Ermənistanda “Daşnakstyun” partiyasının bir sıra ofislərində axtarışlar başlanıb, partiya strukturlarının 10-a yaxın rəhbəri saxlanılıb.

Azpost.info bildirir ki, bu barədə “Daşnaksütyun” Ali orqanının nümayəndəsi, “Ermənistan” blokundan olan deputat İşxan Saqatelyan jurnalistlərə açıqlamasında bildirib.

Onun sözlərinə görə, dünən internetdə yayılmış hansısa səs yazısından sonra istintaq orqanları cinayət işi açıb. “Bu gün səhər saatlarında “Daşnaksütyun” Vayk və Yeqqnadzordakı ofislərində axtarışlara başlayıblar. Partiya strukturumuzun 10-a yaxın rəhbər şəxsi saxlanılıb. Vəkillər onlarla əlaqə saxlaya bilmir. Hüquq-mühafizə orqanları hansısa ifadə almağa çalışırlar. Hazırda deputatlarımız rayondadırlar, onların yerini öyrənməyə çalışırlar”- deyə deputat qeyd edib.

Onun sözlərinə görə, hüquq-mühafizə orqanları müxalifətə qarşı nəsə böyük bir “iş tikir”.

Putinin qeyd etdiyi sülh danışıqlarının şərtləri müddətsizdir, lakin cəbhədəki şərtlər sürətlə dəyişir.

APA-nın Moskvadakı müxbiri xəbər verir ki, bunu Kremlin sözçüsü Dmitri Peskov bildirib.

Onun sözlərinə görə, Putinin danışıqlara başlamaq təklifi ictimaiyyətə açıqlanıb və mediada bu təkliflər var, ona görə də təkliflərin yazılı şəklə salınmasına ehtiyac yoxdur.

Kreml rəsmisi vurğulayıb ki, Putinin təklifi məhz sülh təşəbbüsdür, onu ultimatum kimi şərh etmək düzgün deyil.

Peskov onu da qeyd edib ki, Putinə Zelenski və Stoltenberqin sülh təşəbbüsünə reaksiyası barədə məruzə olunub.

"Onların reaksiyası gözlənilən idi. ABŞ-nin də Putinin təkliflərinə reaksiyası gözlənilən olacaq, onlara son ukraynalıya qədər mübarizə aparmaq lazımdır", - Kreml rəsmisi deyib.

Peskov Vladimir Zelenskinin legitim olmamasının danışıqların aparılması üçün maneə olmadığını da əlavə edib.

O vurğulayıb ki, "qeyri-legitim Zelenskinin Putinin təşəbbüsünü nəzərdən keçirmək və müharibəni dayandırmaq şansı var".

İstanbulun məşhur 15 İyul Şəhidləri Körpüsünün naməlum səbəbdən hər iki istiqamətdə nəqliyyatın hərəkətinə bağlanılıb.

Bu barədə Türkiyə mətbuatı məlumat yayıb.

Hadisə yerinə çoxlu sayda polis göndərilib

Şimali Atlantika Müqaviləsi Təşkilatının (NATO) baş katibi Yens Stoltenberq Ukraynaya veriləcək “F-16” qırıcıları ilə Rusiya Federasiyasının ərazisinə zərbələr endirilməsini dəstəkləyir.

Reyting.az xəbər verir ki, Stoltenberq bunu Brüsseldə alyansa üzv ölkələrin müdafiə nazirlərinin iclasının əvvəlində keçirdiyi brifinqdə deyib.

Baş katibə yayın sonuna qədər “F-16” üçün kifayət qədər sayda ukraynalı pilotun yetişdiriləcəyi və bu təyyarələrdən Rusiya ərazisinə zərbələr endirmək üçün icazənin verilib-verilməyəcəyi ilə bağlı sual ünvanlanıb.

Stoltenberq bildirib ki, alyans müttəfiqləri texniki xidmətə dəstək verə biləcək pilotları və texniki personalı hazırlamaq üçün Ukrayna ilə işləyir: “Onlar bunu mümkün qədər tez başa çatdırmaq üçün çox çalışırlar. Amma bu, böyük bir işdir. Bunun üçün çoxlu səylər var”.

Baş katib xatırladıb ki, təlim mərkəzləri Rumıniyada fəaliyyət göstərir. O, əmin edib ki, hər şey mümkün qədər tez edilir.

Eyni zamanda, o, bildirib ki, müxtəlif müttəfiqlər öz silahlarının istifadəsinə müxtəlif məhdudiyyətlər tətbiq ediblər, lakin o, bəzi müttəfiqlərin Rusiya ərazisindəki hərbi obyektlərin vurulması ilə bağlı məhdudiyyətlərin yumşaldılmasını alqışlayır.

