 |
|
|
Ukraynaya qarşı müharibənin davam etdirilməsi Rusiyanı gücləndirir.
Axar.az xəbər verir ki, bunu “Azadlıq” radiosuna müsahibəsində Polşa Silahlı Qüvvələrinin Əməliyyat Komandanlığının keçmiş komandanı general Tomaş Piotrovski deyib.
Onun sözlərinə görə, indi təşəbbüs Rusiyadadır, qüvvələrinin harada yerləşdiyinə və hara zərbə endirəcəyinə o qərar verir:
"Eyni zamanda, Ukrayna keçənilki yay hücumundan sonra müdafiəyə keçib. Deməli, təşəbbü hücum edən tərəfdə olanda, tempi o diktə edəndə, güclənir. Hansı istiqamətə nə qədər döyüş sursatı göndəriləcəyinə, kiminlə danışacağına, kiminlə masa arxasında oturub-durmayacağına qərar verən Rusiyadır.
Beləliklə, hər keçən gün Rusiyanı ciddi şəkildə gücləndirir, eyni zamanda Ukraynanı zəiflədir. Ən pisi isə odur ki, bunu hamı başa düşmür. Bu, təkcə Avropanın deyil, digər ölkələrin də təhlükəsizliyinə mənfi təsir göstərir".
Rusiya ordusu Ukraynanın Donbas bölgəsinin 8 yaşayış məntəqəsində irəliləyib.
Teleqaraf.com xəbər verir ki, bu barədə "DeepState" məlumat yayıb.
Rusiya qoşunlarının Pişçanı, Yevgenivka, Severnoy, Lozuvatski, Makivka, Novoselivka Perşoya, Çasiv Yar və Kalınivka yaxınlığında irəlilələdikləri bildirilir.
Ukrayna qüvvələri Xlıbokidə (Xerson vilayəti) rusları sıxışdırır. Ukrayna ordusu Xarkov vilayətinin Lipsi və Xlıboki yaşayış məntəqələri, Vovçansk və Tıxi yaxınlığında əks-hücuma keçib.
ABŞ-nin Müharibə Araşdırmaları İnstitutunun məlumatına görə, ruslar Luqansk vilayətində Pişçanı, Sinkivka, Petropavlivka, Stelmaxivka, Nevski, Makivka, Grekivka, Terna, Torsk və Serebryanska doğru irəliləyib.
Rusiya ordusu Donetsk vilayətində Biloqorivka və Vimkada hücumu davam etdirir. Həmçinin Kalınivka, İvanovski, Klişçivka və Andrivka yaxınlığında əməliyyatların davam etdiyi vurğulanır.
Son geolokasiya kadrları Rusiya qüvvələrinin Nyu-York qəsəbəsinin cənub-qərbinə doğru irəlilədiyini göstərir.
Rusiya qoşunlarının Donetskin Krasnoqorivka, Georgivka, Peremoqi, Kostantinivka, Paraskovivka, Uqledar və Vodyanı yaşayış məntəqələri ərazilərində hücum əməliyyatları keçirdiyi də bildirilir.
Ötən gecə Ukrayna Ordusu pilotsuz uçuş aparatları (PUA) ilə Rusiyanın Voronej vilayətində silah anbarına zərbə endirib.
TEREF lent.az-a istinadən bildirir ki, bu barədə vilayətin qubernatoru Aleksandr Qusev “Telegram”-da paylaşım edib.
Podqorensk rayonunda yerləşən silah anbarında partlayışlar başlayıb və partlayışlar hələ də davam edir. Qəsəbədə fövqəladə vəziyyət elan olunub, yollar bağlanıb, əhalinin avtobuslarla müvəqqəti sığınacaqlara daşınmasına hazırlıq aparılır.
Qeyd edilib ki, partlayışlar nəticəsində artıq evlərdən biri yanıb.
Ukraynaya məxsus təyyarə tipli PUA Rusiyanın Belqorod vilayətinə hücum edib.
Axar.az xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, hücumun qarşısı alınıb. Ukraynaya məxsus PUA vurulub.
Kreml öz təbliğatçılarına “xüsusi hərbi əməliyyat” üçün yeni ad düşünüb və göstəriş verib ki, Rusiya deyil, məhz Ukrayna sülhdən imtina etdiyini bildirsinlər. Axar.az xəbər verir ki, bu barədə “Meduza” nəşri məlumat yayıb.
Belə ki, Rusiya hakimiyyəti dövlət nəzarətində olan media orqanlarına Ukraynaya tammiqyaslı hərbi müdaxilənin bundan sonra “xüsusi hərbi əməliyyat” deyil, “Ukrayna münaqişəsi” adlandırmaq əmri verib. Rusiya hakimiyyəti media nümayəndələrinə “Rusiyanın dialoqdan imtina etmədiyini”, “Ukrayna və Qərbin ultimatum dilində danışdığını” vurğulamağı tövsiyə edib.
Naxçıvan Əlahiddə Ümumqoşun Ordusunun komandanı vəzifəsindən azad edilib.
Müvafiq sərəncamla Naxçıvan Əlahiddə Ümumqoşun Ordusunun komandanı, general-polkovnik Kərəm Mustafayev tutduğu vəzifəsindən azad edilərək sərəncama götürülüb. Digər sərəncamla, Vətən Müharibəsi Qəhrəmanı, general Kənan Seyidov həmin vəzifəyə təyin edilib.
Kərəm Mustafayev məlumatı təsdiq edib.
“Azov” briqadası faktiki olaraq Ukraynada ölkə prezidenti Vladimir Zelenskini qorxutmaqla hərbi çevriliş həyata keçirib.
Musavat.com xəbər verir ki, hadisələrin bu versiyası Youtube-da amerikalı jurnalist Kim İversen tərəfindən verilib.
Jurnalist qeyd edib ki, “Azov”un qərargah rəisi Boqdan Kroteviç Ukrayna ordusunun baş qərargah rəisi Yuri Sodolu tənqid edəndən sonra Zelenskinin komandanı işdən çıxarması faktı hakimiyyətin tam olaraq briqadaya keçməsindən xəbər verir.
“Bu, Ukraynada artıq sakit çevrilişin baş verdiyini, briqadanın Zelenskini qorxutduğunun sübutudur” , - deyən İversen hesab edir ki, “Azov” Zelenskini hədələyir, ona münaqişəni sona çatdırmağa imkan vermir. O əmindir ki, döyüş əməliyyatlarının davam etdirilməsi briqadanın gücünü saxlamağa kömək edir.
NATO Türkiyə ilə müharibəyə hazırlaşan Yunanıstanla bağlı dünya ictimaiyyəti üçün açıqlama yayıb.
Publika.az xəbər verir ki, NATO-nun Əməliyyat Hava Tapşırıq Birlikləri (SOATUs) qiymətləndirmə prosesini tamamlayıb. Qiymətləndirmə 21-28 iyun 2024-cü il tarixləri arasında ölkənin bütün ordu növlərinin meyarlarından istifadə edilməklə həyata keçirilib.
Qeyd olunub ki, Yunanıstanın komando bölmələri əməliyyat hazırlığını sınaqdan keçirib və artıq döyüşə hazırdır.
Həmçinin bildirilir ki, Xüsusi Müharibə Komandanlığının (DEP) şəxsi heyəti peşəkarlıq və yüksək hazırlıq səviyyəsini vurğulayan mürəkkəb və real olaraq sınaqdan keçirilib.
Bunun NATO-nun uğurlu qiymətləndirmə proseslərinin davamı olduğunu və Silahlı Qüvvələrin müttəfiq standartlarına sürətlə uyğunlaşdığını sübut etdiyi vurğulanır.
Rusiya ordusu Dnepropetrovsk vilayətindəki Dolqintsevo aerodromunda Ukrayna Silahlı Qüvvələrinə məxsus MiQ-29 təyyarəsinin “İskəndər”lə vurub.
Musavat.com TASS-a istinadən xəbər verir ki, bununla bağlı görüntüləri Rusiya Müdafiə Nazirliyi yayıb.
Həmin görüntüləri təqdim edirik:
Musavat.com
İsrail və radikal Fələstinin HƏMAS hərəkatı, ehtimal ki, Qəzza zolağında atəşkəs razılaşmasına yaxınlaşıblar.
“Report” xəbər verir ki, bu barədə CNN telekanalı İsraildəki mənbəyinə istinadən məlumat yayıb.
Onun sözlərinə görə, İsrail və HƏMAS görünür, "çərçivə sazişi bağlamaq ərəfəsindədir". Mənbə qeyd edib ki, yəhudi dövlətində HƏMAS-ın son cavabının tərəflərə razılığa gəlmək üçün "ətraflı danışıqlara" başlamağa imkan verəcəyini güman edirlər.
Bununla birlikdə, CNN müqavilənin taleyinin hələ həll olunmadığını vurğulayıb.