Belarus Ermənistanı paytaxt Minskdə baş tutan hərbi parada dəvət etsə də, bu ölkədən gələn olmayıb.

Teleqraf.com xəbər verir ki, bunu Belarus Təhlükəsizlik Şurasının katibi Aleksandr Volfoviç deyib.

“Erməni xalqının ataları və ulu babaları Belarus və Sovet İttifaqının azad edilməsində, Böyük Vətən müharibəsində iştirak ediblər, amma tədbirə gəlmədilər”, - katib bildirib.

İtaliyanın Toskana bölgəsinin hakimiyyət orqanları yaşamaq üçün oraya köçən insanlara pul ödəyəcək.

"DogruXeber.az" xəbər verir ki, bu barədə "Business Insider" məlumat yayıb.

“Dağ İqamətgahı” adlanan proqram regionda azalan əhalinin sayını sabitləşdirmək səylərinin bir hissəsi kimi iyun ayında başlayıb. Bildirilir ki, 2 milyon 800 min avro məbləğində ümumi fond yaradılıb, ondan rayonun kənd yerlərində məskunlaşmaq qərarına gələnlərə maaş veriləcək. Fond insanlara 10.000 ilə 30.000 avro arasında dəyişən qrantlar ödəyəcək ki, onlar Toskanaya köçüb yaşayacaqları kənd evini təmir edə bilsinlər.

"Məqsəd, bu ərazilərin marginallaşmasına qarşı durmaqla, dağlıq ərazilərin yenidən məskunlaşması və sosial-iqtisadi canlandırılmasını asanlaşdırmaq və təşviq etməkdir", - deyə hakimiyyət orqanları bildirib.

Proqram italyanların özləri, Aİ vətəndaşları, eləcə də Aİ-də ən azı 10 il uzunmüddətli yaşama icazəsi olan üçüncü ölkələrin vətəndaşları üçün əlçatandır. Tələblərə cavab verən ərizəçilər Toskana əmlakını əsas evlərinə çevirməyi öhdələrinə götürməlidirlər.

Proqramda iştirak üçün müraciətlər iyulun 27-də başa çatır.

Fransada Marin Le Penin öndərliyi altında ifrat sağçı Milli Ralli Partiyasının parlament seçkilərində qalib gəlməsi Prezident Emmanuel Makron üçün böyük riskdir.
Makronun İntibah Partiyası Avropa Parlamentinə keçirilən seçkilərdə Le Penə məğlub olmağın şokunu adlamamış növbəti fiasko ilə üzləşdi.
İndi Makronun siyasi səhnədəki vəziyyəti qeyri-müəyyən, dramatik və təhlükəlidir. Əsas sual budur ki, Makron özü üçün necə yer etməyə çalışacaq?
Fransa parlamentinə keçirilən seçkinin ilk turunda sol partiyaların “Yeni Xalq Cəbhəsi” və “Respublika Naminə Birgə” prezident blokunun koalisiyası ikinci yeri tutub.
Deməli, Fransa prezidentinin mərkəzçi sağ partiyasının mövqelərini itirməsi, dövlət idarəetməsində həddindən artıq sağçıların və solçuların rəhbərlik edəcəyi hökumət perspektivini ortaya qoyur. Bu isə Fransaya qarşı həm daxildə, həm də beynəlxalq platformalarda əks-reaksiyalar verilməsinə səbəb ola bilər. Beləliklə, Fransa sürpriz nəticələri olan uzunmüddətli siyasi böhranın astanasına gəlir.
Akshin Karimov
TEREF

Rusiya Federasiyasında yaşayan azərbaycanlı oxucularımızdan biri tərəfindən “Hürriyyət” qəzetinin redaksiyasının müraciət daxil olub. Şikayətçi Azərbaycan bayrağına qarşı hörmətsizlik olunmasına etiraz edir. Məlumat verir ki, Rusiyanın Çelyabinsk (“Челябинская”) bazarında Azərbaycan bayrağının rəngləri əks olunan qutular istifadə olunduqdan sonra zibillik sahəsinə atılır ki, bu da bayrağımıza qarşı aşkar sayğısızlıqdır:

“Belə bir sual ortaya çıxır: gömrük və digər qurumlar hara baxırlar? Vətənpərvərlik vətənini, dövlətini, xalqını, millətini sevməkdir! Onun inkişafına, rifahına çalışmaq, töhfələr verməkdir!

