 |
|
|
DİA.AZ: -" Son illərdə Azərbaycanın təhsil sistemində, həm orta, həm də ali təhsil səviyyələrində o qədər qəribə işlər baş verir, təhsilimiz o qədər aşağı səviyyəyə enib ki, artıq bu haqda yazılanlara heç kim təəccüb etmir və heç kim də, nə aidiyyəti olan vəzifəli şəxslər, nə də rəsmi dövlət təşkilatları reaksiya vermir, tədbir görmürlər, sanki, elə belə də olmalıdır. Lakin, biz, yəni Azərbaycan Texniki Universitetinin (AzTU) müəllimlərindən bir qrupu bunlara, xüsusən də universitetimizdə son 3 ildə, yəni Vilayət Vəliyevin buraya rektor təyin olunmasından sonra onun “fəaliyyəti” nəticəsində baş verənlərə və onların nəticələrinə biganə baxa bilmirik və bu haqda məlumatlar və müraciətlərlə kütləvi informasiya vasitələrində dəfələrlə çıxış etmişik". DİA.AZ bildirir ki, bu barədə Azərbaycan Texniki Universitetinin (AzTU) müəllimləri adından edilən müraciətdə deyilir.
Əvvəli burada: Texniki Universitetdə NƏ İŞLƏR ÇEVRİLİR... - İLGİNC İDDİALAR...
Daha sonra müəllimlərin müraciətində deyilir:
Bəli, V.Vəliyev xırda gəlir mənbəyi axtarırdı, indi isə deyəsən nəhayət əlinə əsl böyük korrupsiya mənbəyi olan bir imkan düşdü. Sirr deyil ki, ən əlverişli, mənfəətli və eyni zamanda ucunu tapmaq, məbləğini müəyyən etmək çətin olan korrupsiya mənbəyi tikinti-təmir işləridir. Nəinki universitet əməkdaşları, hətta sadəcə AzTU-nun qarşısında prospektdən keçən şəhər əhalisi də yaxşı xatırlayır ki, 2016-2017-ci illərdə iki il müddətində AzTU-da bütün tədris binalarının əsaslı təmiri getdi və nəticədə universitetin xarici siması tamamilə dəyişdirildi, yeniləndi. Buna milyonlarla manat dövlət vəsaiti xərcləndi. AzTU ərazisinin ortalığında, həyətin ortasında isə tamamilə yeni, 6 mərtəbəli nəhəng tədris binası (6-ci, 7-ci korpus adlanan bina) heç 10 il deyildi ki, tikilmişdi. Buna baxmayaraq, həmin bina da yenidən əsaslı “təmir edildi”. Nə deyirik ki, təmir pis iş deyil. Lakin indi isə bu ildən rektor V.Vəliyev yenidən həmin binanın təmirinə başlayıb. Təmir binanın zirzəmisindən başladı. Burada böyük bir anbar var idi, anbar boşaldıldı, anbarın içərisinə traktor və kiçik ekskavatorlar salındı, zirzəmi binanın özülünə qədər dərinləşdirildi, ara divarlar söküldü, indi bina yalnız beton dirəklərdən ibarət ayaqlar üzərində dayanıb (universitetin işçiləri bunu görüb, deyirdilər ki, bina uçacaq). Deyirlər, burada yeməkxana olacaq (bu boyda yeməkxana olar?). İşçilər zarafatla deyirlər ki, bu yeməkxana yəqin şadlıq sarayına çevrilmək üçün hazırlanır. Həmin binanın 1-ci mərtəbəsində V.Vəliyevin rektor gəldikdən sonra, 2 il əvvəl özünün təmir etdirdiyi böyük bir yeməkxana, onlarla iş otaqları, 250 kompyuterin yerləşdiyi test imtahanlarının keçirildiyi zal, kabinetlər yerləşirdi. İndi onlar da hamısı sökülüb, 1-ci mərtəbədə binanın bu başından baxanda, o biri başına qədər açıq görünür. Ara divarlar, hətta arxa tərəfdən binanın divarlarının çox hissəsi sökülüb, bina yalnız dirəklər üzərində dayanır. Yüzlərlə metr tamamilə yeni su boruları, kanalizasiya, istilik təchizatı boruları, pəncərə çərçivələri, şüşə panellər və s. sökülüb, həyətə atılıb. Aralıq divarların tonlarla çəkisi olan divarlarının materialları daşınıb aparılıb. Binanın bir hissəsi isə lap 3-cü mərtəbəyə qədər sökülüb. Yenidən divarlar tikilir, boru xətləri çəkilir, divarlara suvaq çəkilir, rəng çəkilir və ş. Rektor bunları niyə edir, nə etmək istəyir, heç kim bilmir, bəlkə heç olmasa özü bilir? Bu qədər israfçılıq nəyə lazımdır, məgər universitetin tədris və elmi laboratoriyalarının ehtiyacları ödənilibmi ki, rektor bu qədər vəsaiti göyə sovurur. Bir çox ixtisasın tədris və elmi laboratoriyaları isə yox dərəcəsindədir. AzTU-nun professor-müəllim heyəti, elə tədris-köməkçi personalı isə bizə məlum olan universitetlərin arasında ən aşağı səviyyədə maaş alırlar. V.Vəliyevin keçən 3 illik rektorluq müddətində onun danışdıqları, dedikləri, praktiki fəaliyyətinin nəticəsi və bizim müşahidələrimiz də onu göstərir ki, bu adamı nə tədrisin səviyyəsi, nə də elm maraqlandırır. O, yalnız görüntü, şou yaratmaqla məşğuldur, indi isə nəhayət, “təmir-tikinti” adlı böyük korrupsiya əməliyyatına start verib. Bu korrupsiya əməliyyatları üçün əlbəttə ki, universitetin büdcəsində böyük vəsaitin olması lazımdır. AzTU-nun illik büdcəsi isə artıq 15 milyon manatı keçmişdir. Bunun təqribən 4 milyon manatı magistraturaya qəbulun ildə 1000 nəfərə çatdırılması nəticəsində əldə olunur (bu da magistraturaya qəbulun niyə bu qədər artırılmasının cavablarından biridir). Yəqin ki, bu əməliyyatda indi Elm və Təhsil Nazirliyi adlanan “doğma” nazirliyimizin də maraqları yox deyildir. Bəlkə də elə nazirliyin özü V.Vəliyevi bu “təmir-tikinti” əməliyyatına istiqamətləndirib. Bununla əlaqədar bir məsələni də qeyd etmək yerinə düşər. Bir neçə ay əvvəl V.Vəliyevin özünün universitetə gətirdiyi baş mühasib bir maliyyə sənədini imzalamaqdan imtina etmiş və nəticədə rektor onu vəzifəsindən kənarlaşdıraraq, universitetdə başqa bir əhəmiyyətsiz işə, həm də 3 aylıq müqavilə müddəti ilə işləməklə keçirmişdir (görünür, baş mühasib belə böyük maxinasiyalar üçün özünün də məsuliyyət daşıyacağını yaxşı anlayıb). İşçilərin belə müqaviləyə keçirilmələrinin isə sonda nə ilə nəticələndiyini bu illərdə yaxşı görmüşük. Bir-iki dəfə rektor onun müqavilə müddətini 3 ay uzatdıqdan sona bir gün daha uzatmayacaq və deyəcək ki, biz səni işdən çıxarmadıq ki, sənin müqavilə müddətin bitdi. Bu yaramaz üsul V.Vəliyevin AzTU-nun köhnə işçilərini işdən kənarlaşdırmaq üçün dəfələrlə tətbiq etdiyi ən çox sevdiyi üsuldur.
Yeni tədris binasında 1-ci mərtəbədə binanın bu başından baxanda, o biri başına qədər açıq görünür. Ara divarlar sökülüb, bina yalnız dirəklər üzərində dayanır.
Yeni tədris binasında yüzlərlə metr tamamilə yeni su boruları, kanalizasiya, istilik təchizatı boruları, pəncərə çərçivələri, şüşə panellər sökülüb, həyətə atılıb".
DAVAMI VAR...
İddia olunanlarla bağlı dia.az olaraq bütün maraqlı tərəfləri dinləməyə hazırıq...
DİA.AZ: - Göyçay rayonu Müskürlü kənd sakini İbrahimov Mübariz Qinyaz oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:
"Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev ali təhsil alan tələbə oğlumu hərbi xidmətə aparmamaq üçün məndən rüşvət istəyir.Həttda oğlumu 04 yanvar 2023-cü il tarixdə hərbi xidmətə aparmaq üçün evə bildirişdə göndərib.
Belə ki, 21.09.2003-cü il tarixdə anadan olmuş oğlum Murad İbrahimov Anadolu Unversitetinin 2-ci kursunda əyani oxuyur. Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsi tərəfindən 04.01.2023-cü il tarixdə hərbi xidmətə aparılması üçün oğluma bildiriş göndərilib.
Oğlum əyani şöbədə ali təhsil almasına dair arayışı Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinə təqdim etsəkdə əhəmiyyət verməyib. Bu açıq-aşkar qanunsuzluqdur ki, Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev bizim ailəyə qarşı edir.Hansı ki, oöğlumla birgə Unversitetdə oxuyan Göyçaylı tələbə var ki, 500 manat Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayevə verdikdən sonra onu hərbi xidmətə aparmayıblar, təhsilini başa vurduqdan sonra hərbi xidmətə aparacaqlar.Mənim isə Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayevə verməyə pulum olmadığı üçün qanunsuzluqla üzləşmişəm.Mənim oğlum qanunu qaydada təhsilini başa vurduqdan sonra hərbi xidmətə aparılmalıdır.
Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev bir neçə aydır ki, bu vəzifəyə təyin olunub.Bundan əvvəl o Şamaxı şöbəsinin rəisi vəzifəsində olmuşdur.Şamaxdan olan tanışların verdiyi məlumata görə Əli Vəliyev sağlam insanları aldığın pulun müqabilində həkim komissiyası ilə əlbir olub hərbiyə yararsız etdirib.Hansı ki, müasir tibb paratları ilə həmin şəxslər müayinə edilərlərsə onlarda həmin xəstəliklərin mövcud olmadığı subut olunacaq.Belə yaramaz vəzifəli şəxslərin tamahına görə Azərbaycan dövlətinə,ordusuna ciddi ziyanlar dəyir.
Mən oğlumun hərbi xidmətə aparılmasına etiraz etmirəm ancaq qanunla o aldığı ali təhsilini başa vurmalıdır.
Sizdən xahiş edirəm şikayətimi obyektiv araşdırıb qanunu tədbir görəsiniz.əyani qaydada ali təhsil alan tələbə övladımın qanunsuz hərbi xidmətə aparılmasının qarşısını alasınız və Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev barədə qanunu tədbirlər görəsiniz".
İddia olunanlarla bağlı dia.az olaraq qarşı tərəfi də dinləməyə hazırıq...
Tovuzda rayon rəhbərliyi hansı məzhəbə qulluq edir... bu artıq kifayət qədər şübhəlidir. DİA.AZ bildirir ki, bunu elə aşağıda təqdim edəcəyimiz videofaktlardan da görmək olar. Aydın olur ki, Tovuz rayon icra hakimiyyətinin başçısı Məmməd Məmmədov ölkəmizin milli dəyrlərinə münasibətdə az qala düşmən münasibət sərgiləməkdədir.
Hər halda bunun başqa adı yoxdur. Əgər belə olmasaydı, Tovuzda - Azərbaycanda milli dəyərlərin bir zamanlar xüsusi tabu kimi hifz olunduğu qədim diyarımızda bayrağımıza və məhz Tovuzda şəhid olmuş Milli Qəhrəman Polad Həşimova ögey, yad münasibət sərgilənməzdi.
Videodan da göründüyü kimi, yalnız vətəndaşın video çəkilişindən sonra yerli RİH işçiləri tədbirə əl atırlar. Şağıda təqdim edəcəyimiz fakt isə daha da acınacaqlıdır...
Hər halda, bu faktlara görə təkcə Tovuz RİH başçısı yox, bu gün Məmməd Məmmədovu himayə edənlər də cavab verməlidirlər. Cavab verməlidirlər ki, nədir bu ögeyliyin səbəbi...
Ölkə rəhbərliyi milləti Qərbi Azərbaycan, Güney Azərbaycan kimi mühüm ideyalar ətrafında səfərbər etdiyi bir məqamda Tovuzun başbilənləri sanki bu siyasətin əksinə gedirmiş kimi kurs götürüb...
Məsələ ilə bağlı dia.az olaraq qarşı tərəfin də izahatını dinləməyə hazırıq...
0
Göyçay şəhəri Heydər Əliyev pr. 209 ünvanında yaşayan Rəhimova Validə Mahmud qızı tərəfindən
ŞİKAYƏT ƏRİZƏSİ
Cənab Prezident! Yazaraq bildirmək istəyirəm ki, mən Rəhimova Validə Mahmud qızı 23 ildir ki, Göyçay şəhəri Heydər Əliyev prospektində yerləşən 106 Peşə Liseyinin yataqxanasında yaşayıram. İllərdir ki, qaldığımız yerdə su-kanalizasiya problemi ilə üzləşirik. Tavana sellofanlar vurmuşuq. Çünki binanın yuxarı mərtəbələrindən tökülən kanalizasiya suları üzərimizə axır. Davamlı olaraq tullantı suların hədəfinə çevrilən divarlar ovxam-ovxam gedir. Evin bütün əşyaları, o cümlədən də kravatlarımız belə rütubət içərisindədir. Binaya içməli su ümumi və sayğacsız verilir. Ən azı 1 ildən daha artıqdır ki, suyun krantı xarab olub. Bu isə içməli suyun boş yerə israf olması deməkdir. Bu cür su itkisi səbəbilə isti yay günlərində Göyçay Su Kanal İdarəsinin məsuliyyətsizliyi ücbatından sakinlərinin əksəriyyəti su üzünə həsrət qalır. Mən, Göyçay Su Kanal İdarəsi qədər öz vəzifəsinə qeyri-ciddi yanaşan, vətəndaşların problemlərini görməzdən gələn ikinci bir idarə və ya qurum tanımıram.
Müxtəlif xəstəliklərə düçar olan 15 yaşlı nəvəm 1 il öncə vəfat etdi. Bildiyiniz kimi, Azərbaycan Respublikasının Konstiyusiyasının 41-ci maddəsində: "İnsanların həyatı və sağlamlığı üçün təhlükə törədən faktları və halları gizlədən vəzifəli şəxslər qanun əsasında məsuliyyətə cəlb edilirlər".
Dəfələrlə "Azərsu" ASC Göyçay Su Kanal İdarəsinə müraciət etmişəm. İdarənin Kazım adlı vəzifəli şəxsinin yanında da olmuşam. Onlar mənə "İdarənin balansında kifayət qədər vəsait yoxdur" kimi müxtəlif bəhanələr gətirirlər. Beləliklə də adı çəkilən idarənin məsul əməkdaşları həm biz vətəndaşları incidirlər, həm də tonlarla suyun itkiyə getməsinə göz yumaraq dövlət büdcəsinə xeyli miqdarla zərər vururlar. Bu, Azərbaycan Respublikasının Cinayət Məcəlləsinin 314-cü (Səhlənkarlıq) maddəsinə əsas verir.
Sizdən çox xahiş edirəm, şikayətim yerində obyektiv araşdırılsın və problemlərimin həlli təmin olunsuz. Öncədən təşəkkürümü bildirirəm.
İmza; V. Rəhimova
Naxçıvan MR Daxili İşlər naziri Rəşad İsmayılov bu gün polis rəislərini təcili iclasa çağırıb.
İclasda nazir rəislərə bundan sonra vətəndaşların bütün ərizələrinə qayda-qanun çərçivəsində qeydə almağı və qanuni tədbirlər görməyi tapşırıb. Bu isə Naxçıvan polisi üçün inqilabi yenilik demək imiş. Mənbəmizin dediyinə görə, indiyədək Naxçıvanda heç bir ərizənin üzərinə dərkənar qoyulmurdu. Adətən şikayət olunan vətəndaşlar polisə çağırılıb onlara hədə-qorxu gəlinir və rüşvət alınaraq yola salınırdı.
İndisə nazir onlardan qanunla işləməyi tələb edir. Amma necə? Axı Naxçıvanın polis rəisləri arasında hüquqi savadı olan bir nəfər belə yoxdur. Onlardan biri öz sahəsində uğur qazana bilməyən idmançı, digəri manıs, bir başqası isə camış qəssabıdır. İndi camış kəsməkdən başqa əlindən heç nə gəlməyən Ordubad rayon polis idarəsinin rəisi Əli Nəbiyev vətəndaşların şikayət ərizələrini necə qeydə alsın və qanuni proseduru həyata keçirsin?
İnformasiya mənbəmiz bizim vasitəmizlə Naxçıvan əhlinə üz tutaraq tövsiyələrdə bulunub ki, bundan sonra polis idarələrinə yazılı müraciət etsinlər və 10 gündən sonra yenə polisə gedib müraciətlərinin taleyi ilə maraqlansınlar və yazılı cavab tələb etsinlər. Əgər tələbləri yerinə yetirilməsə, bu faktı ictimailəşdirsinlər. Yəqin ki, ictimailəşdirilən bu məlumatlar Azərbaycan rəhbərliyinin qulağına çatar və qanunvericiliyə məhəl qoymayan polis rəisi barədə ölçü götürülər.
Nazir həmçinin rəislərə bərk-bərk tapşırıb ki, polis şöbə və idarələrində vətəndaşları qanunla müəyyənləşdirilmiş müddətdən artıq saxlamasınlar. Bir sözlə, hər şey qanuna və kitaba uyğun şəkildə həyata keçirilsin.
Maraqlıdır ki, nazir təyin olunduğu gündən indiyədək bütün rəsmi və qeyri-rəsmi çıxışlarında Azərbaycan Prezidenti İlham Əliyevin adını çəkməməyə özən göstərən Rəşad İsmayılov bu gün həmin ənənəni pozub. Dəfələrlə Cənab Prezidentinin ad günündən tutmuş, siyasi fəaliyyətinə qədər bir çox xidmətlərindən danışaraq polis rəislərini təəccübləndirib.
İclasın sonunda Naxçıvan MR DİN-in Arxiv-Uçot bölməsinin rəisi polis polkovnik-leytenentı Famil Rəhimovun verdiyi bir sual nazirin əhvalını korlayıb. Belə ki, o, nazirdən soruşub: “Yaxşı, hər şeyi başa düşdük. Bəs bizim indiyədək kəsilmiş və yeyilmiş müavinətlərimizi kim verəcək”.
Yəqin ki, ürəyində “heç hənanın yeridir?” deyən nazirin bu sual qarşısında dili-dodağı quruyub və dərhal iclası yekunlaşdırıb.
ovqat.com
“Əsl vətəndaş Vətəni sevməyi bacarmalıdır. Dilini, dinini, milli-mənəvi dəyərlərini, Vətəninin ərazi bütövlüyünü qorumağı, qanunlarımıza hörmətlə yanaşmağı bacarmalıdır. Dövlət rəmzlərimizi bilməli, sərvətlərimizi göz bəbəyi kimi qorumağı, qanunlarımıza hörmətlə yanaşmağı bacarmalıdır. Ən ümdəsi isə odur ki, həyatda yerini düzgün tutmalı, Vətənə layiqli övlad olmalıdır. Əsl vətənpərvər lazım gələndə canını qurban verməyi belə, bacarmalıdır”. Bu barədə DİA.AZ-a göndərilən məqalədə deyilir.
Məqalədə daha sonra bildirilir: “Biz bu gün sevinirik ki, yüksək vətənpərvərlik hissləri ilə tərbiyə olunmuş gəncliyimiz var və bu gənclik böyük siyasi irsin daşıyıcısı, Ali Baş Komandanımız, Azərbaycan Respublikasının Prezidenti cənab İlham Əliyevin çağırışı ilə 44 günlük Vətən müharibəsi dövründə işğal altında olan torpaqlarımızı azad etdilər və tarixi qədim olan Azərbaycanımızı öz ərazi bütövlüyünə qovuşdurdular. Bu nöqteyi-nəzərdən, tarix müəllimlərinin üzərinə böyük vəzifə düşür. Şanlı Qələbəmizin əhəmiyyətini, onun nəticələrinin qorunmasının vacibliyini yetişməkdə olan nəslə çatdırmaq, Vətən müharibəsi qəhrəmanlarını tanıtmaq, şəhidlərimizin xatirəsinin əziz tutulmasını təbliğ etmək və s. Nəzərə alsaq ki, bu gün təlim-tərbiyə verdiyimiz yeniyetmə və gənclər sabahın Vətən müdafiəçiləridir, əminlik hissi ilə qeyd etmək olar ki, yeni nəslin vətənə sevgi, vətənpərvərlik, dövlətçiliyə sədaqət ruhunda tərbiyə olunması, Azərbaycanımız üçün əsl vətəndaş yetişdirmək böyük gələcəyimiz naminə ən mühüm şərtlərdən biri kimi təhsilimizin qarşısında duran əsas vəzifədir.
Lakin müşahidələr və etibarlı mənbələrdən alınan məlumatlar göstərir ki, tarix müəllimləri arasında bu olduqca vacib vəzifəni layiqincə yerinə yetirməyənlər var və daha təhlükəli meyl budur ki, bu müstəvidəki nöqsanlar heç də öyrədənin peşəkarlıq səviyyəsinin azlığından deyil, bəzən siyasi orientasiyasının şübhəli olmasından irəli gəlir. Bu günlərdə redaksiyamıza daxil olmuş məlumata görə, Quba rayon 1 nömrəli orta məktəbin tarix müəllimi, həm də repetitorluq edən Rzayeva Aynurə Hacıağa qızı tarix fənnində Vətən müharibəsinin əhəmiyyətini, torpaqlarımızın geri alınması ilə bağlı məsələləri düzgün rakursdan tədris etmir, şagirdləri çaşqınlığa salır. Məsələn, 9-10 noyabr 2020-ci il tarixdə, Ermənistan-Naxçıvan sərhədində rusların vertolyotu vuruldu deyə Xankəndini bizə vermədilər, Xocalı heç vaxt bizim olmayacaq. Adının çəkilməsini istəməyən valideyn bildirir ki, müəllimə bir neçə dəfə bu məsələ ilə bağlı iradlarını bildirsə də, A.Rzayeva ona sərt cavab vermiş, özündənrazı halda “məndə heç kim nöqsan tuta bilməz” demiş, üstəgəl, arxasının möhkəm bağlı olduğunu, ana tərəfdən qohumu olan bir qızın qeyri-rəsmi yaxın münasibətdə olduğu vəzifəli şəxsin Prezident Administrasiyasında işlədiyini, lazım gəlsə güvəndiyi həmin şəxsi məlumatlandıracağı, təsirli tədbir gördürəcəyi ilə hədələmişdir.
Üstəgəl, qeyd edilir ki, məktəbin direktoru Çılğamlı Şəbnəm Elçin qızı nüfuzdan düşdüyü üçün kollektiv üzərində nəzarəti itirib. Xanım direktorun ailə üzvü Hilal Çılğamlı keçən il bu vaxt DİN-nin Baş Narkotiklərlə Mübarizə İdarəsi tərəfindən keçirilmiş əməliyyat-axtarış tədbiri nəticəsində tutulub. Onun üzərində və yaşadığı evdə narkotik maddə olan marixuana, tiryək, heroin və “patı”, “şüşə” adlandırılan metamfetamin aşkar olunaraq götürülüb. Sözsüz, yəqin qubalılar bu ailəni yaxşı tanıyırlarmış deyə Şəbnəm Çılğamlı 2020-ci ildə keçirilən parlament seçkilərində 52 saylı DSK-dən namizədliyini irəli sürəndə ona səs verməyiblər.
Məlumatı təqdim edən mənbə bu məsələnin KİV-də ictimailəşdirilməsindən sonra aidiyyəti qurumların qanunsuz olaraq məktəbdə həm də repititorluq edən həmin müəllimə barəsində araşdırma aparacağına, fəaliyyətinin yoxlanılmasının təşkil ediləcəyinə, barəsində lazımi ölçü götürəcəyinə ümid edir. Bizə də maraqlıdır: Görəsən, tarix üzrə dərs vəsaitinin üz qabığında xaçmazlı Topçu Vüsalın fotoşəklinə qubalı Aynurə müəllimənin münasibəti necədir?
Məsələ ilə bağlı dia.az olaraq bütün maraqlı tərəfləri dinləməyə hazırıq…
1
DİA.AZ: -" Son illərdə Azərbaycanın təhsil sistemində, həm orta, həm də ali təhsil səviyyələrində o qədər qəribə işlər baş verir, təhsilimiz o qədər aşağı səviyyəyə enib ki, artıq bu haqda yazılanlara heç kim təəccüb etmir və heç kim də, nə aidiyyəti olan vəzifəli şəxslər, nə də rəsmi dövlət təşkilatları reaksiya vermir, tədbir görmürlər, sanki, elə belə də olmalıdır. Lakin, biz, yəni Azərbaycan Texniki Universitetinin (AzTU) müəllimlərindən bir qrupu bunlara, xüsusən də universitetimizdə son 3 ildə, yəni Vilayət Vəliyevin buraya rektor təyin olunmasından sonra onun “fəaliyyəti” nəticəsində baş verənlərə və onların nəticələrinə biganə baxa bilmirik və bu haqda məlumatlar və müraciətlərlə kütləvi informasiya vasitələrində dəfələrlə çıxış etmişik". DİA.AZ bildirir ki, bu barədə Azərbaycan Texniki Universitetinin (AzTU) müəllimləri adından edilən müraciətdə deyilir.
Əvvəli burada: Bəlkə Texniki Universitetin də VİLAYƏT TƏFƏKKÜRÜ ləğv olunsun... - Müəllimlər YENİ FAKTLARI AÇIQLAYIR...
Daha sonra müəllimlərin müraciətində deyilir:
Bu ilki 2-ci kurs magistrantların isə indi məlum olur ki, HƏLƏ HEÇ DİSSERTASİYA MÖVZULARI VERİLMƏYİB! Magistrantların təhsil müddəti 2 il, yəni 4 semestrdir. Yenə təkrar edirik ki, mövcud təlimata əsasən 1-ci kurs magistrantlar dərslərə başlayandan 3 ay müddətində onların dissertasiya mövzuları təsdiq edilməlidir ki, tələbələrin dissertasiya üzərində işləməyə 2 il vaxtı olsun. Onlar isə 3-cü tədris semestrini bitirmək üzrədirlər, qarşıda yalnız bir semestr qalır. Adətən bu vaxtlar onların dissertasiyaları artıq hazır vəziyyətə yaxın olurdu. İndi isə onlara nə mövzu verilib, nə də elmi rəhbər təyin edilib.
İndi AzTU-da 2-ci kurs magistrantlar təlaş içindədirlər, əlləri də heç bir yerə çatmır. Onlar öz ixtisas kafedralarına müraciət edirlər, kafedralarda onlara cavab verirlər ki, biz hələ heç nə bilmirik, gözləyin. Tələbələr soruşurlar ki, nəyi gözləyək və nə vaxtacan gözləyək, niyə gözləyək? Sonra tələbələr magistratura və doktorantura şöbəsinə (indi bu şöbənin də adını rektor bir əndrəbadi adla - “Yüksək Təhsil İnstitutu” adı ilə adlandırıb, görəsən hansı “yüksək təhsildən” söhbət gedir?) müraciət edirlər. Orada da onlara deyirlər, “səbr edin, tələsməyin, hələ gözləyin”. Heç kimin – nə kafedra müdirlərinin, nə də “Yüksək Təhsil İnstitutu” “direktorunun” bunu rektordan soruşmağa cəsarətləri çatmır.
AzTU-da vəzifəli şəxslərin hamısı “mənim nəyimə gərək, məgər məndən başqa adam yoxdur?” prinsipi ilə işləyir. Sual olunur, rektor magistr dissertasiyaları ilə əlaqədar belə vəziyyəti niyə yaradır? Bəs rektor hələ yarım il bundan əvvəl deyirdi ki, magistr dissertasiyalarına real tədqiqat mövzuları vermək lazımdır, mövzular magistrantların işlədikləri müəssisənin iş xüsusiyyətləri ilə əlaqədar olmalıdırlar (əyani təhsildə nə iş yeri? Bunu da rektordan soruşmaq lazımdır), indi bir il yarımdır ki, onlara heç adi mövzu da verməyibmiş ki, dissertasiya üzərində işə başlasınlar.
Qeyd edək ki, bu “səhlənkarlıq” üçün eyni dərəcədə Tədris işləri üzrə prorektor Nurəli Yusifbəyli və Elm və innovasiyalar üzrə prorektor Sübhan Namazov da məsuliyyət daşıyırlar. Rektorun mövcud təlimatlardan bu dərəcədə də xəbərsiz olduğunu və magistrantların bu narahatçılığı haqqında məlumatların ona heç çatmadığını da güman etmək sadəlövhlük olardı. Bu sualın yalnız bir cavabı ola bilər – magistrantları vaxt çatışmazlığı şəraitində, magistraturanı bitirmək məqamında çıxılmaz vəziyyətə salmaq və bu vəziyyətdən öz korrupsiya məqsədləri üçün istifadə etmək, onlara dar macalda necə gəldi 4-5 nəfərə bir dissertasiya satmaqla gəlir götürmək. Elə buna görə də rektor son iki ildə magistraturaya qəbulu artıraraq, ildə 1000 nəfərə çatdırıb, halbuki, əvvəlki illərdə magistraturaya 250-300 tələbə qəbul edilirdi. İndi isə ildə 1000 nəfər, iki ildə cəmi 2000 magistranta elmi rəhbərlik etməyə də universitetdə elmi dərəcəsi olan müəllim kadrlar çatışmır. Təlimata görə isə hər elmi dərəcəli müəllim yalnız 2 magistr dissertasiyasına rəhbərlik edə bilər.
Bu qədər müəllim isə sadəcə olaraq yoxdur. Onu da nəzərə alaq ki, V.Vəliyev rektor olduğu 3 ildə AzTU-nun təcrübəli müəllim kadrlarının, əsasən də ixtisas kafedralarının kadrlarının təqribən 30-40 faizini müxtəlif vasitələrlə universitetdən uzaqlaşdırıb, pərən-pərən salıb. İndi bəzi fənlərdən dərs deməyə adam tapmırlar, nəinki, dissertasiya rəhbərliyinə. Müəllimlərlə əlaqədar V.Vəliyevin indi dillərə düşmüş bir deyimi var, o tez-tez təkrar edir: “Mənə nə kafedra lazımdır, nə də müəllim. Neynirəm kafedranı, müəllim lazım olsa, küçədən çağıraram, gəlib dərsini deyib, getsin.”
Bu isə əslində o deməkdir ki, ona təhsil lazım deyil. Bəs rektora nə lazımdır? O, elə bilir ki, Texniki Universitetdə tədris edilən bu qədər spesifik ixtisas fənlərindən dərs deyə bilən müəllimlər küçələrə tökülüb, gözləyirlər, çağıran kimi gələcəklər. Hal-hazırda bir çox fənlərdən müəllimlər doğrudan da çatışmır. Çatışmir, çatışmasın. Bu, heç onun vecinə də deyil. Yoxdur, olmasın. Məgər onu tədris keyfiyyəti maraqlandırır? Belə küçə düşüncəli adamdan da universitet rektoru olar? 2-ci kurs magistrantlar isə təlaş içindədirlər...
V.Vəliyev AzTU-ya rektor gələn gündən özü üçün xırda gəlir mənbəyi axtarmaqla məşğuldur. Ancaq arzulamaq azdır, onun bu işə də bacarığı çatmır. 3 ildir ki, o, universitetdə “AzTU taksi xidməti” açmaq arzusu ilə yaşayırdı, hətta bu haqda universitet elmi şurasında 3-4 dəfə qərar da qəbul etdirdi (biz hələ onu demirik ki, belə bir işlə məşğul olmaq universitetə yaraşmaz, universitet elmi şurası belə qərarları müzakirə etmək üçün deyil). O, elə bilirdi ki, qərar çıxarmaqla şirkət öz-özünə işə düşəcək. Şirkətə işçilər də təyin etdi. Biz əvvəlki yazılarımızın birində istehza ilə yazmışdıq ki, “AzTU taksi xidməti” “böyük müvəffəqiyyətlə fəaliyyət göstərir”. Əslində isə onun bu arzusu və planı da kağız üzərində qaldı və işləmədi. İndi taksi xidmətinin bir səsi-sorağı da yoxdur. Ona məsləhət görürük ki, universitetin həyətində avtomobil yumaq məntəqəsi açsın, bizcə, bu çox da çətin olmaz və səmərəli olar. Universitetin həyətində hər gün xeyli maşın dayanır, elə onları hərdən yusalar, kifayətdir, xeyli gəlir gətirər. Həm də V.Vəliyevin 3 ildə yaratdığı saysız-hesabsız yeni açılmış şöbələrə işə qəbul etdiyi qohum-qardaşının, yerlilərinin saysız-hesabsız cavan qızlarının hamısı işə öz maşınları ilə gəlirlər və onları həyətdə saxlamağa yer də çatmır. Onlar da hərdən maşınlarını elə iş vaxtındaca yudurdarlar.
DAVAMI VAR...
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Şərurdan mənə çox maraqlı məlumat veriblər və xahiş ediblər ki, bunu mütləq ictimailəşdirim. Bura mənim də oxuduğum Şərur şəhər 1 saylı orta məktəbidir. Yerli sakinlərin dediyinə görə, uzun müddət Naxçıvan Ali Məclisi sədrinin birinci müavini olmuş, hazırda isə sədrin səlahiyyətlərini icra edən Azər Zeynalov bu məktəbin stadionunu və idman zalının olduğu ərazini zəbt edərək, orada özünə və qaynına villa tikdirib.
Bir hissəsini isə baha qiymətə başqa adamlara satıb. Mən Naxçıvana çox az-az gedirəm. Doğrusu, bu fakt diqqətimi çəkməyib. Mən elə bilirdim ki, əsaslı təmirdən sonra məktəbin stadionunun yerini dəyişiblər. Yerli sakinlər isə oradakı ab-havaya görə, qorxub susublar.
Həmin stadionda bizim uşaqlığımız keçib. Bu məktəbin idman infrastrukturu Azərbaycana çox adlı-sanlı, dünya, Avropa çempionları olan tanınmış idmançıları yetişdirib. Adan necə bu nalayiq addımı ata bilər? Şərur şəhər 1 saylı məktəbi həm də “rus məktəbi” kimi tanınıb. Məktəbdə iki dildə yüksək səviyyəli tədris verilib. Azər Zeynalovun dədə-baba evi məktəbin yanında olub, özü də bu məktəbdə oxuyub. Adam özünün də unudulmaz xatirələrinin olduğu bir ərazini necə qəsb edə bilər? Mənə söz veriblər ki, həmin ərazinin və orada tikilən evlərin fotolarını da göndərəcəklər. Mütləq ictimailəşdirəcəm ki, bu yaramaz hərəkətlə hamı tanış olsun. Şərur sakinləri, Azər Zeynalovdan 4 hektardan ibarət zəbt edilmiş həmin ərazinin məktəbin balansına qaytarmasını tələb edir…
Məhəmmədəli Qəribli
TEREF,AZ