Məlumata görə, Gəncə-Daşkəsən Regional Mədəniyyət İdarəsinin Uşaq İncəsənət məktəblərində yol verilən qanunsuzluqlarla bağlı müraciət əsasında şəhər və rayon prokurorluğunda araşdırma aparılmalıdır.

Araşdırma zamanı həmin təhsil müəssisəsinin vəzifəli şəxsləri tərəfindən əmək funksiyalarını icra etməyən müəllimlər tərəfindən tədrisin aparılmasına dair rəsmi sənədlərə bilə-bilə yalan məlumatların daxil edilməsi və əsassız olaraq əmək haqqı ödənilməsi yolu ilə bilinməyən məbləğdə pul vəsaitinin mənimsənilməsi və əsassız şəhadətnamələr verməklə vəzifə saxtakarlığı törədilməsinə əsaslı şübhələr müəyyən olunubdur.

Gəncə-Daşkəsən Region Mədəniyyət İdarəsinin rəisi Pərvin Kazımovun, vəzifəsi bilinməyən, MurazMəmmədovun özbaşınalıqları qanuna zidd fəaliyyətləri haqda məlumat ilk öncə onu qeyd edək ki, Gəncə-Daşkəsən Regional mədəniyyət İdarəsinin tabeliyində olan bütün sturukturlar o cümlədən musiqi məktəbləri ardıcılıqla Muraz Məmmədovun şəxsi obyektinə cevrilməkdədir.
TEREF yazır ki, bunu redaksiyamıza məqalə göndərən Sabina Babanlı yazır. Müəllif daha sonra faktlara müraciət edərək yazır:
2023--2024 tədris ilinin əvvəlində Muraz Məmmədovun köməyilə qırx min "40 min" manat qarşılığında, Mədinə Babayeva Gəncə Şəhər beş (5 saylı) Uşaq Musiqi Məktəbinə direktor əvəzi vəzifəsinə təyin edilmişdir.

Edilən aydan etibarən hər ay Dövlət büdcəsinə ziyan vuraraq 25 min ( iyirmi beş min manat) pul mənimsəyir.

Muraz Məmmədovun köməyilə Şahmar İbrahimov 30 min (otuz min manat) qarşılığında, Samux rayon Sərkar Kənd Uşaq Musiqi Məktəbinə direktor əvəzi vəzifəsinə təyin edilib. Təyin edilən aydanm məktəbin tədris işləri üzrə direktor müavini Həsənova Rühanə Sabit qızının köməyilə hər ay Dövlət büdcəsinə ziyan vuraraq 20-25 min manat pul mənimsəyir.

Muraz Məmmədovun köməyi ilə Qahirə Məmmədova 70 min manat müqavilində Dekabr ayında Gəncə Şəhər Uşaq İncəsənət məktəbinə direktor vəzifəsinə təyin edilibdir. Həmin aydan Gəncə Şəhər iki saylı musiqi məktəbi də, Gəncə Şəhər Uşaq İncəsənət məktəbi də,Qahirə Məmmədovanın səlahiyyətindədir.

Hər iki məktəbdən Qahirə Məmmədova hər ay Dövlət büdcəsinə ziyan vuraraq iki məktəbdən 60 min manat pul mənimsəyir.
Muraz Məmmədovun nəzarəti altında Gəncə Şəhər üç saylı Uşaq Musiqi Məktəbinə direktor əvəzi vəzifəsinə təyin edilmiş Məsumə müəlliməyə də göstəriş verilib hər ay müəllimlərdən yığılan pulu Muraz Məmmədova çatdırılsın.

Muraz Məmmədovun təşəbbüsü ilə "Göy-göl " rayon Xəqani Kənd Uşaq musiqi məktəbinə 20 min qarşılığında Həsənli Nərgiz məktəbə direktor vəzifəsinə təyin edilib. onuda qeyd edək ki, Nərgiz müəllimənin təqdimatı ediln gün məktəbdə 17 müəllimə izahat yazdırıb. Görünür vəzifə üçün verdiyi pulu elə həmin ay çıxartmaq istəyibdir.

Onuda qey edək ki, bu kimi hallar bütün Gəncə Şəhər Uşaq Musiqi məktəblərində mövcuddur.

Hər ay direktorlar tərəfindən mənimsənilən pullar, məktəbdə müəllimlərin qeyri rəsmi şəraitdə işləmələri hesabına həyata keçirilir, belə ki, yüksək dərs saatları olan müəllim hər ay alınan maaşın bir hissəsi direktora çatdırılır.

Bununla kifayətlənməyən Gəncə Şəhər Uşaq musiqi məktəbinin direktorları, məktəbə şagird qəbulu üçün valideynlərdən 100-200 manat tələb edirlər. Attestatın verilməsi üçün 300-500 manat valideynlərdən pul tələb edirlər.

