 |
|
|
Kinorejissor Elçin Musaoğlunun tammetrajlı bədii filmi “Məryəm” Türkiyənin “Altın Portakal” Beynəlxalq Film Festivalında yarışacaq.
“Azərbaycanfilm” kinostudiyasının istehsal etdiyi filmdə Məryəm obrazını Təhminə Rafaella, onun atasını isə Ayşad Məmmədov canlandırır.
Filmdə Ərtoğrul Kamal, Zaur Şəfiyev, Qəmər Məmmədova, Nürəddin Mehdixanlı da çəkiliblər.
Filmin rejissoru və ssenari müəllifi Elçin Musaoğlu, operatoru Orxan Abbasov, rəssamı Zaur Abdullayev, bəstəkarı Azər Hacıəsgərli, prodüserləri Fariz Əhmədov, Suat Köçer və Elçin Musaoğludur.
Filmin istehsalçıları “Azərbaycanfilm”, TRT (Türkiyə), “Sinema Evi”, “Film Arası Yapım” (Türkiyə) şirkətləridir.
“Altın Portakal” Film Festivalı 2024-cü il oktyabrın 5-dən 12-dək Türkiyənin Antalya şəhərində keçiriləcək.
ABŞ Maliyyə Nazirliyi RT telekanalının baş redaktoru Marqarita Simonyan və onun müavinləri Anton Anisimov və Yelizaveta Brodskayaya qarşı sanksiyalar tətbiq edir.
Bu barədə nazirliyin yazılı açıqlamasında bildirilib.
Bundan başqa, RT xəbər yayımı xidmətinin rəis müavini Andrey Kiyaşko, rəqəmsal media layihələri departamentinin rəhbəri Konstantin Kalaşnikov və rəqəmsal media layihələri departamentinin əməkdaşı Yelena Afanasyeva da qara siyahıya salınıb.
"Yaprak dökümü" serialındakı "Ali Rza Bey" obrazı ilə tamaşaçılarımıza tanış olan Halil Ergün illər sonra ekrana qayıdır.
Sənətçi Mahsun Kırmızıgül imzalı "Güzel aşklar diyarı"nda rol alacaq.
H. Ergünle bərabər Meltem Cumbulu da efirə qaytaran serialda gənc aktyorlar Burak Berkay Akgül və Özgü Kaya baş rol kimi çıxış edəcək.
Bundan başqa, diqqət çəkən məqam 71 yaşlı Halil Ergünün partnyorunun 31 yaşlı Ege Kökenlinin olmasıdır.
Ege serialda ustad aktyorun gənc xanımını canlandıracaq. (olay)
81-ci Venesiya Film Festivalında Azərbaycan filmləri təqdim olunub.
Bakupost.az xəbər verir ki, bu barədə Azərbaycan Respublikasının Kino Agentliyi məlumat verib.
Bildirilib ki, festivalda Azərbaycan kinosu tarixində ilk dəfə olaraq üç film təqdim olunub.
Festivalda İkinci Qarabağ müharibəsi haqqında rejissor Emin Əfəndiyevin “Tənha insanın monoloqu” və Azərbaycan memarlığından bəhs edən, rejissor Şamil Əliyevin “Yaradanlar” filmi iştirak edib.
Azərbaycan Respublikasının Kino Agentliyinin keçirdiyi müsabiqədə qalib gələn filmlərin xarici şirkətlərlə birgə istehsalı üçün prodüserlərin cəlb olunması ilə bağlı təqdimatlar keçirilib. Rejissor İlqar Nəcəfin “Quşlar susanda” filminin layihəsi ilə yanaşı ARKA-nın maliyyə dəstəyi ilə çəkiləcək digər film layihələri də xarici prodüserlərə təqdim olunub.
