Təyyarə qəzasında ölən, Rusiyanın "Vaqner" özəl hərbi şirkətinin rəhbəri Yevgeni Priqojinə çox bənzəyən bir şəxs Afrikada görüntülənib.

Videogörüntüləri "Vaqner" şirkətinin özü yayımlayıb.

Kadrlarda Priqojinə oxşayan kişinin üzü proqram vasitəsilə örtülüb. /oxu.az/



Mənbə: "İnsayder" "Telegram"

Ekspertlərin əksəriyyəti Hofrayterin açıqlamaları və kansleri tənqid etməsi ilə razılaşmırlar.
Almaniya kansleri Olaf Şolts Ukraynanı ərazilərindən imtina etməyə məcbur edir.
Bunu Bundestaqın Avropa məsələləri üzrə komitəsinin sədri, Yaşıllar Partiyasından olan Anton Hofrayter bildirib.
Qeyd edək ki, Almaniyanın hakim koalisiyasında Ukraynaya dəstəyin kəsilməsi ilə bağlı fikir ayrılıqları var.
Bu barədə "Focus online" Youtube kanalı məlumat yayıb.
Kanalın məlumatına görə, ekspertlərin əksəriyyəti Hofrayterin açıqlamaları və kansleri tənqid etməsi ilə razılaşmırlar. Onlar Bundestaqın Avropa Məsələləri Komitəsinin rəhbərinə təklif edirlər ki, Şolts Berlinin hazırkı siyasi kursundan razı qalmadığı təqdirdə ona etimadsızlıq səsverməsinə başlasın.
Belə ki, İnsbruk Universitetindən Rusiya üzrə ekspert Gerhard Manqott, Hofrayterin kanala verdiyi açıqlamanı şərh edərkən qeyd edib ki, o, "Şoltsu təkcə qətiyyətsizlikdə ittiham etmir, kanslerin həm də Rusiya Prezidenti Vladimir Putinin müttəfiqinə çevirən saxta strategiyadan istifadə etdiyini ehtimal edir."
Daha əvvəl kansler Olaf Şolts bildirmişdi ki, yalnız ölkədə iş tapan ukraynalıların Almaniyada qalmaq imkanı olacaq.

Rusiya tarixində ən böyük rüşvət işi məhkəməyə göndərilib.

TEREF yerli mediaya istinadla bildirir ki, Moskvanın Tverskoy rayonu üzrə İstintaq Komitəsinin istintaq idarəsinin keçmiş rəisi, 35 yaşlı ədliyyə mayoru Marat Tambiyev 1 milyon yarım dollardan çox və 2718 bitkoin, yəni 7.3 milyard rubl (təxminən 137 milyon 240 min manat) rüşvət almaqda ittiham olunur. Bundan əlavə, müstəntiqlərin fikrincə, o, daha 1,3 milyon dollarla varlanmağa cəhd edib. O, həmçinin vəzifə səlahiyyətlərindən sui-istifadədə ittiham olunur.

İstintaq Komitəsinin məlumatına görə, ədliyyə mayorunun şəriki keçmiş müstəntiq, baş leytenant, 27 yaşlı Kristina Lyaxovenko olub. O, rüşvət alma, vəzifə səlahiyyətlərindən sui-istifadə və cinayət işi üzrə sübutları saxtalaşdırmaqda təqsirli bilinir.

Tambiyev və Lyaxovenkonun işinə Moskva yaxınlığındakı Balaşixa məhkəməsi baxacaq. Əvvəlcə məhkəmənin Moskvada keçiriləcəyi güman edilirdi, lakin Ali Məhkəmə Baş Prokurorluğun tələbi ilə ərazi yurisdiksiyasını dəyişdirərək, Tambiyevin işlədiyi müddətdə paytaxtın məhkəmə sistemində əlaqələr əldə etməsi ilə bağlı arqumentlərlə razılaşıb.

İş materiallarına görə, müstəntiq 2022-ci ilin aprelində “Infraud Organization” haker qrupunun üzvlərindən hakerlərin aktivlərini ələ keçirməyəcəyinə dair vəd qarşılığında rüşvət alıb. Tambievin kompüterində “Pensiya” adlı qovluqda bitkoinlər tapılıb.

Ermənistan Baş naziri Nikol Paşinyan Qarabağda Azərbaycanla müharibədə uduzduğuna görə bütün məsuliyyəti Rusiyanın üzərinə atmağa çalışır.
Bunu "Qazeta.ru"ya müsahibəsində Dövlət Dumasının deputatı, ermənipərəstliyi ilə seçilən Konstantin Zatulin deyib.
O, Paşinyanın 2020-ci ildə Bakıya yardım göstərdiyinə görə KTMT-yə üzv iki ölkəyə qarşı ittihamlarını belə şərh edib:
“Mənim mövqeyim çoxdan bəllidir. Paşinyan yalançı və əclafdır, erməni xalqının qəzəbini Rusiyaya yönəltməyə çalışır, sələflərinin və bütün erməni xalqının uzun illər mübarizə apardığı hər şeyi uğursuzluğa düçar etmiş və itirmişdir”.

Beynəlxalq Münasibətlər və Diplomatiya Araşdırmaları” Mərkəzinin sədri, politoloq Samir Hümbətov "Sherg.az"a açıqlamasında bildirib ki, Zatulin Rusiyanın Ermənistan daxilində vəziyyətin gərginləşməsini tam olaraq həyata keçirə bilmədiyi fikrini etiraf edir:

“Eyni zamanda, qeyd edir ki, Paşinyan faktiki olaraq kənar güclərin imkanlarını məhdudlaşdırmağı bacardı. İndi Rusiya son çıxış yolu kimi ermənipərəst olan deputatı qabağa verməklə erməni cəmiyyətini tərpənməyə sövq edir. Yəni əslində Rusiyanın dəstək verdiyi Qarabağ klanının nümayəndələrinin səhvlərini Paşinyanın üzərinə atmaq istəyirlər. Həm də açıq mesaj verir ki, Ermənistan Paşinyana qədər Qarabağ uğrunda mübarizə aparıb. Yəni Paşinyan hakimiyyətə gəlməklə Qarabağda uduzdu və digər əraziləri də Azərbaycana qaytardı. Amma görünən ondan ibarətdir ki, Ermənistanın Azərbaycanın işğal edilmiş ərazilərindən geri çəkilməsi, uzun illər xəstə erməni miflərinin yaranmasından xəbər verir. İndi də reallığı Paşinyan başa salanda keçmiş Ermənistan hakimiyyətlnin nümayəndələrinə sərf etmir. Ona görə də kənardan bu cür açıqlamalar səsləndirməklə məsələni daha qabarıq və ağır bir formaya gətirməyə çalışırlar. Bu qədər açıq bir şəkildə Paşinyanı sıradan çıxarmaq istəyirlər. Amma inanmıram ki, Paşinyan belə çıxışlara görə hakimiyyətdən getsin”.

Ermənistan İstintaq Komitəsi müğənni Spitaktsinin oğlu Hayko Hraçya Qevondyanı hakimiyyəti ələ keçirməyə cəhddə ittiham edib.

Məlumata görə, Ermənistan İstintaq Komitəsinin Dövlət əleyhinə, Konstitusiya quruluşunun əsasları və ictimai təhlükəsizlik üzrə cinayətlərin araşdırılması üzrə Baş İdarəsində cinayət işi başlanıb.

İstintaqın məlumatına görə, müxalif siyasi blokun nümayəndələrindən birinə yaxın olan Qevondyan ölkə liderinin daxili və xarici siyasəti ilə razılaşmayaraq, hələlik şəxsiyyəti məlum olmayan bir qrup şəxslə birlikdə hökumət, parlament və polisin binalarını ələ keçirməyi planlaşdırıb.

Onlar mayın 26-da keçiriləcək mitinqdə bu işlərin həyata keçirilməsi variantını nəzərdə tutublar.

Lakin ondan asılı olmayan şəraitə görə Gevondyan planını həyata keçirə bilməyib, çünki onun planı Daxili İşlər Nazirliyi tərəfindən aşkar edilib.

Qeyd edək ki, İstintaq Komitəsinin yaydığı demək olar ki, bütün video kadrlarda Gevondyanın deputat Levon Koçaryanın (Ermənistanın ikinci prezidentinin oğlu) yanında dayandığı aydın görünür.

Mənbə: Sputnik Ermənistan

Naməlum şəxs Almaniyanın Bonn şəhərindəki Rusiya konsulluğunun qapılarını sındırmağa cəhd edib.

O, avtomobillə Rusiya diplomatik missiyasının darvazasına sarı şütüsə də, polis tərəfindən saxlanılıb.

Hücumçunun kim olduğu açıqlanmır.

Rusiya konsulluğunun və federal polisin nümayəndələri hələ ki, hücum faktını şərh etməyiblər.

Mənbə: gazeta.ru

“Avropa İttifaqının 3 ölkəsinin Fələstin dövlətini tanıması praktik olaraq heç nə vəd etmir”.

Bunu Qaynarinfo-ya açıqlamasında politoloq Zərdüşt Əlizadə Aİ-nin 3 ölkəsi – Norveç, İrlandiya və İspaniyanın Fələstin dövlətini tanımasını şərh edərkən deyib.

“Hələlik nə aparıcı Avropa dövlətləri, nə də ABŞ Fələstini müstəqil dövlət olaraq tanımır. Hamıya bəllidir ki, Fələstin xalqının dövlət qurmaq hüququ var. Bu hüquq onlara BMT qərarı ilə verilib. Amma bir sıra aparıcı dövlətlər İsrail dövlətini tanısalar da, Fələstin dövlətinin yaranmasını istəmirlər”, deyə politoloq bildirib.

Həmsöhbətimiz qeyd edib ki, 3 Aİ ölkəsinin Fələstini müstəqil dövlət olaraq tanıması praktik baxımdan Fələstinə heç nə verməsə də, fələstinlilər addım-addım istədikləri məqsədə doğru getdiklərini anlayırlar:

“Yəhudi xalqı içərisində Fələstini dövlət kimi tanımaq istəyənlər olsa da, onlar azlıq təşkil edir. Əksəriyyəti millətçi düşüncəsindədir. Fələstin dövlətini tanıyan aparıcı ölkələrin sayı artsa, xüsusən də Avropanın aparıcı ölkələri və ABŞ onu tanısa, dünya ictimaiyyəti də kəskin şəkildə İsraildən Fələstin dövlətinin tanınmasını tələb edə bilər”.

Siyasi şərhçi Rufiz Hafizoğlu isə bildirib ki, Fələstin dövlətinin tanınması üçün ilk növbədə münbit mühit olmalıdır:

“Nə Avropa İttifaqı, nə İspaniya, nə də digər ölkələrin heç biri Fələstin dövlətini yaxın vədədə qəbul etməyəcək. Fələstin dövlətinin qəbul edilməsi üçün ilk növbədə vahid Fələstin hökumətinin yaradılması vacibdir. Amma bu gün Fələstin daxilində ciddi problemlər var. Fələstin dövləti dedikdə İordan çayının qərb sahili, yoxsa onunla yanaşı, Qəzza ərazisi nəzərdə tutulur? Digər tərəfdən, onun 1967-ci il sərhədləri, yoxsa hazırki sərhədlər daxilində olması nəzərdə tutulur? Tanınma üçün münbit mühit yoxdur. Təəssüf ki, Fələstin daxilindəki qarşıdurma buna imkan vermir. Vahid Milli Fələstin hökuməti yaradılmalıdır. Beynəlxalq Məhkəmə HƏMAS liderlərinin həbsini tələb edib”.

Bu baxımdan, həmsöhbətimiz hesab edir ki, bəzi Aİ ölkələrinin verdiyi bəyanatların heç bir ciddi əsası olmayacaq:

“Avropa onları qəbul etsə də belə, bu sadəcə formal xarakter daşıyacaq. İlk növbədə fələstinlilər öz aralarında olan ədavəti həll etməlidir”.

