 |
|
|
Rusiya Federasiyası Prezidentinin mətbuat katibi Dmitri Peskov Putinin oxşarları və bunkeri ilə bağlı söhbətləri yalan adlandırıb.
O, bu barədə Bilik cəmiyyətinin marafonunda çıxışı zamanı deyib.
Kremlin sözçüsü bazar ertəsi bildirib ki, Rusiya prezidenti Vladimir Putinin dublyorunun olması ilə bağlı iddialar həqiqətə uyğun deyil.
Onun sözlərinə görə, dövlət başçısı hər zaman fəal olub və indi də iş başındadır. O, heç vaxt bunkerlərdə olmayıb.
Peskov, həmçinin bildirib ki, Rusiya prezidentinin səhhəti o qədər yaxşıdır ki, insan bu cür sağlamlığı hətta özünə arzu edə bilər.
Mənbə: mk.ru
NATO Ukraynanın “boz zona” statusunu birdəfəlik aradan qaldıracaq təhlükəsizlik zəmanətlərini verməyə hazır olmalıdır.
Teref.az Axar.az-a istinadən xəbər verir ki, bu fikirlər Polşa, Çexiya və Slovakiya baş nazirlərinin “Foreign Affairs” jurnalındakı birgə məqalələrində yer alıb.
“Ukrayna üçün müharibədən sonrakı təhlükəsizlik zəmanətlərini planlaşdırmaq hələ tez deyil, çünki Ukrayna gələcək təcavüzə qarşı özünü müdafiə edə bilməsə, heç bir investisiya və davamlı bərpa olmayacaq. NATO-nun Vilnüsdə keçiriləcək sammiti alyansın gələcəyi ilə bağlı çətin, lakin qaçılmaz suallara, o cümlədən onun Ukraynaya münasibəti və Rusiyaya qarşı gələcək strategiyasına cavab verməli olacaq”, - məqalədə qeyd olunub.
Avropa Şurası Parlament Assambleyasının bu gün keçirilən sessiyasında qurumun insan hüquqları üzrə komissarı Dünya Miyatoviç ötən illə bağlı hesabatını təqdim edib.
Gununsesi.info-nun Strasburqa ezam olunan əməkdaşının xəbərinə görə, Miyatoviç “2022-ci ildə Avropada insan hüquqlarının müdafiəsi ciddi uğursuzluğa düçar olub” deyə bildirib.
Komissar hesabatda əsas diqqət Rusiya Federasiyasının Ukraynaya hərbi hücumu zamanı törətdiyi vəhşiliklərə yönəlib: “Rusiya qüvvələrinin Ukraynada törətdiyi dəhşətli cinayətlər cəzasız qalmamalıdır. Ədalət mühakiməsi, o cümlədən Beynəlxalq Cinayət Məhkəməsi ilə səmərəli əməkdaşlıq və Ukrayna ədliyyə sisteminə uzunmüddətli dəstək vasitəsilə həyata keçirilməlidir.
Buraya Rusiya Federasiyasına və ya müvəqqəti olaraq işğal olunmuş ərazilərə köçürülmüş, bəzilərinə beynəlxalq humanitar hüququ kobud şəkildə pozaraq Rusiya vətəndaşlığı verilmiş ukraynalı uşaqların insan hüquqlarının pozulması hallarının həlli daxildir”.
Komissar, həmçinin vurğulayıb ki, Avropada sığınacaq axtaranlara, qaçqınlara və miqrantlara qarşı rəftar bir çox üzv dövlətlərin bu sahədə öz beynəlxalq insan hüquqları öhdəliklərini yerinə yetirməməsinin ardıcıl və düşünülmüş şəkildə uğursuzluğunu göstərir. “İtkinliklər, qəza vəziyyətində olan qayıqları xilas etməkdən imtina, qeyri-insani şərait və rəftar insan həyatı üçün təhlükə yaradan təhlükəsizliyə qeyri-mütənasib şəkildə yönəlmiş miqrasiyaya yanaşmanın ümumi xüsusiyyətləridir. Üzv dövlətlər bu yolu davam etdirmək əvəzinə, diqqətini təhlükəsiz və qanuni marşrutların təmin edilməsinə, miqrasiya marşrutları boyunca humanitar yardıma və dənizdə axtarış-xilasetmə işlərinə yönəltməlidirlər”.
Miyatoviç, həmçinin 2022-ci il həm də LGBTİ insanlara qarşı geniş yayılmış dözümsüzlük, düşmənçilik və hətta zorakılıq mühiti ilə yadda qaldığını deyib: “Onların insan hüquqları ilə bağlı məsələlərin, məsələn, eynicinsli cütlüklərin qanuni olaraq tanınması və ya onların ailə həyatı hüququ kimi siyasi alətə çevrilməsi yalnız LGBTİ insanlara qarşı düşmənçiliyin və dezinformasiyanın artmasına və cəmiyyəti qütbləşdirməyə xidmət etmişdir”.
Bu vəziyyətin hamı üçün bərabər hüquqların təmin edilməsi öhdəliyində daha geniş reqressiya probleminin əlaməti olduğunu vurğulayır.
Müvəkkil həmçinin vurğulamışdır ki, vətəndaş cəmiyyətinin, hüquq müdafiəçilərinin və ümumilikdə fərdlərin fundamental azadlıqlardan istifadə etmək üçün məkan daralmaqda davam edir.
Hesabatın daha geniş variantını sabah təqdim edəcəyik.
Pərviz Həşimli
Fransa/Strasburq
Rusiyanın Ukraynaya qarşı müharibəsi ölkəyə və xalqına böyük iztirablar və dağıntılar gətirir.
“Report” “Reuters”ə istinadən xəbər verir ki, bu barədə BMT-nin Baş katibi Antoniu Quterreş Təşkilatda Rusiyanın xarici işlər naziri Sergey Lavrovun sədrliyi ilə keçirilən iclasda deyib.
“Rusiyanın Ukraynaya hərbi müdaxiləsi bu ölkəyə və xalqına böyük əzab və dağıntılar gətirir və COVID-19 pandemiyasının səbəb olduğu qlobal iqtisadi sarsıntıya təkan verir”, - Baş katib vurğulayıb.
Lavrov isə cavabında Beynəlxalq Valyuta Fondu, ABŞ və onun müttəfiqlərini “qloballaşmanı dağıtmaq”da suçlayıb.
Rusiya xüsusi hərbi əməliyyat zamanı qarşıya qoyduğu vəzifələri aydın şəkildə izah etdi. Onun vəzifəsi insanları Kiyev rejimi tərəfindən məhv edilməkdən qorumaq, NATO-nun təhdidlərini aradan qaldırmaqdır.
Axar.az xəbər verir ki, bunu Rusiya xarici işlər naziri Sergey Lavrov deyib.
“Hazırkı Ukrayna hakimiyyəti 2014-cü il çevrilişinin nəticələrini qəbul etməkdən imtina edən Donbas sakinlərinin maraqlarını təmsil edə bilməz”, - Lavrov bildirib.
Bu gün Ermənistanın paytaxtı İrəvanda yürüş iştirakçıları Respublika meydanında Azərbaycan və Türkiyə bayraqlarını yandırıblar.
Ordu.az Ermənistan mətbuatına istinadən xəbər verir ki, vandal hadisə qondarma soyqırımla bağlı keçirilən yürüşün əvvəlində baş verib.
Bundan əvvəl Ağır atletika üzrə növbəti Avropa çempionatının İrəvanda keçirilən və canlı yayımlanan açılış mərasimi zamanı beynəlxalq ictimaiyyətin gözü qarşısında Azərbaycan Bayrağı turnirin təşkilatçılarından olan şəxs tərəfindən nümayişkaranə şəkildə yandırılıb.
Son illər intensiv şəkildə Azərbaycanı təhdid edən və “İran regionda sərhədlərin dəyişdirilməsinə dözməyəcək” deyən rəsmi Tehranla bağlı maraqlı bir detal üzə çıxıb.
Görə, Birinci Qarabağ müharibəsi zamanı İranın prezidenti olan Əkbər Haşimi Rafsancaninin müsahibə zamanı dediyi sözlər Tehranın bugünkü yanaşmasına çox bənzəyir.
Ətraflı videoda:
Globalinfo.az
Lavrov: Rusiya tərəfi rus jurnalistlərə viza verilməməsini “unutmayacaq, bağışlamayacaq”
Rusiya rusiyalı jurnalistlərə ABŞ vizalarının verilməməsini nə unutmayacaq, nə də bağışlayacaq.
Bunu Rusiyanın xarici işlər naziri Sergey Lavrov BMT Təhlükəsizlik Şurasının qarşıdakı iclaslarında iştirak etmək üçün Nyu-Yorka uçmazdan əvvəl hava limanında jurnalistlərə deyib.
Bu barədə videonu Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında yerləşdirib.
Ən əsası, arxayın olun, biz unutmayacağıq, bağışlamayacağıq”, - Lavrov deyib.
Onun sözlərinə görə, ABŞ rusiyalı jurnalistlərə viza verməməklə soyuqqanlılıq edib və axmaqlıq edib.
Xamaneyi tələbələrlə görüşür.
Görülməmiş bir şey olur, tələbələrdən biri Rəhbərin sözünü kəsir, “Dövlət xalqı dinləməli,şəffaf olmalıdır” deyir.
Xamaneyi çaşqınlıq içindədir, biruzə verməməyə çalışır, “Qarşılıqlı danışmaq olmaz” deyir, səsində gərginlik bariz şəkil alır...
Gənclər qorxunu yeniblər.
Teref.az
Tehranda qondarma "erməni soyqırımı"nın 108-ci "ildönümü" münasibətilə 24 apreldə "anım tədbiri" keçirilməsinə dair elan yerləşdirib.
Musavat.com xəbər verir ki, bu barədə foto sosial şəbəkələrdə yayılıb.
İran bununla növbəti dəfə tarixi saxtakarlığa dəstək çıxır.
Musavat.com
