Bir çox insanlar yumurta sarısını tərkibindəki xolesterinə görə zərərli məhsul hesab edir. Foodinfo.az xəbər verir ki, dietoloqlar bütöv yumurta istehlak etməyi şiddətlə tövsiyə edirlər.Təəccüblənəcəksiniz, amma yumurta ağlarında sarıdan daha az protein var. Sarısı 16% zülaldan, ağı isə 90% sudan ibarətdir. Həmçinin, zülal qida maddələrinin tərkibinə görə sarıdan daha aşağıdır. Sarı daha çox yağ ehtiva edir, lakin daha çox vitaminlidir. Buna görə də qidalanma mütəxəssisləri bütöv yumurta istehlak etməyi məsləhət görürlər.Diabetli insanlar həftədə üç-beşdən çox yumurta yeyə bilməzlər. Üstəlik, bu kateqoriyadan olan insanlar üçün ağ sarıdan daha sağlamdır.

İsveçli Karolina Olsson 14 yaşında yuxuya gedib və yalnız 46 yaşında oyanıb. Bu hadisənin ortaya çıxması ilə o, real həyatda "yatan gözəl" kimi tanınmağa başlayıb.

Sonxeber.az xarici mediaya istinadən xəbər verir ki, O, həyatının ilk 14 ilini normal şəkildə ailəsi ilə keçirdi, lakin 1876-cı ildə bir gün üzü şiş və dözülməz diş ağrısı ilə evə qayıtdı.

1876-cı il fevralın 18-də Karolina məktəbdən evə gedirdi. Hava həmişəkindən soyuq idi və gənc qız tez evə getmək istəyirdi. Donmuş çayda qısa müddət gəzdikdən sonra buzun üzərində sürüşüb. Karolinanın başına dəydi və yıxıldıqdan sonra bədəninin hər yerində qançırlar var idi.

O, birtəhər evə çata bilib və başına gələnləri ailəsinə danışıb. Soyuq qış aylarında buz üzərində sürüşmək qeyri-adi deyildi, ona görə də Karolinanın qançırları narahatedici olmadı.

O, nahar etdi, ev işlərini gördü, sonra yatdı. Lakin səhəri gün gənc qız oyananda problem yaranıb. Karolinanın başı və dişi ağrıyırdı.

Qəzadan qısa müddət sonra Karolina ayağa qalxıb ailəsi ilə səhər yeməyinə gedə bilməyib. Anası onu oyatmaq üçün otağına getdi, o isə yatmağa davam etdi. Karolinanın nəfəs aldığı aydın idi, amma anasının səsinə cavab vermədi.

Heç bir sarsıntı onu oyatmadı. Onun qəribə vəziyyəti həftələrlə davam etdi və Olsson ailəsi edə biləcəkləri tək şeyin dua etmək olduğuna inanırdı.

Aylar keçdi və tezliklə bütün ada Oknö'nün Yatan Gözəli Karolina haqqında öyrəndi. Sakinlər gənc qıza kömək etmək üçün materikdən həkim gətiriblər.

Karolinanı müayinə edən ilk həkim onun komada olduğunu müəyyən edib. Vəziyyəti qeyri-adi olsa da, həkim çox narahat görünmürdü. O, bir il Karolinanı ziyarət etdi.

Amma o, 3 aprel 1908-ci ildə Karolina 32 il 42 gündən sonra oyandı. Xidmətçi yataq otağından gələn qışqırıqları eşidib və Karolinanı yerdə oyaq tapıb.

Danışa bilmirdi və ümumiyyətlə zəif idi. Xəbəri eşidən bacıları evə qaçdılar, lakin Karolina onları tanımadı. Ancaq 1876-cı ildə yatmazdan əvvəl baş verən hər şeyi xatırladı.

Azərbaycanda xroniki və nadir xəstəliklərin müalicəsi zamanı istifadə olunan dərman preparatlarının əlavə dəyər vergisindən (ƏDV) azad olunması müzakirə edilib.

İqtisadiyyat.az bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.