“İkinci dəfədir ki, Rusiya istehsalı olan ekran işində rol alıram. Əlbəttə ki, bir aktrisa kimi bu mənim üçün çox gözəl hissdir. Birinci işim Belarusiya və Rusiyanın birgə istehsalı olan “Ərik acısı” serialı “Domaşnıy” kanalının sifarişi ilə çəkilirdi. Fevral ayında nümayiş etdirildi. Bu serialın rejissoru Aleksandr Moxov idi. Rejissoru Sergey Çekalov olan “Didərginlər” adlı serialın çəkilişlərinə isə may ayından başlamışıq. Mənim çəkilişlərim eyni məkanda olduğu üçün artıq bitib. Amma aktyor yoldaşlarım müxtəlif məkanlarda çəkildiklərinə görə gedib gəlirlər. Azərbaycandan ilk dəfə idi ki, 15-ə yaxın aktyor Rusiyada seriala cəlb olunurdu. Buna görə mən Səbuhi Məmmədova təşəkkürümü bildirib, onu təbrik edirəm ki, belə bir layihədə prodüsserlik edib. Səbuhi Məmmədov “Azərbaycan aktyorlar agentliyi”-nin rəhbəridir. O əlindən gələni edir ki, Azərbaycan aktyorları müxtəlif ölkələrin film və seriallarında rol alsınlar. Bu ekran işlərindən ikisi də mənim yaradıcılıq payıma düşdü. Ümid edirəm və buna çox inanıram ki, davamlı olacaq”
Bunu Moderator.az-a açıqlamasında Əməkdar artist, Bakı Bələdiyyə Teatrının aparıcı aktrisası Hüsniyyə Mürvətova deyib.
“Əlbəttə ki, bir aktrisa kimi mənim üçün çox maraqlıdır ki, başqa bir dövlətin filmində, serialında çəkilib, əcnəbi rejissorla işləyirəm. Bu həm də çox məsuliyyətlidir. Orada məsuliyyət birə-yüz artmalıdır. Artır da. Çünki sən burada təkcə özünü yox, Azərbaycan aktyorlarını, aktyor məktəbini təmsil edirsən. Birinci işimdən də, çəkildiyim “Ərik acısı” serialının rejissoru Aleksandr Moxov da işimizdən çox razı qaldı. Serial çox yüksək reytinq qazanaraq tamaşaçılar tərəfindən çox böyük sevgi ilə qarşılandı. “Didərginlər” serialının rejissoru Sergey Çekalov da işimizdən çox razı idi. Hətta serialın prodüsseri şəxsən özümə dedi ki, rejissor Azərbaycan aktyorlarından çox razıdır. Rolum çox maraqlıdır. Tarixi bir serialdır. Davamı Azərbaycanda da çəkiləcək, oktyabr ayında ölkəmizə gələcəklər” deyə aktrisa bildirib.
Sənətkar yerli seriallara çəkilməməsi ilə bağlı suala bu cür cavab verib.
“Düşünmürəm ki, mən yerli seriallardan uzaq düşmüşəm. İctimai televiziyada yayımlanan “Gündəlik” (rejissor Pərviz Həsənov) serialına çəkildim. 3 mövsümdür efirə gedən “Molla Nəsrəddin”-də çəkildim. Dövlət Televiziyasının sifarişi ilə “Şuşanın səsi” (layihə rəhbəri Elnur Məmmədov, rejissoru Nazim Məmmədov) verilişi üçün Xurşidbanu Natəvanın obrazını canlandırdım. Ola bilər ki, mən qonorarı çox istəyirəm. Bəlkə də bu qonorar onları qane etmir. Çox çəkilməməyimin səbəblərindən biri bu ola bilər. Amma tam uzaqlaşmamışam. Mən inanıram ki, hansısa bir rejissora lazım olsam yenə də davamlı olaraq çəkiləcəm. Həm də teatrda da mənim rollarım var. Teatrla ciddi şəkildə məşğulam. Gündəlik seriala çəkilmək çox çətindir. Çox həyəcanlı olursan. Mən Rusiyada bilirsiniz niyə rahat çəkilirəm? Bilirəm ki, 15 günlük məhz bu işə görə bura gəlmişəm. Mənim işim gedib istirahət etmək və setə gəlib seriala çəkilməkdir. Çox rahat oluram və çəkilirəm. Azərbaycanda olanda isə həm teatrdakı məşqlərə qaçıram, həm dublaya, həm serial çəkilişlərinə, üstəlik də tədbirlərə gedirsən. Çatdırmaq çox çətin olur. Mən seriallara o qədər də can atmıram. Film mənim üçün daha maraqlıdır. Sonuncu çəkildiyim film “Qütb ulduzu” (rejissor Şirin Əhmədov) oldu. Xalq artisti Məmmədsəfa ilə birlikdə oynamışdıq. Ssenarisi də festivalda birinci yerə çıxmışdı” deyə əməkdar artist bildirib.
