 |
|
|
Rusiya silahlı qüvvələri Donetsk vilayətinin Konstantinovka şəhərində yerləşən ticarət mərkəzinə raket hücumu təşkil edib.
Bu barədə ölkənin daxili işlər naziri İqor Klimenko teleqram kanalında məlumat verib.
Hadisə nəticəsində 14 nəfər həlak olub, 44 nəfər yaralanıb.
“Konstantinovkadakı ticarət mərkəzinin dağıntıları təmizlənib. Fövqəladə Hallar Xidmətinin xilasediciləri 76 ton tikinti konstruksiyasını söküblər. 14 nəfər ölüb, 44 nəfər yaralanıb”, - deyə Klimenko qeyd edib.
Onun sözlərinə görə, Rusiyanın hərbi cinayətini hərtərəfli sənədləşdirmək üçün idarələrarası istintaq qrupu yaradılıb, bu qrupa Ukrayna Milli Polisi və Təhlükəsizlik Xidmətinin əməkdaşları daxildir.
Qeyd edək ki, ticarət mərkəzinə hava hücumu avqustun 9-da edilib. Həmin vaxt ərazidə təxminən 50 nəfərin olduğu bildirilir.
İran hakimiyyəti İslam İnqilabı Keşikçiləri Korpusunun (SEPAH) Hərbi Dəniz Qüvvələrinə orta və uzun mənzilli raket sistemləri və pilotsuz təyyarələr də daxil olmaqla 2640 hərbi texnika verib.
İqtisadiyyat.az xəbər verir ki, bu barədə "Mehr" agentliyi məlumat yayıb.
İnqilab Keşikçiləri Korpusunun digər hərbi texnikaları arasında aşkar edilə bilməyən böyük dağıdıcı gücə malik raketlər ötürülüb.
Rusiya kəşfiyyatı Ukrayna Silahlı Qüvvələrinin Kursk vilayətinə gözlənilən hücumu barədə iki həftə öncədən məlumatlı olub, lakin ölkənin hərbi rəhbərliyi bu məlumatlara məhəl qoymayıb.
Axar.az xəbər verir ki, bu barədə “Blumberq” Kremlə yaxın mənbəyə istinadən məlumat yayıb.
Onun sözlərinə görə, Ukrayna üçün müharibə başlayandan bəri ən böyük hücumun hazırlanması barədə Prezident Vladimir Putinə məlumat verilməyib, Baş Qərargah rəisi Valeri Gerasimov da onlara məhəl qoymayıb.
Mənbə iddia edib ki, Putin böyük ehtimalla 12 ildən artıqdır Baş Qərargaha rəhbərlik edən və Müdafiə Nazirliyinin genişmiqyaslı “təmizlənməsi”nə baxmayaraq, vəzifəsində qalan Gerasimovu bu olaydan sonra da işdən çıxarmayacaq. Bununla belə, çoxsaylı ordenlərin, ən yüksək rütbənin (ordu generalı) sahibi 68 yaşlı Gerasimovla bağlı artıq səbr kasası dolmaqdadır.
Nəşr xatırladıb ki, Gerasimovun ukraynalıların hücumunu dayandırdıqları barədə açıqlamasından sonra Ukrayna ordusu daha da irəliləyərək, Suca şəhərini də ələ keçirib, onlarla əsgər əsir götürüb və zəbt etdiyi ərazini 400 kv/km-ya çatdırıb.
Mənbə deyib ki, kəşfiyyatın xəbərdarlıqlarına baxmayaraq, Ukrayna Silahlı Qüvvələrinin gözlənilməz hücumu rus generallarını təəccübləndirib, rus qoşunları hazırlıqsız yaxalanıb və praktiki olaraq heç bir müqavimət göstərə bilməyib.
Son məlumata görə, Ukrayna ordusu artıq Kursk vilayətində ən azı 20 yaşayış məntəqəsini ələ keçirib.
