Avropa İttifaqı (Aİ) İran üçün “Copernicus” peyk görüntü xidmətini aktivləşdirib.

Bu barədə Aİ-nin böhranların idarə olunması üzrə komissarı Canez Lenarsic “X”də məlumat verib:

“İranın yardım tələbi ilə İran Prezidenti və xarici işlər nazirinin olduğu bildirilən helikopter qəzası ilə əlaqədar Aİ-nin “CopernicusEMS” – “Copernicus” peyk görüntü xidmətini aktivləşdiririk”.

Kiber cinayətkarlıq – sosial şəbəkələrdə dələduzluq, talama halları hər ötən gün daha da genişlənir, onlarla vətəndaş dələduzluq hallarının qurbanı olur.

Daxili İşlər Nazirliyinin yaydığı məlumatdan aydın olur ki, vətəndaşlar İnstagram, Telegram, Feysbuk, Tik-Tokda səhifə, kanal və platformalar üzərindən əlavə gəlir qazanmaq, sığorta ödənişləri, turist səyahətləri, mebel sifarişi, qızıl satışı, ev-alqı satqısı, kirayə, kredit adı altında verilən yalan vədlərə inanaraq həmin tələb olunan məbləğləri başqa-başqa bank hesablarına köçürüblər. Sonradan həmin hesablar, linklər, telefon nömrələri dərhal qapadılır.

Daxili İşlər Nazirliyinin xəbərdarlıqlarına baxmayaraq, vətəndaşlar hər ötən gün kibercinayətkarların tələlərinə düşür.

Musavat.com-a müraciət edən Elnur Hüseynli də kibercinayətkarların qurbanlarındandır. Onun sözlərinə görə 9 noyabr 2023-cü ildə WhatsApp vasitəsi ilə ona bir mesaj gəlib: "Mesajda “Alibaba tacirləri ilə əməkdaşlıq etdiyimiz ED-Shop şirkətimiz populyarlığını artırmaq üçün ödəməyə hazırdır, ona görə də biz 2 tapşırığı yerinə yetirmək üçün 2 manat ödəyirik, siz gündə 350-550 manata qədər qazana bilərsiniz” qeydi vardı.

Qeydiyyat üçün yaş göstərilməli və Telegram hesabının olmasının vacibliyi vurğulanırdı. Bundan sonra dərhal 2 tapşırıq verildi. Tapşırıqları link olaraq göndərdi. Linkə daxil olarkən "Alibaba" saytına keçid alaraq hansısa bir məhsul açılırdı və o məhsulu bəyənib, telefonun ekran görüntüsünü alıb, onlara göndərməliydim. Bu iki tapşırığı yerinə yetirdikdən sonra bir nəfərin telegram səhifəsini göndərdi və onunla işləyəcəyimi söylədi. Telegram səhifəsinə daxil olub, həmin şəxsə yazdım. Mənə bir qrup səhifəsinə daxil olmağımı tapşırdı və link göndərdi. Qrupa daxil oldum, mənə bildirildi ki, tapşırıqlar 10 noyabr 2023-cü ildə saat 10:20-də başlayacaq. Belə də oldu - tapşırıqları bir- bir icra etməyə başladım. Hər 4-cü tapşırıqda depozit kimi pul köçürürdüm. Daha sonra bir link göndərildi ki, o saytdan qeydiyyatdan keçməliyəm. Sayt özlərinə məxsus idi. Qeydiyyatdan keçəndən sonra ödədiyim pulu ora yüklədilər".

Elnur Hüseynlinin sözlərinə görə sonra saytdan bir məhsul alıb qarşı tərəfin qeyd elədiyi ünvanı seçib: "Tapşırıqları icra edəndən sonra depozit kimi köçürdüyüm pulu qaytarmalıydılar və üstündə də yatırdığım depozitin 25-30 faizini yerinə yetirdiyim 4 tapşırığa görə hər biri 2 manat ödəməli idilər. Köçürmələri “M10” hesaba etməliydilər. Amma dedilər ki, 4-cü tapşırıq 2 ya 3 mərhələdən ibrət olur və bu mərhələdə 101 manat da köçürməliyəm. Bu məbləği də hesablarına köçürdüm. Yenidən 980 manat köçürmə etməli olduğumu dedilər".

Elnur Hüseynli bildirib ki, bu məbləği də ödədikdən sonra 3500 manat köçürmə etməli olduğunu deyiblər: "Bu məbləği də 2 dəfəyə ödədim. Yenə də yazdılar ki, xətaya yol vermişəm, daha sonra 700, 700, 700, 1507.5, 1507.5, 1005, 1005 manat məbləğdə köçürmələr elədim. 11 noyabr 2023-cü ildə 4 min 422 manat köçürmə etdim. 2 gün sonra, 13 noyabr 2023-cü ildə “M10” hesablarına 3600 manat köçürmə etdim. Bu köçürməni edəndən sonra mənə vergi ödəməli olduğumu dedilər. Bundan sonra tapşırdılar ki, yenə mal seçim, pul köçürüm. “M10” hesablarına 4 min 103 manat köçürmə etdikdən sonra Telegram hesabındakı bütün yazışmaları sildilər və məni blok elədilər".