12 saatdan artıq dərs saatı istəyən müəllimlərdən beş yüz manat pul müqavilində dərs saatı artırırlar. Hər tədris ilinin sentyabr ayının maaşını, müəllimlərdən bütünlüklə Şəncə Şəhər Uşaq Musiqi Məktəbinin direktorları tərəfindən mənimsənilir.
Muraz Məmmədovun köməyi nəticəsində İsax Məmmədov Goranboy rayon Mədəniyyət Şöbəsinə baş məsləhətçi təyin edilib.
Edilən aydan Goranboy rayon Mədəniyyət evləri, kitabxanaları, muzeyləri, rəsm qalareyası, Heydər Əliyev Mərkəzinin, klublaın, bütün işçilərindən hətta xadimələrdən belə hər ay 20-25 manat pul yığılaraq İsax Mmmədova çatdırılır. İsax Məmmədovun təqdimətı ilə Muraz Məmmədovun köməyilə on min müqavilində Borsunlu Kənd Uşaq Musiqi Məktəbinin müəlliməsi məktəbə direktor əvəzi vəzifəsinə təyin edilib. Edilən aydan hər ay müəllimlərdən yığılan pulun bir hissəsini İsax Məmmədova çatdırılır. Günay Allahverdiyeva iyirmi min manat hər ay Dövlət büdcəsinə ziyan vuraraq pul mənimsəyir. Onuda qeyd edək ki, Günay Allahverdiyevanın qızı Lətafət Allahverdiyeva həmin məktəbdə 20 saat dərsyükü ilə təmin edilmişdir.

Lətafət Allahverdiyeva həmçinin Gəncə Dövlət Universitetində əyani şöbəsində musiqi ixtisasında təhsil alır.
Əyani təhsil alan müəllimlərin adına yüksək dərs saatları yızılması bir neçə məktəbdə mövcuddur. Muraz Məmmədovun köməyilə müəllimlərin ehtiyat kadr bazasında olan müəllimlər 7-10 min manat qarşılığında bir çox musiqi məktəblərinə müəllim vəzifəsinə təyin ediliblər. May ayının 28 bütün Musiqi Məktəblərinin direktorlarının müqavilə vaxtı bitir, çox güman ki, MurazMəmmədovla hesablaşmayan direktorların müqaviləsinə xitam veriləcəkdir. Adı çəkilən çinayətkar direktorları isə iş fəaliyyətlərinin davam etdirəcəkdir.
Müəllif Sabina Babanlı məqaləsinin axırında yazır:
Verdiyimiz mlumatların doğru olduğu məktəblərin müəllim, şagird, valideyn kontingenti araşdırılsa öz təsdiqini tapar. Bütün olanlardan isə nədənsə Regionun rəisi Pərvin Kazımovun xəbəri olmur. Son olaraq onuda qeyd edək ki, Muraz Məmmədovun razılığı olmadan, regionda stuktur rəhbərləri tərəfindən verilən əmrlərin heç biri icrası həyata keçə bilməz. Görəsən bu gücü, bu səlahiyyəti 26 yaşlı gənc kimdən və hardan alır? Bax bu sual doğurur.

Baş Prokurorluq yanında Korrupsiya İdarəsi, Maliyyə Nazirliyi, Hesablama Palatası yazılanların doğruluğunu olub-olmamasını isbat etməlidir
Sabina Babanlı
Redaksiyadan: Məqalədə adları çəkilən hər bir şəxsin mövqeyini dərc etməyə hazırıq!
TEREF

Baş prokuror şikayəti korrupsiyasından şikayət edilən ƏƏSMN-ə göndərib?

ƏƏSMN , tabeliyindəki qurumların özbaşınalığı, şəhid, qazi ailələrinin pensiyalarını mənimsəmələri Qarabağ savaşının ZƏFƏRlə bitməsindən sonrakı 3 ildə daha kəskin, dözülməz həddə çatıb. Özbaşınalığa baxın, ƏƏSMN rəsmiləri açıq mətnlə bildirir ki, ölkədə Konstitusiya qüvvədə deyil, DÖVLƏT , MƏHKƏMƏ , QANUN elə ƏƏSMN-in özüdür ! Son bir ildə “başıma gələnlərdən başmaqçı” olduğumdan artıq ƏƏSMN-in “Dövlət , məhkəmə, qanun mənəm” qanun oğurluğuna, mafiya qaydasına inanmaqdan özgə yolum qalmayıb. 3 gün qabaq Milli Məclisdə hüquq professoru millət vəkilinin “ biz nə edə bilərik?” sualı, həmin gün Baş prokurorun qəbuluna yazmağa elə həmin əsasla-sualla imtina edilməsi ölkədə ƏƏSMN məmurlarının özbaşınalığının zirvədə olması fikrini və bu fikirdən yayınmanın mümkünsüzlüyünü ortaya qoyur.

