Bakıda intihar hadisəsi baş verib.

Lent.az-ın xəbərinə görə, hadisə Yasamal rayonunda qeydə alınıb.

Orada yaşayan, 23 yaşlı Ada Ədilzadə yaşadığı evdə çoxlu sayda dərman həbləri qəbul edib. Nəticədə qız ölüb.

Faktla bağlı araşdırma aparılır.

SOCAR-ın sabiq vitse-prezidenti, oliqarx Mikayıl İsmayılovun oğlu Orxan İsmayılzadənin Sabunçu Rayon Məhkəməsinin qətnaməsindən verdiyi apellyasiya şikayətinə baxılıb.

Musavat.com xəbər verir ki, şikayət hakim Fuad Babayevin sədrliyi ilə araşdırılıb.

Məsələnin mahiyyəti budur ki, Fidan Abbasova uzun illərdir qızı Nilin atasının Orxan İsmayılzadə olmasını sübut etməyə çalışır. Lakin Oran İsmayılzadə ötən illər ərzində qızı Nilə soyadını, adını verməkdən boyun qaçırır, uşağın saxlanılması üçün tələb olunan vəsaiti ödəməkdən yayınırdı.

Buna görə də Fidan Abbasova məhkəmə qaydasında Orxan İsmayılzadənin övladının atası olmasını sübut etmək məcburiyyətində qalıb. İllər öncə məkəməyə təqdim etdiyi iddiası üzrə yekun qərar verilmədən geri götürülmüşdü.

Fidan Abbasova mətbuata açıqlamasında bildirmişdi ki, 2017-ci ildə Sabunçu Məhkəməsinə iddia təqdim edərək övladının atasının müəyyən edilməsini xahiş edib. Lakin o zaman Fidan Abbasova aldadılmaqla iddiasını geri çəkib.

7 il sonra, 2024-cü ildə o, icraata xitam verilməsi barədə Sabunçu Rayon Məhkəməsinin qərardadını alıb və iradəsi əksinə olan qərardadın ləğvini xahiş edib. Qərardad ləğv ediləndən sonra yenidən Sabunçu Rayon Məhkəməsində eyni predmet üzrə məhkəmə araşdırmaları başlayıb.

Məhkəmədə Fidan Abbasova bildirib ki, Orxan İsmayılzadə ilə faktiki nikahdan 05.05.2015-ci il təvəllüdlü Nil adlı qızı dünyaya gəlib. Buna görə də məhkəmədə övladının adının atasının (atalığının) Orxan İsmayılzadə olmasının müəyyən edilməsi və buna dair doğum aktı qeydinin aparılması barədə qətnamə qəbul edilməsini xahiş edib.

Fidan Abbasovanın nümayəndəsi isə tələb edib ki, Orxan İsmayılzadədən 17.01.2017-ci il tarixdən başlamaqla 05.05.2015-ci il təvəllüdlü Nil Orxan qızı Abbasovanın yetkinlik yaşına çatanadək saxlanması üçün hər ay 2 min manat pul tutulsun.

Nümayəndə məhkəmədə Orxan İsmayılzadə ilə Fidan Abbasovanın ailə qurmasıyla bağlı fikirlərini belə əsaslandırıb:

“Orxan Mikayıl oğlu İsmayılzadə 2012-ci ilin may ayında Fidan Abbasova ilə tanış olaraq ailə qurmaq qərarına gəlib və faktiki nikaha daxil olaraq birgə yaşamağa başlayıblar. Orxan İsmayılzadə özünün mobil nömrəsi 050-450-X0-X0 olduğu üçün ona da həmin nömrəyə uyğun olaraq 055-450-X0-X0 mobil telefon nömrəsi və digər əşyalar alıb. Təxminən 6 ay müddətində Bakı şəhərində yaşadıqları müddət ərzində dəfələrlə görüşüblər və faktiki nikah münasibətləri davam edib.