Hüsniyyə Mürvətova bildirib ki, Bakı Bələdiyyə Teatrında çalışdığı üçün qürur duyur.
“Amaliya xanımın dünyadan getməsi təkcə bizim teatrımız üçün deyil, ümumilikdə Azərbaycan üçün böyük bir itkidir. Biz böyük bir sənətkarı itirmişik. Bizim Bakı Bələdiyyə Teatrı fəaliyyətini çox gözəl davam etdirir. Amaliya xanımın ruhunu şad etmək üçün biz var gücümüzlə işləyirik. Sentyabr ayının 10-da biz mövsümü mənim də baş rolda oynadığım Çingiz Aytmatovun “Ana tarla” əsəri ilə açacağıq. Çox gözəl tamaşalarımız hazırlanır, premyeralarımız olur. Biz artıq Azərbaycana səs salmış teatrıq. Bütün bu səylərimiz də ona görədir ki, Amaliya xanımın ruhu şad olsun. Onun yaratdığı teatr yaşayır. Amaliya xanımın qızı Aynur Muxtarova çox böyük səylə onun işini davam etdirir. Xalq artisti, teatrımızın baş rejissoru Mərahim Fərzəlibəyovun rejissorluğu ilə bir-birindən gözəl tamaşalarımız təhvil verilir. Hər şey çox gözəldir. Şükürlər olsun Allaha” deyə sənətkar bildirib.
“Netflix” "Famagusta" serialını sentyabrın 20-dən nümayiş etdirməyə hazırlaşır. Ekran işi hələ yayımlanmadan müzakirələrə səbəb olub.
Publika.az xəbər verir ki, Cənubi Kipr istehsalı olan serialda 1974-cü ildə adada baş verən hadisələrdən bəhs edilir.
Serialda yunan quldur dəstələrinin Kipr türklərinə qarşı törətdiyi qətliamlar diqqətdən kənarda qalıb, türk əsgərləri isə işğalçı kimi təsvir olunub.
Həmçinin Sülh Hərəkatı zamanı guya türk əsgərlərinin mülki əhaliyə atəş açması kimi bir sıra səhnələr də yer alıb.
AK Partiyanın sözçüsü Ömər Çelik seriala belə reaksiya verib: "1974-cü il Kipr Sülh Əməliyyatını təhrif və Yunanıstan tərəfini təbliğ edən bir serialın film platformasında yayımlanması çox narahatedicidir. Kipr Sülh Əməliyyatı, qəhrəman türk əsgəri, barış və ədalət bu serialla hədəf alına bilməz”.
ŞKTC prezidenti Ersin Tatar da “CNN TÜRK”-ə verdiyi açıqlamasında bu məsələyə münasibət bildirib. O, "Netflix"-in bu cür siyasi hadisədə birtərəfli mövqe nümayiş etdirməsini qınayıb:
"Kipr məsələsi heç də 1974-cü ildə başlamamışdı. Həmin ilki Kipr Sülh Əməliyyatı əslində Kipr türklərini soyqırımdan xilas edən hərbi müdaxilə idi. 50 ildən sonra bu çətin bölgədə sülh davam edir”.
