 |
|
|
Ukrayna Rusiyanın Kursk vilayətində ilk dəfə Şimali Koreya hərbçilərini əsir götürüb.
Bu barədə Ukrayna Prezidenti Volodimir Zelenski “X”də yazıb.
O bildirib ki, iki əsgər yaralı olsa da, sağ qalıb və Kiyevə aparılıb:
“Bu asan məsələ deyil: Rusiya qüvvələri və Şimali Koreyanın digər hərbi qulluqçuları adətən Şimali Koreyanın Ukraynaya qarşı müharibədə iştirakına dair hər hansı sübutu silmək üçün öz yaralılarını öldürürdülər. Bu iki şəxsi əsir götürən hərbçilərimizə minnətdaram. Bütün hərbi əsirlərə olduğu kimi, bu iki Şimali Koreya əsgərinə də lazımi tibbi yardım göstərilir. Mən Ukrayna Təhlükəsizlik Xidmətinə jurnalistlərin bu məhbuslarla görüşməsinə icazə verməyi tapşırmışam. Dünya baş verənlərlə bağlı həqiqəti bilməlidir”.
Ukrayna xarici işlər naziri Andrey Sbiqa isə qeyd edib ki, Şimali Koreya qoşunları Ukraynaya qarşı müharibədə fəal iştirak edirlər: “Bizə, Moskva və Pxenyandakı rejimlərə qarşı maksimum təzyiq lazımdır”.
İranın Ali Milli Təhlükəsizlik Şurasının katibi Əli Əkbər Əhmədian İrəvana səfəri zamanı Ermənistan rəhbərliyinə bir sıra tələblər irəli sürüb ki, onların yerinə yetirilməməsi bu ölkə üçün ağır nəticələrə səbəb ola bilər. Əhmədian həmçinin vurğulayıb ki, İran Ermənistandan AB-nin casus missiyasını başa çatdırmasını gözləyir. İrəvan Tehranın şərtləri ilə razılaşdığı halda İran rəsmisi bunun müqabilində iki ölkə arasında müdafiə paktının bağlanmasını təklif edib ki, bu paktda İran silahlı qüvvələrinin Ermənistan ərazisinə yeridilməsi kimi elementlər də var.
Bu barədə “Caliber”in süjetində bildirilib.
“Amma gəlin, bütün bunlar barədə ardıcıl danışaq. 2023-cü il oktyabrın 7-də Yaxın Şərqdə başlayan böyük müharibə İran İslam Respublikası üçün böyük və hətta bərpası mümkün olmayan itkilərlə nəticələndi. ÇAXAL-ın zərbələri nəticəsində Tehranın onilliklər ərzində yaratdığı “müqavimət oxu” məhv olmağa başladı. Beləliklə, Qəzzada HƏMAS tamamilə məhv edilməsə də, ciddi şəkildə zəiflədi”, – məqalədə qeyd olunur.
Daha ətraflı videoda:
İran mediasının məlumatına görə, İslam İnqilabı Keşikçiləri Korpusunun (SEPAH) Baş Komandanı və Aerokosmik Qüvvələrin rəhbəri ölkənin yeraltı raket bazasına baş çəkiblər.
Musavat.com xəbər verir ki, sözügedən baza, yaxınlarda İsrailə qarşı həyata keçirilən "Düzgün Vəd 2" adlı hərbi əməliyyatda istifadə edilib.
Bu yeraltı baza İranın müdafiə qabiliyyətini nümayiş etdirmək məqsədilə ictimaiyyətə təqdim olunub. İran hərbi rəsmiləri bu bazanın strateji əhəmiyyət daşıdığını və ölkənin raket sistemləri üzrə gücünü artırdığını vurğulayıblar.
Son dövrlərdə İranın hərbi infrastrukturu ilə bağlı bu cür təqdimatlar regiondakı gərginliyi daha da artırır. Təhlükəsizlik ekspertləri hesab edirlər ki, bu cür bazalar İranın müdafiə qabiliyyətini gücləndirməklə yanaşı, mümkün hücumlara qarşı hazırlığını da göstərir.
İran rəsmiləri bəyan ediblər ki, bu baza son texnologiyalarla təchiz olunub və ölkənin milli təhlükəsizliyini təmin etmək məqsədilə mühüm rol oynayır.
Musavat.com
“Ukrayna ordusunun Kursk istiqamətindəki hərbi əməliyyatlarına 60 min nəfərlik şəxsi heyət cəlb edilib”.
APA-nın xəbərinə görə, bunu “RAI News 24” telekanalına müsahibəsində Ukrayna prezidenti Vladimir Zelenski deyib.
O əlavə edib ki, Avropa və ABŞ-dən olan tərəfdaşlar ordunun Kursk istiqamətində hərbi əməliyyatlara başlayacağı barədə məlumatlandırılıb.
Ukrayna Prezidenti Volodimir Zelenski Almaniyanın Ramşteyn aviabazasında qrupun 25-ci iclası çərçivəsində ABŞ-nin müdafiə naziri (Pentaqon rəhbəri) Lloyld Ostin ilə görüşüb.
TNS xəbər verir ki, Zelenski bu barədə "X"də yazıb.
"Lloyd Ostin ilə görüşərək Ukraynaya dəstək məsələsini müzakirə etdim", - Zelenski bildirib.
Ukrayna lideri bildirib ki, tərəflər döyüş meydanındakı vəziyyəti, həmçinin ölkəsinin pilotsuz uçuş aparatlarına olan ehtiyacını müzakirə ediblər:
"Biz həmçinin Ukraynanın havadan müdafiəsinin gücləndirilməsi və digər ölkələrdən əlavə hava hücumundan müdafiə sistemlərinin alınması perspektivləri barədə fikir mübadiləsi apardıq".