Baş prokurorluq qanunların icrasına və tətbiqinə nəzarət edə bilmirsə, yaxud etmək istəmirsə, doğrudan da “biz nə edə bilərik?” . İndicə ƏƏSMN-dən aparat rəhbəri Fuad Musayevin Baş prokuror yanında Korrupsiyaya Qarşı Mübarizə Baş İdarəsindən gələn müraciətə əndrabadi cavabını aldım: “ Vətəndaşların müraciətləri haqqında” Azərbaycan Respublikasının Qanununun 8.1.4 -cü maddəsinə əsasən müraciətinizə 2024-cü ildə 3 dəfə mahiyyəti üzrə əsaslandırılmış cavab verildiyi və təkrar müraciətinizdə məsələnin həlli üçün yeni məlumatlar olmadığına görə əlavə məlumatın verilməsi mümkün hesab edilmir”. Düzü, bu cavabın birinci cümləsində Baş prokuror yanında Korrupsiyaya qarşı Mübarizə Baş İdarəsinin adı çəkilməsəydi, ƏƏSMN-ə bu il 4-cü dəfə təkrar sorğu verdiyim qənaətinə gələcəkdim. Axı mən, ümumiyyətlə, son bir ildə ƏƏSMN-ə müraciət etməmişəm. Sadəcə , ƏƏSMN, yanındakı DSMF-in, Sosial Xidmətlər Agentliyinin qərəzindən, mənimsəməsindən, korrupsiyasından, dövlətin adından çıxarılan 20.06.2016 və 05.07.2017 tarixli məhkəmə qərarlarını Bakı İnzibati Məhkəməsinə ( hakimlər Şərafət Məmmədova, Aygün Abdullayeva, Günel Sevdimalıyeva və b.) rüşvət verməklə 7-8 ildir icrasına qadağa qoymalarından , pensiyalarımızı düz hesablamamalarından ali dövlət hakimiyyəti, hüquq orqanlarına şikayət etmişəm. Hər 3-5 gündən bir də 161-korrupsiya ilə mübarizə “qaynar xətti”nə şikayət edirəm.

Korrupsiya ilə mübarizənin “gücü”nə baxın, 13 aydan sonra ƏƏSMN-i cavaba məcbur edib. Hələlik aparat rəhbəri səviyyəsində. Belə getsə, bir 13 aydan sonra nazirə soraq çatar. Hələ ki nazirdən gizlədilir.

“Biz nə edə bilərik” ritorik sualından başqa ritorik olmayan sualla Baş prokurora, yanındakı Korrupsiyaya Qarşı Mübarizə Baş İdarəsinin rəisinə üz tuturam:” Korrupsiya ilə bağlı şikayətlərin korrupsiyasından şikayət edilən qurum(lar)a göndərilməsi hansı qanunda yazılıb?” Bir sualım da bu ilin “korrupsiya planı”nı 5 ayda üçqat doldurduğunu bildirən ƏƏSMN-in aparat rəhbərinədir:” Bu ilin son 7 ayında korrupsiyaya, pensiyalarımız kimi, “veto” qoyulacaq?”
Məğrur Bədəlsoy
/paralel.az/

Dövlətə xüsusilə külli miqdarda ziyan vurmaqla təqsirləndirilən şəxs hələ də Suqmayıt İcra Hakimiyyətində yüksək vəzifə tutur

Ölkə mətbuatında bir çox məmurların vəzifə səlahiyyətlərindən sui-istifadə edərək böyük biznesə, var-dövlətə sahiblənməsi ilə bağlı çoxsaylı məlumatlara faktlara sast gəlmək olar.

AzFakt.com xəbər verir ki, belə məmurlardan biri də hazırda Sumqayıt şəhər İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri Gündüz Əliyevdir.

Bildirək ki, Gündüz Əliyevin adı korrupsiya əməliyyatında hallanandan sonra Suqmayıt icra başçısının müavini - Şəhər təsərrüfatı şöbəsinin müdiri vəzifəsindən çıxarılaraq İcra Hakimiyyətinin Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə təyin edilib.

AzFakt.com-a daxil olan məlumata görə Gündüz Əliyev Sumqayıt şəhərində çoxsaylı obyektlərə, var-dövlətə sahibdir. Belə ki, Sumqayıt Bulvarında fəaliyyət göstərən məşhur "Bowling" restoranı, "Ordubad" marketin yarısı, daş bazarı deyilən ərazidə 10-a yaxın obyekt, Nəsimi heykəlinin yanında "Cofe lance" və yeni istifadəyə verilən market, mebel sexlərinə, klinikaya, mənzillərə və Novxanıda milyonluq villaya sahibdir.

