Bakıda təmizlik işçisi parkda ölüb.

Lent.az xəbər verir ki, hadisə Səbail rayonu Şahlar Allahverdiyev küçəsində yerləşən parkda qeydə alınıb.

Mənzil Kommunal Təsərrüfat Bölməsində süpürgəçi işləyən 65 yaşlı Kifayət Təvəkkül qızı Bayramova dünyasını dəyişib. Onun parkda qəfil infarkt keçirərək öldüyü deyilir.

Azərbaycanda baldızının intim görüntülərini yayan qadın cinayət məsuliyyətinə cəlb edilib.

Laçın rayon sakini 1986-cı il təvəllüdlü Südabə Hüseynovaya (ad-soyadlar şərtidir) Cinayət Məcəlləsinin 156.1-ci, yəni şəxsi həyatın toxunulmazlığı maddəsi ilə iş açılıb.

Araşdırmalarla Südabənin ərinin bacısı olan Xanım Hüseynovaya məxsus intim görüntüləri digər vətəndaşların mobil telefonuna göndərərək onun şəxsi həyatına dair informasiyaları yayması məlum olub.

Müəyyən edilib ki, hadisədən əvvəl dövlət qurumlarından birində çalışan Südabənin əri öz müdiri Turaldan işlənmiş telefon alıb. Südabə evdə olarkən ərinin telefonunu götürərək onun yaddaş hissəsində axtarış aparıb. Bu zaman o, Tural ilə, yəni telefonun keçmiş sahibi ilə baldızı Xanım arasında sevgi münasibətinin olmasını öyrənib. Südabə onlar arasındakı danışıqları oxuyub, həmçinin baldızı Xanımın Turala göndərdiyi intim görüntülərini öz telefonuna köçürüb.

Bundan sonra Südabə evli baldızının evli kişi ilə sevgi yaşamasını, ona intim görüntülər göndərməsini yaxınlarına və digər şəxslərə bəyan etmək qərarına gəlib. O, görüntüləri bir neçə nəfərə göndərərək baldızını rüsvay edib.

Başlanmış cinayət işinin materialları baxılması üçün Laçın rayon məhkəməsinə göndərilib.

Məhkəmə Südabə Hüseynovanı 156.1-ci maddə il təqsirli bilərək qazancının 15 faizinin dövlət nəfinə tutulmaqla 6 ay müddətə islah işləri cəzasına məhkum edib. Həmçinin təqsirləndirilən şəxsin üzərində “başqa yerə getməmək haqqında iltizam” növündə qətimkan tədbiri saxlanılıb.// Publika.az

Salyan rayonunun Yeni Uluxanlı kəndində baş verən dəhşətli qətl hadisəsi geniş ictimai rezonans doğurub. Hadisə sözügedən kəndin qoyunçuluq təsərrüfatı sahəsində qeydə alınıb.

Bizim.Media-nın yerli bürosu xəbər verir ki, 1986-cı il təvəllüdlü Mətanət Hüseynova həyat yoldaşı Röyal Hüseynovu amansızcasına qətlə yetirib.

Belə ki, Mətanət Hüseynova aralarında yaranmış mübahisə zamanı Röyal Hüseynova ov tüfəngi ilə atəş açaraq həyatına son qoyub. Cinayəti ört-basdır etmək məqsədilə ertəsi gün meyiti hissələrə bölərək yaxınlıqdakı kollektora atıb.

Kənd sakinlərinin sözlərinə görə, Mətanət Hüseynova tanınmış cərrahın qızıdır və ailəsi onun Röyalla evliliyinə qarşı çıxıb. Buna baxmayaraq, cütlük ailə quraraq Yeni Uluxanlı kəndində məskunlaşıb. Ailənin üç övladı olduğu və uzun illər qoyunçuluqla məşğul olduqları bildirilir. Röyal Hüseynovun isə Salyan rayonunun Şəkərli kəndindən olduğu və yaxın qohumları ilə münasibətlərinin az olduğu qeyd edilir.

Qətli törətməkdə təqsirləndirilən Mətanət Hüseynovanın atası, tanınmış cərrah Fədail Salmanov, qızı ilə əlaqələrini çoxdan kəsdiyini və ondan imtina etdiyini açıqlayıb.

Röyal Hüseynovun hissələrə ayrılmış cəsədi ekspertizadan sonra yaxınlarına təhvil verilib və o, bu gün doğulduğu Şəkərli kəndinin qəbiristanlığında dəfn edilib.

Qeyd edək ki, faktla bağlı Salyan rayon prokurorluğunda Cinayət Məcəlləsinin 120.1-ci maddəsi (qəsdən adam öldürmə) üzrə cinayət işi açılıb. Mətanət Hüseynova hüquq-mühafizə orqanları tərəfindən saxlanılıb və hazırda istintaq davam edir.