Hindistan Ermənistana Akaş-1S sistemlərini tədarük etməyə başlayır
Hurriyyet.az xəbər verir ki, Hindistan Ermənistana Akaş-1S zenit-raket komplekslərini tədarük etməyə başlayır. Bu ilin sonuna qədər həmin mobil sistemlər İrəvana təhvil veriləcək. Bu barədə məlumatı "Indian Defense Research Wing" portalı dərc edib.
2022-ci ildə Ermənistan Hindistandan 15 ədəd Akaş-1S Hava Hücumundan Müdafiə sistemi satın alıb. Sövdələşmənin dəyəri 720 milyon dollar təşkil edib.
"Bharat Dynamics Limited" şirkətinin istehsalı olan sistemlər avtomatik tuşlanan başlıqlarla təchiz edilib.
Ukrayna ilk dəfə “F-16” qırıcılarından istifadə etməyə başlayıb.
Bu barədə Rusiya mətbuatı məlumat yayıb.
Bildirilib ki, Ukrayna müharibədə ilk dəfə “F-16” qırıcı təyyarələrini havaya qaldırıb.
Məlumatda qırıcılarla konkret olaraq hansı manevrlərin yerinə yetirildiyi qeyd edilməyib
Ukrayna silahlı qüvvələri Rusiyanın Kursk vilayətində hücum əməliyyatını inkişaf etdirir.
Musavat.com xəbər verir ki, hərbi müxbirlər hətta 10 min nəfərlik qrupun Kursk vilayətinə daxil olduğunu bildirir.
Rusiya hakimiyyəti susur, amma televiziyada 300 diversantdan və “qan verən Kursk sakinlərinin birliyindən” danışırlar.
RF Müdafiə Nazirliyi Rusiya ərazisinin dərinliklərinə doğru irəliləməsinə yol verilmədiyini iddia edir, lakin Z-blogerlər bunun davam etdiyini yazır.
Məlumata görə, Kursk vilayətində irəliləyən Ukrayna silahlı qüvvələri qrupunun sayı durmadan artır. Dünən hökumətyönlü media 100 nəfərin olduğunu yazıb, çərşənbə axşamı hərbi müxbirlər ukraynalıların 900 nəfər olduğunu iddia ediblər. Dünən günün ikinci yarısında kremlpərəst kanallardan biri Kursk vilayətində 10 minə qədər Ukrayna əsgərinin ola biləcəyini qeyd edib.
Kremlin qara təbliğatçısı Vladimir Solovyovun yutub kanalında Ukrayna silahlı qüvvələrinin bir neçə kəndi ələ keçirməsi faktı etiraf olunub.
“Ukrayna silahlı qüvvələri bir neçə yaşayış məntəqəsində möhkəmlənib” – deyə Rusiya Müdafiə Nazirliyinin hərbi-siyasi işlər üzrə baş idarəsinin rəis müavini Apti Alaudinov orada söyləyib.
Lakin “Birinci kanal” bu gün gündüz buraxılışında Kurskda 300-ə qədər ukraynalı diversantın sərhədi keçməyə cəhd etdiyini və “sərt cavab aldığı” barədə informasiya yayıb. NTV isə qurbanlar üçün qan verən “rayon sakinlərinin birliyi” barədə süjet yayımlayıb.
Ukrayna Silahlı Qüvvələri Rusiyanın Kursk vilayətindəki Nikolaevo-Daryino və Oleşnya yaxınlığındakı mövqelərinə 11 tankın dəstəyi ilə 300-dək hərbçi ilə hücum edib.
APA xəbər verir ki, bu barədə Rusiya Müdafiə Nazirliyi bildirib. Dövlət sərhədini qoruyan qüvvələrin hücumları dəf etdiyi qeyd olunub.
Qərbin bu yaxınlarda Ukraynaya tədarük etdiyi F-16 qırıcılarının tezliklə döyüş tapşırıqlarını yerinə yetirməyə başlayacağı gözlənilir.
Prezident Co Bayden Birləşmiş Ştatların öz təyyarələrindən heç birini təmin etməyəcəyinə baxmayaraq, 2023-cü ilin avqustunda istifadə edilmiş F-16-ların Ukraynaya təhvil verilməsini təsdiqləyib. Belçika, Danimarka, Niderland və Norveç yaxın aylarda Ukraynaya 60-dan çox təyyarə təqdim etməyi öhdələrinə götürüblər, lakin tədarüklər tədricən baş verəcək.
F-16 təyyarələrinin Ukraynanın hərbi gücünü gücləndirəcəyi gözlənilir, lakin təhlilçilər qırıcıların müharibənin gedişatını təkbaşına dəyişə bilməyəcəklərini deyirlər.
F-16 qırıcıları Ukraynanın hərbi əməliyyatlarına necə təsir edə bilər?
Vaşinqtondakı Avropa Siyasəti Təhlili Mərkəzindən (CEPA) Federiko Borsari deyir ki, qırıcı təyyarələr üç əsas missiyanı yerinə yetirəcəklər.
Onlar Ukraynanı bombalayan Rusiya raketləri və pilotsuz təyyarələrinin qarşısını almağa, düşmənin hava hücumundan müdafiə sistemlərini sıxışdırmağa, Rusiya qüvvələrinin mövqelərini və sursat anbarlarını hava-yer tipli raketlərlə vurmağa çalışacaqlar.
Borsari hesab edir ki, təyyarələr müharibənin bəzi dinamikasına təsir edə bilər.
F-16-nın yerləşdirilməsi ilə bağlı bir çox məlumat gizli saxlanılır. Qərb hökumətlərinin bu təyyarələrin hansı hədəfləri vurmasına icazə verəcəyi və təyyarələrin hansı raketlərlə silahlanacağı məlum deyil.
F-16-lar Böyük Britaniya tərəfindən təmin edilən 250 kilometrdən çox məsafəni qət edə bilən “Storm Shadow” qanadlı raketlərini daşıya bilər və potensial olaraq Rusiya daxilindəki hədəfləri vura bilər.
Onlar həmçinin Rusiya bombardmançı və qırıcılarını təhdid edə biləcək uzaqmənzilli hava-hava tipli raketləri daşıya bilərlər.
Təyyarənin təkmilləşridilmiş radarları ukraynalı pilotlara MiQ-29, Su-27 və Su-24 təyyarələrind olduğundan daha böyük məsafələrdə hədəfləri müəyyən etməyə imkan verəcək.
Səmada üstünlük quruda hərbi kampaniyanın vacib hissəsidir, belə ki, təyyarələr quruda qoşunları havadan qoruyur. Lakin Rusiyanın qabaqcıl hava hücumundan müdafiə sistemləri nəzərə alınsa, Ukrayna qüvvələrinin cəbhə xəttində hərəkətini dəstəkləmək F-16 üçün çox riskli ola bilər.
Ən azı qırıcı təyyarələr Rusiya qüvvələrinə psixoloji təsir göstərə və Ukrayna qüvvələrinin əhval-ruhiyyəsini yüksəldə bilər.
Ukrayna üçün problemlər nələrdir?
London Kral Kollecinin Müdafiə Araşdırmaları Departamentindən Marina Miron Ukraynanın F-16 ilə bağlı aradan qaldırmalı olacağı problemlərin uzun siyahısını gətirir.
Ukraynalı pilotlar üçün ABŞ və Avropada təqribən doqquz aylıq təlim Qərb pilotları üçün Mironun “çox mürəkkəb maşın” adlandırdığı üç illik kursla müqayisədə sürətləndirilmiş kursa bərabərdir. Bu, qırıcı təyyarələrin effektivliyini məhdudlaşdıra bilər.
F-16-lar həmçinin ixtisaslı texniki xidmət mühəndisləri, sursat yükləyiciləri, kəşfiyyat analitikləri və fövqəladə hallar qrupları kimi çoxlu sayda dəstək personalı tələb edir.