Qeyd edək ki, Gündüz Əliyevə qarşı 2023-cü ildə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə) maddəsi ilə ittiham elan edilib. Bununla 2023-cü ildə Baş Prokurorluğun yaydığı məlumatda bildirilir ki, "Sumqayıt Tibb Mərkəzi" Publik Hüquqi Şəxsində baş verən qanunsuzluqlarla bağlı Maliyyə Monitorinqi Xidmətindən daxil olmuş məlumatlar əsasında Baş prokuror yanında Korrupsiyaya qarşı Mübarizə Baş İdarəsində aparılmış cinayət işinin istintaqı yekunlaşıb. İş üzrə toplanmış mötəbər sübutlar əsasında Gülnarə Bayramova və Gündüz Əliyevə Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə), 193-1.3.2 (xeyli miqdarda cinayət yolu ilə əldə edilmiş əmlakı leqallaşdırma) və digər maddələri, Elxan Əsədova isə həmin Məcəllənin 32.5, 179.4 (xüsusilə külli miqdarda ziyan vurmaqla mənimsəməyə köməkçilik), 32.5, 308.2 (ağır nəticələrə səbəb olan vəzifə səlahiyyətlərindən sui-istifadə etməyə köməkçilik) və digər maddələrilə yekun ittiham elan edilib.

İstintaqla qeyd olunan tibb müəssisəsinin sabiq baş mühasibi Gülnarə Bayramovanın həmin vəzifədə işləyərkən qohumu Gündüz Əliyevlə qabaqcadan əlbir olub tanışları Elxan Əsədovun köməkliyilə sahibkarlıq fəaliyyəti adı altında 2012-2019-cu illər ərzində keçirilmiş dövlət satınalmaları və müqavilələr üzrə xüsusilə külli miqdarda pul vəsaitlərini nağdlaşdıraraq mənimsəmələrinə əsaslı şübhələr müəyyən edilib.

Cinayət işi materiallarına əsasən Gülnarə Bayramova və Gündüz Əliyev Elxan Əsədov vasitəsilə təsis etdiyi 41 hüquqi şəxsin qanuni fəaliyyətlə məşğul olması görüntüsü yaradaraq Sumqayıt şəhər Səhiyyə Şöbəsindən 5 milyon 716 min 684 manat məbləğində pul vəsaitini həmin şirkətlərə köçürülməsinə nail olub.

2 il paytaxtın Nərimanov, 16 il Suraxanı kimi böyük rayonlarının icra başçısı işləmiş və 5 ildir ki, Şirvan şəhər icra hakimiyyətinin başçısı olan İlqar Abbasovun qardaşları İmran Abbasov və İlham Abbasov haqda ilginc məlumatlar var. Icra başçısının böyük qardaşı İlham Abbasov isə 2014-cü ildə bakıda şirniyyatçı kimi fəaliyyət göstərən Vüqar Əhmədovun pulunu və avtomobilini mənimsəyib. Belə ki, Vüqar Əhmədov İlham Abbasova aid Xırdalanda fəaliyyət göstərən və “Az Pal” şirkətindən un alıb. Bir müddət sonra una görə şirkətə borcu yaranıb. Şirkət sahibi də ona borcu qaytarması üçün iki ay möhlət verib. Əvəzində isə onun hələ kredit ödənişi başa çatmayan “Mercedes” markalı avtomobilini qeyri-rəsmi girov götürüb. Vüqar Əhmədov borcu ödəyəndən sonra avtomobilini geri istəyəndə ona məlum olub ki, şirkət sahibi avtomobili ona satmış şəxslə əlbir olaraq başqasına satıb. İndi isə cumhuriyyet.az-a İlham Abbasovun yeni dələduzluğu ilə bağlı məlumat daxil olub.

Belə ki, onun qızı və həyat yoldaşı vətəndaş Səadət Həsənovanın 47 min manatını mənimsəyib. Bu haqda vətəndaş özü danışır:

Cumhuriyyet.az-a daxil olan məlumata görə icra başçısının digər qardaşı, əvvəllər DYP-də çalışmış İmran Abbasov 4 il Nəsimi rayon su idarəsinə rəhbərlik etdikdən sonra, Azərsu ASC-də departament rəisinin müavin və daha sonra indiki vəzifəsinə təyin olunub. Deyilənə görə, İmran müəllimin kənar biznes şəbəkəsində pivə istehsalına, arpa, buğdaya qədər payı var. Ancaq əsas problem bu şəxsin rəhbərlik etdiyi idarədə dözülməz şərait yaratmasıdır. Belə ki, onun regionçuluq və qərəzçilik prinsipinə söykənən idarəçiliyi kollektiv arasında ciddi narazılıq yaradıb. Siravi gözətçidən,fəhlədən tutmuş hər kəsin işinə yersiz müdaxilələr edən İmran müəllim özünü padşah kimi aparır. İmran Abbasovun idarəçiliyində ən müəmmalı məqam anbara müxtəlif mallar gətirən şirkətlərlə münasibətidir.”İnterkabel”, “Universal”, “Polimart”, “Şurataz”, AkPiping, Hinal Grup kimi şirkətlərə süni şəkildə sertifikat problemi yaradılır ki, bu problem də yalnız İmran müəllimə xüsusi konvert təqdim olunduqdan sonra aradan qaldırılır. Bununla bağlı cumhuriyyet.az-a daxil olan məlumata görə, İmran Abbasovun əməllərindən ən çox əziyyət çəkən şirkətlərdən biri də “Fuad kimya” şirkətidir. Belə ki, şirkətin “Azərsu”ya təqdim etdiyi məhsulların qabları geri verilməli olduğu halda, İmran Abbasov onları Keşlədə yerləşən balıq bazarı alverçilərinə və Bakı şəhərinin müxtəlif rayonlarında yerləşən məzarlıqlara satdırır. Məsələn anbara gələn və əsas vəsait sayılan priterlər Agentliyin regionlarına və idarələrinə göndərildikdən sonar fərqli olduğu üzə çıxıb. Bu mallar İmran Abbasovun “convert siyasəti” ilə qəbul olunsa da departament rəisi Samir Qənili işdən çıxarılıb, lakin səbəbkara göpzün üstə qaşın var deyən olmayıb. Ardınca İmran Abbasov əsas vəsait sayılan UPS – ləri sənəd üzrə olan yox, digər göstəricilərlə anbarına doldurub. Məsəl üçün UPS – 600 – ün yerinə anbara UPS – 700 qəbul edilib. Bu da öz növbəsində Agentliyin rayon və regional sukanal idarələrinə gedib çatanda bəlli olub.İdarələr səsini çıxardanda Abbasov bunun rəhbərliyin tapşırığı olduğunu deyir. İri su xəttlərinin üzərinə qoyulan siyirtmələr müqavilədə Türkiyə istehsalı olsa da anbara daxil olan Çin istehsalıdır.İri diametrli metal borular müqavilədə tikişsiz, anbara daxil olan tikişli və qalınlığı fərqlidir. Bu günlərdə kanalizasiya xətlərinin açılması üçün nəzərdə tutulan material əvəzinə yanmış məftil alınıb ki, işə yaramayan bu kompanent ciddi narazılıq yaradıb. Bütün bu məhsulları anbara daxil etmək üçün konvertin qalınlığı nəzərə alınır. Agentliyin Sədri Zaur Mikayılov İmran Abbasov haqqında ölçü götürməməsi onun özünü də şübhə altına salır.

Roma Aliyev adlı sosial şəbəkə istifadəçisi ötən gün “Facebook” səhifəsində Zaqatala rayon Mərkəzi Xəstəxanası ilə bağlı müzakirələrə səbəb ola biləcək ilginc məlumatlar paylaşıb. Paylaşımda rayon Xəstəxanasının direktor Tamara Nurəliyeva özbaşına əməllərindən bəhs edilir. https://www.facebook.com/srmxphsh/?locale=az_AZ
Qeyd edək ki, bu məlumatlar saytda yayıldıqdan sonra son bir neçə gündürki, Aktualinfo.org redaksiyasına müxtəlif mətbuat orqanlarının nümayəndələrindən və digər şəxslərdən zənglər gəlir. Zəng edənlər bu məlumatları haradan əldə etdiyimizi maraqlanır, yuxarıda təqdim etdiyimiz lingdə – Şəki rayon Mərkəzi Xəstəxanasının “Facebook” səhifəsində – belə məlumatın olmadığını bildirirlər. Yayılmış bu məlumatlardan narahat olanlara bir daha xatırlatmaq istərdik ki, məlumat Roma Aliyev adlı sosial şəbəkə istifadəçisi tərəfindən Şəki rayon Mərkəzi Xəstəxanasının “Facebook” səhifəsində mayın 3-də TƏBİB-in tabeliyində fəaliyyət göstərən Şəki Rayon Mərkəzi Xəstəxanasının direktoru Məcid Əliyev 60 yaşı bitən və 65 yaşı bitdiyi üçün əmək müqaviləsinə xitam verilən tibb işçilərini təbrik etməsi ilə bağlı paylaşımın şərh bölməsindən götürmüşdük. Məqalə geniş ictimaiyyət arasında yayıldıqdan və redaksiyaya olunan zənglərdən sonra qeyd etdiyimiz şərh bölməsində bu məlumatın silindiyini gördük. Araşdırma apardıqda məlum oldu ki, Roma Aliyev adlı sosial şəbəkə istifadəçisi bu məlumatları hələ aprelin 4-də “Facebook”da, Zaqatala Media, Zaqatala Meydanı səhifələrində də paylaşıb. Bu da sözügedən paylaşımların linki: https://www.facebook.com/search/top?q=zaqatala%20meydan%C4%B1&locale=he_IL
Çox maraqlıdır ki,bizə zəng edənlərə bu məlumatların “Facebook”da, Zaqatala Media səhifəsində hazırda qaldığını bildirdikdən sonra gördük ki, məlumatlar artıq oradan da silinib. Yaxşı ki, vaxtında skrinşot edərək yaddaşda saxlamışdıq.

