İran hakimiyyəti Azərbaycanın Tehrandakı səfirliyinə edilən silahlı hücumu terror aktı kimi tanımaqdan imtina edərək ailə-məişət zəminində baş vermiş münaqişə kimi təqdim etməyə çalışır.

Hətta hadisənin baş verdiyi ilk dəqiqələrdən İranın həm rəsmiləri, həm də kütləvi informasiya vasitələri Yasin Hüseynzadənin guya həyat yoldaşını avtomat silahla xilas etməyə gəldiyinə dair açıqlama verməsi terror faktını gizlətmək məqsədi daşıyırdı.

İranın polis orqanları, Xarici İşlər Nazirliyi, parlamentin spikeri Məhəmməd Bağır Qalibaf istintaqın nəticələrini gözləmədən səfirliyə silahlı hücumu terror fəaliyyəti kimi qiymətləndirməyin əleyhinə çıxıb. Hətta Azərbaycan XİN-in yaydığı açıqlamada qeyd edilir ki, İran baş vermiş terror aktının beynəlxalq təşkilatlarda geniş işıqlandırılmasının qarşısını almağa çalışıb.

Ancaq çox keçmədən aşkara çıxan məlumatlar hadisənin nəinki terror əməli olduğunu sübut etdi, üstəlik bu cinayətin arxasında İran hakimiyyətinin, daha dəqiq desək İslam İnqilabı Keşikçiləri Korpusunun (SEPAH) dayandığı məlum oldu.

Qeyd edilir ki, Mərənd şəhərinin Yuxarı Yekan kəndində anadan olan 54 yaşlı Yasin (Səfər) Hüseynzadə İran-İraq müharibəsi zamanı SEPAH sıralarına qatılıb.

O, qısa müddət ərzində müharibədə 31-ci Aşura diviziyasında da iştirak edib. 1999-cu ilə qədər Təbrizdə SEPAH qərargahında yük maşını sürücüsü işləyib və SEPAH-dan könüllü olaraq təqaüdə çıxıb. Yasin 1999-2006-ci illərdə Mərənddəki Yaldur məscidinə bağlı “Bəsic” qüvvələrinin komandanı olub. O, indi də həmin "Bəsic" bazası ilə əlaqəsini davam etdirir. Hətta onun Təbrizdə “Bəsic” və SEPAH qüvvələri ilə birlikdə son aylar Bükan və Marağada baş verən anti-hökumət etirazlarının dağıdılmasında iştirak etdiyi barədə məlumatlar var.

Hücum edənin keçmiş və indiki əlaqələrini və SEPAH-la əməkdaşlığını nəzərə alsaq, terror aktının dəqiq və planlaşdırılmış əməliyyat olduğunu söyləmək mümkündür.

Onun silahı necə əldə etməsi ilə bağlı yayılan məlumatlar da terror aktının arxasında İran rejiminin dayandığını təsdiqləyir.

Yasin Hüseynzadə “Kalaşnikov" AK-47 silahı səfirliyə hücum edib. Azərbaycan səfirliyinin təhlükəsizlik əməkdaşının dediyinə görə, həmin silahın seriya nömrəsi saxtalaşdırılıb. Avtomatın qundağının yeganə aydın seriya nömrəsi N-12067-dir ki, bu da İran daxilində nömrələnib. Silahın İran Silahlı Qüvvələrinə məxsus olmadığı qeyd olunsa da, aşkar edildikdən sonra 25 iyun 2019-ci ildə Lorestan əyalətinin polis idarəsinin İctimai Təhlükəsizlik Komandanlığı tərəfindən qəbul edilib və ən azı 2021-ci ilin mart ayına qədər Zəncan əyalətinin polis qüvvələri tərəfindən aşkar edilən silah-sursat anbarında saxlanılıb.

Bütün bu faktlar İran hakimiyyəti tərəfindən Azərbaycana qarşı terror təxribatlarının davam edəcəyi ehtimalını yaradır. Çünki rəsmi Tehran diplomatik korpusun immunitetini və təhlükəsizliyini nəinki təmin etməyib, üstəlik bu terrorun arxasında İran hakimiyyətinin dayandığı aşkara çıxıb. Yəni söhbət bir dövlətin öz ərazisində yerləşən digər dövlətin diplomatik heyətinə qarşı rəsmi səviyyədə təşkil olunmuş qəsdən adam öldürmə cinayətindən gedir. İstintaq bu məlumatları təsdiq edərsə, İrana qarşı beynəlxalq sanksiyalar gündəmə gələ bilər.

Güney Azərbaycan Milli Oyanış Hərəkatının İdarə Heyətinin üzvü Ağrı Qaradağlı Cebhe.info-ya açıqlamasında bildirib ki, İran hakimiyyətinin Yasin Hüseynzadənin əlindəki silahdan başqa terror aktlarının törədilməsində istifadə edildiyi də istisna edilmir:

“Terror hadisəsi baş verdiyi ilk saatlardan biz bu cinayətin arxasında İslam İnaqilabı Keşikçiləri Korpusunun dayandığını bilirdik. Sadəcə bu faktı sübut etməyə ehtiyac var idi. İran Xarici İşlər Nazirliyinin nümayəndələri və başqa rəsmiləri Azərbaycan dövlətinin adını çəkə bilmir, deyirlər ki, Bakı səfirliyinə edilən silahlı hücum şəxsi məsələdir. Bunlar hamısı Azərbaycana qarşı kin və düşmənçilik münasibətindən irəli gəlir.

İkincisi, Yasin Hüseynzadənin SEPAH-ın və ya “Bəsic” qüvvələrinin üzvü olması bəlli idi. Biz hadisənin baş verdiyi ilk dəqiqələrdən onun ya “Hüseyniyyun”, ya da “Fatimiyyun” terror təşkilatlarından biri tərəfindən törədildiyini demişdik. Hətta dünən Yasin Hüseynzadənin keçmiş həyat yoldaşı da onun “Hüseyniyyun” terror qruplaşmasının üzvü olduğunu deyib. Bu təşkilat da SEPAH-a bağlı terror qruplaşmasıdır.

İran xüsusilə də Azərbaycanda, İraqda, Suriyada bu terror qruplarından istifadə edir və insanları öz təsirini altına salmağa çalışır. Yasin Hüseynzadə ilə bağlı üzə çıxan başqa faktlar da terrorun həyata keçirilməsində istifadə olunan “Kalaşnikov” silahının ona İran hüquq-mühafizə orqanları tərəfindən verildiyini təsdiq edir. Belə ki, 2019-cu ildə bir terrorçunun əlində yaxalanmış həmin silah Zənganın İctimai Asayişi Mühafizə qüvvələrinin deposunda saxlanırmış. Bir il öncə bu silah anbardan çıxarılıb.

O zaman sual olunur: Necə olunur ki, intizam qüvvələrinin, yəni rejimin əlində olan silah bu terrorçunun əlinə keçib? Deməli, bu silah İnqilab Keşikçiləri Korpusu tərəfindən alınıb və Yasin Hüseynzadəyə verilib. Hətta başqa terror aktlarında da həmin silahldan istifadə olunduğu istisna olunmur. Bu göstərir ki, İranın terror faktını gizlətməyə çalışsa da, bu cinayət rəsmi Tehranın, yaxud SEPAH-ın tapşırığı ilə həyata keçirilib. Yasin Hüseynzadəni də bu işə cəlb etməklə terroru ailə münaqişəsi kimi göstərmək istəyiblər”.

Ağrı Qaradağlının sözlərinə görə, İran dünya ölkələri üçün təhlükə mənbəyinə çevrilib:

"Bu baxımdan, beynəlxalq ictimaiyyət İran rejiminə qarşı ciddi tədbirlər görməlidir. İran artıq zəhərli ilana çevrilib. Ona görə də İranın qarşısını almasalar qarşısına çıxanı sancacaq.

Yalnız Azərbaycan deyil, dünya ictimaiyyəti də bundan xəbərdar olmalıdır. İrana tətbiq edilən sanksiyaların sayı artırılmalıdır. Azərbaycan dövləti başqa ölkələrdə yaşayan diaspora vasitəsilə beynəlxalq səviyyədə bu məsələni gündəmə gətirməli və bildirməlidir ki, İran rejimindən başqa dövlətlər də zərər çəkə bilər. Ona görə də biz bu məsələni ciddiyə alıb ayıq olmalıyıq.
Bu baxımdan, Daxili İşlər Nazirliyi tərəfindən İranın Azərbaycandakı bir qrup casus şəbəkəsinin ifşa edilməsi də müsbət haldır.

Hesab edirəm ki, Azərbaycanın Təbriz şəhərindəki konsulluğunun təhlükəsizliyinin təminatı Tehrandakı səfirlikdə olduğu kimi deyil.Konsulluğa kimsə basqın edə bilməz. Diplomatik təmsilçiliyimizi mühafizə etmək Azərbaycan xalqının vəzifəsidir. Tehranda səfirliyin mühafizəsinə cavabdeh olan İran polisi terrorçunu görən kimi qaçıb. Halbuki, orada iki nəfər polis nəfəri dayanmalıdır. Onların biri binanın girişinin sağ tərəfində, digəri sol tərəfində mühafizə işini yerinə yetirməlidir. Məndə olan məlumata görə, digər səfirliklərin də mühafizəsinə iki nəfər polis ayrılıb. Amma Azərbaycan səfirliyinə bir nəfə polis ayrılmışdı ki, o da terrorçunu görən kimi ərazini tərk edərək qaçıb”.

Qeyd edək ki, İran rejiminin terror əməlini məhz Mərnddən olan Güney azərbaycanlının əli ilə törətməsi təsadüf hesab olunmur. Bu, İran rejiminin Şimali və Cənubi Azərbaycan türkləri arasında qarşıdurma yaratmaq, beləliklə bütövləşmə ideyasına zərbə vurmaq planının tərkib hissəsi sayılır.

Ağrı Qaradağlının fikrincə, İran rejimi terror və təxribat əməllərini hətta Azərbaycan vətəndaşları, yaxud başqa millətə mənsub olan şəxslər vasitəsilə də həyata keçirə bilər:

“Səfirliyə silahlı hücumu Qumda təhsil almış və İranın xüsusi xidmət orqanları ilə əməkdaşlığa cəlb olunmuş, “Hüseyniyyun” terror təşkilatına qoşulmuş Tohid Eminbəyli, Rza Ağalı kimi adamların da əli ilə həyata keçirə bilərdilər.