Yaşlanma prosesini yavaşlatmaq və ya geri çevirmək son illərdə geniş marağa səbəb olub. Sağlam qidalanma və idmanla bu məqsədə çatmağa çalışanlarla yanaşı, alternativ terapiya üsullarına müraciət edən "biyohacker"lar da bu sahədə ad qazanır.

Qaynarinfo "Business Insider"ə istinadən xəbər verir ki, ABŞ-ın Ohayo ştatının Klivlend şəhərində uzunömürlülük klinikasına rəhbərlik edən və sağlamlıq optimizasiyası haqqında podkast aparan Kayla Barnes-Lentz təqvim yaşı 33 olsa da, bioloji yaşını 22-yə necə endirdiyini izah edib.

Bioloji yaş nədir?

Bioloji yaş orqanların və hüceyrələrin sağlamlığını göstərən bir meyardır. Lakin alimlər hələ də bu anlayışın tam tərifində razılığa gələ bilməyiblər.

Barnes-Lentzin gündəlik rejimi isə tibb mütəxəssislərinin bir hissəsi tərəfindən təsdiqlənmiş yanaşmalardan ibarət olsa da, bəzi üsulları elmi baxımdan mübahisəlidir.


Gününə necə başlayır?

Kayla Barnes-Lentz hər gün səhər saat 5:00-də oyanır və təxminən 2,5 saatını özünə qulluq prosedurlarına həsr edir. O, dil təmizləmə, ağız yaxalama və Ayurvedik "yağ çəkilməsi" kimi metodlardan istifadə edir.

Səhər rutini zamanı həmçinin impulsiv elektromaqnit terapiyasından (PEMF) yararlanır və bu üsulu bədənin enerjisini "yenidən doldurmaq" kimi təqdim edir.

İş mühiti və gündəlik fəaliyyəti

Barnes-Lentz iş saatları ərzində uzunömürlülük klinikasını idarə edir, sosial media hesablarını izləyir və gün ərzində 10 min addım atmağa çalışır. O, xüsusi bir kresloda oturur, qırmızı işıq terapiyası şapkası taxır və hava filtrləri ilə təchiz edilmiş ofisində təbii işıqdan istifadə edir.

İdman və bəslənmə vərdişləri

Gündəlik idman və sağlam qidalanmaya böyük önəm verən Barnes-Lentz, günortadan sonra soyuq su hovuzuna girir və hiperbarik oksigen terapiyasından istifadə edir. Onun menyusu müxtəlif tərəvəzlər, yüksək keyfiyyətli proteinlər, sağlam yağlar və qan şəkərini balanslı saxlayan karbohidratlardan ibarətdir.

Axşam rejimi və yuxu optimizasiyası

Barnes-Lentz və həyat yoldaşı 17:00-də axşam yeməyi yeyir və 20:30-da yatmağa hazırlaşır. Yatmazdan əvvəl onlar aşağı intensivlikli kardio məşqlər edir və evdə yalnız qırmızı işıqdan istifadə edirlər. Bu yanaşma melatonin ifrazını artırmaq məqsədini daşıyır.

Elm və təcrübə

Barnes-Lentzin bəzi metodlarının elmi təsiri sübuta yetirilməmiş olsa da, o, sağlamlıq və uzun ömür üçün müxtəlif üsulları birləşdirərək həyat tərzini optimallaşdırmağa çalışır. Gələcəkdə bu təcrübələrin daha geniş elmi əsaslara sahib olub-olmayacağı isə hələ də müzakirə mövzusudur.

Taylandın baş naziri Paetonqtarn Şinavatra 2 milyon dollar dəyərində 200-dən çox dəbdəbəli çanta kolleksiyası və 5 milyon dollar dəyərində ən azı 75 dəbdəbəli saat kolleksiyası da daxil olmaqla 400 milyon dollar dəyərində sərvəti olduğunu açıqlayıb.

"DogruXeber.Az" xəbər verir ki, onun Tayland, İngiltərə və Yaponiyada mülkləri, həmçinin 108 üzüyü, 205 cüt sırğası və 9 xüsusi hazırlanmış oyuncağı var.

Milyarder siyasətçi Takşin Şinavatranın kiçik qızı 38 yaşlı Paetonqtarn Şinavatra sələfi Srettha Tavisin Konstitusiya Məhkəməsi tərəfindən etika pozuntularına görə vəzifədən azad edildikdən sonra 2024-cü ilin avqustunda vəzifəyə başlayıb və Şinavatra ailəsinin ölkəni idarə edən üçüncü üzvü olub.

