Bakı şəhəri Sabunçu rayonu Ramana qəsəbəsi Şuşa şəhərciyində yaşayan İsmayılov Elnur Mənsur oğlu ölkə rəhbərliyinə şikayət məktubu ünvanlayıb.

Qlobal.az elektron ünvanına göndərilmiş şikayət məktubunu təqdim edir:

"Hörmətli cənab Prezident, Mehriban xanım və Kamran müəllim.

Mən bundan əvvəlki müraciətlərimdə AZƏRSU ASC-nin keçmiş sədri Qorxmaz Hüseynovun qardaşı Faiq Hüseynovun və komandasında yer almış Elçin Şirinovun,Şamil Abdullayevin və Əkbər Nəsirovun ARDNŞ-nin Geologiya və Geofizika idarəsindən 60.000000 (altmış milyon) AZN vəsaiti əlbir olub,mütəşəkkil cinayətkar dəstə şəklində müxtəlif yollarla talan etmələri barədə 2014-cü ildən bu günəcən müddət buraxmadan təkzibedilməz faktlardan ibarət 700 (yeddi yüz) ədəddən çox şikayət ərizələrini Prezident Administrasiyasına göndərmişəm. Müraciətlərimdə göstərmişəm ki, Faiq Hüseynovun qanunsuz əməllərinə qarşı çıxdığım üçün onun tərəfdən qərəzli şəkildə qanunsuz işdən çıxarılmışam. Bu mütəşəkkil cinayətkar dəstənin korrupsioner əməllərini ifşa etdiyim üçün dəfələrlə Faiq Hüseynovun ölüm təhdidlərinə məruz qalmışam.

Hörmətli cənab Prezident, Mehriban xanım və Kamran müəllim.

Mənim sizə tez-tez müraciət etməkdən başqa əlacım qalmayıb.Ölkədə hər kəs sizin vətəndaşların yaxşı yaşaması üçün gecə-gündüz çalışdığınızı bilir,məhz buna görədə xalqımız hər seçkidə sizə böyük etimad göstərir.Lakin Qorxmaz Hüseynov, qardaşı Faiq Hüseynov və onların havadarları olan böyük məmurlar vəzifələrindən sui-istifadə edərək bizi incidir.

Hörmətli cənab Prezident, Mehriban xanım və Kamran müəllim.

Artıq səkkiz ildir ki, mən Azərbaycan Respublikasının Baş Prokuroruluğunun süründürməçilik əməllərindən əziyyət çəkirəm.Belə ki, 2014-cü ilin mart ayından bu günəcən Azərbaycan Respublikasının Baş Prokurorluğuna bu mütəşəkkil cinayətkar dəstənin təkzibedilməz korrupsiya əməlləri haqda yeddi yüzdən çox şikayət ərizəsi göndərmişəm.Bundan əlavə Prezident Administrasiyası da daxil olmaqla başqa instansiyalara göndərdiyim yüzlərlə şikayət ərizələri də Baş Prokurorluğa göndərilmişdir. Baş Prokurorluqdan isə ərizələrim aidiyyatı üzrə müvəqqəti yaşadığım Sabunçu rayon Prokurorluğuna göndərilib.Yeddi il ərzində bir neçə dəfə Sabunçu rayon Prokurorluğuna dəvət olunmuşam,orada izahatım və ərizələrimdə göstərdiyim korrupsiya faktlarına aid sübutlar alınsa da bu mütəşəkkil cinayətkar dəstənin hüquqazidd əməllərinə heç bir hüquqi qiymət vürilməmişdir.

Hörmətli cənab Prezident, Mehriban xanım və Kamran müəllim.

