 |
|
|
Çinin Huaxi kəndi dünyanın ən zəngin kəndi kimi tanınır
Çinin Huaxi kəndi dünyanın ən zəngin kəndi kimi tanınır və bu xüsusiyyəti ilə çox diqqət çəkir.
Paralel.az xarici KİV-ə istinadla xəbər verir ki, 1950-ci illərin əvvəllərində Vu Renbaonun kənd kommunist partiyası komitəsinin katibi təyin edilməsi ilə başlayan proses zaman keçdikcə maraqlı bir hal alıb.
1969-cu ildə kənddə fabrik quran Renbao kənddə tekstildən polad istehsalına qədər 12 şirkət qurdu və kəndi 1998-ci ildə Çin birjasına daxil edib.
Fabrik yaranana qədər əkinçiliklə məskunlaşan 600-ə yaxın kənd əhalisi bu iqtisadi gedişlə kənd təsərrüfatını tərk edərək sənayeyə qədəm qoyub. Kəndin yerliləri təkcə fabrikdə fəhlə sinfi kimi işləmədilər.
Huaxidə yaşayan hər kəs "Huaxi Village Corporation" adlı şirkətin səhmdarlarına çevrilib. Kənddə yaradılmış bütün şirkətlərin gəlirləri ilin sonunda 20% payla bütün kənd sakinlərinə paylanıb.
Bu üsulla kənddə bir nəfər də olsun kasıb qalmayıb.
Hazırda Huaxi kəndində 2 min insan dəbdəbəli həyat sürür. Bununla belə, kəndlilər ciddi sosial qaydalar qoyulub.
Qumar və narkotik maddələr qəti qadağandır. Barlar, klublar, internet kafelər və karaoke zalları yoxdur.
Hüquqşünas Yuan Yulai AFP-yə açıqlamasında deyib ki, kəndlilər zəngin olsalar belə, kəndi tərk edərkən şəxsi aktivlərini ala bilmirlər:
"Ona görə də aktivlərin kəndlilərə məxsus olub-olmaması şübhəlidir".
Kənd sakinlərinin bankdakı pullarından istifadə etmək üçün də icazə lazımdır. Pullarını çıxarsalar belə, yenə də kənd daxilində mülk və ya torpaq almaq üçün istifadə etməli olurlar. Belə istifadə etməsələr, öz banklarından pul çıxarmağa icazə verilmir. Burada nə qədər varlı olsan da, sərvətini kənddən çıxarmaq olmaz.
Kənd sakinləri üçün məcburi bir şərt də qoyulub. Hər kəs "kəndin yaxşılığı üçün" həftənin 7 günü işləməyə məcburdur.
Dünyanın ən zəngin kəndi hazırda 80 fabrik var. Üstəlik, işçilərin heç də hamısı yerli sakinlər deyil. On minlərlə insan Huaxi şəhərinə polad və tekstil fabriklərində, eləcə də turizm sənayesində işləmək üçün gəlir. Kənardan gələnlər bu kəndin yerli sakinlərə təklif etdiyi möhtəşəm dəbdəbələrdən öz paylarını ala bilmirlər.
Bu kiçik Çin kəndinə hər il təxminən 2 milyon turist "nümunəvi sosialist kəndi"ni görmək üçün gəlir.
Gürcüstanda “xarici agentlər haqqında” qəbul edilmiş qalmaqallı qanun layihəsinindən sonra başda Tiflis olmaqla, bir sıra böyük şəhərlərdə kütləvi aksiyalar davam edir. Mitinqlərdə etirazçılar hökumətdən mübahisəli qanun layihəsinin ləğv edilməsini tələb edirlər. Bir çox siyasi analitiklər kütləvi aksiyaların fonunda Gürcüstanda ilin sonuna qədər hakimiyyət dəyişikliyinin ola biləcəyini proqnozlaşdırır. Bəs görəsən, qonşu ölkədə aksiyaların yekun nəticəsi necə olacaq? Ortaya atılan proqnozlar özünü doğruldacaqmı?