Faktiki nikaha daxil olduqdan sonra cavabdeh ona Almaniya Respublikasına getməyi təklif edib. Bu məqsədlə “viza” əldə edərək Almaniyaya gedib və özünün Münhen şəhərində yerləşən evində birlikdə yaşayıblar. Almaniyada yaşadıqları müddət ərzində bir sıra başqa ölkələrə səfərlər ediblər. Bu xüsusat Fidan Abbasova və Orxan İsmayılzadənin pasportlarında olan eyni tarixdə sərhəd-buraxılış məntəqəsində aparılmış qeydlərlə təsdiq olunur.

Beləliklə, 2012-ci ilin may ayından 3 sentyabr 2016-cı il tarixədək Orxan İsmayılzadə ilə faktiki nikah münasibətlərində olublar. Faktiki nikahdan 5 may 2015-ci il tarixdə Nil adlı qızları anadan olub. Orxan uşağın atası olduğu halda, uşağın atası kimi yazılmasına dair ərizə verməyib, səbəbini onunla əsaslandırıb ki, onun valideynləri uşağın atası kimi yazılmasına razılıq vermirlər və hətta bununla əlaqədar atası onu döyüb. Nəticədə faktiki nikahdan 5 may 2015-ci il tarixdə anadan olmuş uşağın ata adından istifadə etmək hüququ pozulub”.

Orxan İsmayılzadə Fidan Abbasovanın iddiası əsasında başladılan məhkəmə proseslərinə gəlməkdən boyun qaçırıb. Məhkəmənin təyin etdiyi “atalığın müəyyən edilməsinə dair” ekspertizadan da keçməkdən yayınıb.

Məhkəmə iddiaçını və iş materiallarında olan sənədləri araşdırmaqla iddianın qismən təmin edilməsinə dair qətnamə verib.

Qətnamədə yazılır:

- AZE seriyalı, 11667989 nömrəli şəxsiyyət vəsiqəsinin surətindən görünür ki, Abbasova Nil 05.05.2015-ci il tarixdə doğulub. Atası qrafasında Abbasov Orxan qeyd olunub. Azərbaycan Respublikası Ailə Məcəlləsinin 45.1-ci maddəsinə əsasən, uşaq aralarında nikah olmayan şəxslərdən olduqda və valideynlərin birgə ərizəsi və ya uşağın atasının ərizəsi olmadıqda, atalıq uşağın valideynlərindən birinin, uşağın qəyyumunun (himayəçisinin), uşağı saxlayanın, habelə uşaq yetkinlik yaşına çatdıqda onun özünün ərizəsi əsasında məhkəmə qaydasında müəyyən olunur.

Bu zaman məhkəmə uşağın konkret şəxsdən törəməsi ilə əlaqədar istənilən sübutun mötəbərliyini nəzərə ala bilər. Azərbaycan Respublikası Ailə Məcəlləsinin 46.2-ci maddəsinə əsasən, valideynlər öz aralarında nikahda olmadıqda uşağın anası haqqında qeyd ananın ərizəsi, atası haqqında qeyd isə uşağın atasının və anasının birgə ərizəsi və ya atanın ərizəsi əsasında, habelə məhkəmənin qərarı əsasında aparılır.

Həmin məcəllənin 46.3-cü maddəsinə əsasən, uşaq nikahı olmayan anadan olduqda və atalığın müəyyən olunması barədə valideynlərin birgə ərizəsi və ya məhkəmənin qətnaməsi olmadıqda, doğum haqqında şəhadətnamədə uşağın atasının soyadının əvəzinə ananın soyadı yazılır. Uşağın atasının və babasının adı uşağın anasının göstərişi üzrə yazılır.

