 |
|
|
Yaponiya Baş naziri Dəftərxanasının yaxınlığındakı nəzarət-buraxılış məntəqəsinin tualetində polis əməkdaşı ölü tapılıb.
Onun intihar etdiyi ehtimal olunur.
Polis əməkdaşını həmkarları tapıblar. Onlar əvvəlcə silah səsi eşidiblər. Başından yaralanan polis xəstəxanaya yerləşdirilib, lakin onun həyatını xilas etmək mümkün olmayıb.
Hadisə əməkdaşın iş başında olduğu zaman baş verib.
Yaponiya Baş naziri Kişidanın özü hazırda Afrika və Sinqapura səfərini başa vurur.
Mənbə: News.ru
Türkiyə öz hava məkanını erməni VIP şəxslərin üçüncü ölkələrə uçuşları üçün bağlayıb.
Bunu Türkiyənin xarici işlər naziri Mövlud Çavuşoğlu bildirib.
Onun sözlərinə görə, bu, Ermənistanın baş naziri Nikol Paşinyanın təyyarəsinə də aiddir.
“Hər gün Türkiyə hava məkanından uçuşlar olurdu. Lakin hazırda biz bağlamışıq. Yalnız Ermənistan parlamentinin spikeri QDİƏT-in Ankaradakı iclasına gəlib. Biz sammitə ev sahibliyi etdiyimizə görə təşkilat üzvü üçün hava məkanını bağlamaq mümkün olmadı. Təhlükəsizlik qüvvələrimizdən sonra Türkiyədə ən çox şəhid verən qurum bizik. Bunu necə qəbul edə bilərik? Biz jest etdik. Hava məkanımızı açdıq, sonra bağladıq. VİP-lər üçün də bağladıq, Paşinyanın təyyarəsi üçün də bağladıq. Onlar bu məsələlərdə israr etsələr, normallaşma prosesi kəsiləcək”, - deyə nazir bildirib.
Nazir bu qərarı İrəvanda 1920-ci illərdə Türkiyə və Azərbaycan siyasətçilərinin qətlini törədənlərə abidənin qoyulmazı ilə izah edərək, bunu qəbul edə bilməyəcəklərini deyib.
Mənbə: 24TV
DTX ermənilərin Azərbaycanda planlaşdırdığı təxribatın iştirakçıları olan qadınları saxladı
Dövlət Təhlükəsizliyi Xidməti uğurlu əməliyyat keçirib.
Budəfəki əməliyyatla Ermənistan xüsusi xidmət orqanlarının Azərbaycanda planlaşdırdığı təxribat və onun iştirakçıları ifşa edilb.
TEREF.AZ Xəzər TV-yə istinadən xəbər verir ki, teleqram kanallarında yayılan videolarla ''Xaytarak'' radikal qruplaşması Azərbaycanda sanki nümayəndələrinin olması görüntüsünü yaradaraq Bakıda insanlar arasında təşviş yaratmaq istəyib.
Şəhidlər xiyabanında ermənilərə məxsus ''Xaytarak'' və ''Erməni Ari dövləti'' radikal quruplaşmasının emblemlərinin mobil telefonda əks olunmuş fotoşəklinin videoçəkilişləri aparılıb.
Görüntülərdən aydın görünür ki, çəkiliş edən şəxs qadındır.
Həmin kadrlar sosial şəbəkələrdə yayılan kimi Dövlət Təhlükəsizliyi Xidməti dərhal əməliyyat-axtarış tədbirlərinə başlayıb. Bu zaman hər bir detal diqqətlə yoxlanılıb.