Mövzu ilə bağlı Yenisabah.az-a danışan politoloq Zərdüşt Əlizadə bildirib ki, mitinqlərin hansısa ciddi nəticəsi olmayacaq:
“Gürcüstandakı mitinqlər uzun müddətdir davam etsə də, ciddi nəticələr doğuracağına inanmıram. Hazırda hakimiyyət orduya və digər güc strukturlarına tam nəzarət edir. Avropa İttifaqı və digər donor təşkilatlar Gürcüstandakı vətəndaş cəmiyyətlərinə böyük miqdarda pullar ayırır. Bu gürcü xalqı üçün olduqca geniş qazanc və mənfəət gətirir. Amma “Gürcü Arzusu” partiyası Gürcüstanın demokratikləşməsini istəmir. Hazırki hakimiyyət xalqı idarəçilikdən uzaq tutmaq niyyətindədir. Buna görə də vətəndaş cəmiyyətlərinin maliyyə mənbələrini kəsmək istəyirlər. Görünür ki, onlar buna nail olacaq. Çünki gürcü müxalifəti pərakəndə vəziyyətdədir və parçalanıb”.
Politoloq qeyd edib ki, hazırki iqtidar “Gürcü Arzusu” partiyası oktyabrda keçiriləcək parlament seçkilərində də qələbə qazanacaq:
“Hazırda müxalifət ortaya vahid proqram qoya bilmir. Gürcüstanda bəziləri ümid edir ki, oktyabrın 27-də keçiriləcək parlament seçkilərində “Gürcü Arzusu” məğlub olacaq. Amma bu yanlış düşüncədir. Gürcü xalqı hələ də demokratiya və qərb təfəkküründən uzaqdır. Əksinə, düşünürəm ki, “Gürcü Arzusu” partiyası öz hakimiyyətini saxlayacaq və möhkəmləndirəcək. Bu Gürcüstan üçün acı və təəssüf doğuran mənzərədir”.
Azərbaycan Türk Dövlətləri Təşkilatının (TDT) açar ölkəsi, Şərqlə Qərbin qapısıdır.
Bunu iqtisadçı Natiq Cəfərli deyib.
Onun sözlərinə görə, son dövrlərdə Orta dəhlizlə daşımaların həcmi artıb:
“2022-ci il noyabrın 11-də Səmərqənddə Azərbaycan, Qazaxıstan, Qırğızıstan, Türkiyə və Özbəkistan hökumətləri Orta dəhliz boyu gömrük prosedurlarının sadələşdirilməsi haqqında saziş imzalamışdı. Azərbaycan, Türkiyə, Özbəkistan və Qırğızıstan bu sazişi hələ 2023-cü ildə ratifikasiya etmişdi. TDT üzvlərindən yalnız Qazaxıstan qalmışdı ki, o da bu həftə sadələşdirilmiş gömrük dəhlizinə qoşulduğunu təsdiqləyib.
TDT Orta dəhliz boyu gömrük prosedurlarını sadələşdirir, bu isə o deməkdir ki, Şərq-Qərb-Şərq dəhlizi üzrə “yaşıl dəhlizlər”, vahid tranzit tarifləri olacaq. Bu gün Orta dəhlizin ən böyük rəqibi Rusiya-Belarus üzərindən keçən dəmir yolu xəttidir. Qərb-Rusiya qarıdurmasına baxmayaraq, bu yolla, məsələn, ötən il 56.7 milyard dollarlıq yük daşınıb. Amma ciddi problemlər də yaranıb. Əsas problem də odur ki, Qərb sığorta şırkətləri Rusiyadan keçən yüklərin sığortasından imtina edirlər, sanksiyalarla üzləşməkdən çəkinirlər. Demək, Rusiya yoluna alternativ ola biləcək Orta dəhliz layihəsini sürətlə reallaşdırmaq lazımdır. Çünki Qərb-Rusiya qarşıdurması hələ onillər davam edəcək, indi məqamıdır. Rusiya üzərindən keçən yüklərin heç olmasa 25-30 faizini cəlb edə bilsək, ciddi iş olacaq”.
