“Qəzzada hərbi əməliyyatların intensivləşdiyini müşahidə edirik və biz humanitar atəşkəs istəyirik”.

Bunu BMT Baş katibinin sözçüsü Stefan Dujarrik deyib.

Dujarrik tərəfləri atəşkəsə səsləyib: “Girovlar azad edilməlidir və mülki əhalinin humanitar atəşkəsə ehtiyacı var. Ancaq humanitar atəşkəs olarsa onlar özlərini təhlükəsiz hiss edə, ehtiyac duyduqları humanitar yardımı ala bilərlər”.

Sözçü qeyd edib ki, Qəzzada telekommunikasiya şirkətlərinin yanacağı tükənir və bu, baş verərsə BMT bölgədən baş verənlərdən xəbərdar ola bilməyəcək: “Yanacaq tükənərsə, mobil telefon xidməti və internetə çıxış olmayacaq. Bu da təkcə mülki şəxslərə birbaşa təsir etməyəcək, bizim humanitar fəaliyyətimizə birbaşa təsir edəcək. Əməliyyatlar getdikcə çətinləşir, daha təhlükəli olur”.

General-leytenant Hikmət Mirzəyevin müdafiə nazirinin müavini – Quru Qoşunlarının komandanı vəzifəsinə təyin olunmasından sonra müddətli həqiqi hərbi xidmətdə olanlara iki dəfə məzuniyyət verilir.

Maraqlıdır bu dəyişiklik nə ilə əlaqələndirilir?

TEREF xəbər verir ki, məsələ ilə bağlı Modern.az-a danışan hərbi ekspert Ədalət Verdiyev bunları deyib:

“Azərbaycan Respublikası Silahlı Qüvvələrində xidmət keçən hərbi qulluqçulara məzauniyyət qanunvericiliyin tələblərinə uyğun verilir. Bu, komandanlığın dəyişməsi ilə əlaqədar proses deyil. 1,5 il və ya 1 il müddətli hərbi xidmət hərbi qulluqçularına xidmət dövründə cəmi bir dəfə – 10 gün məzuniyyət təqdim edilir. Lakin xidmət müddətində xüsusi fərqlənən hərbi qulluqçulara mükafat məqsədi ilə komandanlıq tərəfindən əlavə məzuniyyət verilə bilər. Üçüncü məzuniyyət yaradan məsələ isə müalicədə olan hərbi qulluqçülara aiddir. Onlar da müəssisə rəhbərinin təqdimatı əsasında komandanlıq tərəfindən məzuniyyətə buraxıla bilərlər”.

Müharibə qanunlarına görə Ukraynanın Rusiya ərazisinə zərbə endirmək hüququ var.

Bunu Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Cozep Borrell Aİ-yə üzv dövlətlərin müdafiə nazirlərinin görüşündə bildirib.

O deyib ki, bu yolda tərəfdaşların rəsmi Kiyevə verdiyi silahlar işə salına bilər.

Borrelin sözlərinə görə, Ukrayna tərəfi indiki halda özünümüdafiə hüququdan istifadə edir.

Niderland və Estoniyanın müdafiə nazirləri Kaysa Ollonqren və Hanno Pevkur da bu fikirləri dəstəkləyiblər.

Fransa Ukrayna Silahlı Qüvvələrinin hərbçiləri üçün təlimlərin təşkili məqsədilə ölkəyə təlimatçılar göndərəcək.

Müvafiq sənədləri bu gün Ukrayna Silahlı Qüvvələrinin Ali Baş Komandanı Aleksandr Sırski imzalayıb.

“Mən artıq ilk fransalı təlimatçıların təlim mərkəzlərimizə baş çəkməsinə, onların infrastrukturu və işçi heyəti ilə tanış olmasına imkan verəcək sənədləri imzalamışam”, deyə Sırski “Telegram” kanalında bildirib.

Onun sözlərinə görə, danışıqlarda Ukraynanın müdafiə naziri Rustem Umerov da iştirak edib.

Qeyd edək ki, “New York Times” nəşri daha əvvəl NATO ölkələrinin Ukrayna Silahlı Qüvvələrinə təlim keçmək üçün öz hərbi təlimatçılarını Ukraynaya göndərmək qərarına tədricən yaxınlaşdıqlarını yazmışdı.

Azərbaycan Respublikasının sabiq müdafiə naziri vəfat edib.

Bu barədə Moderator.az məlumat yayıb.

