Rusiya musiqisi və rusiyalı ifaçıların qastrolu oktyabrın 7-dən Ukraynada qadağan olunur.
Bu barədə TASS agentliyinin məlumatında bildirilib.
Qadağa ilk növbədə televiziya, radio və ictimai yerlərdə 1991-ci ildən sonra Rusiya vətəndaşı olmuş və olan ifaçıların rusca mahnılarının səsləndirilməsi qadağan olunur.
İctimai nəqliyyatda və taksidə də rus musiqisini dinləmək qadağan olunub.
Rusiya müğənnilərin isə Ukraynaya qastrol səfərləri qadağan edilib.
Həmçinin yayda Ali Radanın deputatları rus kitablarının ölkəyə gətirilməsinə qadağa qoyub. Bundan başqa, ölkənin bir sıra regionlarında rus dilindən istifadə qadağa olunub.

Bir neçə gün əvvəl müğənni Niyam Salami mərhum müğənni Rəhim Rəhimlinin xəstəliyi ilə bağlı bəzi detalları açıqlayıb.

Sənətçi qonaq olduğu efirdə Rəhimin tam sağalması üçün 150 min manat lazım olduğunu bildirib.

Niyamın Rəhimin sağalması üçün açıqladığı külli miqdarda pul hər kəsi təəccübləndirib. Qısa zaman ərzində sosial şəbəkələrdə müzakirə mövzusuna çevrilən məsələ Rəhimin pərəstişkarlarını hiddətləndirib. Onlar həmkarlarının R.Rəhimliyə kömək etməməsini sərt tənqid ediblər.

Mövzu ilə bağlı Yenisabah.az-a danışan tanınmış aktyor Allahverdi Yolçuyev bildirib ki, mərhum müğənni kimdənsə yardım istəməyi heç vaxt özünə sığışdırmayıb:

“Rəhim Rəhimlini az-çox tanıyırdım, Allah ona rəhmət eləsin. O da mənim kimi xoşlamazdı ki, gedib nəyəsə görə kiminsə qapısını döysün, imdad diləsin. Mən necə ki, indi heç bir yerə - nə Mədəniyyət Nazirliyinə, nə də Səhiyyə Nazirliyinə getmirəm. Onlar özləri bunu bilməlidirlər.

Rəhim Rəhimlinin də öz dəsti-xətti vardı, həm bəstəkar, həm müğənni, həm də aparıcı idi. O, gözəl insan idi. Həmkarları dedi ki, müalicəsi üçün 150 min pul lazım imiş. Onu özləri öz aralarında toplaya bilərdilər, dövlət də kömək edə bilərdi. Amma təəssüf ki, sənətçilərin dəyəri ölümündən sonra bilinir. Vaxtilə bir-birinə can deyib, can eşidənlər, sənin çörəyinlə yaşayanlar, bu gün sayəndə artıq zirvədə olan sənətçilər sən dara düşəndə heç bir köməklik etmirlər. Rəhim də bu cür sənətçilərdən biri idi, həmişə başqalarına kömək olurdu”.

Sənətçi özünün də səhhətində ciddi problemlər olduğunu bildirib. Yolçuyev Mədəniyyət Nazirliyinin onunla maraqlanmadığını deyərək gileylənib:

“Mənim də vəziyyətim pisdir. Xəstəliyim daha da irəliləyib. Mədəniyyət Nazirliyi bunu bilir, hər şeydən xəbərləri var, səhərdən axşama qədər televiziyada, sosial şəbəkələrdə yazırlar ki, Allahverdi Yolçuyevin vəziyyəti pisdir. Amma heç kəs maraqlanmır. Mən də ona görə heç nə demirəm, öz həyatımla, nəvələrimlə başımı qatıram, harada qırılar, qırılar. Amma istəsələr xəstəliyimin qabağını ala bilərlər. 4 ildir nə maaş, nə təqaüd, nə də hər hansı bir yardım alıram. Yaxşı ki, uşaqlarım böyükdür, bir təhər dolanırıq, Allah özü kömək olsun. Artıq dublyaja da çağırmırlar. Keçən sezon Xəzər telekanalında olurdum, amma bu sezon götürdükləri serialda hamısı cavanlardır, ona görə haqlı olaraq məni çağırmayıblar. İnşallah, hər şey yaxşı olar, ümid etməkdən başqa bir yol yoxdur”.

Qeyd edək ki, Allahverdi Yolçuyev uzun müddətdir parkinson xəstəliyindən əziyyət çəkir. Parkinson xəstəliyi neyroendogen xəstəliklər qrupuna daxil olub, mərkəzi sinir sistemində dopamin neyronlarının dağılıb məhv olması ilə inkişaf edir.

Əsmətxanım RZAZADƏ

Müğənni Qədir Qızılsəsin dünyasını dəyişməsi ilə bağlı şayiələr yayılıb.

