Ermənistanın baş naziri Nikol Paşinyan və Avropa Şurasının rəhbəri Şarl Mişel Brüsseldə keçirilən nüvə enerjisi sammiti çərçivəsində görüşüblər. Tərəflər Ermənistan və Avropa İttifaqı arasında əməkdaşlıq məsələlərini müzakirə ediblər. Eyni zamanda Bakı ilə İrəvan arasında sülh prosesi ilə bağlı fikir mübadiləsi aparılıb. Avropa İttifaqı Şurası sədrinin Azərbaycan və Ermənistan liderləri ilə 2023-cü il mayın 14-də və iyulun 15-də Brüsseldə keçirilmiş üçtərəfli görüşləri nəticəsində əldə edilmiş razılaşmaların həyata keçirilməsinin vacibliyi vurğulanıb. Bununla yanaşı, Ermənistanın baş naziri Nikol Paşinyan və Fransa prezidenti Emmanuel Makron Brüsseldə keçirilən görüşdə İrəvanla Bakı arasında sülh sazişinin bağlanması prosesini müzakirə ediblər. Görüşdə Ermənistanla Azərbaycan arasında münasibətlərin normallaşdırılması istiqamətində atılan addımlar və Cənubi Qafqaz regionunda baş verən proseslərə toxunulub. Tərəflər həmçinin Ermənistan və Avropa İttifaqı arasında əməkdaşlığın genişləndirilməsi ilə bağlı fikir mübadiləsi aparıblar. Eyni zamanda qərara alınıb ki, aprelin 5-də Brüsseldə Ermənistan baş naziri Nikol Paşinyan, Avropa Komissiyasının prezidenti Ursula fon der Leyen və ABŞ dövlət katibi Entoni Blinken arasında görüş keçiriləcək. Ermənistan Təhlükəsizlik Şurasının katibi Armen Qriqoryanın məlumatına görə, Ermənistanın inkişafına və təhlükəsizliyinə töhfə verəcək üçtərəfli əməkdaşlıq yollarının müzakirəsi planlaşdırılır. Tədbir həm də Ermənistanın müqavimətini gücləndirmək məqsədi daşıyır. Xatırladaq ki, 2023-cü il oktyabrın 5-də Paşinyan və Leyen Qranada görüşündən sonra birgə bəyanatla çıxış etmişdi. Leyen Ermənistana dəstək üçün Avropa Birliyi-ABŞ birgə tədbirinin hazırlanması barədə məlumat vermişdi.
Heç şübhəsiz Brüsseldə danışıqların aparılması, Ermənistana təhlükəsizlik qarantiyasının yaradılması Azərbaycanla Ermənistan arasında sülh prosesinə dəstək deyil. Bu cəhdlər məsələni birtərəfli qaydada həll etmək təşəbbüsüdür ki, bu da Azərbaycanın maraqlarına cavab vermir və ölkəmizə qarşı atılan addımdır. Bu, həm də Avropa İttifaqının missiyasından sonra Qərbin daha geniş miqyasda regiona hərbi cəhətdən daxil olması cəhdidir. Mövcud vəziyyət regionda gərginliyi artıra və formalaşmaqda olan regional təhlükəsizliyə böyük zərbə ola bilər. Görünür, Ukraynanın ardınca indi də Rusiyanı Cənubi Qafqazdan, daha sonra isə Mərkəzi Asiyadan sıxışdırıb çıxartmaq planını işə salıblar. Ehtimal ki, Rusiyanın cavab tədbirləri özünü çox gözlətməyəcək. ABŞ başda olmaqla Qərb dövlətləri bütün dünyada, o cümlədən də Cənubi Qafqazda vəziyyəti mümkün qədər gərginləşdirmək, ənənəvi rəqiblərinə qarşı yeni münaqişə ocaqları yaratmaq yolunu tutublar. Ermənistan bu senaridə vasitədir və hadisələrin inkişaf edəcəyi təqdirdə onun Ukrayna və ya Livana çevriləcəyi şübhə doğurmur.

Millət vəkili Ceyhun Məmmədov "Sherg.az"a açıqlamasında deyib ki, Azərbaycan Ermənistana birbaşa danışıqları təklif edir.

Deputat qeyd edib ki, birbaşa danışıqlar sülh prosesinə daha çox səmərə və fayda verir:

"Bir müddət öncə Azərbaycan və Ermənistan liderləri Münhendə görüşdü. Ardınca xarici işlər nazirləri arasında görüş oldu və müzakirələr aparıldı. Müəyyən irəliləyişə də nail olundu. Ona görə də düşünürük ki, vasitəçilər, kənar dövlətlər olmadan sülhün əldə olunması daha realdır. Azərbaycan əvvəlki dövrlərdə Brüssel görüşlərində iştirak etdi. Eyni zamanda Vaşinqtonda və başqa yerlərdə müxtəlif görüşlər keçirildi. Amma Ermənistanın bu görüşlərə xələl gətirəcək addımlar atdığını gördük. İrəvan hökuməti sürətli şəkildə Qərbə inteqrasiya yolunu tutub. Paşinyanın Avropa, Brüsseldə keçirdiyi görüşlərin mahiyyəti bundan ibarətdir. Görüşlərin digər səbəbi də Rusiya ilə bağlı narahatlıqdır. Bugün Rusiya-Ermənistan münasibətləri kifayət qədər gərgindir. İrəvan Moskvanın Ermənistana qarşı addımlarından özünü sığortalamaq üçün Qərb ölkələrinin və beynəlxalq strukturların rəhbərləri ilə əməkdaşlığı genişləndirir. Azərbaycan isə israrla tövsiyə edir ki, indiki mərhələdə ən optimal variant ikitərəfli danışıqlardır. Ermənistan da bilməlidir ki, sülhü və təhlükəsizliyi başqa yerdə axtarmaq yanlışdır. Çıxış yolu Azərbaycanın şərtlərini qəbul etmək və sülh sazişini imzalamaqdır".

VOMA (Voxj Mnalu Arvest – “Sağ qalmaq sənəti”) terror təşkilatıdır. Ermənistanda yaradılıb. Təlimçilər bilirsiniz hansı silah üzrə hazırlayıblar terrorçu erməniləri? Moskvada “Krokus Siti Holl”da insanlara atəş açanların istifadə etdiyi 7,62 mm-lik “Vepr” və 10,25 mm kalibrli “Sayqa” karabinləri ilə.
TEREF Axar.az -a istinadla xəbər verir ki, bu barədə tarixçi alim Zaur Əliyev qeyd edib.
O xatırladıb ki, indi bu silahlardan heç bir terror təşkilatı istifadə etmir - ermənilərin VOMA-sından başqa.
Alim VOMA-nın məhz bu silahlardan istifadəsini təsdiq edən materialı da paylaşımına əlavə edib.
Qeyd edək ki, “Krokus Siti Holl”da ötən gün baş verən terror hadisəsi nəticəsində ən azı 40 nəfər ölüb, 100-dən çox insan yaralanıb. Qeyri-rəsmi məlumata görə isə ölənlərin sayı 130-dan çoxdur.
Teraktın ardınca baş verən partlayış isə irimiqyaslı yanğına səbəb olub. “Krokus”un 12900 kv.m-lik ərazisini əhatə edən yanğın zamanı tavan da çöküb. Rusiya FHN yanğının artıq lokallaşdırıldığını bildirib.
Xatırladaq ki, Zaur Əliyev bundan öncə də terror aktını erməni terror təşkilatlarının törədə biləcəyini bildirmişdi.

Rusiya Fövqəladə Hallar Nazirliyinin son məlumatına görə, hadisə nəticəsində ölənlərin sayı 99 nəfərə çatıb.
----
Rusiyanın paytaxtı Moskva şəhərində yerləşən “Crocus City Hall” konsert kompleksində baş verən terror aktında ölənlərin sayı artıb.

Bu barədə “Shot” “Telegram” kanalı öz mənbələrinə istinadla xəbər verib.

Bildirilir ki, ölənlərin sayı 70 nəfərə çatıb.

Mənbədən vurğulanıb ki, onlar ayaqyolunda, bəslənmə otaqlarında (körpələri yedizdirmək üçün) və təmizlik inventarlarının yığıldığı otaqlarda gizlənsələr də, yanğının tüstüsündən boğulublar.