Əvvəlcə xüsusi əməliyyatla həmin videoları çəkən Rusiya əsilli, İtalya vətəndaşı olan Yana Gutselyuk saxlanıb. Araşdırmalarla məlum olub ki, Yana həyat yoldaşının işi ilə bağlı uşaqları ilə birlikdə Bakıya gəlib. O, burada olarkən teleqramda turizm yönümlü səhifələrə üzv olaraq əsasən gəzməli-görməli yerlərlə maraqlanıb. Bu zaman qadından əslən azərbaycanlı olduğunu və Rusiyada yaşayan ''Baku Siti'' restoranının sahibi kimi təqdim edən şəxs kömək istəyib. Bunun müqabilində pul ödəyəcəyini də bildirib.
Digər şəxs Elena Lariontseva isə ifadəsində bildirib ki, Azərbaycanda turizim sektorunda işlədiyi üçün sosial şəbəkə qruplarında Rusiyadan yeni gələnlərə köməklik edib. Ona Rusiyada olduğunu bildirən bir nəfər tanımadığı şəxs teleqram sosial şəbəkəsində yazıb ki, Şəhidlər xiyabanından foto və video çəkib göndərsin. Elena da Bakıda olan rəfiqəsi Lalə Bəhrəmovadan bu işdə ona kömək etməsini xahiş edib. Onlar birlikdə Şəhidlər xiyabanına gedərək tanımadıqları şəxslərin istəklərini yerinə yetiriblər.
Sonra həmin adam Elena Lariontsevaya bildirib ki, “mən azərbaycanlıyam və mənə inan”.
“Mən ona ən çox niyə inandığımı bilirsiz? Rus dilində səlis yazırdı. Ermənilər heç vaxt belə yaza bilmirlər'',- deyə qadın bildirib.
Elena Lariontseva ilə Şəhidlər xiyabanında ''Xaytarak'' radikal quruplaşmasının embleminin fonunda şəkil və video çəkən əslən azərbaycanlı və Rusiyada yaşayan Lalə Bəhrəmova da saxlanaraq ifadəsi alınıb. Lalə bildirib ki, atası azərbaycanlı, anası isə rus olub. 1995-ci ildə valideynləri ayrılarkən Lalə anası ilə Rusiyaya köçüb və orada yaşayıb.
Dövlət Təhlükəsizliyi Xidməti tərəfindən aparılmış araşdırmalarla ''Xaytarak'' radikal qruplaşmanın teleqram kanalının təsisçi və inzibatçıları da müəyyən edilib. Məlum olub ki, onlar Rusiyanın müxtəlif yerlərində yaşayan Qurqen Torosyan, Sarkis Arutyunan, İqor Akopdjanyan və Artur Martirosyandır. DTX əhali arasında təşviş yaratmaq, vahimə salmaq kimi hallara qarşı bundan sonra da qətiyətli mübarizəsini davam etdirəcək. İnsanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək.
“Azərbaycan Ermənistan ərazisindən anklavlar və dəhliz iddiaları ilə yanaşı, daha bir “təhlükəli” tələb irəli sürüb. Bakı Sovet dövründə Ermənistanda yaşayan azərbaycanlıların Ermənistana qaytarılmasını tələb edib. Ermənistanın azərbaycanlaşdırılması təhlükəsi ilə üz-üzəyik”.
Bunu erməni politoloq Suren Petrosyan televiziyada “Nver Mnatsakanyanla bir gün” proqramında deyib.
Politoloq əlavə edib ki, rəsmi Bakı Ermənistandakı azərbaycanlıların təhlükəsizliyinin Azərbaycan polisi tərəfindən təmin olunacağını açıqlayıb.
Təbii ki, ermənilərin bütün təşviş və narahatçılıqlarına rəğmən Qərbi Azərbaycandan olan soydaşlarımızın öz dədə-baba ocaqlarına qayıtması onların ən təbii haqqıdır. Və bu haqqı heç kim onların əlindən ala bilməz. Ermənistanın təşvişi yalnız bu proses bir qədər ləngidə bilər.
Çünki, ermənilər azərbaycanlılarla dinc və əmin-amanlıq şəraitində yaşamaq istəyirlərsə, bunu etməlidirlər. Əks təqdirdə ermənilərin Qarabağda hansısa şəkildə qalması sual altına düşə bilər.