“Bunlarla bağlı bir çox problem həll edilməlidir,” Miron bildirir.
F-16-da döyüş təcrübəsi olmayan ukraynalı pilotlar döyüşdə iştirak etməkdən çəkinə bilərlər.
Rusiya buna necə reaksiya verəcək?
Vladimir Putin NATO ölkələrinin tədarük etdiyi F-16-ların məhv edilməsi ilə öyünməkdən məmnunluq duya bilərdi.
Kremlin sözçüsü Dmitri Peskov cümə axşamı bildirib ki, F-16-lar münaqişənin gedişatını dəyişdirən “sehrli həb” olmayacaq. Peskov Rusiya rəsmilərinin artıq F-16-ları məhv edəcək əsgərlərə mükafat təklif etdiyini də açıqlayıb.
Təhlilçilər bildirirlər ki, Ukrayna F-16-ları təhlükəsiz anqarlarda yerləşdirməli, onları müxtəlif yerlərə yerləşdirməli, düşmənin diqqətini yayındırmaq üçün təyyarələrin maketlərini yerləşdirməli və hava hücumu xəbərdarlığı zamanı tez havaya qalxmağa hazır olmalıdır.
Ukrayna Rusiyanın zərbələrindən qorumaq üçün bəzi döyüş təyyarələrini xarici bazalarda saxlaya biləcəyini bildirib. Bu, Putinin kəskin cavabına səbəb olub. O, Qərbin Ukrayna qırıcılarının yerləşdirildiyi hər hansı hava bazasının Rusiya qüvvələri üçün “qanuni hədəf” olacağı xəbərdarlığını edib.
ABŞ rəsmiləri F-16-ların Ukraynada yerləşdiriləcəyini bildiriblər.
Səmada Ukraynanın F-16 təyyarələri eyni anda bir neçə təyyarəni vura bilən Rusiyanın S-300 və S-400 mobil zenit-raket kompleksləri ilə təhdid ediləcək. Rusiya qüvvələri həmçinin bir neçə yüz döyüş təyyarələri, eləcə də müasir hava müşahidə radarlarına malikdir.
Borsari hesab edir ki, Rusiyanın Su-35 qırıcısı F-16 üçün ən böyük təhlükələrdən biri olacaq. O, geniş ərazidə eyni vaxtda səkkizə qədər hədəfi izləməyə və vurmağa imkan verən uzaqmənzilli radarla təchiz edilib.
Bununla belə, Rusiya qüvvələri daha güclü təyyarə ilə qarşılaşmalı olduqlarını başa düşürlər və çox güman ki, daha ehtiyatlı davranacaqlar.
Ukrayna F-16-ları necə qoruyacaq?
Ukraynalı aviasiya eksperti Anatoli Xrapçinski deyir ki, Rusiya qüvvələri F-16-ların yerləşdirildiyi hava bazalarını vurmağa çalışsalar da, Ukraynanın qırıcıları qorumaq üçün etibarlı vasitələri var.
Xrapçinski Associated Press agentliyinə müsahibədə deyib ki, Ukrayna “(Rusiya) hücumlarını dəf etmək üçün öz aerodromlarını zenit qurğuları ilə qorumaq qabiliyyətinə malikdir”. “Ukraynaya müdaxilə boyu Rusiya fəal şəkildə Ukrayna aerodromlarına zərbələr endirməyə çalışıb, lakin onlar müəyyən mənada uğursuz olub”.
Onun fikrincə, F-16 Ukrayna Hərbi Hava Qüvvələrinin ölkənin hava məkanını qorumaq və Rusiyadakı strateji hədəflərə hücum dairəsini artırmaq imkanlarını əhəmiyyətli dərəcədə genişləndirəcək.