Natiq Cəfərli qeyd edib ki, Azərbaycan dəmir yolları ilə bu ilin 4 ayı ərzində (Orta dəhliz üzrə) yükdaşımalarının həcmi ötən illə müqayisədə 35 faiz artıb, Çinin Sian şəhərindən bu dəhlizlə ümumilikdə 60 qatar yola salınıb:
“Bu yaxınlarda aparılmış yenidənqurma işlərindən sonra Bakı-Tiflis-Qars dəmir yolu xətti ilə daşımalar bərpa edilib, xəttin yükburaxma qabiliyyəti illik 5 milyon tona çatdırılıb. Bütün bunlar yaxşıdır, amma azdır. Təkcə Azərbaycan Dəmir Yolları yox, bütün dövlət qurumları sinxron işləməlidir”.
İqtisadçı əlavə edib ki, Azərbaycan TDT-nin açar ölkəsi, Orta dəhlizin (Şərq-Qərb-Şərq) qapısıdır: “Qapı yaxşı, doğru açılıb”.
İran ilə Ermənistan arasında münasibətləri formalaşdıranlardan biri də erməni milyarder Vardanyan olub.
Modern.az xəbər verir ki, bu barədə İsrailin ərəb dünyası və İran üzrə tanınmış eksperti, İsrail Müdafiə Qüvvələrinin Kəşfiyyat Korpusunun sabiq polkovnik-leytenantı, bu ölkənin nüfuzlu Bar-İlan Universitetinin şərqşünaslıq elmləri üzrə professoru və Universitetin Yaxın Şərq və İslam Tədqiqatları Mərkəzinin direktoru, Begin-Sadat Strateji Araşdırmalar Mərkəzinin tədqiqatçısı doktor Mordexay Kedar dünyanın ən nüfuzlu nəşrlərindən olan “Jerusalem Post” qəzetində dərc olunmuş “Ermənistan-İran əlaqələrinin möhkəmlənməsi” sərlövhəli məqaləsində yazıb.
Qeyd olunub ki, çirkli pulların yuyulması ilə də məşğul olan Vardanyan mütəşəkkil cinayətkar təşkilat yaradıb və erməni milyarderin cinayətkar əməlləri sırasına müxtəlif transaksiyaların saxtalaşdırılması da daxil imiş. Rusiya ilə Ukrayna arasında hərbi qarşıdurma başladıqdan sonra adıçəkilən şəxs aktivlərini və hesablarını Qərbin sanksiyalarından qorumaq üçün doğulduğu və fəaliyyət göstərdiyi vətəni Rusiyanın vətəndaşlığından imtina edib. Bununla da mənfəəti naminə istənilən addımı atan prinsipsiz biri olduğunu təsdiqləyib. Rusiyanı tərk edən Vardanyan Ermənistana, oradan da Azərbaycanın işğal altındakı Qarabağ bölgəsinə keçərək separatçı rejimin dövlət naziri təyin edilib və aparıcı simalarından olub. Müəllif terrorizmi və separatizmi maliyyələşdirmə, habelə başqa dövlətin sərhədini qanunsuz keçmə kimi ittihamlarla hazırda Azərbaycanda həbsdə saxlanılan Vardanyanın Rusiya-Ukrayna münaqişəsində tutduğu mövqeyə, habelə qanunsuz iqtisadi fəaliyyətinə görə Ukrayna və Qərb tərəfindən sanksiyaya məruz qalması faktına da diqqət çəkib.
Həmçinin diqqətə çatdırılıb ki, Vardanyan Tehran hökumətinin təsdiq etdiyi məruzəçilərin iştirakı ilə müxtəlif ölkələrdə tədbirlər təşkil edən Qorçakov Fondu vasitəsilə İran-Ermənistan münasibətlərinin koordinasiyası və irəliləməsi istiqamətində əhəmiyyətli fəaliyyət göstərib. Belə ki İran mətbuatına müsahibəsində iranlıları və erməniləri qədim tarix, ortaq mədəniyyət və sivilizasiyanın birləşdirdiyini vurğulayan Vardanyan bəyan edib ki, İran ermənilərin Qarabağ uğrunda mübarizəsində erməni xalqının naminə deyil, öz maraqları naminə iştirak etməlidir. Müsahibədə İrəvandakı Azərbaycan tarixi-mədəni irsinin abidəsi Göy məscidi İran və erməni xalqları arasında mədəni dostluğun rəmzi hesab etdiyini söyləyən erməni separatçı sözügedən abidənin bərpasının təşəbbüskarı olduğunu da xatırladıb.
