Aparıcı Sərxan Kərəmoğlu Xalq Artisti Röya Ayxanın mərhum sənətçi Rəhim Rəhimlinin vəfatıyla bağlı paylaşımına münasibət bildirib.

Axşam.az xəbər verir ki, o, sosial şəbəkədə Röyanın R.Rəhimlinin ölümü haqda ancaq instaqramın hekayə bölməsində paylaşım etməsini doğru hesab etmədiyini yazıb:

"Səni sevdiyimi bilirsən. Rəhimi sən gǝrǝk hekayə bölümündə yox, əsas səhifəndə paylaşardın. Rəhim Rəhimlini biz sizə görə tanıdıq. Sizin aranızda ola bilsin soyuqluq var idi, amma bütün bunlar ona dəlalət etmir ki, ən əziz günləri unudasınız. Nədənsə ümumilikdə anasından və ailəsindən xəbərsizlər tanınmışların səhifələrində yer alır, amma dostlar yox. Niyə? Səhifəni çoxmu gördün dostuna? Bütün Azərbaycana "Röya, səni sevirəm" deyən Rəhim ölüb ey, Röyam. İncimə məndən, səni sevirəm. Sən şəxsiyyət olmasaydın yazmazdım".

Rusiyada yaşayan bloqer Hüseyn Həsənov Azərbaycana səfərini şərh edib.

O, bu barədə “Instagram” səhifəsində hekayələr bölməsində video paylaşıb.

“Mənim iki vətənim var - Rusiya və Azərbaycan. Rusiya mənim doğulduğum və bütün həyatım boyu yaşadığım yerdir, digər vətənim isə Azərbaycandır, çünki mən azərbaycanlıyam. Ona görə də əgər vətənimdə lazım olsam, orada olacağam”, - deyə bloqer bildirib.


16:24

Rusiyada yaşayan məşhur azərbaycanlı bloqer Hüseyn Həsənov daimi yaşayış yerini tərk edib.

Gömrük məntəqəsindəki kompüterdən çəkilən fotoda Azərbaycan əsilli bloqerin Rusiyanı tərk etdiyi görünür.

Bir neçə saat sonra isə Hüseyn Həsənov öz “Instagram” səhifəsinin hekayə bölməsində hava limanından video paylaşaraq “bir neçə günlük atamın yanına və sonra geriyə evə” cümləsini yazıb.

Bloqerin yerləşdirdiyi məlumatlardan onun Azərbaycanda olduğu ehtimal edilir.

Bakı Ağır Cinayətlər Məhkəməsində əməkdar artist Cavanşir Məmmədovun qızı Xatirə Məmmədovaya qarşı dələduzluqda təqsirləndirilən Kemal Mustafa İbilinin işi üzrə məhkəmə prosesi başlayıb.

Teref.az-ın Trend.az-a istinadən məlumatına görə, hakim Əhməd Quliyevin sədrliyi ilə keçirilən prosesdə prokuror ittiham aktını elan edib.

Daha sonra Cavanşir Məmmədovun vəkili vəsatət qaldıraraq bildirib ki, təqsirləndirilən şəxs mediaya məlumat verməklə Cavanşir Məmmədova təzyiq edir. Vəkil, həmçinin Mustafa İbilinin polis nəzarətində olması qəti imkan tədbirinin həbslə əvəz olunmasını istəyib.

Məhkəmə vəsatətləri təmin etməyib.

Daha sonra təqsirləndirilən şəxs Mustafa İbili ifadə verib.

O, ifadəsində bildirib ki, Xatirə Məmmədova ilə 2018-ci ildə “Facebook” vasitəsilə tanış olub və evlənmək üçün Bakıya gəlib:

“Bakıya gəldikdən sonra özümlə gətirdiyim 60 min dolları Xatirə ilə xərclədim. Lakin onunla evlənmədik. 200 min dollara qədər pulumu xərclədi. Qardaşıma aid 135 min dollar da həmin pula daxil idi. 3 il yarım dolandıraraq pulu xərclədilər. 3 il yarım ərzində mən Cavanşir Məmmədovun evində gizli yaşamışam. Evin qarşısında ayda 500 manat verib kirayə qalsam da, axşamlar Cavanşir Məmmədovun evində yaşamışam. Heç kimdən pul istəməmişəm. Xatirə Məmmədova atasından aldığı pulu mənim adıma olan bank hesabına yatırdı. İddia edirlər ki, mənə 140 min dollardan çox pul veriblər. Yalandır. Mənə pul verilməyib. Sadəcə, hesabıma yatırılıb. Bu da heç 100 min dolar etmirdi. Bank çıxarışı ilə razı deyiləm. Təkrar yoxlanılmasını istəyirəm. İddia etdiklərindən az pul yatırıblar. Hesabdakı pulun bir qisminə birjadan səhm aldım. Digər qismini də Xatirə Məmmədovanın israrı ilə çıxarılıb və özünə verilib”.

Məhkəmənin növbəti iclası oktyabrın 20-nə təyin edilib.

Qeyd edək ki, Cavanşir Məmmədov hüquq-mühafizə orqanlarına müraciət edərək Mustafa İbili tərəfindən aldadıldığını bildirib.

Belə ki, o iddia edib ki, Mustafa İbili Cavanşir Məmmədovdan 13 000 manat və 126 500 dollar alıb və geri qaytarmayıb. M.İbili barəsində Cinayət Məcəlləsinin 178.3.2-ci (Dələduzluq-külli miqdarda ziyan vurmaqla törədildikdə) maddəsi ilə cinayət işi başlanıb.

