə oxa düşən kütlə parametrlərini aşmaqla ümumi istifadədə olan avtomobil yollarında idarə edilməsi) maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsi ilə bağlıdır.

İttihamdan aydın olur ki, Bəhram Bağırzadə hansısa inzibati tənbehetmə haqqında qərarı icra etməyib.

İttiham sübuta yetirilərsə, Bəhram Bağırzadənin sürücülük hüququ altı aydan bir ilədək müddətə məhdudlaşdırıla bilər.

İşə Nəsimi Rayon Məhkəməsində baxılacaq. Babək Pənahov iş üzrə hakim təyin edilib.