Aktualinfo.org sözügedən paylaşımı müəyyən redaktələrlə, amma məzmununu olduğu kimi saxlamaq şərti ilə bir daha diqqətinizə çatdırır.
“Zaqatala rayon Mərkəzi Xəstəxanası demək istərdim, amma xəstəxana deyil, başqa bir yerdə çevrilib. Rüşvətxorluq bazar və xaos… Xəstəxanadan başqa hər şey var burda. Bunu da yardan əlbəttdə ki direktor Tamara Nuraliyeva və müavini Emil Rüstəmovdur. Burda o qədər qanunsuzluqlar var ki, Prokurorluğa verilən iş indi Korpusiyaya təhvil verilib. Bele olduqda Tamara xanım başladı xəstəxandan pul yiğmaga. Yəni söhbəti bağlamaq üçün 250 min manat pul yiğmalıdı. Bunu da bütün burda işləyənlərin belindən çıxartmaq istəyir. Tamara və Emil anbarları satıb sovurdu özlərinə evlər şəraitlər qurdu, işi bağlamq istəyəndə isə işçilərin aldığı bir-iki qəpik maaşlarına göz dikdi. Bu ikili indi hər bir şobəyə müəyyən məbləğlərin yiğlması üçün tapşırıqlar verib.
Yəni bu 250 min manat pulu yiğmaq üçün bütün xəstəxananı ayağa qaldırıb. Cərrahları, həkimləri, tibb bacılarını hamını çarmığa çəkir və tələb edir ki, pul yığılsın mən satdım sovurdum indi isə siz məni bu vəziyyətdən çıxarın. Kefi çəkən sən, satan sən, dövlətin malını mənimsəyən sən, külli miqdarda yeyinti edən sən, pulu niyə bu millət yiğmalıdı ?
TƏBİB nə vaxta kimi göz yumacaq bunlara.
Direktor Tamara Nuraliyeva artıq o həddə çatıb ki… Cərrahlar Tamara tələb edən pulu vermədiyinə görə 7 mart 2024 cü il tarixində cərahiyə korpusda (Diaqnostikada) xəstə qeydiyyatını dayndırmışdı. Nəticədə xəstələr saatlarla gözlədi və sonda bezib özəl klinikalara getməli oldular.TƏBİB isə yatır fil qulağında.Tamara bura sənin şəxsi obyetin deyil ki, öz çirkin maraqlarınla idarə edəsən. Bura dövlətin balansında olan xəstəxandı millətin haqqına girməyə sənin ixtiyarın yoxdu”.
Qeyd edək ki, sözügedən paylaşıma şərh vermək fikrindən uzağıq. Lakin sosial şəbəkə istifadəçisi tərəfindən yayılan bu ittihamlarin araşdırılmasına ciddi ehtiyac olduğunu düşünürük. Zaqatala rayon Mərkəzi Xəstəxanasının direktoru Tamara Nurəliyeva 250 min manatı nə üçün toplamaq istəyirmiş? İddia olunan məbləğ toplanıbmı? Sözügedən pullar nə üçün və kimə verilməli imiş? Təbii ki, bu kimi qaranlıq suallara aydınlıq gətirmək aidiyyatı qurumların, hüquq mühafizə orqanların səlahiyyətləri daxilindədir. Amma…
Aktualinfo.org Zaqatala rayon Mərkəzi Xəstəxanasında satınalmalar zamanı yol verilən bir sıra ciddi nöqsanlarla bağlı araşdırma aparır. Xəstəxanada “Dövlət Satınalmaları Haqqında” Azərbaycan Respublikası Qanununun tələblərinə əməl edilməməsi, zəruri mal-materialların və xidmətlərin satın alınması üzrə keçirilən tender və kotirovka sorğularında saxtakarlıq hallarına yol verilməsi, habelə bağlanmış müqavilələrdə qanun pozuntularına yol verilməsi, satın alınan malların (xidmətlərin) qiymətlərinin süni şəkildə şişirdilməsi kimi hallara yol verilir. Bunula bağlı Mərkəzi Xəstəxananın Satınalma Komissiyasına sorğu məktubu ünvanlamışıq. Məktuba veriləcək cavabdan asılı olmayaraq yaxın günlərdə redaksiya araşdırmanı geniş ictimaiyyətə açıqlayacaq.
Aktualinfo.org
P.S. Redaksiyamıza olunan çoxsaylı zənglərdən belə çıxır ki, Zaqatala rayon Mərkəzi Xəstəxanasında bu məlumatların yayılmasından narahat olanlar var. Amma maraqlıdır ki, bir nəfər də zəng edib bu məlumatların yalan olduğunu, həqiqəti əks etdirmədiyini söyləmədi.

Ağcabədililərin narazılıq etdiyi şəxslərdən biri də rayon İcra Hakimiyyətinin tabeliyində olan Ağcabədi Kommunal Xidmət və Mənzil İstismar İdarəsinin rəisi Səfər Səfərovdur. Mediada yazılanlara görə rayonda hamı Səfər Səfərovu saxtakar, talançı bir məmuru kimi tanıyır. Buna əyani sübut olaraq deyə bilərəm ki, o, indiki işindən əvvəl Ağcabədi rayonun Baş memarı vəzifəsində işləyirdi. İşində yol verdiyi ciddi nöqsanlara görə titduğu vəzifədən azad edildi. Rayonda onun həbsə gedəcəyini gözlədiyi halda icra başçısı Rafil Hüseynov tərəfindən ona humanistlik göstərilərək bu post ona həvalə edildi. Səfər Səfərov “DOST” XİDMƏT MMC tərəfindən Ağcabədi rayon Kommunal Xidmətlər və Mənzil İstismar İdarəsinə təkim olmuş sosial işçilərə, fəhlələrə, süpürgəçilərə sizi işdən çıxaracam hədə qorxusu gələrək onlardan pul yığmaqdır.

Aktualinfo.org hələ bir neçə il əvvəl Rafil Hüseynovun rayonda yaratdığı qeyri sağlam idarəetmə mühiti barədə məlumatlar yaymışdı. Həmin məlumatlarda regionların sosial iqtisadi inkişafı dövlət proqramı çərçivəsində, bütün rayonlarda olduğu kimi Ağcabədi şəhərində də bir çox mühüm işlərin görüldüyü, infrastruktur layihələrin həyata keçirildiyi bildirilirdi. Onu da əlavə etmişdik ki, Ağcabədi şəhərində küçə və yolların, meydanların asfaltlaşdırılması, yaşıllıqların salınması, işıqlandırma sisteminin yenidən qurulması, təmizlik işlərinin aparılması üçün ayrılmış dövlət vəsaitlərinin təyinatından kənarlaşdırılmasına şübhə yaradan məsələlər kifayət qədər çoxdur. Bu kimi işləri həyata keçirənlər Ağcabədi rayon İcra Hakimiyyəti başçısının Ağcabədi şəhər İnzibati Ərazi Dairəsi üzrə Nümayəndəliyi, Ağcabədi Kommunal Xidmət və Mənzil İstismar İdarəsi və rayon Yaşıllaşdırma İdarəsidir.

Bəs işində yol verdiyi ciddi nöqsanlara görə titduğu vəzifədən azad edildikdən sonra Səfər Səfərovu İcra başçısı Rafil Hüseynov nə üçün Ağcabədi rayon Kommunal Xidmətlər və Mənzil İstismar İdarəsinə rəis təyin edib? Büdcədən Ağcabədidə təmizlik işlərinin aparılması üçün ayrılmış dövlət vəsaitlərini təyinatından kənarlaşdırmaq üçün. Dövlət satınalmalarının vahid internet portalı üzərindən apardığımız kiçik bir araşdırmada bu özünü açıq aydın göstərdi. Ağcabədi rayon Kommunal Xidmət və Mənzil İstismar İdarəsində satınalmalar qanunun tələblərinə uhyğun təşkil olunmur. Bunun üçün aidiyyatı qurumlar tərəfindən bir yoxlama kifayət edər ki, idarədə yol verilən ciddi qanun pozuntuları üzə çıxsın. Burada zəruri mal-materialların və xidmətlərin satın alınması üzrə kotirovka sorğularının keçirilməsində saxtakarlıq hallarına yol verilməsindən tutmuş, bağlanmış müqavilələrdə qanun pozuntularına yol verilməsinə qədər, satın alınan malların (xidmətlərin) qiymətlərinin süni şəkildə şişirdilməsi də daxil hər cür qanun pozuntusuna yolç verilib. İdarənin təkcə 2023-cü ildə bağladığı satınalma müqavilələrinə diqqət yetirsək çox nöqsanlar görmüş olarıq.

Ağcabədi rayon Kommunal Xidmət və Mənzil İstismar İdarəsinin Satınalma Komissiyası tərəfindən 2023-cü il ərzində keçirilmiş 1 açıq tender 1 kotirovka sorğusu üzrə satınalma müqavilələrinin bağlanıldığı açıqlamışdır. Halbuki, İdarə 2023-cü ilin satınalma planlarına 1 açıq tender və 3 kotirovka sorğusu daxil edilmişdir.

Bərk məişət tullantılarının zərərsizləşdirilməsi üzrə “VEDİBASAR İNŞAAT” MMC ilə 45.147,08 manat məbləğində satınalma müqaviləsi 06.10.2023-cü il tarixdə bağlanmışdır.

Mənzil fondunun əsaslı təmiri üzrə “VEDİBASAR İNŞAAT” MMC ilə 143.786,51 manat məbləğində satınalma müqaviləsi 03.08.2023-cü il tarixdə bağlanmışdır.

Qeyd edək ki, Ağcabədi rayon Kommunal Xidmət və Mənzil İstismar İdarəsinin Satınalma Komissiyası nəticələri açıqlanmış bu tenderlərin keçirilməsi barədə qanunla müəyyən edilmiş qaydada iddiaçılara elektron (E-tender) dəvət elanı verməmişdir. İdarənin satınalma planlarına daxil etdiyi “Digər kommunal xitmətləri haqqının ödənilməsi” işlərinin satınalınması və yumşaq inventar, yataq ləvazimatlan va xüsusi geyimlərin alınması üzrə keçirilməsi nəzərdə tutulan kotirovka sorğuları barədə də dövlət satınalmalarının vahid internet portalında iddiaçılara qanunla müəyyən edilmiş qaydada elektron (E-tender) dəvət elanı verilməmişdir.

Apardığımız araşdırmalar zamanı məlum oldu ki, Ağcabədi rayon Kommunal Xidmət və Mənzil İstismar İdarəsinin Satınalma Komissiyası açıq tenderlərin keçirilməsi barədə dövlət satınalmalarının vahid internet portalı vasitəsi ilə iddiaçılara əvvəlki illərdə də heç bir elektron dəvət elanı veriməmişdir. Bununla belə 2022-ci ildə “KM SERVİCES” , “GRAVİTY LTD” , “MƏXMƏR TƏMİR TİKİNTİ”, “MƏXMƏR-77” MMC-ləri ilə ümumi dəyəri 257 515 manat olan 4 satınalma müqaviləsinin bağlanıldığını açıqlamışdır.

Qeyd edək ki, Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında Ağcabədi rayon Kommunal Xidmət və Mənzil İstismar İdarəsinin 2022-ci ildə satınalma müqaviləsi bağladığı “MƏXMƏR TƏMİR TİKİNTİ” və “MƏXMƏR-77” MMC-lərin hüquqi ünvanları AĞCABƏDİ RAYONU, AĞCABƏDİ ŞƏHƏRİ, Ə.TALIBOV, ev 47, qanuni təmsilçisi isə Abdullayev Ramil Abdulla oğlu olduğu göstərilir.

Açıq mənbələrdə Abdullayev Ramil Abdulla oğlunun qanuni təmsilçisi olduğu MMC-lər barəsində hər hansı məlumat yoxdur. Şirkətin nə veb-səhifəsi, nə də əlaqə nömrələri var. Bundan başqa Ağcabədi rayon Kommunal Xidmət və Mənzil İstismar İdarəsinin Satınalma Komissiyasının satınalma müqaviləsi bağladığı “VEDİBASAR İNŞAAT” MMC-nin qanuni təmsilçisi Əlizadə Orxan Səbirəddin oğlu riskli vergi ödəyicisi olan “AZ GLOBAL GROUP” MMC-nin də qanuni təmsilçisidir ki, bu da Nazirlər Kabinetinin 28 iyul 2020-ci il tarixli 265 nömrəli Qərarı ilə təsdiq edilmiş “Riskli vergi ödəyicisinin, о cümlədən riskli əməliyyatların Meyarları”na görə yolverilməzdir.

Göründüyü kimi Ağcabədi rayon Kommunal Xidmət və Mənzil İstismar İdarəsinin Satınalma Komissiyası son iki ildə keçirilmiş bir çox açıq tender və kotirovka sorğusunun təşkilini qanunla müəyyən edilmiş qaydada həyata keçirməmiş, dövlət satınalmalarının vahid internet portalı vasitəsi ilə iddiaçılara elektron (E-tender) dəvət elanı verməmiş, lakin bağlanılan müqavilələr barədə məlumatlar yerləşdirmişdir. Bu da keçirilmiş tender və kotirovka sorğusu prosedurlarında saxtakarlıq hallarına yol yerildiyinə əsaslı şübhələr yaradır.

Qeyd edək ki, Ağcabədi rayon Kommunal Xidmət və Mənzil İstismar İdarəsində hazırda baş verən bütün bu və digər məsələlərlə bağlı bir başçı kimi Rafil Hüseynovdan cavab almaq istədiyimiz çox maraqlı suallar var. Birinci sual da budur ki, Ağcabədinin baş memarı vəzifəsindən yol verdiyi nöqsanlara görə çıxarılmış Səfər Səfərovu yenidən vəzifəyə gətirməkdə İcra başçısının marağı, məqsədi nə olub? Göründüyü kimi Səfər Səfərov Ağcabədidə bir vaxtlar baş memar kimi at oynadıb. İndi də rayonun Kommunal Xidmət və Mənzil İstismar İdarəsinin rəisi kimi at çapmaqdadır. Rayon İcra Hakimiyyətinin başçısı Rafil Hüseynov da onun vasitəsi ilə büdcə vəsaitlərini talamaqda.