Amerikalı iş adamı İlon Mask “X” sosial şəbəkəsində maraqlı paylaşım edib.

Tribunainfo.az xəbər verir ki, o, Marsda qurulacaq ilk şəhərin adını açıqlayıb.

İnternet istifadəçilərindən biri Maskın Marsdakı ilk şəhəri necə adlandıracağını soruşub. Biznesmen “Bar” cavabını verib. Bəziləri adın bu versiyasını “Mars” şokoladı ilə əlaqələndiriblər. Digər internet istifadəçiləri isə ilk öz versiyalarını təklif ediblər. Onların arasında İlonqrad, İlonvil, Maskelon, Maskburq, İlonobad və s. olub.

Xatırladaq ki, Elon Mask ilk dəfə olaraq 2020-ci ildə Marsda koloniyalar qurmaq və “qırmızı” planetdə ilk şəhər yaratmaq planlarından danışmışdı.

Marsa ilk insanın göndəriləcəyi tarixə gəlincə, iş adamı bunun 2024-2029-cu illər ərzində baş tutacağını ehtimalını irəli sürüb.

“Samsung” çox yaxında smartfon və saatları ilə təmassız qapı açma xüsusiyyətini istifadəçilərinə təqdim etməyə hazırlaşır. İndi evinizə və ya ofisinizə girərkən açarları axtarmağa və ya telefonunuzu cibinizdən çıxarmağa ehtiyac yoxdur.

İndex.az xəbər verir ki, “Samsung”un Ultra Geniş Zolaqlı (UWB) texnologiyasına malik cihazları ilə sizə yalnız qapıya yaxınlaşmaq kifayətdir və o, avtomatik olaraq açılacaqdır.

“Samsung” şirkəti “Aliro” adlı yeni universal ağıllı kilid standartı hazırlayır. Bu texnologiya sizə “Samsung”un “Galaxy S21 Ultra” və sonrakı modellərində olan UWB texnologiyasından istifadə edərək telefonunuzu götürmədən və ya cibinizdən saat çıxarmadan qapıları açmağa imkan verəcək. Köhnə cihazlar və ya NFC ilə cihazlar üçün sadə toxunuşla kilidi açmaq mümkün olacaq.

Şirkət bu funksiyanı 2025-ci ildə təqdim edəcəyi “Digital Home Key” ilə inteqrasiya etməyi planlaşdırır. Bu xüsusiyyət sayəsində evinizə girmək elmi fantastika filmindəki kimi olacaq. Xüsusilə əlləriniz dolu olduqda və ya evə tələsik çatmaq lazım olduqda bu funksiya böyük rahatlıq olacaq.

"Microsoft"un qurucusu Bill Geyts amerikalı jurnalist Kara Svişer ilə podkastda süni intellektin (AI) inkişafı ilə bağlı əsas narahatlığını ifadə edib. Qeyts diqqət tələb etdiyinə inandığı üç əsas məsələni vurğulayıb.

Bu barədə "Habr" nəşri məlumat yayıb.

Birincisi, milyarder təcavüzkarların kibercinayətkarlıq, bioterrorizm və müharibə üçün süni intellektdən istifadə edə biləcəyindən narahatdır. Qeyts hesab edir ki, bu cür manipulyasiyaları qabaqcadan görə və müqavimət göstərə bilən süni intellekt yaratmaq lazımdır.

İkincisi, Qeyts əmək bazarındakı dəyişikliklərin sürətindən narahatlığını ifadə edib ki, bu da kütləvi ixtisarlara və insanların süni intellektlə əvəzlənməsinə səbəb ola bilər. O qeyd edir ki, düzgün təlimlə AI alətləri dəqiq diaqnoz qoya və satış menecerləri, müəllimlər və digər mütəxəssislər üçün gündəlik tapşırıqları yerinə yetirə bilər.

Üçüncüsü, Qeyts bəşəriyyət tərəfindən süni intellektə nəzarətin itirilməsini istisna etmir. O, üçüncü problemlə müqayisədə ilk iki problemin daha az əhəmiyyət kəsb etdiyi və həllinin daha asan olduğu ilə razılaşır.

Maraqlıdır ki, Qeyts özü gündəlik həyatında, məsələn, görüşləri yekunlaşdırmaq üçün süni intellektdən fəal şəkildə istifadə edir. O, mətnlər yazmaq və görüşlər planlaşdırmaq üçün ChatGPT-dən yararlandığını etiraf edib. Bununla belə, Qeyts qeyd edib ki, süni intellekt proqram üçün qoyduğu bütün tapşırıqların öhdəsindən yaxşı gəlmir./Qaynarinfo

Türkiyədə aparılan araşdırma göstərib ki, ictimai yerlərdə parolsuz “Wi-Fi”lara qoşulmalar istifadəçilər üçün bəzi risklər yaradır.

TEREF Sfera.az-a istinadən xəbər verir ki, türkiyəli mütəxəsislər bu cür qoşulmalardan sonra mobil bank proqramlarından istifadə zamanı maliyyə məlumatlarının kibercinayətkarların əlinə keçməsinin mümkün olduğu qənaətinə gəliblər.

Təhlükəsizlik mütəxəssisləri bildiriblər ki, kibercinayətkarlar öz məqsədlərinə çatmaq üçün istənilən rəqəmsal kanaldan alət kimi istifadə edə bilərlər. Aparılan araşdırmalar göstərib ki, gündəlik həyatda internetə qoşulmaqla xidmətlərdən istifadə edən şəxslər lazımi təhlükəsizlik tədbirlərinə əhəmiyyət vermir, istifadə zamanı bəzi səhvlərə yol verilməsi kibercinayətkarlar üçün əla fürsətlər yaradır və nəticədə kart və ya adi hesablarda olan böyük məbləğdə vəsaitlər mənimsənilir. Buna görə də türkiyəli mütəxəsislər mobil tətbiqlərdən istifafə edən şəxslərin virtual dünyanın təhlükəsizlik qaydalarını yaxşı öyrənməyi, rəqəmsal savadlılıq səviyyəsini artırmağı tövsiyə edirlər.

Ən çox fırıldaqçılığın mobil bankçılıq proqramları vasitəsilə həyata keçirildiyinə diqqət çəkən mütəxəsislər, son zamanlar bu kiber təhdidlərin artdığını bildiriblər. Tövsiyə olunur ki, riskləri minimum endirmək üçün bank hesabları və ya bank kartlarının parolları hər 3-6 aydan bir yenilənsin, eyni zamanda xidmət göstərən qurumlar istifadəçilərə daha təkmil parollar təklif etsinlər.

Bundan başqa, bankların adından e-poçt və ya mesaj vasitəsilə gələn tələblərə cavab verilməməsi, kart məlumatların paylaşılmaması, yalnız etibarlı saytlarda alış-veriş edilməsi də məsləhət görülür.

Mütəxəssislər xəstəxanalar, kafelər, restoranlar, istirahət mərkləzləri, parklar kimi yerlərdə açıq olan “Wi-Fi” şəbəkələrinə qoşulan zaman internet bankçılıq xidmətindən yararlanmamağı tövsiyə edirlər.

Ümumdünya Səhiyyə Təşkilatının (ÜST) hesabatına görə, dünyada hər onuncu yeniyetmə sosial şəbəkələrə və kompüter oyunlarına aludəçilik səbəbindən psixi problemlər yaşayır.

Yeniyetmələrin təxminən 12 faizinin kompüter oyunları səbəbindən psixoloji problemlər yaşaya biləcəyi vurğulanır.

Gündən-günə artan kompüter oyunları təhlükəsi və asılılığı hansı formada özünü göstərir? Qarşısını almaq üçün nələr etmək olar?

Mövzu ilə bağlı TNS-ə Bakı Şəhəri üzrə Təhsil İdarəsi Təlimə Dəstək Mərkəzinin psixoloqu Aysel Novruzova danışıb. Mütəxəssis bildirib ki, uşaqların internetdə rastlaşa biləcəyi bütün təhlükələrin kökündə real həyatdakı təhlükələr dayanır: “İnternet üçün mövcud olan bütün risklərə real həyatda da rast gəlmək mümkündür. Odur ki, uşaqlarımızı real həyatda bu təhlükələrdən qorumaq üçün səy göstərdiyimiz və qaydalar qoyduğumuz kimi, onlara internetdən şüurlu, təhlükəsiz və effektiv istifadə etməyi öyrətməliyik. Bununla da virtual dünyanın risklərini minimuma endirmiş olarıq”.

Müsahibimiz qeyd edib ki, bir çox oyunda oyunçunu gücləndirən inventar və ya xarakterin görünüşünü dəyişdirən aksesuarlar pulla satılır: “Oyuna sərf olunan vaxt və səydən sonra xal, qızıl və ya pulla açıla bilən və ondan nə çıxacağı təxmin edilməyən bir qutu ala bilərlər. Oyunçu qutunu açdıqca, bu vəziyyətdən həzz ala bilər və hər dəfə daha böyük gözləntilərə sahib olaraq, daha böyük mərc oynamağa meyillənər. Beləliklə, bu hal aludəçiliyə çevrilməklə əslində virtual qumara keçir. İlk baxışdan zərərsiz görünən və əyləncə məqsədi ilə oynanan oyun gələcəkdə qumar vərdişinə çevrilə bilir”.

Mütəxəssis vurğulayıb ki, uşaqların oyun vərdişlərinə və oyunların məzmununa valideynlər tərəfindən nəzarət edilməlidir: “Nəzarətsiz qalan uşaqlara onlayn oyunlar vasitəsilə şüuraltı ötürülən mesajlar onların həyatını hər gün az-az məhvə aparır. Uşaqlarda ailədən uzaqlaşma, ətraf mühitdən təcrid, iştah pozuntuları, ünsiyyət çətinlikləri, aqressiya, nifrət, tədrisdən geri qalma, motivasiyasızlıq, suisidal risklər, yuxu pozulmaları və s. oyun asılılığının yaratdığı əsas problemlərdir. Təəssüf ki, bəzən evdən itən zinət əşyaları, kartdan çəkilən pullar və digər oğurluq halları baş verdikdən sonra valideynlər problemin ciddiyətini anlayırlar”.

Psixoloqun sözlərinə görə, müxtəlif yaş qruplarından olan uşaqların təhlükəsiz internet və kompüter istifadəsini təmin etmək üçün əvvəlcə ailələrin bu mövzuda nə qədər məlumatlı olduğuna baxmaq vacibdir: “İlkin olaraq internetdən istifadədə ailə övladı üçün düzgün rol modeli olmalıdır.

Bu gün uşaqların əksəriyyətinin informasiya-kommunikasiya texnologiyalarından istifadəsi valideynlərindən daha yüksək səviyyədədir. Analar və atalar internet və kompüter texnologiyaları haqqında məlumatlı olmalı, bu mövzuda yetərincə məlumatlı deyillərsə, özlərini təkmilləşdirməli, ən az internetdən uşaqlarını düzgün istiqamətləndirəcək və onlara nəzarət edəcək səviyyədə istifadə etməyi öyrənməlidirlər”.

Avropa Cənub Rəsədxanasının (ESO) astronomları Süd Yolunun indiyə qədər qeydə alınmış ən ətraflı və ən böyük infraqırmızı xəritəsini hazırlayıblar.

TEREF Qaynarinfo-ya istinadla xəbər verir ki, onların araşdırmalarının nəticələri "Astronomy & Astrophysics" jurnalında dərc olunub.

Təqdim olunan məlumatlara görə, xəritə üçün məlumatlar 2010-cu ildən 2023-cü ilə qədər Çilinin Atakama səhrasındakı rəsədxanada Vista teleskopu tərəfindən toplanıb. 1,5 milyarddan çox obyekt təqdim edir.