Şair Nazilə Səfərli Bakıda yerləşən “Louvre Plaza” şadlıq sarayından şikayətçidir.

Teref.az xəbər verir ki, bu barədə o, instaqramda videopaylaşım edib.

Səfərli təmənnasız şəkildə oktyabrın 4-ü qazinin qızının xınasını təşkil etmək istədiyini, lakin məclisin keçiriləcəyi məkanın rəhbərliyi hər hansı xına şirkətinin zala girişinə icazə vermədiyini bildirib: “Qızın anası rəhmətə gedib, atası isə qazidir. Atasının özəl arzusudur ki, mən həmin məclisdə iştirak edim. Qazi bu gün mənə zəng edib deyir ki, “Nazilə xanım, mən qızımın xeyir işində sizi görmək istəyirəm, ancaq bunlar icazə vermir. Mən də kasıb adamam, sözüm keçmir”… Ay camaat, qazinin balasının toyuna getmək istəyirəm. Məkan qıraqdan heç bir xına şirkətinin girişinə icazə vermir. Onun arzusudur… Mən qazinin balasının, anasız qızının başına sığal çəkməyə gəlirəm, nə istəyirsiniz? Niyə belə edirsiniz? İnsanların arzusunu niyə gözüdə qoyursunuz? Gəlib o anasız qızın nazını çəksək nə olar?”.

Məsələ ilə bağlı sözügedən şadlıq sarayı ilə əlaqə saxladıq. “Louvre Plaza”dan saytımıza bildirildi ki, şairin dedikləri həqiqəti əks etdirmir: “Bizdə xına havayıdır, restoran tərəfindən hədiyyə olunur. Nazilə Səfərli isə həmin ailədən 500 manat istəyib. Ona görə də qızın atası pulsuz olanı seçib”.

Qazi isə bu mövzu ilə bağlı danışmaq istəyib: “İcazə vermirlərsə, dava edən deyiləm ki. Allah hamının canını sağ eləsin”. (qafqazinfo)

Məşhur model və aktrisa Paris Hilton itmiş itini tapmaq üçün gündə 11 min dollar xərcləyir.
Bakupost.az xarici mediaya istinadən bildirir ki, o, 6 yaşlı, "Diamond Baby" adlı itini tapmaq məqsədilə çoxlu sayda dron kirayələyib. 41 yaşlı məşhurun, həmçinin ekstrasenslərdən və ev heyvanları detektivlərindən də kömək aldığı danışılır.
Bildirilir ki, bu Hollivudun indiyə qədər gördüyü ən böyük it axtarış əməliyyatıdır.
P.Hilton itini tapan şəxsə sorğusuz-sualsız 10 min dollar verəcəyini də açıqlayıb.

Müğənni Nura Suri müzakirə obyektinə çevrilən ictimai nəqliyyatlarda qiymət artımına etiraz edib.
İfaçı şirkətlərin artımla bağlı müraciətindən sonra fikirlərini sosial media hesabından bölüşüb.
“Tarif Şurası elə bil Marsda yaşayır. Nə qədər artım olar? İctimai nəqliyyatın qiymətini qaldırmaq mövzusu atılıb gündəmə”, deyən Suri düşüncələrini bu cür davam etdirib:

“İctimai nəqliyyatdan varlılar istifadə etmir. Kasıbları öldürməyin başqa yollarını axtarın”.

Bakıda gecə saatlarında “Bakkumusichall” restoranına bir qrup şəxs hücum edib.

Bu haqda “Yeni Sabah”a zərərçəkmiş, restoranın sahibi Vüsal Rəhimov məlumat verib.

O bildirib ki, 09.09.2022-ci il tarixində gecə saatlarında meyxanaçı Aqşin Fatehin və onun şəriki İlqar Abdullayevin adamları kriminal aləmə məxsus olan şəxslərlə restorana basqın ediblər.

V.Rəhimov bildirib ki, həmin qrup öncə restoranın qarşısında dava salıb, sonra birinci mərtəbəyə enərək mühafizə əməkdaşını, işçiləri döyüblər.

Hadisə yerinə polis çağırılıb, basqında iştirak edənlər hadisə yerindən qaçmağa nail ola biliblər.

Vüsal Rəhimov bildirib ki, bir müddət əvvəl – 15.04.2022-ci il tarixində də eyni qaydada restorana basqın edilmişdi. Bu faktla bağlı hazırda Binəqədi Rayon Polis İdarəsində cinayət işinin istintaqı aparılır.

Restoran sahibi baş vermiş hadisə ilə bağlı daxili işlər naziri Vilayət Eyvazova müraciət edib.

Qeyd edək ki, əvvəllər sözügedən restoranı A.Fatehlə V.Rəhimov şərik olaraq idarə ediblər. Sonradan meyxanaçı ilə müqavilə ləğv olunub.

Aparıcı Rəqsanə İmir hücuma məruz qalıb.

BAKU.WS xəbər verir ki, bu barədə o, sosial şəbəkə hesabına müraciət yerləşdirib.

O, bildirib ki, avtomobilini park edən zaman Hüseynova Fatimə adlı qadın tərəfindən təhqir olunub və hücuma məruz qalıb.

Aparıcı əlavə edib ki, qadın ona fiziki zor da tətbiq edib və bununla bağlı polisə müraciət edib.