Bundan əvvəl düşdüyüm çətin vəziyyətdən istifadə etmək istəyən bir neçə Müxalifət partiyaları olduğunu əvəlki müraciətlərimdə sizə bildirmişdim.Bunlardan biri də Ümüd Partiyasının rəhbəri İqbal Ağazadə olmuşdur.İqbal Ağazadə atama,yaxın qohumuma bir neçə dəfə zəng edib mənimlə görüşmək istədiyini israrla söyləmişdir.Mən isə bu şəxslə görüşmək istəməsəm də atamın və qohumumun sözü ilə görüşmək qərarına gəldim.2019-cu ilin noyabr ayının 14-də İqbal Ağazadə mənə zəng etdi və görüşməyimizi xahiş etdi və beləliklə mən səhəri gün yəni 15 noyabr tarixində İqbal Ağazadə ilə ofisində görüşdük. İqbal Ağazadə məni çox səmimi qarşıladı və bildirdi ki, düşmənçilik pis şeydir gəl sən şikayətlərini dayandır keç mənim komandama. Mən hakimiyyətə gələcəm səni də ən azından Nazir müavini qoyacam. Mən isə bildirdim ki, mən YAP-nın üzvüyəm və artıq sevdiyim və daim dəstəklədiyim komandanın sıralarındayam. Mənim hüquqlarımın pozulduğunu və mənə qarşı çox haqsızlıqlar Faiq Hüseynov, Qorxmaz Hüseynov və onların cinayətkar dəstəsi tərəfdən olduğunu İqbal Ağazadəyə bildirdim. Bu zaman İqbal Ağazadə cibindən dəstə şəklində pul çıxarıb mənə uzatdı və söylədi ki bunu götür bir aylıq cib xərcliyi et bir ay müddətində səni işinə qaytaracaqlar. Mən isə pulu götürmədim bu zaman İqbal Ağazadə masasının üstündən Qurani Kərimi əlinə götürdü mənə inanmırsan bu kitaba and içim söylədi. Məni isə razılıq vermədim qətiyyətlə iş istədiyimi bildirdim və sağollaşıb otağı tərk etdim. İqbal Ağazadə arxamca çıxıb bayıra kimi məni yola saldı. Ondan sonra bir neçə gün daima mənimlə əaqə saxlayıb yenidən görüşmək istədiyini söylədi və nəhayət yenidən görüşdük bu zaman mənə bildirdi ki, Ölkə ağsaqqallarından biri məndən bu münaqişənin sonladırılmasını istəyir səndən bir daha xahiş edirəm ki, səni işlə təmin edəcəklər və itirilmiş əmək haqqını qaytaracaqlar. Məhkəmədə olan iddialarını və şikayət ərizələrini dayandır.Mən isə bildirdim ki, artıq beş ildir ki,işləmirəm və məni heç yerdən bir manat qazanmağıma imkan vermirlər.Məni işəmə bərpa edin və əlimdə olan və hal-hazırda Xəzər Dəniz Gəmiçilyinin satın almaq istədiyi ehtiyyat hissələrini ucuz qiymətə yox dəyərinə yəni 100.000 (yüz min) AZN-ə almasına kömək edin mən də bu illərdə etdiyim borclarımı qaytarım.Yenə də bir neçə gün keçdi İqbal Ağazadə həmişə olduğu kimi yenə gündə bir neçə dəfə olmaqla mənimlə əlaqə saxlayır iş getdiyini bildirir. Artıq görüşdüyümüz gündən iyirmi gün müddət keçmişdir ki, yenidən mənə zəng etdi və görüşməyimizi bildirdi və həmişəki kimi İqbal Ağazadənin Nərimanov rayonunda yerləşən ofisində görüşdük.İqbal Ağazadə mənə söylədi ki, səhərki məhkəmə prosesini təxirə sal,Ehtiyyat hissələrini on gün müddətində alacaqlar,işinə də səni bir ay müddətinə bərpa edəcəklər və hal-hazırda itirilmiş əmək haqqının beş illiyini yox üç illiyini sənə qaytarırlar yəni 60.0000 (altmış min) AZN. Mən isə israrla birinci işimi istədim və otaqdan çıxdım.Mən evə qayıdarkən İqbal Ağazadə artıq qohumlarıma məlumat vermişdi və hər gün də mənimlə əlaqə saxlayırdı.Onlar isə işin nə yerdə olduğunu atama çatdırmışdılar.Atam və qohumlarım isə mənə bildirdilər ki,İqbal Ağazadə o vaxt ki,SOCAR- komandasının üzvüdür və bu şirkətdən qardaşı üçün milyonlarla tender alır,bizi tanıyır nəslimizi tanıyır.Yəqin ki bizə qarşı yalnış fikirdə olub bizi aldatmaz.Nəhayət qohumların və ağsaqqların məsləhəti ilə İqbal Ağazadənin şərtlərində dəyişiklik etməklə şərtlərin bir hissəsini qəbul etdim.19 noyabr 2019-cu ildə razılaşmamız bu şəkildə baş tutdu ki,aldığım itirilmiş əmək haqqının 10.000(on min)AZN məbləğini İqbal Ağazadəyə vasitəçilik etdiyi üçün verdim, on gün müddətində əlimdə olan ehtiyyat hissələri İqbal Ağazadənin vasitəçiliyi ilə satılmalı oradan da bir hissə İqbal Ağazadəyə verilməli və bir ay müddətinə isə mən işimə bərpa edilməli idim. Nəhayət bu on günlər aya çevriləndə,ay isə bir neçə aylar olanda aldadıldığımı başa düşdüm və yeddi aydan sonra yenidən köhnə ərizələrimi sizə və mətbuat nümayəndələrinə göndərdim.Bu zaman İqbal Ağazadə mənə yenidən zəng edib görüşməyimizi bildirdi və görüşdük.İqbal Ağazadə otağında kobudcasına mənə bildirdi ki,otağımı tərk et heç kim mənim pulumu yeyə bilməz.Və məni təhdid etməyə başladı ki,hələ səninlə mən görüşəcəyəm.Mən isə otağı heç nə demədən tərk etdim və ağsaqqallarımı olanlar barədə məlumatlandırdım.