Sonda müəllif Vardanyanın ədalətli şəkildə mühakimə olunaraq qanuni cəzasını alacağına ümidini ifadə edib.
Fransanın Şri-Lanka və Maldiv adalarındakı səfiri Jan-Fransua Pakte Kolombodakı iqamətgahında ölü tapılıb.
Bu barədə Şri-Lanka Xarici İşlər Nazirliyi mətbuata açıqlamasında bildirib.
Departament fransız diplomatın ölüm səbəbini dəqiqləşdirmir.
Məlumata görə, 53 yaşlı Paktenin ölümünə səbəb ürək tutması olub.
Mənbə: The Daily Mirror
"Ya görüşə könüllü gələcək (Paşinyan), ya da məcburən görüşəcək".
Musavat.com xəbər verir ki, bunu Tavuş yeparxiyasının baş yepiskopu Baqrat Qalstanyan bu gün İrəvanda keçirilən etiraz aksiyasında deyib.
Qeyd olunub ki, hazırda yürüş iştirakçılar İrəvandakı Respublika Meydanına qayıdır. Meydanda sabah səhər üçün elan edilən aksiyaların müzakirəsi keçiriləcək.
Slovakiyanın Baş naziri Robert Fitso mayın 27-də təkrar tibbi müayinədən keçəcək.
Bu barədə onun müalicə aldığı xəstəxananın rəsmi “Facebook” hesabında bildirilib.
“Baş nazirin sağlamlığı tibbi şuranın proqnozlarına uyğundur. Nəzarət müayinələri sabah da davam etdiriləcək”, - deyə məlumatda qeyd olunub.
Xatırladaq ki, Fitsoya sui-qəsd cəhdi mayın 15-də baş verib. Baş nazir kabinet iclasından sonra küçədə tərəfdarları ilə danışıb. 71 yaşlı yazıçı Yuray Cintula tapança ilə siyasətçiyə 5 dəfə atəş açıb və saxlanılıb. Sinə, bud və mədəsindən yaralanan baş nazir helikopterlə Bratislavadakı xəstəxanaya aparılıb.
Rusiya hakimiyyətinin nümayəndələri Londonda dəbdəbəli mülklərə sahibdir. Onun dəyəri on milyonlarla dollarla qiymətləndirilir.
Qaynarinfo "The Telegraph"a istinadən xəbər verir ki, jurnalistlər Britaniya paytaxtının ən elit ərazilərində Rusiyaya məxsus 10 daşınmaz əmlak aşkar ediblər.
Qeyd olunur ki, mülklər bərbad vəziyyətdədir və qonşular bir neçə ildir ki, bəzilərinin boş qaldığını, lakin əvvəllər orada rusdillilərin yaşadığını bildiriblər.
Eyni zamanda, bəzi daşınmaz əmlak obyektlərinin mülkiyyət hüququna dair sənədlərdə onların Ukraynanın razılığı olmadan satıla bilməyəcəyi barədə xəbərdarlıq var.
Highgate - 2,4 milyon funt-sterlinq (təxminən 2,97 milyon dollar)
Karl Marksın dəfn olunduğu qəbiristanlıqdan və Hampstead Heath gölməçələrindən bir qədər aralıda, Londonun şimal hissəsindəki təpədə Rusiya Federasiyasına məxsus bir ev var. Həmçinin yaxınlıqda müdafiə attaşesinin ofisi və bir vaxtlar Con Betjemanın yaşadığı və Britaniya hakimiyyətinin "casus yuvası" adlandırdığı ticarət nümayəndələyi yerləşir.
Ev indi qəzalı vəziyyətdədir və qonşular deti ki, ən azı bir neçə ildir boşdur. Piyada və avtomobil yolu alaq otlarıla örtülüb, qara metal darvaza isə asma qıfıllıdır.
Qonşu bildirib ki, ev hələ də Rusiya Federasiyasına məxsusdur və o, vaxtaşırı ticarət nümayəndə heyətinə zəng edərək ağaclarla məşğul olmağı xahiş edir.
Highgate - 2,3 milyon funt-sterlinq (təxminən 2,85 milyon dollar)
Bu təxminən 80 yard olan Rusiya ilə əlaqəli başqa bir ərazidir və pis günlərin yaşayır. Bağı otlar basıb, divarların boyası silinib. Bu, Rusiyaya məxsus olduğu güman edilən şəxsi mülkdəki dörd evdən biridir.
