 |
|
|
Biləsuvarda yerləşən Cəbrayıl rayon Xanış Rüstəmov adına Yuxarı Mərcanlı kənd tam orta məktəbin 11-ci sinif şagirdi Simuzər Heydərova intihar edib.
TEREF xəbər verir ki, Məktəbdən “Qafqazinfo”ya məktəblinin əlaçı və fəal şagirdlərdən biri olduğu bildirilib:
“Onun bu addımı atması, hər kəs üçün gözlənilməzdir. Məktəbin tədbirlərində fəallığı ilə seçilirdi”.
Hadisə fevralın 6-sı gecə saatlarında Biləsuvarda məcburi köçkünlər üçün tikilən 6 saylı qəsəbədə baş verib.
2008-ci il təvəllüdlü Simuzər Yaşar qızı Heydərova yaşadığı evin həyətində özünü asıb.
Onun Birinci Qarabağ müharibəsi şəhidi Zaur Muxtar oğlu Heydərovun ailə üzvü olduğu deyilir.
Qeyd edək ki, sosial şəbəkələrdə Simuzərin məktəbdaxili bullinqə məruz qalması ilə bağlı məlumatlar da yayılmışdı.
Məsələ ilə bağlı Şərqi-Zəngəzur Regional Təhsil İdarəsi “Oxu.Az”a açıqlamasında iddiaları təkzib edib.
Bildirilib ki, məktəb daxilində aparılan ilkin təhlil və sorğular sözügedən şagirdə qarşı hər hansı qısnama hallarının baş verdiyini təkzib edir.
Qələbəsini yaşadığı müharibə onun ən sevimli adamını əlindən almışdı
Dörd ay vardı, ananın gözləri yol çəkirdi
Başqa bir dərdi yoxdu, oğul dərdiydi dərdi...
Hələ başqa dərdimizin olmadığı – yalnız İkinci dünya müharibəsini kinolardan, kitablardan bildiyimiz və onu ağır dərd hesab etdiyimiz illərdə bu şeiri bir aktrisanın ifasında çox sevərdik. O qədər sevərdik ki, o qadın bizim üçün “Ana və poçtalyon”un obrazı deyildi, özü idi...
1980-90-cı illərdə Azərbaycan televiziyasında bir yaşlı aktrisa çıxış edərdi. Yaxşı qiraətçi idi, ən çox sevilən də onun ifasında Süleyman Rüstəmin “Ana və poçtalyon” şeiri olardı. Aktrisa da bunu bilirdi deyəsən, o şeiri tez-tez deyərdi. Elə bil, o şeir onun qaltanlı, məlahətli səsi üçün yazılmışdı.
Vera Karlovna Şirye. Səməd Vurğun adına Rus Dram Teatrının aktrisası, Azərbaycanın xalq artisti.
Vera Şirye 1915-ci il yanvarın 31-də Bakıda dünyaya gəlib. Tale elə gətirib ki, milliyyətcə latış olan atası Karl Petroviç Şiryeni heç görməyib. Atası Birinci Dünya müharibəsində həlak olandan sonra anası azərbaycanlı ilə ailə qurub.
Atalığı Səttarov Mirzə Səttar oğlu Veranı doğma qızı kimi tərbiyə edib. Onda yalnız Azərbaycan mədəniyyətinə, teatrına deyil, Azərbaycan dilinə də sevgi aşılayıb. Sonra Veranın bir bacısı da olub. Adını Leyla qoyublar. Qızlar çox mehriban olublar, bir-birilərini çox seviblər. Leyla ixtisasca həkim idi, həm də əməkdar həkim. Azərbaycan SSR Ali Sovetinin ilk qadın deputatı olub.
Veranın atalığının yaxşı səsi varmış. Özfəaliyyət dərnəyinin üzvü imiş. Veranı da özü ilə həmin dərnəyin məşqlərinə aparırmış. Bülbüllə dostluğu olduğundan qızı ilə tez-tez Opera teatrına onun tamaşalarına gedərmişlər. Bu gedişlə Vera hələ uşaq yaşlarından indiki Rus Dram, o vaxtkı Bakı Fəhlə Teatrında işləməyə başlayıb.
Gəncliyi müharibə illərinə düşən aktrisa hərbi hissələrdə, sənaye obyektlərindəki çıxışları ilə püxtələşmişdi. Həmyaşıdlarının hekayətlərindən bəlli olur ki, Vera Şirye çox yumşaq, kövrək insan olub. Hamıya gücü çatdığı qədər yardım edər, köməyə gələrmiş.
Yaradıcılığının qaynar illərində müharibənin ən qaynar yerlərində çıxışlar edib. Bəlkə elə ona görədir ki, “Ana və poçtalyon” şeiri onun dilindən bu qədər təsirli alınırdı. Şeirdə nəql edilən hekayət onun ətrafında baş verənlər, yaşananlarıdır.
Veranın oxuduğu şeirlər onun dilindən o qədər həlim, məlhəm, inandırıcı olurdu ki, döyüşə gedən əsgərlərdə qələbəyə böyük inam, ümid yaranırdı.
Təkcə cəbhə bölgələrində çıxışlarla kifayətlənməzmiş aktrisa, əsgərlərin yazıb evlərinə çatdırmaq üçün ona verdikləri məktubları əlbəəl evlərinə, sahibinə çatdırarmış. Xüsusən də bakılıların məktublarını.
Bir dəfə əfsanəvi İosip Broz Tito (Yuqoslaviyann prezidenti) onu müharibə vaxtı əsgərlər qarşısında çıxış edərkən görür və bəyənir. Aktrisaya Yuqoslaviyada qalıb “Zabitlər evi”nə rəhbərlik etməyi təklif edir. Belqraddakı “Zabitlər evi”nə. Aktrisa Bakıdan ayrı qala bilmədiyini deyib, təklifi qəbul etmir.
Vera Karlovna Moskvada qələbə bayramında da çıxış edib. Amma o çıxış vaxtı, göz yaşları ilə sevinc onun simasında bir-birinə qarışıbmış. Həmin vaxtlar Vera sevgilisi Petyanın qara kağızını almışdı. Qələbəsini yaşadığı müharibə onun ən sevimli adamını əlindən almışdı, o adam yox idi artıq - müharibə başa çatmışdı, amma onsuz. Ondan sonra bir daha heç kimə qəlbini verə bilmir, ömrünü bütünlüklə teatr sahəsinə həsr edir.
Həmin vaxtlar aktrisa artıq yalnız Rus Dram teatrının aktrisası deyildi, bütün Azərbaycanda tanınırdı.
Yaratdığı obrazlar arasında Nadejda Durova ("Nadejda Durova" pyesi, Koçetkov), Laurensiya ("Fuente ovexuna", Lope de Veqa), Melanya ("Günəşin uşaqları" Qorki), Ana ("Bütün oğullarım", Miller), Şəhrabanu xanım ("Müsyö Jordan, botanik alim və dərviş Məstəli şah, məşhur cadugər", M. F. Axundzadə), kraliça Yelizaveta ("Mariya Stüart", Şiller), Tereza ("Terezanın ad günü", Mdivani) və başqaları vardı.
200-dən artıq rol oynamışdı, amma Yelizaveta ("Mariya Stüart", Şiller) obrazı onun səhnədə ən uğurlu rolu idi.
Bir dəfə Moskvada bu tamaşanı oynamışdı. Bakıdan məhz o tamaşanı Moskvada oynamaq üçün yollananda Vera Şirye özünə o qədər də güvənmirdi. Moskva tamaşaçısı bu obrazı çox tanınmış aktrisaların ifasında görüb. Həmin vaxt isə Rusiya teatrının çoxdan Yelizaveta kimi qəbul edilmiş aktrisası Anqelina Stepanova oynayırdı.
Şiryenin Yelizavetası Moskva tamaşaçısında çox böyük təəssürat oyatdı. Bunu görən Anqelina Stepanova “Sizin də öz Yelizavetanız oldu” - deyib Veraya.
Vera isə öz növbəsində onu Bakıda teatrda bu tamaşanı oynamağa dəvət edib. Aktrisanı geri Moskvaya yola salanda isə Vera Şirye ona bir dəst bahalı ətir verir və üstündə yazdırır: “İngiltərə şahzadəsinə Bakı şahzadəsindən”.
Bakı şahzadəsi idi həqiqətən. Onu hamı tanıyırdı və sevirdi. Onun Azərbaycan sevgisi bütün Azərbaycanın onu sevməsi ilə qarşılığını almışdı.
"Qırmızı Ulduz", "Qafqazın müdafiəsi uğrunda" medalları, "1941-1945-ci illərdə Vətən müharibəsində şücaətli əməyə görə", habelə ölkə rəhbərliyi və cəbhə komandanları tərəfindən çoxsaylı fərman və təşəkkürnamələrə layiq görülüb.
Müstəqil Azərbaycanda "Xalqlar Dostluğu" və "İstiqlal" ordenləri ilə təltif edilib. O, Azərbaycan Prezidentinin ömürlük təqaüdünə layiq görülən ölkənin mədəniyyət və incəsənət nümayəndələrinin birincilərindəndir.
Vera Şiryenin 85 illiyində ölkə rəhbəri Heydər Əliyev onu telefonla şəxsən təbrik edib. Heydər Əliyevin məktubundan: "Bizim respublikamızda zəngin ənənələrə malik olan rus teatrının nail olduğu uğurlarda sizin xidmətləriniz böyükdür. Bu teatrın səhnəsində siz müxtəlif qütblərdən ibarət olan və bir-birindən qəti surətdə seçilən teatr cərəyanlarını öz yaradıcılığınızda böyük ustalıqla birləşdirə bilmisiniz. Məhz bunun sayəsində siz ifanızın ustalığı və orijinallığına görə ədəbi teatr tariximizə daxil olan klassik obrazlar yarada bildiniz. Sizin Azərbaycan-rus mədəni əlaqələrinin sarsılmaz inkişafında zəhmətiniz yüksək qiymətə layiqdir".
Azərbaycan SSR-in xalq artisti Vera Şirye 2003-cü il mayın 1-də 88 yaşında Bakıda dünyasını dəyişib. Fəxri Xiyabanda dəfn edilib.
Dörd ay vardı, ananın gözləri yol çəkirdi
Başqa bir dərdi yoxdu, oğul dərdiydi dərdi...
Hələ başqa dərdimizin olmadığı – yalnız İkinci dünya müharibəsini kinolardan, kitablardan bildiyimiz və onu ağır dərd hesab etdiyimiz illərdə bu şeiri bir aktrisanın ifasında çox sevərdik...
Dünyanın ən zəngin adamı olan İlon Maskın 76 yaşlı anası Mey Mask Nyu-York Moda Həftəsi çərçivəsində podiuma çıxıb.
Teleqraf xəbər verir ki, Mey Mask Çinin "Juzui" brendinin "The Glasshouse"da keçirilən moda nümayişində iştirak edib.
Nümayişin bağlanışını edən model kömür rəngli libas üstündən ağ kürk geyinərək diqqət çəkib.
Mey Mask "Dolce & Gabbana", "Christian Siriano və Philipp Plein" kimi bir çox markalar üçün modellik edib.
Biləsuvarda intihar hadisəsi olub.
TEREF Lent.az-a istinadla bildirir ki, hadisə rayon ərazisində Cəbrayıl rayonundan olan məcbur köçkünlər üçün tikilən 6 saylı qəsəbədə baş verib.
17 yaşlı Simuzər Yaşar qızı Heydərova yaşadığı evin həyətində özünü asıb. İntiharın səbəbləri məlum deyil.
Faktla bağlı araşdırma aparılır.
Xəbər verdiyimiz kimi, aparıcı Leyla Mustafayeva yaşadığı evin həyətinə meteorit düşdüyünü açıqlamışdı.
Aparıcı bu gün sözügedən daşı "Xəzər axşamı" verilişinə gətirib. O, daşın tapıldığı ərazidə 20-30 sm ölçüdə çuxur əmələ gəldiyini bildirib:
"Qəfil olan bir hadisədir. Gecə olub, xəbərimiz də olmayıb. Elə yerdə qalırıq ki, ora səs-küylü ərazidir. Anam həyətdə toyuq saxlayır, göyərti falan əkir. Balaca bir sahədə göyərti əkib, göyərtilər də cücərib. Səhər görüb ki, orada dərinliyi 20-30 sm, diametri isə 15-20 sm ölçüdə olan dairəvi çuxur var və bir dənə də olsun bitki yoxdur. Anam elə başa düşüb ki, atam orada nəsə qazıb. Aralarında söz-söhbət başlayıb ki, göyərtilərimi zay etmisən. Atam da deyir ki, nə daş, nə qazıntı? Anam fərqinə varmamış və həmin ərazinin şəklini çəkməmiş daşı kənara qoyub yenidən oranı düzəltməyə başlayıb. Təəssüfləndik ki, kaş, çuxurun şəklini yerində çəkərdik. Sonra şəklini, videosunu çəkdik. Türkiyədə dostlarımıza göndərdik. Dedilər ki, meteoritdir. Rəsmi olaraq Geologiya və Geofizika İnstitutuna müraciət etmişik. Cavab verildikdən sonra daşdan bir parça götürüb analiz edəcəklər. Bizə dedilər ki, tam araşdırılmamış, analiz olunmamış o daşa toxunmaq olmaz. Hətta bura da icazə vermirdilər gətirək.
Saytlar paylaşanda izləyicilər çox "gözəl" sözlər yazdılar. Ümumiyyətlə bizim insanlar kiminsə sevincinə şərik ola bilmirlər. Birinin başına pis hadisə gələndə guya onların hallarına yanırlar. Amma bəlkə də sevinirlər. Yazıblar ki, kaş daş onun başına düşərdi. Mən kimə nə etmişəm? Biri də yazıb ki, qarğışı ürəkdən etməyiblər, yan keçib. Onu da izləyicilərin diqqətinə çatdırım ki. meteorit təkcə Amerikaya düşmür. Hər yerə düşə bilər". (Axşam.az)
Abşeron Gənclər Şərhərciyində çox narahat bir vəziyyət yaranıb.
TEREF xəbər verir ki, bu barədə ərazidə yaşayan sakinlər Baku.ws-in "qaynar xətti"nə şikayətlərində bildiriblər.
Qeyd edirlər ki, bütün bina sakinləri, yaxın qonşular həmin binanın birinci mərtəbəsində yaşayan və vaxtaşırı qeyri-adi hərəkətlər edən qadına görə həyəcan keçirirlər.
"Bakı-Sumqayıt yolunun 7-ci kilometrində yerləşən Abşeron Gənclər Şəhərciyi adlanan yaşayış massividir. Həmin binada yaşayan qadın gecələr qışqırır. Aşağıda dayanan avtomobillərin üzərinə əşyalar, yumurta və digər şeylər atır. Dayanmadan qışqırır və çox qorxuducu hal yaradır", - deyə şikayətçilər bildiriblər.
Qeyd edək ki, problemlə bağlı lazımi yerlərə şikayət olunsa da, məsələ həllini tapmayıb.
Həmin görüntüləri təqdim edirik:
Ağır yol qəzasına düşən müğənni Aila Rainin səhhəti yaxşılaşıb.
Bu barədə o, özü video-açıqlama yayıb. Aila bildirib ki, hazırda şok vəziyyətindədir:
"Hər birinizi salamlayıram. Bilirəm, hamınız çox narahat olmusunuz. 6-7 gündür ki, reanimasiyada idim, şok vəziyyətindəyəm. Beynim heç nəyi qəbul etmir. Allah məni bu həyata yenidən qaytardı. Yaşamaq üçün şans verdi. Bu günə çox şükür. Hər şey sınaqdır, bu da mənim sınağım idi keçdim. Hər şey yaxşıdır, daha da yaxşı olacaq, mən zəif qız deyiləm, güclüyəm, yıxılmaram. Bağışlayın bu halda video çəkirəm. Sadəcə bu vəziyyətdə bəzənib, efektdən istifadə edə bilmərəm. Dualarınız və xoş sözləriniz üçün çox sağ olun".
Qeyd edək ki, Aila Şahdağdan qayıdarkən ağır yola qəzasına düşüb. (olay)
Türkiyə Prezidenti Rəcəb Tayyib Ərdoğanın xanımı Əminə Ərdoğan Suriyanın birinci xanımı Lətifə əl-Durubi ilə görüşüb.
Musavat.com xəbər verir ki, Əminə Ərdoğan Suriyanın birinci xanımı ilə fotosunu rəsmi “X” hesabında paylaşıb.
Əminə Ərdoğan paylaşıma bu sözləri yazıb:
“Bu gün ölkəmizdə rəsmi səfərdə olan Suriya Ərəb Respublikası Prezidentinin hörmətli xanımı Lətifə Əl Durubini qəbul etməkdən çox məmnun oldum. Dünyada müharibə qurbanları olan qadın və uşaqlar üçün birgə atacağımız addımları müzakirə etdik”.
Əminə Ərdoğan Suriyanın yenidən qurulması və yaralarının sağaldılması prosesində keçmişdə olduğu kimi bu gün də Suriya xalqının yanında olduqlarını vurğulayıb.
Musavat.com
Mançesterdən olan Taş Evans gözəllik salonuna gedərək dodaqlarına daha aydın kontur və dolğun rəng vermək üçün prosedur etdirmək istəyib. Lakin elə seans zamanı dodaqlarının şişməyə başladığını hiss edib. Prosedur başa çatanda isə dodaqları normal ölçüsündən beş dəfə böyük olub.
Bakupost.az xəbər verir ki, bu barədə Dail Mail yazır
“Güzgüyə baxanda diksindim. Dodaqlarımın bu qədər böyük ola biləcəyinə inana bilmirdim”, - deyə Tash danışıb.
Qızın valideynləri bu vəziyyətə yumorla reaksiya veriblər, lakin sevgilisi onu görəndə gülərək qapını çırpıb. Şişkinlik yalnız iki gündən sonra azalmağa başlayıb və bu müddət ərzində Taş üzünü gizlətmək üçün maska taxmaq məcburiyyətində qalıb.
“İşdən icazə aldım, çünki belə dodaqlarla insanların arasına çıxa bilməzdim”, - dedi
Mərziyə Əhmədi Üskülü 1324-cü ildə (1945 ) Üsküdə əkinçi ailəsində anadan olub. Təhsilini Təbrizdə alan Mərziyə elə burada da sol düşüncə ilə tanış olub.
Təhsilini başa vurduqdan sonra Mərziyə Üskü məktəblərinin birində ibtidai siniflərə dərs keçməyə başlayır. 3 illik müəllimlik həyatı boyunca Mərziyə dərs keçdiyi uşaqların ailələri və onların dərdləri ilə də yaxından tanış olur. Daha sonra Təbrizdə Universitetə daxil olur. Oxumaqla yanaşı müəllimliyə də davam edir. Kəndli uşaqlar üçün kitab evləri yaratmağa başlayır.
Tələbə aksiyalarının çoxunda iştirak edən Mərziyə 1349-cu ilin (1970) mart ayında baş vermiş tələbə aksiyasını özü təşkil edir. Bundan sonra “savak” (şahlıq zamanı İranıın kəşfiyyat təşkilatı) tərəfindən izlənməyə başlanır. Ancaq tələbələr arasında böyük hörmətə və nüfuza malik oldugundan onlar Mərziyəni həbs etməkdən vaz keçirlər. Çünki bu yeni aksiyaların təşkil olunmasına gətirib çıxara bilərdi.
1350-ci il (1971) may ayında “savak” tərəfindən tutulur və uzun sorğu-sualdan sonra buraxılır, ancaq Üsküyə sürgün edilir. Buradaykən o, həm ədəbi yazılar yazır, həm də tələbələrin siyasi cəhətdən maariflənməsinə çalışırdı. Şeirlərində daima ürəyindəki “Ana dili” yanğısını dilə gətirir, məktəblərdə Ana dili altında fars dilinin öyrədilməsi ilə barışmırdı.1352-ci ildə o “xalqın fədai çərikləri” dəstəsinə qoşulur. Bundan sonra xalqın milli azadlığı və fars şovinizminə qarşı savaşır. 1353-cü ildə dəstənin bir üzvü başqa bir üzvlə görüşmək üçün yola çıxır. Bu görüşdən xəbər tutan “savak” məmurları hər tərəfə silahlı nümayəndələrini yerləşdirir. Bundan xəbər tutan Mərziyə yoldaşına xəbərdarlıq etmək üçün həmin bölgəyə gedir və onu tapıb məsələdən xəbərdar edir. Ancaq bu da onları ölümdən xilas etmir. Belə ki, atışma başlanır və Mərziyə da öz silahi ilə bu savaşda igidcəsinə döyüşür və ürəyindən yaralanaraq həyatını itirir.
“Nağıllarımı yaşamımla yazmaq istəyirəm” deyirdi Mərziyə…yaşadı və nağılını yaratdı…
Niyə mənim anam “madər”,
Atam “pədər” – olsun?
Bu dolaşıq ticarətdə
Niyə mənim doğmalarım
Özgəsinin tapdağında hədər olsun?
Niyə yadın bəhməzinə “bal” deməli?
Öz aşıma “yal” deməli?
Niyə mənim ana dilim
Gəlmə dilin qabağında
Titim-titim titrəməli?
Elnur Qasimov
TEREF