İran rejiminin milli düşüncədən məhrum olmuş, tarixini bilməyən, manqurt adamlardan istifadə etməsi mümkündür. Ona görə də bir nəfərin cinayətini bütünlüklə Güney Azərbaycan məsələsinə aid etmək olmaz. Əlbəttə, İran rejimi Güney və Quzey Azərbaycanı qarşı-qarşıya gətirmək istəyir. Lakin İran hakimiyyəti nə qədər belə palnlar hazırlasa da, bizi bir-birimizdən ayıra bilməz”.

“Prezident Zelenski bütün yüksək rütbəli məmurlara siqnal verdi: müharibə şəraitində işləmək və ona uyğun yaşamaq lazımdır”

İndi Prezidentin öz kabinetini təmizləməkdə daha da irəli gedəcəyi sualı açıq qalmaqdadır

Son günlər Rusiya ilə genişmiqyaslı müharibə fonunda Ukraynanın hakim dairələrində istefalar, işdən çıxarılma halları müşahidə edilir. Hazırkı dövrdə rəsmilərin istefası, korrupsiya ittihamı ilə işdən çıxarılma hallarının hansı fəsadlar yarada biləcəyi, belə təmizləmələrin lazımlı olub-olmaması barədə UNİAN yazı dərc edib. AYNA məqaləni istinadla təqdim edir:

Son zamanlar Ukraynanın bir sıra rəsmiləri ölkə üçün çətin günlərə tamamilə məhəl qoymurmuş kimi görünür. Nə şərq cəbhəsində gedən şiddətli döyüşlər, nə də Rusiyanın Ukrayna şəhərlərini atəşə tutması, məsələn, hüquq-mühafizə orqanlarının indiki nümayəndələrinin dünyanı gəzməsinə, dincəlməsinə mane olmadı. Xüsusən də baş prokurorun müavini Aleksey Simonenkonun İspaniyada istirahətindən fotoreportaj cəmiyyəti hiddətləndirdi.

Bu vəziyyət onun işdən çıxarılmasına səbəb olub. Prezident bütün dövlət qulluqçularının xaricə qeyri-dövlət səfərlərini qadağan etdi.

Hətta genişmiqyaslı müharibə başlayandan bəri daimi olaraq xarici ezamiyyətlərdə, hətta rəsmi parlament nümayəndə heyətlərinin tərkibində olmalarından sui-istifadə edən Ali Radanın deputatları oldu.

“Xalqın qulluqçusu”ndan olan xalq deputatı Mikola Tışçenkonun Praqada xeyriyyə naharında necə “parıldadığını” və ya Kira Rudıkın Nyu-Yorkda “qırmızı xalça”da necə parad keçirdiyini xatırlayaq. Belə səfərlərə görə Xarici İşlər Nazirliyi rəsmi ezamiyyətdən sonra gəlməyən deputatların diplomatik pasportlarını artıq ləğv etməli idi. Amma bu, baş vermədi. Deməli, Prezident parlamentarilərə onların da dövlət qulluqçusu (xüsusi statuslu) olduğunu xatırlatmalıdır.

"Bu qərar mərkəzi hökumətin bütün məmurlarına, yerli özünüidarəetmənin müxtəlif səviyyəli işçilərinə aiddir. Bu, hüquq-mühafizə orqanlarının əməkdaşlarına, xalq tərəfindən seçilən məmurlara, prokurorlara və dövlət və dövlət üçün işləməli olan bütün şəxslərə aiddir. Əgər indi dincəlmək istəyirlərsə, dövlət qulluqçusu kimi yox, vəzifəsini itirərək istirahət edəcəklər”, – Ukrayna lideri Volodimir Zelenski bildirib.

Bir çox qalmaqallar təkcə işdən çıxarılma ilə deyil, həm də cinayət işinin açılması ilə nəticələndi. Ən səs-küylü xəbərlərdən biri də Müdafiə Nazirliyinin ehtimal ki, şişirdilmiş qiymətə bağlanmış ərzaq alqı-satqısı müqavilələrinin mətbuatda dərcindən sonra oldu. Nazir Oleksey Reznikov sənədlərdəki səhvləri izah etsə də, podratçı şirkət jurnalistlərin açıqladığı faktları “manipulyasiya” adlandırsa da, ukraynalılar araşdırmasının nəticələrini gözləyirlər. Bu davam edərkən, Silahlı Qüvvələrin arxa təminatına cavabdeh olan idarə rəisinin müavini Vyaçeslav Şapovalov artıq Müdafiə Nazirliyi sıralarından istefa verib. Bundan əlavə, satınalma departamentinin direktoru Boqdan Xmelnitski vəzifəsindən azad edilib.

"Dekabrın sonunda o, vəzifəsindən kənarlaşdırıldı, yanvarda isə işdən çıxarıldı", - Reznikov qeyd edib.

400 min dollar rüşvət və generatorların alınması zamanı büdcə vəsaitlərinin mənimsənilməsi ifşa olunmuş, infrastruktur nazirinin keçmiş müavini Vasil Lozinski də vəzifəsini itirib. Həbsindən dərhal sonra Ali Korrupsiyaya Qarşı Mübarizə Məhkəməsi sabiq məmuru 24 saat ev dustaqlığına göndərib.