Bildirilib ki, general-mayor, Azərbaycan Respublikası Veteranlar Şurasının sədri Dadaş Rzayev uzun sürən xəstəlikdən sonra dünyasını dəyişib.

Xatırladaq ki, D.Rzayev 22 dekabr 1935-ci ildə Goranboy rayonunda doğulub. 1993-cü ildə cəmi 4 ay Azərbaycan Respublikasının müdafiə naziri vəzifəsində çalışıb. 2014-cü ildə Azərbaycan Respublikası Veteranlar Şurasının sədri seçilib. 2015-ci ildə isə "Azərbaycan Respublikasının ictimai həyatındakı səmərəli fəaliyyətinə və gənclərin vətənpərvərlik tərbiyəsindəki xidmətlərinə görə" "Şöhrət" ordeni ilə təltif edilib.

Baltikyanı ölkələrin parlamentariləri Ukrayna Silahlı Qüvvələrinin vəziyyəti pisləşərsə, Ukraynaya hərbi qulluqçuların göndərilməsini istisna etməyiblər.

İqtisadiyyat.az xəbər verir ki, bu barədə "Der Spiegel" jurnalı məlumat yayıb.

Bundan əlavə, nəşrdə konkret olaraq kimin bu cür bəyanatlar verdiyi göstərilmir.

"Der Spiegel" yazır ki, ötən həftə Tallinndə keçirilən təhlükəsizlik konfransı zamanı Baltikyanı ölkələrin parlamentlərinin üzvləri Berlin nümayəndələrini tənqid ediblər.

"Baltikyanı siyasətçilər xəbərdarlıq ediblər ki, Baltikyanı ölkələr və Polşa rus qoşunlarının öz sərhədlərinə çatmasını gözləməyəcək, ona görə də Ukraynaya özləri qoşun göndərəcəklər", - jurnal yazır.

Müəllif yazır ki, bu halda NATO müharibənin tərəfinə çevriləcək.

NATO-nun baş katibi Yens Stoltenberq əvvəllər qeyd edib ki, alyans Ukraynaya qoşun yeritmək və ya Ukrayna səmasında uçuşa qadağa zonası yaratmaq niyyətində deyil.

Fələstin radikalları Qəzza zolağının cənubunda yerləşən Rəfah şəhəri ərazisindən İsrail istiqamətində səkkiz raket atıb, onların bəziləri hava hücumundan müdafiə sistemi tərəfindən zərərsizləşdirilib.

Bu barədə İsrail Müdafiə Qüvvələrinin (IDF) mətbuat xidməti məlumat yayıb.

"İsrailin mərkəzində bu yaxınlarda səslənən sirenlərin ardınca Rəfah bölgəsindən İsrail ərazisinə doğru 8 raket atılıb. Bir neçə mərmi İDF hava hücumundan müdafiə sistemləri tərəfindən ələ keçirilib", - məlumatda deyilir.

Kan radiostansiyası qeyd edir ki, son dörd ayda ilk dəfə olaraq ölkənin mərkəzi hissəsində hava hücumu xəbərdarlığı elan edilib.

Pekin ABŞ-ın dəstəklədiyi demokratiyanın yeni liderinə işarə olaraq Tayvan ətrafında müharibə oyunları həyata keçirəndən sonra Pentaqon cümə günü elan edib ki, ABŞ Müdafiə naziri Lloyd Austin çinli həmkarı ilə görüşəcək.

Pentaqon bildirib ki, Austin 31 may-2 iyun tarixlərində Şanqi-La Dialoqunda iştirak etdiyi zaman çinli admiral Donq Cunla görüşəcək. Şanqi-La Dialoqu hər il dünya boyu müdafiə rəsmilərinin bir araya gəldiyi iclasdır.

Çin bu həftə döyüş gəmiləri və döyüş təyyarələri ilə Tayvan ətrafında dövrə vurub. Bu, onun iddiası olduğu ərazini ələ keçirmək qabiliyyətini sınaqdan məqsədi daşıyırdı. Sınaqlar özünü idarə edən Tayvanın demokratiyasını qorumağı vəd edən Prezident Lai Çinq-tenin inaqurasiyasından sonraya təsadüf edib.

Austinin Donqla görüşü onlar aprel ayında telefonla danışdığı zamandan bəri gözlənilirdi. Həmin telefon danışığı son 18 ayda iki qüdrətin müdafiə rəsmiləri arasında ilk əsaslı danışıqlar idi.