Məsələ ilə bağlı Bizim.Media-ya danışan politoloq Tural İsmayılov bildirib ki, Qərbi Azərbaycana qayıdış dövlətimizin əsas prioritetlərindən biridir:
“Çünki, XX əsr boyunca azərbaycanlıların öz dədə-baba yurdlarından çıxarılması vəhşicəsinə baş verib. Ən pisi də odur ki, son 120 ildə Qərbi Azərbaycandakı maddi-mənəvi irsimizə qarşı vandallıq aktları həyata keçirilib. Bu bədnam siyasət ermənilər tərəfindən bu gün də davam etdirilir.
Üstəlik, bu gün Xankəndi və ətraf ərazilərdə ermənilər rahat şəkildə yaşaya bilirsə və onların gələcəkdə azərbaycanlılarla eyni hüquqda fəaliyyət göstərəcəkləri vurğulanırsa, onda Ermənistan da Qərbi Azərbaycandan didərgin salınmış soydaşlarımızın oraya qayıdışını təmin etməlidir”.
Politoloq onu da qeyd edib ki, bu məsələ ətrafında manipulyasiya etməyə heç bir lüzum yoxdur:
“Çünki, azərbaycanlılar öz dədə-baba ocaqlarına dinc qayıdışdan bəhs edirlər. Bu insanların orada tarixi var, keçmişi var. Bunu danmaq olmaz. Və hesab edirəm ki, Azərbaycanla Ermənistan arasındakı danışıqlarda sülhün əsas prioritetlərindən biri Qərbi Azərbaycana dinc və təhlükəsiz qayıdışla bağlı Ermənistanın üzərinə öhdəlik götürmək məsələsi olmalıdır. Mən hesab edirəm ki, bu proses əvvəl-axır baş verəcək”.
Son günlərdə İranda sosial-iqtisadi zəmində etiraz aksiyalarının yeni vüsət alması müşahidə edilir. Elə bu fonda İran telekommunikasiya şirkətinin təqaüdçüləri Ərdəbil, Qəzvin, Ərak və Tehran daxil olmaqla müxtəlif vilayətlərdə aksiya və yürüş keçirməyə davam ediblər.
Sosial şəbəkələrdə paylaşılan videolarda müxtəlif şəhərlərdə toplaşan təqaüdçülərin şüarlar səsləndirdiyi və üzərində şüarlar yazıldığı plakatlar nümayiş etdirdiyi görünür.
Tehranda təqaüdçülər Rabitə və İnformasiya Texnologiyaları Nazirliyinin yerləşdiyi küçədə yürüş təşkil ediblər. “İran İşçilərinin Azad Birliyi”nin “Telegram” kanalında yayılan videogörüntülərdə nümayişçilərin “korrupsiya azalsa, problemlər çözülər” və “haqqımızı alanadək küçədə qalacağıq” kimi şüarlar səsləndirdiyi eşidilir. Təqaüdçülər Tehranda nazirliyin yerləşdiyi küçədə, digər şəhərlərdə isə telekommunikasiya şöbələrinin önündə toplaşıblar. Sosial mediada paylaşılan başqa bir videoda isə piket keçirən təqaüdçülər “biz ədalət görmədik, təkcə yalan eşitdik” şüarını səsləndirirlər. Təqaüdçülər sığorta hüquqlarının tam yerinə yetirilməsini