Qeyd edək ki, son zamanlar Avropa İttifaqının bir sıra dövlətləri Fələstini müstəqil dövlət olaraq tanımağa başlayıblar. Bu sırada ilk addımı İrlandiya, İspaniya və Norveç atıb. İrlandiyanın baş naziri Saymon Harris ölkəsinin Fələstini dövlət kimi tanıyacağını bildirib. İspaniya hökuməti isə mayın 28-də Fələstin dövlətini rəsmən tanıyacaq. Bu barədə ölkənin baş naziri Pedro Sançes çərşənbə günü Deputatlar Konqresində çıxışı zamanı bildirib. Ümumiyyətlə, bu günə qədər Azərbaycan da daxil Fələstini 140 dövlət tanıyıb. Amma onların içərisində ABŞ və Avropanın aparıcı dövlətləri hələ ki, yoxdur.

“Ölkəmizdə kilsə ictimai fikirə ən böyük təsir agentidir və biz bunu aradan qaldıracağıq”.

APA-nın TASS-a istinadən xəbərinə görə, bunu Ermənistanın Baş naziri Nikol Paşinyan parlamentdəki çıxışında söyləyib.

O vurğulayıb ki, yaxın iki-üç ay ərzində kilsənin ictimai rəyə təsirlərinin aradan qaldırılması üçün qətiyyətli tədbirlər görüləcək: “Ermənistanda tarixən din xadimləri gedib kilsədə dini təhsil alır, qayıtdıqdan sonra isə agentlərə çevrilirdilər. Görünür ki, bu ənənə indi də dəyişməyib. Lakin biz yaranmış problemi iki-üç ayda həll edəcəyik” – Paşinyan belə deyib.

Xəbər verdiyimiz kimi, İran Prezidenti İbrahim Rəisi, xarici işlər naziri Hüseyn Əmir Abdullahian və digər rəsmi şəxslərin göyərtəsində olduğu helikopter mayın 19-da ölkə ərazisində qəzaya düşüb. Qəza nəticəsində 9 nəfər həlak olub.

Hadisə dünya mediyasında bir sıra müzakirələrə səbəb olub. Bəziləri bunu qəza adlandırsa da, digərləri təxribat olduğunu iddia edir.

Ermənistan mediyası isə hadisəni Azərbaycanla əlaqələndirməyə çalışır.

Milli Məclisin deputatı Fazil Mustafa AzVision.az-a bildirib ki, erməni mediasının yazdıqları bizim üçün önəmli deyil.

“İranda hər kəs anladı ki, qəzanın Azərbaycanla əlaqəsi yoxdur. Bu, sırf texniki nasazlıqla bağlı baş verən xoşagəlməz bir hadisədir. Hər ölkədə baş verə bilər. Bunu xüsusi qabartmağın mənası yoxdur. İranda prezident əhəmiyyətli fiqur idi. Cəmiyyətdə müəyyən addımların atılmasında rolu ola bilərdi. Amma əsas fiqur ali dini liderdir və prezident müstəqil siyasi kursa malik deyil. Bu, bir kadr itkisidir. Odur ki, İranda hər hansı dəyişiklik gözlənilmir”.

Bununla yanaşı deputat düşünür ki, İranda dinin siyasətə alət olması cəmiyyət içərisində müəyyən problemləri şiddətləndirə bilər:

“Çünki dinin siyasətə alət olunması heç bir ölkəyə uğur gətirməyib. Bu baxımdan İran da istisna deyil”.

Politoloq Cümşüd Nuriyev isə bildirib ki, müxtəlif təxribat xarakterli üsullarla Fransa, ABŞ və İsrail bölgədə qarşıdurma yaratmaq istəyir:

“İsrailə lazımdır ki, diqqəti Qəzzadan törətdiklərindən yayındırsın. Fransaya lazımdır ki, xarici siyasətdə Azərbaycana uduzduqlarının əvəzini çıxsın. ABŞ-a isə lazımdır ki, Qafqaza girsin, eləcə də Azərbaycan-İran münasibətlərinin yaxınlaşmasına mane olsun. Bütün bunların fonunda bu dövlətlərdən verilən açıqlamalar, bəyanatlar siyasi xarakterlidir.

Son zamanlar Azərbaycanla İranın münasibətləri həddən artıq irəliləmişdi. Rəisi qəzaya düşdüyü gün bəyan etdi ki, Qarabağın, Şərqi Zəngəzurun bərpasında iştirak etmək istəyirlər. Əgər ermənilərin dediyi kimi təxribat varsa, deməli təxribatı özləri və ya onların arxasında duran Fransa törədib”.