Qonşu deyib ki, yaxınlıqdakı rus ticarət nümayəndəliyi vaxtaşırı ot biçməyə adam göndərir. O əlavə edib ki, qonşu ev Britaniya xüsusi xidmətlərinə məxsusdur, ona görə də onlar bir-birini izləyə bilərlər.
Evin qiyməti təxminən 2,3 milyon funt-sterlinqdir. Qonşulardan biri deyir ki, son 35 ildə kiminsə ora girib-çıxmasını görməyib.
"Biz insanların ərazidəki evlərə soxulmaları və çardaqda müşahidə avadanlığı tapmaları haqqında hekayələr eşitmişik", deyə üçüncü qonşu bildirib.
Kensinqton - 1,5 milyon funt-sterlinq (təxminən 1,86 milyon dollar)
Qırmızı kərpicdən tikilmiş binanın həyətində qapalı bitkilər bitir və diplomatik nömrəli "Volkswagen" dayanır. Mülk son bir ildə mənzillərin orta hesabla 1.487.000 funta satıldığı ərazidə yerləşir.
Ön qapıya aparan divarda divar rəsmləri çəkilib, üzərində iki videokamera quraşdırılıb və binanın "Rusiya Federasiyasının Beynəlxalq Dəniz Təşkilatı yanında daimi nümayəndəliyi" olduğunu təsdiq edən qızılı lövhə var.
Rus ləhcəli, ağ jilet geyinmiş orta yaşlı kişi Rusiya adından beynəlxalq dəniz təşkilatında işlədiyini təsdiqləyib. O, həmçinin bildirib ki, bina hələ də Rusiya Federasiyasına məxsusdur və onun sakinləri ruslardır.
Holland Park - 1,65 milyon funt*sterlinq (2 milyon dollardan çox)
Ev akinləri arasında Ed Şiran və Elton Conun da olduğu, mənzillərin 1,65 milyon funta satıldığı küçədə yerləşir.
Gürcüstanın Baş naziri İrakli Kobaxidze ölkə Prezidenti Salome Zurabişvilini dövlətə xəyanətdə ittiham edib.
Bu barədə İ. Kobaxidze Müstəqillik Günü münasibətilə keçirilən tədbirdə çıxışı zamanı deyib.
“Xalqın və onun seçdiyi hökumətin birliyi və mənalı addımları bizə son iki ildə ekzistensial təhlükələrə və müxtəlif xəyanətlərə, o cümlədən prezidentə xəyanətə baxmayaraq, ölkədə sülhü qoruyub saxlamaq imkanı verib.
Gürcüstanın ən yaxın tarixi və müasir dünyada gedən proseslər bizə xüsusilə aydın şəkildə göstərdi ki, suverenlik ölkənin təhlükəsizliyinin ən səmərəli təminatıdır”,- deyə o bildirib.
Baş nazir vurğulayıb ki, hazırda Gürcüstan üçün öz dövlət müstəqilliyini qorumaq xüsusilə vacibdir.
Yeddilik Qrupu (G7) ölkələri Şimali Koreya və Rusiya arasında hərbi əməkdaşlığı pisləyib, həmçinin İranı Rusiyaya dəstəkdən imtina etməyə çağırıb.
Bu barədə G7 ölkələrinin maliyyə nazirlikləri və mərkəzi banklarının rəhbərlərinin İtaliyanın şimalındakı Stresa şəhərində keçirilən görüşünün yekunları üzrə qəbul edilmiş bəyanatında deyilir.
“Biz Şimali Koreya ilə Rusiya arasında artan hərbi əməkdaşlığı kəskin şəkildə pisləyirik. Bu, BMT Təhlükəsizlik Şurası qətnamələrinin birbaşa pozulmasıdır”, – sənəddə bildirilir.
G7 rəsmiləri həmçinin Rusiyaya ikili təyinatlı material və komponentlərin, eləcə də “bütün dünya şirkətlərindən, o cümlədən Çindən” hərbi istehsal üçün avadanlıqların tədarükü ilə bağlı narahatlıqlarını ifadə ediblər.