 |
|
|
Çin BRİKS tərəfdaşları ilə müxtəlif sahələrdə əməkdaşlığı davam etdirməyə və qlobal iqtisadiyyatın inkişafına töhfə verməyə hazırdır.
Bunu Çin XİN-in rəsmi nümayəndəsi Lin Tsyan Trampın BRİKS ölkələri qadağanedici rüsumlar tətbiq etmək niyyəti ilə bağlı çıxışını şərh edərkən deyib.
“İnkişaf etməkdə olan bazar, eləcə də inkişaf etməkdə olan ölkələr arasında əməkdaşlıq üçün mühüm platforma kimi BRİKS ölkələri açıqlıq, tolerantlıq və qarşılıqlı faydalı əməkdaşlığı müdafiə edir”, – o bildirib.
Qeyd edək ki, Donald Tramp BRİKS ölkələrini öz valyutalarını yaratmayacaqlarına, ya da ABŞ dollarını əvəz etmək üçün hər hansı başqa valyutanı dəstəkləməyəcəklərinə dair öhdəlik götürməyə çağırmışdı.
Türkiyə Prezidenti Rəcəb Tayyib Ərdoğanın qızı Əsra Ərdoğanın X sosial şəbəkəsində paylaşdığı foto diqqət çəkib.
Globalinfo.az xəbər verir ki, o, tarixi Hələb qalasından Türkiyə bayrağının asılmasını əks etdirən görüntünü paylaşaraq buranın bir vaxtlar Osmanlı İmperiyasının ərazisi olduğunu xatırladıb.
Sözügedən paylaşım böyük dəstək görməklə yanaşı, tənqid obyekti də olub. Belə ki, erməni politoloq Ayk Saakyan həmin paylaşımı isterika ilə qarşılayıb. O, türklərin guya həmişə imperialist maraqları olduğunu deyib və “İrəvana hücum”, “Ermənistanın işğalı” kimi absurd iddialar irəli sürüb.
Saakyan Türkiyə ilə münasibətlərin normallaşacağını düşünən erməniləri sadəlövh adlandırıb və revanşist mesajlar verib.
Qeyd edək ki, dekabrın 1-i Suriyanın ikinci böyük şəhəri Hələb müxalif silahlıların nəzarətinə keçib. Tarixi Hələb qalası Türkiyəyönlü qüvvələr tərəfindən geri qaytarılıb və qalaya Türkiyə bayrağı sancılıb.
İlk yayın vaxtı 00:41
Ermənistan hərbçiləri Basarkeçər rayonunun Yuxarı Şorca kəndində genişmiqyaslı yeraltı tunel sistemləri inşa etmək qərarına gəliblər.
Musavat.com xəbər verir ki, bu addım, əsasən, bölgədəki hərbi birləşmələrin açıq hədəfə çevrilməsinin qarşısını almaq məqsədi daşıyır. Tunel sistemi hərbçilərin gizli şəkildə hərəkət etməsini təmin edəcək və müasir münaqişələrdə artan müşahidə və atəş riskini minimuma endirəcək.
Layihə çərçivəsində bir-birilə əlaqələndirilmiş tunellərin yaradılması nəzərdə tutulur. Qazıntı işlərində xüsusi texnika və texnologiyalardan istifadə edilməsinə başlanıldığı bildirilir.
Azərbaycanın mövqelərinə yaxın ərazilərdə baş verən bu cür hərbi fəaliyyətlər, bölgədə gərginliyin yenidən yüksəlməsinə səbəb ola bilər.
Ekspertlər qeyd edirlər ki, Ermənistanın bu təşəbbüsü bölgədəki hərbi balansı dəyişdirmək niyyətini əks etdirir.
Musavat.com
Gürcüstanın paytaxtı Tbilisidə kaçirilən son parlament seçkilərinin əleyhinə etiraz aksiyaları yenidən başlayıb.
APA xəbər verir ki, ötən ayın 28-dən müxaliət tərəfindən başladılan aksiyalar bu gün də davam edir. Aksiyaçılar parlament binası yaxınlığında toplaşmağa başlayıblar.
Gürcüstan Daxili İşlər Nazirliyinin əməkdaşları aksiya iştirakçılarını dağıtmaü üçün göz yaşardıcı qazlardan istifadə etməyə başlayıblar.
Hazırda etirazçıların Parlament binasından uzaqlaşdığı və yalnız Rustaveli prospektində dayandıqları bildirilir.
Batumidə, Avropa Meydanında da etiraz aksiyasının yenidən başladığı bildirilir. Gənclər Gürcüstanın və Avropa İttifaqının bayraqlarını açıblar.
Aksiya iştirakçıları öz ölkələrinin Avropa gələcəyi üçün mübarizəni davam etdirəcəklərini bildiriblər.
Qorinin mərkəzində də etiraz aksiyası keçirilir. Bu dəqiqələrdə toplaşanlar şəhərin küçələri ilə yürüşə başlayıblar.
Suriyada vəziyyətin gərginləşməsi və yaraqlıların Hələbə hücumu iki ölkənin regiondakı maraqlarının toqquşması səbəbindən Rusiya ilə Türkiyə arasında münaqişəyə səbəb ola bilər.
TEREF xəbər verir ki, bu barədə “Associated Press” yazıb.
“Döyüşlərin artması Suriyada hər birinin öz maraqları olan Rusiya və Türkiyəni bir-birinə qarşı birbaşa ağır döyüşlərə cəlb etmək riski daşıyır”, - nəşr qeyd edir.
Bundan əlavə, müəlliflər İsrailin Fələstinin radikal HƏMAS hərəkatı ilə münaqişəsi, İranla gərginlik və Livandakı qeyri-sabit vəziyyət fonunda regional müharibə riskini qeyd edirlər .
Noyabrın 28-də suriyalı yaraqlılar Hələb vilayəti yaxınlığında hökumət mövqelərinə qarşı irimiqyaslı hücuma başlayıb.
Publika.az
ABŞ-də bir kişi nənəsindən dəyəri 400 min dollara çata bilən 1988-ci ilin beş dollarlıq əskinas miras alıb.
AzVision.az Amerikanın “New York Post” qəzetinə istinadən xəbər verir ki, “ağlasığmaz əskinası” olan video sosial şəbəkələrdə xoşbəxt varisin sevgilisi Şarlotta Kerroll tərəfindən yerləşdirilib. Unikal əskinas xəta ilə çap edilib - şəklin bir tərəfində olmalı hissəsi mövcud əşkinasın üstündə digər tərəfə çəkilib.
“İnsanlar bunun üçün bizə 5 dollardan 400 min dollara qədər təklif edsələr də, biz bundan imtina edirik”, - Kerroll bildirib.
Buna belə, o, numizmatlardan qanun əskinasın mümkün dəyəri ilə bağlı fikirlərini postun altında qoymalarını xahiş edib.
“Florida Palm Island Coins” numizmatik təşkilatının mütəxəssisləri belə səhvlərin həqiqətən kağız pulların dəyərini əhəmiyyətli dərəcədə artıra biləcəyini deyiblər. Analoji səhvi olan bir dollarlıq əskinas hazırda 1249 dollara, beş dollarlıq əskinas isə 1800 dollara satılır.
Lakin kağız pullar üzrə ekspert Uayet MakDonald bildirib ki, müasir əskinaslarda belə səhvlər o qədər də nadir hal deyil və bu, onların dəyərini yalnız iki-üç dəfə artıra bilər. Onun fikrincə, artıq tədavüldən çıxmış hərf səhvləri olan əskinaslar daha qiymətli ola bilər.
Qeyd edək ki, əvvəllər 975-ci ildə səhvlə zərb edilmiş nadir sikkənin ABŞ-da hərracda 500 min dollara satıldığı xəbəri yayılmışdı. Həmin sikkə Ohayodan olan üç bacıya miras qalıb.
Dünənki aksiya və iğtişaşlar nəticəsində Gürcüstan parlamentində 48 iş otağa ziyan dəyib.
Gununsesi.info xəbər verir ki, bunu Gürcüstan parlamentinin spikeri Şalva Papuaşvili bildirib.
Şalva Papuaşvili qeyd edib ki, binanın aşağı mərtəbələrində demək olar ki, bütün pəncərələr sınıb, istilik sistemi və ofis avadanlığı sıradan çıxıb, taxta qapılardan biri yanıb. O cümlədən kompüter laboratoriyasına da ziyan dəyib, yeməkxana tamamilə dağıdılıb.
Suriya müxalifəti terrorçu Kürdüstan Fəhlə Partiyasının qərargahına nəzarəti ələ keçirib.
Musavat.com xəbər verir ki, bu barədə müxaliflətə məxsus telegram kanallarında məlumat və görüntülər paylaşlıb.
Görüntülərdə terrorçu təşkilat mənsublarının yerdə uzadıldığı əks olubub.
Müxalif döyüşçülər üzərində Abdullah Öcalanın fotosu olan əski parçasını ayaqları altına alaraq əziblər.
Həmin görüntüləri təqdim edirik.
Musavat.com
"Tiflisdə parlament binası yaxınlığında keçirilən aksiyanın bəzi iştirakçıları bir neçə saatdır ki, polis əməkdaşlarına qarşı zorakılıq aksiyalarını davam etdirirlər ".
Musavat.com xənər verir ki, bu barədə Gürcüstan Daxili İşlər Nazirliyinin məlumatında deyilir.
Bildirilir ki, Gürcüstan DİN- in müvafiq idarəsinin əməkdaşları aqressiv qruplaşmanın üzvlərini su şırnaqlarının köməyi ilə dəf etməyə çalışsalar da, bu, etirazçıların zorakılıq hərəkətlərinə mane olmur.
Tiflis polisi parlament binası yaxınlığında keçirilən etiraz aksiyası zamanı yandırma yolu ilə əşyalara ziyan vurmaq və ya məhv etmək ittihamı ilə siyasi partiyalardan birinin üzvünü saxlayıb.
İstintaq müəyyən edib ki, həmin şəxs bu il noyabrın 29-da Rustaveli prospektində mitinq zamanı 112 İctimai Təhlükəsizliyi İdarəetmə Mərkəzinə məxsus elektrik naqillərini və parlament binasının yaxınlığındakı dirəyə quraşdırılmış müşahidə kameralarının enerji təchizatını yandırıb.
Şahanə Rəhimli
Musavat.com
Gürcüstan millisinin və “Napoli”nin futbolçusu Xviça Kvaratsxeliya ölkəsindəki kütləvi etirazlara münasibət bildirib.
"Ölkə.az" xəbər verir ki, o, bu sözləri deyib:
“Gürcüstanda baş verən hadisələri diqqətlə izləyirəm və fikrimi, mövqeyimi bildirmək istəyirəm. Gürcü xalqı Avropa yolu ilə getməlidir. Bu, bizim tarixi və yeganə düzgün seçimimizdir. Biz bu yoldan dönə bilmərik. Gürcüstan xalqındır və heç kim xalqın iradəsindən üstün deyil.
Ölkəm və xalqım üçün narahatam. Yayılan videolara baxmaq ağrılıdır. Gürcüstan Avropaya həmişəkindən daha çox layiqdir”.
Xatırladaq ki, noyabrın 28-də Baş naziri İrakli Kobaxidze ölkə hakimiyyətinin 2028-ci ilə qədər Avropa İttifaqına daxil olmaq üzrə danışıqlardan imtina etdiyini bəyan edib. Bundan sonra ölkədə kütləvi etirazlar başlayıb.