Prezident Co Baydenin administrasiyası və Çin gərginliyi azaltmaq məqsədilə kommunikasiyaları artırıblar. Belə ki, Dövlət katibi Antoni Blinken ötən ay Pekin və Şanxxaya səfər edib.

Ancaq Çin Prezidenti Şi Tsinpinin noyabrda Kaliforniyada Naydenl keçirilən sammit zamanı hərbi dialoqun bərpasına razılaşada qədər müdafiə sahəsində danışıqlar geridə qalmışdı.

Austin həmçinin ASEAN-ın müdafiə nazirləri ilə danışıqlar üçün gələn həftə Kambocaya səfər edəcək. O səfərini Fransada başa vuracaq ki, orada o, Prezident Co Baydenlə birlikdə Neptun əməliyyatının 80-ci ildönümü münasibətilə keçirilən tədbirlərdə iştirak edəcək.

Onun səfəri Austinin cümə günü tibbi prosedur səbəbilə səlahiyyətlərini iki saat yarımlıq müddətə müavini Katlin Hiksə həvalə etməsinə rəğmən elan edilib.

Austin Qərbin Ukraynanı Rusiyanın təcavüzünə qarşı dəstəkləmək səylərində əsas fiqurdur.

Rusiya hərbçiləri mayın 25-də günorta saatlarında Xarkovdakı “Episentr” hipermarketinə UMPB D-30 hava bombaları ilə zərbə endirib.

Azpost.info bildirir ki, bu barədə regional polis rəisi Vladimir Timoşko bildirib.

Ukrayna prezidenti Vladimir Zelenski bununla bağlı açıqlama yayıb. Prezident rus hərbçiləri tərəfindən vurulan Xarkovdakı tikinti malları hipermarketində 200-dən çox adamın ola biləcəyini deyib.

“Rusiya şənbə günü, günün ortasında bizim Xarkova – tikinti malları hipermarketinə daha bir vəhşi zərbə endirildi. Hazırda hipermarketdə 200-dən çox insanın ola biləcəyi məlumdur. Artıq bütün xidmətlər yerində yardım göstərir. Ölənlər və yaralananlar haqqında məlumatımız var”, – deyə Ukrayna prezidenti qeyd edib.

Onun sözlərinə görə, Ukraynanın kifayət qədər hava hücumundan müdafiə sistemləri və müasir döyüş təyyarələri olsaydı, Rusiyanın bu cür zərbələri sadəcə olaraq mümkünsüz olardı.

“Buna görə də biz bütün liderlərə, bütün dövlətlərə müraciət edirik: hava hücumundan müdafiənin əhəmiyyətli dərəcədə artırılmasına və rus terrorçularını məhv etmək üçün kifayət qədər imkanlara ehtiyacımız var. Hər gün dünyaya səslənirik: bizə hava hücumundan müdafiə verin, insanları xilas edin”.- deyə Ukrayna prezidenti yazıb.

Kreml Ukraynanın kapitulyasiyasından başqa heç bir variantı qəbul etmir

“Atəşkəs Rusiyanın Ukrayna dövlətçiliyini məhv etmək üçün hücum kampaniyasını bərpa etməsinə mane olmur və Rusiya Ukrayna ərazisində gələcək hücum əməliyyatlarına hazırlaşmaq üçün istənilən atəşkəsdən istifadə edəcək”.

TEREF xəbər verir ki, ABŞ Müharibə Araşdırmaları İnstitutunun(ISW) son hesabatında belə deyilir.

Amerikalı analitiklər qeyd edir ki, Rusiya hazırda NATO ilə mümkün müharibəyə hazırlaşır və Kreml Ukraynanın kapitulyasiyasından başqa heç bir variantı qəbul etmir. Çünki Kreml Ukraynanın müstəqil dövlət kimi varlığını Rusiyanın NATO ilə mübarizəsində özü üçün ekzistensial təhlükə kimi qiymətləndirir.

Eyni zamanda, hesabatda qeyd olunur ki, Kreml müharibənin kritik anlarında Qərbin Ukraynaya dəstək qərarlarına təsir etmək və Qərbdən güzəştlər almaq səylərini davam etdirmək üçün danışıqlara maraq göstərməyə davam edəcək.

Xatırladaq ki, “Reuters” agentliyi ötən gün öz mənbələrinə istinadla yazıb ki, Putin atəşkəslə bağlı danışıqlara və mövcud cəbhə xəttində müharibəni dondurmağa hazırdır.

Azpolitika.info