Üçrəngli bayrağımız milli birliyimizin təcəssümü, şəhid ruhlarının daşıyıcısıdır. Bayraq dövlətin əsas atributlarından biridir. O, müstəqiliyin və mövcudluğun rəmzidir. Hər bir ölkə öz bayrağı ilə dünyada tanınır.

Təəssüf ki, bəzi hallarda ya bilərəkdən, ya da bilməyərəkdən bayrağımıza qarşı hörmətsizlik olunur. Bu rənglərdən asanlıqla hər kəs öz mənfəəti üçün istifadə etməməlidir. Biz öz bayrağımıza, onun rənginə belə dəyər veririksə, onda başqa millətdən nə gözləyək?

Ən çətin günlərdə qoruduğumuz, uğrunda şəhidlər verdiyimiz bayrağımızın rəngləri indi hansısa ölkənin zibil sahəsinə atılır. Azərbaycanlı olan hər bir şəxs bu hadisəyə ciddi yanaşmalı və səhvini mütləq şəkildə düzəltməlidir.

Bir əsrdən çox yaşı olan bayrağımız tarixin bir çox hadisələrinə şahidlik etmiş, çətin sınaqlardan üzüağ çıxmışdır. Özümüz-özümüzə bu hərəkəti əsla etməməliyik”.

Məsələ ilə bağlı Bakı Dövlət Universitenin (BDU) Tarix kafedrasının müəllimi, politoloq Teymur Qasımlı ilə həmsöhbət olduq. O, bu kimi halların yolverilməz olduğunu bildirdi:

“Hər bir dövlətin öz atributları, dövlət simvolları çox önəmlidir. Çünki bu, dövlətin olması üçün vacib atributlardan və vacib məqamlardan biridir. Azərbaycan Respublikasının 3 rəngli bayrağı isə, mənə görə, dünyanın ən gözəl və ən mənalı bayraqlarından biridir. Azərbaycan Respublikasının bayrağının yaradıcısı, fikir babası Əlibəy Hüseynzadədir. Bayrağımızın siyasi olaraq yaradıcı isə Məhəmməd Əmin Rəsulzadədir. O bayrağın yaşaması, yaranması və cumhuriyətimizin işğalından sonrada bayrağın yaşaması və dalğalanması üçün də Məhəmməd Əmin Rəsulzadə müstəsna əhəmiyyətə, rola malik dövlət xadimimiz olub. Və Azərbaycanın qurtuluş ideoloqu, istiqlal çarçısı olub.

1991-ci ildə Azərbaycan bayrağı ikinci dəfə yenidən müstəqil Azərbaycanda dalğalandı. Əlbəttə, müstəqil dövlətimizdə belə hadisələrin baş verməsi yaxşı hal deyil. Bu, Azərbaycan Respublikasının vətəndaşı olaraq, şəxsən məni narahat edir, incidir. Mənim şəxsi düşüncəmə görə, belə hadisələrin baş verməsi insanların milli mənsubiyyətinə, dövlətə, bayrağa, millətə olan biganəliyindən irəli gəlir. Ona görə də, bu hadisələrin baş verməməsi üçün vətəndaşlarımız ilk növbədə gərək milli vətənpərvər, milli ruhlu olsun.

Bird aha deyirəm, sizin qaldırdığınız məsələ heç də xoş hadisə deyil, bunu hər bir Azərbaycan Respublikasının vətəndaşı qınamalı və bu kimi hallara qarşı ictimai qınaq ortaya qoyulmalıdır. Bu halın olmaması üçün isə insanın içində millət, vətən sevgisi, vicdan olmalıdır.

Azərbaycan Respublikasının dövlət atributlarının, dövlət rəmzlərinin qorunması üçün qanun var. Həmin qanuna əsasən, mütləq bu hadisəni törədənlər cəzalandırılmalıdır.

Əlbəttə, müəyyən bəlirli çərçivədə Azərbaycan Respublikasının dövlət maraqlarını təcəssüm etdirən, dövlət sifarişi ilə istehsal olunan bayraq şəkilləri, poçt markaları və s. hazırlana bilər. Amma, ümumi olaraq, mən bunun tərəfdarı deyiləm. İnsanın gərək millət, vətən sevgisi olsun. Ən önəmlisi də Azərbaycan milliyətçisi olsun, bayrağını, dövlət rəmzlərini, millətini, torpağını sevsin. İnsanın içində bir milli vicdan olmalıdır.

Ona görə də dövlət rəmzləri ilə bağlı olan məsələlər qanun çərçivəsində həll olunmalıdır, Azərbaycan Respublikasının Konstitusiyasına, Cinayət Məcəlləsinə uyğun tədbirlər görülməlidir. Bütün bunlardan əlavə, vətəndaşların özündə də məsuliyyət olmalıdır”.



Jalə FAMİLQIZI

Qazaxıstanın dörd şəhərində “sarı” terror təhlükəsi səviyyəsi tətbiq edilir
Astana şəhərində mühüm beynəlxalq tədbirlərin keçirilməsi ilə əlaqədar, Qazaxıstan Milli Təhlükəsizlik Komitəsi ölkə vətəndaşlarına müraciət edib.

Qazaxıstanın Milli Təhlükəsizlik Komitəsi xəbər verir ki, Astana, Almatı, Qaraqanda və Kökşetau sakinlərinə xəbərdarlıq edilib ki, Astanaya sammit üçün gələcək xarici nümayəndə heyətlərinin təhlükəsizliyini maksimum təmin etmək məqsədilə, dörd şəhərdə terror təhlükəsi səviyyəsi “sarı”ya qaldırılır və sakinlər üçün bir sıra məhdudiyyətlər tətbiq edilir.

Qurumdan bildirilib ki, iyulun 2-5-də Qazaxıstanda Şanxay Əməkdaşlıq Təşkilatının (ŞƏT) sammiti və Çin Xalq Respublikası Sədrinin dövlət səfəri də daxil olmaqla, bir sıra mühüm beynəlxalq tədbirlər keçiriləcək.

Məlumata görə, antiterror əməliyyatlarının keçirilmə zonalarında fiziki şəxslərin və nəqliyyat vasitələrinin hərəkəti məhdudlaşdırılacaq. Mühafizə olunan şəxslərin xüsusi marşrut üzrə hərəkət etdiyi ərazilərdə şəhər sərnişin nəqliyyatının hərəkəti dayandırılacaq.

Çeçenistan rəhbəri Ramzan Kadırov Rusiya İstintaq Komitəsinin rəhbəri Aleksandr Bastrıkinin Rostov və Dqistanda törədilən son terror aktlarını törədənləri “islamçı terrorçular” adlandıran bəyanatından qəzəblənib.

“Alexander İvanoviçə demək istərdim ki, belə bəyanatlarda son dərəcə diqqətli olmaq lazımdır. Mən dəfələrlə demişəm və bir daha vurğulayıram ki, müsəlmanlar terror aktı törətmirlər. Eyni zamanda, mən həqiqətən ümid edirəm ki, Aleksandr Bastrıkin daha İslamı terrorla müqayisə etməyəcək”, – Kadırov Telegram kanalında yazıb.

Çeçenistan rəhbəri vurğulayıb ki, heç bir din öz ardıcıllarına günahsız insanların qətli ilə məşğul olmağı, amansız, qanlı qırğınlar törətməyi əmr etmir: “Dinlər, özlərini istədikləri kimi adlandıra bilən, lakin müqəddəs kitablarla, istər İncil, istər Quran, istərsə də Tövratla heç bir əlaqəsi olmayan quduz fanatiklərin və şeytanların ekstravaqant fikirləri ilə qarışdırılmamalıdır.

Əgər Aleksandr İvanoviç səviyyəsində yüksək rütbəli məmurlar belə bəyanatlar verməyə icazə versələr, bu, ölkədəki ictimai-siyasi vəziyyət üçün son dərəcə pis nəticələnə bilər. Bu gün Rusiya xalqları heç vaxt olmadığı qədər birləşib və birləşiblər. Biz bu amili dəyərləndirməliyik, cəmiyyəti yaxşı və pis dinlərə bölmək lazım deyil”, – Kadırov yazıb.