Hörmətli cənab Prezident, Mehriban xanım və Kamran müəllim!

Sizə bu olanları illər sonra çatdırmağımın məqsədi odur ki,İqbal Ağazadə hər yerdə söyləyir ki, mən İsmayılov Elnuru razı salmışam.

Hörmətli cənab Prezident, Mehriban xanım və Kamran müəllim!

Bir daha sizi əmin etmək istəyirəm ki, haqqımın tapdalandığı bu 8 ildədə daim Sizin komandanızda olmuşam və Sizi dəstəkləmişəm. Heç bir qüvvə məni tutduğum bu ədalətli yoldan döndərə bilməz. Bundan əvvəlki müraciətlərimdə qeyd etdiyim kimi Dövlətimizin sabitliyini, inkişafını, vətəndaşlarının rifah halının yüksəlməsini həmişə sizinlə görmüşəm və hiss etmişəm.

Hörmətli cənab Prezident, Mehriban xanım və Kamran müəllim!

Mən daima haqq səsimi sizə catdırmağa calışmışam. Lakin müəyyən qüvvələr və maraqlar daxilində haqq səsimin sizə çatmasının qarşısı alınmışdır. İnanıram ki, ölkəmizdə baş verən hər bir qanunsuzluğa gecdə olsa hüquqi qiymət verilir. Məhz bu üsdəndə umudümü göydə Allahdan və yerdə sizdən üzməyərək daima müraciətlərimi sizə ünvanlamışam. İndi isə artıq əminəm ki, mənə qarşı və Dövlətimizə qarşı çoxlu qanunsuzluqla törətmiş bu cinayətkar dəstə hər vəchlə calışır ki, müraciətlərim sizə catmasın. O üzdən də mənə qarşı baş vermiş qanunsuzluqlar və Dövlətimizin büdcəsinə qarşı törədilmiş qətliamın səbəkarları "Azərsu” ASC-nin keçmiş sədri Qorxmaz Hüseynov qardaşı Faiq Hüseynov və dəstəsinin qanunsuz əməlləri barədə əvvəlcədən hazırladığım 16 ədəd 12 -17 dəqiqəlil video müraciəti internet televiziyaları vasitəsilə sizə catdıracağam.

Xahiş edirəm mənim və ailə üzvlərimin təhlükəsizliyini təminatı üçün göstəriş verəsiniz. Sizə öz adımdam və ailə üzvlərimin adından öncədən minnətdarlığımı bildirirəm.

Sözün düzü, “Planeta” apteklər şəbəkəsinin, “Biloloji Təbabət Klinikası”nın sahibi Elxan Yaqubovun uzun müsahibəsini səbrlə oxuyanda sevindim ki, bizdə tibbin bu sahəsi nəhayət inkişaf etməyə başlayıb.
Amma atalar demişkən, avazın yaxşı gəlir, oxuduğun Quran olsa...
Qısa məlumat üçün bildirək ki, Elxan Yaqubov 1968-ci ildə Göyçayda anadan olub. 1993-cü ildə Azərbaycan Dövlət Neft Akademiyasının iqtisadiyyat fakültəsini bitirmişdir.Azərbaycan Respublikası İqtisadi İnkişaf Nazirliyi İqtisadi İslahatlar Elmi-Tədqiqat İnstitunun dissertantıdır.
1997-ci ildən “Planeta” şirkətinin təsisçisi və direktorudur. 2001-ci ildən dünya üzrə mərkəzi Almaniyada yerləşən Bioloji Təbabətlə müalicə metodunu Azərbaycana gətirmiş və fəaliyyətə başlamışdır.
2009-cu ilin fevralından Bioloji Təbabət Klinikasını təsis etmişdir. Və hazırda bir neçə rayonda, Göyçayda, Masallıda, Sumqayıtda klinikanın filialı fəaliyyət göstərir.
Elxan Yaqubov öz müsahibəsində müasir tibbi avadanlıqlardan danışır, hətta deyir ki, bu başqa klinikalarda yoxdur. Hətta onu da deyir ki, bizdə elə müayinə üsulları var ki, qulağın məməciyindən götürülən bir damla qanı qaranlıq sahəli mikraskopda analiz etməklə orqanizmdəki gizli qalan bir çox xəstəlik haqda məlumat ala bilirik. Hansı ki, bu məlumatları heç bir başqa laboratoriyada etmək olmur.
Elxan Yaqubov öz müsahibəsində deyir ki, müalicəsi çətin olan bir sıra xəstəliklərə görə böyük pullar xərcləyib xarici ölkələrə üz tutmasınlar. Bizə müraciət etsinlər və şəfa tapsınlar...
Birincisi ondan başlayaq ki, Elxan Yaqubov deyir ki, böyük pullar xərcləyib xaricdən ən müasir tibbi aparatlar gətirmişik.
Əgər belədirsə, niyə..?
Bəli, Səhiyyə Nazirliyinin dövlət vəsaiti hesabına alıb Göyçay Mərkəzi Xəstəxanasına verilən bahalı müayinə aparatları nə üçün “Bioloji Təbabət Klinikası”na aparılıb..?
Bəs deyirsən xaricdən baha qiymətə almışıq, cənab Yaqubov..?
Bəlkə Göyçay xəstəxanasında baş verən ölüm hadisəsindən bəhs edək..?
Həmin olayda Yaqubovun da adı hallanır.
Ona görə də yazının girişində, avazın yaxşı gəlir...dedik.
Hələ bu harasıdır.?
“Bioloji Təbabət” klinikasının adı müxtəlif neqativ işlərdə hallanıb. Bu klinikanın müxtəlif filialları var.
Məsələn, Azad İstehlakçılar İctimai Birliyinin sədri Eyyub Hüseynov bildirib ki, klinikanın Bakıdakı filialında stomatoloq Cəfər Fərzəliyev pasienti Sevil Ağamirovanın dişində apardığı əməliyyatı xəstənin narazılığı səbəbindən yarımçıq qoyub və üstəlik onu təhqir edib.
E.Hüseynov bildirib ki, dişindən müalicə alan pasient ödədiyi pula görə klinikadan ona heç bir qəbz verilməyib:
“Cəfər Fərzəliyev dişimi müayinə etmək üçün məni rentgenə göndərdi. 20 manat ödədim, ancaq qəbz verilmədi.
Sonra dişimi düzəltmək üçün bir dişə görə 120 manat istədi. Ümumilikdə doqquz dişim üçün 1000 manat verməli idim.
Sözün qısası, axırda həkim xəstə xanıma, rus dilində “von otsuda, afiristka, tı afiristka” deyib.
Yazıq xəstə deyir ki, çənəmin yaraları hələ də sağalmayıb.
Bu rüsvayçılığa klinikanın sahibi Elxan Yaqubovun münasibəti necə olsa yaxşıdır:
“Elə bil restoranda 500 manat hesab vermisən, get ver məhkəməyə, qalan 500 manatı da səndən alaq”.
Bax, müasir tibbi xidmət deyəndə Elxan Yaqubov bunu nəzərdə tuturmuş…Avazın yaxşı gəlirdi, ay Yaqubov…
Bu hələ harasıdır..?
Dəfələrlə Yaqubovun “Planet” apteklər şəbəkəsində vaxtı keçmiş dərmanların satıldığı üzə çıxıb…
2015-ci ildə Səhiyyə Nazirliyinin qanun pozuntularına yol verdiklərinə görə cəzalandırdığı klinikalar siyahısında “Bioloji Təbabət” MMC da var idi.
Hətta mediada gedən informasiyadan bəlli olur ki, vaxtilə müəyyən qurumlar Yaqubovun apteklərində əməliyyat keçirib.
Elxan Yaqubov həm də öz qanunsuz tikintiləri ilə də sakinlərin ciddi narazılığına səbəb olub.
Belə ki, Elxan Yaqubovun xanımı Səbirə Yaqubova bakıda xeyli torpaq sahəsini özəlləşdirib. Və uşaq bağçasının yerləşdiyi belə ərazilərin birində Yaqubovun ofis binası tikməsi sakinlərin aksiya keçirməsinə səbəb olub.
Sakinlərin sözlərinə görə, E.Yaqubov 120 ailənin istirahət etdiyi bağı da zəbt etmək niyyətindədir: “İl yarımdır ki, burada keşik çəkirik. Keçən il sənəd gətirdilər ki, ərazidə ofis binası tikirik. Bizim müraciətimiz əsasında Yaşıllaşdırma İdarəsi, Bakı Şəhər İcra Hakimiyyəti sərəncamı ləğv etdi. Sakinlərin təkidi ilə tikinti dayandırıldı”.
Ancaq Elxan Yaqubov öz əməlindən geri çəkilmir. Hətta onun adamları sakinləri döyüblər.
Sakinlərin sözlərinə görə E.Yaqubov ərazidə yeni klinika inşa etdirmək istəyir: “Elxan burada çoxmərtəbəli yeni klinika inşa etdirəcək. Yeni bina isə bizim binalarımızın 2 metrliyində tikiləcək. Mənzillərimizin pəncərələri bağlanacaq, evlərə günəş işığı düşməyəcək. Binalardan biri qəzalı vəziyyətdədir. Ötən il burada qaz sızmasından bir mənzil partlayıb, 5 nəfər həlak olub. İndi qəzalı binanın yanında dərin özülün qazılması binamızın çökməsinə səbəb olar”.
Məhəllə sakinləri deyir ki, E.Yaqubovun Bakıda onlarla obyekti var: “Elxanın məhəlləmizdə 6 mərtəbəli ”Bioloji təbabət" klinikası var. “Şamaxinka”da, Yeni Yasamalda və başqa yerlərdə də binalar inşa etdirib.
Şikayətçilər tələblərə məhəl qoyulmayacağı təqdirdə etiraz aksiyalarına başlayacaqlarını deyiblər.
gundelik baki.com
Teref.az olaraq məqalədə toxunulan iddialarla bağlı qarşı tərəfin fikirlərini dərc etməyə hazırıq!
Teref.az