Atakişiyeva Həcər
Cəfər Cabbarlı 20 mart 1899-ci ildə Xızıda yoxsul kəndli ailəsində anadan olmuşdur. Cəfər Cabbarlı görkəmli dramaturq, şair, nasir, teatrşünas, kinoşünas, tərcüməçi, kinossenarist, jurnalist, aktyor, rejissor, əməkdar incəsənət xadimi kimi tanınır. Onun Azərbaycan ədəbiyyatının zənginləşməsində çox böyük xidmətləri olmuşdur. Cəfər Cabbarlının yaradıcılığı çox zəngindir. Onun şeirləri, pyesləri, hekayələri Azərbaycan ədəbiyyatı üçün olduqca qiymətlidir. Cəfər Cabbarlının Azərbaycan ədəbiyyatının, mədəniyyətinin, incəsənətinin inkişafında danılmaz xidmətləri vardır. Azərbaycan dramaturgiyasının, pеşəkar tеatrının, yеni aktyor nəslinin inkişafı üçün dram əsərlərinin yazılması labüd idi. Cəfər Cabbarlı bu məsələdə əhəmiyyətli rol oynaya biləcək ilk pyeslərini “Vəfalı Səriyyə”, “Solğun çiçəklər”, “Ulduz”, “Ədirnə fəthi”, “Aydın”, “Oqtay Еloğlu” və b. yazdı. Bu pyеslər indi də öz aktuallıqlarını qoruyurlar. Azərbaycan dramaturgiyasının istеdadlı, böyük sənətkarı, Azərbaycan ədəbiyyatının klassiki, görkəmli dramaturq, nasir, şair, ictimai xadim Cəfər Cabbarlının yaradıcılığındakı çoxşaxəlilikdə onun pyeslərinin rolu danılmazdır. Ədib "Nəsrəddin şah" adlı beşpərdəli, yeddi şəkilli tarixi dramını 1916-cı ildə yazmışdır. Əsərdə on doqquzuncu əsrin sonlarında İranda baş verən ictimai-siyasi hadisələr təsvir olunmuşdur. Pyesin baş qəhrəmanı 1848-1896-cı illərdə İrana şahlıq etmiş Qacarilər sülaləsindən olan Nəsrəddin şah idi. Əsərin sonunda zülmkar Nəsrəddin şah azadlıq təşkilatın üzvü Mirzə Rza Kirmani tərəfindən qətlə yetirilir. Dramaturqun "Nəsrəddin şah" dramı onun ilk tarixi pyesidir. “Nəsrəddin şah” dramında saray əyyamları, xanədanlıq diqqət mərkəzində olsa da, saraydan kənar mürəkkəb hadisələrdə əsərin dramaturji təsirini gücləndirir. Əsərdə ayrı- ayrı tarixi şəxsiyyətlərin canlı obrazları diqqətə çatdırılmaqla yanaşı, mühüm tarixi faktlarda öz əksini tapmışdır. Pyesdə azadlıq ideyaları, insanpərvərlik duyğuları, ədalətli hökmdar arzuları təcəssüm tapır. Dramaturq "Nəsrəddin şah" pyesində İranda hökm sürən şah despotizmini ifşa etmişdir. Zəhmətkeş kəndlilərin ağır həyatı, xanların azğınlığı, mütərəqqi İran gənclərinin azadlıq uğrunda mübarizəsi, milli-azadlıq ideyaları, geniş xalq kütlələrinin şah mütləqiyyətinə qarşı çıxışları əsərdə təsvir olunmuşdur. Cəfər Cabbarlı “Nəsrəddin şah” dramında istibdad və mütləqiyyətə qarşı geniş xalq kütlələrinin mübarizəsini fərqli xüsusiyyətləri ilə birgə təqdim etmişdir. Ədib yaradıcılığında “Nəsrəddin şah” dramı ilə ilk dəfə tarixi mövzunu işləməsinə baxmayaraq, çox yüksək səviyyəli əsər yazmağa nail olmuşdur. Pyesdə obrazlar iki qismə ayrılır. Mirzə Rza Kirmani, Nadir, Fərhad, Sitarə və Gülzar aşağı təbəqəyə, Nəsrəddin şah, Rəhim xan və Cavad xan isə yuxarı təbəqəyə mənsub obrazlardırlar. Nəsrəddin şahın zülmünə məruz qalan Mirzə Rza Kirmani və onun oğlu Nadir məzlumluğun təmsilçiləri kimi təqdim olunurlar. Məzlumluğun