Ümumilikdə, Nazirlər Kabinetinin Ali Radadakı nümayəndəsi Taras Melnıçukun, sosial siyasət nazirinin müavini Vitali Muzıçenkonun, infrastruktur nazirinin müavinləri İvan Lukerya və Vyaçeslav Neqodanın, habelə Dövlət Dəniz Xidməti rəhbərinin iki müavininin və Daxili Nəqliyyatdan Anatoli İvankeviç və Viktor Vışnyov cəzalandırıldı.

Bundan əlavə, hökumət beş regional hərbi administrasiyanın - Dnepropetrovsk, Zaporojye, Kiyev, Sumı və Xerson vilayətlərinin rəhbərlərini vəzifədən azad edib.

Politoloq Oleksandr Antonyuk hesab edir ki, hazırda hökumətdə və yerli idarəetmədə problemlərin həllinə sistemli yanaşma əvəzinə məmurların yerindəcə dəyişdirilməsi mövcuddur. O, əmindir ki, Nazirlər Kabineti öz daxili araşdırmasını aparmalı və hələlik satınalmalara cavabdeh olan şaquli menecerləri vəzifəsindən kənarlaşdırmalıdır.

"İcmaların inkişafına cavabdeh olan deputatların - cənab Lukeri və cənab Neqodanın vəzifədən azad edilməsi məni təəccübləndirdi. Onlar heç bir yerdə qalmaqal yaratmayan səriştəli və layiqli insanlardır. Başqalarının işdən çıxarılması korrupsiya qalmaqallarım ilə bağlı "izdir". Ümumiyyətlə isə bütün hökumətin yenidən qurulması məntiqlidir”, - Antonyuk düşünür.

Siyasi elmlər namizədi Aleksiy Yakubin də onunla razılaşır: "Düşünürəm ki, gələcəkdə nazirlərin dəyişdirilməsi ilə bağlı xəbərlər eşidiləcək. İndi bir növ təhlillər gedir. Hökumətdə kimin müharibə relsləri üzərində dayana bildi, kim dayanmadı: hansı nazirliklər müəyyən funksiyalarını itirdi və ya daha az aktual oldu, bunlara baxılır”.

Politoloq Volodimir Fesenko Nazirlər Kabinetində kəskin dəyişiklikləri istisna etmir. Onun fikrincə, 2023-cü ildə ötən ildən başlayan hökumət islahatlarının davam etdirilməsinin vaxtı çatıb. Xüsusilə, söhbət Gənclər və İdman Nazirliyinin, eləcə də Strateji Sənaye və Sənaye Nazirliyinin mümkün ləğvindən gedir.

“Artıq Tikinti və Regional Siyasət Nazirliyi ləğv edilib. İndi idman naziri Vadim Qutzait MOK-un rəhbəri vəzifəsinə keçib, nazir Pavlo Ryabikin isə qeyri-rəsmi məlumata görə, Çinə səfir təyin olunacaq. Hermanla bağlı şikayətlər olub. Qaluşenkonun işi yarımçıq qalıb. Əgər onun yerinə başqan tapılarsa, düşünürəm ki, bu barədə qərar tezliklə veriləcək. Minsk prosesi çərçivəsində yaradılan Müdafiə və Energetika Nazirliyi ilə bağlı da sual var. Böyük müharibənin şərtləri, bu nazirliyin klassik potensialını dəyişib”, - Fesenko hesab edir.

Ekspertlər hökumətdəki bütün dəyişikliklərin bir anda baş verdiyini kadr məsələsinin həlli üçün əlverişli vaxtın yaranması ilə izah edirlər. Bundan əvvəl nazirlərin dəyişdirilməsi - kütləvi raket hücumları və ya enerji sektorunda kritik problemlər zamanı - yersiz görünürdü. Bu, ölkə üçün çətin bir zamanda hökumətin işini poza bilərdi. Vəziyyətin daha stabil göründüyü bu gün, yığılmış suallara cavabı gecikdirmək üçün heç bir əsas yoxdur. Xüsusən də səs-küylü qalmaqallar fonunda.

Bundan əlavə, hökumətdə və regionlarda rotasiya Ukraynanın tərəfdaşlarının kadr sisteminin yaradılması, xüsusən də beynəlxalq donorların yardımlarının bölüşdürülməsinə nəzarətin təkmilləşdirilməsi tələbi ilə bağlı ola bilər.

“Bunun sadə səbəbləri var. Hazırda büdcəmizin 50%-i Qərb donorlarından gəlir. Bu, 40 milyard dollardan çox vəsaitdir. Tərəfdaşlar Nazirlər Kabinetindən daha çox şəffaflıq görmək istəyirlər", - Yakubin vurğulayıb.

Öz növbəsində, Fesenko vurğulayıb ki, Ukrayna Prezidenti hazırda beynəlxalq tərəfdaşlara mövcud problemlərə göz yummamaq niyyəti barədə siqnal göndərir.