“Biz nə baş verdiyini başa düşməliyik. Bu, aqressiv müharibədir. Rusiya Ukraynaya hücum edib. Bu, beynəlxalq hüququn kobud şəkildə pozulmasıdır. Beynəlxalq hüquqa görə Ukraynanın özünümüdafiə hüququ var. Buna Rusiya ərazisindəki qanuni hərbi hədəflərə zərbə endirmək də daxildir”,- Stoltenberq əlavə edib.

Baş katib deyib ki, özünümüdafiə eskalasiya deyil, BMT Nizamnaməsində təsbit olunmuş hüquqdur: “Bizim Ukraynaya öz hüququnu müdafiə etməkdə köməklik göstərmək hüququmuz var və bununla müttəfiqlər münaqişənin tərəfinə çevrilmir”.

İspaniya, Norveç və İrlandiya mayın 28-də Fələstini dövlət kimi tanıyacaqlarını dünyaya bəyan ediblər. Fələstin liderləri tərəfindən müsbət qarşılanan bəyanat Fələstin Azadlıq Təşkilatı tərəfindən "tarixi an" olaraq qiymətləndirilib. Fələstini dövlət kimi tanımağa qərar verən ölkələr bu addımın İsraillə fələstinlilər arasında sülh danışıqlarının inkişafına kömək edəcəyinə inanır.

Dünyanın əksəriyyəti Fələstin dövlətini tanıdığı halda, Fələstin Muxtariyyəti bir daha Birləşmiş Millətlər Təşkilatının (BMT) Təhlükəsizlik Şurasını onun BMT-yə tamhüquqlu üzvlük tələbinə baxmağa çağırıb. Fələstin Administrasiyasının məlumatına görə, BMT-yə üzv olan 193 ölkədən 137-si Fələstin dövlətini tanıyıb. Lakin bu ölkələr sırasında Avstraliya, Yaponiya, Cənubi Koreya, Şimali Amerika və əksər Qərbi Avropa ölkələri daxil deyil.

Bəs Fələstinin dövlət kimi tanınması hazırda gedən müharibəyə necə təsir edə bilər?

TEREF xəbər verir ki, məsələni News24.az-a şərh edən siyasi ekspert, yaxın şərq üzrə mütəxəssis Vüqar Zifəroğlu bildirib ki, ümumiyyətlə, problemə baxışda müəyyən bir dəyişikjliyin baş verməsinin şahidi oluruq:

"Əslində burada Qərb ölkələrinin rolu olduqca böyükdür. İndiyə qədər Fələstinin müstəqil dövlət kimi tanınması prosesində, təssüf ki, Avropa ölkələrinin mövqeyini demək olar ki, müşahidə etmirdik. Qərb sadəcə olaraq orta statistik bəyanatlar səsləndirərək öz mövqeyini ifadə etmiş hesab edirdi. Amma tamamilə haklıdır ki, bir neçə dövlətin belə bir açıqlama ilə çıxış etməsi və ardıca da bunu əməli olaraq göstərib Fələstini dövlət kimi tanıması - bütün bunların hamısı problemə baxışda müəyyən dəyişikliklərin olduğundan xəbər verir".

Politoloq qeyd edib ki, növbəti mərhələdə də Avroa ölkələrinin bəzilərindən belə bir addım gözləmək olar. Onun sözlərinə görə, yaxın gələcəkdə də bu problemə diqqət artacaq: "Dəfələrlə qeyd etmişik ki, Fələstin-İsrail münaqişəsi yaxın şərqin ən köklü, ən tarixi və ən ağrılı problemidir. Bu problemin həlli istər-istəməz yaxın şərqdə yan problemlərin, münaqişələrin də həllinə kifayət qədər ciddi təsir edəcək.

"Bu həqiqəti artıq anlamağa başlayıblar. Nəhayət ki, beynəlxlaq hüququn da diktə etdiyi kimi ikili dövlət prinsipi ilə bu münaqişənin həllinə dəstək verən Avropa ölkələrinin də sayı getdikcə artır",- deyə Vüqar Zifəroğlu əlavə edib.

AzTV-də yayımlanan “Fransanın Tunisi” adlı sənədli filmdə tarixin dəhşətli soyqırımına şahidlik edən şəxs danışıb.

O zaman 14 yaşında olan Məhəmməd Tibi Fransanın Tunisi bombaladığı anlarda yaşadığı faciənin dəhşətlərini xatırlayıb.

"Sakier Sidi Youssef" soyqırımının şahidi müəllimi tərəfindən xilas edildiyini və yaşıdlarından bir neçəsinin nəşini gördüyünü bildirib.

Ətraflı videoda: