 |
|
|
Rusiya hərbçiləri “Donetsk Xalq Respublikası”nda Paraskovyevka kəndinə nəzarəti ələ keçiriblər.
Referans.az xəbər verir ki, bu barədə Rusiya Müdafiə Nazirliyinin həftəlik xülasəsində bildirilib.
“Bir həftə ərzində Cənub Qüvvələr Qrupunun bölmələri cəbhə xəttində vəziyyəti yaxşılaşdırıb və Donetsk Xalq Respublikasının Paraskovyevka kəndini azad edib”, - məlumatda deyilir.
Almaniya hökuməti müharibə vəziyyətində yeni plan hazırlayıb.
Bu barədə “BİLD” nəşri yazır.
“Ümumi Müdafiə üçün Çərçivə Direktivi” adlı yeni hərbi sənəddə hərbi münaqişə zamanı görülməli olan tədbirlər əksini tapıb.
Planda əhalinin mümkün təxliyəsi, çağırışçılar üçün məcburi xidmət və bir çox müddəalar var.
Belə ki, müharibə baş verərsə, çağırışçılar üçün məcburi xidmət bərpa olunacaq. Bu o deməkdir ki, vətəndaşlar istənilən vaxt orduya çağırıla bilərlər.
Həmçinin, plana əsasən, NATO qoşunları ölkə boyu şərq cinahda yerləşdirilməlidir, burada Bundesver qüvvələri də yerləşəcək.
Bundan əlavə, hakimiyyət şirkətləri yalnız müdafiə ehtiyacları üçün məhsul istehsal etməyə məcbur edə bilər.
Həmçinin zirzəmilər, yeraltı dayanacaqlar və metro stansiyaları əhali üçün müvəqqəti bunker kimi istifadə edilməlidir.
Bild yazır ki, müharibə olacağı təqdirdə Almaniya tədarük böhranı ilə üzləşəcək. Ona görə də Qida Nazirliyi qida paylanmasını nəzarət etməlidir.
Hökumət buğda, çovdar və yulafı gizli yerlərdə saxlayacaq. Xüsusilə şəhər mərkəzlərində əhalini gündə bir dəfə isti yeməklə təmin etmək üçün təcili düyü və ya paxlalı bitki ehtiyatı olmalıdır.
Plana görə, xəstəxanalar qəfil çoxlu sayda xəstə axınına hazır olmalıdır. Məşğulluq xidməti 18 yaşdan yuxarı vətəndaşlardan müəyyən işlərdə işləməyi tələb edə bilər: məsələn, tibb bacısı, poçt şöbəsində, çörək sexlərində və s.
Rusiya Prezidenti Vladimir Putin Sankt-Peterburqdakı "Laxta" Mərkəzində keçirilən beynəlxalq xəbər agentliklərinin rəhbərləri ilə görüşü zamanı 1348 rusiyalı hərbçinin Ukrayna əsirliyində olduğunu bildirib.
Redaktor.az xəbər verir ki, o, bunu Fransanın "AFP" agentliyinin nümayəndəsinin sualını cavablandırarkən səsləndirib.
“Mən bu rəqəmləri bilirəm, çünki biz onlarla hər gün işləyirik. Bizdə 6465 ukraynalı əsgər var, əgər biz canlı itkilərdən danışırıqsa, onda bu nisbət təxminən birə beşə bərabərdir”, - deyə Rusiya lideri bildirib.
O qeyd edib ki, Rusiyanın münaqişə zamanı canlı itkiləri Ukraynanın itkilərindən xeyli az olub.
“Rusiya Prezidenti Vladimir Putinin beynəlxalq xəbər agentliklərinin rəhbərləri ilə söhbəti zamanı mesaj göndərdiyi ölkələr arasında tərəfdaş adlandırdığı Türkiyə də olub”. Globalinfo.az xəbər verir ki, bu sözləri politoloq Elxan Şahinoğlu deyib.