Politoloqun fikrincə, İranda baş verən proseslər ölkədə daxili qarşıdurmaya təkan verəcək:

"Vəziyyətin gərginləşəcəyini öncədən proqnozlaşdırmaq olar. İranda məsələləri mollalar həll edir. Seçki demokratik görüntü yaratmaq xatirinə həyata keçirilən bir missiyadır. İran konstitusiyasına görə artıq iyunun 28-nə prezident seçkiləri təyin olunub. Bu müddət ərzində vitse-prezident prezidenti əvəz edir.

İran parlamentinin sədri Məhəmməd Bağır Qalibaf ilə İranın Ali Rəhbəri Əli Xameneyinin münasibətlərində bir gərginlik var. İranın əvvəlki xarici işlər naziri Məhəmməd Cavad Zərif də prezident ola bilər. Kifayət qədər peşəkar bir diplomatdır. Əslində Xameneyi kimi istəsə, o da prezident olacaq. İran mətbuatı isə Xameneyi ilə Rəisi arasında münasibətlərin gərginliyindən yazır”.

"Mayın 26-da saat 16:00-da sizi İrəvanın mərkəzi meydanında görüşə dəvət edirəm. Burada gələcək fəaliyyətimiz haqqında məlumat əldə edəcək, bütün detalları öyrənəcəksiniz. Bu aksiya kimliyimizin isbatı üçün vacibdir", – bunu erməni keşiş Baqrat Qalstanyan deyib. Bəs Paşinyan xalq tərəfindən devrilə bilərmi?

Mövzu ilə bağlı politoloq Tural İsmayılov Sonxeber.az-a açıqlama verib.
Politoloq bildirib ki, bu gün Ermənistan cəmiyyətində revonşinistlər heç nəyi ehtiva etmirlər:

"Keşiş Baqrat Qalstanyan və ll Qaregin Ermənistanda siyasiləşərək hakimiyyətə qarşı mübarizə göstərirlər. Bu isə qəbuledilməz məsələdir. Əsirlər boyu Ermənistan gəncliyinin beyninin pozulmasında, etnik nifrət zəmnində dözümsüzlüyün artmasında kilsənin də böyük rolu var. İndi də Ermənistan kilsəsi həmin uyğunsuz tarixi missiyasını davam etdirməklə məşğuldur. Eyni zamanda, erməni ictimai rəyində Ermənistandakı kilsə xadimlərinin siyasi bəyanatlarının güclü dayaqları mövcud deyil. Ermənistandakı xalq başa düşür ki, kilsənin siyasiləşməsi və Nikol Paşinyana qarşı mübarizə aparılması rəsmi İrəvan üçün daha problemli hadisələrə səbəb ola bilər. Keşişin aksiyalara qatılması oyundan başqa bir şey deyil. Paytaxt İrəvana yürüş edən keşişin aksiya çağırışına normal reaksiya verilmədi.

Faktiki olaraq bu gün Ermənistan cəmiyyətində revonşinistlər heç nəyi ehtiva etmirlər. Ümumiyyətlə onların erməni cəmiyyətində hər hansısa təsir imkanları da qalmıyıb. Belə olan təqdirdə sadəcə ortalığı bulandırmaqla məşgul olurlar və buda bütövlükdə Azərbaycanla Ermənistan arasında formalaşa biləcək sülh imkanlarına qarşı yönəlmiş addımlardı. Mən hesab edirəm ki, revanşistlər məqsədlərinə nail ola bilmiyəcək çünki nəzərə almaq lazımdır ki, bu gün Ermənistan ictimai rəyində revanşistlərin dayağı kifayət qədər aşağı vəziyyətdədir. Eyni zamanda nə qədərki Ermənistan xalqı neofaşist idealardan və 30 ildən çox davan edən, onlara yeridilən kütləvi informasiya vasitələri və tədris vasitələrindəki radikal milliyətçi meyillərdən qurtulmasa da Azərbaycan və Ermənistanın bundan sonra heç bir formada müharibə apara bilmiyəcək bir səviyyədə olduğunu yaxşı dərk edirlər. Ona görədə revanşistlərin bu addımları fiaskoya məruz qalacaq".