Elnur Hüseynli ümumilikdə 25 min manatdan artıq pul itirib. Hazırda onun şikayəti üzrə Nizami Rayon Polis İdarəsinin 24-cü polis bölməsində araşdırma aparılır.

ABŞ Müdafiə Nazirliyi ölkənin peyk şəbəkəsini hücumlardan qoruyacaq, lazım gəldikdə digər ölkələrin peyklərini sıradan çıxaracaq yeni nəsil yer və kosmik texnologiyalar yaratmağı planlaşdırır.

Bu barədə “The New York Times” qəzeti Pentaqondakı mənbələrə istinadən yazır.

Pentaqon layihənin təfərrüatlarını məxfi saxlayır. Qəzet qeyd edir ki, Pentaqon nümayəndələri 2026-cı ilə qədər tam spektrli əməliyyatlarda rəqabət aparmağa imkan verəcək əhəmiyyətli orbital imkanlara malik olmağı planlaşdırır.

Müdafiə nazirinin kosmik siyasət üzrə köməkçisi Con Plumb da kosmosun hərbiləşdirilməsinin qaçılmaz olduğunu bildirib.

Nəşrin yazdığına görə, Vaşinqton əlində sübutu olmasa da, Moskva ilə Pekini kosmosa müxtəlif, o cümlədən hərbi texnika yerləşdirməkdə ittiham edir.

Rusiya və Çin isə BMT-nin Təhlükəsizlik Şurasında kosmosda silah yerləşdirilməsinin qadağan olunmasını təklif edib. Amma təklif qəbul olunmayıb.

"Google", "Android 15" əməliyyat sisteminin ikinci beta versiyasını yayımladığını açıqlayıb.

Redaktor.az "lenta.ru"ya istinadən xəbər verir ki, ilk növbədə, "Google" "Pixel" smartfonlarının istifadəçilərinə girişi açıb. Beta versiyasını daha sonra "Nothing", "Oppo", "OnePlus", "Xiaomi" və "Vivo"nun smartfon sahibləri də endirə və quraşdıra biləcəklər .

“Android 15" ilk baxışdan tamamilə yeni görünməyə bilər, lakin çoxlu dəyişikliklər olduğu bildirilir.

Tədqiqatçılar qəddar təcrübə aparıblar və dənizin dərinliklərində yaşayan canlılardan birinin yaxın məsafədən 22 kalibrli atış zamanı sağ qala bildiyini müəyyən ediblər. Söhbət dəvədəlləyi krevetindən gedir.

Məlum olub ki, yer üzündə sarsıdıcı zərbələri ilə (22 kalibrli güllənin təsirinə ekvivalent) tanınan bu canlılar həm də onlara tab gətirməyə qadirdirlər.

Santa Barbaradakı Kaliforniya Universitetinin tədqiqatçılarının təcrübəsi göstərdi ki, onlar mahiyyətcə yaxın məsafədən atılan 22 kalibrli güllənin təsirinə tab gətirə bilirlər. Bunun üçün onlar quyruqlarını bədənlərinin qarşısında qalxan kimi istifadə edirlər.

Bu, alimlərin böyük marağına səbəbə olub. Elm adamları krevetlərin həssas, yumşaq, onurğasız bədənini qoruyan sərt qabığı yüngül və davamlı materialların hazırlanması üçün öyrənmək istəyirlər.


Mənbə: Focus.ua

Apple iPhone-da startap texnologiyalarından istifadə etmək üçün OpenAI ilə bir müddətdir ki, danışıqlar aparır.
Apple razılaşmanı 10-14 iyun 2024-cü il tarixlərində elan edə bilər.
2024-ün fevralnda Apple CEO-su Tim Kuk, Apple-ın generativ Süni İntellekt səylərini “bu ilin sonunda” açıqlayacağını söyləmişdi.
https://t.me/ibrahim_nebioglu

“Apple” və “Samsung” arasında tərəfdaşlıqlar genişlənə bilər.

İndex.az xəbər verir ki, təfərrüatlar hələ də bəlli olmasa da, “iPhone Fold” üçün işlərə başlanıldığı bildirilib.

Buna uyğun olaraq, razılaşma çərçivəsində “Samsung”, “Apple”in qatlana bilən ekran texnologiyasını inkişaf etdirəcək.

“Apple” uzun müddətdir ki, “Samsung Galaxy Z Flip”ə bənzər şaquli qatlanan “iPhone” üzərində işləyir. Hətta bu modelin 2026-cı ilin sonunda buraxılacağı bildirilirdi. “Apple” tərəfindən alınan patentlər, “iPhone”dan “MacBook”a qədər müxtəlif qatlana bilən cihazlar üzərində işlədiyini də ortaya qoydu.