Onun sözlərinə görə, Türkiyəyə mavi yanacaq ötürən qaz emalı stansiyasına Ukraynanın hücum cəhdindən danışan Kreml rəhbəri iki pilotsuz təyyarə vurduqlarını bildirib: “Putin üzünü görüşdə iştirak edən türkiyəli jurnalistə – “Anadolu” Agentliyinin redaktoruna tutaraq deyib: “Lütfən, dostumuz Prezident Ərdoğana bu faktları çatdırın. Qara dənizdə gəmiçilik sistemini qoruyan gəmilərə də davamlı olaraq pilotsuz təyyarələrlə hücumlar edilir”. Putin bununla sanki türkiyəli həmkarına demək istəyib ki, “Sizin Ukraynaya satdığınız pilotsuz uçuş aparatları özünüzə qarşı istifadə edilir”.
Politoloq Ukraynanın Türkiyənin xaricində başqa ölkələrdən də pilotsuz uçuş aparatları əldə etdiyini qeyd edib: “Ukraynanın özündə də dron istehsalı təkmilləşib. Ukrayna Türkiyənin enerji maraqlarına təhlükə yaradan həmlələr həyata keçirməz. Digər tərəfdən Kiyev Qara dənizdə Rusiyaya aid hərbi gəmilərin xaricində başqa dövlətlərin gəmilərinə hücum etmir. Ukrayna Rusiyanın hərbi gəmilərini batırmaqda davam edir. Putin Qara dənizdə vəziyyətin bu qədər gərgin olmağından narahatdırsa, müharibəni dayandırsın, ancaq onun belə bir istəyi yoxdur”.
SEPAH-ın hərbi müşaviri İsrailin Suriyaya aviazərbəsi nəticəsində öldürülüb.
Bakupost.az xəbər verir ki, bu barədə İran mediası məlumat yayıb.
İslam İnqilabı Keşikçiləri Korpusunun (SEPAH) Suriyadakı hərbi müşaviri Səid Əbiyar ötən gecə İsrailin Hələbə endirdiyi aviazərbə nəticəsində öldürülüb.
İsrail prezidenti İsaak Hersoq ABŞ prezidenti Co Baydenin Qəzza zolağında elan etdiyi atəşkəs təklifini qəbul edəcəyi təqdirdə Baş nazir Benyamin Netanyahunu dəstəkləyəcəyini bildirib.
Bu barədə president Təl-Əviv Universitetində keçirilən hüquq konfransındakı çıxışı ilə bağlı "X"də paylaşım edib.
"Mən prezident Baydenə çıxışına və Qəzza zolağında radikal Fələstin hərəkatı HƏMAS tərəfindən saxlanılan bütün girovları azad etmək üçün göstərdiyi səylərə görə təşəkkür etmək istəyirəm. Bu kontekstdə mən Baş nazirə məlumat verdim ki, girovların azad edilməsinə gətirib çıxaracaq razılaşmanın əldə edilməsində ona və hökumətə tam dəstəyimi verəcəyəm”, - bəyanatda deyilir.
Şiddətli döyüşlərin getdiyi Xarkovun şimalındakı Vovçansk şəhərinin 70 faizi Ukrayna Silahlı Qüvvələrinin nəzarəti altındadır. Hazırda yaşayış məntəqəsində və ətrafında işğalçı qüvvələrə qarşı döyüşlər aparılır.
“Report” “Faktı ICTV”yə istinadən xəbər verir ki, bu barədə “Xortitsya” operativ-strateji qoşun qruplaşmasının sözçüsü Nazar Voloşın telemarafonun efirində açıqlayıb.
“İndi Müdafiə Qüvvələri Vovçansk şəhərinə nəzarət edir, təxminən 70 faizinə. Şəhərdə və onun ətrafında işğalçılarla şiddətli döyüşlər gedir, oradakı rusiyalılar kiçik hücum qruplarında irəliləmək və ya möhkəmlənmək cəhdlərini dayandırmırlar”, – sözçü vurğulayıb.
Bundan başqa, rusiyalı hərbi müxbirlərin sözlərinə görə, adıçəkilən istiqamətdə Ukrayna qüvvələri “fəal əks-hücumlara başlayıblar”.
Xatırladaq ki, mayın əvvəlində Rusiya Silahlı Qüvvələri Ukraynanın Xarkov vilayətinə genişmiqyaslı hücumlara başlayıblar. Hücum yönlərindən biri də regionun Vovçansk şəhəri olub. Həftələrdir davam edən döyüşlərə baxmayaraq, rusiyalılar şəhəri ələ keçirə bilməyib. Ayın sonlarına doğru Rusiya ordusunun Xarkov vilayətinin şimalındakı hücumu Ukrayna komandanlığının sözügedən bölgəyə böyük ehtiyatlar göndərməsindən sonra dayanıb.