və digər ödənilşlərini tələb edirlər. Belə bir vəziyyətdə İranda Əmək Nazirliyinin rəsmi nümayəndəsinin Tehranın pensiya pullarının ödənməsi üçün İranın Fars Körfəzindəki bir neçə strateji adalarını sata biləcəyinə dair bəyanatı böyük maraq doğurub. Bu, ölkə ictimaiyyətində narazılıq və şübhə dalğası yaradıb. Nazirliyin Sosial Təminat departamentinin baş direktoru Səccad Padam “90Eghtesadi” saytına müsahibəsində deyib ki, İran dərin iqtisadi böhran şəraitində yaranmış maliyyə çətinlikləri ilə bağlı pensiya pullarının ödənməsi üçün Kiş və Qəşm adaları da daxil, Fars körfəzindəki bir neçə adanı satmağa məcbur ola bilər. Padam qeyd edib ki, büdcə çətinlikləri hökuməti bir sıra infrastruktur layihələri üçün nəzərdə tutulmuş vəsaitləri artıq pensiya ödənişlərinə yönəltməyə məcbur edib. Onun sözlərinə görə, bu səbəbdən tikinti işləri üçün nəzərdə tutulmuş 850 trilyon rialın (1.6 milyard dollar) yalnız 20 faizi bu məqsədə xərclənib. Padam qeyd edib ki, İran hətta sanksiyasız şəraitdə günə 3 milyon barrel neft satsa da, pensiya fondu ilə bağlı problem həllini tapmayacaq. Sanksiyalardan əvvəl İran günə 2.5 milyon barrel neft satırdısa, hazırda bu rəqəm 1 milyon barreldir. Bu azalma nəticəsində İran büdcəsi ildə təxminən 45 milyard dollardan məhrum olur.
Xatırladaq ki, İranda ötən yaydan bəri həyat səviyyəsinin enməsinə, maaşların vaxtında verilməməsinə və lazımi sosial təminatın olmamasına görə kütləvi antihökumət aksiyaları baş verir. İran qanunları işçilərin müstəqil həmkarlar təşkilatları yaratmasını qadağan edir. Bu vəziyyətdə Padamın bəyanatları sosial media şəbəkələrində geniş müzakirələrə səbəb olub. İranın siyasi şərhçilərindən Əhməd Zeydabadi “Telegram” kanalında yazıb ki, Padamın faktiki olaraq pensiya fondunun müflisliyinə dair verdiyi bəyanat ölkədəki iqtisadi vəziyyətin son dərəcə kövrək olduğunu göstərir. Keçmiş siyasi məhbus Həngamə Şahidi “Twitter”də Kiş və Qəşm adalarının potensialı barədə yazıb. Şahidi qeyd edir ki, bu adalardakı azad iqtisadi zonaların düzgün idarə olunması və onlara daha çox sərbəstlik verilməsi ölkəyə böyük turizm gəlirləri gətirə bilərdi: “Bu gəlir iranlıların istirahət və əyləncə üçün Türkiyə, Birləşmiş Ərəb Əmirlikləri, Kipr və Malayziya kimi ölkələrdə xərclədikləri pulları əvəz edər və nəticədə İran iqtisadiyyatını mənfəətləndirə bilərdi”.
İqtisadi vəziyyətin pisləşdiyi bir vaxtda hakimiyyətin icbari hicab qaydasına əməl edilməsi üçün tədbirlərini gücləndirməsi Tehranın müxtəlif yerlərində hiddətlənmiş sakinlərin aksiyalara çıxması ilə nəticələnib. Paytaxtın Səttarxan, Aryaşəhr, Tehranpars və Kövhərdəşt Kərəc rayonlarında “Zülmkara ölüm, zəhmətkeşlərə həyat!”, “Xamneyiyə ölüm” və “Qadın, həyat, azadlıq!” şüarları ilə izdihamlı nümayişlər keçirilib. Buna bənzər etiraz aksiyaları İsfahan şəhərində də olub. Orada da siyasi məhbuslara və hazırda həbsxanada olan iranlı reper Tumac Salehiyə dəstək bildirən şüarlar səsləndirilib. Bəzi plakatlarda “Biz yenə gəldik, üsyan davam edir” və “Dini hökumətin axırı çatıb!” kimi şüarlar yazılıb. Tehranın Səttarxan rayonunda isə açıq şəkildə ali rəhbər ayətüllah Əli Xamneyiyə qarşı şüarlar səsləndirilib. Tehranın qərbində Aryaşəhrdə isə şüarlar əsasən İran İslam İnqilabı Keşikçiləri Korpusuna qarşı yönəlib. Küçələrdə hicabsız qadınların sayı artdıqca, şəhərin hakimiyyət orqanları İslam Respublikasının geyim kodeksinin daha sərt tətbiq edilməsi üçün tədbirlər keçirir. Tehran meri Əlirza Zəkani deyib ki, şəhər boyunca müşahidə kameralarının sayı artırılıb və hicabsız qadınlar metroya buraxılmır. Şərhçilər bildirirlər ki, İran hakimiyyəti 1979-cu ildən bəri hicab qaydasının tətbiqi sahəsində ən böyük çətinliklərlə üzləşib. Bu arada hicab qaydasını pozan məşhurlara qarşı hüquqi müstəvidə ən sərt tədbirlər görülür. Kino və televiziya aktrisaları Əfsanə Bayeqan və Fatimə Motamed-Aryaya qarşı ictimai yerdə hicabsız göründüklərinə görə cinayət işləri açılıb. Tehran Polisinin informasiya bürosu bildirib ki, bundan əvvəl aktrisalar Katayun Riyahi və Pantea Bəhrama qarşı da cinayət təhqiqatına başlanıb. Büro bildirir ki, aktrisalara qarşı işlər onların ictimai yerlərdə hicabsız görünməsinə və sosial media şəbəkələrində hicabsız fotolar dərc etməsinə görə açılıb. Aktrisa Əfsanə Bayeqan “Instagram” hesabından bunları yazıb: “Çox təəssüf ki, bizim ən gözəl və saf inanclarımız riyakarlığın, diktatorluğun, cəhalət və xəyanətin ayaqları altına atılıb. Bu gün mən vətənimin bütün övladları, kədərli anaların ürəkləri, həqiqət və aydınlıq naminə səsimi ucaldıram: Qadın naminə, həyat və azadlıq naminə, vətən və firavanlıq naminə!”. Şərhçilər qeyd edirlər ki, son vaxtlarda İranı bürümüş etiraz aksiyaları zəifləsə də, hicab qanununa müqavimət, əksinə güclənməkdə davam edir. Hakimiyyət “hicab və paklıq qanununa” riayət etməyən qadınları ağır cəzalarla hədələyir. Hökumət hicab qaydasını pozanları cəzalandırmaqla kifayətlənmir, hicab qaydasının pozulduğu ictimai məkanları – kafe, restoran, aptek və biznesləri bağlayır. Xatırladaq ki, İranda qadınların hicablanması 1979-ci ildən ayətullah Ruhulla Xomeyninin fətvası ilə məcburi elan edilib. Həmin vaxtdan bəri İranda qadınlar hicab qaydasına ən müxtəlif formalarda müqavimət göstərirlər. Lakin ötən ilin sentyabrında 22 yaşlı Məhsa Əmini polis idarəsində öldükdən sonra hicaba qarşı müqavimət hərəkata çevrilib.
baki xeber
Ankarada Rusiya və Ukrayna nümayəndə heyətlərinin üzvləri arasında dava düşüb.
Hadisə bu gün Qara Dəniz İqtisadi Əməkdaşlıq Təşkilatı Parlament Assambleyasının (QDİƏT) sammitində baş verib.
Belə ki, Rusiya Dövlət Dumasının deputatı Olqa Timofeyeva “Müqəddəs Georgi lenti” taxıb.
Ukrayna rəsmiləri onun çıxışını pozmağa çalışıb və arxasında bayraqlar açıblar.
Rusiya nümayəndə heyətinin üzvləri isə ukraynalıların hərəkətlərinin qarşısını almağa çalışıb.
Baş verən hadisədən sonra Türkiyə parlamentinin sədri Mustafa Şentop vəziyyətə müdaxilə edib.
O, fasilə elan edib və qaydaları pozanlardan iclas zalını tərk etmələrini tələb edib.
Anadolu Ajansı
ABŞ rəsmiləri Kreml Sarayına PUA hücumunun arxasında ABŞ-ın dayanması ilə bağlı iddiaları “gülünc” adlandırıb.
Demokrat.az xəbər verir ki, bu barədə Ağ Ev Milli Təhlükəsizlik Şurasının Strateji Kommunikasiyalar üzrə koordinatoru Con Kirbi açıqlama verib.
O, bildirib ki, Rusiyanın bu iddiaları həqiqəti əks etdirmir:
"Sizi əmin edə bilərəm ki, ABŞ heç bir şəkildə bu məsələyə müdaxilə etməyib. Nə olursa olsun, biz bu hücumun planına daxil deyilik. Rusiyanın bu iddiaları sadəcə gülüncdür".
Ukraynada törədilən hərbi cinayətlərin cəzasız qalmaması üçün xüsusi məhkəmə yaradılmalıdır.
“AzPolitika.info” xəbər verir ki, bunu Ukrayna Prezidenti Volodimir Zelenski Hollandiyaya rəsmi səfər çərçivəsində Ümumdünya Forumunda çıxış edərkən deyib.
Rusiya Prezidenti Vladimir Putinin Ukraynadakı müharibəyə görə məsuliyyətə cəlb edilməli olduğunu deyən Zelenski, Rusiyanın Ukraynada törətdiyi cinayətlərə görə ayrıca hərbi cinayətlər tribunalının yaradılmasını istəyib.
“Təcavüzkar ədalətin bütün gücünü hiss etməlidir. Bu, bizim tarixi məsuliyyətimizdir. Bu cinayətə cavab verə biləcək bir qurum var, o da məhkəmədir. Biz hamımız Haaqada cinayətlərinə görə cəzalandırılmalı olan şəxsi burada, beynəlxalq hüququn paytaxtında görmək istəyirik. Əminəm ki, qalib gələndə bunun baş verəcəyini görəcəyik. Müharibəni başladan şəxs mütləq şəkildə cinayət məsuliyyətinə cəlb olunmalıdır”, - deyə o bildirib.
"Ermənistanın qonşu ölkələrə nəinki ərazi iddiası yoxdur, hətta olmayacaq".
Bunu ölkənin baş naziri Nikol Paşinyan parlamentdə bildirib.
"Ermənistanın belə bir iddiası yoxdur və bunu planlaşdırmır", - Paşinyan qeyd edib.
İsrail parlamentinin 32 deputatı xarici işlər naziri Eli Kohenə Güney Azərbaycanla bağlı təklif verib.
Belə ki, təklifdə Güney Azərbaycan Respublikasının yaradılmasına dəstək verilməsi çağırış öz əksini tapıb.
“Azərbaycanlılar İranda ən böyük milli azlıqdır, bu ölkədə onların sayı 20 milyon nəfərə çatır”, - deyən israilli deputatlar xarici işlər nazirinə ünvanladıqları məktubda rəsmi Tehranın İranda yaşayan azərbaycanlılara qarşı mədəni soyqırımı həyata keçirdiyini qeyd ediblər.
Məktub müəllifləri həmçinin bildirib ki, Güney Azərbaycanın azadlıq hərəkatı beynəlxalq dəstək alarsa, Tehrana ciddi zərbə vuracaq. Müstəqil dövlət yaranacağı təqdirdə isə artıq mövcud olan Azərbaycan Respublikası ilə birlikdə İsrailin regionda əsas müttəfiqinə çevriləcək.
İranın bölünməsinə çağıran bu məktub, əsasən, 120 üzvdən ibarət Knessetdə qatı sağçı və din tərəfdarı olan partiyaları təmsil edən deputatlar tərəfindən imzalanıb. Müraciəti imzalayanlar arasında İsrailin keçmiş Baş naziri Aviqdor Liberman da var.
Diqqətçəkən məqam isə bu təklifin İsrail xarici işlər naziri Eli Kohenin Bakıya səfərindən az sonra üzə çıxmasıdır.
Güney Azərbaycan türklərinin milli haqlarının İran rejimi tərəfindən pozulması və kütləvi repressiyalara məruz qalması daima beynəlxalq ictimaiyyətin diqqətindən kənarda qalıb.
Bu baxımdan, Güney Azərbaycanın azadlığı məsələsinin İsrail parlamenti kimi nüfuzlu beynəlxalq qurumda qaldırılması kifayət qədər ciddi hadisədir. Knesset üzvlərinin xarici işlər naziri Eli Kohenə verdiyi bu təklif Güney Azərbaycanın öz müqəddəratını təyin etməsi baxımdan ilk xarici dəstək kimi qiymətləndirilə bilər.
TEREF.AZ-ın məlumatına görə, Türkiyədə yaşayan Güney azərbaycanlı milli fəal Məhsa Mehdili Cebhe.info-ya açıqlamasında bildirib ki, İsrail parlamentarilərinin müraciəti Güney Azərbaycan Milli Azadlıq Hərəkatının siyasi uğurudur:
"Lakin Güney azərbaycanlılar milli-azadlıq mübarizəsində başqa dövlətlərə deyil, xalqın iradəsinə və Azərbaycan dövlətinin mənəvi dəstəyinə güvənir. Əslində, Güney Azərbaycan milli hərəkatının mövcudluğu bir həqiqətdir.
Ancaq dünyada fərqli proseslər baş verir. Görünür, yaranmaqda olan yeni siyasi reallıqlar və dəyişikliklərlə bağlı bəzi dövlətlər bu məsələyə dəstək verməyi qərara alıb. İsrail parlamentarilərinin müraciəti çox həssas məsələdir. Əgər Güney Azərbaycan Milli Azadlıq Hərəkatının məqsədləri bəzi dövlətlərin maraqları ilə üst-üstə düşürsə, bu bizim uğurumuzdur.
Hesab edirəm ki, Güney Azərbaycan Milli Azadlıq Hərəkatı heç kimin “arxa bağçası” olmamalıdır. Hər hansı bir dövlət bu məsələdən “siyasi kart” kimi istifadə etməyə çalışmamalıdır. Güney Azərbaycan Milli Azadlıq Hərəkatı xalqımızın ödədiyi bədəllərdən bəslənən, müstəqil bir mədəni fəaliyyətdir. Bu hərəkat daima öz müstəqilliyini qoruyub saxlamağa üstünlük verib, heç bir dövlətin siyasi oyuncağına çevrilməyib.
Bizim üçün bu dünyada Azərbaycan dövləti qədər ikinci doğma dövlət yoxdur. Ümumiyyətlə, başqa dövlətlərin maraqları ilə Güney Azərbaycanın mənafeyi üst-üstə düşürsə, bu çox böyük uğurdur. Eyni zamanda, biz müstəqil hərəkat olaraq dəstəyimizi xalqımızdan və Azərbaycan dövlətindən almışıq.
Azərbaycana dost olan ölkələr bizim də dostumuzdur. Amma bizim tək güvən yerimiz Azərbaycan dövlətidir. Bizim mədəni şəkildə, yəni silaha əl atmadan dividentlər əldə etməyimizə və məqsədimizə çatmağımıza kömək edən dostların olması müsbət haldır. Bu, bizim gələcəkdə daha güclü olacağımızdan xəbər verir. Bu o deməkdir ki, İran dövləti ilə bizim milli mənafeyimiz üst-üstə düşmür. İran özünə qədər düşmən qazanıb ki, bizə dəstək verənlərin sayının artacağını güman edirəm”.