MedEra hospitalda nə baş verir?

Yaradılıb 24.12.2022 09:19 | Baxış sayı: 110
Ardını oxu...
Hospitalın əməkdaşlarından birisi işdən azad edilməsi və bundan sonra "MedEra" rəsmiləri tərəfindən borclu qismində şikayət edilməsi ilə bağlı Ulutv.info xəbər portalına şikayət edilmişdir. L.Cəfərova redaksiyaya şikayət edərək bildirir ki, 1 il 8 ay "MedEra" hospitalında çalışıb. Lakin onun qeydiyyata alınması 2022-ci ilin fevral ayınada rəsmiləşib. Əmək haqqı isə L.Cəfərovaya nəğd şəkildə verilib. İşə qəbul edilərkən onun məvacibinin 550 manat olacağını qeyd edən Hospital rəsmilərinin sözünə etibar edərək fəaliyyət göstərib. Lakin onun 1 il 2 ay məvacibi 270 manat olaraq əldən ələ ödənilib. Qalan pulunun karta oturulacağı qeyd edilsədə L.Cəfərova verilən vədlərin tutulmadığını görüb. Adına çox gec kart açılması yerdə qalan sonuncu altı ayını isə karta mədaxil edilib. işdən çıxdıqdan sonra bankdan əməkhaqqını çıxarmışdır. lakin L.Cəfərovanın başına gələnlər bundan sonra başlayıb. İlkin olaraq işçilərin əmək haqq ödənilən kartlarının özlərində deyil MedEra hospitalının rıəsmisi Leyla xanımda qalmaqdadır. keçmiş xanım əməkdaşla bağlı "MedEra" hospitalının Maliyyə Məsələləri Üzrə Direktor Müavini Rəfail Abbasov tərəfindən Binəqədi rayon 5-ci bölməyə şikayət verib. Binəqədi rayon polis idarəsinin 5-ci polis bölməsinin inspektoru Elvin Əliyev xanımı polis idarəsinə izahat verməyə dəvət edir. İnspektor E.Əliyev ilkin şikayət üzrə xanımı izahata çağırıb və şikayətçi ilə məsələni gedib yoluna qoymağı məsləhət görüb. Çox maraqlıdır polis inpektoru Elvin Əliyev şikayəti araşdırmadan maddi subutları toplamadan hansı halda Şikayət edilən şəxsi polis idarəsinə çağırır. İstirahət günü vətəndaşı telefonla narahat edərək idarəyə dəvət edən inspektor L.Cəfərova fakt tələb edib. Lakin İnspektor tək ərizə üzrə iş apardığını bildirib. Şikayətçinin Kimliyi isə çox maraqlı bir nüansla yadımızda qaldı. Xanım ondan Şikayət edən şəxsin MedEra Hospitalın Maliyyə direktor müavini Rəfail Abbasovdur. Şikayətçi olan xanımın şikayətini araşdlırarkən qarşı tərəfi qanunla dinləməli olduğumuzdan Rəfail bəydən münasibət öyrənmək istədik. Xanımın barəsində şikayətinin nədən ibarət olduğunu və nə vaxt xanıma borc verilməsi ilə bağlı məlumat almaq istədik. İlk öncə L.Cəfərovaya borcun verilməsində iştirak etmədiyin deyen Rəfail bəy hansı haqqla xanımdan şikayətçi olduğunada aydınlıq gətirə bilmədi. Lakin şablon olaraq kasadan verilib xanıma şəxsi ehtiyacına göre deyib durdu. Amma kimin borc vermesinidə bilmədiyi halda resmi sorğu verməyimizi və bunun müqabilində sualarımıza cavab veriləcəyini qeyd edən R.Abbasovun istəyini icra etdik. Amma görünən dağa nə bəllədci ki, sən demə ümumiyyətlə MedEra hospitalında elektron adresə gələn məktublara cavab verilmir. Alternativ olaraq R.Abbasovun Whatsappnömrəsinədə eyni sorğunu email adresde olduğu kimi gönderdik. Lakin iki gün erzində R.Abbasov heç bir sorğumuza cavab verilməsini təmin etməyib.
Aparılan araşdırmamıza sunimaniələr yaradılsada məsələ ilə bağlı araşdırmamız davam edir. məslənin təfərüatlarını sizlərə çatıracağıq.
Azərbaycan Respublikasının KİV haqqında qanununa istinadən qarşı tərəfin cavab vermə hüququ tərəfimizdən sonacan qorunmaqdadır.
Ulutv.info
 

AMEA-nın Gəncə Bölməsində ictimaiyyətin gözünə kül üfürürlər, yoxsa gizlicə pul qırırlar? - İLGİNC FAKTLAR

Yaradılıb 23.12.2022 11:02 | Baxış sayı: 168
t
Ardını oxu...
Məlum olduğu kimi Azərbaycan Milli Elmlər Akademiyasının oktyabr ayının 25-də keçirilən ümumi yığıncağında, səsvermənin nəticəsinə əsasən, akademik İsa Həbibbəyli yekdilliklə AMEA-nın yeni prezidenti seçildi. Buna qədər, yəni 2019-2022-ci illərdə prezident olmuş Ramiz Mehdiyevin dövründə Milli Elmlər Akademiyasının ətrafında çox qalmaqallı hadisələr yaşandı. Ən böyük qalmaqal isə AMEA-nın bəzi institutlarında baş verən maliyyə pozuntuları ilə bağlı oldu. Belə ki, Hesablama Palatasının 2021-ci ildəki açıqlamasında AMEA-nın bəzi institutlarında dövlət satınalmalarının keçirilməsi zamanı yol verilmiş nöqsanlar satınalma prosesinin bütün mərhələlərini əhatə etdiyi, bir sıra prosedur pozuntuları ilə yanaşı vəsaitlərin satınalma keçirilmədən icra olunmasına yol verildiyi də göstərilirdi. Eynən Azərbaycan Milli Elmlər Akademiyası Gəncə Bölməsində olduğu kimi.

Aktualinfo.org sözügedən qurumun Tender Komissiyası tərəfindən keçirilmiş satınalma prosedurları ətrafında araşdırma aparmışdır. Araşdırmada AMEA-nın Gəncə Bölməsində illik satınalma planlarına daxil edilmiş, onlara uyğun keçirilmiş kotirovka sorğusu prosedurlarında ciddi qanun pozuntularına yol verildiyinə, “Dövlət Satınalmaları Haqqında” Azərbaycan Respublikası Qanununun tələblərinə əməl edilməməsinə, zəruri mal-materialların və xidmətlərin satın alınması üzrə qanunla müəyyən edilmiş qaydada tender və kotirovka sorğularının keçirilməsində saxtakarlıq hallarına yol verilməsinə, habelə bağlanmış müqavilələrdə qanun pozuntularına yol verilməsinə, satın alınan malların (xidmətlərin) qiymətlərinin süni şəkildə şişirdilməsinə şübhə yaradan bir sıra hallar məlum oldu.

Qeyd edək ki, Azərbaycan Milli Elmlər Akademiyası Gəncə Bölməsinin Tender Komissiyası 2022-ci ildə satınalma planlarına 8 lot üzrə müxtəlif mal-materialların və xidmətlərin satın alınmasını daxil eymişdir. Amma apardığımız araşdırmalar zamanı Elmlər Akademiyası Gəncə Bölməsinin Tender Komissiyası il ərzində kotirovka sorğularında iştirak etmək üçün iddiaçılara qanunla nəzərdə tutulmuş qaydada heç bir elektron dəvət elanı verməmişdir. Amma 2022-ci il ərzində dövlət satınalmalarının vahid internet portalı vasitəsi ilə bir neçə kotirovka sorğusunun keçirildiyi barədə məlumatlar açıqlamışdır.Onu da necə deyərlər, ala-yarımçıq.

Azərbaycan Milli Elmlər Akademiyası Gəncə Bölməsinin Tender Komissiyası kitabların satınalınması üzrə keçirdiyi kotirovka sorğusunda qalib “RƏBUNƏ” Məhdud Məsuliyyətli Cəmiyyətini seçib. Bununla bağlı Tender Komissiyası üç dəfə məlumat yerləşdirib. Birincidə 8 adda kitabın alınması üçün 35 910 manat elan olunub. Sonra komissiya güya qiyməti 60 manat aşağı salaraq 35 850 manat müəyyən edib. Daha sonra 90 manat da endirim edərək 8 adda hər biri 300 ədəd olmaqla 2400 kitabın alınması üzrə 35 760 manat məbləğində satınalma müqaviləsi nəzərdə tutub ki, kitabın biri 14,9 manata alınacaq.

Dövlət satınalmalarının vahid internet portalına yerləşdirilmiş məlumatlarda Elmlər Akademiyası Gəncə Bölməsinin Tender Komissiyası eyni adda və eyni sayda kitabların alınması üzrə 35 580 manat məbləğində bir satıanlma müqaviləsi də “OTAKA AZ COMPANY” Məhdud Məsuliyyətli Cəmiyyəti ilə bağladığını 19.12.2022-ci ildə açıqlayıb. Maraqlıdır, kotirovka sorğusu prosedurundan başı çıxmayan birisi bunları necə başa düşəcək? Elmlər Akademiyası Gəncə Bölməsi eyni kitabların alınmasına neçə dəfə kotirovka keçirib, nə qədər vəsait ayırıb?

Tender Komissiyası dövlət satınalmalarının vahid internet portalına cari təmir işlərinin satınalınması üzrə eyni işlərin görülməsi üçün də iki kotirovka sorğusunun keçirdiyi barədə məlumatlar yerləşdirib. Onlardan biri “F.N.C.UNİVERSAL” Məhdud Məsuliyyətli Cəmiyyəti ilə 21 611.18 manat məbləğində, ikincisi isə “MM İNŞAAT GROUP” MMC ilə 25 011.93 manat məbləğində nəzərdə tutulub. Burada da müqavilənin hansı MMC ilə bağlanıldığı məlum olmur.

Sözügedən Tender Komissiyası tərəfindən dəftərxana və təsərrüfat mallarının satınalınması üzrə də iki kotirovka sorğusunun nəticəsi açıqlanıb. Birinci 39 260 manat məbləğində 11.09.2022-ci ildə, ikinci isə 39 100 manat məbləğində 30.10.2022-ci ildə. Burada isə qalib “MNM-TƏCHİZAT” Məhdud Məsuliyyətli Cəmiyyəti seçilib.

Akademiyanın Gəncə Bölməsinin Tender Komissiyası “MNM-TƏCHİZAT” MMC-ni xüsusi təyinatlı avadanlıqların satınalınması üzrə keçirdiyi kotirovka sorğusunun da qalibi seçib və iki kotirovka sorğusunun nəticəsini açıqlayıb. Birinci 47 255 manat məbləğində 17.08.2022-ci ildə, ikinci isə 47 198 manat məbləğində 30.10.2022-ci ildə, 57 manat endirimlə.

İnventarın satınalınması üzrə keçirilmiş kotirovka sorğusunda isə qalib “ŞAHLAR-M OPTİMAL” Məhdud Məsuliyyətli Cəmiyyəti seçilib. Bu məqsədlə MMC ilə 24 360 manat məbləğində nəzərdə tutulan satınalma müqaviləsi barədə elan 25.07.2022-ci ildə açıqlanıb.

Qeyd edək ki, Azərbaycan Milli Elmlər Akademiyası Gəncə Bölməsinin Tender Komissiyası 2021-ci ildə satınalma planlarına daxil etdiyi tikili və avadanlıqların cari təmiri, maşın və avadanlıqlar, sair torpaq, tikili və avadanlıqlar, mətbəə məhsulları, dəftərxana və təsərrüfat malları, abadlaşdırma xidmətləri üzrə nəzərdə tutulmuş 6 lot kotirovka sorğusunun keçirilməsi barədə nə elektron elan vermiş, nə heç birinin nəticələrini açıqlamamışdır. Amma 2020-ci ildə satınalma planlarına daxil edilmiş 8 lot kotirovka sorğusundan dördünün nəticələrini açıqlamışdır. 2020-ci ildə satınalma müqavilələri bağladığı MMC-lərlə 2022-ci ildə də işbirliyi davam etdirilmişdir.

AMEA Gəncə Bölməsi Tender Komissiyasının satınalma müqaviləsi bağladığı “F.N.C.UNİVERSAL” Məhdud Məsuliyyətli Cəmiyyəti 02.06.2020-ci ildə dəftərxana və təsərrüfat mallarının alınması üzrə kotirovkanın qalibi olmuş “BM-SİTY MMC -nin qanuni təmsilçiləri eyni adamdır, İsayev Bəhlul Calal oğlu.Qeyd edək ki,Elmlər Akademiyasının Gəncə Bölməsi sözügedən MMC ilə eyni malların satın alınması üzrə 43 814 manat məbləğində bir satınalma müqaviləsi də 2020-ci ildə bağlayıb.

Bundan başqa “ŞAHLAR-M OPTİMAL” Məhdud Məsuliyyətli Cəmiyyəti ilə 2020-ci ildə maşın və avadanlıqların satın alınması və sair torpaq, tikili və avadanlıqların satın alınması üzrə iki kotirovka sorğusunda ümumi olaraq 66 580 manat məbləöində satınalma müaviləsi bağlamışdır.

Dövlət satınalmalarının vahid internet portalına yerləşdirilmiş məlumatlardan da görsəndiyi kimi AMEA Gəncə Bölməsinin Tender Komissiyası yuxarıda göstərilən tarixlərdə kotirovka sorğularının ilkin nəticələrini açıqlasa da, kotirovka sorğularının keçirilməsi barədə rəsmi internet saytında heç bir elan verməmişdir. Bununla belə kotirovka sorğularının nəticələri biabırçı bir şəkildə açıqlanmışdır. Belə ki, hər lot üzrə keçirilmiş kotirovka sorğunun ən son nəticəsi açıqlanmalı olduğu halda, AMEA Gəncə Bölməsinin Tender Komissiyasının səriştəsizliyi ucbatından, yaxud da bilərəkdən müsabiqələrin ilkin qiymətləndirilməsi açıqlanmış, amma müqavilələrin bağlanılması barədə heç bir məlumat verilməmişdir. Bununla da AMEA Gəncə Bölməsinin Tender Komissiyası keçirilmiş kotirovka sorğularında “Dövlət Satınalmaları Haqqında” Azərbaycan Respublikası Qanununun bir çox maddələrinin tələblərini kobud şəkildə pozmuşdur.

Buradan suallar yaranır.

AMEA Gəncə Bölməsinin Tender Komissiyası il ərzində heç bir kotirovka sorğusunun keçirilməsi barədə iddiaçılara elektron dəvət elan verməmişsə, açıqladığı kotirovka sorğularını necə keçirmişdir?

Bir çox kotirovka sorğularının keçirilməsi barədə iddiaçılara elektron dəvət elanı verilməmişsə bu kotirovka sorğularının qalibi necə müəyyən edilib? Yəni qalib olan iddiaçı kotirovka sorğusunun keçirildiyini haradan bilib?

Əgər kotirovka sorğulrının keçirilməsi barədə əvvəlcədən qanunla müəyyən olunmuş şəkildə dövlət satınalmalarının vahid internet portalı vasitəsi ilə elektron qaydada iddiaçılara dəvət elanı verilməmişsə bu satınalma prosedurları hansı üsullarla keçirilmişdir?

Göründüyü kimi Azərbaycan Milli Elmlər Akademiyası Gəncə Bölməsinin Tender Komissiyası keçirilmiş bir çox kotirovka sorğularının təşkilini qanunla müəyyən edilmiş qaydada həyata keçirməmiş, dövlət satınalmalarının vahid internet portalı vasitəsi ilə iddiaçılara elektron dəvət elanı verməmiş, bununla belə, keçirilmiş kotirovka sorğularının müxtəlif məbləğlərdə ilkin qiymətlərmələri barədə açıqlamalar vermişlər. Bütün bunlar da keçirilmiş kotirovka sorğusu prosedurlarında saxtakarlıq hallarına yol yerildiyinə əsaslı şübhələr yaradır. Elmlər Akademiyası Gəncə Bölməsinin Tender Komissiyası bununla həm də ictimaiyyətin gözünə kül üfürür, güya kotirovka sorğularının şəffaf keçirildiyini göstərməyə çalışır. Halbuki, dövlət qurumları müxtəlif mal-materialların və xidmətlərin alınmasını artıq neçə illərdir satınalmalar yolu ilə həyata keçirir. Amma dövlət satınalmalarının vahid internet portalının bazasında 2017-2018-ci illərdən sonra Milli Elmlər Akademiyası Gəncə Bölməsinin keçirdiyi satınalmalar barədə məlumatlar ümumiyyətlə yox dərəcəsindədir. Bu isə o deməkdir ki, Elmlər Akademiyasının Gəncə bölməsində neçə illərdir gizlin-gizlin dövlət vəsaitlərini mənimsəyirlər, yəni xəlvətcə pul qırırlar.

Qeyd edək ki, Azərbaycan Milli Elmlər Akademiyası Gəncə Bölməsinə 2015-ci ildən akademik Fuad Əliyev sədrlik edir. Buna qədər isə Fuad Əliyev Azərbaycan Milli Elmlər Akademiyasını Gəncə şəhərində olan Gəncə Regional Elm Mərkəzinin rəhbəri olub. Hər yerdə olduğu kimi, bu qurumda da satınalmaların təşkilinə əvvəlcədən yaradılmış Tender Komissiyası nəzarət edir. Qanun görə idarənin rəhbəri komissiyanın sədri ola bilməz. Komisiyaya qurumun digər məsul vəzifəli şəxsləri sədrlik etməlidir. Bu bölmə sədrinin birinci müavini də ola bilər. Təsərrüfat işləri üzrə sədr müavini, yaxud da maliyyə şöbəsinin müdiri də ola bilər.

Milli Elmlər Akademiyası Gəncə Bölməsində satınalmaların təşkilinə kim cavabdehdi? Maliyyə–iqtisad və mühasibat uçotu şöbəsinin müdiri Akif Bağırov, baş mühasib Yeganə Əliyeva, yoxsa işlər idarəsinin müdiri Rasim Tağıyev? Çox istərdik ki, adıçəkilən bu şəxslər Elmlər Akademiyasının Gəncə Bölməsində satınalmaların belə bərbad bir şəkildə, qanunun tələblərinə əməl edilmədən təşkil olunmasının səbəbini açıqlasınlar.
Aktualinfo.org

Ulduzə Xəlilovanın ulduzu niyə göylərdə yox, KTN-in keçirdiyi tenderdə parladı?

Yaradılıb 23.12.2022 10:59 | Baxış sayı: 119
Ardını oxu...
Azərbaycanda dövlət qurumları tərəfindən satınalmaların təşkili zamanı məmurların yaxın adamlarının adına, qeyri-müəyyən şəxslərin adına yaradılmış MMC-lər vasitəsi ilə tender prosedurlarının saxtalaşdırılması halları barədə kifayət qədər yazılıb. Dövrü mətbuatda, sosial şəbəkə və elektron media resusrslarında demək olar ki, hər gün yeni məlumatların yayılmasına baxmayaraq bu proses hələ də davam etdirilir. Yəni, birdəfəlik şirkətlər gündəmdən son vaxtlar düşmür. Bir nəfərə məxsus, eyni ünvanda yaradılan onlarla MMC-nin qısa müddətdə, bir çox satınalmaların qalib olmalarının çox şahidi olmuşuq. Son vaxtlar isə qanuni təmsilçiləri xanım olan MMC-lərin sayı çoxalıb.

Apardığımız araşdırmalar zamanı məlum olur ki, bu qadınların çoxunun yaşı 70 keçib. Yəni, soruşularsa tenderin nə demək olduğunu heç bilməz. Bəziləri barədə məlumatlar ümumiyyətlə yoxdu. Çünki yüksək vəzifəlilərin qohumu olduğundan gizlin saxlayırlar. Bəzilərinin üsə müəyyən dövlət orqanlarında çalışdığı məlum olur. Ayrı-ayrı sahələr üzrə bir çox dövlət sifarişləri alan bu xanımlara şəraiti kimlər yaradır bəlli deyil. Amma eləsi də var üzə çıxır. Bir çox hallarda məhkəmələrdə adlar çəkilir, bəzi hallarda da özləri parıldayır, yəni gözə girir.

Azərbaycan Respublikasının Kənd Təsərrüfatı Nazirliyi 22.12.2022-ci il tarixdə “Damazlıq heyvandarlıq təsərrüfatının elektron reyestrinin yaradılması və buna dair müraciətlərin elektronlaşdırılması” xidmətlərinin satınalınması üzrə keçirdiyi açıq tenderin nəticələrini açıqlayıb. Dövlət satınalmalarının vahid internet portalına yerləşdirilmiş məlumatlarda nazirliyin “DIGITAL UMBRELLA” Məhdud Məsuliyyətli Cəmiyyəti ilə 163000 manat məbləğində satınalma müqaviləsi bağladığı göstərilir.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “DIGITAL UMBRELLA” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində 15.11.2021-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ YASAMAL RAYONU, MƏTBUAT PR. , ev 35C, m. 126qanuni təmsilçisinin isə Xəlilova Ulduzə Tofiq qızı olduğu göstərilir.

Bəs Xəlilova Ulduzə Tofiq qızı kimdir?

Məlum olduğu kimi İnam Kərimov 2012-ci ilin sentyabrından 2018-ci ilin aprel ayına qədər Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri vəzifəsində çalışıb. Həmin dövrlərdə Xəlilova Ulduzə Tofiq qızı da “ASAN xidmət” işçilərindən olub. Hansı vəzifəni daşıdığı məlum olmasa da Prezident İlham Əliyevin 27 dekabr 2018-ci il tarixli sərəncamı ilə “ASAN xidmət” işçilərinin peşə bayramı günü münasibətilə və dövlət xidmətlərinin göstərilməsinin təkmilləşdirilməsində səmərəli fəaliyyətinə görə Xəlilova Ulduzə Tofiq qızı ” Tərəqqi” medalı ilə təltif olunub.

Yuxarıda qeyd etdiyimiz kimi İnam Kərimov 2018-ci ilin aprel ayının 21-dən Kənd Təsərrüfatı naziri təyin edilib. Xəlilova Ulduzə Tofiq qızının hazırda harada çalışması barədə açıq mənbələrdə heç bir məlumat yoxdu. Lakin görsənən odur ki, Ulduzə Xəlilovanın qanuni təmsilçisi olduğu MMC-nin Kənd Təsərrüfatı Nazirliyi tərəfindən keçirilən tenderin qalibi olması heç də təsadüf deyil. Ya onları bir biri ilə hansısa qohumluq telləri bağlayır. Ya da İnam Kərimov bir nazir kimi keçmiş işçisinə şəxsi biznesini qurmaq üçün dövlət vəsaitləri hesabına şərait yaradır.

Göründüyü kimi Ulduzə Xəlilovanın qanuni təmsilçisi olduğu “DIGITAL UMBRELLA” Məhdud Məsuliyyətli Cəmiyyəti cəmi bir ildir yaradılıb. Maddi texniki bazası, işçi qüvvəsi, ixtisas göstəriciləri barədə açıq mənbələrdə heç bir məlumat yoxdur. Amma buna baxmayaraq İnam Kərimovun rəhbəri olduğu nazirliyik son bir ildə sözügedən MMC ilə 223 000 manat dəyərində satınalma müqaviləsi bağlayıb. Əvvəlki müqavilə isə nazirliyin Aqrar Xidmətlər Agentliyi tərəfindən keçirilmiş operativ məlumatların idarəedilməsi sistemi üzrə proqram təminatının satın alınması üzrə olub və 07.07.2022-ci il tarixdə 60 000 manat dəyərində qiymətləndirilib.

Dövlət satınalmalarının vahid internet portalında gözə dəyən bu məlumatlardan da görsəndiyi kimi Kənd Təsərrüfatı naziri İnam Kərimovla “DIGITAL UMBRELLA” Məhdud Məsuliyyətli Cəmiyyətinin qanuni təmsilçisi Ulduzə Xəlilova bir birilərini yaxından tanıyırlar. İstəsələr də bunu inkar edə bilməzlər. Çünki, neçə il bir yerdə çalışıblar. “Dövlət Satınalmaları Haqqında” Azərbaycan Respublikası Qanunu isə tanış, yaxın adamların satınalma prosedurlarında iştirakını qadağan edir. Belə olan halda Ulduzə Xəlilovanın ulduzu niyə göylərdə yox, Kənd Təsərrüfatı Nazirliyinin keçirdiyi tenderdə parladı? Maraqlı olan da budur.
Aktualinfo.org
 
 
 

 Bəlkə Texniki Universitetin də VİLAYƏT TƏFƏKKÜRÜ ləğv olunsun... - Müəllimlər YENİ FAKTLARI AÇIQLAYIR...

Yaradılıb 23.12.2022 09:36 | Baxış sayı: 201

Ardını oxu...
DİA.AZ: -" Son illərdə Azərbaycanın təhsil sistemində, həm orta, həm də ali təhsil səviyyələrində o qədər qəribə işlər baş verir, təhsilimiz o qədər aşağı səviyyəyə enib ki, artıq bu haqda yazılanlara heç kim təəccüb etmir və heç kim də, nə aidiyyəti olan vəzifəli şəxslər, nə də rəsmi dövlət təşkilatları reaksiya vermir, tədbir görmürlər, sanki, elə belə də olmalıdır. Lakin, biz, yəni Azərbaycan Texniki Universitetinin (AzTU) müəllimlərindən bir qrupu bunlara, xüsusən də universitetimizdə son 3 ildə, yəni Vilayət Vəliyevin buraya rektor təyin olunmasından sonra onun “fəaliyyəti” nəticəsində baş verənlərə və onların nəticələrinə biganə baxa bilmirik və bu haqda məlumatlar və müraciətlərlə kütləvi informasiya vasitələrində dəfələrlə çıxış etmişik". DİA.AZ bildirir ki, bu barədə Azərbaycan Texniki Universitetinin (AzTU) müəllimləri adından edilən müraciətdə deyilir.
Müraciət müəllifləri daha sonra yazırlar: "Cari tədris ilinin başlanması günlərində cənab Prezident yeni açılan orta məktəbləri gəzib, onlarla tanış olması zamanı qeyd etdi ki, ölkənin qüdrəti onun təbii sərvətləri ilə deyil, onun elminin və təhsilinin səviyyəsi ilə müəyyən edilir. Çox təəssüf ki, bu həqiqəti bizim təhsil sistemimizin başında dayananların və təhsil müəssisələrinə rəhbərlik edənlərin bir çoxu dərk etmir, ya da dərk etmək istəmir.
Keçən yazılarımızın birində biz Azərbaycan Texniki Universitetində (AzTU) son 3 ildə, yəni Vilayət Vəliyevin rektorluğu dövründə baş verənləri böyük Mirzə Fətəli Axundovun məşhur komediyalarındakı sərgüzəştlərə bənzətmişdik. Ancaq indi görürük ki, AzTU-da son vaxtlar baş verənlərin Cəlil Məmmədquluzadənin Danabaş kəndinin əhvalatları hekayəsində vaqe olanlara daha çox bənzəri vardır. Əlbəttə, belə əhvalatlar 19-cu əsrdə Azərbaycanın ucqar bir kəndində yaşayan savadsız insanlar arasında baş verdikdə, buna təəccüblənməmək də olardı. Ancaq bu səviyyəli əhvalatlar 21-ci əsrdə, həm də ölkəmizin Texniki Universitetində və universitetə rəhbərlik edən “elmlər doktorunun”, “əməkdar elm xadiminin” səriştəsiz və hətta qərəzli fəaliyyəti nəticəsində meydana gəldikdə, buna təəccüblənməmək olmur.
Əvvəlcə son dövrdə magistraturada baş verən əhvalatlardan danışaq. 2022-ci ilin yanvar və iyun aylarında dərc olunmuş məlumatlarımızda yazmışdıq ki, bu ilin əvvəllərində birdən, gözlənilmədən universitet üzrə elan edildi ki, rektor Vilayət Vəliyev yanvar ayında kafedra müdiri və dekanları toplayaraq “təklif edib” ki, 2-ci kurs magistrantların verilmiş və artıq, əmrlə də bir il yarım bundan əvvəl təsdiq edilmiş dissertasiya mövzuları ləğv edilsin, onlara yeni dissertasiya mövzuları verilsin və ən qəribəsi də budur ki, hər 4-5 magistranta qrup halında, bir ümumi mövzu verilsin və onlar bir ümumi dissertasiya hazırlayıb, müdafiə etsinlər (???). Bunun səbəbi nədir, heç kim bilmədi. Biz iyun ayında bu haqda məlumatla mətbuatda çıxış edəndə hələ çox şey naməlum idi, yəni dissertasiyalar necə olacaq, qrup halında necə müdafiə ediləcək, verilən qiymət 4-5 nəfər arasında necə bölüşdürüləcək və s.
Bu yeni mövzuların tərtib edilməsi və qərarın rəsmiləşdirilməsi də bir neçə ay çəkdi. Təlimata görə 1-ci kurs magistrantlar dərslərə başlayandan 3 ay müddətində onların dissertasiya mövzuları təsdiq edilməlidir ki, tələbələrin dissertasiya üzərində işləməyə 2 ilə yaxın vaxtı olsun. Burada isə tələbələrin bir il yarımlıq zəhmətinin və işinin üstündən xətt çəkildi və magistraturanı bitirmələrinə İKİ AY QALMIŞ qrup halında yeni dissertasiya mövzuları verildi. Digər tərəfdən, hər tələbənin dissertasiyasının öz elmi rəhbəri var idi, onlar rəhbərlikdən kənarlaşdırılaraq, 4-5 tələbənin bir ümumi dissertasiyasına bir yeni rəhbər təyin edildi. Daha yenə də təkrar etmək istəmirik ki, bu nə qədər ağlasığmaz və sağlam məntiqdən uzaq qərar idi! Əlavə olaraq qeyd edək ki, mövcud tədris normativ sənədlərə əsasən bir elmi rəhbər eyni zamanda 2-dən artıq magistr dissertasiyasına rəhbərlik edə bilməz. Bundan əlavə, Azərbaycan Respublikası Nazirlər Kabinetinin 13.02.1997-ci il tarixli 15 nömrəli qərarı ilə təsdiq olunmuş “Magistr hazırlığı haqqında” Əsasnamənin əsasında Azərbaycan Respublikası Təhsil Nazirliyinin 20 aprel 1998-ci il tarixli 202 saylı Əmri ilə təsdiq edilmiş “Magistrlik dissertasiyasının hazırlanması, təqdim olunması və müdafiəsi qaydaları haqqında Əsasnamə”nin 3.1 bəndində yazılmışdır: Magistrlik dissertasiyası elmi rəhbərin rəhbərliyi altında magistrantın MÜSTƏQİL yerinə yetirdiyi elmi-tədqiqat (yaradıcılıq) və ya təcrübi-konstruktor işidir.
Bunlar baş verəndə hələ biz bilmirdik ki, bəs dissertasiya müdafiələri necə olacaq. Adətən, magistr dissertasiyalarının müdafiələri bütün iyun ayı müddətində və iyulun 7-nə qədər keçirilərdi. Bu şəraitdə isə iyun ayında müdafiələr təbiidir ki, baş tutmadı və yalnız iyulun 1-ci həftəsi ərzində hamısı tələsik keçirildi və tam formal xarakter aldı. Müdafiələr göstərdi ki, bəzi fakültələrdə 4-5 tələbənin hazırladığı dissertasiyanın yalnız biri, ən gözəgəlimlisi 5 nəfər üçün ümumi bir dissertasiya kimi seçildi və 110-120 səhifəlik bir dissertasiyanın titul vərəqində 4-5 tələbənin adı müəllif kimi yazıldı (???), halbuki, yalnız bir tələbənin dissertasiyası bu həcmdə olmalıdır. Müdafiədə isə tələbələr ardıcıl olaraq çıxış edərək, dissertasiyanın məzmununu hissə-hissə (???) məruzə etdilər. Çox gülünc bir mənzərə. Bəs qiymətlər tələbələr arasında necə bölüşdürüldü? Bəzən ata malı kimi hamıya eyni pay bölündü, bəzən də müxtəlif qiymətlər verildi.
Bəzi fakültələrdə isə 4-5 nəfərin dissertasiyası ard-arda bir birinin dalınca bir yerə toplandı və ümumi həcmi 400-500 səhifəyə çatdı. Nə əsasla, hansı təlimatın əsasında? Sual olunur, bunlar hamısı nəyə lazım idi? Heç kim bilmir, yəqin ki, Vilayət Vəliyev bilər, o da ki, bunu “sirr” kimi saxlayır və heç kimə demir. Yəqin ki, şou yaratmaq, özünü orijinal göstərmək uçun.
Maraqlıdır ki, bəs bu il magistr dissertasiyaları ilə əlaqədar vəziyyət necədir. V.Vəliyevlə 3 illik tanışlığımız onu göstərir ki, hər dəfə bir sürpriz çıxarmasaydı, Vilayət Vilayət olmazdı".

DAVAMI VAR...

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Yüz əlli min manatlıq artezian quyusu niyə kəndi su ilə təmin etmir? - GİLEY Beyləqan rayonu Yeni Mil (Talıbxanlı) qəsəbəsinin sakinləri üç kənd üçün hazırlanan artezian quyusunun istifadəyə verilməməsindən şikayət edirlər. TEREF.AZ bildirir ki, bu barəd

Yaradılıb 23.12.2022 08:59 | Baxış sayı: 215
Ardını oxu...
Beyləqan rayonu Yeni Mil (Talıbxanlı) qəsəbəsinin sakinləri üç kənd üçün hazırlanan artezian quyusunun istifadəyə verilməməsindən şikayət edirlər.

TEREF.AZ bildirir ki, bu barədə Oxu.Az-ın redaksiyasına sakinlər tərəfindən şikayət ünvanlanıb.

Bildirilib ki, sözügedən kənddə Birinci və İkinci Qarabağ müharibəsinin şəhidlərinin valideynləri yaşayırlar.

“Yaxınlıqdakı üç kənd üçün nəzərdə tutulan, 150 min manat vəsait xərclənən artezian quyusu hazır olsa da, sakinlərə su verilmir. Səbəbi də deyilmir”, - deyə sakinlər bildiriblər.

Məsələ ilə bağlı “Azərbaycan Meliorasiya və Su Təsərrüfatı” ASC-dən sorğumuza cavab olaraq bildirilib ki, həmin artezian quyusu onların balansında deyil.

“Azərsu” ASC-dən isə bildirilib ki, sözügedən ərazidəki artezian quyusu layihə əsasında inşa edilib:

“Layihə çərçivəsində biri Yeni Mil qəsəbəsində olmaqla 24 artezian quyusu qazılıb. Suyu içməyə yararlıdır. Artıq istifadəyə hazır vəziyyətdədir. Növbəti mərhələdə kənddaxili bulaqların quraşdırılması, su xətlərinin çəkilməsi icra olunacaq. Camaatın da müraciəti məhz suyun nə üçün mərhələlərlə çəkilməsi ilə bağlıdır. Növbəti mərhələdə bütün bu proseslər öz həllini tapacaq, kənd sakinlərinin içməli su məsələsi həll ediləcək”.
 

MİDA-nın MİNİ yeyintisi - DETALLAR

Yaradılıb 23.12.2022 08:57 | Baxış sayı: 115
Ardını oxu...
Mənzil İnşaatı Dövlət Agentliyinin (MİDA) keçirdiyi tender müsabiqəsinin qalibi “MKS Pyramida” MMC (VÖEN – 3102651821) olub.
TEREF.AZ Yeniavaz.com-a istinadla xəbər verir ki, MİDA Cəbrayıl şəhərində 7,87 ha, Füzuli şəhərində isə 8,90 ha torpaq sahəsində yaşayış kompleksinin tikintisinə hazırlıqla əlaqədar məlumat lövhələrinin hazırlanıb quraşdırılması üçün “MKS Pyramida” MMC-yə 35 min 197 manat 9 qəpik ödəyəcək.
Belə ki, şirkət Cəbrayıl şəhərində quraşdırılacaq 7 lövhə üçün 22 min 312 manat 62 qəpik, Füzuli şəhərində quraşdırılacaq 5 lövhə üçün isə 12 min 884 manat 47 qəpik alacaq.

Rəqəmlərdən də göründüyü kimi 1 ədəd lövhənin qiyməti Cəbrayıl şəhəri üçün 3,2 min manat, Füzuli şəhəri üçün isə 2,6 min manata başa gələcək.
Məlumat üçün bildirək ki, tenderin qalibi olan “MKS Pyramida” MMC barəsində açıq internet resurslarda heç bir məlumat yoxdur. Şirkətin adına daha əvvəl MİDA-nın keçirdiyi tender müsabiqəsində rast gəlmək olur. Nizamnamə kapitalı 10 manat olan MMC 2018-ci ildə dövlət qeydiyyatına alınıb. Hüquqi ünvanı Abşeron rayonu, Masazır qəzəbəsində yerləşən şirkətin qanuni təmsilçisi Cabbarlı Sənan Mehman oğludur.
 

Dəfələrlə həbs olunan, amma islah olunmayan Müqayis Verdiyevin yenidən həbsi qaçılmazdır... - Müqayis Verdiyev məmurları kimlərin adından şantaj edir...

Yaradılıb 23.12.2022 08:50 | Baxış sayı: 117
Verdiyev Müqayis Cəmil oğlu 15.12.1955-ci il təvəllüdlü, Goranboy rayonu Xanqərvənd kəndində anadan olmuş və həmin ünvanda qeydiyyatdadır.
M.C.Verdiyev Bakı Şəhər Məhkəməsinin 24.01.2000-ci il tarixli hökmü əsasında həmin dövr üçün qüvvədə olan AR CM-nin 93-8-ci maddəsinin 4-cü bəndi, 170-ci maddənin 3-cü bəndi, 148, 172 və 38-ci maddələri ilə 04 il müddətində azadlıqdan məhrum etmə cəzasına məhkum edilmişdir. (Mənimsəmə və ya israf etmə yolu ilə özgəsinin əmlakını talama zərərçəkənə xeyli miqdarda ziyan vurmaqla törədildikdə; Rüşvət alma bir qrup şəxs tərəfindən qabaqcadan sövdələşmə əsasında edildikdə və ya dəfələrlə və ya hədə qorxu tədbiq olunmaqla edildikdə, yaxud külli miqdarda rüşvət alındıqda; Mənimsəmə; Vəzifə saxtakarlığı; Cinayətlərin məcmusu üzrə cəza təyin etmə).
Azərbaycan Respublikası ACDİÜ məhkəməsinin 30.12.2002-ci il tarixli hökmü əsasında AR CM-nin 178.2.2, 178.2.3, 178.3.2, 256.3, 311.2, 66.3-cü maddələri ilə 08 il müddətində azadlıqdan məhrum etmə cəzasına məhkum edilmişdir; (Dələduzluq təkrar törədildikdə; şəxs tərəfindən öz qulluq mövqeyindən istifadə etməklə törədildikdə; külli miqdarda ziyan vurmaqla törədildikdə; Balıq və digər su bioresurslarının qanunsuz tututlması şəxs tərəfindən öz qulluq mövqeyindən istifadə etməklə və ya qabaqcadan əlbir olan bir qrup şəxs yaxud mütəşəkkil dəstə tərəfindən törədildikdə; Vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma; Cinayətlərin məcmusu üzrə cəza təyin etmə).
Gəncə Ağır Cinayətlər Məhkəməsinin 04.02.2015-ci il tarixli hökmü əsasında AR CM-nin 178.3.2, 179.3.2, 211.1, 66.3 və 67-ci maddələri ilə 09 il 14 gün müddətində azadlıqdan məhrum etmə cəzasına məhkum edilib. Gəncə Apellyasiya Məhkəməsinin 17.02.2016-cı il tarixli qərarı ilə hökm dəyişdirilib AR CM-nin 179.3.2, 178.3.2, 66.3 və 67-ci maddələri ilə 05 il 06 ay 28 gün müddətinə azadlıqdan məhrum etmə cəzasına məhkum edilmişdir; (Dələduzluq külli miqdarda ziyan vurmaqla törədildikdə; Mənimsəmə və ya israf etmə kulli miqdarda törədildikdə; Xeyli miqdarda vergiləri, işsizlikdən sığorta, icbari tibbi sığorta və ya məcburi dövlət sosial sığorta haqlarını ödəməkdən yayınma; Cinayətlərin məcmusu üzrə cəza təyin etmə və Hökmlərin məcmusu üzrə cəza təyin etmə).
Azərbaycan Respublikası ACDİÜ məhkəməsinin 03.09.2018-ci il tarixli hökmü əsasında AR CM-nin 178.3.2, 62, 46.2, 222.2, 66.3, 66.4, 66.5-ci maddələri ilə 04 il müddətində azadlıqdan məhrum etmə və 02 il 06 ay müddətində dövlət orqanları və yerli özünüidarə orqanlarında maddi məsul vəzifə tutmaq hüququndan məhrum edilmiş, daha sonra Sumqayıt Apellyasiya Məhkəməsinin 20.02.2019-cu il tarixli qərarı ilə 02 il 06 ay müddətində dövlət orqanları və yerli özünüidarə orqanlarında maddi məsul vəzifə tutmaq hüququndan məhrum edilməklə 03 il 03 ay müddətində azadlıqdan məhrum etmə cəzasına məhkum edilmiş, Qaradağ Rayon Məhkəməsinin 01.04.2019-cu il tarixli qərarı ilə 09 ay 06 gün vaxtından əvvəl şərti azad edilmişdir. (Dələduzluq kulli miqdarda ziyan vurmaqla törədildikdə; Cinayətə görə müəyyən edilmiş cəzadan daha yüngül cəza təyin edilməsi; Müəyyən vəzifə tutma və ya müəyyən fəaliyyətlə məşğul olma hüququndan məhrum etmə; Tikinti, mədən işlərinin və sair işlərin aparılmasının təhlükəsizlik qaydalarını pozma ehtiyatsızlıqdan zərərçəkmiş şəxsin sağlamlığına ağır və ya az ağır zərərin vurulmasına səbəb olduqda; Cinayətlərin məcmusu üzrə cəza təyin etmə).

Həmişə özünü böyük iş adamı kimi təqdim edən Müqayis Verdiyevlə bağlı mediada gedən materiallarla tanış olanda adam dəhşətə gəlir. Əlbəttə, digər iş adamları ilə də bağlı mediada müxtəlif xəbərlər yayılıb. Ancaq Müqayis Verdiyevlə bağlı xəbərlər, məqalələr xeyli saydadır. Əlbəttə, həmin məqalələri oxumağa, araşdrımağa nə vaxtımız, nə də həvəsimiz var. Təkcə həmin məqalələrin başlıqlarına nəzər salanda adam dəhşətə gəlir. …Müqayis Verdiyev Qarabağ Qazilərinin PULUNU QAYTARMIR... Qarabağ qaziləri deyir ki, Müqayis Verdiyev 400 minlik maşın sürür, amma biz Qarabağ qazilərini işlədərək, pulumuzu vermir. Müqayis Verdiyevlə bağlı başqa bir yazının başlığı belədir: Narazı Qarabağ qaziləri, fəhlələr, ustalar Müqayis Verdiyevin evinin qarşısında aksiya keçirmək, pullarını tələb etmək istəyir… Bəli, Qarabağ qaziləri deyir ki, həbsxanadan çıxan Müqayis Verdiyevə yenidən hansısa yollarla 4 millyon manatlıq tender verilib, o isə bunun 2 milyonunu mənimsəyərək özünə və övladına bahalı avtamobil alıb amma onlara məxsus daş karxanasından götürülən materiealların dəyəri yüz mindən yuxarı olan borcunu ödəmir, ödəməkdən boyun qaçırır.
Hər dəfə onlara tez bir zamanda görüşəcəyik deyə yalandan vədlər verir: “Bu şəxs dələduzluq, dövlət malını talamaya görə dəfələrlə həbsxana həyatı yaşasa da dərs olmur, görünür arxasında hansısa gözəgörünməz qüvvələr var” deyə etirazçılar bildirib. Belə məqalə başlıqları bir deyil, beş deyil, on deyil…
Bütün bu narazılıqlar ortada ola-ola Müqayis Verdiyev özü başqalarını şantaj etməyə başlayır. Müqayis Verdiyevin şantaj serialı ilk olaraq Goranboyun ozmankı icra başçısı Nizaməddin Quliyevlə bağlı olub. Guya Nizaməddin Quliyevin Müqayis Verdiyevə 400 min manat borcu var imiş. Daha doğrusu, Müqayis Verdiyev məhkəmədə icra başçısının üzünə dirənib ki, guya Goranboy rayonundakı tikinti işlərinə məhz bu rayonun rəhbəri Nizaməddin Quliyevin israrlı xahişləri əsasında qatılıb. Subpodratçı kimi «Fəqan Xidmət»dən aldığı işi isə vaxtında və qüsursuz yerinə yetirib.
Bu işlərin müqabilində nəzərdə tutulan pulu isə əsasən üç adamdan alıb: İcra başçısı Nizaməddin Quliyevdən, onun oğlu Ramal Quliyevdən və müavini Baxış Abdullayevdən. Və sonda guya 400 min manatı verməyiblər. Müqayis Verdiyev eyni ssenarini sonradan Yevlaxın o zamankı icra başçısı Qoca Səmədova tətbiq elədi.
Sözün qısası, Müqayis Verdiyev daha sonra şantaj əməllərini Göyçayın əvvəlki icra başçısı Mehdi Səlimzadəyə onun vəkili Rəşidlə birgə tətbiq elədi, daha sonra bu əməllərini Sumqayıtda işə saldı.
Yeri gəlmişkən, onu da qeyd edək ki, Müqayis Verdiyev bu əməllərinə görə bir neçə dəfə həbsdə də olub. Amma öz köhnə əməllərindən əl çəkmir… Hazırda Müqayis Verdiyev daha başqa yollarla dövlət nümayəndələrini, məmurları şantaj edir. Hətta məmurlara hədə-qorxu gəlir ki, Prezident Administrasiyasında adamlarım var, deyərəm sizi cəzalandırar, kimi istəsəm adının üstündən QIRMIZI XƏTT çəkdirərəm… yuxarıdakı Sabir də mənim adamımdır… Hətta ailə üzvümdür. Nə desəm odur…Əlaqədə olduğum adamların hamısına pul verirəm…
Bütün bunlar azmış kimi Müqayis Verdiyev hətta məmurlara hədə-qorxu gəlir ki, mənim özümün media şəbəkəm var, pulumu verib sizi mediada ifşa edərəm: “Ən bərk gedən baş redaktorlar mənim pullarımdan bəhrələnirlər. Mən cəmiyyət arasında nüfuzu olan adamam”. Müqayis Verdiyevin sevimli ifadəsi, informasiya kimdə varsa, qalib odur: “ Mən çox informasiyalı adamam. Kimi istəsəm həbs elətdirərəm kimi istəsəm həbsxanadan azad etdirərəm”.
Biz bir media qurumu olaraq Müqayis Verdiyevə bildiririk ki, sən güc-bəla ilə 4-cü sinifi bitirmisən, ali təhsilin də yoxdur, cinayət əməlləri ilə məşğulsan, residivistsən, 1 ildə 8 dəfə həbs olunmusan,..
Bir sözlə, səndən hər əməli gözləmək olar.. Müqayis Verdiyev PA-da çalışan Qarabağlı xanımların da adından sui-istifadə edir. Biz belə birisinə kömək edənlərə, dəstək verənlərə bildiririk ki, işlədiyiniz yüksək mövqeyinizi qoruyun, axı sizə etimad göstəriblər.
Ardı var...
gundelik baki
 
 
 

Vəzifədən çıxarılan nazirlə İnam Kərimov barədə sensasiyalı iddia: "Onlar xanımları ilə birgə dövlət başçısının oturması üçün nəzərdə tutulan və..." - FOTO

Yaradılıb 23.12.2022 08:47 | Baxış sayı: 123
Ardını oxu...
Xəbər verdiyimiz kimi, bu gün Prezident İlham Əliyevin sərəncamı ilə mədəniyyət naziri Anar Kərimov vəzifəsindən azad edilib.

Teref.az “Qafqazinfo”ya istinadla xəbər verir ki, bu vəzifəyə təyin olunmasından heç iki il keçməmiş Anar Kərimovun işdən çıxarılması bir çox suallar yaradıb. Belə ki, adətən Azərbaycanda yüksək posta gətirilən məmurlara həmin sahədə özünü təsdiq etmək, lazımi işlər görmək üçün müəyyən zaman tanınır. A.Kərimovda isə belə olmadı və bu, açıq suallar yaratdı.

Məlum olduğu kimi, hələ bu qurumda Əbülfəs Qarayevin vəzifəsindən azad olunması ilə nəticələnən Dövlət Təhlükəsizliyi Xidmətinin həyata keçirdiyi əməliyyatlar A.Kərimovun vaxtında da davam etdi. Bu əməliyyatlar nəticədə onun birinci müavini Elnur Əliyevin bir neçə ay əvvəl işdən çıxarılması və digərlərinin həbsi ilə nazirlikdə baş verən oğurluq, yeyinti faktlarını obrazlı ifadə etsək, mədəniyyətsizliyi ortaya qoydu.

Bütün baş verənlər, həm də A.Kərimova bir siqnal idi. Lakin görünür, o, nə sələflərindən, nə də müasirlərindən dərs götürdü.

Bu arada, nazirin öz həddini aşması ilə bağlı daha bir fakt ortaya çıxıb.

“Qafqazinfo”ya daxil olan fotodan çox şey aydın olur. Belə ki, bu yaxınlarda Heydər Əliyev Sarayında keçirilən tədbirlərdən birinə qatılan A.Kərimov, həmkarı, kənd təsərrüfatı naziri İnam Kərimov və onların xanımları sarayda adətən dövlət başçısının oturması üçün nəzərdə tutulan və protokol hesab edilən sıraya əyləşiblər.

Deyilənə görə, nazirə həmin yerin Prezident sırası olduğu haqda xəbərdarlıq edilsə də, o, məhəl qoymayaraq kresloların üstündəki örtüyü açdırıb və israrla orada oturub.

Vurğulayaq ki, A.Kərimovun yerini bilməməyi təkcə özünə aid olmayan yerdə oturması ilə bağlı deyil. O, qısa zaman kəsiyində nazir işləməsinə baxmayaraq, hərəkətləri ilə sənət adamlarının narazılığına səbəb olmuşdu. Belə ki, onun, hətta əsas yoxlanmalı yerləri qoyub Azərbaycan Dövlət Kukla Teatrı kimi bir mədəniyyət ocağında yeyinti axtarması gülüşlə qarşılanmışdı.

Sadaladıqlarımız məhz A.Kərimovun nazir ömrünün belə qısa bitməsi ilə nəticələndi. Zənnimizcə, bu tale bir daha yüksək etimad göstərilən məmurlar üçün örnək olmalıdır.
Ardını oxu...
 
 
 

Ramil İsgəndərov “Azəriqaz”da müavin vəzifəsinə daha çox hansı məqsədlər üçün təyin olunub? - İTTİHAM VAR!

Yaradılıb 22.12.2022 11:52 | Baxış sayı: 107

 
 
 
 
 
 
 
 
Ardını oxu...

Ruslan Əliyevin “Azəriqaz”İstehsalat Birliyinə rəis təyin olunmasının üç ili ötən ay tamam oldu. Bu müddət ərzində keçmiş rəis Əkbər Hacıyevin adamı kimi tanınan köhnə müavin, yeni rəis nə kimi işlər görə bilib, sözügedən sistemdə nə kimi yeniliklər edə bilib? Qeyd edək ki, Ruslan Əliyevin rəiz vəzifəsinə keçməsindən sonra Birlikdə apardığı kadr islahatlarından, ayrı-ayrı qurumlarda rüşvət və mənimsəmə hallarına yol verdiklərinə görə barələrində qanuni ölçü götürülmüş bir sıra şəxslərin bu gün “Azəriqaz”İB-in idarəetmə sistemində məsul vəzifələr tutduğunu vaxtı ilə biz gündəmə gətirmişdik. Qurumda işə təyin olunmuş rəhbər vəzifəlilərin idarəetmədə yol verdiyi ciddi nöqsanlar mövzusuna da vaxtı ilə toxunmuşduq.
Ruslan Əliyevin kadr siyasəti heç də “Azəriqaz”İstehsalat Birliyində vətəndaşlara göstərilən xidmətlərin keyfiyyətinin artırılmasına, şəffaflığın və operativliyin təmin edilməsinə hesablanmayıb. Sosial şəbəkələrdə, elektron media resurslarında “Azəriqaz” İstehsalat Birliyinin fəaliyyəti barədə yayılmış məlumatlar da bunu təsdiq edir. Əhali tərəfindən mətbuat vasitəsi ilə yuxarı instansiyalara olunan çoxsaylı müraciətlərdə və sosial şəbəkələrdə vətəndaşlar tərəfindən yayılan şikayətlərdə bildirilir ki, “Azəriqaz” İstehsalat Birliyi paytaxt Bakı başda olmaqla ölkənin hər yerində abonentlərə, kiçik və orta sahibkarlara qarşı səlib yürüşünə çıxıb. Belə ki, qaz işçiləri obyektlərə baş çəkərək sahibkarlara böyük məbləğdə cərimələr yazirlar. Səbəb kimi guya saygaclara müdaxilə edildiyi göstərilir. Bir çox mətbuat orqanının apardığı araşdırmalar zamanı “Azəriqaz”ın bu tip hərəkətləri son vaxtlar qurumda olan böyük korrupsiya olayını ört basdır etməyə, güya əhalinin qaz pulu verməmək üçün saygaclara müdaxlə etdiyini göstərməsi məlum olub.

Bu gün əhalinin narazılığına səbəb olan hallardan biri də yeni qaz xəttlərinin çəkilişi ilə bağlıdır. Məlum olduğu kimi maye və təbii qaz təsərrüfatı obyektlərinin quraşdırılması və istismarı xüsusi lisenziyaları olan sahibkarlar və fiziki şəxslər tərəfindən həyata keçirilir. Sözügedən sahibkar və fiziki şəxslərin müəyyən etdiyi qiymətlər isə çox vaxt əhalinin ciddi narazılığına səbəb olur. Yayılmış bir çox məlumatlarda qaz təsərrüfatı obyektlərinin quraşdırılması və istismarı ilə məşğul olan sahibkarların “Azəriqaz” İstehsalat Birliyi tərəfindən müəyyən edildiyi göstərilir. Bu isə “Azəriqaz” rəsmilərilə dolayısı ilə hesablaşmalardan xəbər verir.

“Azəriqaz” İB Təmir-Tikinti İdarəsi isə daşıyıcı qaz kəmərlərinin yenidənqurulması, kəmərlər üzərində quraşdırılmış istismar müddəti bitmiş avadanlıqların yenilərilə əvəz edilməsinə, səmərəli və effektiv qazpaylama infrastrukturunun yaradılması və şəbəkənin nəqletmə imkanlarının genişləndirilməsinə cavabdehlik daşıyan, əsaslı təmir-tikinti işləri aparan bir qurumdur. “Azəriqaz” İstehsalat Birliyində əsaslı təmir-tikinti işlərinə nəzarət funksiyası isə baş direktorun müavini Ramil İsgəndərova tapşırılıb.

Redaksiyamıza verilən məlumatlara görə Ramil İsgəndərov 2019-cu ilin noyabrında Ruslan Əliyev “Azəriqaz” İB-nin baş direktoru kreslosuna keçəndən sonra müavin vəzifəsinə gətirilib.“Azneft” İstehsalat Birliyinin Baş direktoru olmuş Daşqın İskəndərovun 2019-cu ilin dekabrında SOCAR-ın neftin, qazın nəqli və qaz təsərrüfatı məsələləri üzrə vitse-prezidenti təyin olunmasından sonra. Qısası,Ramil İsgəndərov SOCAR vitse-prezidentinin qardaşı oğludur. Bəs Ramil İsgəndərovun “Azəriqaz”da işi nədən ibarətdir? Yuxarıda qeyd etdiyimiz kimi, ölkə ərazisində qaz kəmərlərinin yenidənqurulması, qazpaylama infrastrukturunun yaradılması layihələrinin hazırlanmasına, təmir-tikinti işlərinin həyata keçirilməsinə nəzarət etmək.

İnternet resurslarında açıq mənbələr üzərindən apardığımız araşdırmalarda “Azəriqaz” İstehsalat Birliyini tərəfindən son illər bir çox rayonlarda kəndlərin qazlaşdırılmasının həyata keçirməsi barədə geniş məlumatlar tapdıq. Bu işlərin həyata keçirilməsinə nəzarət isə Ramil İsgəndərovun səlahiyyətindədir. Çünki, İstehsalat Birliyinin baş direktorunun keçirdiyi”Açıq mikrofon” aksiyalarında Ramil İsgəndərov əsaslı tikinti üzrə müavin kimi daim Ruslan Əliyevin yanında olur. Bu isə o deməkdir ki, kəndlərin qazlaşdırılması işinin başında birbaşa Ramil İsgəndərov dayanır. Redaksiyamıza verilən məlumatlara görə məhz bu işlərin həyata keçirilməsinə ayrılan dövlət vəsaitlərinin çox hissəsi baş direktorun müavini Ramil İsgəndərovun vasitəsi ilə təyinatından kənarlaşdırılır. Əldə eydiyimiz məlumatlara görə Ramil İsgəndərov bu vəzifəyə SOCAR-ın neftin, qazın nəqli və qaz təsərrüfatı məsələləri üzrə vitse-prezidenti Daşqın İsgəndərov tərəfindən məhz bu məqsədlə otuzdurulub. Həm Ruslan Əliyevə nəzarət etmək, həm də var -dövlət toplamaq məqsədi ilə.

Məlum deyil son illər kəndlərin qazlaşdırılmasına nə qədər dövlət vəsati ayrılıb, xərclənib. Çünki bu sahədə “Azəriqaz” İB tərəfindən şəffaflıq təmin edilməyib. Dövlət satınalmalarının vahid internet portalı üzərindən apardığımız araşdırmalarda da “Azəriqaz” İstehsalat Birliyi tərəfindən kəndlərin qazlaşdırılması işlərinin həyata keçirilməsi ilə bağlı məlumatlar əldə edə bilmədik. Belə ki, 2019-cu ildə, yəni Ruslan Əliyev, Ramil İsgəndərov birliyi vəzifə başına gələnə qədər “Azəriqaz” İstehsalat Birliyi regionlarda tikinti-təmir işləri üzrə 7 açıq tender proseduru keçirib. Amma 2020-2021-ci illərdə Birlik bununla əlaqədar heç bir tender keçirməyib, 2022-ci ildə elan olunanlar isə aşağıdakılardır.

Qeyd edək ki, İstehsalat Birliyi 2022-ci ildə satınalma planlarına iki açıq tender daxil edib. Azərbaycan Dövlət Neft Şirkətinin (SOCAR) “Azəriqaz” İstehsalat Birliyi müxtəlif mal-materialların satın alınması üzrə keçirdiyi açıq tenderə 25.11.2022-ci il tarixdə yekun vuraraq “ŞİMAL SERVİS” Qapalı Səhmdar Cəmiyyəti ilə 95273.29 manat məbləğində satınalma müqaviləsi bağladığını açıqlayıb.

Digəri isə, “Şamaxı rayonu, Sabir qəsəbəsində yerləşən “Şirvan Aqro” MMC-yə məxsus qeyri-yaşayış obyektinin xarici qaz kəmərinin tikintisi” işlərinin aparılmasına tələb olunan mal-materialların satın alınması üzrə nəzərdə tutulub ki, bununla bağlı 29.11.2022-ci il tarixdə tender elanı verilib.

Cavab almaq istədityimiz bir çox suallar da buradan yaranır. “Azəriqaz” İstehsalat Birliyi son iki ildə müxtəlif mal-materialların satın alınması hansı üsularla həyata keçirib. “Azəriqaz” “Şirvan Aqro” MMC-yə məxsus qeyri-yaşayış obyektinin xarici qaz kəmərinin tikintisi” işlərinin aparılması ilə əlaqədar tender keçirirsə, bu günə qədər kəndlərin qazlaşdırılması işlərinin həyata keçirmək üçün tələb olunan mal-materialların satın alınması ilə bağlı nə üçün heç bir tender keçirilməyib?

“Azəriqaz” İstehsalat Birliyinin rəsmi portalına yerləşdirilmiş məlumatlara əsasən deyə bilərik ki, respublikamızın ayrı-ayrı bölgələrində, ucqar kəndlərində qazlaşdırma işləri son illər genişlənib. Təbii ki, bu məqsədlə külli miqdarda dövlət vəsaiti də ayrılıb. Dövlət satınalmalarının vahid internet portalına yerləşdirilmiş məlumata görə 2012-ci ildə respublikada qazlaşdırma işlərini həyata keçirmək məqsədi ilə SOCAR tərəfindən bir milyard manatdan çox dövlət vasiti ayrılıb. Amma göründüyü kimi respublikada qazlaşdırma işləri hələ də davam etdirilir. Bu o deməkdir ki, vaxtı ilə Əkbər Hacıyev, Rövnəq Abdullayev tandemi dövlət vəsaitini təyinatınatından kənarlaşdırıb. İndi isə eyni əməlləri Daşqın İskəndərov, Ruslan Əliyev, Ramil İsgəndərov triosu davam etdirir.

Buralarda tender-mender hərləyən yoxdur... - ARAŞDIRMA

Yaradılıb 22.12.2022 11:48 | Baxış sayı: 231
Ardını oxu...
İnşaat Kolleci Azərbaycan Respublikası Nazirlər Kabinetinin qərarı ilə 2004-cü ildə yaradılıb. Kollec 2005-ci ildən Azərbaycan Memarlıq və İnşaat Universitetinin nəzdində fəaliyyət göstərir. Kollec Memarlıq və İnşaat Universitetinin nəzdində fəaliyyət göstərməyinə baxmayaraq, müstəqil olaraq satınalmalar həyata keçirir. İnşaat Kollecinin keçirdiyi satınalmalarda da bəzi dövlət maliyyəli qurumların sifarişçi olduqları satınalmalarda olduğu kimi kifayət qədər şübhəli məqamlar var.

TEREF.AZ bildirir ki, qlobal.az İnşaat Kollecinin sifarişçi olduğu bir sıra satınalmalar üzərində araşdırmalar aparıb.

Kollec yekun vurduğu ən son satınalmalar cari ilin dekabr ayının 13-də həyata keçirilib.

Bu satınalmaların ümumi məbləği 81.793 manat təşkil edib.

Bu satınalmalarda şübhəli məqam İnşaat Kollecinin eyni gündə yekun vurduğu hər üç satınalamada qalib elan edilən təşkilatların hüquqi ünvanlarının eyni ünvanda - Sumqayıt şəhərində yerləşməsidir:

İnşaat Kollecinin bu ilin dekabr ayının 13-də "Maşın və avadanlıqların alınması" lotu üzrə sifarişçi olduğu satınalmanın məbləği 49.875 manat, satınalmanın qalibi "DİSCOVERY AA" Məhdud Məsuliyyətli Cəmiyyəti (VÖEN: 2906788651) olub.


"DİSCOVERY AA" MMC 2022-ci ilin avqust ayının 8-də təsis edilib. MMC-nin qanuni təmsilçisi Abdullayeva Sədaqət Həsən qızı, hüquqi ünvanı isə Sumqayıt şəhəri, 10-cu MKR, ev 42 mənzil 59 ünvanıdır.

Kollecin dekabr ayının 13-də həyata keçiridiyi ikinci satınalma isə "Tikili və avadanlıqların cari təmiri" lotu üzrə olub. Bu satınalmanın məbləği 21.998 manat, qalibi isə "RPS" (VÖEN: 2901835771) Məhdud Məsuliyyətli Cəmiyyətidir.

Ardını oxu...
"RPS" MMC 2009-cu ildə qeydiyyata alınıb. Bu MMC-nin qanuni təmsilçisi Əliyev Babək Ceyhun oğlu, hüquqi ünvanı isə Kollecin digər satınalmasında qalib edilən "DİSCOVERY AA" MMC ilə eyni hüquqi üvandadır: Sumqayıt şəhəri, 10-cu MKR, ev 42 mənzil 59.

İnşaat Kollecinin 13 dekabr tarixində yekun vurduğu sonuncu satınalma "Dəftərxana və təsərrüfat mallarının satın alınması" lotu üzrə keçirilib. Bu satınalmanın məbləği 9.920 manat, satınalmanın qalibi isə "SÜNBÜL SERVİS" (VÖEN: 2906791031) Məhdud Məsuliyyətli Cəmiyyəti olub.

Ardını oxu...
"SÜNBÜL SERVİS" MMC "DİSCOVERY AA" MMC ilə eyni tarixdə - 2022-ci ilin avqust ayının 8-də qeydiyyata alınıb. Şirkətin qanuni təmsilçisi Abdullayeva Sədaqət Həsən qızıdır. Abdullayeva Sədaqət Həsən qızı həm də "DİSCOVERY AA" MMC-nin qanuni təmsilçisidir. MMC-nin hüquqiq ünvanı SUMQAYIT ŞƏHƏRİ, MƏH 19, ev 5/24, m. 7 ünvanıdır.

Göründüyü kimi İnşaat Kollecinin 13 dekabr tarixində yekun vurduğu ümumi dəyəri 81.793 manat təşkil edən satınalmalarda qalib elan edilən təşkilatların ikisinin hüquqi ünvanı, ikisinin isə qanuni təmsilçiləri eyni şəxsdir. Bu isə satınalmanın əvvəlcədən razılaşdırılmış ehtimalını artırır.

Maraqlıdır ki, İnşaat Kollecinin əvvəlki tarixlərdə həyata keçiridiyi satınalmaalrda da qalib elan edilən təşkilatlar mütləq əksəriyyəti Sumqayıt şəhərində yerləşir:

Ardını oxu...
1. İstehsalyönlü müxtəlif xidmətlər İstehsalyönlü müxtəlif xidmətlər 4850 AZN

"TURAN-NQ" Məhdud Məsuliyyətli Cəmiyyəti
Ardını oxu...
Hüquqi ünvanı: Sumqayıt şəhəri, 9 mkr, ev 53, m 40.

Buralarda tender-mender hərləyən yoxdur...

2. İstehsalyönlü müxtəlif xidmətlər İstehsalyönlü müxtəlif xidmətlər 4790 AZN

"AVRO DİZAYN" Məhdud Məsuliyyətli Cəmiyyəti
Ardını oxu...
Hüquqi ünvanı: Sumqayıt şəhəri, MƏH 20, ev 589, m. 4

Buralarda tender-mender hərləyən yoxdur...

3. İstehsalyönlü müxtəlif xidmətlər İstehsalyönlü müxtəlif xidmətlər 4744 AZN

"Milla" Məhdud Məsuliyyətli Cəmiyyəti
Ardını oxu...
Hüquqi ünvanı: Sumqayıt şəhəri, 9 MKR, ev 52A, m. 19

Buralarda tender-mender hərləyən yoxdur...

4. İstehsalyönlü müxtəlif xidmətlər İstehsalyönlü müxtəlif xidmətlər 1470 AZN

"CORDOBA-2017" Məhdud Məsuliyyətli Cəmiyyəti
Ardını oxu...
Hüquqi ünvanı - Sumqayıt şəhəri, 18 MKR, ev 29, m. 54

Buralarda tender-mender hərləyən yoxdur...

5. İstehsalyönlü müxtəlif xidmətlər İstehsalyönlü müxtəlif xidmətlər 4500 AZN

"Kometa-15" Məhdud Məsuliyyətli Cəmiyyəti

Hüquqi ünvanı - Sumqayıt şəhəri, MƏH 14, ev 2/29, m. 36
Ardını oxu...
İnşaat Kollecinin yuxarıda qeyd edilən satınalmalarının qalibi olan MMC-lərin heç birinin fəaliyyət profili, faktiki ünvanı, işçi sayı barədə məlumat yoxdur. Eyni zamanda bu şirkətlərin hansı lisenziyalar əsasında fəaliyyət göstərdikləri barədə də informasiyalara rast gəlinmir.

Qeyd edək ki, İnşaat Kollecinin direktoru Namiq Ağamalıyevdir.

Kollecin nəzdində fəaliyyət göstərdiyi Azərbaycan Memarlıq və İnşaat Universitetinin rektoru isə Gülçöhrə Məmmədovadır.

Buralarda tender-mender hərləyən yoxdur...
Ardını oxu...
Gülçöhrə Məmmədova

İnşaat Kollecinə qəbul "Avtomobil yolları və aerodromların tikintisi, istismarı və təmiri”, "İnformasiya texnologiyası sistemləri”, "Tikinti məmulatları və konstruksiyaları istehsalı”, "Nəqliyyat vasitələrinin təmiri və servisi", "Dizayn”, "Bina və qurğuların tikintisi və istismarı”, "Qaz təchizatı sistemi və avadanlıqların quraşdırılması və istismarı”, "Qaynaq istehsalının metallurgiyası, texnologiyası və avadanlıqları” və "Geodeziya və xərtiçilik” ixtisasları üzrə aparılır.

Memarlıq və İnşaat Universitetindən və İnşaat Kollecindən xəbərə münasibət öyrənə bilmədik.
 

Dünyapress TV

Xəbər lenti