"Biz görürük ki, bu, bir tendensiya, məsələlər kompleksi və beynəlxalq tərəfdaşlara güclü bir siqnaldır. Məsələn, müharibə şəraitində problemlər var, lakin həm antikorrupsiya qurumları, həm də onları həll etmək üçün impulslar var. Bütün istefalar müxtəlif şəraitdə baş verib. Amma ümumi olan odur ki, Prezident bütün yüksək rütbəli məmurlara siqnal verib: müharibə şəraitində işləmək və ona uyğun yaşamaq lazımdır. Müharibə tələbləri ilə eyni zamanda korrupsiyaya qarşı mübarizə də gücləndi”, - Fesenko söyləyib.

Tərəfdaşların isə reaksiyası çox çəkmədi. Avropa Komissiyası başlanan araşdırmanı müsbət qarşıladı və Ukraynanın güc strukturlarında korrupsiyanın aradan qaldırılması ilə bağlı islahatları alqışladı.

Avropa Komissiyasının Genişlənmə və Qonşuluq Məsələləri üzrə sözçüsü Ana Pisonero deyib: “Biz Ukrayna hakimiyyətinin bu problemlərə ciddi yanaşmasını alqışlayırıq”.

ABŞ Dövlət Departamentinin nümayəndəsi Ned Prays Ukraynada antikorrupsiya islahatlarını alqışlamaqla yanaşı, Prezident Zelenskinin məmurların “öhdəliklərini yerinə yetirmədikləri” təqdirdə məsuliyyətə cəlb etmək üçün qətiyyətli addımlarını dəstəklədiyini bildirib.

“Vahid Ukrayna” Analitik Mərkəzinin eksperti İqor Petrenkonun fikrincə, korrupsiya qalmaqalları şübhəsiz ki, Ukraynaya diqqəti daha çox cəlb edəcək. Axı korrupsiya qalmaqallarının Amerika yardımlarının mənimsənilməsi ilə bağlı olub-olmaması məsələsi artıq Dövlət Departamentində qaldırılıb.

"Hökumətin sürətli reaksiyası yarana biləcək potensial neqativləri kompensasiya etdi. Amma gəlin realist olaq: ​​bəziləri bu məsələlər bizə qarşı silah kimi istifadəe diləcək. Demək istəyirəm ki, senatorlar və konqresmenlər indi Ukraynaya göstərilən yardıma nəzarətin zəruriliyini daha fəal şəkildə vurğulayacaqlar. Ona görə də indi hakimiyyətin dərhal reaksiyası çox vacibdir” - Petrenko vurğulayıb.

Ekspertin sözlərinə görə, hazırda ölkədə hökumətin hərəkətləri, Prezidentin hərəkətləri, qələbəyə doğru hərəkat ətrafında milli konsolidasiya müşahidə olunur: “Ona görə də dövlət başçısı Ukraynanın Rusiya Federasiyası ilə uzunmüddətli qarşıdurma və yıxılma müharibəsi mərhələsinə qədəm qoyduğunu nəzərə alaraq, onu mümkün qədər qoruyub saxlamağa üstünlük verir.

"Mən istəmirəm ki, düşmənin istifadə edə biləcəyi problemli məqamlar olsun. Buna görə də Prezident cəld reaksiya verməyə çalışır ki, nə tərəfdaşların, nə də ukraynalıların hakimiyyətin göz yumduğu məsələlər olmasın".

Məhz buna görə də “İşdən çıxarılma paradı” təkcə dövlət məmurları ilə məhdudlaşmayıb, Prezident Aparatı rəhbərinin müavini Kiril Timoşenkonun da işdən çıxarılması məsələsi gündəmə gəlib.

Bununla belə, ekspertlər hesab edirlər ki, onun işdən çıxarılması faktiki olaraq Prezident komandasından kənarda qalması demək deyil, xüsusən də hüquq-mühafizə orqanlarından ona qarşı heç bir şikayət olmadığı üçün.

"Deyirlər ki, Timoşenkonun səhv işlərə yol verməsi şəxsən Prezidentin xoşuna gəlməyib. Və maşın və əmlakla bağlı qalmaqallar nəticəsində ondan "öz istəyi ilə" getməyi tələb ediblər.

İndi Prezidentin öz kabinetini təmizləməkdə daha da irəli gedəcəyi sualı açıq qalmaqdadır.
Ayna.az

“İrqi ayrı-seçkiliyin bütün formalarının ləğv edilməsi haqqında” Beynəlxalq Konvensiyanın (CERD) tətbiqi ilə bağlı iş üzrə Azərbaycan Respublikasının Beynəlxalq Ədalət Məhkəməsinə ünvanladığı müvəqqəti tədbirlərin təyin edilməsinə dair müraciət üzrə ictimai dinləmələr başa çatıb.

"Report" xəbər verir ki, yanvarın 31-də Haaqadakı Sülh sarayında keçirilən dinləmələrdə Azərbaycan nümayəndə heyətinə xarici işlər nazirinin müavini Elnur Məmmədov rəhbərlik edib.

Bundan sonra Beynəlxalq Ədalət Məhkəməsi müzakirələrə başlayacaq.

Qeyd edək ki, müvəqqəti tədbirlərin görülməsi barədə vəsatətlə bağlı məhkəmənin qərarı açıq iclasda çıxarılacaq və onun vaxtı müəyyən edilmiş müddətdə elan olunacaq.

Ukrayna hökumətində fövqəladə kadr dəyişiklikləri baş verir. Bu xəbər hazırlananda korrupsiya ittihamı ilə vəzifədən gedən və ya işdən çıxarılan məmurların sayı 11-ə çatmışdı. Prezident Zelenski xalqın etimadını bərpa etməyə çalışır, amma ittihamlar çox ciddi, dövr çox pisdir.

Müttəfiqlərindən milyardlarla dollarlıq hərbi, humanitar və maliyyə yardımı alan Ukraynada korrupsiya iddiaları bu dəstəyi risk altında qoyur.


İş o yerə çatıb ki, bəzi amerikalı siyasətçilər Ukraynaya yardımı məhdudlaşdırmağa çağırıblar.

“Ukrainska Pravda” saytının araşdırmaçı jurnalisti Mykhaylo Tkach-ın iddiasına görə, yüksək rütbəli bir məmurun şəxsi məşqçisi Rusiyanın Ukraynaya hücumundan bu yana milyonlarla funt sterlinq alıb.

Tkach Zelenskinin köməkçilərindən biri haqqında da yazıb.

Tanınmış podratçının Prezident ofisinin müdir müavini Kirilo Timoşenkonun ailəsini bir mülkə köçürməsi xəbərindən iki ay sonra o istefa verib.

Jurnalistin yaydığı video materiallarda Timoşenkonun bir neçə ay ərzində “Porsche” markalı avtomobil sürdüyü görünür.

Timoşenko isə yanlış bir hərəkət etmədiyini iddia edib.

“Deputatlar və məmurlar pullarının mənbəyini açıqlamaq istəməyəndə dəbdəbəli sərvətlərini öz qohumlarının adına keçirirlər”, – Tkach belə deyir.


Ukraynanın milyardlarla dollar yardım alması fonunda jurnalist Mykhaylo Tkach korrupsiya ittihamlarını araşdırır
Ukraynanın milyardlarla dollar yardım alması nəzarət məsələsini gündəmə gətirir
“Bunlar göstərir ki, cəmiyyətin məmurların hər addımından xəbərdar olması lazım gələn dövrdə şəffaflıq yoxdur”.

Jurnalist korrupsiyanın bir çox başqa ölkələrdə də olduğunu qəbul edir. Buna görə də hesab edir ki, ən vacib şey baş verənlərə etiraz etməkdir.

Ötən həftə Ukraynanın infrastruktur nazirinin müavini Vasil Lozinski vəzifədə olduğu müddətdə büdcədən 400 min dollara yaxın vəsaiti mənimsəməkdə şübhəli bilinərək saxlanılıb.

Müdafiə naziri Aleksiy Reznikova qarşı isə rəhbərlik etdiyi qurum üçün ərzaq tədarükü tenderinin qiymətini şişirtmək iddiası üzrə istintaq başladılıb.

“Söhbət Ukraynanın yaşamaq uğrunda mübarizəsindən gedir. Bu, ölkəmiz üçün adi bir il deyil. Ona görə də prezidentin təşəbbüsü ilə baş verən bu istefa dalğasını mühüm və zəruri addım hesab edirəm”, – Tkach bildirib.


İvana illərdir vəzifədə olan siyasətçilərin yerinə yenilərinin gətirilməli olduğunu düşünür.
Ukrayna 31 il əvvəl müstəqilliyini elan edəndən bəri korrupsiya dövlət xidmətlərini və ən çox da siyasəti sarsıdıb.

Xalqın demokratik rejimdə yaşamaq istəyi o qədər böyük vüsət alıb ki, sonuncu Moskvayönlü hökumət 2014-cü ildə xalq üsyanı ilə hakimiyyətdən kənarlaşdırılıb.

O vaxtdan bəri Ukrayna bir sıra islahatlara cəhd edib, buna Rusiyanın ölkəyə hücumları da təkan verib. Qərbin davamlı dəstəyini təmin etmək üçün dəyişiklik vacib hesab olunub.

Bu prosesdə korrupsiya ilə mübarizə aparan yeni institutlar, dövlət xərcləri üçün yeni sistemlər və yeni polis strukturu yaradılıb və siyasətçiləri tez-tez öz heyrətamiz sərvətlərini açıqlamağa məcbur ediblər.

Ukrayna Parlamentinin Korrupsiyaya qarşı mübarizə komitəsinin sədr müavini Yaroslav Yurçişin deyir ki, “Biz nəticə istəyirdik. Bəli, keçmişdəki korrupsiyanın qalıqları var, amma ən azı indi bunu sükutla qarşılamırıq. Növbəti addım onların qarşısını almaq olacaq”.

Yurçişinin fikrincə, nazirlərin Qərb yardımlarını riskə atan səhvlərini ifşa etmək üçün bundan yaxşı vaxt ola bilməz:

“Qərb tərəfdaşları başa düşürlər ki, bizim iki savaşımız var. Birincisi Rusiyaya qarşı, ikincisi isə Ukraynanın gələcəyi naminə daxili savaşımızdır”.

Rusiyanın Ukraynaya 2022-ci ilin fevral ayında başlamış təcavüzündən əvvəl Avropa İttifaqı və ABŞ Kiyevin korrupsiyaya qarşı mübarizə tempindən narazı idilər.

Hələ ki yeni iddiaların Zelenskinin siyasi taleyinə necə təsir edəcəyi məlum deyil. Amma artıq ABŞ antikorrupsiya qərarlarını “sürətli və qətiyyətli” adlandırıb.

Zelenski digər müttəfiqlərin də bu mövqedə olacağına ümid edir.

Materialın hazırlanmasında Hanna Chornous və Siobhan Leahy də iştirak ediblər.
pressklub

İsrailin sabiq baş naziri Naftali Bennett Co Baydenə verdiyi cavaba diqqət edin. Deməli, cənab Bayden xahiş edir ki, İsrail İrana hər hansı bir zərbə endirməmişdən öncə ABŞ-a məlumat versin. Cənab Bennett isə deyir ki, elə şey haqqında düşünməyin də...
Balaca İsrailin Baş naziri o boyda ABŞ-ın prezidentinin xahişini beləcə rədd edir. İsrail nəyə arxayındır? Deyim. ABŞ dövlətçilik düşüncəsi son dərəcə yüksək olan evanqelist etiqadının hakim olduğu bir imperiyadır. Evanqelistlər yəhudilərə tarixən həmişə dəstək veriblər. Bu, onların dini baxışlarından irəli gəlir. Məhz ona görə də Fələstin məsələsində evanqelist Amerika İsrailin yanındadır. Çünki inanırlar ki, Fələstin Allahın yəhudilərə vəd etdiyi torpaqlardır...
Amerika əhalisinin 2 faizə yaxını yəhudidir və bu 2 faiz o boyda Amerikanı fırladır. Yəhudilər siyasət, mədəniyyət, ticarət, media, texnologiya... kimi sahələrdə dominant mövqelərə sahibdirlər.
O da sirr deyil ki, yəhudilər arasında milli və dini birlik ən üstün səviyyədədir. Məhz bu möhtəşəm güc İsrail dövlətinə imkan verir ki, ABŞ prezidentinin xahişini rədd etsin...
İsralin hazırkı baş naziri Benyamin Natenyahu isə bu mənada daha radikaldır.
Elbəyi Həsənli
Teref.az

“Baş verən hadisələrlə bağlı hörmətli Prezidentimiz bu silahlı hücumu terror aktı kimi qiymətləndirib və terror aktını pisləyib. Bu, ölkəmizin mövqeyidir”.

Bunu jurnalistlərə açıqlamasında xarici işlər nazirinin müavini Xələf Xələfov deyib.

Xələf Xələfov bildirib ki, biz bu hadisə baş verəndən sonra öncə İranın ölkəmizdəki səfrini Xarici İşlər Nazirliyinə dəvət etdik:

"Əlimizdə olan ilkin məlumatlar əsasında Azərbaycan dövlətinin tələblərini İran səfirinin nəzərinə çatdırmışıq. Əsas tələbimiz ondan ibarətdir ki, İran məsuliyyət daşıyan dövlət kimi beynəlxalq öhdəlikləri çərçivəsində baş vermiş terror aktını hərtərəfli və təfsilatlı olaraq şəffaf şəkildə tədqiq etməlidir, cinayətkarları məsuliyyətə cəlb etməlidir, cinayətkarların arxasında duran, təşkil edən, bu cinayətin törədiıməsində əli olan bütün iştirakçılara müəyyən etməlidir və onları ədalət məhkəməsinə cəlb etməklə cəzalandırılmalıdır”.

Azərbaycanın ayaqda qalmaq strategiyası.
Yanlış olaraq məhz 21-ci əsri “rəngli inqilablar” və “hibrid müharibələr” əsri adlandırırlar, əslində bu məsələlərin kökü dərindir. Daha bir yanlışlıq odur ki, məhz Qərbi, əsas da ABŞ-ı bu məfhumların yaradıcısı kimi qəbul edirlər, əslində isə müxtəlif inqilablar, çevrilişlər və proksi-müharibələr 20-ci əsrin icadıdır (əvvəllər də olub, amma daha çox saray çevrilişləri və muzdlu döyüşçülər şəklində), 21-ci əsrdə sadəcə texloji inkişaf, əsas da İnternetin yayılması forma və zaman baxımından bu məsələdə yeniliklər gətirdi.
ABŞ, əslində 20-ci əsrin əvvələrinə qədər dünya siyasətində yox idi, özünə qapanmış, öz dünyasını quran bir ölkə kimi yaşayırdı. Birinci Dünya müharibəsindən sonra ABŞ güclənməyə başlasa da, amma hələ də iqtisadi və hərbi olaraq ciddi söz sahibi deyildi, hətta, məsələn 1930-cu illərin əvvəlində Argentina ÜDM-in həcminə görə ABŞ-dan daha üstün durumda idi. ABŞ-ın güclənməsi və dünya siyasətinin mərkəzinə çevrilməısi İkinci dünya müharibəsi dövrü və post-müharibə zamanı baş verdi.
20-ci əsrdə dünyada inqilabların və çevrilişlərin “ixracı” ilə məşğul olan ölkə məhz SSRİ idi – dünyada kommunist ideyasının yayaılması üçün ölkələrdə çevrilişlər edir, maddi dəstək göstərir, silahla təmin edirdi. İkinci Dünya müharibəsinə qədər bu addımlar daha çox Avropada (İspaniya, Finlandiya, İtaliya və s.) atılırdısa, müharibədən sonra SSRİ 50-dən çox Afrika, Asiya və Latın Amerikası ölkələrində çevrilişlərin, “rəngli inqilabların” təşkilatçısı, silah-sursatla “sol” siyasi qüvvələrin təmin edən ölkə idi. Bu haqda çox geniş yazmaq olardı, amma mətn yorucu olmasın deyə maraqlananlar çoxsaylı mənbəələrdən məlumat ala bilərlər.
SSRİ birbaşa açıq hərbi müdaxilə etdiyi ölkələrin siyahısı da uzundur: Macarıstan, Çexoslovakiya, Əfqanıstan ancaq daha çox bilinənlərdir, amma Suriya, Misir, Liviya, İran və s. ölkələr də var.
Bu gün Kreml təbliğatı özünə əl qatıb Qərbin Ukraynaya kömək etməsini “ifşa” etməklə məşğuldur, amma məhz Kreml proksi-müharibələrdə İsrailə, ABŞ-a, Fransaya, Britaniyaya və s. dövlətlərə qarşı müxtəlif Afrika, Asiya və Latın Amerikası ölkələrində öz əsgər-zabitləri, silahları və maddi dəstəyi ilə iştirak edib. Tək elə İsrailin Misir və digər Ərəb ölkələri ilə müharibələrində SSRİ ərəb ölkələrinə yüzlərlə tank, minlərlə top, milyonlarla atıcı silah və güllə verib. Yəni, bu gün Ukraynanın haqlı və hüquqi dirənişinə Qərbin göstərdiyi münasibəti SSRİ, Rus-Sovet İmperiyası 50-dən çox ölkədə edib, ona görə də ayıbına kor olsun, bunu bir ilk kimi təqdim etməyə çalışmasın.
SSRİ-nin aqressiv şəkildə “ideoloji” don altında dünya ekspansiyası Qərbi, o cümlədən ABŞ-ı eyni metodlarla davranmağa sövq etdi, ABŞ-ın texnoloji və iqtisadi, daha sonra isə konvensional hərbi üstünlüyü, hekayə qurmaq bacarığı SSRİ-i rəngli inqilablarda və proksi-müharibələrdə üstələməyi bacardı. SSRİ dağılandan sonra isə bu metodlarla ABŞ və Qərb dünyanı dizayn etməklə məşğul olmağa başladılar – onlarla ölkədə rəngli inqilablar, çevrilişlər təşkil etdilər, hibrid müharibələrlə öz maraqlarını yayamağa başladılar.
Bu mövzuda düşünmək üçün yazmağa qərar verməkdə əsas mesajım odur ki, çivisi çıxmış, dərəbəyliyə dönmüş dünyada hamılıqla çalışmalıyıq ki, Azərbaycan proksi-müharibələrin obyekti və subyekti olmasın – bu çox vacib və həyatı əhamiyyətli məsələdir. Üçüncü Dünya müharibəsi gedir, elan edilmədən, üzbəüz toqquşmalar olmadan Qərb ilə Rusiya-İran şər İttifaqı vuruşur, hələ bu müharibəyə müxtəlif formalarda Çin də qoşulur-qoşulacaq, diplomatiya ölüb, nüfuzlu şəxs-şəxslər/qurumlar ortalığa çıxıb hamını masa arxasında otuzdurmayana qədər bu müharibə davam edəcək – deməli bizim Dövlət olaraq məqsədimiz müstəqilliyimizi qorumaq və qurulacaq yeni dünya düzənində ayaqda qalmağa nail olmaqdır. Bunun üçün ağıllı-təbribli, emosiyasız, soyuqqanlı olmalı, qurduğumuz ittifaqlara arxayın olmaqla yanaşı, həmin ittifaqların bizi avantüralara sürükləməsinə də imkan verməməliyik...
Natiq Cəfərli
Teref.az

Daşnaksütyun” Partiyasının daha bir üzvü – təşkilatın Fransa Gənclər Birliyinin mərkəzi şöbəsinin rəhbəri Njde Qaraqavoyan Ermənistanda “arzuolunmaz şəxs” elan olunub.

Bu barədə “Report” Ermənistan mətbuatına istinadən xəbər verir.

Partiya Ermənistan hakimiyyətinin bu qərarını tamamilə əsassız adlandırıb.

"Bu üsullar bütün mümkün vasitələrlə partiyanın qlobal gənclər strukturunun işini dayandırmağa və əngəl törətməyə çalışan Ermənistanın hazırkı hakimiyyətinin anti-erməni mövqeyini bir daha təsdiqləyir", - partiyanın yaydığı açıqlamada vurğulanır.

Qaraqavoyan fevralın 6-10-da Qərbi Zəngəzur bölgəsində keçiriləcək tədbirdə iştirak etmək niyyətində idi.

Qeyd edək ki, Ermənistan hakimiyyəti həmçinin “Daşnaksütyun”un digər fəalları - Fransanın Erməni Təşkilatları Koordinasiya Şurasının həmsədri Murad Papazyanı, partiyanın Niderlanddakı gənclər birliyinin üzvü Syune Abramyanı da “arzuolunmaz şəxslər” elan edib.