Taylandın ən zəngin ailələrindən biri olan Şinavatraların sərvətinin 2,1 milyard dollar olduğu təxmin edilir. Dünya Bankının məlumatına görə, Tayland son iki onillikdə yoxsulluğun azaldılmasında sürətli irəliləyiş əldə etsə də, hələ də Şərqi Asiya və Sakit okean regionunda gəlir əsaslı bərabərsizliyin ən yüksək olduğu ölkədir.

Rusiyanın paytaxtı Moskva şəhərində xeyli sayda azərbaycanlı qadını fahişəliyə cəlb edən "Maşa" ləqəbli Mətanət Məmmədovaya hökm oxunub. Qaynarinfo-nun məlumatına görə, ötən ilin oktyabr ayında hava limanında saxlanılan 1979-cu ildə Balakəndə doğulmuş, Rusiya Federasiyasının vətəndaşı olan Mətanət Məmmədovaya Cinayət Məcəlləsinin 144-1.2.1, 144-1.2.2 və 144-1.2.4-1-ci maddələri ilə cinayət işi açılıb, işə baxılması üçün məhkəməyə göndərilib.

Məhkəmədə məlum olub ki, Rusiyada "Maşa" ləqəbi ilə tanınan Mətanət Məmmədova Moskva şəhərində xeyli sayda icarəyə götürülmüş kafe və restoran işlədib. Həmçinin azərbaycanlı müğənnilərin Moskvada kafe və restoranlarda çıxışlarına təşkilatçılıq da edib.

O, 20-yə yaxın azərbaycanlı qadını Moskvada fahişəliyə cəlb etməkdə ittiham edilib. Zərərçəkmiş qadınlardan biri hətta "Maşa" ləqəbi ilə tanınan Mətanət Məmmədovaya görə Rusiyada meşələrin birində bir gün ağaca bağlanaraq cinsi təcavüzə məruz qaldığını deyib. Digər zərərçəkmiş qadınlar da yüksək məbləğdə maaş vermək adı ilə aldanaraq Moskvaya getdiklərini və orada Mətanət Məmmədova tərəfindən cinsi istismara məcbur edildiklərini deyiblər. Hətta bəzi qadınlar Azərbaycana qayıtdıqdan sonra Mətanət Məmmədova tərəfindən video görüntülərlə şantaj edilərək Moskvaya qaytarmağa məcbur edilib.

Mətanət Məmmədovanı zərərçəkmiş qadınların bəzilərilə müğənnilik fəaliyyətilə məşğul olan "Elçin Göyçaylı" kimi tanınan şəxsin tanış etməsi də məlum olub. Elçin qadınlara yüksək maaş veriləcəyi vədi ilə Mətanət Məmmədovanın yanına göndərib. Şahid qismində "Elçin Göyçaylı" ilə duet ortağı olan qadının da məhkəmədə ifadəsi alınıb.

2024-cü il dekabrın 24-də Zərdab rayonunda Kür çayında batan 13 yaşlı yeniyetmə qızın meyiti yanvarın 2-də tapılıb. Meyit batdığı yerdən təxminən 15 kilometr aralıda, Kür çayının Kürdəmir rayonunun Söyüdlü kəndi ərazisindən keçən hissəsində aşkarlanıb.

Fövqəladə Hallar Nazirliyinin Aran Regional Dalğıc-axtarış qrupunun əməkdaşları meyiti sudan çıxararaq aidiyyəti üzrə təhvil veriblər.

Mərhumun nənəsi Aişə Kərimova hadisə ilə bağlı danışaraq bildirib:

"Uşağı səhər dərsə yola salmışdım. Qardaşı ilə birlikdə evdən çıxmışdılar. Yolda məktəbdə işləyən xadimə ona "Gəl, birlikdə gedək" desə də, Saray "Sən get, mənim işim var, adam gözləyirəm" deyib. Sonra gözlədiyi qıza "İlkin müəllimə deyərsən ki, Saray Kürə getdi" söyləyib. Bilmirəm ki, aralarında nə baş verib. Dekabrın 4-də də ad günü idi. Anası zəng etmişdi. Nə qədər desək də, onunla danışmaq istəmədi. Anası üç il əvvəl uşaqlarını qoyub başqasına ərə gedib".

Hadisə ilə bağlı araşdırma aparılır.

Ətraflı Baku TV-nin süjetində:

Əməliyyatla üz cizgilərini dəyişdirdiyinə görə mətbuatda çox vaxt "Pişik qadın" kimi adlandırılan isveçrəli Joslen Vildenşteyn Parisdə vəfat edib.

Bu barədə "Paris Match" məlumat verib.

Qeyd olunur ki, Vildenşteyn Parisdə hotellərin birində ağciyər emboliyasından dünyasını dəyişib.

Xatırladaq ki, o, sonuncu dəfə dekabrın 18-də ictimaiyyət qarşısında görünmüşdü.