Kreml Baydenin Kiyevin Rusiya Federasiyası ərazisini Amerika silahları ilə vurmasına "icazə” verməsindən xəbərsizdir.
APA-nın Moskva müxbiri xəbər verir ki, bu barədə Rusiya prezidentinin mətbuat katibi Dmitri Peskov bildirib.
Onun sözlərinə görə, Kiyev artıq Rusiya Federasiyasının ərazisinə Amerika istehsalı olan silahlarla zərbələr endirməyə çalışır.
"Biz bilirik ki, ümumiyyətlə, Amerika istehsalı olan silahlarla artıq Rusiya ərazisinə zərbə endirilməyə çalışılır. Bu, ABŞ-nin bu münaqişədə iştirakının dərəcəsini daha açıq-aydın nümayiş etdirir”, - deyə Peskov bildirib.
Qeyd edək ki, dünən "Politico" nəşri Baydenin Ukraynaya ABŞ istehsalı silahlarla Rusiya ərazisinə zərbə endirməyə "gizli" razılıq verməsi barədə məlumat yayıb.
ABŞ Ukraynaya Rusiyadakı hədəfləri vurmaq üçün Amerikanın hava hücumundan müdafiə sistemlərindən istifadə etməyə icazə verib.
Bu barədə “The Washington Post” məlumat yayıb.
Qeyd edək ki, artıq on Qərb ölkəsi Kiyevə onlardan aldığı silahlarla Rusiya ərazisinə zərbələr endirməyə icazə verib. Bunlara Böyük Britaniya, Latviya, Litva, Niderland, Polşa, Finlandiya, Fransa, Çexiya, İsveç və Estoniya daxildir.
Xəbər verdiyimiz kimi, Müharibədən sonra isə şəhərdə hərbi geyimdə gəzən şəxslərin sayı kifayət qədər artıb. Natəmiz, uyğunsuz daşınılan bu geyimlərin hərbi geyim qaydalarına zidd olduğu da gözdən yayınmır. Bəzi hallarda isə hərbi formada gəzən şəxslərin ümumiyyətlə müharibə iştirakçıları olmaması faktları da üzə çıxıb. Bu baxımdan mağazalara hərbi formaların satışına qadağan oluna bilər?
Mövzu ilə bağlı Sonxeber.az-a danışan hərbi ekspert Emin Həsənli deyib ki, ümumiyyətlə hərbi formanın qanunla geyim qaydaları var. Nizamnaməyə hər bir vətəndaş əməl etməlidir:
"Hərbi formanın azyaşlı uşaqların geyinməsi və bunda maraqlı olması önəmlidir. Azyaşlılar və oğlan uşaqları, o cümlədən məktəbdə və bağçada təhsil alanlar tədbirlərdə geyinir. Bu daha gözəl və səliqəli görünür. Ancaq müharibədən sonra qazilərimizdə formaları gəyindi. Geyim qaydasına mütləq şəkildə əməl etmək lazımdır. Geyim qaydaları haqqında qanun və nizamnamə var. Ancaq ehtiyata buraxılan zabitlər, hərbi qulluqçular, gizirlər, ordu rəhbərliyinin icazə verdiyi şəxslər önəmli olduğu təqdirdə bu formanı geyinə bilər. Amma hara gəldi geyinmək olmaz"
Ekspertin sözlərinə görə, bir sıra şəxslər hər sahədə dələduzluğa yol verirlər. Bu dəfə də hərbi formaya əl atıblar:
"Qazi olmayan və müharibədə iştirak etməyən şəxslər var ki, onlar bu formanı geyinirlər. Bundan bəzi məqsədlər üçün istifadə edirlər və yolverilməzdir. Daha sonra ordudan gəlib və bu formanı fəhləlik məqsədilə geyinənlər olur. Bu da yolverilməz bir haldır. Hərbi formalar müqəddəsdir. Bu formanı şəhidlərimiz və qazilərimiz geyinib. İnsanlar yaşamaq hüququndan ancaq hərbi formada keçirlər. Bu formanı qəhrəmanlarımız geyinib və daim müqəddəsdir".