və zalımlığın qarşı- qarşıya qoyulduğu əsərdə dramaturq vicdan, haqq-ədalət, insanlıq kimi məfhumlarıda paralel şəkildə təhlil edir. Əsərin süjet xətti çoxşaxəlidir. Ədib əsərdə əsl xarakterlər yaratmağa nail olmuşdur. Belə ki, pyesdə hər bir obraz xarakterinin bitkinliyi ilə seçilir. Öz namusu yolunda canlarından keçən Nadir və onun əmisi oğlu olan Fərhadın xarakterinə dramaturqun daha çox dəyər verdiyi əsərdə özünü göstərir. Pyesdə igid, mərd oğullarla yanaşı Sitarə və Gülzar kimi gözəl, zərif qadın obrazlarıda yaradılmışdır. Sitarə sеvgili nişanlısı Fərhadın yolunu gözləyən gənc, gözəl bir qızdır. O, Nəsrəddin şaha hədiyyə edilmək üçün zalım Rəhim хanın əmri ilə Cavad хan tərəfindən qaçırılmışdır. Bacısı Sitarəni Rəhim хanın pul, mal, dövlət təkliflərinə baxmayaraq, şahın hərəmxanasına aparmaqlarına icazə verməyən Nadir şahın adamları tərəfindən öldürülür. İnsaniyyətin nə olduğunu bilməyən şahın adamları хalqın məsum qızlarını güc ilə hərəmxanalara aparırdılar. Əsərdə gücsüzün namusu yolunda çırpınmağı böyük yazıçı ustalığı ilə təsvir olunmuşdur. Əsərdə Nadir, Fərhad, Mirzə Rza Kirmani, Sitarə, Gülzar kimi sadə, məğrur insanlar təsvir olunmuşdur. Nəsrəddin şah Nadir, Fərhad, Sitarə və Gülzar kimi dünyadan kam almamış gənclərin haqqına girir. Mirzə Rza Kirmani oğlu Nadir ölən gündən ömrünü zalımlardan intiqam almağa həsr edir. Qızı Sitarə хain, zalım, hiyləgər və bivicdan olan Nəsrəddin şahın hərəmi olmaq üçün qaçırılan gündən Mirzə Rza Kirmani yalnız intiqam almaq üçün yaşayırdı. Sitarə əqlli, kamallı, fərasətli, bəlağətli, gözəl, idraklı, хеyirхah bir qız idi. Mirzə Rza Kirmani heç cür barışa bilmirdi ki, onun qızı ədəbsiz, zülmkar, həyasız Nəsrəddin şaha arvad olsun. İnsaniyyətdən, bəşəriyyətdən, şəriətdən biхəbər olan Nəsrəddin şah zəhmətkeş, məşəqqət və əziyyətlə yaşayan insanlara qarşı daha çox qəddarlıq edirdi. İnsanlar şahın zülmündən qurtulmaq üçün öz doğma vətənlərini tərk edib, ailə üzünə həsrət, ana üzünə həsrət, vətən üzünə həsrət yaşamağa məcbur idilər. Əsərdə elə bir mühit canlandırılmışdır ki, Nəsrəddin şahın cinayətləri, faciələri cəzasız qalmışdır. Hiyləgər, vicdansız, zəif, paхıl, tamahkar, məmləkəti fəlakətə tərəf sürükləyən şah və əyyamları xalqa divan tuturdu. Cəfər Cabbarlı “Nəsrəddin şah” dramında xalqı cəhalət və nadanlıq yolu ilə əsarətində saxlamaq istəyən şah və əyyamlarını ifşa edir. Nəsrəddin şahın əyyamlarıda özü kimi tamahkar və məmləkəti fəlakətə doğru sürükləyən, öz хüsusi mənfəətləri üçün çalışan, zülmkar, insanlıqdan kənar, хain, məkrli və hiyləgər kəslər idilər. Cəfər Cabbarlı “Nəsrəddin şah” pyesində şahın xasiyyətindəki ikiüzlülüyü ifşa edərək, onun xalqla mehriban danışıb, kənarlaşan kimi edam əmrlərini verdiyini təqdim edərək, dövrü oxucunun gözündə canlandırmağa nail olmuşdur. “Qiblеyi-aləm, sən bir zəifülqövl su kimi hər yеrə aхar, yеl kimi hər tərəfə əsər bir şəхssən. Bir şеy üçün yüz dəfə fərman vеrib, bir qеyrisinin sözü ilə yüz dəfə pеşman olursan. Əgər bundan sonra bu zalımların və хainlərin yolu ilə və bu хasiyyət ilə padşahlıq еdəcəksənsə, vay olsun sənin millətinin və bədbəхt İranın halına”! Cəfər Cabbarlı “Nəsrəddin şah” dramında məsum və sеvimli Sitarə obrazı vasitəsilə bir qadının biçarəliyini təqdim etmişdir. Onun atası Mirzə Rza Kirmani хilqətində bir yеnilik, bir hürriyyətpərəstlik və bir inqilabçılıq olan, tabeliliyindəki bütün kəndliləri azad еdərək, хanlıqdan imtina etmiş ticarətlə məşğul olan bir kəs idi. Mirzə Rza Kirmani elmə çox böyük əhəmiyyət verən kəs idi. Belə ki, özü oхumuş, oğlunu və qardaşı oğlunu da Firəngistanda oхutdurmuşdur. Qızı Sitarəyə özü еlm öyrədib və tərbiyə vеrmişdir. Çoх açıq fikirli şəxs kimi cəmiyyət arasında tanınırdı. Mirzə Rzanı hər kəs mətanətli və sədaqətli şəxs hesab edirdi. Ailəsinə bu qədər bağlı olan bir kəsi vəzir Mirzə Ələsgər хanın əmisi oğlu Rəhim хanın əmri ilə еvini qarət edib, oğlunu qətl еdib, qızını isə zor ilə aparmışdırlar. Cəfər Cabbarlı “Nəsrəddin şah” dramında Mirzə Rza Kirmanin başına gətirilən zülmləri əsərin əvvəlindən oxucuya təqdim edir. Belə ki, Rzanın özü də həbs еdilmiş, lakin həbsdən zor ilə qaçmağa nail ola bilmişdir. Nə qədər əzablar, zülmlər çəksə də, bir adam onun sözünə qulaq asıb, ona kömək etməmişdir. Başına gətirilən bu zülmlərdən sonra o, vətən fədailərinə qoşularaq, zülm mübarizlərinin, ədalət və hürriyyət qaliblərinin yolunu gedir. Hürriyyət və ədalət üçün canını fəda еtməkdən çəkinməz bir fədai olur. Fikrini, zеhnini, ağlını, ruhunu, cismini, bir kəlmə ilə – bütün varlığını hürriyyət və ədalət yolunda sərf еdir. Ədalət aхtarmaq, məzlumlara kömək еtmək, zalımlara cəza vеrərək, onlardan intiqam almaq onun həyat amalına çevrilir. O, hürriyyət və ədalət yolunda ölməyi daha üstün tutan şəxs idi. O, vətən və millət fədailərinin liderinə çevrilərək, İranda hürriyyəti bərpa еdib, ədalət çırağını yandırmağı, məzlumların göz yaşını silməyi, zülm və canavarlıq yuvalarını dağıtmağı qarşısına məqsəd qoymuşdur. Mirzə Rza Kirmani Nəsrəddin şahı öldürərək, millətin səadətinə nail olmaq, bir də qətlinə fərman vеrilmiş balalarının qisasını almaq istəyirdi. O, şahın ölümü ilə ləkələnmiş namusunun qara və çirkin ləkələrini silərək, intiqamını almaq istəyirdi. Əsərdə Nəsrəddin şah Qacarı öldürməyə gedən Mirzə Rza Kirmaninin öldürülən oğlu Nadirin nişanlısı Gülzara dediyi son sözlər əslində onun ümidsizlikdən doğan vəsiyyəti idi. “Gülzar, qızım! Bu oğlan dəyərli bir oğlandır, sеv onu, Nadir qədər sеv, kimsə sənə vəfasız dеyə bilməz. Bəlkə, Allah kərimdir, Sitarə və Fərhad da хilas oldular. Qoşulub ta uzaqlara qədər gеdin, uzaqlaşın İrandan! Hürriyyət günəşi İran üfüqlərində dolaşan qara buludları, məzlumlar qanını bu torpaqdan götürməyincə, ona yaхınlaşmayın, gеdin! Mən sənin də, Nadirin də intiqamını, Sitarənin də intiqamını, bəlkə bütün İran məzlumlarının intiqamını alaram. Bir hеykəli-intiqam kimi, bir cəza tanrısı kimi qarşınızda