Rusiya ordusunda xidmət edən azərbaycanlı zabitin meyiti tapılıb.
TEREF Publika.az-a istinadən xəbər verir ki, 1967-ci il təvəllüdlü Məhəmmədqulu Sabir oğlu Səmədov bu ilin avqust ayında itkin düşüb. Onun haqqında xəbər almaq mümkün olmayıb.
1967-ci ilin iyun ayının 21-də Salyan rayonunda anadan olmuş kəşfiyyatçı zabitin meyiti bu gün tapılıb. Onun nəşinin Rostov vilayətindəki morqda olması məlum olub.
Qeyd edək ki, həlak olan həmyerlimiz “Sibir Mamed” ləqəbi ilə tanınıb.
Bu barədə Böyük Britaniyanın "Sky news" televiziya kanalı öz mənbələrinə istinadən bildirib.
Mənbəyə görə, Pasxa bayramına qədər sülhün əldə edilməsi mümkündür.
İddiaya görə, ABŞ-nin yeni seçilmiş prezidenti Donald Tramp göstərilən tarixə qədər tərəflər arasında sülhə nail olmağa çalışacaq: “Bu, Ukrayna üçün çox çətin olacaq. Əsas məsələ Rusiyanın nəyi qurban verməyə və Ukraynanın nədən imtina etməyə hazır olmasındadır”.
Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl müharibənin 2025-ci ildə bitəcəyinə ümid etdiyini bildirib.
Çeçenistanın “Axmat” xüsusi təyinatlı dəstəsinin komandiri Apti Alaudinov neonasistlərin “Rusiç” batalyonunun rəhbəri Aleksey Milçakovla görüşüb.
ArbatMedia saytı xəbər verir ki, “Rusiç” teleqram kanalının məlumatına görə, danışıqlar zamanı birlikllər arasında qarşılıqlı fəaliyyət və münaqişəli vəziyyətlərin qarşısının alınması məsələləri müzakirə olunub.
Alaudinov Milçakovu vətənpərvər kimi səciyyələndirərək onun ölkəsinə və xalqına bağlılığını qeyd edib. O, millətlərarası və konfessiyalararası münaqişələrin qarşısının alınmasının vacib olduğunu vurğulayıb. Milçakov öz növbəsində tərəflərin qarşılıqlı anlaşma əldə etdiklərini və ümumi maraqlar çərçivəsində əməkdaşlıq edəcəklərini bildirib.
Bununla belə, Milçakovun şəxsiyyəti ictimaiyyətin ciddi qəzəbinə səbəb olur. O, keçmişdə açıq şəkildə özünü nasist adlandırıb və heyvanlara qarşı qəddarlığı, o cümlədən bir it balasını öldürərkən çəkilmiş fotolarını yayımlaması ilə məşhurlaşıb. Həmçinin 2023-cü ildə o, nasizm haqqında broşürada fotosunun istifadəsinə görə təzminat tələb edərək Rusiya Xarici İşlər Nazirliyini məhkəməyə verib.
“Rusiç” Telegram kanalı görüşün batalyonun “Axmat” hərbi birləşməsinun tərkibinə keçidi ilə bağlı olmadığını və Alaudinovun dəvəti ilə baş tutduğunu vurğulayıb. Görüşlə bağlı paylaşıma 8 mindən çox mənfi reaksiya gəlib.
Bundan əlavə, daha bir qalmaqal “Rusiç” batalyonu ilə bağlıdır: qrupun keçmiş komandiri Yan Petrovski (Vojislav Torden kimi tanınır) Finlandiyada hərbi cinayətlərdə, o cümlədən ukraynalı hərbi əsirlərin qətlində ittiham olunur.
Yəmənin üsyançı "Ənsar Allah" hərəkatının husiləri Qırmızı dənizdə ABŞ-nin "USS Harry Truman" aviadaşıyıcısına raket və dronlarla hücum edib.
"Report" Yəmənin "Al Masirah" telekanalına istinadən xəbər verir ki, bu barədə husilərin yaratdığı silahlı qüvvələrin nümayəndəsi Yəhya Səriya deyib.
“Yəmənin raket və pilotsuz sistem qüvvələri birgə hərbi əməliyyat keçirərək, Qırmızı dənizin şimalında ABŞ-nin “USS Harry Truman” aviadaşıyıcısına iki qanadlı raket və dörd dronla hücum edib”, – hərəkatın sözçüsü bildirib.
Hücumun nəticələri barədə hələ ki məlumat yoxdur.
Ukrayna Rusiyanın gələcək hücumlarını dəf etmək üçün silahla təmin olunmaq şərti ilə atəşkəslə razılaşacaq.
Bunu Ukrayna Prezidenti Volodimir Zelenski podkastçı Leks Fridmana müsahibəsində deyib.
"Atəşkəs işə yarasa, heç kim bu silahlardan istifadə etməyəcək. Lakin ABŞ-yə hörmətimizə baxmayaraq, əvvəlki kimi deyil, silahlar qalmalı olacaq", - o bildirib.
Onun sözlərinə görə, o, münaqişənin başlanğıcında Qərbin silah təchizatının azalması ilə bağlı vəziyyətin təkrarlanmasını istəmir. Zelenski, həmçinin vurğulayıb ki, Ukrayna NATO-ya qoşularsa, alyans Kiyevin nəzarətində olan ərazilərdə fəaliyyət göstərə biləcək. O qeyd edib ki, bu barədə razılaşmaq olar.