Xəbər verdiyimiz kimi, bir neçə gün öncə müğənni Nazənin mərhum “qanuni oğru” “Quli” ləqəbli Nadir Səlifovun qızının və ailə üzvlərinin fotosunu paylaşıb.

Müğənninin prodüseri Musavat.com-a bildirdi ki, fotolar səhvən paylaşılıb:

“Bununla bağlı bizə çoxsaylı zənglər oldu. Fotoları Nazənin xanımın İnstaqram səhifəsini işlədən şəxs səhvən paylaşıb. Bundan xəbər tutan kimi şəkilləri sildik”.

Amerikalı pop müğənni Cennifer Lopez komandasına işçiləri ulduz falı ilə seçir.

Bu barədə amerikalı rəqqasə Heyzer Morris danışıb. O, həmkarlarının onunla bölüşdüyü hekayəni xatırlayıb.

Morrisin sözlərinə görə, rəfiqəsi buna Loipezin turlarının birində şahid olub.

“JLo turlarından birindən əvvəl rəqs dinləmələri keçirirmiş. İfaçı otağa girərək, gənclərə təşəkkür edib. Sonra deyib ki, otaqda Qız bürcü varsa, əllərini qaldırsın”, - deyə Morres rəfiqəsinin dediklərini çatdırıb.

Qızın sözlərinə görə, aktrisa üzünü həmin rəqqaslara tutaraq gəldikləri üçün təşəkkür edib və 23 avqust-23 sentyabr tarixləri arasında doğulmuş namizədlərin qəbul olunmadığını deyib.




Mənbə: Billboard

Xəbər verdiyimiz kimi, Türkiyənin məşhur müğənnisi Gülşən Çolakoğlu həbs edilib. Gülşən haqqında İmam Hatip tərəfdarlarını hədəf alan sözlərindən sonra həbs qərarı verilib.
Yeniavaz.com xəbər verir ki, Türkiyənin bir çox məşhur sənət adamları Gülşənin həbs qərarına qarşı çıxıb və müğənniyə dəstəklərini ifadə ediblər.
Aktyor Selçuk Yöntem Gülşənin həbsini ədalətli hesab etmədiyini bildirib:
“Hüququn siyasi düşüncələrə uyğun formalaşdığı ölkəmizdə həbs olunması lazım olan onlarla insan “nə də olsa, mənə bir şey olmaz” rahatlığı ilə gəzərkən, bir sənətçinin düşüncəsindən dolayı mühakimə və həbs olunmasını “ədalət”li hesab etmirəm”.

Türkiyəni Avroviziya mahnı müsabiqəsində təmsil etmiş müğənni Hadise Gülşənin həbsini digər cinayət hadisələri ilə müqayisə edib:
“Hamımız insanıq. Yanlışlar və xətalara yol verə bilərik, çünki insanıq. Üzr istəmək ləyaqətdir, üzr də istənildi. Sizə sual verirəm, qadınları vəhşicəsinə öldürən, “iki ay yatıb çıxaram” deyən adamları, uşaqlarının yanında həyat yoldaşını döyən adamları bu gün Gülşənin həbs olunduğu kimi həbs etsəydilər, neçə qadın bu gün həyatda olardı?”

Müğənni Sıla Gençoğlu da bu sözlərlə hadisəyə reaksiya verib:
“Ədalət hər kəsə lazımdır, həmişə lazımdır və hər kəsə bərabər lazımdır. Həbs olunmaq nədir?”

Müğənni Göksel hadisənin aylar öncə olmağına diqqət çəkib:
“Aylar öncə deyilmiş bir cümlə üzündən həbs olunmaq? Bu heç ədalətli deyil. Ədalət hər kəsə eyni davranmaq deyilmi? Qaldı ki, Gülşənə, o, üzr istədi. Çox üzülmüşəm”.