Bu gün Moskva vilayətindəki “Krokus siti holl” konsert zalında baş vermiş terror aktı Rusiya xüsusi xidmət orqanlarının planlı və şüurlu təxribatıdır. Məqsəd Kremlin Ukraynaya qarşı intensiv hücumlara və total səfərbərliyə haqq qazandırmaq cəhdidir.

“Report” xəbər verir ki, bu barədə Ukrayna Müdafiə Nazirliyinin Baş Kaşfiyyat İdarəsi teleqramda bildirib.

“Moskvada insanların açıq şəkildə edamı Rusiyanın müharibənin daha da alovlanması və genişlənməsi ilə təhdid etməsi kimi başa düşülməlidir. Peskovun terror aktından bir müddət öncə “müharibə” ilə bağlı verdiyi bəyanatı sadəcə olaraq Kremlin diqqətlə planlaşdırılmış xüsusi əməliyyatının falstartıdır”, – BKİ-nin açıqlamasında nəql edilib.

Ukrayna kəşfiyyatı həmçinin qeyd edib ki, Kremlin “Kaşirskoye şossesində evlərin bombalanmasından başlayaraq bu cür terror aktlarının təşkilində böyük təcrübə var”.

“Eynən o zaman olduğu kimi, bu gün rusiyalıları qorxutmaq aksiyası Rusiyanın özündə kəmərlərin maksimum dərəcədə sıxılmasına səbəb olacaq”, – Baş Kəşfiyyat İdarəsi vurğulayıb.

Ukrayna kəşfiyyatına görə, Kreml, çox güman ki, bu hadisədə Ukraynanı günahlandıracaq ki, “öz vətəndaşlarının güllələnməsini mülki infrastruktura daha da qəddar hücumlar və ukraynalı mülki şəxslərin öldürülməsi üçün bəhanə kimi istifadə etsin”.

“Ukraynanın mülki infrastrukturuna bugünkü hücum eskalasiyanın başqa bir həlqəsidir”, – kəşfiyyat məlumatında qeyd olunub.

Eyni zamanda, BKİ əlavə edib ki, bir qrup yaraqlının avtomatlarla Moskvanın mərkəzində əngəlsiz hərəkət etməsi “Krokus siti holl”dakı silahlı hücumun Rusiya xüsusi xidmət orqanları tərəfindən təşkil edildiyini göstərir.

“Səfirliklər də terror hücumunun hazırlanacağı barədə xəbərdarlıq etmişdilər”, – hərbi kəşfiyyat vurğulayıb.

Azərbaycan Prezidenti: "Bu terror aktını şiddətlə qınayırıq"

Azərbaycan Respublikasının Prezidenti İlham Əliyev Moskvada törədilmiş dəhşətli terror aktı ilə əlaqədar Rusiya Federasiyasının Prezidenti Vladimir Putinə başsağlığı verib.

AYNA xəbər verir ki, dövlətimizin başçısı başsağlığı məktubunda qeyd edib: “Crocus City Hall” konsert zalında baş vermiş dəhşətli terror aktı xəbəri bizi dərindən sarsıtdı.

Bu terror aktını şiddətlə qınayır, Azərbaycan xalqı adından və şəxsən öz adımdan Sizə, Rusiya xalqına və həlak olmuş şəxslərin ailələrinə və yaxınlarına səbir, yaralalanlara isə tezliklə şəfa diləyirəm”.

Xatırladaq ki, Moskva vilayətindəki “Krokus siti holl” konsert zalında terror aktı olub. Hadisədə 40 nəfər ölüb, 100-dən çox insan yaralanıb.

İŞİD Rusiyanın Moskva vilayətində konsert zalındakı terrorun məsuliyyətini öz üzərinə götürüb.

CNN xəbər verir ki, bu barədə terror qruplaşmasının teleqram kanalında bildirilib.

Terror təşkilatı iddiası ilə əlaqədar heç bir sübut irəli sürməyib.

Bununla belə, Ümum-Rusiya Dövlət Televiziya və Radioyayımı Şirkətinin jurnalisti Andrey Medvedev isə bunun feyk olduğunu iddia edib. Onun fikrincə, bu kimi bəyanatları ciddiyə almaq lazım deyil:

“İslam Dövlətinin rəsmi teleqram kanallarında heç bir məlumatın olmaması ilə yanaşı, Əfqanıstan özəklərinin resurslarında da heç bir açıqlama yoxdur. Üstəlik, hazırda İŞİD hətta Yaxın Şərqdə belə təsirsiz bir strukturdur ki, heç bir rəsmi bəyanat belə 100 faiz ciddiyə alınmamalıdır”.