Eyni alimlər qrupunun 12 il əvvəl buraxdığı əvvəlki xəritədə 10 dəfə az obyekt var. İnfraqırmızı şüalanma qaz və kosmik tozun arxasındakı obyektləri görməyə imkan verib.

"Biz o qədər çox kəşflər etdik ki, qalaktika haqqında anlayışımız həmişəlik dəyişdi", deyə Çilidəki Andres Bello Universitetinin astrofiziki, layihə rəhbəri Dante Minniti bildirib.

O əlavə edib ki, xəritə Süd Yolunun uzaq və daxili bölgələrini daha dəqiq göstərməyə və qalaktikanın necə formalaşdığını və dəyişdiyini anlamağa kömək edəcək.

Son dərəcə təhlükəli kiber müdaxilə var. Vətəndaşların smartfonlarına daxil olaraq, bank hesablarından pulların çəkilməsi ilə bağlı şikayətlər artır.

Bu sözləri İT mütəxəssisi Fərid Pərdəşünas deyib.

“Araşdırma və ilkin dəyərləndirmələrim göstərir ki, bu hücum növü ilə birbaşa smartfona müdaxilə olunur. Bu dələduzluq aktı deyil, kiber müdaxilədir. Smartfona quraşdırdığınız kənar tətbiqlər – “apk” faylları vasitəsilə bu müdaxilələrin olduğu ilkin ehtimaldır.

Vətəndaşlar ilkin olaraq telefonlarının söndüyünü, servisə aparıb, düzəltdikdən sonra isə bank hesablarında olan vəsaitlərinin hamısının çəkildiyindən şikayətlənirlər.

Qorunma üçün smartfonlarınıza kənar "apk" faylları yükləməkdən çəkinin”, - mütəxəssis bildirib. \\Yenisabah.az

Çin bu yaxınlarda tarixin ən böyük külək turbinini işə salıb.

Bu barədə Eco News xəbər verir. Qeyd olunur ki, Mingyang Smart Energy tərəfindən hazırlanmış turbin dəniz səviyyəsindən yüksəkdə təxminən 152 min kvadratmetr ərazini əhatə edir.

Media bildirir ki, 20 MVt gücündə innovativ külək turbinləri şirkətin texnoloji nailiyyətlərinin zirvəsini təmsil edir və “külək enerjisi sənayesində yeni rekordlar yaradır”.

Məqalədə deyilir: “Bu nəhəng struktur zamanla öz davamlılığını sübut etdi və indi şirkətin texnoloji nailiyyətlərinin zirvəsini təmsil edir”.

Nəşrin məlumatına görə, qurğu küləyin şəraitindən asılı olaraq X-dən 20 MVt-a qədər enerji istehsal edə bilər. Eyni zamanda, mənzərə baxımından, 260 ilə 292 m arasında dəyişən ən böyük rotor diametrinə malikdir.

"Mingyang uğurundan məmnun görünmür. Firma həmçinin 2025-ci ilə qədər bu miqyasda maşın yaratmaq üçün daha böyük 22 MVt turbin planlaşdırır", - qəzet yazır.

“Tesla” və “SpaceX”in sahibi amerikalı milyarder İlon Mask iki il ərzində Marsa beş ekipajsız Ulduz gəmisi göndərməyi planlaşdırır.

Bizim.Media xəbər verir ki, bu barədə iş adamı “X” hesabında məlumat verib.

Onun sözlərinə görə, Qırmızı Planetdə bütün beş avtomobilin uçuşları və enişi uğurlu olarsa, o zaman dörd ildən sonra ekipaj missiyaları davam edəcək:

“Əgər pilotsuz ekspedisiyalar zamanı problemlər yaranarsa, insanlı missiyalar daha iki il təxirə salınacaq”.

Mask arzu edən hər kəsə Marsa səfər etmək imkanı verəcəyini vəd edib.