Bu gün polis bölməsində ifadəsi alınan məşhur müğənni Gülşən haqda həbs qərarı verilib.
Bakupost.az Türkiyə mətbuatına istinadən bildirir ki, polis idarəsinə həyat yoldaşı Ozan Çolakoğlu və vəkili ilə gələn ifaçı həbs edilərək Bakırköy qadın həbsxanasına göndərilib.
Xatırladaq ki, Gülşən aprel ayında baş tutan konsertlərindən birində “İmam Hatipdə oxuyub, azğınlığı oradan gəlir”, - cümləsini işlədib. Sənətçinin bu sözlərlə həmin liseydə oxuyanları, oranın məzunlarını və dindarları təhqir etdiyi iddia olunub. Sosial şəbəkələrdə müğənninin həbs olunması üçün #gulsentutuklansın həşteqi açılıb.
İfaçı son zamanlar geyim tərzinə görə də tənqidlərə məruz qalırdı.

Rusiyanın məşhur azərbaycanlı müğənnisi Nəvai Bəkirov çantasında gəzdirdiklərini nümayiş etdirib.

Bizim.Media xəbər verir ki, bunları isə sənətçi sosial şəbəkə hesabında çəkib, paylaşdığı videoda göstərib.

“Black phantom memento mori fragrantica by Kilian” ətrindən istifadə edirəm. Çantamdan əlavə avtomobilimdə də bu ətirdən var (təxmini qiymət 287 manat).

“Apple” markasına məxsus qulaqcıqlar. Həmişə çantamda və ya üzərimdə nağd pul olmalıdır. Bir paçka 5000 rubl (təxminən 14100 manat). Əgər gəzməyə gedirəmsə bəxşiş verməyi sevirəm. Özümlə çanta gəzdirməyi o qədər də sevmirəm. Amma üzərimdə başqa nağd pulum da olur (təxminən 6000 manat). Görürsünüz ki, pulun arasında bank pul kartım var.
Onlar isə hamısı rezinlə bərkidilib. Pulu məhz rezinlə bərkitmək özüməməxsus bir tərzimdir. Çantamda həmçinin idarə etdiyim avtomobillərimin açarlarını, ehtiyat telefonumu da görürsünüz. Sənədlərimi də üstümdə səliqəli şəkildə gəzdirirəm. Bundan savayı çantamda eynəyim də var. Vəssalam!”.

Müğənni Əminə Şirin şəxsi həyatı ilə bağlı açıqlama verib.

Xeberoxu.Az xəbər verir ki, "Şourum" proqramına qonaq olan ifaçı ilk dəfə həbsxanada evlənməsindən danışıb. Sənətçi ikinci həyat yoldaşının məhkum olunduğunu, buna görə də həbsdə evlənməli olduğunu dilə gətirib.

Müğənninin bu evlilikdən bir qız övladı dünyaya gəlib.

O, hazırda ikinci həyat yoldaşından ayrılıb.

Əminə buna səbəb kimi həmin insanın həbsdən çıxdıqdan sonra tamamilə dəyişdiyini göstərib.

54 yaşlı Hollivud ulduzu Nikol Kidman “Perfect Magazine” üçün fotosessiyada iştirak edib.

Jurnalın üz qabığında aktrisa mini ətək və qısa topda görünsə də, böyük bisepsli qolları sosial şəbəkə istifadəçilərinin daha çox diqqət mərkəzində olub.

Aktrisanın paylaşımı bir neçə saat ərzində 100 minlərlə bəyənilib.

“Onun qolları ideal formadadır”, “Bodibilder obrazında Nikol səhəri bir vedrə qəhvə ilə deyil, məşqlərlə açmağa həvəsləndirir”, “Əsl ilahə!”, “Fotolar mükəmməldir, heyrətamiz görünür” və s. şərhlərlə istifadəçilər heyranlıqlarını bildirib.

Qeyd edək ki, Nikol Kidman son günlər modellik fəaliyyəti ilə diqqət mərkəzindədir.





Mənbə: Spletnik