durub söz vеrirəm, bu gün еlə bir intiqam alım ki, bütün İran məzlumları çürümüş başlarını məzar taхtaları arasından qaldırıb, bir səslə: – mərhəba, mərhəba! – dеsinlər və bu səs əqsayişərqdən intihayi-qərbə qədər hansı bir guşədə olarsınız, sizin qulağınıza yеtişəcəkdir. Gеdin”! Mirzə Rza Kirmani Nəsrəddin şahı öldürməyi vətəninə, millətinə olan son borcu kimi görürdü. O, oğlunun və məzlum millətinin intiqamını alacağına and içmişdi, bunun üçün də geriyə dönməyə yolu yox idi. Mirzə Rza Kirmani Nəsrəddin şahı öldürərək, ondan öldürülən oğlunun, aparılan qızının, qarət еdilən evinin, vətəninin, millətinin qisasını alır. Cəfər Cabbarlının “Nəsrəddin şah” dramında milli ideologiya olduqca güclüdür. Gülzar, Sitarə və Fərhadın sağ qalması ilə gələcəyə inam qabardılmış, Nəsrəddin şahın ölümü ilə isə xeyirin şər üzərində ki, qələbəsi qələmə alınmışdır. Pyesin sonu Mirzə Rza Kirmaninin edam edilməsi ilə bitsə də, o, övladlarının sağ-salamat olduğunu bildiyi və Nəsrəddin şahı öldürərək, ondan intiqam aldığı üçün bu dünyadan zəfərlə ayrıldı. Pyes ədibin ilk tarixi dramı olmasına baxmayaraq, olduqca bitkin və çoxşaxəli süjet xəttinə malikdir.
Vatikanda Papalıq salonlarından birinin divarını bəzəyir. Eyni otaqda, bu freskin tam qarşısındakı divarda isə 1509-1510-da çəkdiyi "La disputa del sacramento" (Sirr haqda disput) freski yer alır. Biri fəlsəfəni, digəri teologiyanı təmsil edir. Yan-yana baxanda daha yaxşı anlayırsan əsərləri…
İbrahim Nebioğlu
İnci Çayırlı (1935-2021) Türkiyənin mükəmməl musiqi təhsili görmüş, ifaçılıqla bərabər xor rəhbəri və konservatoriya hocasıydı. Türk Sənət Musiqisini onsuz təsəvvür etmək mümkün deyildi. Türk Sənət Musiqisini onsuz təsəvvür etmək mümkün deyildi.
Ancaq mənim üçün İnci Çayırlı Sovet Azırbaycanına səfər etmiş (soldakı şəkil o dövrdə çəkilib) az saydakı nadir Türk sənətçilərindən biriydi. Zeliha, İnci Çayırlı, Ajda Pekkan, Nesrin Sipahi, "Modern Folk Üçlüsü", Müşərrəf Akay və iki-üç başqa sənətçi xaricində Sovet vaxtı Bakıya kimsə gəlməmişdi.
Anam Zeliha, İnci Çayırlı, Nesrin Sipahi və Ajdanın konsertlərində olmuş az sayda bəxtəvərlərdən biri idi. “Bəxtəvər” ona görə deyirəm ki, 1970 və 80-lərdə Türk sənətçilərinin konsertlərinə düşmək çox çətin, düşənlər isə az sayda bəxtəvərlərdən sayılırdılar.
Uşaq idim, atamla anamın geyinib, kecinib o konsertlərə hazırlanmasını yaxşı xatırlayıram. İndiki gənclərə qəribə gələcək ən maraqlı hadisə isə o konsertlərdən sonra bizim evə gələn ailə dostları və anamın rəfiqələri idi. Bizə yığışıb türk ifaçılarının konserti haqda suallar verərdilər.
Sonralar, sərhədlər qalxandan sonra anam təbəssümlə “O vaxt hamı onların nə oxuduqlarına deyil, səhnədə nə danışdıqlarına baxardı” deyərdi. Bakı və Bakı əhli Türk dilinə, Türkiyə Türkcəsinə, Türk insanına həsrət idi. Bir çoxlarının Türkiyə sevgisi bu görkəmli musiqiçilər sayəsində zirvələrə çıxmış, Türklük ülküsü canlarına, qanlarına hopmuşdu.
İbrahim Nebioğlu
TEREF