Xatırladaq ki, Moskva vilayətindəki “Krokus siti holl” konsert zalında terror aktı olub. Hadisədə 40 nəfər ölüb, 100-dən çox insan yaralanıb.(Report)

Gürcüstanın Batumi şəhərində tənzimləyici orqan altı qida müəssisəsini yalnız rus dilində menyu təklif etdiyinə və bununla bağlı xəbərdarlıqlara məhəl qoymadığına görə cərimələyib.SİA-nın əldə etdiyi məlumata görə, bu barədə xəbəri “Azadlıq” radiosunun Gürcüstan xidməti yayıb.Rəqabət agentliyi Batumidə müştərilərə demək olar ki, yalnız rus dilində xidmət göstərdiklərini əsas gətirərək altı müəssisəyə qarşı cərimələr elan edib.Deyilənlərə görə, agentlik hələ 2023-cü ilin noyabrında onlara xəbərdarlıq edib və qanun pozuntularını aradan qaldırmağa çağırıb, lakin onlar bunu müəyyən edilmiş vaxt çərçivəsində etməyiblər.Bəziləri fərdi sahibkar, bəziləri isə MMC kimi fəaliyyət göstərən müəssisələr 600-dən 1800 gürcü larisinə qədər (220-dən 660 dollara qədər) cərimə ödəməli olacaqlar.Qeyd edək ki, Gürcüstan qanunvericiliyi vətəndaşların ölkədə istənilən xidməti dövlət dilində ala bilməsini nəzərdə tutur. Cərimələrin verilməsi ilə bağlı qərar bu restoranları pozuntuları aradan qaldırmaq öhdəliyindən azad etmir. Tələblərə məhəl qoymamağa görə cərimənin nə qədər olacağı açıqlanmır.

“Ukraynada baş verənləri 2008-ci ildə Fransa və Almaniyanın keçmiş liderləri Nikolya Sarkozi və Angela Merkel proqnozlaşdırıblar, vəziyyət adamı təəccübləndirir ki, Kiyev neytral qalıb NATO-ya daxil olmaq fikrindən əl çəkməli idimi?”.

Bunu “LCI” telekanalının jurnalisti və “Le Figaro” jurnalının baş redaktoru Qiyom Rokett deyib.

“Hələ 2008-ci ildə ABŞ prezidenti Corc Buş Ukraynanın NATO-ya üzv olmasının tərəfdarı idi, ona Nikola Sarkozi və Angela Merkel cavab verdilər ki, bu, ağılsızlıqdır və Rusiya tərəfindən təxribat kimi qiymətləndiriləcək”, - deyə o qeyd edib.

Xatırladaq ki, əvvəllər Sarkozi dəfələrlə bəyan edib ki, Ukrayna neytral ölkə olaraq qalmalı, Avropa ilə Rusiya arasında körpü olmağa çalışmalıdır.

Mənbə: TASS

Çeçenistan hakimiyyəti sosial şəbəkələrdə isitfadəçilərin qeyri-münasib davranışlarını müəyyən etmək niyyətindədir.

“Cebhe.info” yerli mətbuata istinadən xəbər verir ki, Çeçenistanın Gənclərlə İş üzrə Nazirliyi sosial şəbəkə istifadəçilərinin hərəkətlərini qiymətləndirəcək.

“Qroznı” informasiya agentliyi mənbəyə istinadən xəbər verir ki, sosial şəbəkələrin istifadəçiləri tərəfindən pozuntular respublikanın mədəniyyətini və mentalitetini gözdən salmağa yönəlmiş hərəkətlər kimi başa düşülür.

Nəşr qeyd edir ki, Çeçenistanın gənclərlə iş üzrə naziri Axmat Kadırov “Bigo Live” və “Likee” kimi məşhur platformaları yoxlamağı əmr edib. Nəşr qaydaları pozanlarla maarifləndirmə işlərinin aparılacağını bildirir.