Lakin “Samsung” ilə razılaşma bəzi məsələlərdə çaşqınlıq yaradıb. Məsələn, “Apple” şirkətdən 20,3 düymlük qatlana bilən panel istədi. Bu smartfon üçün çox böyük olsa da, qatlana bilən “MacBook”u mümkün edə bilər. Unutmaq olmaz ki, şirkət eksperimental məhsullar hazırlayır.

2025-ci ildə iki ekranlı qatlanan “MacBook/iPad” hibridinin istehsalına başlayacaq “Apple”İn 20,3 düymlük modeli ilə satışa çıxarılacağı iddia edilir. Bildirilir ki, o, “iPhone” üçün 7,9 və 8,3 düymlük iki ekran üzərində işləyir.

Sızdırılan məlumatlara görə, qatlanan telefonlar sahəsində işlərini sürətləndirən “Apple”, yeni modelləri üçün ayrıca seriya yaradacaq. Planlarda heç bir pozulma olmazsa, “Apple”İn ilk qatlana bilən modeli 2025-ci ilin son günlərində satışa çıxacaq. Qatlana bilən “iPhone” 2026-cı ildə təqdim olunacaq.

Planetin ətrafında 41 işıq ili məsafədə Günəş sistemindəki yerdən iki dəfə böyük bir atmosfer aşkar edilib. Ancaq planet yaşayış üçün uyğun hesab edilmir. Deca 55 olaraq bilinən Super Earth, günəş sistemimizin xaricindəki karbon dioksid və karbon monoksit örtüyünə bürünmüş əhəmiyyətli bir atmosferə sahib olan bir neçə qayalı planet arasındadır.

Dəqiq məbləğlər aydın deyil. Yer atmosferi azot, oksigen, Argon və digər qazların qarışığından ibarətdir.

Ekzoplanetləri araşdıran Kanzas Universitetinin astronomu Ian Crossfield, ” ehtimal ki, bu planetdə bir atmosferin olduğuna dair ən güclü sübutdur ” deyib.

Super Earth planetin ölçüsünə aiddir, 55 Cancri e yerdən daha böyük, lakin Neptundan kiçikdir.

Bu planetin qaynama nöqtəsi 2300 dərəcə selsiyə çata bilər, yəni planetin həyat evi olma ehtimalı azdır.

Bunun əvəzinə, elm adamları bu kəşfin daha qonaqpərvər ola biləcək sıx atmosferi olan digər qayalı planetlərin mövcud ola biləcəyinə dair ümidverici bir işarə olduğunu söyləyirlər.

41 işıq ili uzaqlıqdakı ekzoplanet yerdən səkkiz dəfə ağırdır və səthi Magma okeanları ilə örtülmüşdür.

Tədqiqat Nature jurnalında dərc edilmişdir.

(TRT haber)

Avropada uzun illərdir axtarışları davam edən kiber-cinayətkar Julius Kivimaki yaxalanıb. O, 33 min insanın şəxsi məlumatlarını oğurlamaqda suçlanır. J.Kivimaki bu cinayətlərini 11 il davam etdirib, nəhayət ələ keçib. “Sherg.az” “Milliyet.com.tr”yə istinadən bildirir ki, Finlandiyada yaşayan Tiinanın telefonu gecə vaxtı zəng çalıb, zəng edən xanım Tiinanın şəxsi məlumatlarının hazırda onun əlində olduğunu, bu məlumatları psixoterapiya mərkəzindən əldə etdiyini və əgər dediyi məbləğ ödənməzsə, məlumatları internetdə yayacağı ilə şantaj edib. Kiberhücumu finlandiyalı kibertəhlükəsizlik firması “WithSecure”də çalışan Mikko Hyppönen araşdırmağa başlayıb. "Bu ölçüdə bir hücum Finlandiya üçün fəlakət demək idi. Az qala, hər kəs bir başqasının məlumatlarından xəbərdar olacaqdı. Buna 2020-ci ildəki koronavirus pandemiyası da səbəb olmuşdu. O zaman bir çox insan onlayn göndərmələrdən istifadə etdiyi üçün şəxsi məlumatlara çıxış asanlaşıb. J.Kivimakinin yaxalandıqdan sonra 2 min 600 nəfərə vəkillik edən Jenni Raiskio məhkəmədə xəstələrin şəxsi məlumatlarının internetdə yayımlanmasından sonra bəzilərinin yaxınlarının intihar etdiyini deyib. Zərərçəkənlər məhkəmədə ölənlərin xatirəsini 1 dəqiqəlik sükutla yad ediblər. Məhkəmədə məlum olub ki, şantajçı qadın ələ keçirdiyi məlumatların internetdə yayımlanmaması üçün həmin şəxslərdən 24 saat ərzində 200 avro ödəmələrini tələb edib. Ödəmələr gecikdikdə isə onlara cərimə də kəsib: 500 avro! Məlum olub ki, bu qadın 2010-cu ildə də bəlli firmaların internet səhifələrinə kiber-hücumlar təşkil edib. Etdiyi bunca cinayətlərə rəğmən qadına 6 il 3 ay həbs cəzası verilib. Bunun səbəbi isə istintaqın qadının bütün əməllərini sübuta yetirə bilməməsidir.