Sabunçu Rayon Məhkəməsinin 2(008)-5306/2024 nömrəli, 12.07.2024-cü il tarixli qərardadına əsasən, 05.05.2015-ci il təvəllüdlü Abbasova Nil Orxan qızının ata mənşəyinin müəyyən edilməsi məqsədilə məhkəmə tibbi-genetik ekspertiza təyin edilib, lakin cavabdeh ekspertizanın keçirilməsində iştirak etmədiyindən ekspertizanın keçirilməsi mümkün olmayıb. Azərbaycan Respublikası Mülki Prosessual Məcəlləsinin 97.5-ci maddəsinə əsasən, tərəf ekspertizanın keçirilməsində iştirak etməkdən imtina edirsə və ya onun keçirilməsinə mane olursa (ekspertizaya gəlmir, zəruri tədqiqat predmetlərini ekspertə təqdim etmir, ekspertizanın aparılması üçün tələb olunan xərcləri ödəmir və s.) və işin hallarına görə bu tərəfin iştirakı olmadan ekspertizanı keçirmək mümkün deyilsə, məhkəmə hansı tərəfin iştirak etməkdən imtina etməsindən, habelə bunun onun üçün hansı əhəmiyyət kəsb etməsindən asılı olaraq, ekspertiza təyin edilən faktı, onun hüquqi nəticələrini əsaslandırmaqla təsdiq olunmuş və yaxud rədd edilmiş hesab edə bilər.

Məhkəmə işin faktiki hallarını şərh olunan hüquq normaları əsasında qiymətləndirərək hesab edir ki, İsmayılzadə Orxan Mikayıl oğlu ekspertizanın keçirilməsində iştirak etməkdən qərəzli olaraq yayındığından, qanunvericiliyin tələblərinə uyğun olaraq 05.05.2015-ci il təvəllüdlü Abbasova Nil Orxan qızının atası olması müəyyən edilməlidir.

Belə ki, cavabdeh faktiki olaraq iddiaçı ilə birgə münasibətindən doğulmuş uşağın bioloji atası olduğunu dolayısı ilə etiraf edir və bunun əksini sübut edəcək hər hansı dəlil təqdim edə bilmir. Əksinə, məhkəmə onu da nəzərə alır ki, Orxan İsmayılzadənin 2015-ci il təvəllüdlü Abbasova Nilin atası hesab edilməsi üçün yeganə əsas onun ekspertizanın keçirilməsindən yayınması deyil, iş materiallarında olan tərəflərin bir ailə kimi bir yerdə yaşaması, müxtəlif vaxtlarda müxtəlif xarici ölkələrdə olması, faktiki nikahlarından doğulmuş uşaqla birgə çəkilmiş foto və video görüntüləri ilə də öz təsdiqini tapır.

Həmçinin, iddia tələbi alimentin tutulması ilə bağlı qeyd edir ki, iddia qismən təmin edilməlidir”.

Məhkəmənin aliment tələbi ilə bağlı mövqeyi isə Orxan İsmayılzadənin imkanlarını əks etdirən sənədlərlə uyğun görünmür:

“Aliment məbləğinin miqdarı ilə bağlı məhkəmə hesab edir ki, Azərbaycan Respublikası Ailə Məcəlləsinin 78.2-ci maddəsinə əsasən, sabit pul məbləğinin miqdarı məhkəmə tərəfindən tərəflərin maddi və ailə vəziyyəti, diqqətəlayiq olan digər hallar nəzərə alınmaqla uşağın əvvəlki təminat səviyyəsinin mümkün qədər maksimal saxlanması əsas tutularaq müəyyən edilir.

İş materiallarında cavabdeh Orxan İsmayılzadənin gəlirinin olması barədə məlumat olmasa da, elektron məhkəmə sistemi vasitəsi ilə əldə edilmiş məlumata əsasən, mülkiyyətində daşınmaz və daşınar əmlaklar mövcud olduğundan, yəni cavabdehin maddi vəziyyəti nəzərə alınaraq hər ay 500 manat sabit pul məbləğində alimentin tutulmasını qanuni və ədalətli hesab edir.

Qanunvericiliyin tələbindən göründüyü kimi, sabit pul məbləğinin miqdarı məhkəmə tərəfindən müəyyən edilən zaman tərəflərin maddi vəziyyəti nəzərə alınmalıdır.

Məhkəmə iclasında iştirak edən iddiaçının şifahi vəsatəti əsasında məhkəmənin 20.09.2024-cü il tarixli elektron sistem vasitəsi ilə əldə etdiyi məlumata əsasən, cavabdehin mülkiyyətində qeydiyyat nömrəsi 11170860XX olan, 010011001574-063XX reyestr nömrəli qeyri-yaşayış binası, qeydiyyat nömrəsi 11191275XX olan, 009011001446-063XX reyestr nömrəli qeyri-yaşayış binası, qeydiyyat nömrəsi 11160783XX olan, 004011000770-051XX- 0930XX reyestr nömrəli mənzil, qeydiyyat nömrəsi 11190193XX olan, 007011004799- 103XX reyestr nömrəli fərdi yaşayış evi, qeydiyyat nömrəsi 11241197XX olan, 008011002025-051XX-0930XX reyestr nömrəli mənzil, 2008-ci il istehsalı ağ rəngli, “Hummer H3 Alfa” minik markalı və 2017-ci il istehsalı göy metalik rəngli, “Porsche Panamera Turbo” minik markalı nəqliyyat vasitəsi olması müəyyən olunub.

Beləliklə, məhkəmə hesab edir ki, iddia ərizəsi qismən təmin edilməli, cavabdeh İsmayılzadə Orxan Mikayıl oğlunun 05.05.2015-ci il təvəllüdlü Abbasova Nil Orxan qızının atası olması müəyyən edilməli və iddiaçı məhkəməyə müraciət etdiyi vaxtdan, yəni 19.09.2024-cü il tarixdən başlayaraq 05.05.2015-ci il təvəllüdlü Abbasova Nil Orxan qızının yetkinlik yaşına çatana qədər saxlanılması üçün hər ay 500 manat sabit pul məbləğində aliment cavabdeh İsmayılzadə Orxan Mikayıl oğlundan tutularaq Abbasova Fidan Loğman qızına ödənilməlidir.

Cavabdeh İsmayılzadə Orxan Mikayıl oğlu iddiaçı Abbasova Fidan Loğman qızının 05.05.2015-ci il təvəllüdlü uşağı Abbasova Nil Orxan qızının atası olması müəyyən edilsin. Hazırkı qətnamə qanuni qüvvəyə mindiyi gündən başlayaraq 05.05.2015-ci il təvəllüdlü Abbasova Nil Orxan qızının yetkinlik yaşına çatana qədər saxlanılması üçün 19.09.2024-cü il tarixdən hesablanaraq hər ay 500 (beş yüz) manat sabit pul məbləğində aliment cavabdeh İsmayılzadə Orxan Mikayıl oğlundan tutularaq Abbasova Fidan Loğman qızına ödənilsin.

Hazırkı qətnamə 05.05.2015-ci il təvəllüdlü Abbasova Nil Orxan qızına “soyad” qrafasında İsmayılzadə, “ata” qrafasında milliyyəti azərbaycanlı olan İsmayılzadə Orxan Mikayıl oğlu qeyd edilməklə doğum haqqında şəhadətnamənin verilməsi üçün əsasdır”.

Maraqlıdır ki, Bakı Apellyasiya Məhkəməsinin hakimi Fuad Babayev Sabunçu Rayon Məhkəməsinin iş üzrə qətnaməsini əsassız hesab edib.

Verilmiş qərarda Fidan Abbasovanın Sabunçu Rayon Məhkəməsinə 2017-ci ildə təqdim etdiyi və sonradan geri çəkdiyi iddia tələbi üzrə çıxarılmış qərardad əsas götürülub. Hansı ki, həmin qərardan Bakı Apellyasiya Məhkəməsinin qərarı ilə ləğv olunub və Fidan Abbasovanın şikayətinə yenidən baxılması üçün Sabunçu rayon Məhkəməsinə göndərilmiş, hakim Ruslan Mirzəliyevin sədrliyi ilə araşdırılmış və təmin olunmuşdu. Bununla belə, Orxan İsmayılzadənin “atalığın müəyyən edilməsinə dair” ekspertizadan keçirilməsi qərarı da verilib.

Ekspertizanın nə zaman keçiriləcəyi hələ ki, bilinmir.

8 Mart Beynəlxalq Qadınlar Günüdür. Sənətşünas Səkinə Vəliyeva film və serial sektorunda qadınların iştirakı, qadın obrazlarının yaradılması barədə olan problemlərdən danışır.

Son günlər məktəb direktorları ilə bağlı xoşagəlməz halların şahidi oluruq. Belə ki, Bakının Pirallahı rayonu, Gürgən qəsəbəsi 231 nömrəli tam orta məktəbin direktoru Lamiyə İlhamsoy müəllimlərin ona ad günü üçün aldığı 600 manatlıq qızıl hədiyyəni “dilənçi payı” hesab edib. 301 nömrəli tam orta məktəbin direktoru Sevda Sarıyeva isə müəllimləri “hinduşkabaş” adlandırıb.

Bundan başqa onun şagirdlərdən 100 manat yığmasına dair səs yazısı yayılıb. Göründüyü kimi, məktəbdə “bazar” açıb, şagirdlərdən, müəllimlərdən pul yığırlar. Üstəlik müəllimləri təhqir edirlər.

Məlumat üçün bildirək ki, ölkədə 4 mindən çox orta məktəb və o sayta direktor fəaliyyət göstərir. Onlar arasında əksəriyyəti reketsayağı davranışa meyillidirlər. Düzdür, aralarında yaxşı direktorlar da var, amma yaxşılar yamanların kölgəsində qalır. Bu neqativlik təhsilə ciddi zərbə vurur. Mövcud biabırçılıqlar üzə çıxdıqda həmin direktorlara cəzalar tətbiq olunur, işdən çıxarılır və s. Lakin xoşagəlməz hallar bitmir, əksinə, davamı gəlir. Sanki Elm və Təhsil Nazirliyi də onlarla bacarmır və ya lazımi tətdbirlər görmür.

Belə direktorların məktəblərdə olması Azərbaycanda təhsilin iflic vəziyyətə gəlib çıxmasına səbəb olur. Müəllimlərə “hinduşkabaş” deyən məktəb direktorunun timsalında bu cür şəxslərlə bağlı hansı addımlar atılmalıdır? Təhsil ocaqlarını necə xilas etmək olar?

Ümumiyyətlə, rüşvət alan, müəllimləri təhqir edən məktəb direktorları ilə mübarizə metodu var?

TEREF xəbər verir ki, Globalinfo.az-a danışan təhsil eksperti Kamran Əsədovun fikrincə, Azərbaycanda məktəb direktorlarının korrupsiyaya bulaşması, müəllimlərə qarşı qeyri-etik və hörmətsiz münasibət sərgiləməsi təhsil sisteminin əsas problemlərindən birinə çevrilib.

K.Əsədov deyib ki, ölkədə 4 mindən çox məktəb direktoru var və onların əksəriyyəti rəhbərlik etdikləri təhsil müəssisələrini şəxsi biznes strukturu kimi idarə edir:

“Direktorlar məktəbi kommersiya obyektinə çevirərək, qanunsuz yolla pul yığır, müəllimləri təhqir edir və onların azad düşüncə ilə fəaliyyət göstərməsinə mane olurlar. Dövlətin təhsildə islahatlar aparmaq niyyəti olduğu bildirilir, lakin praktikada bu dəyişikliklər kağız üzərində qalır. “Korrupsiyaya Qarşı Mübarizə Haqqında” Qanununun 9-cu maddəsinə əsasən, vəzifəli şəxslərin qanunsuz gəlir əldə etməsi ciddi hüquqi məsuliyyət yaradır. Buna baxmayaraq, məktəb direktorları müəllimlərdən və valideynlərdən müxtəlif bəhanələrlə pul yığır, dövlətin ayırdığı resursları mənimsəyir, məktəblərin maddi-texniki bazasının inkişafına və təhsil keyfiyyətinin artırılmasına mane olurlar. Nazirlik bu məsələyə nominal nəzarət edir, amma problemin kökündən həlli istiqamətində real tədbirlər görülmür”.

Ekspert ölkənin müxtəlif bölgələrində direktorların müəllimlərə qarşı hörmətsiz və alçaldıcı ifadələr işlətdiyi faktların dəfələrlə gündəmə gəldiyini qeyd edib:


“Müəllimləri “hinduşkabaş” adlandıran direktorların vəzifədə qalması, onların qanunsuz əməllərinə göz yumulması sistemin iflic vəziyyətdə olduğunu göstərir. Təhsil müəssisələrinin rəhbərləri müəllimlər üzərində psixoloji təzyiq yaradır, onlardan məcburi pul yığlr və istədiyi qərarları zorla qəbul etdirir. Bu isə müəllimlərin motivasiyasını azaldır, təhsil keyfiyyətini aşağı salır və şagirdlərin normal təhsil alma hüququnu pozur. Dünya təcrübəsi göstərir ki, təhsil sisteminin uğurlu olması üçün məktəb rəhbərliyinin seçilməsi və fəaliyyəti üzərində ciddi nəzarət mexanizmləri mövcud olmalıdır. Finlandiya modelində məktəb direktorları uzunmüddətli pedaqoji təcrübəyə malik olmalı, onların idarəetmə bacarıqları müstəqil ekspert komissiyaları tərəfindən yoxlanılmalıdır. Sinqapur və Estoniyada direktorların fəaliyyəti mütəmadi qiymətləndirilir və müəllimlərdən rüşvət tələb edən, qeyri-etik davranış sərgiləyən şəxslər dərhal vəzifədən kənarlaşdırılaraq cinayət məsuliyyətinə cəlb edilir. Azərbaycanda isə direktor vəzifəsinə təyinatlar çox zaman şəffaf aparılmır, direktorlar illərlə eyni məktəbdə işləyərək güclü korrupsiya şəbəkəsi formalaşdırır və sistemdən sui-istifadə edirlər”.

Kamran Əsədovun fikrincə, müəllimlərə təzyiq göstərən, məktəbi bazara çevirən direktorların cəzası təkcə işdən çıxarılmaq olmamalıdır:

“Cinayət Məcəlləsinin 311-ci maddəsinə əsasən, rüşvət alma faktı aşkarlanan vəzifəli şəxslər 12 ilə qədər azadlıqdan məhrum edilməlidir. Bununla yanaşı, təhsil müəssisələrində ictimai nəzarət gücləndirilməli, məktəb direktorlarının fəaliyyətinə dair hesabatlar ictimaiyyətə açıq şəkildə təqdim olunmalıdır. Müəllimlərin və valideynlərin şikayət mexanizmi şəffaf olmalı, məktəbdə baş verən qanunsuzluqlarla bağlı anonim müraciət sistemləri yaradılmalıdır. Əgər Elm və Təhsil Nazirliyi bu məsələdə qətiyyətli mövqe ortaya qoymazsa, təhsil sistemi daha da uçuruma yuvarlanacaq. Təhsil müəssisələrində korrupsiya artdıqca, müəllimlərin nüfuzu azalır, cəmiyyətin savadsızlaşması sürətlənir və Azərbaycan təhsili beynəlxalq reytinqlərdə daha da geriləyir. Problemin kökündən həlli üçün təkcə direktorların cəzalandırılması yetərli deyil, sistemin bütövlükdə yenidən qurulması və idarəetmənin şəffaflaşdırılması zəruridir. Əks halda, gələcək nəsillər savadsız və manipulyasiya olunan bir cəmiyyətin qurbanına çevriləcək”.

Azərbaycan Respublikası Əsgər Anaları Komitəsinin sədr müavini, 1990-2000-ci illərin tanınmış azərbaycanlı hüquq müdafiəçisi, Taisiya Qordeyevanın itkin düşməsi ilə əlaqədar axtarış elan edilib.

Bu barədə Daxili İşlər Nazirliyinin Mətbuat Xidmətindən məlumat verilib.

Bildirib ki, itkin düşmə kimi axtarışa elan edilən qadının tapılaraq aidiyyəti üzrə təhvil verilməsi istiqamətində polis əməkdaşları tərəfindən tədbirlər görülür.

Qeyd edək ki, Taisiya Mixaylovna Qordeyeva (1947-ci il təvəllüdlü) ötən gün Əhməd Rəcəbli küçəsi, 184 ünvanında yerləşən "Omid” mağazasından çıxaraq evinə qayıtmaması ilə əlaqədar ailə üzvləri paylaşım edib. Onun demensiyadan əziyyət çəkdiyi bildirilir. Taisiya Qordeyevanı görən və ya onun harada olması barədə hər hansı məlumatı olan hər kəsdən Daxili İşlər Nazirliyinin 102 və ya (050) 322-42-25 nömrəli telefonlarına zəng etmələri xahiş olunur.

“Nar” 8 Mart – Beynəlxalq Qadınlar Günü münasibətilə xanım jurnalistlər üçün xüsusi bir tədbir təşkil edib. Media nümayəndələri üçün təşkil olunan gil sənətkarlığı master-klassında iştirakçılar öz baxışlarını sənətə çevirməklə fərqli sənət əsərləri hazırlayıblar.

Tədbirin məqsədi jurnalistlər üçün yaradıcı bir mühit yaratmaq, onları gündəlik iş rejimindən ayıraraq sənətin və incəsənətin ilhamverici gücündən faydalanmalarına şərait yaratmaq olub. “Nar” bu təşəbbüslə media nümayəndələrinin yaradıcı potensialını dəstəkləməklə yanaşı, eyni zamanda onların bu xüsusi gününü özünəməxsus bir tərzdə təbrik edib.

“Nar” hər zaman medianın inkişafına töhfə verməyə, jurnalistlərin peşəkar fəaliyyətini dəstəkləməyə önəm verir və bu istiqamətdə müxtəlif təşəbbüsləri davam etdirir. Mobil operatorun həyata keçirdiyi bütün sosial layihələr haqqında nar.az saytından ətraflı məlumat əldə edə bilərsiniz.

Hazırda 2,2 milyon abunəçiyə yüksəkkeyfiyyətli rabitə xidmətləri göstərən “Nar” son 6 ildə Müştəri Loyallığı İndeksinə görə ölkədə lider mobil operatordur. Mobil operator müştəriyönümlülük strategiyasına sadiq qalaraq sərfəli qiymət qarşılığında üstün xidmət təqdim edir.

Bir neçə gündən sonra Beynəlxalq Qadınlar Günüdür. Qadınlara qarşı
nəzakət, sevgi və məhəbbətin tərənnümünü ənənəvi hala gətirmiş bayramdır.
Türkiyəli yazar Gökalp qeyd edirdi ki, "Əski irqlərin heç biri türklər qədər
qadına haqq verməmiş və sayğı göstərməmişdir.
Türklərdə qadınlara kişilərin yeganə yoldaşı və uşaqlarının anası olmaq
kimi mühüm vəzifə qoyulmuşdur. Daha da önəmlisi odur ki, o, Türk Millətinin
tək bərəkət qaynağıdır. Hamının baş əydiyi şərəf abidəsidir:
1.) Türklərin ən qədim dastanlarından olan Yaradılış dastanında Yaradana
ilham verən qadın “Ağ Ana”dır.
2.) Bilgə xaqan kitabəsində xaqan xitabını “Sən, mənim Katun Anam,
mənim böyük analarım, xalalarım, şahzadələrim...” sözləri ilə başlayır.
3.) Qədim türk inancına görə “Xan və Xatun” yerin və göyün övladlarıdır.
Qadının yeri göyün yeddinci qatındadır.
4.) Türk sivilizasiyasında epik qəhrəmanlar döyüşməyi bacaran, qılıncdan
istifadə etməyi yaxşı bilən, əcdadlarının qayğısına qalmağı bacaran qadınlarla
evlənmək istəyirlər.
5.) Qədim türk atalar sözlərinin birində deyirlir: "Birinci sərvət
sağlamlıqdır, ikinci sərvət yaxşı qadındır."
6.) Müharibə vaxtı qadınların düşmən əlinə keçməsi böyük ayıb sayılırdı.
7.) Bir qadın yanlış yola getdikdə belə qadını cəzalandırır, onu o yola
təhrik edən kişini isə öldürürdülər. Çünki namus sadəcə qadına yüklənmiş
məfhum deyildi.
8.) Başqa bir nəcib səyyah İbn Bəttuta deyir: “Burada mən qərbdə bir
vəziyyətin şahidi oldum ki, bu da türklərin öz qadınlarına göstərdiyi hörmət idi.
“Burada qadının dəyəri və rütbəsi kişilərdən yüksəkdir”.
9.) Qədim türklərdə qadın kişinin nə önündə gedirdi, nə də arxasında.
Tam yanında həyatda çiyin-çiyinə addım atırdılar.
10.) Altay dağlarının ən uca zirvəsinə “Kadınbaşı” adı verilməklə qadının
böyüklüyü yaşadılmışdır.
11.) Bir qadın zorla ərə verilməzdi. Qadından 3 dəfə fikri alınar, sonda
rədd edərdisə, ona basqı etmək təcavüz sayılırdı.
12.) Əgər xanın əmrləri yalnız “Xan əmr edir” ifadəsi ilə başlayırdısa,
onlar etibarlı sayılmırdı. Orada mütləq “Xan və Xatun əmr edir” yazılmalı idi.
İmran Verdiyev.
TEREF

İnnovasiya və sürət lideri “Bakcell” jurnalist xanımları 8 Mart – Beynəlxalq Qadınlar Günü münasibətilə təbrik edib. Şirkət 30-dan çox media nümayəndəsini bir araya toplayaraq, səmimi və qeyri-rəsmi görüş təşkil edib.
Görüşdə “Bakcell”in Korporativ Kommunikasiyalar üzrə direktoru Aysel Süleymanova media sahəsində peşəkarlığı, obyektivliyi və şəffaf informasiyanın yayılmasını təşviq edən bütün xanımları təbrik edərək bildirib: "Qadınların cəmiyyətdəki rolu və uğurları bizi ilhamlandırır. “Bakcell” olaraq biz qadınların peşəkar və şəxsi inkişafına dəstək verməyi prioritet hesab edirik. Onların potensialını reallaşdırması, yeni imkanlar qazanması və öz bacarıqlarını daha da inkişaf etdirməsi üçün daim yanlarında olmağa hazırıq".
Həmçinin, tədbirdə xanımlar üçün floristika üzrə master klass keçirilib. Onlar güllərlə kompozisiya qurmağın incəliklərini öyrənib, öz unikal buketlərini hazırlayaraq kreativ yanaşmalarını nümayiş etdiriblər.
Qeyd edək ki, “Bakcell” yarandığı gündən media nümayəndələri ilə sıx əməkdaşlıq edərək, onların fəaliyyətini dəstəkləməyə və jurnalistlərin peşəkar inkişafına töhfə verməyə davam edir.
“Bakcell” haqqında
“Bakcell” Azərbaycanın ilk və ən böyük özəl telekommunikasiya şirkətidir. Hazırda “Bakcell” üç milyondan çox müştərini yüksək innovativ, keyfiyyətli və sürətli telekommunikasiya xidmətləri ilə təmin edir. Şirkət süni intellektə əsaslanan həllər vasitəsilə Azərbaycanın davamlı inkişafına töhfə verir və Azərbaycan iqtisadiyyatının qeyri-neft sektorunun ən böyük investorlarından biridir.
“Bakcell” müxtəlif ölkələrdə telekommunikasiya, enerji, yüksək texnologiyalar və tikinti sahələrində fəaliyyət göstərən “NEQSOL Holding” beynəlxalq şirkətlər qrupunun tərkibinə daxildir.

Sumqayıtda evdə 62 yaşlı qadının meyiti aşkarlanıb.

“Report”un yerli bürosu məlumat verir ki, hadisə şəhərin 9-cu mikrorayonunda qeydə alınıb.

1963-cü il təvəllüdlü Tamilə Cavadovanın meyiti onun yaşadığı ünvanda tapılıb.

Faktla bağlı Sumqayıt şəhər Prokurorluğunda araşdırma aparılır.