Bu gün Penitensiar Xidmətin 1 saylı cəzaçəkmə müəssisəsinin rəisi Emin Həsənov azərbaycanlı kriminal avtoritet Rövşən Lənkəranskinin ölüm günü ilə bağlı həbsxanada yas mərasimi təşkil edib və ehsan olaraq "çefir" (tünd çay) paylayıb.

Yas mərasimində məhbusların 80%-i iştirak edib.

Həbsxanada yas mərasimi təhlükəsiz keçsin deyə, E.Həsənov cəzaçəkmə müəssisəsinin bütün işçilərini səfərbər edib və onlara "düzül" əmri verilib.

Əldə etdiyim məlumata görə, R.Lənkəranskinin yas mərasimi 1 saylı cəzaçəkmə müəssisəsinin rəisi E.Həsənovun şəxsi tapşırıqları əsasında təşkil edilib.

Sabah isə - 19 avqust "Lotu Quli" ləqəbli avtoritet Nadir Səlifovun anım günüdür. E.Həsənovun "Lotu Quli"nin ölüm günü ilə bağlı yas mərasiminin təşkil olunması üçün tapşırıq verib və hazırda həbsxanda bununla bağlı hazırlıqlar həyata keçirilir.

Prezident İlham Əliyevin rəhbərliyi altında Azərbaycanda aparılan islahatlardan kənarda qalan yeganə və ən problemli sahələrdən biri və birincisi məhz Penitensiar Xidmətdir. Azərbaycan qalib ölkə kimi təhsili, iqtsiadiyyatı inkişaf etdirməyi və ordunu daha da gücləndirməyi, maaarifləndirmə prosesini sürətləndirməyi qarşısına əsas mqəsəd qoyub.

Ancaq belə bir şəraitdə əynində zabit rütbəsi daşıyan 1 saylı cəzaçəkmə müəssisəsinin rəisi E.Həsənovun cinayətkarlığı təbliğ etməsi, məhbusları islah etmək əvəzinə, onları kriminallaşdıran üsullara əl atması rəzalətdir və bu, qanunla hüquqi məsuliyyət yaradır.

E.Həsənov vəzifə səlahiyyətlərindən istifadə edərək bütün məhbusları, cəzaçəkmə müəssisəsinin əməkdaşlarını qanundan kənar mərasimlərin keçirilməsinə cəlb edir, havay ehsan (hələ bu ehsanın hansı pulla verildiyi bilinmir) paylayır.

Bu tip mərasimlərin keçirilməsi Azərbaycanın müasir dövlət idarəçiliyi modelinə tamamilə ziddir.

Azərbaycanda cinayətkarlığın artmasının əsas səbəblərindən biri cəzaçəkmə müəssisələrində islah prosesinin aparılmamasıdır. Ona görə də məhbuslar azadlığa çıxandan sonra yenidən cinayət törədərək həbxanaya yollanır.

Bu prizmadan yanaşsaq, E.Həsənov kimi dövlət məmurlarının Azərbyacan dövlətinə, büdcəsinə, xalqına və cəmiyyətinə hansı həcmdə zərər vurduğunu təsəvvür etmək elə də çətin deyil.

Müəllif: Samir Feyruzov
Azsiyaset.com

Şəhid Sahib Həsənovun anası Vüsalə Gülbala qızı Məmmədova intihara əl atıb. Bu barədə bloger Mehman Hüseynov məlumat paylaşıb.

Məlumatda deyilir ki, xeyli sayda dərman qəbul edən şəhid anasının durumu ağırdır. Hazırda Gəncə Şəhər 3 Saylı Xəstəxanada həyatı ilə çarpışır:



Səbəb bilirsiz nədir? Şəhid anası bir il imiş evinin kirayə haqqını ödəyə bilmirmiş. Dəfələrlə Gəncənin icra başçısı Niyazi Bayramova müraciət etsə də, həmin yekəbaş, korrupsioner başçı Şəhid anasını qəbul etməkdən imtina edirmiş…

Gəncənin icra başçısı Niyazi Bayramov bir şəhid ailəsinə ev verə bilmir, onu qəbul edə bilmir, amma öz qızına Cahan Rəhimova üçün Fransada 30 milyonluq villa tikdirib”.

Qeyd edək ki, Cahan Rəhimova mərhum nazir Azad Rəhimovun gəlinidir.