Məlumata görə, qurumun Vergi siyasəti Baş İdarəsi əczaçılıq sahəsində çalışan şirkətlərin, bu sektoru təmsil edən "Azərbaycan Əczaçı Sahibkarlar Assosiasiyası" İctimai Birliyinin nümayəndələri ilə növbəti görüş keçirilib. Xidmətin aidiyyəti funksional strukturlarının nümayəndələrinin də qatıldığı görüşdə sahibkarların ƏDV inzibatçılığının təkmilləşdirilməsi, əczaçılıq sahəsində, xüsusilə, xroniki və nadir xəstəliklərin müalicəsi zamanı istifadə olunan dərman preparatlarına münasibətdə ƏDV azadolmaları və ya diferensial ƏDV-nin tətbiqi imkanları, vergi inzibatçılığı ilə bağlı yaranan çətinliklər, sahənin inkişafına müsbət təsir edə biləcək beynəlxalq təcrübədə mövcud mexanizmlərin tətbiqi imkanları və s. məsələlər müzakirə edilib.

Görüş zamanı assosiasiya nümayəndələri qarşılıqlı əməkdaşlıq formatında aparılan belə müzakirələrin əhəmiyyətini yüksək qiymətləndirib. Dövlət Vergi Xidmətinin nümayəndələri dövlət – biznes əməkdaşlığının daha da genişləndirilməsinin prioritet olduğunu, vergi qanunvericiliyinin təkmilləşdirilməsi istiqamətində sahibkarların rəy və təkliflərinin öyrənilməsi məqsədilə görüşlərin davam etdiriləcəyini iştirakçıların diqqətinə çatdırıb. Sonda sahibkarların konkret təkliflər hazırlayaraq Dövlət Vergi Xidmətinə rəsmi qaydada təqdim etməsinə dair razılıq əldə olunub.

Prof. Dr. Canan Karatay çörəyin zərərlərini açıqlayıb.

Türkiyə mətbuatına istinadən xəbər verir ki, Karatay “Bütün xəstəliklərin kökündə həddindən artıq istehlak edilən buğdadan hazırlanan çörək dayanır” deyə xəbərdarlıq edib.

Karatay səhər yeməyində çörək yerinə istehlak edilə biləcək qidaları açıqlayıb:

“Günün ən vacib yeməyi səhər yeməyidir. Əsl səhər yeməyi yesək, ac qalmayacağıq. Kənd yumurtası və yağı ilə omlet hazırlayın; Yanına təbii zeytun qoyub yesəniz aclıq hiss etməyəcəksiniz.Çörək yerinə çiy kök və turp əlavə edə bilərik. Üstəlik, şəkərsiz qəhvə içə bilərsiniz” .

Yeni bir araşdırmaya görə, həddindən artıq spirt istehlakı ürəyin normal ritmini poza bilər və ürək aritmiyalarına səbəb ola bilər. Bu tapıntılar həddindən artıq alkoqol qəbulunun sağlamlığa mənfi təsirləri ilə bağlı narahatlıq doğurur.

Tribunainfo.az xəbər verir ki, Almaniyada aparılan araşdırma, spirtin ürək döyüntüsünü necə sürətləndirdiyini və nizamsızlaşdırdığını araşdıran əvvəlki tədqiqatlara əsaslanır.

Tədqiqatda 193 könüllüyə həddindən artıq spirtli içki qəbul etməmişdən əvvəl mobil EKQ (elektrokardioqramma) aparatı verilmiş və onların içmə dövründə (1-5 saat) və sağalma dövründə (6-19 saat) ürək döyüntüləri bu cihazlarla izlənilmişdir.

Münhen Lüdviq Maksimilian Universitetindən kardioloq Dr. Moritz Sinner bildirib:

“Sağlam iştirakçıların 5 faizindən çoxunda klinik əhəmiyyətli aritmiya aşkar edilib və bunlar xüsusilə sağalma dövründə ortaya çıxıb”.

Oksford Universitetinin alimləri müəyyən ediblər ki, doymuş yağlarla zəngin qidaların müntəzəm istehlakı bir aydan az müddətdə orqanizmdə təhlükəli dəyişikliklərə səbəb ola bilər.

TEREF foodinfo.az-a istinadən xəbər verir ki, 24 günlük təcrübə zamanı mütəxəssislər iki könüllü qrupunun səhhətini təhlil ediblər. Onlardan biri doymuş və ya çox doymamış yağlarla zəngin qidalar yeyib.

Digəri isə balıq, qoz-fındıq və zeytun yağı da daxil olmaqla sağlam yağların qaynaqlarınıistifadə ediblər.

Birinci qrupdakı iştirakçılar əsas sağlamlıq göstəricilərində əhəmiyyətli dərəcədə pisləşib. Onların xolesterinin səviyyələri, həmçinin qaraciyərdə yağ yataqlarının həcmi 10% artıb.

Bu arada, çoxlu doymamış yağları istehlak edən könüllülər ümumi xolesterol səviyyələrində azalma müşahidə edilib.

Az miqdarda yağsız qızardılmış ət balanslaşdırılmış pəhrizin bir hissəsi ola bilər.
Foodinfo.az xəbər verir ki, Doktor Mayk Ballın sözlərinə görə, insanların çoxu üçün qızardılmış ət əzələ kütləsinin qurulmasına və sağlam qanın saxlanmasına kömək edən qida mənbəyidir. Bununla belə, qırmızı ətdə doymuş yağ çoxdur və onun müntəzəm istehlakı yüksək xolesterin, ürək xəstəlikləri və hətta xərçəng riski artıra bilər.
Mədə-bağırsaq problemi olan insanlar üçün qızardılmış ət çətin qidadır. Doktor Ball izah edir ki, qırmızı ətin həzm edilməsi çətin olur, xüsusən də insanda həzm problemi varsa.
Qırmızı ət allergiyası olan insanlarbundan uzaq durmalıdır. Çünki simptomlar ət yedikdən bir neçə dəqiqə sonra ortaya çıxa bilər.Diabetli insanlar qırmızı ətlə xüsusilə diqqətli olmalıdırlar. Tərkibində xolesterinin səviyyəsini artıra və yüksək qan təzyiqinə kömək edən əhəmiyyətli miqdarda doymuş yağ var.

Dövlət Statistika Komitəsinin hesablamalarına görə, 2024-cü ilin yanvar-avqust ayları ərzində Azərbaycana 42 milyon 995 min ABŞ dolları dəyərində 36 min 705 ton “xam palma yağı və onun fraksiyaları” idxal edilib. 2023-cü ilin müvafiq dövrü ilə müqayisədə bu göstərici həcm ifadəsində 54% və ya 12 min 887 ton, dəyər ifadəsində isə 46.6% və ya 13 milyon 672 min ABŞ dolları artıb. Hesabat dövründə Azərbaycana Malaziyadan 11 min 853 ton, İndoneziyadan isə 24 min 851 ton palma yağı idxal edilib.

Redaktor.az palma yağı barədə araşdırmanı təqdim edir:

Palma yağı nədir?

Bu yağ İndoneziya və Malayziyada tapılan palma növündən əldə edilir. Daha çox işlənmiş qidalarda və qablaşdırılmış məhsullarda istifadə olunur. Qida sektorunda palma yağı ağacına üstünlük verilməsinin səbəbi çox qənaətcil olmasıdır. Bitki yağları arasında palma yağı ən çox seçilən yağ növüdür. Omeqa-6 baxımından da yüksəkdir və istehlak edilmədikdə omeqa-6 xəstəliklərinə səbəb ola bilər.

Ancaq palma yağları yüksək temperaturda təmizləndiyi üçün bir qədər zərərli ola bilər. Yüksək temperatura məruz qalmasının səbəbi isə təbii qırmızı rəngini itirməsi və qoxusundan qurtulmasıdır. Mütəxəssislər palma yağının zərərləri ilə bağlı iki yerə bölünsələr də, bir çoxları seçimi istehlakçının ixtiyarına buraxırlar.

Palma yağının ziyanı var?

Bəzi ekspertlər yüksək temperatura məruz qalan palma yağının infarkta və yüksək təzyiqə gətirib çıxardığı qənaətindədirlər. Ancaq araşdırmalar nəticəsində onun hələlik yalnız heyvanlar üzərində kanserogen təsir göstərdiyi məlumdur. Xüsusilə palma yağı oranqutanların yox olmasına səbəb olacaq faktordur. Onların yaşayış yerləri daraldıqca, özləri də bir-bir bu həyatdan yox olacaqlar. Bundan başqa, palma yağı istehsalı üçün yağış meşələr də məhv edilir.

Beləliklə, bu bir zəncirdir. Nə qədər çox istehlak olarsa, bir o qədər çox ağac kəsiləcək və heyvanların təbiəti dəyişəcək. Qısaca, bir neçə ildən sonra sürətli istehlak səbəbindən biz bəzi heyvanları ancaq kitablarda görə biləcəyik.

Palma yağının faydaları nədir?

Tərkibindəki E vitamini sayəsində sabun və kosmetika məhsullarında xüsusilə saç baxım məhsullarında palma yağına üstünlük verilir. Saçlara canlılıq və parlaqlıq təsiri bağışlayır.
Dəriyə qulluq vasitələrində, yaşlanma əleyhinə kremlərdə və losyonlarda istifadə olunur. Çünki hüceyrə bərpaedici xüsusiyyəti bu kremlərdə özünü göstərir.
Bəzi araşdırmalar nəticəsində katarakta əmələ gəlməsinin qarşısını aldığı bildirilir.
Tərkibində A, D və E vitaminləri var və istehlak edildikdə enerji verir. Bu, palma yağının faydaları haqqında mənfi düşüncələri bir kənara qoya bilər.
Omeqa-6 dəyəri baxımından olduqca yüksəkdir. Omeqa-6 saç baxımı və uzanmasında təsirli faktordur.
Palma yağı harada istifadə olunur?

Palma yağı marqarinlərdə, bəzi dondurmalarda, şokoladlarda, çöldə hazırlanan hazır yeməklərdə, qənnadı məmulatlarında və əksər işlənmiş qidalarda istifadə olunur. Bundan əlavə, bu yağ ən çox ətirli maye yuyucu vasitələrdə, sabun və şampunlarda, dodaq boyalarında və s. mövcud olur. Palma yağına xüsusən kosmetika və qida sahəsində üstünlük verilir.

Fizioterapevt Mir Elvin Əliyev: “Davamlı oturmaq təkcə fiziki sağlamlığa deyil, ruh sağlamlığına da mənfi təsir göstərir”

Kompüter həyatımızın ayrılmaz hissəsinə çevrilib. Təəssüf ki, kompüterin sağlamlığımıza çox mənfi təsirləri var. Saatlarla kompüter qarşısında oturmaq və ondan uzun müddət istifadə etmək müxtəlif xəstəliklərə yol aça bilər. Mütəxəssislərin qənaətincə, uzun müddət oturma “ölü omba” sindromuna yol açır. Metabolizma 30 dəqiqəlik oturma müddətindən sonra 50 faiz daha yavaş işləməyə başlayır. Buna görə də çox oturmaq yağlanmaya və çəki artmasına səbəb ola bilər.

Kompüter arxasında düzgün oturmamağın yaratdığı fəsadlarla bağlı “Hürriyyət” qəzetinin redaksiyasına danışan fizioterapevt Mir Elvin Əliyev bildirir ki, çox oturmağın və stol arxasında işləməyin verdiyi zərərlər müasir iş həyatının ən böyük problemlərindən birinə çevrilib:

“Uzun müddət masa arxasında oturmaq duruş pozğunluqlarına səbəb olur. Xüsusilə pis oturma bədən duruşuna mənfi təsir göstərir. Zamanla donqar (hiperkifoz) və boyun düzləşməsi kimi duruş pozğunluqları yarana bilər. Bu, əzələ balansının pozulmasını və bel ağrısını əmələ gətirir. Xüsusilə kompüter ekranının yanlış hündürlüyü və klaviaturanın yanlış yerləşdirilməsi boyun, çiyin və kürəkdə gərginliyə səbəb ola bilər”.

Fizioterapevt deyir ki, uzun müddət hərəkətsiz qalmağın əzələ və oynaqlara da təsiri var: “Uzun müddət hərəkətsiz qalmaq əzələlərdə zəiflik, oynaqlarda sərtlik meydana gətirir. Omba və ayaq əzələləri kifayət qədər məşq edilmədikdə, əzələlərin qısalması və omba əzələlərində zəiflik əmələ gəlir. Bundan əlavə, oynaqlarda artrit riski artır. Hərəkətsizlik qan dövranını ləngidə bilər, varikoz damarları və qan laxtalanması riskini artırır.

Uzun müddət hərəkətsiz oturmaq ayaqlarda qan yığılmasına da səbəb ola bilər ki, bu da dərin damar trombozu kimi ciddi sağlamlıq problemlərinə səbəb olur. Uzun müddət oturmaq ürək xəstəliyi riskini ciddi şəkildə artırır. Araşdırmalar göstərir ki, gündə 8 saatdan çox oturan insanlarda koroner ürək xəstəliyi riski 20% artır. Oturmaq qan axınını yavaşladır və damar sağlamlığına mənfi təsir göstərir. Bu, hipertoniya, yüksək xolesterin və ateroskleroz kimi problemlərə gətirib çıxarır”.

Fizioterapevt qeyd edir ki, davamlı oturmaq təkcə fiziki sağlamlığa deyil, ruh sağlamlığına da mənfi təsir göstərir. Hərəkət çatışmazlığı beynin fəaliyyətini ləngidir, konsentrasiya itkisinə və aşağı enerjiyə səbəb olur:

“Bundan əlavə, oturmanın depressiya və narahatlıq riskini artırdığı müşahidə edilmişdir. Fiziki fəaliyyət stress hormonlarını tənzimləyir və psixi sağlamlığı dəstəkləyən xoşbəxtlik hormonu olan endorfinlərin ifrazını stimullaşdırır.

İş masasında oturmaq qarın əzələlərinin kifayət qədər aktiv şəkildə istifadə edilməməsi ilə nəticələnir. Qarın əzələlərinin zəifləməsi belin sabitliyini azaldaraq onurğanın sağlamlığını təhdid edir. Eyni zamanda, əyilmiş vəziyyətdə oturmaq ağciyər tutumunu məhdudlaşdırır və diafraqmanın düzgün işləməsinə mane olur ki, bu da dayaz və qeyri-adekvat nəfəs almağa şərait yaradır. Uzun müddət ekrana baxmaq göz əzələlərinin həddindən artıq yorulmasına və rəqəmsal göz yorğunluğu (kompüter görmə sindromu) kimi tanınan bir vəziyyətə gətirib çıxarır. Bu, baş ağrısı, bulanıq görmə, quru gözlər və boyun ağrısı kimi simptomlarla özünü göstərə bilər. 20-20-20 qaydası (hər 20 dəqiqədən bir, 20 saniyə ərzində 20 fut uzaqlıqdakı bir şeyə baxmaq) bu problemləri aradan qaldırmağa kömək edə bilər”.

Həkim vurğulayır ki, hər 30-60 dəqiqədən bir qalxmaq və qısa gəzintilər əzələləri aktiv saxlayır: “Sadə gərmə hərəkətləri ilə qan dövranını artıra bilərsiniz. Kreslonun bel dayağı olmalıdır və monitor göz səviyyəsində yerləşdirilməlidir. Klaviatura və siçan əlçatan yerdə, qollar və biləklər isə neytral vəziyyətdə olmalıdır”.

Aynurə İSMAYIL

Çılpaq yatmaq sağlamlıq, emosional və fiziki rifah, tərəfdaşla yaxınlıq hisslərinin artması üçün yaxşıdır.

Yenisabah.az xarici mediaya istinadən bildirir ki, bu barədə klinik psixoloq, somnoloq Aleksey Melexin məlumat verib.

Melexin elm adamlarının son araşdırmalarına istinad edərək, çılpaq yatan cütlüklərin münasibətlərdə daha xoşbəxt olduğunu, çünki dəri ilə təmasda sevgi və məhəbbət hormonu oksitosinin istehsalını təşviq etdiyini söyləyib. Somnoloq əlavə edib ki, bu, öz növbəsində, stress və narahatlıq səviyyəsini azaldır və hətta yüksək qan təzyiqi və tip 2 diabet riskini azaldır. vakansiya 2023

Melexin müxtəlif xəstəliklərin qarşısının alınmasını və bədənin termorequlyasiyasının yaxşılaşdırılmasını çılpaq yatmağın başqa bir gözlənilməz üstəgəlliyi adlandırıb.

“İnfeksiyalar baxımından ayrı bir fayda var - kişilərdə cinsi sistemin daha yaxşı işləməsi üçün çox isinməməlidir. Qadınlarda bu, həm də heç bir şeyi sıxmamağa, həmçinin göbələk infeksiyalarının qarşısının alınmasını təmin etməyə imkan verir”, - Melexin vurğulayıb.

Somnoloq onu da qeyd edib ki, paltarsız gecə istirahəti tez bir zamanda dərin yuxu mərhələsinə qərq olmağa imkan verir ki, insan özünü daha enerjili və sağlam hiss etsin.