Publika.az xəbər verir ki, aparıcı-prodüser Tarix Əliyev (Tolik) ifaçı ilə əlaqə saxlayaraq məlumatların əsassız olduğunu aydınlaşdırıb.

Qədir Qızılsəsin sözlərinə görə, bununla artıq neçənci dəfədir ki, ölüm xəbəri yayılır:

“Bunun adı ancaq paxıllıq ola bilər. Şəhidlərimizə, Məhərrəm ayına görə efirlərə çıxmırdım. Hər şey yaxşıdır”.

Oktyabrın 4-də “Depeche Mode” qrupu “Memento Mori” adlı konsert turunun təqvimini açıqlayıb.

Müvafiq paylaşım qrupun “Instagram” səhifəsində dərc olunub.

Konsert turu kollektivin son beş ildəki ilk canlı çıxışı olacaq.

Tur 2023-cü il martın 23-də ABŞ-ın Sakramento şəhərində başlayacaq. Mayın ortalarından etibarən musiqiçilər Avropaya gələcək və qitənin böyük şəhərlərində konsert verəcəklər.

Sənətçilərin çıxış edəcəyi Avropa şəhərləri arasında Stokholm, Berlin, Budapeşt, Praqa, Varşava, Tallinn, Helsinki və Oslo da var.

Qeyd edək ki, Rusiya şəhərləri son 25 ildə ilk dəfə olaraq “Depeche Mode”un konsert proqramına daxil edilməyib.

Xatıraldaq ki, qrupun son turnesi 2017-2018-ci illərdə baş tutub. Avropa və Şimali Amerikada 130 konsert verən kollektiv 3 milyondan çox izləyicini ətrafına toplaya bilib.

Türkiyəli tanınmış musiqiçi Onur Şener səhnə aldığı gecə klubunda mahnıya görə öldürülüb.

Bakupost.az Türkiyə mətbuatına istinadən bildirir ki, Ankaranın Çankaya rayonundakı gecə klublarından birində üç nəfər Onur Şenerdən adını verdikləri mahnını ifa etməsini istəyib. Musiqiçi həmin mahnını bilmədiyini dediyi üçün mübahisə başlanıb, onlar butulkaları qıraraq səhnəyə atıblar. Şüşə qırıqları sənətçinin boynuna batıb və onun şah damarı kəsilib.
Xəstəxanaya aparılan ifaçının həyatını xilas etmək mümkün olmayıb.Faktla əlaqədar 5 nəfər nəzarətə götürülüb. Daha sonra onlardan 2-si sərbəst buraxılsa da, 3-ü həbs edilib.

Tanınmış kardioloq Üzeyir Rəhimov dünən dünyasını dəyişmiş müğənni Rəhim Rəhimli ilə bağlı açıqlama verib.

Publika.az xəbər verir ki, Ü.Rəhimov Rəhim Rəhimlinin 3-4 il əvvəl pasiyenti olduğunu və ağır ürək çatışmazlığından əziyyət çəkdiyini deyib:

"3-4 il əvvəl pasiyentim olmuşdu, hospitalizə etmişdik. Ağır ürək çatışmazlığında gəlmişdi. Bir az düzələn kimi qaçdı, yəni çox mədəni şəkildə getməli olduğunu söyləyib xəstəxanadan ayrıldı. Digər pasiyentlərlə bir palatada qalırdı, bir dəfə də mənim palatamı dəyişdirin demədi.


Səhnədə şən görünməsinə baxmayın, çox danışmazdı. Daxilində isə durmadan danışdığını, amma sitəmlərini dilə gətirmədiyini anlayırdım. Yanına gələn heç kimsə yox idi, bir neçə nəfərdən başqa, baxmayın bu gün sosial mediaya. Özünün maddi vəziyyəti yəqin ki bərbad idi. Xəstəxana xərclərini də kimsə ödəmək istəmirdi. Hər şeyin fərqində idi. Ona dəstək olanları daha da xərcə salmamaq üçün vaxtından əvvəl ayrılmışdı xəstəxanadan.

Yaradıcılıq qabiliyyəti olan insanlara həmişə heyran olmuşam, məndə belə xüsusiyyət olmadığından bəlkə də. Ya da tanrıya bizlərdən bir az dahayaxın olduqları üçün. Yaratmaq xüsusiyyətləri onlarda tanrıdan daha böyük parça daşıdıqlarının gösdəricisiydi.

Müalicəsini davam etdirməsi gərəkdiyini söylədiyimdə “mütləq gələcəm” demişdi. Gəlməyəcəyini bilirdim. Hətta bu qədər yaşayacağını da düşünmürdüm. Amma yəqin ki, bir şeylər hiss edirdi, sonun yaxınlaşdığını".