“F-16 təyyarələrini almaqla biz Ukraynanın bu gün üzləşdiyi bir sıra problemləri həll edə biləcəyik. Bunlara Rusiyanın kütləvi raket zərbələri, idarə olunan bombalardan istifadə və S-300 qurğularının sərhəddəki Sumi və Xarkov vilayətlərində yerləşdirilməsi daxildir”, Xrapçinski deyib. “Bunlar F-16 təyyarələridir və mənim fikrimcə, onlar Ukraynaya Rusiyanın təcavüzünə qarşı mübarizədə əhəmiyyətli dərəcədə kömək edəcək”.
Rəsmilər son 24 saatda Rusiya hədəflərinə qarşı uzaqmənzilli hücumların artdığı bir vaxt Ukraynanın Rusiyanın sualtı qayığını batırdığını və Rusiya aerodromunu vurduğunu bildiriblər.
Rusiya Ukrayna dronlarının həmçinin yaşayış binasını vurduğunu və bir nəfərin öldüyünü bildirib.
İyul ayından bəri hücumların artması Ukraynanın müttəfiqlərinə Rusiyadakı hədəfləri vurmaq üçün uzaqmənzilli raketlərdən istifadə etməyə icazə verməsi üçün təzyiq göstərdiyi vaxta təsadüf edir.
Qərb müttəfiqləri, xüsusən də ABŞ Moskva tərəfindən eskalasiyadan ehtiyat edərək indiyədək müqavimət göstərib.
Baş Qərargah şənbə günü bildirib ki, Ukrayna Moskvanın işğalı altında olan Krım yarımadasında Rusiyanın Kilo sualtı qayığını və S-400 zenit-raket kompleksini vurub.
Hava hücumundan müdafiə sistemi Rusiya qüvvələrini təchiz edən mühüm logistika və nəqliyyat qovşağı olan Kerç boğazı üzərindəki körpünü qorumaq üçün quraşdırılıb.b.
Bəyanatda deyilir ki, raket qüvvələrinin bölmələri, eləcə də Hərbi Dəniz Qüvvələri “Triumf” hava hücumundan müdafiə sisteminin dörd buraxılış qurğusunu zədələyib, Sevastopol limanında isə Rusiyanın Qara dəniz donanmasının sualtı qayığı olan “Rostov-Don” hücuma məruz qalaraq batıb.
Baş Qərargah həmçinin Ukrayna qüvvələrinin Rusiyaya kütləvi dron hücumundan sonra Rostov vilayətindəki Morozovsk hava limanını vurduğunu təsdiqləyib. Zərbələr sursat anbarlarında və idarə olunan aviasiya bombalarının saxlandığı yerlərdə qeydə alınıb.
Açıqlamada əməliyyatın Ukrayna Təhlükəsizlik Xidməti, Kəşfiyyat Baş İdarəsi və Müdafiə Nazirliyi tərəfindən həyata keçirildiyi bildirilib.
Bu arada, Belqorod qubernatoru Vyaçeslav Qladkov bildirib ki, bazar günü səhər saatlarında Şebekino şəhərində yaşayış binasına Ukrayna pilotsuz təyyarəsinin hücumu nəticəsində bir qadın ölüb. Onun sözlərinə görə, Ukrayna dronları həmçinin şəhərdəki bir neçə binaya zərər vurub.
Qladkov ötən gündən bəri Ukraynanın bombardmanları və onlarla pilotsuz təyyarənin hücumu nəticəsində bölgədə 8 mülki vətəndaşın yaralandığını bildirib.
Rusiya Ukrayna dronlarının zərbələri və aerodromlar və neft anbarları da daxil olmaqla, Rusiyanın hərbi infrastrukturuna yönəlmiş uzaqmənzilli hücumların intensivliyinin kəskin artması ilə üzləşib.
Təhlilçilər Ukrayna Rusiyanın imkanlarını zəiflətmək istəyirsə, belə bir intensivləşdirməyə ehtiyac olduğunu deyirlər.
Luqanskda bir qrup rus hərbçisi öldürülüb.
Tribunainfo.az xəbər verir ki, bu barədə “Telegram” kanallarında video yayılıb.
Həmin videonu təqdim edirik: